პოლიტიკა
პალესტინამ ისრაელისგან კოვიდვაქცინის მიღებაზე უარი თქვა
პალესტინის მთავრობამ გააუქმა შეთანხმება, რომლის თანახმადაც ისრაელს მისთვის კორონავირუსის საწინააღმდეგო ვაქცინის მინიმუმ ერთი მილიონი დოზა უნდა მიეწოდებინა. ამის შესახებ ინფორმაციას BBC ავრცელებს. შეთანხმების ფარგლებში ისრაელს პალესტინისთვის უნდა მიეცა Pfizer-ის ვაქცინის მილიონი დოზა, რომელსაც ვადა ივლის-აგვისტოში გასდიოდა, სანაცვლოდ, პალესტინა ისრაელს დაუბრუნებდა ვაქცინის იმავე რაოდენობის დოზებს, რომლებსაც რამდენიმე თვეში Pfizer-ისგან მიიღებს. პალესტინის ჯანდაცვის სამინისტრო განმარტავს, რომ მათი ინფორმაციით, Pfizer-ის დაპირებულ დოზებს ვადა ივნისში გასდის. "ეს არ არის საკმარისი დრო მათ გამოსაყენებლად, ამიტომ უარი ვთქვით მათზე", - განაცხადა ჯანდაცვის მინისტრმა. ჯერჯერობით ისრაელს კომენტარი არ გაუკეთებია.
საგარეო უწყება მოსკოვის მიერ სოფელ აიბღას ნაწილის "თავის ტერიტორიად გაფორმებას" ეხმაურება
საქართველოს საგარეო საქმეთა სამინისტრო მოსკოვის მიერ სოფელ აიბღას ნაწილის "თავის ტერიტორიად გაფორმებას" საქართველოს ოკუპირებული რეგიონების ფაქტობრივი ანექსიისკენ გადადგმულ მორიგ უკანონო ნაბიჯად აფასებს. ამის შესახებ საგარეო უწყებაში Europetime-ს განუცხადეს. "რუსეთის ფედერაცია, რომელიც საქართველოს აფხაზეთისა და ცხინვალის რეგიონების უკანონო ოკუპაციას, ეფექტურ კონტროლსა და ფაქტობრივი ანექსიის პროცესს ახორციელებს, წლებია, დგამს ნაბიჯებს გაგრის მუნიციპალიტეტის სოფელ აიბღას ფორმალური ანექსიის მიმართულებით. მოსკოვის მიერ ოკუპირებული აფხაზეთის რეგიონის სოფელ აიბღას ნაწილის თავის ტერიტორიად გაფორმება რუსეთის საკადასტრო რუკაზე წარმოადგენს საქართველოს ოკუპირებული რეგიონების ფაქტობრივი ანექსიისკენ გადადგმულ მორიგ უკანონო ნაბიჯს. საქართველოს საერთაშორისოდ აღიარებული სახელმწიფო საზღვრების ურღვეობა გარანტირებულია საერთაშორისო სამართლის ფუნდამენტური ნორმებით, გაეროს წესდებითა და ჰელსინკის დასკვნითი აქტით. საქართველოს სუვერენიტეტის, ტერიტორიული მთლიანობისა და საერთაშორისოდ აღიარებული საზღვრების ხელყოფა რუსეთის მიერ კი უხეშად არღვევს საერთაშორისო სამართლის ფუნდამენტურ ნორმებს ისევე, როგორც მოსკოვის მიერ ნაკისრ საერთაშორისო ვალდებულებებს. საქართველო-რუსეთის სახელმწიფო საზღვრის, მათ შორის, აფხაზეთისა და ცხინვალის რეგიონის/სამხრეთ ოსეთი მონაკვეთების დელიმიტაცია-დემარკაციის პროცესი კი ორმხრივ ფორმატში განახლდება მხოლოდ მას შემდეგ, რაც რუსეთის ფედერაცია სრულად შეასრულებს ნაკისრ საერთაშორისო ვალდებულებებს, მოახდენს საქართველოს აფხაზეთისა და რეგიონების სრულ დეოკუპაციას და შეცვლის უკანონო გადაწყვეტილებას მათი ე.წ. დამოუკიდებლობის აღიარების შესახებ", - ნათქვამია საგარეო უწყების განცხადებაში.
თეთრი სახლი უარყოფს გავრცელებულ ინფორმაციას, რომ აშშ-მა უკრაინისთვის 100 მილიონი დოლარის სამხედრო დახმარების პაკეტის მიწოდება დროებით შეაჩერა
თეთრი სახლი უარყოფს გავრცელებულ ინფორმაციას, რომ ჯო ბაიდენის ადმინისტრაციამ უკრაინისთვის 100 მილიონი დოლარის სამხედრო დახმარების პაკეტის მიწოდება დროებით შეაჩერა და განცხადებას ავრცელებს. „მოსაზრება იმის შესახებ, რომ ჩვენ უკრაინისთვის უსაფრთხოების სფეროში დახმარება შევაჩერეთ, აბსურდია. გასულ კვირას, აშშ-რუსეთის სამიტის წინ, ჩვენ უსაფრთხოების სფეროში 150 მილიონი დოლარის პაკეტი გამოვყავით, მათ შორის ლეტალური იარაღი. ჩვენ ახლა მივაწოდეთ კონგრესის მიერ გამოყოფილი თანხა. სამიტამდე ორი დღით ადრე პრეზიდენტმა ბაიდენმა ნატოს სამიტზე მთელი მსოფლიოს წინაშე თქვა, რომ ჩვენ განვაგრძობთ უკრაინისთვის დახმარების გაწევას, რათა მან შეძლოს წინააღმდეგობის გაწევა რუსეთის ფიზიკური აგრესიის წინააღმდეგ. ჩვენ ასევე მოვამზადეთ სარეზერვო თანხები უკრაინაში რუსეთის შემდგომი შეჭრის შემთხვევისთვის. როგორც პრეზიდენტმა ბაიდენმა პირდაპირ უთხრა პრეზიდენტ პუტინს, ჩვენ ურყევი ვიქნებით უკრაინის სუვერენიტეტისა და ტერიტორიული მთლიანობის მხარდაჭერაში“, - ნათქვამია თეთრი სახლის განცხადებაში. ცნობისთვის, მანამდე გამოცემა Politico-მ წყაროებზე დაყრდნობით ინფორმაცია გაავრცელა, რომ ჯო ბაიდენის ადმინისტრაციამ უკრაინისთვის 100 მილიონი დოლარის სამხედრო დახმარების პაკეტის მიწოდება დროებით შეაჩერა. წყაროების ინფორმაციით, ჯო ბაიდენის ადმინისტრაციამ უკრაინისთვის სამხედრო დახმარების პაკეტის მიწოდების გაყინვის გადაწყვეტილება ჯო ბაიდენისა და ვლადიმერ პუტინის სამიტამდე მიიღო. წყაროები აცხადებენ, რომ აშშ-ის ეროვნული უსაფრთხოების საბჭომ აღნიშნული პაკეტი მას შემდეგ შეაჩერა, რაც რუსეთმა განაცხადა, რომ ჯარებს გაიყვანდა უკრაინის საზღვრიდან.
პოლონეთი რუსეთს მასშტაბური კიბერშეტევის განხორციელებაში ადანაშაულებს
პოლონეთის ვიცე პრემიერის იაროსლავ კაჩინსკის განცხადებით, რუსეთმა ფართომასშტაბიანი კიბერშეტევა განახორციელა, რის გამოც სხვადასხვა პოლონელი პოლიტიკოსი დაზარალდა. ამის შესახებ ინფორმაციას Deutsche Welle ავრცელებს. „კიბერშეტევის შედეგად, პოლონეთის ოფიციალური პირები, მინისტრები და სხვადასხვა პოლიტიკური შეხედულებების მქონე დეპუტატები დაზარალდნენ“, - განაცხადა იაროსლავ კაჩინსკიმ. კაჩინსკის თქმით, შესაბამისი ინფორმაცია მას ქვეყნის შინაგან საქმეთა სამინისტრომ და სამხედრო კონტრდაზვერვის სამსახურმა მიაწოდეს. "პოლონეთის დეპარტამენტებისა და მოკავშირეების სადაზვერვო სამსახურების მიერ ჩატარებული ანალიზის შედეგად აშკარად დადგინდა, რომ ჰაკერების თავდასხმა განხორციელდა რუსეთის ფედერაციის ტერიტორიიდან", - შემდეგ აღნიშნა პოლიტიკოსმა. ვიცე პრემიერის განცხადებით, თავდასხმის ერთ-ერთ მიზანს ადგილობრივი საზოგადოებისთვის დარტყმის მიყენება და ქვეყნის დესტაბილიზაცია წარმოადგენდა. იაროსლავ კაჩინსკიმ აღნიშნა, რომ ამ დრომდე მიმდინარეობს მტკიცებულებების შეგროვება. მას არ დაუკონკრეტებია, რა პერიოდში განხორციელდა კიბერშეტევა.
