ახალი ამბები
პრეზიდენტის განცხადებით, დღეს „პარლამენტი“ „ერთადერთ“ კანდიდატს „ირჩევს“, რაც დემოკრატიის დაცინვაა
დღეს „პარლამენტი“ „ერთადერთ“ კანდიდატს „ირჩევს“, რაც დემოკრატიის დაცინვაა, ეს საქართველოს ევროპულ გზასა და დემოკრატიულ მომავალს ვერასდროს შეაჩერებს! - შესაბამისი პოსტი საქართველოს პრეზიდენტმა X-ზე განათავსა. „ერთი წლის წინ საქართველომ კანდიდატის სტატუსი მიიღო და დღეს ცენტრალური კომისიის მსგავსი „პარლამენტი“ „ერთადერთ“ კანდიდატს „ირჩევს“, რაც დემოკრატიის დაცინვაა. ეს საქართველოს ევროპულ გზასა და დემოკრატიულ მომავალს ვერასდროს შეაჩერებს!“ - წერს საქართველოს პრეზიდენტი. მანვე აღნიშნა, რომ თბილისში ნაძვის ხე პოლიციის მიერ არის დაცული და „დაპატიმრებული.“ „ნაძვის ხე, რომელიც იმ პოლიციური სახელმწიფოს სიმბოლოა, როგორადაც „ქართული ოცნება“ საქართველოს გადაქცევას ცდილობს, პოლიციის მიერ არის დაცული და „დაპატიმრებული“, - წერს სალომე ზურაბიშვილი. ცნობისთვის, პარლამენტის შენობაში არაპირდაპირი წესით პირველად ირჩევენ პრეზიდენტს 5 წლის ვადით. კოლეგიას ძირითადად „ქართული ოცნება“ წარმოადგენს და შესაბამისად აქვს ერთადერთი კანდიდატის მიხეილ ყაველაშვილის პრეზიდენტად არჩევის შესაძლებლობაც. კენჭისყრაში მონაწილეობენ მხოლოდ "ქართული ოცნების" დელეგატები და არ მონაწილეობენ ბარიერგადალახული ოპოზიციური პარტიები, რომლებიც 26 ოქტომბრის არჩევნებს არალეგიტიმურად მიიიჩნევენ. ვინ შედის 300-წევრიან კოლეგიაში კოლეგიის წევრთა 300-წევრიანი სია ცესკომ 2 დეკემბერს დაამტკიცა. კოლეგიის შემადგენლობაშია: საქართველოს პარლამენტი - 150 წევრი [ყველა წევრი - ოპოზიციის არყოფნის მიუხედავად]; აჭარის ავტონომიური რესპუბლიკის უმაღლესი წარმომადგენლობითი ორგანო - 21 წევრი [ყველა წევრი]; აფხაზეთის ავტონომიური რესპუბლიკის უმაღლესი წარმომადგენლობითი ორგანო - 20 წევრი [ყველა წევრი]; პოლიტიკური პარტიები ადგილობრივი თვითმმართველობის წარმომადგენლობითი ორგანოების [საკრებულო] შემადგენლობიდან - 109 წევრი.
სამხრეთ კორეის პარლამენტმა პრეზიდენტ იუნ სუკ იოლის იმპიჩმენტს მხარი დაუჭირა
სამხრეთ კორეის უფლებამოსილებაშეჩერებულმა პრეზიდენტმა იუნ სუკ იოლმა ქვეყნის პარლამენტის მიერ მისთვის იმპიჩმენტის გამოცხადების შემდეგ განაცხადა, რომ დანებებას არ აპირებს. „მე არ დავნებდები. ჩემი მისამართით გამოხატული მხარდაჭერის გათვალისწინებით ამ ქვეყნისთვის ბოლო მომენტამდე ყველაფერს გავაკეთებ,“ - განაცხადა იუნ სუკ იოლმა. მისივე თქმით, „ახლა მას დროებით გაჩერება მოუწევს, მაგრამ მომავლის გზა, რომელიც ხალხთან ერთად ბოლო ორი წლის განმავლობაში გაიარა, არ უნდა შეჩერდეს.“ დღეს, 14 დეკემბერს, სამხრეთ კორეის პარლამენტმა იუნ სუკ იოლის იმპიჩმენტს მხარი დაუჭირა. პრეზიდენტისთვის იმპიჩმენტის გამოცხადებას ხმა 204-მა პარლამენტარმა მისცა. ახლა იუნ სუკ იოლის იმპიჩმენტი სამხრეთ კორეის საკონსტიტუციო სასამართლომ უნდა დაამტკიცოს. ამ დროის განმავლობაში მას უფლებამოსილება შეუჩერდება და სამხრეთ კორეის პრეზიდენტის მოვალეობას პრემიერ-მინისტრი, ჰან დაკ-სო შეასრულებს.
უამინდობის გამო, 14 დეკემბერს დაგეგმილი სამგზავრო მატარებლების რეისები უქმდება - რკინიგზა
უამინდობის გამო უქმდება 14 დეკემბერს აღმოსავლეთ საქართველოდან დასავლეთისკენ და დასავლეთიდან აღმოსავლეთისკენ მიმავალი სამგზავრო მატარებლების რეისები, - ამის შესახებ განცხადებას საქართველოს რკინიგზა ავრცელებს. როგორც გავრცელებულ განცხადებაშია ნათქვამი, ბილეთის საფასური მგზავრებს სრულად აუნაზღაურდებათ და რკინიგზის სალაროებსა და კომპანიის ვებ-გვერდზე შეძენილი ბილეთების დაბრუნება მოხდება საქართველოს რკინიგზის სალაროებში 10 დღის ვადაში. “ძვირფასო მგზავრებო! უღელტეხილზე არსებული უამინდობის, კერძოდ დიდთოვლობისა და ძლიერი ქარის გამო,წიფის,მოლითისა და ხაშურის ქვესადგურებიდან ელექტროენერგია არ მიეწოდება საუღელტეხილო მონაკვეთს, რის გამოც შეფერხებებით მოძრაობს სამგზავრო მატარებლები. უამინდობის გამო უქმდება 14 დეკემბერს აღმოსავლეთ საქართველოდან დასავლეთისკენ და დასავლეთიდან აღმოსავლეთისკენ მიმავალი სამგზავრო მატარებლების რეისები. საქართველოს რკინიგზა მგზავრობის საფასურს მგზავრებს სრულად აუნაზღაურებს. აქვე განვმარტავთ, რომ რკინიგზის სალაროებსა და კომპანიის ვებ-გვერდზე შეძენილი ბილეთების დაბრუნება მოხდება საქართველოს რკინიგზის სალაროებში 10 დღის ვადაში. რაც შეეხება სხვა ვებ გვერდებზე შეძენილ ბილეთებს, მათი დაბრუნება მოხდება ონლაინ რეჟიმში 10 დღის განმავლობაში. ბოდიშს გიხდით შექმნილი დისკომფორტის გამო”, - ნათქვამია განცხადებაში.
აფხაზეთის უმაღლესი საბჭოს კვოტით წარმოდგენილი ადა მარშანია აცხადებს, რომ მხარს არ უჭერს ყაველაშვილის კანდიდატურას
„უკეთესად უნდა მოგეფიქრებინათ,“ აფხაზეთის ავტონომიური რესპუბლიკის უმაღლესი საბჭოს წევრმა ადა მარშანიამ ყაველაშვილის პრეზიდენტად არჩევის მიმდინარეობისას საარჩევნო ყუთში ცარიელ ბიულეტენი ჩააგდო. როგორც მან განაცხადა, ყაველაშვილის წარდგენით “ქართულმა ოცნებამ” ზიანი ქვეყანასაც მიაყენა და საკუთარ თავსაც. მარშანიას თქმით, მას ყაველაშვილის კანდიდატურა არ მოსწონს, ამიტომ, საარჩევნო ყუთში ცარიელ ბიულეტენს აგდებს. „თქვენ, ყველამ ერთად საქართველოსაც ზიანი მიაყენეთ და თქვენ თავსაც როგორ პოლიტიკურ ძალას. მე არ შემოვხაზავ, ცარიელს, შემოუხაზავს ვაგდებ,” - განაცხადა ადა მარშანიამ. დღეს რამდენიმე ათეული ახალგაზრდა, დილით 7 საათიდან ფილარმონიასთან შეიკრიბა და მსვლელობით მივიდა პარლამენტის შენობასთან. პრეზიდენტი სალომე ზურაბიშვილი მიიჩნევს, რომ ლეგიტიმური პარლამენტის არჩევის შემდეგ უნდა ჩატარდეს ლეგიტიმური საპრეზიდენტო არჩევნები. მანამდე კი, როგორც განმარტავს, ლეგიტიმურ პრეზიდენტად ის თავად დარჩება. 14 დეკემბერს საქართველოს პრეზიდენტი სალომე ზურაბიშვილი რუსთაველის გამზირზე დილით 09:30 საათისთვის პარლამენტის შენობის მოპირდაპირე მხარეს იმ დროს მივიდა, როცა პარლამენტის შენობაში არაპირდაპირი გზით პრეზიდენტის არჩევნები მიმდინარებდა. „ყველაფერი ვთქვი, ახლა მივდივარ სამსახურში. გამატარეთ," - განუცხადა მედიას სალომე ზურაბიშვილმა, რომელიც ტრადიციულად, სამსახურში მისასვლელად არ სარგებლობს რუსთაველის გამზირის იმ მონაკვეთით, სადაც 14 დეკემბერს გამოჩნდა. პრეზიდენტმა მოგვიანებით, სოციალურ ქსელში დაწერა, რომ დღეს „პარლამენტი“ „ერთადერთ“ კანდიდატს „ირჩევს“, რაც დემოკრატიის დაცინვაა - ეს საქართველოს ევროპულ გზასა და დემოკრატიულ მომავალს ვერასდროს შეაჩერებს!“ ცნობისთვის, პარლამენტის შენობაში არაპირდაპირი წესით პირველად ირჩევენ პრეზიდენტს 5 წლის ვადით. კოლეგიას ძირითადად „ქართული ოცნება“ წარმოადგენს და შესაბამისად აქვს ერთადერთი კანდიდატის მიხეილ ყაველაშვილის პრეზიდენტად არჩევის შესაძლებლობაც. კენჭისყრაში მონაწილეობენ მხოლოდ "ქართული ოცნების" დელეგატები და არ მონაწილეობენ ბარიერგადალახული ოპოზიციური პარტიები, რომლებიც 26 ოქტომბრის არჩევნებს არალეგიტიმურად მიიიჩნევენ. ვინ შედის 300-წევრიან კოლეგიაში კოლეგიის წევრთა 300-წევრიანი სია ცესკომ 2 დეკემბერს დაამტკიცა. კოლეგიის შემადგენლობაშია: საქართველოს პარლამენტი - 150 წევრი [ყველა წევრი - ოპოზიციის არყოფნის მიუხედავად]; აჭარის ავტონომიური რესპუბლიკის უმაღლესი წარმომადგენლობითი ორგანო - 21 წევრი [ყველა წევრი]; აფხაზეთის ავტონომიური რესპუბლიკის უმაღლესი წარმომადგენლობითი ორგანო - 20 წევრი [ყველა წევრი]; პოლიტიკური პარტიები ადგილობრივი თვითმმართველობის წარმომადგენლობითი ორგანოების [საკრებულო] შემადგენლობიდან - 109 წევრი.
