ახალი ამბები
ირაკლი კობახიძე: რაც ირაკლი ღარიბაშვილი პრემიერი გახდა, ეკონომიკური ზრდა ნულიდან 12%-ზე ავიდა
„ქართული ოცნების“ თავმჯდომარე, ირაკლი კობახიძე „ეკონომიკის უპრეცედენტო ზრდის“ შესახებ აცხადებს. მისი თქმით, ირაკლი ღარიბაშვილი ქვეყნის პრემიერ-მინისტრი რაც გახდა, ეკონომიკური ზრდა 12%-იან მაჩვენებელზე ავიდა. „ჩვენი ქვეყნისთვის და საზოგადოებისთვის მთავარია ეკონომიკური განვითარება, რაც სოციალური მდგომარეობის გაუმჯობესებას ნიშნავს. აქ გვაქვს კონკრეტული გეგმები და არა მხოლოდ გეგმები. მას შემდეგ, რაც ირაკლი ღარიბაშვილი ქვეყნის პრემიერ-მინისტრი გახდა, დღეს უკვე 9 თვის მონაცემებით, პლუს 12%-ია ეკონომიკური ზრდის მაჩვენებელი, ანუ ღარიბაშვილის პირობებში ჩვენ მინუსიდან ავედით პლუს 12%-იან მაჩვენებელზე, რაც არის უპრეცედენტო ზრდა. საზოგადოებისთვის მთავარია, ეკონომიკის სწრაფი განვითარება გაგრძელდეს. პროგნოზებიც ძალიან კარგია. სიღარიბის ნულამდე დაყვანა ტერიტორიული მთლიანობის აღდგენასთან ერთად - ეს არის ჩვენი მთავარი ეროვნული ამოცანა და ყველაფერი გაკეთდება იმისათვის, რომ როგორც ერთი, ასევე მეორე მიმართულებით აქტიურად ვიმუშაოთ“, - განაცხადა ირაკლი კობახიძემ „იმედის“ ეთერში.
ნიკოლ ფაშინიანი: სომხეთი მზადაა, ტყვეების ნაცვლად აზერბაიჯანს დანაღმული ველების რუკები გადასცეს
"სომხეთის რესპუბლიკა მზად არის, ტყვეების ნაცვლად აზერბაიჯანს გადასცეს დანაღმული ველების შესახებ რუკები",- აღნიშნულის შესახებ სომხეთის პრემიერ-მინისტრმა, ნიკოლ ფაშინიანმა დამოუკიდებელი სახელმწიფოების თანამეგობრობის (დსთ) სახელმწიფოთა მეთაურების საბჭოს შეხვედრაზე განაცხადა, რომელიც ვიდეოკონფერენციის ფორმატში გაიმართა. სომხეთის პრემიერის თქმით, 2020 წლის 9 ნოემბრის სამმხრივი შეთანხმების მე-8 პუნქტის გათვალისწინების მიუხედავად, აზერბაიჯანულ მხარეს ჯერ კიდევ არ გაუთავისუფლებია ყველა სომეხი პატიმარი. საუბარია ყარაბაღის მეორე ომის შემდეგ აზერბაიჯანის კონტროლის ქვეშ მოქცეული ტერიტორიის დანაღმული ველების რუკებზე. ყარაბღის ომის დროს და მომდევნო პერიოდში აზერბაიჯანმა არაერთი სომეხი სამხედრო ტყვედ აიყვანა.
ავღანეთის შიიტურ მეჩეთში "ისლამური სახელმწიფოს" თვითმკვლელმა ტერორისტმა ბომბი ააფეთქა
ავღანეთის სამხრეთში მდებარე ქალაქ ყანდაარში, შიიტურ მეჩეთში აფეთქება მოხდა. ტელეკომპანია Al jazera-ს ცნობით ქ. ყანდაარის შიიტურ მეჩეთში თვითმკვლელმა ტერორისტმა თავი აიფეთქა, სადაც შიიტები ტრადიციულ პარასკევის ლოცვას ასრულებდნენ. დაიღუპა და დაიჭრა ათობით ადამიანი. ბოლო ერთ კვირაში უკვე მეორე თავდასხმაა შიიტებზე. 8 ოქტომბერს ქ. ყუნდუზის შიიტურ მეჩეთზე განხორციელებული მსგავსი თავდასხმის შედეგად 100-მდე ადამიანი გარდაიცვალა. წინასწარი ინფორმაციით, თავდასხმის ორგანიზატორი ე.წ. "ისლამური სახელმწიფო" იყო, რომელსაც კონფესიური (სუნიტურ-შიიტური) დაპირისპირების დაწყება სურს ავღანეთში. „ყანდაარის შიიტურ მეჩეთში აფეთქება მოხდა, რის გამოც დაღუპა და დაშავდა ჩვენი მრავალი თანამემამულე. დამნაშავეთა პასუხისგებაში მისაცემად, რეგიონში „თალიბანის“ სპეციალური ძალები შევიდნენ“, - წერს თალიბანის შინაგან საქმეთა სამინსიტროს წარმომადგენელი ყარი საიდ ხოსტიმი.