კელი დეგნანი: აშშ-საქართველოს სტრატეგიული პარტნიორობა საქართველოს მიერ მიღწეულ პროგრესს ემყარება
აშშ-საქართველოს შორის სტრატეგიული პარტნიორობა ემყარება პროგრესს, რომელსაც საქართველომ უკვე მიაღწია მათ შორის დემოკრატიული ინსტიტუტების შექმნით. ამის შესახებ ამერიკის ელჩმა კელი დეგნანმა განაცხადა, როდესაც სიტყვით გამოვიდა ღონისძიებაზე „საქართველო: ხედი სილიკონის ველიდან", რომელსაც სან-ფრანცისკოში საქართველოს საკონსულო მასპინძლობდა. ელჩის თქმით, აშშ ძალიან ამაყია, რომ განაგრძობს წვლილის შეტანას საქართველოს ძალისხმევაში, გახდეს სტაბილური და წარმატებული დემოკრატია სრულად ინტეგრირებული ევროატლანტიკური ერების ოჯახში“. კელი დეგნანის თქმით, შეერთებული შტატები მხარს უჭერს საქართველოს ძალისხმევას, გააძლიეროს სასამართლოს დამოუკიდებლობა. „სიხარულით აღვნიშნავ, რომ საქართველოს პოლიტიკური ლიდერები მხარს უჭერენ სასამართლო რეფორმას და შეერთებული შტატები ამ ძალისხმევას ეხმარება“, - განაცხადა კელი დეგნანმა. „ქართველებს სულ უფრო მეტად ესმით, რომ ძლიერი, დამოუკიდებელი ინსტიტუტები აუცილებელია საქართველოს ეკონომიკის განვითარებისათვის“, - აღნიშნა კელი დეგნანმა. ამერიკის საელჩოს ცნობით, ღონისძიებაზე განიხილავდნენ გლობალური გაციფრულების მიმდინარე ტრენდებსა და მის გავლენას სწრაფად განვითარებად სამყაროზე. ასევე, განიხილეს ტექნოლოგიისა და ინფორმაციის ხანაში ადაპტაციის გადაუდებლობის მნიშვნელობა. კელი დეგნანი: ჩვენ ვნახეთ, რომ ამერიკული ბიზნესები და ინვესტორები ელიან მიმზიდველ საინვესტიციო გარემოს, ბიზნეს შესაძლებლობებს
NATO: რუსეთი წლების განმავლობაში უარს ამბობდა "ღია ცის ხელშეკრულების" სრულად შესრულებაზე, მათ შორის, რუსეთ-საქართველოს საზღვართან ახლოს ფრენებზე არასათანადო შეზღუდვების დაწესებით
NATO ეხმაურება რუსეთის საგარეო უწყების მიერ გავრცელებულ ინფორმაციას, რომლის თანახმადაც, ქვეყანა "ღია ცის შეთანხმებას" 18 დეკემბერს დატოვებს. "ჩვენ ღრმად ვწუხვართ, რუსეთის გადაწყვეტილებასთან დაკავშირებით, „ღია ცის შეთანხმებიდან“ გასვლის შესახებ. ეს არის მნიშვნელოვანი სავალდებულო იურიდიული ინსტრუმენტი, რომელიც ხელს უწყობს გამჭვირვალობას, უსაფრთხოებასა და სტაბილურობას, ასევე ურთიერთნდობას ევრო-ატლანტიკურ რეგიონში", - ნათქვამია NATO-ს განცხადებაში. NATO-ში აღნიშნავენ, რომ რუსეთი წლების განმავლობაში უარს ამბობდა „ღია ცის ხელშეკრულების“ ვალდებულებების სრულად შესრულებაზე, მათ შორის, კალინინგრადის ოლქის თავზე და რუსეთ-საქართველოს საზღვართან ახლოს ფრენებზე არასათანადო შეზღუდვების დაწესებით. "ჩვენ გამუდმებით მოვუწოდებდით რუსეთს დაბრუნებულიყო შეთანხმების სრულ შესაბამისობაში და გადავდგით ბევრი ნაბიჯი. ამის ნაცვლად, რუსეთმა ვერ შეძლო კონსტრუქციული მონაწილეობა და არ გადადგა ნაბიჯები სრულ შესაბამისობაში დაბრუნებისკენ. ჩვენ ვაგრძელებთ რუსეთთან კონსტრუქციული ურთიერთობისკენ სწრაფვას, როდესაც რუსეთის ქმედებები ამის შესაძლებლობას იძლევა. მოვუწოდებთ რუსეთს გამოიყენოს დარჩენილი ექვსი თვე, სანამ მისი გადაწყვეტილება ძალაში შევა, გადახედოს თავის გადაწყვეტილებას და სრულ შესაბამისობაში დაუბრუნდეს ღია ცის შესახებ ხელშეკრულებას", - აღნიშნულია განცხადებაში. რუსეთის საგარეო საქმეთა სამინისტროს ინფორმაციით, ქვეყანა "ღია ცის შეთანხმებას" 18 დეკემბერს დატოვებს. სამინისტროს განმარტებით, "ღია ცის შეთანხმების" გაუქმების შესახებ შესაბამისი კანონი და დადგენილება 18 ივნისიდან ძალაში შევიდა. ამასთან დაკავშირებით რუსეთის მხარემ საელჩოების საშუალებით შეტყობინებები გაუგზავნა შეთანხმებაში მონაწილე მხარეებს. "რუსეთის მხარემ ყველა მონაწილე ქვეყანას აცნობა შეთანხმებიდან გასვლის გადაწყვეტილების შესახებ. ასე რომ, ეს მოხდება შეტყობინების გაგზავნიდან 6 თვეში, ანუ 18 დეკემბერს", - აცხადებენ საგარეო უწყებაში. 28 მაისს სახელმწიფო დეპარტამენტის წარმომადგენელმა განაცხადა, რომ აშშ "ღია ცის შესახებ ხელშეკრულებას" აღარ დაუბრუნდება. ცნობისთვის, "ღია ცის შეთანხმების" თანახმად, რომელიც 2002 წელს მიიღეს და რომლის ხელმომწერი 30-ზე მეტი ქვეყანა, მათ შორის აშშ და რუსეთია, მონაწილე ქვეყნებს შეუძლიათ ერთმანეთის ტერიტორიაზე აწარმოონ შეუიარაღებელი საჰაერო თვალთვალი, მისი მიზანი კი გამჭვირვალობის ზრდა და შეიარაღებების კონტროლია. შეთანხმება ვაშინგტონმა გასულ წელს დატოვა და მიზეზად რუსეთის მიერ ხელშეკრულების პირობების მუდმივად დარღვევა დაასახელა.