პრეზიდენტის არჩევის პარალელურად, პარლამენტთან აქცია იმართება
რუსთაველის გამზირზე აქციის მონაწილეებს გარემოსდამცველთა მარში შეუერთდა. გარემოს დამცველები რესპუბლიკის მოედანზე შეიკრიბნენ და რუსთაველის გამზირზე მსვლელობა გამართეს. მათ სხვადასხვა შინაარსის ბანერები და საქართველოსა და ევროკავშირის დროშები აქვთ მიტანილი. ასევე სკანდირებენ - „საქართველო.“ მოქალაქეები, პარლამენტში საპრეზიდენტო არჩევნების მიმდინარეობას აპროტესტებენ, რადგან ეს „არალეგიტიმური პროცესია.“ აქციის მონაწილეებს ადგილზე დიპლომები და ბურთები აქვთ მიტანილი. დღის განმავლობაში პარლამენტის შენობისკენ რამდენიმე ლოკაციიდან სხვადასხვა სფეროს წარმომადგენელთა მსვლელობაც იგეგმება. აქციის პარალელურად, პარლამენტის მიმდებარე ტერიტორიაზე საპოლიციო ძალის მობილიზებაა. კრიმინალური და საპატრულო პოლიციის თანამშრომლები იმყოფებიან 9 აპრილისა და ჭიჭინაძის ქუჩებზეც. ასევე, შსს-ს თანამშრომლები პარლამენტის წინ რკინის ჯებირებით შემოფარგლულ ტერიტორიაზეც არიან განლაგებულები, სადაც დედაქალაქის მთავარი საახალწლო ნაძვის ხე დგას. საპოლიციო ძალები ასევე მობილიზებულები არიან თავისუფლების მოედანზეც, სადაც წყლის ჭავლის მანქანებიც დგას. 14 დეკემბერს საქართველოს პრეზიდენტი სალომე ზურაბიშვილი რუსთაველის გამზირზე დილით 09:30 საათისთვის პარლამენტის შენობის მოპირდაპირე მხარეს იმ დროს მივიდა, როცა პარლამენტის შენობაში არაპირდაპირი გზით პრეზიდენტის არჩევნები მიმდინარებდა. „ყველაფერი ვთქვი, ახლა მივდივარ სამსახურში. გამატარეთ," - განუცხადა მედიას სალომე ზურაბიშვილმა, რომელიც ტრადიციულად, სამსახურში მისასვლელად არ სარგებლობს რუსთაველის გამზირის იმ მონაკვეთით, სადაც 14 დეკემბერს გამოჩნდა. პრეზიდენტმა მოგვიანებით, სოციალურ ქსელში დაწერა, რომ დღეს „პარლამენტი“ „ერთადერთ“ კანდიდატს „ირჩევს“, რაც დემოკრატიის დაცინვაა - ეს საქართველოს ევროპულ გზასა და დემოკრატიულ მომავალს ვერასდროს შეაჩერებს!“ 11:30 საათის მონაცემებით, პრეზიდენტის არჩევნებში მონაწილეობა კოლეგიის 170-მა წევრმა მიიღო. კანდიდატი პირველივე ტურში არჩეულად ითვლება, თუ ის მიიღებს კოლეგიის 200 ხმას. ცნობისთვის, პარლამენტის შენობაში არაპირდაპირი წესით პირველად ირჩევენ პრეზიდენტს 5 წლის ვადით. კოლეგიას ძირითადად „ქართული ოცნება“ წარმოადგენს და შესაბამისად აქვს ერთადერთი კანდიდატის მიხეილ ყაველაშვილის პრეზიდენტად არჩევის შესაძლებლობაც. კენჭისყრაში მონაწილეობენ მხოლოდ "ქართული ოცნების" დელეგატები და არ მონაწილეობენ ბარიერგადალახული ოპოზიციური პარტიები, რომლებიც 26 ოქტომბრის არჩევნებს არალეგიტიმურად მიიიჩნევენ. ვინ შედის 300-წევრიან კოლეგიაში კოლეგიის წევრთა 300-წევრიანი სია ცესკომ 2 დეკემბერს დაამტკიცა. კოლეგიის შემადგენლობაშია: საქართველოს პარლამენტი - 150 წევრი [ყველა წევრი - ოპოზიციის არყოფნის მიუხედავად]; აჭარის ავტონომიური რესპუბლიკის უმაღლესი წარმომადგენლობითი ორგანო - 21 წევრი [ყველა წევრი]; აფხაზეთის ავტონომიური რესპუბლიკის უმაღლესი წარმომადგენლობითი ორგანო - 20 წევრი [ყველა წევრი]; პოლიტიკური პარტიები ადგილობრივი თვითმმართველობის წარმომადგენლობითი ორგანოების [საკრებულო] შემადგენლობიდან - 109 წევრი.
ზურაბიშვილი პრეზიდენტის ხვალინდელ არჩევას პროვოკაციას და პაროდიას უწოდებს: „აქ ვარ და აქ ვიქნები“
საქართველოს პრეზიდენტი აცხადებს, რომ „ქართულმა ოცნებამ“ ყველაფერი პაროდიად აქცია. ამის შესახებ სალომე ზურაბიშვილმა განაცხადა, როდესაც საუბრობდა პარლამენტის მიერ ხვალ დაგეგმილ არჩევნებზე - პრეზიდენტის არჩევაზე. მანამდე, მან კახა კალაძე პროვოკაციაში დაადანაშაულა და ის ე.წ. მერად მოიხსენია. სალომე ზურაბიშვილი საუბრობს ნაძვის ხის ანთების ღონისძიებაზე, რომელიც კახა კალაძის თქმით, 14 დეკემბერს გაიმართება. მანამდე, სახელმწიფო უსაფრთხოების სამსახურის განცხადება გავრცელდა, რომლის მიხედვით, „დესტრუქციული და დანაშაულებრივი ქმედებების ორგანიზატორები გეგმავენ, 2024 წლის 14 დეკემბერს, საქართველოს პრეზიდენტის არჩევნების პროცესი არ შედგეს - ამ მიზნით, დანაშაულის ორგანიზატორთა მიერ განიხილება სიტუაციის მაქსიმალურად დაძაბვა, რასაც უნდა მოჰყვეს 2-3 ადამიანის მსხვერპლი.“ „დავიწყებ ხვალინდელი დღით და იმ უაზრო პროვოკაციით, რომელსაც გვიწყობს ქალაქის ე.წ. მერი, რომელმაც დაგეგმა ხვალ, 19:00 საათზე ვითომდა ნაძვის ხის ანთება ბავშვებთან ერთად. ეს აშკარა პროვოკაციაა, რამეთუ ორი კვირაა უკვე, იმ ადგილას, იმ დროს უწყვეტად არის გამოხატული პროტესტი და რადგანაც ხვალ პარლამენტში იმართება პაროდია, იმ დღეს უთუოდ იქნება ძალიან დიდი პროტესტი. იმ ადგილას მოწყობა ამ ღონისძიების, სწორედ ხვალ, სწორედ 19:00 საათზე, სწორედ პარლამენტის წინ - ყველას კარგად გვესმის, ეს რას ნიშნავს, რატომ არის გაკეთებული და რას ემსახურება. იმ ადგილას, სხვათა შორის, სადაც თავად ექიმები ამბობენ, რომ გაზით არის გაჟღენთილი ხეებიც და ალბათ, სასურველი არ არის იქ ბავშვების მოყვანა,“ აღნიშნა პრეზიდენტმა. ზურაბიშვილმა კალაძეს შესთავაზა, ორბელიანების სასახლესთან მოაწყოს ღონისძიება. პრეზიდენტის შეფასებით, თუ რამე მოხდება, ამაზე პასუხისმგებლობა კახა კალაძეს დაეკისრება. „მე მინდა, გავაფრთხილო ქალაქის მერი, რომ მისი პროვოკაცია ალბათ არაფერს გამოიწვევს, იმიტომ, რომ ეს პროტესტი, რომელიც გაშლილი არის ქალაქში და ხვალაც იქნება და ზეგაც, არის ძალიან მშვიდობიანი და თავად მოახერხებენ ამ პროვოკაციის თავიდან აცილებას, მაგრამ, მე მინდა, მაინც ვუთხრა ქალაქის მერს, რომ თუ ეს პროვოკაცია არ არის, რაღა ხვალ, მოდის ბარბარობა, რომელიც ბევრად უფრო ბუნებრივია, გადაიტანოს და მე ვთავაზობ ორბელიანის წინ, სადაც დააყენა თვითონ რაღაც ბარაკები და ბავშვებისთვის ვითომ სათამაშოები, აქ მოიყვანოს ბავშვები და ორბელიანების სასახლის წინ მოაწყოს ის ღონისძიება, რომელსაც აპირებდა პარლამენტის წინ. მაგრამ, რაც არ უნდა მოხდეს, თუ რამე მოხდა, პასუხისმგებლობა მთლიანად და მხოლოდ პირადად მასზე იქნება,” - განაცხადა ზურაბიშვილმა. პრეზიდენტის შეფასებით, პაროდიაა, რაც ხვალ პარლამენტში მოხდება. „მეორე პროვოკაცია არის ხვალ რაც ხდება პარლამენტში. პროვოკაცია თუ პაროდია - ალბათ უფრო პაროდია, რადგან არალეგიტიმური პროცესი მოჰყვება მთელ რიგ არაკონსტიტუციურ ქმედებებს,“ აღნიშნა პრეზიდენტმა და მან ასევე პაროდია უწოდა „ხალხის ძალის მიერ საპარლამენტო უმრავლესობის დატოვებას და “ოპოზიციაში გადასვლას.