საარსებო მინიმუმი 216 ლარი გახდა, რაც გასულ წელთან შედარებით, 32 ლარით მეტია
საქსტატმა დღეს საარსებო მინიმუმის სტატისტიკა გამოაქვეყნა. დოკუმენტის თანახმად, სექტემბრის განმავლობაში შრომისუნარიანი კაცის საარსებო მინიმუმი 216.3 ლარი იყო, რაც წინა წელს არსებულ საარსებო მინიმუმთან შედარებით, მთელი 32 ლარით მეტია. ეს კი თავის მხრივ, ქვეყანაში ცხოვრების გაძვირებულ ღირებულებაზე მეტყველებს. საარსებო მინიმუმის ზრდა მაღალ ინფლაციასთან არის დაკავშირებული. ქვეყანაში ბოლო 10 წლის განმავლობაში სექტემბრის თვეში ყველაზე მაღალი - 12.3%-იანი ინფლაცია დაფიქსირდა. საარსებო მინიმუმში არ შედის კომუნალური ტარიფების ღირებულება, ტრანსპორტის ღირებულება და სხვა მრავალი ხარჯის ღირებულება, რომელთა გაღებაც ყველა ადამიანს უწევს. დღეს არსებული სისტემა მხოლოდ და მხოლოდ საკვების ღირებულებას ეფუძნება. საარსებო მინიმუმის გამოანგარიშება ხდება სპეციალური სასურსათო კალათის მეშვეობით, რომელიც ჯანდაცვის მინისტრის ბრძანებით, 2003 წლის 8 მაისს განისაზღვრა. მეტიც, საარსებო მინიმუმი მხოლოდ და მხოლოდ სურსათის ღირებულების გამომხატველი მაჩვენებელია. მინიმალური ხელფასის ოდენობით, საქართველო მსოფლიოში ბოლოდან მესამე ადგილზეა დიმიტრი ხუნდაძე: 20 ლარიდან 320 ლარამდე მინიმალური ხელფასის გაზრდა სამუშაო ადგილებს შეამცირებს
შსს აქციის დროს საკრებულოს შენობაში განთავსებულ აპარატურაზე განცხადებას ავრცელებს
შინაგან საქმეთა სამინისტრო, საკრებულოს შენობაში განთავსებულ აპარატურაზე განცხადებას ავრცელებს და განმარტავს, რომ ტექნიკა პოლიციასთან რადიო და მობილური კომუნიკაციის გამართული მუშაობისთვის გამოიყენება. როგორც გავრცელებულ ინფორმაციაშია ნათქვამი, აღნიშნული ტექნიკური საშუალება მოძრავი რეპიტერია, წარმოადგენს საპოლიციო ინფრასტრუქტურას და აძლიერებს, როგორც რადიოსიგნალის მექანიზმს, ასევე, ფიჭურ მობილურ კავშირს. ის გამოიყენება საპოლიციო დანაყოფებს შორის გამართული მუშაობის მიზნით. "გვსურს, საზოგადოებას მივაწოდოთ ინფორმაცია 14 ოქტომბერს თბილისის საკრებულოს შენობაში არსებული ტექნიკური საშუალებების შესახებ. აღნიშნული მოძრავი რეპიტერია, წარმოადგენს საპოლიციო ინფრასტრუქტურას, რომელიც აძლიერებს, როგორც რადიოსიგნალის მექანიზმს, ასევე, ფიჭურ მობილურ კავშირს. ის გამოიყენება საპოლიციო დანაყოფებს შორის გამართული მუშაობის მიზნით. აღნიშნული ტექნიკის მობილიზება ხდება ყველა იმ შემთხვევაში, სადაც შესაძლოა, გახდეს საჭირო მასების მართვა და შეუფერხებელი კომუნიკაციის დამყარება საპოლიციო დანაყოფებს შორის, როგორც რადიოსადგურის, ასევე, მობილური კავშირის მეშვეობით,"- აღნიშნულია უწყების მიერ გავრცელებულ განცხადებაში. ცნობისთვის, "ნაციონალური მოძრაობის" წევრებმა განაცხადეს, რომ გუშინ, საპროტესტო აქციის მიმდინარეობისას, საკრებულოს მესამე სართულზე ინტერნეტის ჩამხშობი და მოსასმენი აპარატურა აღმოაჩინეს.