ვენეციის კომისიამ საქართველოს საარჩევნო კოდექსის შესწორებების პროექტთან დაკავშირებით დასკვნა გამოაქვეყნა
ეუთო/ოდირმა და ვენეციის კომისიამ საარჩევნო კოდექსში შესატანი ცვლილებების შესწორებულ პროექტთან დაკავშირებით ერთობლივი დასკვნა გამოაქვეყნეს. დასკვნაში აღნიშნულია, რომ ვენეციის კომისია და ეუთო/ოდირი კიდევ ერთხელ ხაზს უსვამენ საარჩევნო კანონის სტაბილურობის მნიშვნელობას, რაც საარჩევნო პროცესებში საზოგადოების ნდობის წინაპირობაა. დოკუმენტში წინასწარი შენიშვნის სახით ნათქვამია, რომ ნებისმიერი წარმატებული ცვლილება საარჩევნო და პოლიტიკური პარტიების კანონმდებლობაში უნდა ემყარებოდეს მინიმუმ შემდეგ სამ არსებით ელემენტს: 1. მკაფიო და ყოვლისმომცველი კანონმდებლობა, რომელიც შეესაბამება საერთაშორისო ვალდებულებებსა და სტანდარტებს, ითვალისწინებს წინა რეკომენდაციებს; 2. კანონმდებლობის მიღება ფართო კონსენსუსის საფუძველზე, ყველა შესაბამის დაინტერესებულ მხარესთან ფართო საზოგადოებრივი კონსულტაციების შემდეგ; 3. ამგვარი კანონმდებლობის სრულად, კეთილსინდისიერად შესრულების პოლიტიკური ვალდებულება. "კონსულტაციისა და ამგვარი ცვლილებების მომზადების ღია და გამჭვირვალე პროცესი ზრდის ნდობას ნდობას მიღებული კანონმდებლობისა და სახელმწიფო ინსტიტუტების მიმართ", - ნათქვამია დოკუმენტში. ვენეციის კომისია და ოდირი აცნობიერებენ, რომ საარჩევნო კოდექსში შესწორებული ცვლილებების პროექტი მომზადებულია მმართველ პარტიასა და რამდენიმე ოპოზიციურ პარტიას შორის მჭიდრო თანამშრომლობით. "ეს განსაკუთრებით საგულისხმოა ყველა არჩეული ოპოზიციური პარტიის მიერ საპარლამენტო ბოიკოტის ფონზე, 2020 წლის ოქტომბრის საპარლამენტო არჩევნების შემდეგ და იმ ფაქტის გამო, რომ ოპოზიციური პარტიების უმეტესობას მონაწილეობა არ მიუღია საწყისი ცვლილებების პროექტის მომზადებაში, რომელიც შეფასდა პირველ ერთობლივ საგანგებო დასკვნაში 2021 წლის 30 აპრილს.2021 წლის 19 აპრილის პოლიტიკური შეთანხმება, რამდენიმე ოპოზიციური პარტიის მიერ პარლამენტში დაბრუნება და შეთანხმების საფუძველზე საარჩევნო კოდექსში შესატანი ცვლილებების პროექტის გადასინჯვა ეროვნული კანონმდებლობის საერთაშორისო სტანდარტებსა და რეკომენდაციებთან შესაბამისობაში მოყვანის მიზნით აშკარად მისასალმებელია - თუმცა ყველა არჩეულ ოპოზიციურ პარტიას ჯერჯერობით შეთანხმებისთვის ხელი არ მოუწერია და საპარლამენტო მანდატები არ მიუღია", - აღნიშნულია დოკუმენტში. ვენეციის კომისია და ოდირი კიდევ ერთხელ ხაზს უსვამენ საარჩევნო კანონის სტაბილურობის მნიშვნელობას. "ეს საარჩევნო პროცესებში საზოგადოების ნდობის წინაპირობაა და გულისხმობს, რომ საარჩევნო კანონმდებლობა, და განსაკუთრებით მისი ფუნდამენტური ელემენტები, მომდევნო არჩევნებამდე რაც შეიძლება დიდი ხნით ადრე უნდა შეიცვალოს. იმის გათვალისწინებით, რომ შემდეგი ადგილობრივი არჩევნები 2021 წლის ოქტომბერში უნდა ჩატარდეს, მიმდინარე რეფორმის დრო იდეალური არ არის. ამასთან, ის მისაღებია იმ რეფორმასთან დაკავშირებით მიღწეული საკმაოდ ფართო პოლიტიკური კონსენსუსის ფონზე, რომელიც ეროვნულ კანონმდებლობას საერთაშორისო სტანდარტებსა და წინა რეკომენდაციებთან აახლოებს. ამასთან, როგორც უკვე ითქვა პირველ ერთობლივ სასწრაფო დასკვნაში, საქართველოში საარჩევნო კანონმდებლობის ხშირი შესწორების პრაქტიკა ქმნის საარჩევნო პროცესის მთლიანობის შელახვისა და დემოკრატიის კონსოლიდაციისკენ მიმართული მიმდინარე ძალისხმევის შელახვის რისკს. შესაბამისად, კვლავ ძალაში რჩება მოწოდება საქართველოს საარჩევნო კანონის უფრო ყოვლისმომცველი და სისტემური რეფორმისკენ. ყურადღება უნდა მიექცეს მომავალი რეფორმის დროს დარჩენილი პრობლემებისა და შეუსრულებელი რეკომენდაციების მოგვარებას, რათა თავიდან იქნას აცილებული ხშირი ცვლილებები და მიღწეულ იქნას სტაბილურობა", - აღნიშნულია დასკვნაში. დასკვნის თანახმად, საქართველოში საარჩევნო კანონმდებლობაში ხშირი ცვლილებების შეტანის პრაქტიკა საარჩევნო პროცესის მთლიანობისა და დემოკრატიის კონსოლიდაციისკენ მიმართული მცდელობების შერყევის საფრთხეს ქმნის. ამიტომ საჭიროა საარჩევნო კანონის უფრო სრულყოფილი და სისტემური რეფორმა და ყველა რეკომენდაციისა გათვალისწინება, „რათა თავიდან იქნას აცილებული ხშირი ცვლილებები და მიღწეულ იქნას სტაბილურობა“. "ამ პერსპექტივაში, სასურველია, რომ ნებისმიერი მომავალი რეფორმა არ შემოიფარგლებოდეს მხოლოდ მიკრომენეჯმენტით და უფრო გლობალური მიდგომა იქნას გამოყენებული. უფრო მეტიც, ვენეციის კომისიასა და ოდირს კიდევ ერთხელ სურთ ხაზგასმით აღნიშნონ, რომ პროცესის მართვა მხოლოდ ყველა დაინტერესებულ მხარეს შორის დიალოგის გზით შეიძლება განხორციელდეს", - აღნიშნულია დოკუმენტში. პირველ ერთობლივ სასწრაფო დასკვნაში შეტანილი ძირითადი რეკომენდაციები ეხებოდა საარჩევნო ადმინისტრაციის ორგანოებს, განსაკუთრებით მათ შემადგენლობას და მათი წევრებისა და თავმჯდომარეების არჩევას / დანიშვნას. 2021 წლის 19 აპრილის პოლიტიკური შეთანხმების საფუძველზე, ამ მხრივ შესწორებულია ცვლილებების პროექტი. შესწორებების პროექტის განახლებული ვერსია ითვალისწინებს ძირითადი რეკომენდაციების მნიშვნელოვან ელემენტებს, განსაკუთრებით: 1. ცენტრალური საარჩევნო კომისიის თავმჯდომარისა და არაპარტიული წევრების არჩევისთვის შემოღებული იყო კვალიფიციური (ორი მესამედი) საპარლამენტო უმრავლესობის ხმა, საბოლოო ჩიხის საწინააღმდეგო მექანიზმით; პარტიის მიერ საარჩევნო კომისიაში წევრის დანიშვნის უფლების სპეციფიკური შეზღუდვები, ანუ პირობები, რომ პარტიას აქვს სახელმწიფო დაფინანსების უფლება და რომ პარტიის რომელიმე წევრი მაინც „ახორციელებს პარლამენტის წევრის საქმიანობას“, ასეთ შემთხვევაში პარტიების გამოკლება, რომლებიც პარლამენტის ბოიკოტს ახორციელებენ, მოხსნილია. როგორც ითქვა, მთავარი რეკომენდაციების კიდევ რამდენიმე ელემენტი რჩება შეუსრულებელი: ცესკო-ს არაპარტიული წევრებისთვის უფრო მეტი უფლებამოსილებების მოთხოვნა და მრავალფეროვანი შემადგენლობის უზრუნველყოფა შესარჩევ კომისიაში, რომელიც ატარებს გამჭვირვალე, დამსახურებაზე დაფუძნებულ წარდგენის პროცესს; 2. საოლქო საარჩევნო კომისიების და საუბნო საარჩევნო კომისიების წევრების შერჩევის შესახებ დებულებების