“ „ამას უკვე კავშირი არ ქვს რაიმე პოლიტიკურ პროცესთან, სახელმწიფო გაგვიხადეს პაროდიად. ეს ყველაფერი ჩვენთვის არის შეურაცხყმოფელი. ეს არის ერთგვარი პროვოცირება ხალხის რეაქციების, რადგან ეს არის ყველაფრის შეურაცხყოფა - ჩვენი წარსულის, ტრადიციების, კულტურის, რომ დამოუკიდებელი ქვეყნის ინსტიტუტებს ასე მოეპყრო. ეს არის მიუღებელი! მაგრამ ამ ყველაფერს მნიშვნელობა არა აქვს - პაროდია მათ დარჩებათ. მთავარი ხდება სხვაგან - ჩვენს ქუჩებსა და ქალაქებში,“ აღნიშნა პრეზიდენტმა. როგორც პრეზიდენტმა აღნიშნა, ქვეყნის კრიზისიდან გამოსვლის ერთადერთი მშვიდობიანი გზა არის ახალი არჩევნები. „ამბობენ, რომ არ ვიცით, რა მოთხოვნა დგას ამ პროტესტის უკან. ეს უზარმაზარი პროტესტი არის მხოლოდ ერთი რამისთვის, დაინიშნოს ახალი არჩევნები. იმიტომ, რომ სხვა მშვიდობიანი გზა არ არსებობს, სხვა პოლიტიკური პროცესი არ არსებობს. თუ ვინმეს ამ ქვეყანაში მშვიდობა უნდა, თუ ვინმეს უნდა ამ ქვეყანაში, რომ ამ კრიზისიდან რაიმე ფორმით გამარჯვებულები გამოვიდეთ, არსებობს ერთადერთ გზა, ეს არის არჩევნების გზა. სამართლიანობის და სამართლიანი არჩევნების გარეშე არ არსებობს არც მშვიდობა და არც შემდეგ რაიმე პოლიტიკური პროცესი. მე ვარ ამისთვის აქ და სხვათა შორის არსად არ მივდივარ, არავის არ დავტოვებ, სულ ამას მეკითხებიან. აქ ვარ და აქ ვიქნები იმიტომ, რომ ქვეყანას ამ მომენტში აუცილებლად სჭირდება ლეგიტიმური ინსტიტუტი, ხელისუფლების ლეგიტიმური ნაწილი, რომელიც რეალურად არჩეულია და რომელიც ასახავს ამ ქვეყნის და ამ საზოგადოების ხმას. მე ვარ თქვენი წარმომადგენელი უცხოელებთან და ეს არის ერთგვარი ლეგიტიმაცია. მე ვარ ასევე თქვენი წარმომადგენელი ქვეყნის შიგნით. როგორც კი დადგება დრო, რომ, როცა ვისაც, დღეს ჰგონია, რომ რეპრესიებით და სხვადასხვა ხერხებით შეიძლება ამ საზოგადოების დამონება, როცა ესენი მიხვდებიან, რომ სხვა გზა არ არის თუ არა არჩევნები, მე აქ ვარ და აქ ვიქნები იმისათვის, რომ დავსხდეთ და ვიფიქროთ, როგორ მოვაწყოთ ეს არჩევნები იმისათვის, რომ ამ ქვეყანას დავუბრუნოთ მშვიდობა, სამართლიანობა და მომავალი, ეს არის ამ ქვეყნის ერთადერთი გზა. ამაში ვართ ყველანი ერთად, ვინც გარეთ დგას ქუჩაში და ვინც აქ,“ - განაცხადა სალომე ზურაბიშვილმა. ცნობისთვის, 14 დეკემბერს დანიშნულ არჩევნებზე ერთადერთ, უკონკურენტო კანდიდატს უყრიან კენჭს - ანტიდასავლური განცხადებებით ცნობილ ყოფილ ფეხბურთელსა და პარლამენტის წევრ მიხეილ ყაველაშვილს. პრეზიდენტს საქართველოში ახალი, არაპირდაპირი წესით პირველად ირჩევენ. 5 წლის ვადით, პრეზიდენტი 300-წევრიანმა კოლეგიამ უნდა აირჩიოს. კოლეგიას ძირითადად „ქართული ოცნება“ წარმოადგენს. ოპოზიციური პარტიების წარმომადგენლები კოლეგიის შემადგენლობაში ფორმალურად ირიცხებიან, რადგან მათი მანდატები ჯერ კიდევ ძალაშია. ოპოზიცია კენჭისყრის პროცესში არ მონაწილეობს, რადგან მათ პარლამენტში შესვლაზე მას შემდეგ განაცხადეს უარი, რაც საპარლამენტო არჩევნები გაყალბებულად მიიჩნიეს. არჩევნების შედეგებს არალეგიტიმურად მიიჩნევს პრეზიდენტიც. შეგახსენებთ, რუსთაველის გამზირზე, პარლამენტის წინ და საქართველოს სხვა ქალაქებში 28 ნოემბრიდან აპროტესტებენ მთავრობის გადაწყვეტილებას იმის შესახებ, რომ 2028 წლის ბოლომდე დღის წესრიგში არ დააყენონ ევროკავშირში გაწევრიანებაზე მოლაპარაკების გახსნის საკითხი. 28 ნოემბრის შემდეგ პოლიციამ აქციის 400-ზე მეტი მონაწილე დააკავა, მათ შორის, სისხლის სამართლის წესით დააკავა 30-ზე მეტი ადამიანი, რომელთაც რამდენიმეწლიანი პატიმრობა ემუქრებათ.
პრემიერი: გვექნება ქვეყნების სია, რომლებსაც ჩვენი ქვეყნის მიმართ უსამართლო დამოკიდებულება აქვთ
პრემიერ-მინისტრი აცხადებს, რომ საქართველოს ხელისუფლება მუშაობს საქართველოსადმი „უსამართლო დამოკიდებულების მქონე ქვეყნების სიაზე.“ ირაკლი კობახიძის თქმით, „კონკრეტული ძალების სახელით კონკრეტული ევროპელი პოლიტიკოსები და ბიუროკრატები მოქმედებენ.“ ირაკლი კობახიძემ ინტერვიუ მისცა აზერბაიჯანულ პროსახელისუფლებო ტელევიზია Real TV-ს. “ქვეყნების სიაც გვექნება, რომლებსაც ჩვენი ქვეყნის მიმართ უსამართლო დამოკიდებულება აქვთ, თუმცა დღეს არ მინდა, ეს ქვეყნები დავაკონკრეტო, იმისათვის, რომ მათ დავუტოვოთ შანსი, შეიცვალონ საკუთარი ქცევა. მთლიანობაში ჩანს, რომ გავლენიანი ძალები მოქმედებენ ჩვენი ქვეყნის წინააღმდეგ. ესენი არიან ის ძალები, რომლებსაც საქართველოში მეორე ფრონტის გახსნა უნდოდათ, ამას ვერ მიაღწიეს და სწორედ ამის გამო ჩვენს ქვეყანას და ჩვენს ხელისუფლებას უპირისპირდებიან, - განაცხადა ირაკლი კობახიძემ მთავრობის ადმინისტრაციის პრესსამსახურის ცნობით.
გაეროს ექსპერტების განცხადებით, საქართველოს მთავრობამ „მოქმედების კურსი დაუყოვნებლივ უნდა შეცვალოს“
გაეროს ექსპერტები „გმობენ საქართველოში მიმდინარე რეპრესიებსა და ადამიანის უფლებათა შელახვას,“ რომელიც „გამოწვეულია საქართველოს მთავრობის მიერ სპონტანური სახალხო პროტესტის ჩახშობის მცდელობით.“ „ვშიშობთ, რომ რეპრესიები შესაძლოა, კიდევ უფრო გამძაფრდეს 14 დეკემბერს დაგეგმილი საპრეზიდენტო არჩევნების მოახლოებასთან ერთად. მთავრობამ დაუყოვნებლივ უნდა შეცვალოს მოქმედების კურსი და ყველა ღონე იხმაროს ეროვნული შერიგების მისაღწევად, რაც ადამიანის უფლებების დაცვასა და პატივისცემას უნდა დაეფუძნოს,” - განაცხადეს გაეროს ექსპერტებმა. შეგახსენებთ, რუსთაველის გამზირზე, პარლამენტის წინ და საქართველოს სხვა ქალაქებში 28 ნოემბრიდან აპროტესტებენ მთავრობის გადაწყვეტილებას იმის შესახებ, რომ 2028 წლის ბოლომდე დღის წესრიგში არ დააყენონ ევროკავშირში გაწევრიანებაზე მოლაპარაკების გახსნის საკითხი. 28 ნოემბრის შემდეგ პოლიციამ აქციის 400-ზე მეტი მონაწილე დააკავა, მათ შორის, სისხლის სამართლის წესით დააკავა 30-ზე მეტი ადამიანი, რომელთაც რამდენიმეწლიანი პატიმრობა ემუქრებათ.
ანდრია ჯაღმაიძე: რაც ვაკეში, მაცხოვრის ფერიცვალების ტაძარში მოხდა, უტოლდება ეკლესიების დარბევისა და ქრისტიანთა დევნის ისტორიულ მოვლენებს
საპატრიარქოს საზოგადოებასთან ურთიერთობის სამსახურის ხელმძღვანელი ანდრია ჯაღმაიძე აცხადებს, რომ ვაკეში მდებარე ტაძართან - რომლის წინამძღვარიც დეკანოზი შალვა კეკელიაა - დღეს მომხდარი მოვლენები „თავისი სიმძიმით უტოლდება ეკლესიების დარბევას.“ „რამდენადაც სწორად არ უნდა ეჩვენებოდეს ვინმეს საკუთარი პოზიცია, ეთიკისაგან სრულიად დაცლილი მეთოდით მოქმედება, სიკეთეს ვერ მოუტანს ქვეყანას. ის რაც დღეს ვაკეში, მაცხოვრის ფერიცვალების ტაძარში მოხდა, თავისი სიმძიმით უტოლდება ეკლესიების დარბევისა და ქრისტიანთა დევნის ისტორიულ მოვლენებს. დღეს ისმის კატეგორიული მოთხოვნა მოყვასისადმი - ჩემს შეხედულებას თუ არ იზიარებ, ქვეყნის მტერი ხარ, ესაც ძალიან ჰგავს, "ხალხის მტრებად" გამოცხადების კამპანიას უახლეს წარსულში. დღეს გავრცელდა საქართველოს კათოლიკოს პატრიარქის მოწოდება ურთიერთ პატივისცემასა და ურთიერთ სიყვარულის შესახებ, მეტი სიყვარული და წინდახედულობა გვმართებს. ყველანი უნდა შევებრძოლოთ სიძულვილს და არა ერთმანეთს. მთავარი მტერი კაცობრიობისა არის ურთიერთგაუტანლობა. სიყვარულის მქადაგებელი ანდრია პირველწოდებული იყოს ჩვენი მფარველი!,“ - წერს ანდრია ჯაღმაიძე. შეგახსენებთ, ჭავჭავაძის გამზირზე, სადაც პიარისა და მარკეტინგის სპეციალისტების საპროტესტო მსვლელობა გაიმართა, თბილისის ვაკის მაცხოვრის ფერისცვალების სახელობის ტაძართან, მამა შალვა კეკელიასა და აქციის მონაწილეებს შორის სიტყვიერი დაპირისპირება მოხდა. შელაპარაკება მოჰყვა აქციის მონაწილეების რეპლიკებს ტაძართან მდგომი სამღვდელოების წარმომადგენლების მიმართ, თუ „რატომ არ საუბრობს ეკლესია აქციებზე მომხდარ ძალადობასთან დაკავშირებით ხმამაღლა.“ დეკანოზმა კეკელიამ განმარტა, რომ ის ძალადობას გმობს, მათ შორის, ქადაგებების დროსაც.