პოლონეთის სეიმის წევრი: ევროპის საბჭოს კომისარს და ევროკავშირის წარმომადგენელს მივმართეთ, დაუყოვნებლივ მიიღონ ზომები სააკაშვილის გასათავისუფლებლად
პოლონეთის სეიმის წევრის, მალგოჟატა გოშიევსკა პარლამენტის წევრების შეხვედრაზე წერს, რომელიც პოლონეთში დღეს გაიმართა და რომლის დროსაც მიმართეს ევროპის საბჭოს ადამიანის უფლებათა კომისარს დუნია მიატოვიჩსა და ევროკავშირის სპეციალურ წარმომადგენელს ადამიანის უფლებათა დაცვის საკითხებში ეამონა გილმორეს, რომ დაუყოვნებლივ მიიღონ ზომები ექსპრეზიდენტ მიხეილ სააკაშვილის გასათავისუფლებლად. „მიხეილ სააკაშვილის ჯანმრთელობის მდგომარეობის გაუარესებიდან გამომდინარე, ჩემი ინიციატივით შედგა პოლონეთის პარლამენტის წევრების შეხვედრა, რომლის დროსაც აპელაციით მივმართეთ ევროპის საბჭოს ადამიანის უფლებათა კომისარს დუნია მიატოვიჩსა და ევროკავშირის სპეციალურ წარმომადგენელს ადამიანის უფლებათა დაცვის საკითხებში ეამონა გილმორეს, რომ დაუყოვნებლივ მიიღონ ზომები და დაარწმუნონ საქართველოს ხელისუფლება, დაუყოვნებლივ გაათავისუფლონ მიხეილ სააკაშვილი“, - წერს პოლონეთის პარლამენტის წევრი Facebook-ზე. ცნობისთვის, ექსპრეზიდენტი სააკაშვილი, რომელიც პირველ ოქტომბერს დააკავეს, დაახლოებით ორი კვირაა, შიმშილობს.
შს მინისტრის მოადგილე: თუ გიგი უგულავამ კარანტინის წესები დაარღვია, დაჯარიმდება
შინაგან საქმეთა მინისტრის მოდგილის ალექსანდრე დარახველიძის განცხადებით, შესაძლოა, გიგი უგულავა დაჯარიმდეს. "რაც შეეხება გიგი უგულავას, თუ მან დაარღვია კარანტინის წესები, თავისუფლად დაჯარიმდება ამისთვის,"- განაცხადა დარახველიძემ. გიგი უგულავას 7 ოქტომბერს კორონავირუსი დაუდასტურდა, თუმცა 14 ოქტომბერს, თავისუფლების მოედანზე აქციაზე მივიდა და განაცხადა, რომ მას ამის ნება ექიმებმა დართეს.
პენიტენციური სამსახური გარდაცვლილი პატიმრების ვინაობას ასაჯაროებს
"მაღალი საზოგადოებრივი ინტერესის გათვალისწინებით განვმარტავთ, რომ N17 პენიტენციური დაწესებულების სამზარეულოში გაჩენილ ხანძარს ორი მსჯავრდებულის, რომან ქრისტესიაშვილის და ილია ხიპაშვილის სიცოცხლე ემსხვერპლა", - ამის შესახებ სპეციალური პენტიტენციური სამსახურის პრესრელიზშია ნათქვამი. უწყების ცნობით, ორივე მათგანი დაწესებულების სამეურნეო ნაწილში იყო დასაქმებული. "ასევე კვამლის ინტოქსიკაციის შედეგად მსუბუქად დაშავდა კომპანია ,,ილი ჯგუფის“ (პენიტენციური სამსახურის კვებითი მომსახურების კომპანია) რამდენიმე თანამშომელიც, რომელთა ჯანმრთელობას საფრთხე არ ემუქრებათ. დაწესებულების სამზარეულოს ნაწილში აალება ,ჯერჯერობით, დაუდგენელი მიზეზების გამო, დაახლოებით, 14:20 საათზე მოხდა. აღსანიშნავია, რომ სამზარეულო მსჯავრდებულების საცხოვრებელი კორპუსიდან მოშორებით მდებარეობს და არ არსებობდა საფრთხე ხანძრის გავრცელების. ამ ეტაპზე ხანძარი ლიკვიდირებულია.მომხდარის შესახებ დაუყოვნებლივ ეცნობა სახელმწიფო ინსპექტორს სამსახურს. ასევე ინფორმირებულია იუსტიციის სამინისტროს გენერალური ინსპექცია.ხანძრის გამომწვევი მიზეზების და გარემოებების დადგენა მოხდება მიმდინარე საგამოძიებო მოქმედებების ფარგლებში", - აცხადებენ უწყებაში. რუსთავის N17 დაწესებულების სამზარეულოში ხანძარი 14 ოქტომმბერს დაახლოებით 14:00-ზე გაჩნდა. ხანძარმა ორი პატიმარი იმსხვერპლა. მომხდარის შესახებ სახელმწიფო ინსპექტორმა და ომბუდსმენმა გამოძიება დაიწყეს. სპეციალური პენიტენციური სამსახურის ცნობით, სამზარეულო მსჯავრდებულების საცხოვრებელი კორპუსიდან მოშორებით მდებარეობს. მათივე ინფორმაციით, N17 დაწესებულება მოშორებით მდებარეობს რუსთავში მდებარე სხვა პენიტენციური (N5, N6, N12, N16) დაწესებულებებისგან.