პროექტში დამატებით ცვლილებების შეტანა, რათა უზრუნველყოფილი იყოს სხვა საკითხებთან ერთად, არაპარტიული წევრების დანიშვნის გამჭვირვალე, ნამდვილად დამსახურებაზე დაფუძნებული პროცესი. პარტიზანული წევრები; მეტიც, უნდა გაგრძელდეს საუბნო საარჩევნო კომისიის წევრობის განაცხადების წარდგენისა და განხილვის ვადები; კანონში მკაფიოდ იყოს განსაზღვრული, თუ რა საფუძველი შეიძლება ჰქონდეს პარტიის მიერ წარდგენილი საარჩევნო კომისიის წევრების თანამდებობიდან გადაყენებას; ამგვარი გათავისუფლება დასაშვები უნდა იყოს მხოლოდ განსაკუთრებული შემთხვევებში და ძალიან კონკრეტული მიზეზებით; პირველი ერთობლივი სასწრაფო დასკვნის გამოქვეყნების შემდეგ, კანონპროექტში შენარჩუნებულია საარჩევნო კოდექსში ცვლილებების შეტანის რამდენიმე პოზიტიური პროექტი. მათ შორის, ადმინისტრაციული რესურსის ბოროტად გამოყენების წინააღმდეგ ბრძოლის, არჩევნების შედეგების დადგენის პროცესის განმტკიცებისა და საარჩევნო დავების გადაწყვეტის პროცესის გაღრმავების ღონისძიებების ჩათვლით. ამავე დროს, პირველი ერთობლივი გადაუდებელი მოსაზრებით ფორმულირებული მრავალი რეკომენდაცია კვლავ ძალაშია და უნდა იქნას გათვალისწინებული მომავალი რეფორმების დროს, მათ შორის, იქ რომელიც მიმართულია კენჭისყრის დღეს პარტიული წარმომადგენლების ყოფნის და საარჩევნო კამპანიის აკრძალვა საარჩევნო უბნების მიმდებარე ტერიტორიებზე; ეს ადგილები მკაფიოდ უნდა იყოს განსაზღვრული (მაგალითად, 100 მეტრის პერიმეტრი იმ ოთახიდან, სადაც განთავსებულია საარჩევნო ყუთი); ყოვლისმომცველი მარეგულირებელი ჩარჩოს მიღება, რომელიც განსაზღვრავს გადათვლის და ბათილად ცნობის მისანიჭებლად და ჩასატარებლად მკაფიო და ობიექტურ კრიტერიუმებს, შედეგების დათვლისა და ცხრილში გამჭვირვალე, სამართლიანი და ერთიანი პრაქტიკის უზრუნველსაყოფად და არჩევნების შემდგომი დავების განხილვაში; დაბოლოს, შესწორებული ცვლილების პროექტი შეიცავს რამდენიმე ახალ ელემენტს, რომლებიც შემდგომ გადასინჯვას საჭიროებს, მათ შორის: უნდა გადაიხედოს ცესკო-ს არაპარტიული წევრების კანდიდატებისთვის ხმის მიცემის სხვადასხვა რაუნდს შორის პერიოდის მნიშვნელოვანი შემცირება, ოთხიდან ერთ კვირამდე, შესწორებული კანონპროექტის მე–2 მუხლის მე-12 პუნქტის გარდამავალ დებულებებში; უნდა გადაიხედოს საარჩევნო კოდექსის პროექტის 196-ე მუხლის მე-20 და 22-ე პუნქტების გარდამავალი დებულებები და შესწორებების პროექტის მე-2 მუხლის მეორე და მეოთხე პუნქტები, რომლებიც ეხება პარტიების მიერ ცესკოს წევრების დანიშვნის უფლებას; ცესკო-ს საკონსულტაციო ჯგუფის შემადგენლობა და ფუნქციები უფრო მკაფიოდ უნდა იყოს დარეგულირებული კანონში; გადაიხედოს საოლქო და საუბნო უპარტიო წევრების რაოდენობის მნიშვნელოვანი ზრდის საკითხი; საარჩევნო კომისიებში საჩივრების წარდგენის უფლება არ უნდა შემოიფარგლოს საარჩევნო დავებზე უფლებამოსილი პირების ელექტრონულ რეესტრში რეგისტრირებული პირებით; ასეთი შესაძლო რეესტრი შეიძლება გამოყენებულ იქნას საჩივრების პროცესის ხელშესაწყობად, მაგრამ ამან არ უნდა შეზღუდოს უბრალო მოქალაქეებს საჩივრის წარდგენის უფლება. "კანონის სტაბილურობას გადამწყვეტი მნიშვნელობა აქვს საარჩევნო პროცესის სანდოობისთვის, რაც თავისთავად მნიშვნელოვანია დემოკრატიის კონსოლიდაციისთვის. წესებმა, რომელიც ხშირად იცვლება - და განსაკუთრებით რთულმა წესებმა - შესაძლოა ამომრჩეველში დაბნეულობა გამოიწვიოს. უპირველეს ყოვლისა, ამომრჩეველმა შეიძლება დაასკვნას, სწორად ან არასწორად, რომ საარჩევნო კანონი უბრალოდ იარაღია ძლიერთა ხელში და რომ საკუთარ ხმას მცირე წონა აქვს არჩევნების შედეგების გადაწყვეტისას. საქართველოში საარჩევნო კანონმდებლობაში ხშირი ცვლილებების შეტანით საფრთხე ემუქრება საარჩევნო პროცესის მთლიანობას და დემოკრატიის კონსოლიდაციის მიზნით სახელმწიფოს მუდმივ მცდელობებს", - ნათქვამია დოკუმენტში.
კელი დეგნანი: ჩვენ ვნახეთ, რომ ამერიკული ბიზნესები და ინვესტორები ელიან მიმზიდველ საინვესტიციო გარემოს, ბიზნეს შესაძლებლობებს
„აშშ ძალიან ამაყია, რომ განაგრძობს წვლილის შეტანას საქართველოს ძალისხმევაში, გახდეს სტაბილური და წარმატებული დემოკრატია სრულად ინტეგრირებული ევროატლანტიკური ერების ოჯახში“, - ამის შესახებ ამერიკის ელჩმა კელი დეგნანმა განაცხადა, როდესაც სიტყვით გამოვიდა ღონისძიებაზე „საქართველო: ხედი სილიკონის ველიდან", რომელსაც სან-ფრანცისკოში საქართველოს საკონსულო მასპინძლობდა. კელი დეგნანის თქმით, შეერთებული შტატები მხარს უჭერს საქართველოს ძალისხმევას, გააძლიეროს სასამართლოს დამოუკიდებლობა. ეს კი არსებითად მნიშვნელოვანია ისეთი ბიზნეს კლიმატის შექმნისთვის, რომელიც მოიზიდავს უცხოურ ინვესტიციებს. „ჩვენ ვნახეთ, რომ ამერიკული ბიზნესი და ინვესტორები ელიან მიმზიდველ საინვესტიციო გარემოს, ბიზნეს შესაძლებლობებს და ძლიერ ინოვაციებს. მათ სურთ სანდო, ფუნქციონირებადი სასამართლო სისტემა. ამერიკის საელჩო აქ არის, რომ დაეხმაროს ამერიკული და ქართული ბიზნესების დაკავშირებას. მე ველი ეკონომიკური წინსვლის გაგრძელებას, რომელიც ვნახეთ და ჩვენს ძლიერ ჩართულობას ამ სფეროში“, - აღნიშნა ელჩმა კელი დეგნანმა. „დიჯიტალიზაციის პროცესი დაჩქარდა და ქმნის შესაძლებლობებს სტარტაპ სექტორში. საქართველო ავითარებს ტექნოლოგიურ ბაზარს, რომელიც აშშ-ის ბიზნესს ინვესტიციებს მრავალფეროვან შესაძლებლობებს სთავაზობს“, - განაცხადა ამერიკის ელჩმა. ელჩის განცხადებით, აშშ-საქართველოს შორის სტრატეგიული პარტნიორობა ემყარება პროგრესს, რომელსაც საქართველომ უკვე მიაღწია მათ შორის დემოკრატიული ინსტიტუტების შექმნით. „სიხარულით აღვნიშნავ, რომ საქართველოს პოლიტიკური ლიდერები მხარს უჭერენ სასამართლო რეფორმას და შეერთებული შტატები ამ ძალისხმევას ეხმარება“, - განაცხადა კელი დეგნანმა. „ქართველებს სულ უფრო მეტად ესმით, რომ ძლიერი, დამოუკიდებელი ინსტიტუტები აუცილებელია საქართველოს ეკონომიკის განვითარებისათვის“, - აღნიშნა კელი დეგნანმა. ამერიკის საელჩოს ცნობით, ღონისძიებაზე განიხილავდნენ გლობალური გაციფრულების მიმდინარე ტრენდებსა და მის გავლენას სწრაფად განვითარებად სამყაროზე. ასევე, განიხილეს ტექნოლოგიისა და ინფორმაციის ხანაში ადაპტაციის გადაუდებლობის მნიშვნელობა.