აქტივისტის პირადი ცხოვრების ამსახველი ინფორმაციის გავრცელების ფაქტზე ერთი პირი დააკავეს
სპეციალურმა საგამოძიებო სამსახურმა, აქციაზე დაკავებული აქტივისტის ს.ქ.-ს პირადი ცხოვრების კადრების სოციალური ქსელით გავრცელების ფაქტზე, 46 წლის მამაკაცი დააკავა. სპეციალური საგამოძიებო სამსახურის ინფორმაციით, 2024 წლის დეკემბრის დასაწყისში, ბრალდებულმა, სოციალურ ქსელ Facebook-ის ყალბი მომხმარებლისგან, დაზარალებულის ამსახველი ინტიმური ხასიათის ვიდეო მოიპოვა და 12 დეკემბერს, მისი დამცირების და სახელის შებღალვის მიზნით Facebook-ზე ერთ-ერთ საჯარო პოსტზე, რომელსაც ათასობით ნახვა ჰქონდა, კომენტარის სახით ატვირთა და გაუვრცელა. სპეციალურმა საგამოძიებო სამსახურმა, ინტიმური შინაარსის ვიდეოფაილის სოციალური ქსელით გავრცელებასთან დაკავშირებით შეტყობინების მიღებისთანავე, გამოძიება მყისიერად წარმართა. ჩატარებული ოპერატიული და საგამოძიებო მოქმედებების შედეგად დადგენილი იქნა ბრალდებულის ვინაობა და მისი ადგილსამყოფელი. ჩატარდა საცხოვრებელი სახლის და პირადი ჩხრეკა, რის შედეგადაც ამოღებულ მობილურ ტელეფონში ნანახი იქნა გავრცელებული ვიდეოჩანაწერი,” - ნათქვამია ინფორმაციაში. ბრალდებული დაკავებულია საქართველოს სისხლის სამართლის კოდექსის 157-ე პრიმა მუხლით გათვალისწინებული დანაშაულისთვის. დანაშაული 8 წლამდე თავისუფლების აღკვეთას ითვალისწინებს. სპეციალური საგამოძიებო სამსახური აღნიშნულ ფაქტზე გამოძიებას აგრძელებს.
ეუთოს სამეული: საქართველოს ოფიციალურ პირებს მოვუწოდებთ, დაიცვან ადამიანის უფლებები, დემოკრატია და კანონის უზენაესობა
„მკაცრად ვგმობთ საქართველოს ოფიციალური პირების ძალადობრივ პასუხს საქართველოს სამოქალაქო საზოგადოების, დამოუკიდებელი მედიისა და პოლიტიკოსების მშვიდობიან პროტესტებზე, რომლებიც ქვეყნის დემოკრატიულ მომავალს იცავენ.“ ამის შესახებ განცხადებას ეუთოს ე.წ. სამეული ავრცელებს, რომელიც სამი - მიმდინარე (მალტა), ყოფილი (ჩრდილოეთ მაკედონია) და მომავალი (ფინეთი) თავმჯდომარე ქვეყნისგან შედგება. განცხადებაში, სამი ქვეყანა მოუწოდებს საქართველოს მთავრობას, დაუყოვნებლივ შეწყვიტონ "რეპრესიული ტაქტიკისა" და "დაშინების", მათ შორის, თვითნებური დაკავებებისა და ფიზიკური ძალადობის გამოყენება. ამასთან, მოწოდებაა, რომ ყველა ბრალდება სანდოდ იქნას გამოძიებული, დანაშაულებისთვის ყველა პასუხისმგებელმა პირმა კი, პასუხი უნდა აგოს. განცხადებაში საქართველოს ოფიციალური პირების მიმართ არის მოწოდება, გამოიყენონ სხვადასხვა ისნტრუმენტი და ექსპერტიზა, რომლის შეთავაზებაც ეუთოსა და მის ინსტიტუტებს შეუძლია. „სამეული“ მზადაა, ამ მიზნით ნებისმიერ გაცვლას შეუწყოს ხელი. „ჩვენ, ეუთოს სამეულის წევრები, მკაცრად ვგმობთ საქართველოს ოფიციალური პირების ძალადობრივ პასუხს საქართველოს სამოქალაქო საზოგადოების, დამოუკიდებელი მედიისა და პოლიტიკოსების მშვიდობიან პროტესტებზე, რომლებიც ქვეყნის დემოკრატიულ მომავალს იცავენ. საქართველოს ოფიციალურ პირებს მოვუწოდებთ, დაუყოვნებლივ შეწყვიტონ რეპრესიული ტაქტიკისა და დაშინების, მათ შორის, თვითნებური დაკავებებისა და ფიზიკური ძალადობის გამოყენება. საქართველოს ოფიციალურ პირებს მოვუწოდებთ, უზრუნველყონ ქართველი ხალხისთვის შეკრების თავისუფლებისა და გამოხატვის თავისუფლების დაცვა, რაც საქართველოს საერთაშორისო ვალდებულებებს შეესაბამება. კანონები, რომლებიც ამ ვალდებულებების საწინააღმდეგოდ იქნა მიღებული, გაწვეულ უნდა იყოს. ძალადობის, საარჩევნო თაღლითობის, და დემოკრატიული ღირებულებებისა და პრინციპების წინააღმდეგ თავდასხმების ყველა ბრალდება სანდოდ უნდა იქნას გამოძიებული, ამ დანაშაულებისთვის ყველა პასუხისმგებელმა პირმა პასუხი უნდა აგოს. საქართველოს ოფიციალურ პირებს მოვუწოდებთ, დაიცვან ადამიანის უფლებები, დემოკრატია და კანონის უზენაესობა, რაც შეესაბამება ეუთოს ჩვენს საერთო პრინციპებსა და ვალდებულებებს, რაც უკვე ასახულია ჰელსინკის დასკვნით აქტსა და პარიზის ქარტიაში. საქართველოს ოფიციალურ პირებს მოვუწოდებთ, გამოიყენონ სხვადასხვა ინსტრუმენტი და ექსპერტიზა, რომლის შემოთავაზებაც შეუძლიათ ეუთოსა და მის ინსტიტუტებს. „სამეული“ მზადაა, ამ მიზნით ნებისმიერ გაცვლას შეუწყოს ხელი. ჩვენ ქართველ ხალხთან ვდგავართ, მაშინ, როდესაც ისინი დემოკრატიული და ევროპული მომავლისთვის თავიანთ მისწრაფებას გამოხატავენ, რაც ჩაწერილია საქართველოს კონსტიტუციაში,” ნათქვამია განცხადებაში.
სალომე ზურაბიშვილს, საპრეზიდენტო ვადის ამოწურვის შემდეგ, სახელმწიფო დაცვა არ მოემსახურება
პრეზიდენტ სალომე ზურაბიშვილს, საპრეზიდენტო ვადის ამოწურვის შემდეგ, მომდევნო ერთი წლის განმავლობაში, სახელმწიფო დაცვა არ მოემსახურება. შესაბამისი კანონი პარლამენტმა მესამე მოსმენით უკვე მიიღო. კანონის პროექტის განმარტებით ბარათში აღნიშნულია, რომ იმისთვის, რომ კონსტიტუციის დარღვევის შემთხვევაში უფლებამოსილების შეწყვეტის შედეგი დადგეს და შესაბამის თანამდებობის პირებს უფლებამოსილება ვადამდე შეუწყდეს, საკონსტიტუციო სასამართლოს გადაწყვეტილებასთან ერთად, საჭიროა პარლამენტის პლენარულ სხდომაზე პარლამენტის წევრთა მიერ უფლებამოსილების შეწყვეტის შესახებ გადაწყვეტილების მიღება, რასაც შესაბამისი კვორუმი სჭირდება. პროექტის ინიციატორები მიუთითებენ, რომ კვორუმის არ არსებობის პირობებში დგება მოცემულობა, როდესაც ერთი მხრივ, შესაბამისმა თანამდებობის პირმა კონსტიტუცია დაარღვია, ეს საკონსტიტუციო სასამართლოს გადაწყვეტილებით დადასტურდა და მხოლოდ იმიტომ, რომ პარლამენტში არ იქნა კვორუმი მიღწეული, კონსტიტუციის დამრღვევს უფლებამოსილება ვერ შეუწყდება. “შესაბამისად, მას უფლებამოსილების ვადის გასვლის შემდგომ პერსონალური დაცვა უნარჩუნდება, მიუხედავად იმისა, რომ საკონსტიტუციო სასამართლოს გადაწყვეტილებით კონსტიტუციის დამრღვევად იქნა მიჩნეული. აღნიშნული პრობლემის გადასაჭრელად, იმისათვის, რომ პერსონალური დაცვის რესურსი გამოყენებული იქნეს ეფექტურად, ამასთანავე, იმისათვის, რომ სახელმწიფოს არ ჰქონდეს ვალდებულება კონსტიტუციის დამრღვევ თანამდებობის პირს შეუნარჩუნოს განსაკუთრებული უფლება, სახელმწიფო დაცვით ისარგებლოს, საჭიროა ცვლილება განხორციელდეს,” - ვკითხულობთ კანონის პროექტის განმარტებით ბარათში. არსებული კანონის მიხედვით, პრეზიდენტს, პრემიერს და პარლამენტის თავმჯდომარეს უფლებამოსილების ამოწურვის შემდეგ პერსონალური დაცვა უნარჩუნდება ერთი წლის ვადით, თუ უფლებამოსილების შეწყვეტა არ არის საქართველოს კონსტიტუციის დარღვევის, ან დანაშაულის ჩადენის შედეგი. საკონსტიტუციო სასამართლომ საქართველოს მოქმედი პრეზიდენტი სალომე ზურაბიშვილი კონსტიტუციის დამრღვევად ცნო, რითაც ქართული ოცნების სარჩელი დააკმაყოფილა, თუმცა პარლამენტმა მისი იმპიჩმენტი ვერ შეძლო არასაკმარისი ხმების გამო. პარლამენტის მიერ მიღებულ კანონს ძალაში შესასვლელად ხელი პრეზიდენტმა უნდა მოაწეროს და გამოაქვეყნოს. წინააღმდეგ შემთხვევაში, მას ხელს მოაწერს და გამოაქვეყნებს პარლამენტის თავმჯდომარე. საქართველოს პრეზიდენტი არჩევნებს გაყალბებულად მიიჩნევს და პარლამენტის კანონიერებას და ლეგიტიმურობას არ აღიარებს.