ბოლო 24 საათში, მხოლოდ 3 843 ადამიანი აიცრა
14 ოქტომბერს საქართველოში მხოლოდ 3 843 ადამიანი აიცრა. 15 ოქტომბრის მონაცემებით სულ ჩატარებულია 1 899 938 აცრა. 1 დოზით ვაქცინირებულია 1 007 399 ადამიანი - მოზრდილი მოსახლეობის 35.5 %. სრულად ვაქცინირებულია 892 410 ადამიანი - მოზრდილი მოსახლეობის 31.2% საქართველოში ვაქცინაცია 15 მარტს დაიწყო. დღემდე გაკეთებულია 1 874 845 აცრა. სულ მცირე ერთი დოზით ვაქცინირებულია 1 000 785 ადამიანი, ანუ მოზრდილი მოსახლეობის 35.2%. სრულად ვაქცინირებულია 874 060 - მოზრდილი მოსახლეობის 30.6%. 13 ოქტომბერს, 6 110 ადამიანი აიცრა. 12 ოქტომბერს - 6 837. ბოლო 24 საათში, ქვეყნის მასშტაბით კორონავირუსის ახალი 3 270 შემთხვევა გამოვლინდა. 26 ინფიცირებული გაირდაიცვალა, 1 298 პაციენტი კი გამოჯანმრთელდა. ამ ეტაპზე ქვეყანაში კორონავირუსით ინფიცირებული 34 394 პაციენტია. საავადმყოფოში 5 153 ადამიანი მკურნალობს, მძიმე პაციენტია 1 154 ინფიცირებული. ხელოვნური სუნთქვის აპარატზე იმყოფება 262 პაციენტი, 907 ადამიანი მოთავსებულია კლინიკურ-სასტუმროებში. 28 334 ინფიცირებული ბინაზე მკურნალობს.
BBC: 43 ათას კოვიდინფიცირებულს ტესტებმა უარყოფითი პასუხი უჩვენა, რის გამოც ტესტის მწარმოებელმა ლაბორატორიამ მუშაობა შეაჩერა
ბრიტანეთის ეროვნული ჯანდაცვის სამსახურის გამოძიების შედეგად დადგინდა, რომ 43 ათას კოვიდინფიცირებულს ტესტებმა უარყოფითი პასუხი უჩვენა, რის გამოც ტესტის მწარმოებელმა ვულვერჰემპტონის ლაბორატორიამ მუშაობა შეაჩერა. საქმე ეხება PCR ტესტებს. როგორც BBC იუწყება, მჟამად ბრიტანეთის ჯანდაცვის სამსახურის თანამშრომლები უკავშირდებიან იმ პირებს, ვისი კოვიდტესტის პასუხიც შესაძლოა, არასწორი ყოფილიყო, რათა მათ ლაბორატორიული შემოწმება ხელახლა ჩაიტარონ. ლაბორატორიის მიერ ჩატარებული ტესტების არასწორი პასუხების ეჭვი მას შემდეგ გაჩნდა, რაც არაერთ ადამიანს, სწრაფი ტესტის შედეგად კოვიდი დაუდგინდა.
ადვოკატი: ერთ-ერთი პატიმარი მეორეს გადარჩენას ცდილობდა, მაგრამ კვამლის გამო გარეთ ვეღარ გამოაღწიეს
ერთ-ერთი გარდაცვლილი პატიმრის ადვოკატის ჯაბა კოჭლამაზაშვილის განცხადებით, რუსთავის N17 სასჯელაღსრულების დაწესებულებაში, სადაც გუშინ ხანძარი გაჩნდა, ერთი პატიმარი მეორის გადასარჩენად შევიდა, თუმცა ძლიერი დაკვამლიანების გამო ორივე გარდაიცვალა. მისი თქმით, პატიმრები საავადმყოფოში შეყვანისას, სავარაუდოდ, უკვე გარდაცვლილები იყვნენ. "ერთ-ერთი პატიმარი, რომლის სახელს და გვარს ვერ დავასახელებ, შევარდა შიგნით მეორე პატიმრის გადარჩენის მიზნით, სამწუხაროდ, იქიდან ვეღარ გამოვიდნენ ძლიერი კვამლის გამო. სხვა დაშავებულების შესახებ ინფორმაციას არ ვფლობ", - აცხადებს ჯაბა კოჭლამაზაშვილი. რუსთავის ციხეებთან ამ დროისთვის მიდიან სხვა პატიმრების ოჯახის წევრები, რომ გაიგონ რა მდგომარეობაში არიან მათი ახლობლები - ხანძრის შემდეგ მსჯავრდებულებს შეზღუდულები ჰქონდათ სატელეფონო კომუნიკაცია ოჯახის წევრებთან. რუსთავის N17 დაწესებულების სამზარეულოში ხანძარი 14 ოქტომმბერს დაახლოებით 14:00-ზე გაჩნდა. ხანძარმა ორი პატიმარი იმსხვერპლა. მომხდარის შესახებ სახელმწიფო ინსპექტორმა და ომბუდსმენმა გამოძიება დაიწყეს. სპეციალური პენიტენციური სამსახურის ცნობით, სამზარეულო მსჯავრდებულების საცხოვრებელი კორპუსიდან მოშორებით მდებარეობს. მათივე ინფორმაციით, N17 დაწესებულება მოშორებით მდებარეობს რუსთავში მდებარე სხვა პენიტენციური (N5, N6, N12, N16) დაწესებულებებისგან.