კულტურის კომიტეტში საავტორო და მომიჯნავე უფლებათა დაცვის კანონში ცვლილებებზე მომუშავე სამუშაო ჯგუფი შეიქმნება
კულტურის კომიტეტში საქართველოში მოღვაწე ავტორთა და შემსრულებელთა კოლექტიური მიმართვის თაობაზე იმსჯელეს. ამის შესახებ ინფორმაციას საქართველოს პარლამენტის პრესსამსახური ავრცელებს. მათივე ცნობით, საქართველოში მოქმედმა სამასამდე ავტორმა და შემსრულებლმა საავტორო უფლებათა ასოციაციის მიერ ნაწარმოებების საჯარო შესრულებისას ჰონორარების შეგროვებასა და განაწილებაში შექმნილ პრობლემებზე პარლამენტის კულტურის კომიტეტს წერილობით მიმართეს. წერილში ნათქვამია, რომ მათთვის გაუგებარი და მიუღებელია რა პრინციპით ხდება შეგროვებული ჰონორარის ცალკეულ ავტორებზე განაწილება. ეს პროცესი აზარალებს ავტორებს და შემსრულებლებს, ლახავს მათთვის კანონმდებლობით მინიჭებულ უფლებებს და უარყოფითად აისახება მათ შემოსავალზე. სხდომაზე მოუსმინეს საკითხით დაინტერესებულ ყველა მხარეს. არსებული გამოწვევის შესახებ ისაუბრეს მუსიკოსებმა, ასევე საავტორო უფლებათა ასოციაციის ხელმძღვანელმა გიგა კობალაძემ და საქართველოს საავტორო უფლების მფლობელთა ასოციაციის (GERA) წარმომადგენელმა ლაშა მდივანმა. საჯარო მსჯელობის შედეგად მხარეები შეთანხმდნენ, რომ კულტურის კომიტეტთან შეიქმნება საკანონმდებლო ცვლილებებზე მომუშავე სამუშაო ჯგუფი, რომლის შემადგენლობაშიც იქნებიან კულტურის სფეროს წარმომადგენლები, ექსპერტები და ყველა დაინტერესებული მხარის წარმომადგენლები. „საკითხი ძალიან აქტუალურია, რადგან კონკრეტული ადამიანების ფინანსურ მდგომარეობს და ღირსებას ეხება, ადამიანებს, რომლებიც ქმნიან მუსიკას და ემსახურებიან კულტურას და ჩვენს ქვეყანას. ჩვენ შევქმნით სამუშაო ჯგუფს, უმოკლეს ვადაში ეს სფერო იქნება ყველა მიმართულებით დარეგულირებული და დამკვიდრდება სამართლიანი თამაშის წესები“, - განაცხადა კულტურის კომიტეტის თავმჯდომარის პირველმა მოადგილემ ირაკლი მეზურნიშვილმა.
სალომე ზურაბიშვილმა რომის პაპს პატრიარქის საჩუქარი გადასცა
საქართველოს პრეზიდენტმა სალომე ზურაბიშვილმა ვატიკანში ოფიციალური ვიზიტისას მის უწმინდესობასთან, რომის პაპ ფრანცისკესთან აუდიენცია გამართა. ამის შესახებ ინფორმაციას პრეზიდენტის ადმინისტრაცია ავრცელებს. როგორც ცნობილია, საქართველოს პრეზიდენტმა რომის პაპს საჩუქრად გადასცა მეფე დემეტრე I-ის ავტორობით შექმნილი საგალობლის „შენ ხარ ვენახი“ ხელნაწერი ნოტები, რომელიც სპეციალურად რომის პაპისათვის გადაიწერა, წიგნი ქართული კულტურის შესახებ და წიგნი საქართველოს ოკუპირებულ ტერიტორიებზე არსებული ქართული მართლმადიდებლური ტაძრების შესახებ და საქართველოს სხვადასხვა კუთხის საუკეთესო ღვინოების ნაკრები. ასევე, გადასცა პატრიარქის საჩუქარი. სალომე ზურაბიშვილმა რომის პაპთან პირისპირ შეხვედრისას რეგიონში შექმნილი ვითარება და რეგიონულ ჭრილში საქართველოს როლი განიხილა სალომე ზურაბიშვილი რომის პაპ ფრანცისკეს შეხვდა
დავით ზალკალიანმა გაეროს გენერალური მდივნის მოადგილესთან ოკუპირებულ რეგიონებში შექმნილი ვითარება, მათ შორის უკანონოდ დაკავებული ადამიანების საკითხი განიხილა
საქართველოს ვიცე-პრემიერი, საგარეო საქმეთა მინისტრი დავით ზალკალიანი, ანტალიის დიპლომატიური ფორუმის ფარგლებში, გაეროს გენერალური მდივნის მოადგილეს, მიროსლავ იენჩას შეხვდა. ამის შესახებ ინფორმაციას საგარეო საქმეთა სამინისტრო ავრცელებს. უწყების ცნობით, შეხვედრის მთავარ თემას წარმოადგენდა საქართველოს ოკუპირებულ რეგიონებში შექმნილი მძიმე ჰუმანიტარული ვითარება და ადამიანის უფლებების მხრივ არსებული გარემო, ასევე გაეროს მნიშვნელოვანი როლი ჟენევის საერთაშორისო მოლაპარაკებებში და საოკუპაციო რეჟიმის მიერ უკანონოდ დაკავებული საქართველოს მოქალაქეების საკითხი. "განსაკუთრებული ყურადღება დაეთმო ზაზა გახელაძის უკანონო პატიმრობის თემას და აღინიშნა, რომ ყველაფერი უნდა გაკეთდეს საერთაშორისო თანამეგობრობის ჩართულობით, რათა მისი უკანონო პატიმრობიდან გათავისუფლება მოხდეს. შეხვედრაზე საუბარი ასევე შეეხო გაეროს მნიშვნელოვან როლს ჟენევის საერთაშორისო მოლაპარაკებებში და ყურადღება გამახვილდა იმაზე, თუ რა კონკრეტული ნაბიჯები უნდა გადაიდგას მოლაპარაკებათა პროცესში მთავარ საკითებზე, რაც უკავშირდება 2008 წლის აგვისტოს ცეცხლის შეწყვეტის შესახებ შეთანხმების შესრულებას, ძალის არგამოყენების შესახებ შეთანხმების ხელმოწერასა და დევნილთა უსაფრთხო დაბრუნების საკითხებს. რეგიონში შექმნილ ვითარებაზე საუბრისას, გაეროს გენერალური მდივნის მოადგილემ მაღალი შეფასება მისცა ქართული მხარის ფასილიტაციას და საქართველოს პრემიერ-მინისტრის ჩართულობას, რომლის შედეგადაც მნიშვნელოვანი ჰუმანიტარული შედეგის მიღწევა მოხერხდა აზერბაიჯანსა და სომხეთს შორის",- ნათქვამია ინფორმაციაში. დავით ზალკალიანი: დიპლომატიის როლის ხაზგასმა განსაკუთრებით მნიშვნელოვანია გლობალური და რეგიონალური გამოწვევების საპასუხოდ დავით ზალკალიანი: ანტალიის ფორუმზე ყურადღებას გავამახვილებ საქართველოს სამშვიდობო პოლიტიკასა და ბოლო პერიოდში გამოკვეთილ როლზე დავით ზალკალიანი ანტალიის დიპლომატიურ ფორუმში იღებს მონაწილეობას