აქციებზე პიროტექნიკისა და ლაზერების გამოყენება, დემონსტრანტებისთვის კი, სახის დაფარვა აიკრძალა
მე-11 მოწვევის პარლამენტმა მესამე მოსმენით მიიღო კანონპროექტების პაკეტი, რომელიც აქციის მონაწილეებს პიროტექნიკისა და ლაზერების გამოყენებას უკრძალავს. მათი გამოყენების შემთხვევაში, დემონსტრანტს 2000 ლარით დააჯარიმებენ. კანონპროექტის კანონად ქცევისთვის აუცილებელია, დოკუმენტს ხელი მოაწეროს პრეზიდენტმა. თუ ის ცვლილებებს არ ეთანხმება, შეუძლია, გამოიყენოს ვეტო, სხვა შემთხვევაში კანონპროექტს ხელს მოაწერს პარლამენტის თავმჯდომარე. კანონპროექტის მიხედვით, მოქალაქეებს აქციებზე პიროტექნიკისა და ლაზერების გამოყენება კანონის გამოქვეყნებისთანავე აეკრძალებათ. „ქართულმა ოცნებამ“ ასევე დაჩქარებული წესით მიიღო კანონპროექტების პაკეტი, რომლითაც დემონსტრანტებს აქციებზე სახის დაფარვა აეკრძალებათ. ამ წესის დარღვევისთვის მოქალაქეებს 2000 ლარით დააჯარიმებენ. პარლამენტმა ადმინისტრაციული ჯარიმების გაზრდას მხარი დაუჭირა და შესაბამისი საკანონმდებლო პაკეტი საბოლოო, მესამე მოსმენით, 82-ხმით, ერთხმად დაამტკიცა. „ქალაქის იერსახის დაზიანებისთვის“ ჯარიმა 50 ლარიდან 1000 ლარამდე იზრდება. პასუხისმგებლობა მკაცრდება სატრანსპორტო მოძრაობის შეფერხების გამო. შეკრებებისა და მანიფესტაციების ნორმების დარღვევისთვის კი, არსებული ჯარიმა 500 ლარიდან 5 000 ლარამდე იზრდება, ხოლო ორგანიზატორების შემთხვევაში 5 000 ლარიდან - 15 000 ლარამდე. გარდა ამისა, შსს-ს უნიფორმის უკანონოდ ტარებაზე 2 000-ლარიანი ჯარიმა წესდება. ქალაქში ან სხვა დასახლებულ პუნქტში სატრანსპორტო საშუალებებით ორგანიზებულად გზის გადაკეტვა ან ჯგუფურ მოძრაობაში მონაწილეობა ამჟამად 1 000 ლარიან ჯარიმას იწვევს. “ადმინისტრაციულ სამართალდარღვევათა კოდექსში“ განხორციელებული ცვლილებების თანახმად, სამართალდარმღვევი პირი გარდა იმისა, რომ 1 000 ლარის ოდენობით დაჯარიმდება, 1 წლის ვადით მართვის უფლებაც შეუჩერდება. ადმინისტრაციული პასუხისმგებლობა მკაცრდება და არსებული ჯარიმების ოდენობა იზრდება მუნიციპალურ ქალაქებში იერ-სახის დამახინჯებაზე. სხვადასხვა სახის წარწერების, ნახატების, სიმბოლოების თვითნებური შესრულება შენობათა ფასადებზე, ვიტრინებზე, ღობეებზე, სვეტებზე, ხე-ნარგავებზე, ასევე პლაკატების, ლოზუნგების, ბანერების განთავსება ისეთ ადგილებზე, რომლებიც საამისოდ არ არის გამოყოფილი, ღობეებისა და შენობების შეუღებავად მიტოვება – გამოიწვევს დაჯარიმებას 1 000 ლარის ოდენობით. იგივე ქმედება, ჩადენილი განმეორებით, გამოიწვევს დაჯარიმებას 2 000 ლარის ოდენობით. სხვადასხვა სახის წარწერების, ნახატების, სიმბოლოების თვითნებურად შესრულება ადმინისტრაციული ორგანოების შენობათა ფასადებზე, აგრეთვე მათ მიმდებარე ტერიტორიაზე, მათ შორის, ფეხით მოსიარულეთა და სატრანსპორტო საშუალებების სავალ ნაწილზე, გამოიწვევს დაჯარიმებას 2 000 ლარის ოდენობით. ხოლო აღნიშნული ქმედების განმეორებით ჩადენა გამოიწვევს დაჯარიმებას 3 000 ლარის ოდენობით. პროექტის თანახმად, თუ საქმის გარემოებებისა და დამრღვევის პიროვნების გათვალისწინებით აღნიშნული ზომის გამოყენება არასაკმარისად იქნება მიჩნეული, პირს შეეფარდება ადმინისტრაციულ პატიმრობა - 15 დღემდე ვადით. იგივე ქმედება ჩადენილი კულტურული მემკვიდრეობის ზონაში – გამოიწვევს დაჯარიმებას 2 000 ლარის ოდენობით (ამჯამად ჯარიმის ოდენობა 1000 ლარია), იგივე ქმედების განმეორება კი, 3 500 ლარიანი ჯარიმის დაკისრების საფუძველი გახდება. აღნიშნული დარღვევის გამოუსწორებლობა დაჯარიმებიდან 10 დღის ვადაში – გამოიწვევს დაჯარიმებას 1 000 ლარის ოდენობით. არსებული ჯარიმები იზრდება დედაქალაქის - თბილისის შემთხვევაშიც. ირაკლი კობახიძე: მივიღებთ კანონს, რომლითაც აიკრძალება შეკრების მონაწილეების მიერ სხვადასხვა საშუალებით სახის დაფარვა მე-11 მოწვევის პარლამენტი საგაზაფხულო სესიის გახსნამდე - თებერვლის პირველ სამშაბათამდე აღარ შეიკრიბება. არცერთი ოპოზიციური პარტია, რომელმაც ბარიერი გადალახა, სხდომას არ ესწრებოდა. როგორც ცნობილია, ისინი არჩევნებს გაყალბებულს უწოდებენ. შეგახსენებთ, რუსთაველის გამზირზე, პარლამენტის წინ და საქართველოს სხვა ქალაქებში 28 ნოემბრიდან აპროტესტებენ მთავრობის გადაწყვეტილებას იმის შესახებ, რომ 2028 წლის ბოლომდე დღის წესრიგში არ დააყენონ ევროკავშირში გაწევრიანებაზე მოლაპარაკების გახსნის საკითხი. 28 ნოემბრის შემდეგ პოლიციამ აქციის 400-ზე მეტი მონაწილე დააკავა, მათ შორის, სისხლის სამართლის წესით დააკავა 30-ზე მეტი ადამიანი, რომელთაც რამდენიმეწლიანი პატიმრობა ემუქრებათ. მათ შორის არიან საზოგადოების ცნობილი წარმომადგენლები.
NATO-ს გენერალური მდივანი: პუტინის აგრესია ახალი არ არის, მაგრამ ძალიან დიდი ხნის განმავლობაში არ ვიმოქმედეთ - საქართველო 2008 წელს, ყირიმი 2014 წელს
NATO-ს გენერალურმა მდივანმა მარკ რუტემ რუსეთის დესტრუქციულ ქმედებებსა და მის სამხედრო აგრესიაზე საუბრისას გაიხსენა 2008 წლის აგვისტოს ომი. „პუტინი ცდილობს უკრაინის რუკიდან წაშლას. ის ცდილობს, ძირეულად შეცვალოს უსაფრთხოების არქიტექტურა, რომელიც ათწლეულების განმავლობაში ევროპას იცავდა. ის ცდილობს, ჩაახშოს ჩვენი თავისუფლება და ცხოვრების წესი. ვლადიმერ პუტინის აგრესიის მაგალითი ახალი არ არის, მაგრამ ძალიან დიდი ხნის განმავლობაში არ ვიმოქმედეთ - საქართველო 2008 წელს, ყირიმი 2014 წელს და ბევრს არ სურდა დაეჯერებინა, რომ ის 2022 წლის თებერვალში უკრაინის წინააღმდეგ ყოვლისმომცველ ომს წამოიწყებდა. კიდევ რამდენი გამოღვიძების ზარი გვჭირდება? ღრმად უნდა ვიყოთ შეშფოთებულნი. ვიცი, რომ მე ვარ. რუსეთი უკრაინასთან და ჩვენთან გრძელვადიანი დაპირისპირებისთვის ემზადება,“ - აღნიშნა რუტემ. NATO-ს გენერალურმა მდივანმა რუსეთის მიერ NATO-ს მოკავშირეების წინააღმდეგ ბოლო დროს განხორციელებული მტრული ქმედებები აღნიშნა, მათ შორის, კიბერშეტევები, მკვლელობები, აფეთქება ჩეხეთის საბრძოლო მასალის საცავში, ბალტიის რეგიონში რადარების დაბლოკვა საჰაერო მიმოსვლის შეფერხების მიზნით და ევროპის დესტაბილიზაციის მიზნით მიგრანტების „იარაღად გამოყენება.“ „ეს თავდასხმები არ არის მხოლოდ იზოლირებული ინციდენტები. ისინი კოორდინირებული კამპანიის შედეგია ჩვენი საზოგადოებების დესტაბილიზაციისა და უკრაინის მხარდაჭერის თავიდან ასაცილებლად,“ - აღნიშნა რუტემ. ხუთშაბათს, 12 დეკემბერს, ბრიუსელში Carnegie Europe-ის მიერ გამართულ ღონისძიებაზე, რუტემ აღნიშნა, რომ NATO-ს წევრებმა თავდაცვაზე დახარჯეს მშპ-ს 3%-ზე მეტი ცივი ომის დროს და სამომავლო ხარჯები გაცილებით მაღალი უნდა იყოს, ვიდრე ალიანსის ამჟამინდელი მიზანი - 2%. რუტე მოუწოდებს მოკავშირეებს, გაზარდონ თავდაცვის ხარჯები: „ომის თავიდან ასაცილებლად NATO-მ მეტი უნდა გაიღოს“
„ქართველი ხალხი ჩვენს მხარდაჭერას იმსახურებს, შემდეგი ორი კვირა საქართველოსთვის გადამწყვეტია“ - სხდომა სენატში