დავით სერგეენკო: გიგი უგულავას საქციელს ვერაფრით გავამართლებ, იზოლაციის პერიოდის გავლამდე, არ შეიძლება, ირგვლივ მყოფებს ასეთი რისკი შეუქმნა
"გიგი უგულავას საქციელს ვერაფრით გავამართლებ, იზოლაციის პერიოდის გავლამდე, არ შეიძლება, ირგვლივ მყოფებს ასეთი რისკი შეუქმნა", - ამის შესახებ პარლამენტის ვიცე-სპიკერმა, ჯანდაცვის ყოფილმა მინისტრმა დავით სერგეენკომ განაცხადა. გიგი უგულავას 7 ოქტომბერს კორონავირუსი დაუდასტურდა, თუმცა 14 ოქტომბრის აქციაზე მივიდა და განაცხადა, რომ მას ამის ნება ექიმებმა დართეს. დავით სერგეენკოს თქმით, ამ ფაქტს სპეციალური სამსახურები შეისწავლიან. „ამ საკითხით თამაში არაფრით შეიძლება. ჯანმრთელობა პოლიტიკას და იმიჯის შექმნას არ უნდა შესწირო, ეს არ უნდა დადო საპირწონედ. ეს არაფრით შეიძლება და არაფრის ფასად, სანამ იზოლაციის პერიოდი არ გაქვს გავლილი. არ შეიძლება, ირგვლივ მყოფ ადამიანებს ასეთი რისკი შეუქმნა და ამ საქციელს ვერაფრით გავამართლებ. დადგენილია წესები, როგორ უნდა მოიქცეს ადამიანი, როცა კოვიდინფექცია აქვს, ამის დარღვევა არაფრით შეიძლება. რაც შეეხება, რატომ არ მოხდა რეაქცია, ალბათ შესაბამისი რეაქცია იქნება, თუ დადასტურდება, რომ მან ეს წესები დაარღვია. ახლა ყველანი ვსაუბრობთ იმაზე, რაც ამ ადამიანმა თქვა და ეს არ არის ურყევი ჭეშმარიტება, რომ ახლა ყველანი დავიძრათ პარლამენტიდან და პასუხი მოვთხოვოთ. არის ამის სამსახურები, რომლებიც შეისწავლიან და მიხედავენ. კანონის წინაშე ყველა თანასწორია“, – განაცხადა დავით სერგეენკომ. გიგი უგულავა, რომელსაც 7 ოქტომბერს კორონავირუსი დაუდასტურდა, თავისუფლების მოედანზე სიტყვით გამოვიდა. „არ შემეძლო, დღეს აქ არ მოვსულიყავი, მადლობა ექიმებს, რომ მომცეს ამის საშუალება“, – განაცხადა აქციაზე. მოგვიანებით, უგულავამ სოციალურ ქსელში დაწერა, რომ სიმპტომები აღარ აქვს, აღარც გადამდებია. მისივე თქმით, სწრაფმა ტესტმაც უარყოფითი აჩვენა და ექიმთან კონსულტაციის შემდეგ გადაწყვიტა, ყოფილიყო აქციაზე, ხალხთან ერთად.
ომბუდსმენი რუსთავის ციხეში ორი პატიმრის გარდაცვალების საქმეს იკვლევს
საქართველოს სახალხო დამცველის აპარატმა რუსთავის მე-17 პენიტენციურ დაწესებულებაში ხანძრის შედეგად ორი პატიმრის გარდაცვალების გარემოებები შესწავლა დაიწყო. რუსთავის N17 დაწესებულების სამზარეულოში ხანძარი გუშინ, დაახლოებით 14:20 საათზე გაჩნდა. ციხის ტერიტორიაზე ძლიერი დაკვამლიანება იყო. სპეციალური პენიტენციური სამსახურის ცნობით, სამზარეულო მსჯავრდებულების საცხოვრებელი კორპუსიდან მოშორებით მდებარეობს. მათივე ინფორმაციით, N17 დაწესებულება მოშორებით მდებარეობს რუსთავში მდებარე სხვა პენიტენციური (N5, N6, N12, N16) დაწესებულებებისგან.