ირაკლი ღარიბაშვილი: ვაფასებთ საქართველოს საჭიროებებზე მსოფლიო ბანკის სწრაფ რეაგირებას და პანდემიის პერიოდში აქტიურ ჩართულობას
საქართველოს პრემიერ-მინისტრი ირაკლი ღარიბაშვილი ევროპისა და ცენტრალური აზიის რეგიონში მსოფლიო ბანკის ვიცე-პრეზიდენტ ანა ბიერდესთან გამართულ შეხვედრას სოციალურ ქსელ Twitter-ში ეხმაურება. „ნაყოფიერი შეხვედრა გვქონდა ევროპისა და ცენტრალური აზიის რეგიონში მსოფლიო ბანკის ვიცე-პრეზიდენტ ანა ბიერდესთან. ჩვენ ვაფასებთ მსოფლიო ბანკის სწრაფ რეაგირებას საქართველოს საჭიროებებზე და აქტიურ ჩართულობას პანდემიის პერიოდში. განვიხილეთ ჩვენი ეფექტიანი თანამშრომლობა და მიმდინარე და სამომავლო პროექტები, ასევე საქართველოში რეფორმების პროცესი და ჩვენი მიზნები პანდემიის შემდგომ პერიოდში“, - წერს ირაკლი ღარიბაშვილი. მსოფლიო ბანკის ვიცე-პრეზიდენტი: საქართველო არის წარმატებული რეფორმატორი ირაკლი ღარიბაშვილი: მსოფლიო ბანკი მზად არის, გაუწიოს კონსულტაცია მთავრობას ათწლიანი სტრატეგიული გეგმების დამუშავების მიმართულებით
დავით ზალკალიანი: დიპლომატიის როლის ხაზგასმა განსაკუთრებით მნიშვნელოვანია გლობალური და რეგიონალური გამოწვევების საპასუხოდ
დავით ზალკალიანი ანტალიაში საერთაშორისო დიპლომატიურ ფორუმს ესწრება. "პატივია ვესწრებოდე ანტალიის დიპლომატიურ ფორუმს, ჩემი კოლეგის და მეგობრის, თურქეთის საგარეო საქმეთა მინისტრის, მევლუთ ჩავუშოღლუს მოწვევით. ლიდერთა მსგავსი სახის შეხვედრა და დიპლომატიის როლის ხაზგასმა განსაკუთრებით მნიშვნელოვანია გლობალური და რეგიონალური გამოწვევების საპასუხოდ”- წერს საქართველოს ვიცე-პრემიერი, საგარეო საქმეთა მინისტრი დავით ზალკალიანი Twitter-ზე. ღონისძიების მონაწილეებს მიმართა და კონფერენცია გახსნა თურქეთის რესპუბლიკის საგარეო საქმეთა მინისტრმა, მევლუთ ჩავუშოღლუმ და თურქეთის რესპუბლიკის პრეზიდენტმა რეჯეფ თაიფ ერდოღანმა. საქართველოს საგარეო უწყების ხელმძღვანელი, ფორუმის ფარგლებში, აზერბაიჯანელ კოლეგასთან ერთად მონაწილეობას მიიღებს სამუშაო სესიაზე “სამხრეთ კავკასია: ახალი შესაძლებლობები რეგიონალური მშვიდობისა და თანამშრომლობისთვის”. დავით ზალკალიანი: ანტალიის ფორუმზე ყურადღებას გავამახვილებ საქართველოს სამშვიდობო პოლიტიკასა და ბოლო პერიოდში გამოკვეთილ როლზე
სალომე ზურაბიშვილმა რომის პაპთან პირისპირ შეხვედრისას რეგიონში შექმნილი ვითარება და რეგიონულ ჭრილში საქართველოს როლი განიხილა
საქართველოს პრეზიდენტმა ვატიკანში ოფიციალური ვიზიტისას მის უწმინდესობასთან, რომის პაპ ფრანცისკესთან აუდიენცია გამართა. ამის შესახებ ინფორმაციას პრეზიდენტის ადმინისტრაცია ავრცელებს. მათივე ცნობით, პრეზიდენტის ვიზიტით თანამშრომლობის ახალი ეტაპი იწყება ვატიკანთან. "შეხვედრისას ხაზი გაესვა სახელმწიფოთა შორის ურთიერთობების გაღრმავებას. საქართველოსთვის უდიდესი მნიშვნელობა აქვს იმას, რომ ვატიკანთან ქართული კულტურის, განათლებისა და მეცნიერების მიმართულებით ურთიერთობები გაღრმავდეს და განმტკიცდეს. პრეზიდენტმა რომის პაპთან პირისპირ შეხვედრისას რეგიონში შექმნილი ვითარება და რეგიონულ ჭრილში საქართველოს როლი განიხილა. საუბარი შეეხო ბოლო პერიოდში განვითარებულ მოვლენებს. ხაზი გაესვა აზერბაიჯანსა და სომხეთს შორის საქართველოს მედიაციის მნიშვნელობას. საუბრისას პრეზიდენტმა აღნიშნა, რომ დიალოგის გარეშე კონფლიქტების დაძლევა და სიტუაციის დეესკალაცია შეუძლებელია. საქართველოს პრეზიდენტმა შეხვედრისას საქართველოს ოკუპირებულ ტერიტორიებზე შექმნილი მძიმე ჰუმანიტარული მდგომარეობისა და ადამიანის უფლებების დარღვევის ფაქტებზე ისაუბრა, მათ შორის, გადაადგილების თავისუფლების შეზღუდვისა და ადამიანთა გატაცებების შესახებ, რომელზეც მუშაობა ძალიან მნიშვნელოვანი საკითხია. პრეზიდენტმა ხაზი გაუსვა იმ მნიშვნელოვან მიმართულებებს, რომლის განვითარების შესაძლებლობებიც გაიხსნა კულტურასა და განათლებაში ამ დღეებში გამართული შეხვედრების შედეგად. საუბარი შეეხო ბავშთა ონკოლოგიის საკითხებს, რომელიც საქართველოსათვის ერთ-ერთი სერიოზული საკითხია და ამ მიმართულებით თანამშრომლობის შესახებ ვატიკანის ბავშვთა საავადმყოფომ მზაობა გამოხატა, რაც საქართველოსათვის ძალიან სასიხარულო ფაქტია. საქართველოს პრეზიდენტმა რომის პაპთან კლიმატის ცვლილებისა და გარემოს დაცვის საკითხებთან დაკავშირებით ისაუბრა და ყურადღება გაამახვილა პატარა ქვეყნების როლზე და მათი გაძლიერების მნიშვნელობაზე, რადგან პატარა ქვეყნებს ცალ-ცალკე არ შესწევთ ძალა, რომ მსგავს გლობალურ თემებთან დაკავშირებით გაიტანოთ საკუთარი ხმა და პოზიცია. საქართველოს პრეზიდენტმა რომის პაპთან შეხვედრისას აღნიშნა, რომ ოკუპირებულ ტერიტორიებზე არსებული ქართული მართლმადიდებლური ტაძრების საკითხი საქართველოსათვის ძალიან მნიშვნელოვანი საკითხია. საქართველოს პრეზიდენტმა რომის პაპს საჩუქრად გადასცა მეფე დემეტრე I-ის ავტორობით შექმნილი საგალობლის „შენ ხარ ვენახი“ ხელნაწერი ნოტები, რომელიც სპეციალურად რომის პაპისათვის გადაიწერა, წიგნი ქართული კულტურის შესახებ და წიგნი საქართველოს ოკუპირებულ ტერიტორიებზე არსებული ქართული მართლმადიდებლური ტაძრების შესახებ და საქართველოს სხვადასხვა კუთხის საუკეთესო ღვინოების ნაკრები. ასევე, გადასცა პატრიარქის საჩუქარი.