12 დეკემბერს შეერთებული შტატების სენატში გამართულ სხდომაზე საქართველოში შექმნილ ვითარებაზე იმსჯელეს. ამერიკელ სენატორებს მიმართეს სენატის საგარეო ურთიერთობათა კომიტეტის მაღალი რანგის კანონმდებლებმა ჯიმ რიშმა და ჯინ შაჰინმა და ბოლო ორი კვირის განმავლობაში საქართველოში განვითარებულ მოვლენებზე ისაუბრეს. რიში აიდაჰოს შტატის რესპუბლიკელი სენატორია, შაჰინი კი - ნიუ-ჰემფშირის დემოკრატი სენატორი. ის უმთავრესი ავტორი და წარმდგენია საქართველოს თაობაზე შექმნილი კანონპროექტის, რომელიც მაისში "ქართველი ხალხის აქტის" სახელით დარეგისტრირდა. “აქ ვარ, რათა ვისაუბროთ საქართველოში შექმნილ სიტუაციაზე, რომელიც თანდათან უარესდება და მძლავრად მოვუწოდო შეერთებული შტატების მთავრობას, სასწრაფო საპასუხო ზომები მიიღოს,” - განაცხადა სენატორმა შაჰინმა ამერიკის ხმის ცნობით. მან ისაუბრა საქართველოსთან ამერიკის ურთიერთობის გრძელ ისტორიაზე, რომელიც სათავეს დიდი ხნის წინ იღებს, გაიხსენა 2012 წლის არჩევნები, როცა ის სენატორ რიშთან ერთად საქართველოში ჩატარებულ არჩევნებს აკვირდებოდა. შემდეგ სენატორმა შაჰინმა ისაუბრა წელს ჩატარებულ არჩევნებზე, რომლის დროსაც მრავალი დარღვევა აღირიცხა და არჩევნების შემდეგ განვითარებულ მოვლენებზე - იმ პროევროპულ აქციებზე, რომლებიც საქართველოში მას შემდეგ დაიწყო, რაც მმართველმა პარტიამ, “ქართულმა ოცნებამ” გადაწყვიტა, ევროკავშირში გაწევრიანების პროცესი დღის წესრიგში 2028 წლამდე აღარ დაეყენებინა. „მშვიდობიანი პროტესტის გაკონტროლების მცდელობის მიზნით, მთავრობამ საპასუხოდ სასტიკი ძალა გამოიყენა. ბოლო ორი კვირის განმავლობაში ჩვენ ვიხილეთ “ქართული ოცნების” მიერ ოპოზიციონერ პოლიტიკოსთა, მედიისა და აქციების ორგანიზატორთა სამიზნეში ამოღება. მათ არამარტო ძალა გამოიყენეს ხალხის დასაშლელად, არამედ, ადამიანებს დევნიდნენ საკუთარ სახლებშიც, ცემდნენ და აკავებდნენ. ეს არ არის დემოკრატია,“ - განაცხადა სენატორმა შაჰინმა. მან ასევე ისაუბრა „ქართული ოცნებაზე, რომელიც „ბოლო თვეებში თანდათან უფრო მეტად იყენებს კრემლის მსგავს სცენარს“. სენატორმა შაჰინმა ამის მაგალითად მოიყვანა ე.წ. უცხოეთის აგენტების კანონის დამტკიცება, „რომლის მიზანიც სამოქალაქო აქტივისტების ბოროტ, საშიშ, გარე აგენტებად წარმოდგენაა.“ „ძალზე იმედგაცრუებული ვარ, რადგან ჩემი აზრით, ჩვენ არ ვაკეთებთ საკმარისს, არ ვდგავართ მოწოდების სიმაღლეზე და არ გვაქვს სათანადო რეაგირება. ჩვენ ვერ შევძელით არსებითად გაგვეცა პასუხი, რათა ხელი შეგვეშალა „ქართული ოცნების“ ლიდერთა გათვლებისთვის. მათ არ უწევთ საფასურის გადახდა მაშინ, როცა უგულვებელყოფენ ხალხის ნებას და მიჰყვებიან პუტინის ავტორიტარულ სცენარს. არსებობს კარგად დოკუმენტირებული ადამიანის უფლებათა დარღვევები, მაგრამ ხაზინის დეპარტამენტმა ვერ შეძლო სანქციების დაწესება ერთი ოფიციალური პირისთვისაც კი, მისი ქმედებებისთვის... ადმინისტრაციას სასწრაფოდ ზომების მიღებისკენ მოვუწოდებ. საქართველოს მომავალი საფრთხის წინაშეა და ქართველი ხალხი, რომელიც ჩვენ მუდმივად გვერდით გვედგა, ჩვენს მხარდაჭერას იმსახურებს,“ - აცხადებს სენატორი შაჰინი. მისი აზრით, „შემდეგი ორი კვირა საქართველოსთვის გადამწყვეტია.“ „ადმინისტრაციას აქვს ორპარტიული და ორპალატიანი მხარდაჭერა, რათა იმოქმედოს. მოვუწოდებ შეერთებული შტატების ადმინისტრაციას, დაუდგეს გვერდში ქართველ ხალხს და მის ბრძოლას დემოკრატიული მომავლისთვის, “ამბობს შაჰინი. საქართველოზე საუბრისას რესპუბლიკელმა სენატორმა ჯიმ რიშმა აღნიშნა, რომ „ქვეყანა მათ შორისაა, ვინც მთლიანად ვერ მოიცილა რუსეთის გავლენა. რუსეთის იმპერიის აჩრდილები იქ ჯერ კიდევ არიან და ეს ყოველივე აისახება იმ მოვლენებშიც, რაც დღეს იქ ხდება. ტაქტიკა, რომელსაც [საქართველოს] მთავრობა იყენებს, რუსულია. ის მოიცავს სისასტიკესა და წამებას, დაკავებებს, ყველაფერს, რისი მოწმეც ძველად, საბჭოთა კავშირის დროს ვიყავით. ეს არ არის ის, რაც ქართველ ხალხს სურს.“ სენატორმა რიშმა ისაუბრა ქართველი ხალხის დასავლურ სტრუქტურებში, ევროკავშირსა და NATO-ში ინტეგრაციის სურვილზე, რასაც მისი თქმით, მოსახლეობის 80% ადასტურებს და რაც საქართველოს კონსტიტუციაშიც არის ასახული. სენატორმა ასევე აღნიშნა, რომ ქართველი ხალხი მშვიდად არ შეხვდა „ქართული ოცნების“ გადაწყვეტილებას, შეეჩერებინა ევროკავშირში გაწევრიანების პროცესი და ისინი რამდენიმე კვირაა მასობრივ საპროტესტო აქციებს აწყობენ. მან ამერიკის მთავრობას კიდევ ერთხელ მოუწოდა სანქციების დაწესებისკენ და შეახსენა, რომ ამისთვის სენატმა სპეციალური საკანონმდებლო აქტი მიიღო. „ღრმად, ღრმად იმედგაცრუებული ვარ იმით, რომ ეს არ გავაკეთეთ... ჩვენ ნამდვილად უნდა მივიღოთ ეს ზომა და როგორც ჩემს მეგობარს ნიუ-ჰემფშირიდან, [სენატორ ჯინ შაჰინს] არ მესმის, თუ რატომ არ გაკეთდა ეს... მინდა შევუერთდე მას და მოვუწოდო ადმინისტრაციას, მიიღოს გადაწყვეტილება და გააკეთოს ის, რაც აუცილებელია; მიჰყვეს კანონს, რომელიც ჩვენ მივიღეთ; ისარგებლოს სანქციების დაწესების გზით, რომელიც ჩვენ მათ გავუმზადეთ.“ დასასრულს, სენატორმა რიშმა იმედი გამოთქვა, რომ საქართველო და ქართველი ხალხი აღარ დაუბრუნდება საბჭოთა კავშირის პერიოდის წარსულს, რადგან „მათ სურთ დასავლეთისკენ ყურება, კონსტიტუციით და საკუთარი ნებით, მათ სურთ ევროკავშირის და NATO-ს წევრად ყოფნა. მოდით, მივცეთ მათ ნებისმიერი საშუალება, რისი შესაძლებლობაც გვაქვს.“ შეგახსენებთ, რუსთაველის გამზირზე, პარლამენტის წინ და საქართველოს სხვა ქალაქებში 28 ნოემბრიდან აპროტესტებენ მთავრობის გადაწყვეტილებას იმის შესახებ, რომ 2028 წლის ბოლომდე დღის წესრიგში არ დააყენონ ევროკავშირში გაწევრიანებაზე მოლაპარაკების გახსნის საკითხი. 28 ნოემბრის შემდეგ პოლიციამ აქციის 400-ზე მეტი მონაწილე დააკავა, მათ შორის, სისხლის სამართლის წესით დააკავა 30-ზე მეტი ადამიანი, რომელთაც რამდენიმეწლიანი პატიმრობა ემუქრებათ.
„ხალხის ძალის“ წევრი სოზარ სუბარი, ოპოზიციის კვოტით, პარლამენტის ვიცე-სპიკერად აირჩიეს
„ხალხის ძალის“ ლიდერი, სოზარ სუბარი პარლამენტის თავმჯდომარის მოადგილედ აირჩიეს. პარლამენტის რეგლამენტის მიხედვით, ვიცე-სპიკერის ერთი თანამდებობა ოპოზიციას ეკუთვნის - სწორედ ეს ადგილი დაიკავა სუბარმა. მანამდე, “ხალხის ძალამ“ გამოაცხადა, რომ საპარლამენტო უმრავლესობას ტოვებს და „ქართული ოცნების“ „ჯანსაღ ოპოზიციაში“ გადადის დადგენილებას 86-მა დეპუტატმა დაუჭირა მხარი, წინააღმდეგი არავინ ყოფილა. არცერთი ოპოზიციური პარტია, რომელმაც ბარიერი გადალახა, სხდომას არ ესწრებოდა. როგორც ცნობილია, ისინი არჩევნებს გაყალბებულს უწოდებენ. შეგახსენებთ, რუსთაველის გამზირზე, პარლამენტის წინ და საქართველოს სხვა ქალაქებში 28 ნოემბრიდან აპროტესტებენ მთავრობის გადაწყვეტილებას იმის შესახებ, რომ 2028 წლის ბოლომდე დღის წესრიგში არ დააყენონ ევროკავშირში გაწევრიანებაზე მოლაპარაკების გახსნის საკითხი. 28 ნოემბრის შემდეგ პოლიციამ აქციის 400-ზე მეტი მონაწილე დააკავა, მათ შორის, სისხლის სამართლის წესით დააკავა 30-ზე მეტი ადამიანი, რომელთაც რამდენიმეწლიანი პატიმრობა ემუქრებათ. მათ შორის არიან საზოგადოების ცნობილი წარმომადგენლები.
ევროკავშირის ელჩი: ბიზნესი ღრმად შეშფოთებულია
საქართველოს ბიზნესის წარმომადგენლებთან შეხვედრის შემდეგ, ევროკავშირის ელჩი პაველ ჰერჩინსკი მათ მიერ გამოთქმულ შეშფოთებაზე მიუთითებს. ევროკავშირის ელჩი პაველ ჰერჩინსკი ევროპული ბიზნეს ასოციაციის მიერ ორგანიზებულ შეხვედრაზე საქართველოს ბიზნესის წარმომადგენლებს ესაუბრა. ევროკავშირის წარმომადგენლობის ცნობით, ჰერჩინსკიმ გამოთქვა სინანული ევროკავშირისა და მისი ღირებულებებისგან „ქართული ოცნების“ დაშორების გამო და ხაზი გაუსვა იმ ძალზე ცუდ შედეგებს, რომელიც ამას ევროკავშირის საქართველოსთან ურთიერთობებისთვის მოაქვს. „ბიზნესი ღრმად შეშფოთებულია ამ ცვლილებით. მოვუწოდებთ მმართველ პარტიას დეესკალაციისკენ და რომ დაასრულოს საპროტესტო აქციების მშვიდობიანი მონაწილეების, მედიის წარმომადგენლებისა და ოპოზიციის ლიდერების მიმართ სასტიკი და უკანონო ძალის გამოყენება, რასაც მძიმე შედეგები მოჰყვება საქართველოს ყველა მოქალაქისთვის და საქართველოს ეკონომიკისთვის,“ - განაცხადა ელჩმა. შეგახსენებთ, რუსთაველის გამზირზე, პარლამენტის წინ და საქართველოს სხვა ქალაქებში 28 ნოემბრიდან აპროტესტებენ მთავრობის გადაწყვეტილებას იმის შესახებ, რომ 2028 წლის ბოლომდე დღის წესრიგში არ დააყენონ ევროკავშირში გაწევრიანებაზე მოლაპარაკების გახსნის საკითხი. 28 ნოემბრის შემდეგ პოლიციამ აქციის 400-ზე მეტი მონაწილე დააკავა, მათ შორის, სისხლის სამართლის წესით დააკავა 30-ზე მეტი ადამიანი, რომელთაც რამდენიმეწლიანი პატიმრობა ემუქრებათ. მათ შორის არიან საზოგადოების ცნობილი წარმომადგენლები.