სახელმწიფო ინსპექტორი ადასტურებს, რომ სუსი-ის ფაილებში არსებული ჟურნალისტების და დეპუტატის ფარულ მოსმენა/მიყურადებაზე მეთვალყურეობა არ გაუწევია
სახელმწიფო ინსპექტორი ადასტურებს, რომ სუსი-ის ფაილებში არსებული 6 ჟურნალისტისა და პარლამენტის წევრის ფარულ მოსმენა/მიყურადებას მისი მეთვალყურეობის ფარგლებში ადგილი არ ჰქონია 2021 წლის 30 სექტემბერს GDI-მ მიმართა სახელმწიფო ინსპექტორს და დაცვის ქვეშ მყოფი პირების საუბრების მოსმენა/მიყურადების კანონიერების გადამოწმება მოითხოვა. 2021 წლის 11 ოქტომბრით დათარიღებული წერილში სახელმწიფო ინსპექტორის სამსახური აღნიშნავს, რომ მისი კომპეტენციის ფარგლებში საკითხის გადამოწმების შედეგად, მითითებულ მოსმენა/მიყურადების ფაქტებთან დაკავშირებით, არ გამოვლენილა გარემოებები, რაც განმცხადებელთა (კანონიერი მოსმენა/მიყურადების შემთხვევაში) ინფორმირების ვალდებულებას წარმოშობდა. შესაბამისად, სახელმწიფო ინსპექტორმა GDI-ს განცხადება გადააგზავნა თბილისის პროკურატურაში რეაგირებისთვის. აღნიშნული გარემოება კიდევ უფრო ამყარებს ეჭვს, რომ GDI-ს დაცვის ქვეშ მყოფი პირების მიმართ განხორციელებული მოსმენა/მიყურადება კანონიერი არ ყოფილა. საქმე ეხება 2021 წლის 14 სექტემბერს, სხვადასხვა მედია საშუალების მეშვეობით, გავრცელებულ ინფორმაციას, საიდანაც ირკვევა, რომ სახელმწიფო უსაფრთხოების სამსახური, სავარაუდოდ, უკანონოდ უსმენდა სასულიერო პირების, პოლიტიკოსების, ჟურნალისტების, ადვოკატების, დიპლომატიური კორპუსის წარმომადგენლებისა და სხვა პირების პირად საუბრებს. გავრცელებული მასალის მოცულობა მიუთითებს, რომ უკანონო მოსმენებს ჰქონდა სისტემური ხასიათი. GDI იცავს ჟურნალისტების: ქეთი ნადიბაიძის, მარტა ქურასბედიანის, მარიამ გეგუჩაძის, ნოდარ რუხაძის, თათუშა არველაძის, ნანუკა ბრეგაძისა და პარლამენტის წევრი, თიკა ბოკუჩავას ინტერესებს. ჟურნალისტებმა და პარლამენტის წევრმა გავრცელებულ მასალაში აღმოაჩინეს ინფორმაცია თავიანთი საუბრების უკანონო მიყურადების შესახებ. მათ უშუალო ზიანი მიადგათ დანაშაულის შედეგად, შეილახა მათი კერძო კომუნიკაციის ხელშეუხებლობის უფლება. აღსანიშნავია ისიც, რომ 2021 წლის 30 სექტემბერს, GDI-მ ბენეფიციართა სახელით, დაზარალებულის სტატუსის მინიჭების მოთხოვნით, საქართველოს პროკურატურას მიმართა. აღნიშნულ მოთხოვნას პროკურატურამ პასუხი არ გასცა, მიუხედავად იმისა რომ ევალებოდა ადვოკატის მოთხოვნაზე 48 საათის განმავლობაში გამოეცა დადგენილება და დაზარალებულად ეცნო ან უარი ეთქვა, უკანონო მოსმენების მსხვერპლებისთვის, დაზარალებულის სტატუსის მინიჭებაზე. მოთხოვნის უგულებელყოფის გამო, GDI-მ 2021 წლის 8 ოქტომბერს ზემდგომი პროკურორის სახელზე წარადგინა საჩივარი და მოითხოვა უკანონო მოსმენების მსხვერპლებისთვის დაზარალებულის სტატუსის მინიჭება. სისხლის სამართლის საპროცესო კოდექსის უხეში დარღვევით, აღნიშნულ განცხადებაზეც დღემდე GDI-ს პროკურატურისგან პასუხი არ მიუღია. საქართველოს პროკურატურა ვალდებულია ჩაატაროს ეფექტიანი გამოძიება უკანონო მოსმენებთან დაკავშირებით და დასაჯოს ყველა პირი, ვინც უკანონოდ უსმენდა ადამიანების კერძო საუბრებს, მათ შორის ის პირები, ვინც ბრძანებას გასცემდნენ უკანონო მოსმენების შესახებ. ამასთან, საქართველოს პროკურატურა ვალდებულია, დანაშაულის მსხვერპლებს მიანიჭოს დაზარალებულის სტატუსი, რათა მათ შეძლონ სისხლის სამართლის საპროცესო კოდექსით გათვალისწინებული დაზარალებულის უფლებებით, მათ შორის საქმის მასალების გაცნობის ან/და საქმის მასალების ასლების მიღების უფლებით სარგებლობა.