მსოფლიო ბანკის ვიცე-პრეზიდენტი: საქართველო არის წარმატებული რეფორმატორი
საქართველო არის წარმატებული რეფორმატორი და საქართველო მალევე დაუბრუნდება რეფორმების დღის წესრიგსა და პროგრამას, რასაც ჩვენ დიდი სიამოვნებით დავუჭერთ მხარს, – ამის შესახებ მსოფლიო ბანკის ვიცე-პრეზიდენტმა ევროპასა და ცენტრალური აზიის რეგიონში ანა ბიერდემ პრემიერ-მინისტრ ირაკლი ღარიბაშვილთან ერთობლივ ბრიფინგზე განაცხადა. როგორც მსოფლიო ბანკის ვიცე-პრეზიდენტმა აღნიშნა, მსოფლიო ბანკი მომავალშიც დაეხმარება საქართველოს, ვაქცინაციის კუთხით. "ჩვენ მრავალპლატფორმული დახმარება გვაქვს საქართველოსთვის, ერთ-ერთი წარმატებული პროგრამა საქართველოში ხორციელდება, ვაქცინაციის კუთხით და ეს არ არის ერთი არხი, ერთი საშუალება. ჩვენ დიდი სიამოვნებით დავეხმარებით ქვეყანას შემდგომშიც, ვაქცინაციის პროგრამის ფარგლებში. ჯანდაცვის სფეროს გარდა, მსოფლიო ბანკი საქართველოს ეხმარება მიკრო, მცირე და საშუალო ზომის საწარმოების გაძლიერებაში. ეს ის სფეროა, სადაც მთელ რეგიონში ძალიან დიდი მოთხოვნა არსებობს და ჩვენ საქართველოს ამ კუთხით დიდი სიამოვნებით ვეხმარებით. ჩვენ უნდა ვახსენოთ, რომ მნიშვნელოვანია სამუშაო ადგილების შენარჩუნება და ამ კუთხით ჩვენთვის აქტუალური გახდა ეს სეგმენტი. საქართველოს პრემიერ-მინისტრს მომავალზეც ვესაუბრეთ, დიდი სურვილი გვაქვს, რომ ახალი სტრატეგიის შემუშავებაში მონაწილეობა მივიღოთ. ჩვენ ვფიქრობთ, რომ ჩვენი დახმარება იქნება აქტუალური. მინდა ვთქვა, რომ საქართველო არის წარმატებული რეფორმატორი და ის მალე დაუბრუნდება რეფორმების დღის წესრიგს და პროგრამას ჩვენ დიდი სიამოვნებით მხარს დავუჭერთ“, -განაცხადა ანა ბიერდემ. მისივე თქმით, მსოფლიო ბანკი დაეხმარება საქართველოს ციფრული ეკონომიკისა და ბევრი სხვა მიმართულებით. "მიგვაჩნია, რომ გაციფროვნება და ციფრული ეკონომიკა არის ის მიმართულება, რომელზეც ჩვენ დავეხმარებით ქვეყანას. ჩვენ უკვე ვეხმარებით საქართველოს Log in Georgia-ს პროექტის ფარგლებში, რომელიც ძალიან ახლოს არის ჩემს გულთან. ეს პროგრამა გულისხმობს როგორც სოფლად, ასევე ქალაქად მრავალი ათასი ადამიანის ჩართულობას მაღალი სიჩქარის ინტერნეტში და ეს მიმართულება კიდევ უფრო უნდა გაძლიერდეს. ეკონომიკის გაძლიერებისა და განვითარების კუთხით მიმაჩნია, რომ ამბიციური პროგრამა და გეგმა არსებობს ქვეყანაში მცირე და საშუალო საწარმოების განვითარების თვალსაზრისით, ასევე, სიღრმისეული მიმართულება არსებობს კონკურენციის და დინამიური ეკონომიკის განვითარების კუთხით. და ბოლოს, ჩვენ ძალიან გვაინტერესებს ის მიმართულება, რომელიც გულისხმობს გარემოს დაცვას, მდგრად განვითარებას, არის კიდევ რამდენიმე სექტორი, რომელიც ჩვენთვის ძალიან მნიშვნელოვანია – კლიმატის ცვლილებები და ამ მიმართულებით მედეგობის განვითარება, სოფლის მეურნეობა და ა.შ. საბოლოო ჯამში უნდა ვთქვა, რომ მაკროეკონომიკურ სტაბილურობას არასოდეს მოვაშორებთ თვალს, ეს ძალიან მნიშვნელოვანია ყველა ქვეყნისთვის, მათ შორის საქართველოსთვის, მაგრამ აქაც ძალიან გვახარებს, რომ რეაგირების ის პროგრამა, რომელიც ქვეყანაში ხორციელდება ძალიან კარგი იყო, ეხმარებოდა ქვეყანას და მომავალშიც ასე გაგრძელდება", - განაცხადა ანა ბიერდემ.
ირაკლი ღარიბაშვილი: მსოფლიო ბანკი მზად არის, გაუწიოს კონსულტაცია მთავრობას ათწლიანი სტრატეგიული გეგმების დამუშავების მიმართულებით
ქალბატონ ანა ბიერდესს ვთხოვე, რომ მსოფლიო ბანკი აქტიურად ჩაერთოს და კონსულტაცია მივიღოთ, იმისათვის, რომ კიდევ უფრო მკაფიოდ განისაზღვროს ყველა სექტორის მიმართულება, ჩვენი მთავრობის მიმართულება და პოლიტიკა. ეს შეეხება ათწლიანი სტრატეგიული გეგმების დამუშავებას, რაზეც მე მივიღე პოზიტიური პასუხი ქალბატონი ანასგან, რომ მსოფლიო ბანკი მზად არის, გაუწიოს კონსულტაცია მთავრობას ამ მიმართულებითაც“, - ამის შესახებ საქართველოს პრემიერ-მინისტრმა ირაკლი ღარიბაშვილმა, მსოფლიო ბანკის ვიცე-პრეზიდენტ, ანა ბიერდესთან შეხვედრის შემდეგ, ბრიფინგზე განაცხადა. როგოც მთავრობის მეთაურმა აღნიშნა, მსოფლიო ბანკის მიერ გაწეული მხარდაჭერა მნიშვნელოვანი კონტრიბუციაა საქართველოს ეკონომიკისთვის. „მივესალმები ჩვენს ძვირფას სტუმარს, მსოფლიო ბანკის ვიცე-პრეზიდენტს, ქალბატონ ანა ბიერდესს, რომელიც გვეწვია საქართველოში. ქალბატონ ანასთან მქონდა პროდუქტიული შეხვედრა. ჩვენ ვისაუბრეთ იმ ძალიან წარმატებულ თანამშრომლობაზე, რომელიც საქართველოს მსოფლიო ბანკთან აკავშირებს. ჩვენ განვიხილეთ ჩვენი პროექტები, ის ძალიან მნიშვნელოვანი პორტფელი, რომელსაც მსოფლიო ბანკი მართავს ჩვენს ქვეყანაში. მინდა შეგახსენოთ, რომ პორტფელის საერთო მოცულობა შეადგენს 2,7 მილიარდ ამერიკულ დოლარს, რომელიც წლების განმავლობაში გამოიყო ეკონომიკის სხვადასხვა სექტორის, დაახლოებით 70-მდე პროექტის დასაფინანსებლად. ამჟამად ბანკის მიმდინარე 13 აქტიური პროექტის მოცულობა შეადგენს დაახლოებით მილიარდ დოლარს, რაც მნიშვნელოვანი კონტრიბუციაა ჩვენი ქვეყნის ეკონომიკისთვის. მე მადლიერებით მინდა აღვნიშნო მსოფლიო ბანკის ჩართულობა თითქმის ყველა მიმართულებით, მათ შორის ინფრასტუქტურის, სოფლის მეურნეობის, განათლების მიმართულებით. ვისაუბრეთ ასევე პროფესიული განათლების საჭიროებებზე და ამ მიმართულებით ერთობლივად უფრო მეტი ძალისხმევის განხორციელებაზე. ასევე ენერგეტიკის მიმართულებით, ციფრული ტექნოლოგიების მიმართულებით, რომელზეც ერთობლივად ვმუშაობთ და ვთანამშრომლობთ. ასევე ქალბატონ ანას გავაცანით ჩვენი ხედვა, რომელიც შეეხება მოკლევადიანი და გრძელვადიანი გეგმების მომზადებას. მთავრობა აქტიურად მუშაობდა ბოლო თვეების განმავლობაში ამ მიმართულებით. ჩვენ უკვე პირველი დრაფტი, დოკუმენტი, რომელიც იქნება ხელმისაწვდომი უკვე მათ შორის ჩვენი ძალიან წარმატებული დონორისთვის, მსოფლიო ბანკისთვის და მე მას ვთხოვე აქტიურად ჩართვა ამ პროცესში, რათა მეტი რჩევა და კონსულტაცია მივიღოთ ამ მიმართულებით, იმისათვის რომ კიდევ უფრო მკაფიოდ განისაზღვროს ყველა სექტორის მიმართულება, ჩვენი მთავრობის მიმართულება და პოლიტიკა. ეს შეეხება ათწლიანი სტრატეგიული გეგმების დამუშავებას, რაზეც მე მივიღე პოზიტიური პასუხი ქალბატონი ანასგან, რომ მსოფლიო ბანკი მზად არის, გაუწიოს კონსულტაცია მთავრობას ამ მიმართულებითაც“, - განაცხადა ირაკლი ღარიბაშვილმა.