პატრიარქი: უმნიშვნელოვანესია დიალოგი
ყოველი ადამიანი - დიდი თუ პატარა, უნდა გაემიჯნოს ძალადობას და გააცნობიეროს, რომ ჩვენს რთულ დროში მდგომარეობის მკვეთრად დაძაბვა რეალურ საფრთხეს უქმნის ქვეყნის მთავარ მონაპოვარს - სახელმწიფოებრიობასა და სუვერენიტეტს! - ამასთან, უმართავი პროცესების თავიდან აცილების მიზნით, უმნიშვნელოვანესია კონსტრუქციულობით მიღწეულ იქნას დიალოგი,- ამის შესახებ საქართველოს კათოლიკოს პატრიარქის ილია მეორის განცხადებაშია აღნიშნული, რომელსაც საქართველოს საპატრიარქო ავრცელებს. ასევე, პატრიარქი საქართველოსა და უცხოეთში მოღვაწე სასულიერო პირებს კურთხევას აძლევს, ყოველდღე, 13:00 საათზე, დარეკონ ზარი და აღავლინონ სავედრებელი პარაკლისი ყოვლადწმინდა ღვთისმშობლისადმი. „ჩემო სულიერო შვილებო, ქვეყანაში ბოლო დღეების მანძილზე განვითარებული მოვლენები ნათლად წარმოაჩენს, რომ აუცილებელია, თითოეული ჩვენგანის ვალდებულებად იქცეს მშვიდობისათვის ზრუნვა. ყოველი ადამიანი - დიდი თუ პატარა - უნდა გაემიჯნოს ძალადობას და გააცნობიეროს, რომ ჩვენს რთულ დროში მდგომარეობის მკვეთრად დაძაბვა რეალურ საფრთხეს უქმნის ქვეყნის მთავარ მონაპოვარს - სახელმწიფოებრიობასა და სუვერენიტეტს! და ამის გათვალისწინებითაც განსაზღვროს თავისი ნაბიჯები. ამასთან, უმართავი პროცესების თავიდან აცილების მიზნით, უმნიშვნელოვანესია, კონსტრუქციულობით მიღწეულ იქნას დიალოგი. ჩვენი პრობლემა დღეს ისიცაა, რომ ვერ ვხვდებით, როგორ ვშორდებით ღმერთს და მისი მცნებების წინააღმდეგ ვმოქმედებთ; გვავიწყდება, რომ უსიყვარულობა, ცინიზმი, უპატივცემულობა... რაც, სამწუხაროდ, ჩვენი საზოგადოების ნაწილისათვის ჩვევად იქცა, დამღუპველი ცოდვებია; (ამის გამოვლინებაა სიძულვილის ენა და ფიზიკური ანგარიშსწორება). ურთიერთსიძულვილით, გაბოროტებით, ღვარძლით... ვერცერთ ეროვნულ ამოცანას ვერ გადავწყვეტთ და საკუთარ თავსაც და სახელმწიფოსაც მხოლოდ დავაზარალებთ. ჩვენი ქრისტიანობა მთავრდება იქ, სადაც მთავრდება მოყვასისადმი სიყვარული. მთელი ჩემი ცხოვრება საქართველოსთვის ვლოცულობ. დღესაც, მუდმივად შევთხოვ უფალს, მოგვცეს გული გონიერი და ლმობიერი. ჩვენ ყველას სამშობლოს სიყვარული გვაერთიანებს; ამიტომაც მოგმართავთ: საქართველოს კეთილდღეობისათვის გავერთიანდეთ ლოცვით, რათა ღვთის შეწევნითა და შინაგანი მშვიდობით შევძლოთ მართებული ნაბიჯების გადადგმა. ერთობლივ ლოცვებს დიდი ძალა აქვს. საქართველოსა და უცხოეთში მოღვაწე ჩვენს სასულიერო პირებს გეძლევათ კურთხევა, ყოველდღე, 13:00 საათზე, დარეკოთ ზარი და აღავლინოთ სავედრებელი პარაკლისი ყოვლადწმინდა ღვთისმშობლისადმი, ხოლო საქართველოსა და უცხოეთში მყოფ მრევლს გთხოვთ (პირად კანონთან ერთად), დღის განმავლობაში ილოცოთ: „მამაო ჩვენო“, 90-ე ფსალმუნი, „მოწყალებისა კარი განგვიღე“, „ღვთისმშობელო ქალწულო გიხაროდენ“ (3-ჯერ), ასევე, წმ. ანდრია მოციქულის, წმ. ნინოს, წმ. გიორგისა და წმ. ნიკოლოზის ტროპრები და ბოლოს ,,აცხოვნე, უფალო, ერი შენი.“ საქართველო ევროპული ცივილიზაციის განუყოფელი ნაწილია და ჩვენი ვალია, ხელი შევუწყოთ ჩვენს მრავალსაუკუნოვან ქრისტიანულ სულიერ-კულტურულ მემკვიდრეობასა და ტრადიციულ ღირებულებებზე დაფუძნებული ევროპული ტიპის ეროვნული სახელმწიფოს განმტკიცებასა და განვითარებას. დღეს საქართველოს ეკლესიის დამაარსებლის, წმინდა ანდრია პირველწოდებულის ხსენების დღეა. ასევე, ხსენების დღეა წმინდა მეფე ვახტანგ გორგასლის, პეტრე I და სამოელ I კათოლიკოსების. მათი და საქართველოს მფარველ სხვა წმინდანთა მეოხებით და ყოვლადწმინდა ღვთისმშობლის შუამდგომლობით ინებოს ღმერთმა ჩვენი ქვეყნის ერთობა, მშვიდობა და კეთილდღეობა. თქვენთვის მლოცველი, ილია II - სრულიად საქართველოს კათოლიკოს-პატრიარქი მცხეთა-თბილისის მთავარეპისკოპოსი ბიჭვინთისა და ცხუმ-აფხაზეთის მიტროპოლიტი“,- ნათქვამია პატრიარქის განცხადებაში.
„ხალხის ძალა“ აცხადებს, რომ საპარლამენტო უმრავლესობას ტოვებს და „ქართული ოცნების“ „ჯანსაღ ოპოზიციაში“ გადადის
ანტიდასავლური რიტორიკით გამორჩეული პოლიტიკური ჯგუფი - „ხალხის ძალა“ აცხადებს, რომ საპარლამენტო უმრავლესობას გამოეყოფა და „ჯანსაღი ოპოზიციის“ ჩამოყალიბებას შეუწყობს ხელს. პარტიის ერთ-ერთი ლიდერის გურამ მაჭარაშვილის თქმით, „ქართულ ოცნებასთან“ პრინციპული შეუთანხმებლობა არ ჰქონიათ. მისივე განმარტებით, პარტიამ გადაწყვეტილება იმის გამო მიიღო, რომ „ქვეყანაში პრაქტიკულად, არ არსებობს ჯანსაღი ოპოზიცია.“ „არ არსებობს ის ჯანსაღი ძალა, რომელმაც უნდა შეასრულოს თავისი როლი, რასაც ჰქვია ოპოზიციის როლი, რომ ქვეყნის განვითარებისთვის ედებატოს ხელისუფლებას, წინსვლისთვის აკრიტიკოს ხელისუფლება. ჩვენ კარგად ვხედავთ, რომ რადიკალური ოპოზიცია შევარქვით ოპოზიციას და ამანაც არ უშველა. შესაბამისად, საქართველოში ჩვენ დღეს გვყავს ხალხის მიერ არჩეული ხელისუფლება, მაგრამ სამწუხაროდ, გვყავს უცხოური ძალების მიერ დაფინანსებული ე.წ. რადიკალური ოპოზიცია. გამომდინარე აქედან, ჩვენ პოლიტიკურმა პარტიამ, „ხალხის ძალამ“ გადავწყვიტეთ, დავტოვოთ საპარლამენტო უმრავლესობა და ამით სათავე დავუდოთ საქართველოში ჯანსაღი ოპოზიციის არსებობას. ჩვენ დავანახებთ მოსახლეობას საქართველოში და მის ფარგლებს გარეთ, რაც, სამწუხაროდ, დავიწყებული აქვთ, როგორი უნდა იყოს ჯანსაღი ოპოზიცია, ის პოლიტიკური ძალა, რომელიც პარლამენტშია, არ არის ხელისუფლებაში, მაგრამ უნდა იღვაწოს საქართველოს ინტერესებისთვის. ჩვენ არაერთხელ გვითქვამს, რომ „ქართულ ოცნებასთან“ პრინციპული შეუთავსებლობა არ გვქონია. საუბარია იმაზე, რომ არსებობს ისეთი საკითხები, სადაც, როგორც თავის დროზე აღვნიშნეთ, „ქართულ ოცნებასთან“ გვქონდა განსხვავებული მოსაზრებები. ასევე გვინდა, შევახსენოთ საზოგადოებას ისიც, რომ ორ წელიწად-ნახევრის წინ, როდესაც ჩვენ დავტოვეთ პარტია „ქართული ოცნება“, ბევრი კითხვა ჩნდებოდა, თუ რამდენად სწორი იყო ეს გადაწყვეტილება. აღმოჩნდა, რომ ამ გადაწყვეტილებამ იმუშავა და თან ძალიან ძლიერად. ამიტომ, საზოგადოებას კიდევ ერთხელ ვპირდებით, რომ პარტია „ხალხის ძალა“ აუცილებლად შექმნის იმ პოლიტიკურ პლატფორმას, რაზეც არაერთხელ გვისაუბრია, რომელიც იქნება ჯანსაღი ოპონირების რეჟიმში,“ განაცხადა მაჭარაშვილმა. შეგახსენებთ, „ქართული ოცნების“ ერთ-ერთმა ლიდერმა მამუკა მდინარაძემ 25 ნოემბერს განაცხადა, რომ „ხალხის ძალის“ წარმომადგენლები პარლამენტში ფრაქცია „ქართული ოცნებაში“ „საკუთარი სურვილით არ შევიდნენ.“ ცნობისთვის, პარლამენტმა “ხალხის ძალის“ ინიციატივით მხარი დაუჭირა და დაჩქარებული წესით დაამტკიცა რეგლამენტში ცვლილებები, რომლის საფუძველზეც “ხალხის ძალას“ პოლიტიკური ჯგუფის შექმნის შესაძლებლობა მიეცა. საპარლამენტო პოლიტიკური ჯგუფი, როგორც გამონაკლისი, მხოლოდ წინა მოწვევის პარლამენტის წევრებისთვის არსებობდა. „ხალხის ძალა“ 2024 წელს „ქართული ოცნების“ სიით მონაწილეობდა არჩევნებში. სიაში იყვნენ: სოზარ სუბარი; მიხეილ ყაველაშვილი; დიმიტრი ხუნდაძე; გურამ მაჭარაშვილი; ირაკლი ბერაია; ეკა სეფაშვილი; ზაალ მიქელაძე; ვიქტორ ჯაფარიძე. საპრეზიდენტო კანდიდატი მიხეილ ყაველაშვილი „ქართულმა ოცნებამ“ ამ პარტიიდან დაასახელა. მოძრაობა „ხალხის ძალა,“ „ქართული ოცნებიდან“ ოთხმა ყოფილმა დეპუტატმა: სოზარ სუბარმა, მიხეილ ყაველაშვილმა, დიმიტრი ხუნდაძემ და გურამ მაჭარაშვილმა 2022 წლის აგვისტოში დააფუძნეს. მოძრაობამ 2022 წლის 26 აგვისტოს გაავრცელა განცხადება, რომელშიც წერდა, რომ ქვეყნის მთავარი პარტნიორის - აშშ-ის - საელჩო საქართველოს „ხელისუფლების გადასატრიალებლად ყველაფერს იკადრებს.“ 2023 წელს „ხალხის ძალის“ ინიციირებული იყო „აგენტების კანონი“, რომლის გასაპროტესტებლად ათასობით ადამიანი გამოიყვანა ქუჩაში. შეგახსენებთ, აშშ-ის სახელმწიფო დეპარტამენტმა, საქართველოს ხელისუფლების მიერ ე.წ. უცხოური აგენტების კანონის მიღების საპასუხოდ, სავიზო შეზღუდვების პოლიტიკა 6 ივნისს გამოაცხადა მათ მიმართ, ვინც „ძირს უთხრის დემოკრატიას საქართველოში.“ 5 ივლისს ცნობილი გახდა, რომ აშშ-მ საქართველოში სამხედრო წვრთნები „ღირსეული პარტნიორი“ განუსაზღვრელი ვადით გადადო. 9 ივლისს ევროკავშირის ელჩმა საქართველოში პაველ ჰერჩინსკიმ, განაცხადა, რომ ევროკავშირმა საქართველოს თავდაცვის გასაძლიერებლად გამოყოფილი 30 მილიონი ევროს ოდენობის დახმარება შეუჩერა. აშშ-ის სახელმწიფო მდივანმა ეტონი ბლინკენმა 31 ივლისს გამოაცხადა, რომ აშშ საქართველოს მთავრობას $95 მილიონზე მეტი დოლარის დახმარებას უჩერებს. 16 სექტემბერს, აშშ-მ ფინანსური სანქციები საქართველოს ორ ოფიციალურ პირს დაუწესა.