რუსთავის ციხეში, ხანძრის შედეგად დაღუპული ორი პატიმრის საქმეს სახელმწიფო ინსპექტორის სამსახური იძიებს
№17 პენიტენციურ დაწესებულებაში ხანძრის შედეგად ორი პატიმრის გარდაცვალების საქმეს სახელმწიფო ინსპექტორის სამსახური იძიებს. ამის შესახებ სახელმწიფო ინსპექტორის სამსახურის განცხადებაშია აღნიშნული. „2021 წლის 14 ოქტომბერს სახელმწიფო ინსპექტორის სამსახურის საგამოძიებო დეპარტამენტში დაუყოვნებლივ დაიწყო გამოძიება სახანძრო უსაფრთხოების წესების შესაძლო დარღვევისა და სპეციალური პენიტენციური სამსახურის მოსამსახურის ან მასთან გათანაბრებული პირის მიერ სამსახურში დადგენილი წესის შესაძლო შეუსრულებლობის ან არაჯეროვნად შესრულების ფაქტზე, რამაც №17 პენიტენციურ დაწესებულებაში განთავსებული ორი პატიმრის გარდაცვალება გამოიწვია. გამოძიება საქართველოს სისხლის სამართლის კოდექსის 243-ე მუხლის მე-3 ნაწილითა და 342-ე პრიმა მუხლის მე-2 ნაწილით გათვალისწინებული დანაშაულის ნიშნებით, სპეციალური პენიტენციური სამსახურიდან შემოსული შეტყობინების საფუძველზე, დაიწყო. სისხლის სამართლის საქმეზე ინტენსიურ რეჟიმში ტარდება საგამოძიებო მოქმედებები: დათვალიერდა ადგილმდებარეობა; დაინიშნა სამედიცინო ექსპერტიზა; შესაბამისი ექსპერტების მონაწილეობით ტარდება ხანძრის კერის ადგილის დათვალიერება, რომლის შემდგომ დაინიშნება სახანძრო-ტექნიკური ექსპერტიზა; მიმდინარეობს საქმესთან შემხებლობაში მყოფ პირთა გამოკითხვა; მიმართული იქნა სპეციალური პენიტენციური სამსახურისთვის №17 დაწესებულების შიდა და გარე პერიმეტრზე განთავსებული ვიდეოსათვალთვალო კამერების ჩანაწერების დაარქივების მოთხოვნით, რათა მოსამართლის განჩინების საფუძველზე განხორციელდეს ჩანაწერების გამოთხოვა. სახელმწიფო ინსპექტორის სამსახური, ეფექტიანი გამოძიების უზრუნველყოფის მიზნით, ჩაატარებს ყველა საჭირო საგამოძიებო და საპროცესო მოქმედებას“, – აცხადებენ უწყებაში. რუსთავის N17 პენიტენციურ დაწესებულებაში გუშინდელ ხანძარს ორი ადამიანი ემსხვერპლა. N17 დაწესებულების სამზარეულოში ხანძარი გუშინ, დაახლოებით 14:20 საათზე გაჩნდა. ციხის ტერიტორიაზე ძლიერი დაკვამლიანება მოხდა. სპეციალური პენიტენციური სამსახურის ცნობით, სამზარეულო მსჯავრდებულების საცხოვრებელი კორპუსიდან მოშორებით მდებარეობს. მათივე ინფორმაციით, N17 დაწესებულება მოშორებით მდებარეობს რუსთავში მდებარე სხვა პენიტენციური (N5, N6, N12, N16) დაწესებულებებისგან.
დღეიდან იტალიაში ყველა დასაქმებულისთვის კოვიდპასპორტის წარდგენა სავალდებულო ხდება
დღეიდან იტალიაში ყველა დასაქმებულისთვის კოვიდპასპორტების წარდგენა სავალდებულო ხდება. იტალიის მთავრობამ აღნიშნული დადგენილება 16 სექტემბერს მიიღო. აშშ-ის პრეზიდენტის ჯო ბაიდენის განცხადებით, ამერიკაში კერძო ბიზნესის წარმომადგენლებისთვის ვაქცინაციის ვალდებულების შესახებ რეგულაციები ახლო მომავალში გახდება ცნობილი. შეერთებულ შტატებში ამ დროისთვის 66 მილიონი ადამიანი ჯერ კიდევ არ არის ვაქცინირებული. მსოფლიოში, კორონავირუსით ინფიცირების მაჩვენებელმა 240 მილიონს გადააჭარბა. ბოლო 24 საათში კორონავირუსით ინფიცირების რეკორდული მონაცემები დაფიქსირდა ლატვიაში. ინფიცირებულთა შორისაა ლატვიის პრეზიდენტიც. შტატების სურსათისა და წამლის ადმინისტრაციის დამოუკიდებელმა ექსპერტთა ჯგუფმა რეკომენდაცია გაუწია "მოდერნას" ვაქცინით "ბუსტერ" დოზის გაკეთებას 65 წელს გადაცილებული ადამიანებისა და რისკჯგუფში შემავალი პირებისთვის.