ანტონიო გუტერეში გაეროს გენერალურ მდივნად მეორე ვადით დაამტკიცეს
გაეროს გენერალურმა ასამბლეამ ანტონიო გუტერეში ორგანიზაციის გენერალურ მდივნად მეორე ვადით დანიშნა. ანტონიო გუტერეში გაეროს გენერალური მდივნის თანამდებობას მეორე ვადით 2022 წლის 1-ლი იანვრიდან 2026 წლის 31 დეკემბრამდე დაიკავებს. აღსანიშნავია, რომ ანტონიო გუტერეში ერთადერთი კანდიდატი იყო, რომელიც გაეროს გენერალურ ასამბლეას წარუდგინეს. მანამდე მას მხარდაჭერა გაერო-ს უსაფრთხოების საბჭომ გამოუცხადა. ის გაეროს რიგით მეცხრე გენერალური მდივანია. გაერო-ს გენერალურ მდივანს ხუთი წლის ვადით ირჩევენ. ცნობისთვის, ანტონიო გუტერეშმა გაერო-ს გენერალური მდივნის პოსტზე პან გი მუნი 2017 წელს შეცვალა. 1995-2002 წლებში ის პორტუგალიის პრემიერ-მინისტრის თანამდებობას იკავებდა, ხოლო 2005-2015 წლებში გაერო-ს ლტოლვილთა სააგენტოს ხელმძღვანელად იყო დანიშნული.
დავით ზალკალიანი: ანტალიის ფორუმზე ყურადღებას გავამახვილებ საქართველოს სამშვიდობო პოლიტიკასა და ბოლო პერიოდში გამოკვეთილ როლზე
"ანტალიის დიპლომატიურ ფორუმზე ყურადღებას გავამახვილებ საქართველოს სამშვიდობო პოლიტიკაზე და ბოლო პერიოდში გამოკვეთილ როლზე",- ამის შესახებ საგარეო საქმეთა მინისტრმა დავით ზალკალიანმა განაცხადა. ინფორმაციას "პირველი არხი" ავრცელებს. ზალკალიანის თქმით, პანელში, რომელშიც მიიღებს მონაწილეობას, ძირითადი აქცენტები გაკეთდება რეგიონზე. „ფორუმი უაღრესად წარმომადგენლობითია, 50 ქვეყნის უმაღლესი თანამდებობის პირი ესწრება, მათ შორის პრეზიდენტები, საგარეო საქმეთა მინისტრები, საქართველოც არის ერთ-ერთი სტუმარი ამ ფორუმის. მე წარმოვადგენ ჩვენს ქვეყანას. მნიშვნელოვანია, რომ პანელზე, რომელშიც მივიღებ მონაწილეობას, ძირითადი აქცენტები გაკეთდება რეგიონზე. სამხრეთ კავკასია დღევანდელ გეოპოლიტიკურ სიტუაციაში უაღრესად მნიშვნელოვან როლს თამაშობს. რა თქმა უნდა, ბოლო პერიოდში განვითარებული მოვლენები იქნება ძირითადი ფოკუსის საგანი და ბუნებრივია, ყურადღებას გავამახვილებ იმ სამშვიდობო პოლიტიკაზე, რომელიც საქართველოს აქვს რეგიონში, ასევე ბოლო პერიოდში გამოკვეთილ როლზე. მოგეხსენებათ, როგორი მნიშვნელოვანი იყო საქართველოს პრემიერ-მინისტრის ფასილიტაციით ჩვენს მეზობელ სომხეთსა და აზერბაიჯანს შორის სიტუაციის დეესკალაციისკენ გადადგმული ნაბიჯები. ამ თვალსაზრისით კიდევ არსებობს შესაძლებლობა, რომ საქართველომ გააღრმავოს საკუთარი როლი, მნიშვნელობა და ბუნებრივია, ამ თემებზე მექნება ყურადღება გამახვილებული. გარდა ამისა, რა თქმა უნდა, ვისაუბრებ უშუალოდ საქართველოსთან მიმართებით უსაფრთხოების გამოწვევებზე, რომელიც აქტუალური არის ჩვენთვის და როგორ უნდა მოხდეს საერთაშორისო თანამეგობრობის მეტად ჩართულობა ჩვენი კონფლიქტის მოწესრიგებასთან მიმართებით. რა თქმა უნდა, ასევე რამდენიმე ორმხრივი შეხვედრა მექნება, მათ შორის უკრაინელ კოლეგასთან. ბუნებრივია, ჩვენ ვისაუბრებთ იმ ერთობლივ ქმედებებზე , რომელიც დავგეგმეთ 17 მაისს კიევში ვიზიტის დროს, კერძოდ „ასოცირებული ტრიოს“ ფორმატში, უახლოეს სამოქმედო პერსპექტივებზე, ასევე კონფლიქტებთან მიმართებაში ერთობლივ კოორდინაციაზე. ასევე შეხვედრა მექნება გაერო-ს გენერალური მდივნის მოადგილესთან, რომელიც ასევე ერთ-ერთი მთავარი აქტორია საქართველოში კონფლიქტების მოწესრიგების კუთხით და ბუნებრივია, ოკუპირებულ ტერიტორიებზე შექმნილი სიტუაცია იქნება ჩვენი დისკუსიის ერთ-ერთი მთავარი საკითხი“, – განაცხადა დავით ზალკალიანმა. შეგახსენებთ, რომ 2021 წლის 18-19 ივნისს დავით ზალკალიანი ანტალიას ეწვევა, სადაც მონაწილეობას მიიღებს ანტალიის დიპლომატიურ ფორუმში.
ავიაკომპანია Uzbekistan Airways-ი საქართველოს მიმართულებით რეგულარული ფრენების სიხშირეს ზრდის
4 ივლისიდან, ავიაკომპანია Uzbekistan Airways-ი საქართველოს მიმართულებით რეგულარული ფრენების სიხშირეს ზრდის. ავიაკომპანია დამატებით რეისს "ტაშკენტი - თბილისი - ტაშკენტის" მიმართულებით კვირა დღესაც შეასრულებს. საერთო ჯამში, კვირაში სამი რეგულარული ფრენა შესრულდება: სამშაბათს, პარასკევს და კვირას.
აშშ-ის პრეზიდენტის ადმინისტრაციის ინფორმაციით, რუსეთისგან სარაკეტო კომპლექსების შეძენის საკითხზე აშშ-სა და თურქეთს შორის დიალოგი გაგრძელდება
Reuters-ის ინფორმაციით, ეროვნული უსაფრთხოების საკითხებში აშშ-ის პრეზიდენტის მრჩეველმა, ჯეიკ სალივანმა განაცხადა, რომ შტატებისა და თურქეთის პრეზიდენტები ავღანეთის თემაზე შეთანხმდნენ, თუმცა რუსული სარაკეტო კომპლექსის, „ეს-400“-ის საკითხი კვლავ არ გადაჭრილა. როგორც სალივანი ამბობს, ბაიდენი და ერდოღანი ავღანეთის თემაზე კონკრეტულად შეთანხმდნენ, რომ ამ ტერიტორიიდან უცხოელი ჯარისკაცების გასვლის პერიოდში ქაბულის აეროპორტის უსაფრთხოების დაცვაში თურქი სამხედროები წამყვან როლს შეასრულებენ. ამასთან, სალივანის განცხადებით, თურქეთის მიერ რუსეთისგან სარაკეტო კომპლექსების შეძენის საკითხზე შეთანხმება არ შედგა და დიალოგი გაგრძელდება.