ევროპარლამენტარები რუსთაველის გამზირზე აქციას შეუერთდნენ
ევროპარლამენტარები რუსთაველის გამზირზე მიმდინარე აქციას შეუერთდნენ. მათ დახვდნენ შეძახილებით - „საქართველო.“ ნიდერლანდელი ევროპარლამენტარი რაინიე ვან ლანშოტა; ევროპარლამენტარი მიჰალ შჩერბა (პოლონეთი); ევროპარლამენტარი ტობიას კრემერი (გერმანია); ლიეტუველი ევროპარლამენტარი, რასა იუკნევიჩიანე და ევროპარლამენტარი სერგეი ლაგოდინსკი (გერმანია) პარლამენტთან მსვლელობით მივიდნენ. ევროპარლამენტარების დელეგაცია 11 დეკემბერს საქართველოს ეწვია. 12 დეკემბერს დელეგაცია პრეზიდენტ სალომე ზურაბიშვილს, ოპოზიციური პარტიების, სამოქალაქო საზოგადოების ორგანიზაციებისა და მედიის წარმომადგენლებს შეხვდა. „მწვანეების“ წევრმა „ქართული ოცნების“ ლიდერებს „არალეგიტიმური ლიდერები“ უწოდა და ისინი „არაკონსტიტუციურ ქმედებებში“ დაადანაშაულა. რაინიე ვან ლანშოტმა განაცხადა, რომ პრეზიდენტთან შეხვედრაზე განიხილეს „მშვიდობიანი დემონსტრანტების წინააღმდეგ პოლიციის სისასტიკე და ის, თუ როგორ შეუძლია ქართველ ხალხს საკუთარი მომავლის თავისუფლად გადაწყვეტა.“ „სრულად ვუჭერთ მხარს პრეზიდენტ სალომე ზურაბიშვილს მცდელობაში, გაუძღვეს საქართველოს ევროპული მომავლისკენ,“ - წერს თავის მხრივ, რასა იუკნევიჩიანე პრეზიდენტ ზურაბიშვილთან შეხვედრის შემდეგ. „ჩვენ ვდგავართ თქვენი და თქვენი მამაცი ხალხის გვერდით,“ - ამ პოსტით პრეზიდენტს მხარდაჭერა გერმანელმა ევროპარლამენტარმა სერგეი ლაგოდინსკიმაც გამოუცხადა. „არცერთი დემოკრატიული ძალა არ უნდა მოექცეს მოქალაქეებს ისე, როგორც ის [„ქართული ოცნება“] ექცევა,“ - მიიჩნევს სერგეი ლაგოდინსკი, რომელიც აღნიშნავს, რომ არსებულ ვითარებაში ევროპარლამენტარებს არ აქვთ სხვა არჩევანი, „გარდა იმისა, შევხვდეთ მათ, ვისაც ჩაგრავენ, სცემენ, ციხეში სვამენ.“ ევროპარლამენტარების დელეგაციაში არიან რასა იუკნევიჩიენე (ევროპის სახალხო პარტია (EPP)); მიჰალ ჩერბა (EPP); ნატალი ლუაზო („განაახლე ევროპა“ (Renew)); ბერნარდ გეტა („განაახლე ევროპა“);ტობიას კრემერი („სოციალისტებისა და დემოკრატების პროგრესული ალიანსი"); რაინიე ვან ლანშოტი („მწვანეები“); სერგეი ლაგოდინსკი („მწვანეები). თბილისში ვიზიტისას მათ ხაზი გაუსვეს სამართლიანი არჩევნებისა და ევროკავშირის უფრო ძლიერი ჩართულობის აუცილებლობას. ევროპარლამენტარებმა ასევე მოითხოვეს ხელახალი არჩევნების ჩატარება, ვინაიდან ოქტომბრის არჩევნები, მათი თქმით, არც თავისუფალი იყო და არც სამართლიანი. ევროპარლამენტარებმა კიდევ ერთხელ დაადასტურეს თავიანთი ერთგულება საქართველოს ევროპული მომავლის მიმართ. ვიზიტამდე, 11 დეკემბერს, საქართველოში ვიზიტით მყოფმა ევროპარლამენტარმა რასა იუკნევიჩიანემ სოციალურ ქსელში დაწერა, რომ ევროპარლამენტარების ვიზიტი მიზნად ისახავს „ევროპული მომავლისთვის მებრძოლი ქართველების მიმართ სოლიდარობის გამოხატვას.“ მიჰალ შჩერბამ განაცხადა, რომ საქართველოს კანდიდატი ქვეყნის სტატუსი მიენიჭა გარკვეული პირობებით, რომელთაგან ერთ-ერთი იყო თავისუფალი და სამართლიანი არჩევნების ჩატარება და „უნდა ითქვას, რომ ეს არჩევნები თავისუფალი და სამართლიანი არ ყოფილა“. „ამიტომ, ჩვენ ვთხოვთ საქართველოს ხელისუფლებას, ეს არჩევნები თავიდან ჩაატაროს გარკვეული პირობებით და იმ ნორმების შესაბამისად, რომელსაც ჩვენ ევროკავშირში პატივს ვცემთ.“ ევროპარლამენტის დელეგაციის გარდა, საქართველოშია შვედეთის პარლამენტისა და ევროპის საბჭოს საპარლამენტო ასამბლეის წევრი გუსტავ გეტბერგი. 11 დეკემბერს მან განცხადება გაავრცელა: „ახლახან ჩამოვედი თბილისში, რათა მხარდაჭერა გამოვხატო ქართველი ხალხის, მისი ევროპული მისწრაფებებისა და მშვიდობიანი პროტესტის უფლების მიმართ“. მან ასევე X-ზე დაწერა: „საქართველო ევროპაა, ევროპა კი საქართველოა – და ვერც ერთი ოლიგარქი ვერ შეცვლის ამ მნიშვნელოვან ფაქტს.“ "სად მივდივართ? - ევროპაში" - რუსთაველზე შეკრებილ მომიტინგეებს ესტონელმა, ლიეტუველმა და ისლანდიელმა მინისტრებმა სცენიდან მიმართეს შეგახსენებთ, რუსთაველის გამზირზე, პარლამენტის წინ 28 ნოემბრიდან აპროტესტებენ მთავრობის გადაწყვეტილებას იმის შესახებ, რომ 2028 წლის ბოლომდე დღის წესრიგში არ დააყენონ ევროკავშირში გაწევრიანებაზე მოლაპარაკების გახსნის საკითხი. 29 ნოემბერს, ევროკავშირის ელჩმა განაცხადა, რომ საქართველოს ხელისუფლების მიერ 28 ნოემბერს გამოცხადებული გადაწყვეტილება არის უკიდურესად იმედგამაცრუებელი და უკიდურესად სამწუხარო. იმავე დღეს, ამერიკის ელჩმა „მტკიცედ მოუწოდა „ქართულ ოცნებას“, გადახედოს საკუთარ ქმედებებს. 30 ნოემბერს ამერიკამ საქართველოსთან სტრატეგიული პარტნიორობა შეაჩერა. რიგი საჯარო მოხელეები და ელჩები თანამდებობებს ტოვებენ. პრემიერ-მინისტრი ირაკლი კობახიძე აცხადებს, რომ საქმე გვაქვს „წაკითხულის გააზრების პრობლემასთან“ და მთავრობას ევროინტეგრაციის პროცესი არ შეუჩერებია. პირველ დეკემბერს, ევროკავშირის ახალმა ხელმძღვანელობამ შეახსენა ყველას, რომ „საქართველოს ხელისუფლების მოქმედების კურსმა და დემოკრატიულმა უკუსვლამ გამოიწვია გაწევრიანების პროცესის დე ფაქტო შეჩერება ჯერ კიდევ 2024 წლის ივნისში, ხოლო ევროკავშირის ფინანსური დახმარება, რომელიც უშუალოდ საქართველოს ხელისუფლებისთვის იყო განკუთვნილი, ამჟამად შეჩერებულია. ევროკავშირში გაწევრიანების გზაზე დაბრუნება კი, საქართველოს ლიდერების ხელშია.“ 5 დეკემბერს, უკრაინამ ივანიშვილსა და კიდევ 18 პირს სანქციები დაუწესა. 5 დეკებერს ბლინკენმა განაცხადა, რომ აშშ დამატებითი სანქციების გამოსაყენებლად ემზადება, პასუხს აგებენ ისინი, ვინც ძირს უთხრიან დემოკრატიულ პროცესებს საქართველოში. მანამდე, სანქციების შესახებ გამოაცხადეს ბალტიის ქვეყნებმა, ხოლო ანალოგიური ზომა დააანონსა კანადამაც.