პენიტენციური სამსახური: რუსთავის N17 დაწესებულების სამზარეულოში გუშინდელი ხანძრისას ორი ადამიანი დაიღუპა
რუსთავის მე-17 პენიტენციურ დაწესებულებაში გუშინ გაჩენილ ხანძარს მსხვერპლი მოჰყვა. გარდაცვლილია ორი ადამიანი. ინფორმაციას სპეციალურ პენიტენციურ სამსახურში ადასტურებენ. უწყების ცნობით, გარდაცვლილები პატიმრები არიან. N17 დაწესებულების სამზარეულოში ხანძარი გუშინ, დაახლოებით 14:20 საათზე გაჩნდა. სპეციალური პენიტენციური სამსახურის ცნობით, სამზარეულო მსჯავრდებულების საცხოვრებელი კორპუსიდან მოშორებით მდებარეობს. მათივე ინფორმაციით, N17 დაწესებულება მოშორებით მდებარეობს რუსთავში მდებარე სხვა პენიტენციური (N5, N6, N12, N16) დაწესებულებებისგან.
ინფიცირების 3 270 ახალი შემთხვევა, 26 გარდაცვლილი და 1154 მძიმე პაციენტი
ბოლო 24 საათში, ქვეყნის მასშტაბით კორონავირუსის ახალი 3 270 შემთხვევა გამოვლინდა. 26 ინფიცირებული გაირდაიცვალა, 1 298 პაციენტი კი გამოჯანმრთელდა. ამ ეტაპზე ქვეყანაში კორონავირუსით ინფიცირებული 34 394 პაციენტია. საავადმყოფოში 5 153 ადამიანი მკურნალობს, მძიმე პაციენტია 1 154 ინფიცირებული. ხელოვნური სუნთქვის აპარატზე იმყოფება 262 პაციენტი, 907 ადამიანი მოთავსებულია კლინიკურ-სასტუმროებში. 28 334 ინფიცირებული ბინაზე მკურნალობს. 14 ოქტომბერს, კორონავირუსის საწინააღმდეგო ვაქცინით 3 843 ადამიანი აიცრა.
სალომე ზურაბიშვილი ჟენევაში შრომის საერთაშორისო ორგანიზაციის გენერალურ დირექტორს შეხვდა
საქართველოს პრეზიდენტი სალომე ზურაბიშვილი ჟენევაში შრომის საერთაშორისო ორგანიზაციის გენერალურ დირექტორს, გი რაიდერს შეხვდა. პრეზიდენტის ადმინისტრაციის პრესსამსახურის ინფორმაციით, მხარეებმა დასაქმების, შრომისა და უსაფრთხო სამუშაო გარემოს მიმართულებით პანდემიით გამოწვეულ სირთულეებზე ისაუბრეს. „ხაზგასმით აღინიშნა საქართველოს მნიშვნელოვანი პროგრესი შრომის უსაფრთხოებისა და შრომითი უფლებების დაცვის კუთხით. განსაკუთრებით ხაზგასასმელია ინკლუზიური სოციალური დიალოგი, რომელიც ყველა დაინტერესებული მხარის ჩართულობის საშუალებას იძლევა. პრეზიდენტმა შეხვედრისას საქართველოში ტექნიკური დახმარების პროგრამების მოცულობის გაზრდის საკითხი დასვა, რაზეც ორგანიზაციის მხრიდან თანამშრომლობის მზაობა გამოითქვა, რათა მოხდეს ახალი რეგულაციების და დაცვის მექანიზმების ეფექტური დანერგვა. მხარეებმა ასევე ისაუბრეს პროფესიული უნარების განვითარების კუთხით, ILO -სა და განათლების სამინისტროს თანამშრომლობის შესახებ“,- აღნიშნულია ინფორმაციაში. მინიმალური ხელფასის ოდენობით, საქართველო მსოფლიოში ბოლოდან მესამე ადგილზეა დიმიტრი ხუნდაძე: 20 ლარიდან 320 ლარამდე მინიმალური ხელფასის გაზრდა სამუშაო ადგილებს შეამცირებს
პოლონეთის პარლამენტმა ბელარუსის საზღვარზე დამცავი კედლის მშენებლობის სამთავრობო გეგმას მხარი დაუჭირა
პოლონეთის პარლამენტმა ბელარუსის საზღვარზე დამცავი კედლის მშენებლობის სამთავრობო გეგმას მხარი დაუჭირა. პარლამენტის ქვედა პალატაში გამართული კენჭისყრის შემდეგ კედლის მშენებლობის გეგმა ახლა სენატში უნდა დაამტკიცონ. Reuters-ის ცნობით, კედლის აშენება 400 მილიონი დოლარი დაჯდება. დამცავი კონსტრუქციის მშენებლობის მიზანი ბელარუსის ტერიტორიიდან პოლონეთში მიგრანტების არალეგალურად გადასვლის პრევენციაა. პროექტის თანახმად, საზღვრის დამცავ კონსტრუქციაზე მოძრაობის დაფიქსირებისთვის საჭირო სენსორები და სათვალთვალო კამერები დამონტაჟდება. პოლონეთის მთავრობის განცხადებით, ალექსანდრ ლუკაშენკოს მთავრობა ამ ნაბიჯებით პასუხობს ევროკავშირის სანქციებს და ბელარუსი ორგანიზებულად ცდილობს მიგრანტები მეზობელ ქვეყნებში გადაიყვანოს. ევროკავშირი ბელარუსის წინააღმდეგ სანქციების მეხუთე პაკეტის მომზადებას იწყებს
