ახალი ამბები
165 ქვეყანას ჩინეთის 385 მილიარდი დოლარი ვალი აქვს
165 ქვეყანას ჩინეთის 385 მილიარდი დოლარი აქვს ვალი. ამის შესახებ ინფორმაციას. ამერიკული კვლევითი ლაბორატორია „ეიდ დეითას“ (AidData) აქვეყნებს. ორგანიზაციის ანგარიშის თანახმად, 165 სახელმწიფოს ჩინეთის 385 მილიარდიანი ვალი ერთი სარტყელი, ერთი გზის“ ინიციატივის პროექტების შედეგად დაუგროვდა. ორგანიზაციის ოთხწლიანი კვლევის თანახმად, 42 დაბალი და საშუალო შემოსავლის მქონე ქვეყნის ვალი ჩინეთის მიმართ მათი მთლიანი შიდა პროდუქტის 10 პროცენტს აჭარბებს. მათ შორის არიან ლაოსი, პაპუა ახალი გვინეა, მალდივები, ბრუნეი, კამბოჯა და მიანმარი. ანგარიშში აღნიშნულია, რომ ჩინეთ-ლაოსის რკინიგზის პროექტი მთლიანად არის დაფინანსებული არაოფიციალური ვალით, რაც ლაოსის მთლიანი შიდა პროდუქტის დაახლოებით მესამედს უტოლდება. ანგარიშის მიხედვით, 2000-2017 წლებში 165 ქვეყანაში „ერთი სარტყელი, ერთი გზის ინიციატივის“ 13 000-ზე მეტი პროექტი განხორციელდა, რომლის ღირებულება 843 მილიარდი დოლარია.
11 დღის წინ გაუჩინარებულ 35 წლის ლევან ბეჟაშვილს ამ დრომდე ვერ პოულობენ
19 სექტემბრის შემდეგ გაუჩინარებული 35 წლის ლევან ბეჟაშვილი პოლიციამ ამ დრომდე ვერ იპოვა. სამძებრო სამუშაოები გრძელდება. ოჯახის ცნობით, 35 წლის ლევან ბეჟაშვილი, 19 სექტემბერს, თბილისიდან სამარშუტო ტაქსით დედოფლისწყაროში ბრუნდებოდა, ამის შესახებ მან ოჯახს სხვისი ტელეფონით დაურეკა, თუმცა ამის შემდეგ მისი კვალი ქრება. .
ამირან გამყრელიძე: მხარს ვუჭერ ინიციატივას, ექიმებისა და პედაგოგებისთვის აცრა სავალდებულო გახდეს
დაავდებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ის ემხრობა ინიციატივას, ექიმებისა და პედაგოგებისთვის აცრა სავალდებულო გახდეს. მისი თქმით, უსაფრთხო სკოლის კონცეფციისთვის აუცილებელია, რომ მასწავლებლები და ადმინისტრაციული პერსონალი იყოს აცრილი, თუმცა ამ ეტაპზე ვაქცინაცია ნებაყოფლობითია. „ექიმებში აცრის ერთ-ერთი ყველაზე მაღალი მაჩვენებელი გვაქვს. 78 პროცენტი ერთჯერადად არის აცრილი, 70 პროცენტი ორჯერადად. სამედიცინო დაწესებულებები ფრონტის პირველი ხაზია, ჩვენ უნდა ვიყოთ აცრილი და სხვას მივცეთ მაგალითი. შემდეგი ჯგუფია, რა თქმა უნდა, პედაგოგები. პირველ რიგში საშუალო სკოლის პედაგოგები, რადგან მათ საქმე აქვთ ჩვენს მომავალთან. სასურველია, რომ ისინი იყვნენ აცრილები. აქაც სერიოზულად აიწია აცრის მაჩვენებელმა. ერთჯერადად მასწავლებელთა 63 პროცენტია აცრილი, ხოლო ორჯერადად - 52 პროცენტი. უსაფრთხო სკოლის კონცეფციისთვის აუცილებელია, რომ მასწავლებლები და ადმინისტრაციული პერსონალი იყოს აცრილი“, – განაცხადა გამყრელიძემ. განათლების სამინისტრო: მასწავლებელთა სავალდებულო ვაქცინაციის შესახებ გავრცელებული ინფორმაცია სიმართლეს არ შეესაბამება
ცესკოს თავმჯდომარე: სამწუხაროდ, გარდაცვლილები კვლავ იქნებიან ამორჩეველთა ერთიან სიაში
ცენტრალური საარჩევნო კომისიის თავმჯდომარის, გიორგი კალანდარიშვილის განცხადებით, ამომრჩეველთა ერთიანი სიიდან ვეღარ მოხდება იმ ადამიანების ამოღება, რომლებიც სამწუხაროდ, არჩევნებამდე ბოლო 18 დღეში გარდაიცვალნენ. მისივე თქმით, ასევე არსებობენ ადამიანები, რომლებიც მათ შორის ათეული წლის წინ გარდაიცვალნენ და კვლავ არიან ამომრჩეველთა ერთიან სიაში. „მინდა, თქვენც და საზოგადოებას მივაწოდო ინფორმაცია, დავადასტურო ის ფაქტი, რომ სამწუხაროდ, გარდაცვლილები კვლავ იქნებიან ამომრჩეველთა ერთიან სიაში, ბუნებრივია, ამას აქვს შესაბამისი ახსნა და შესაბამისი გარემოებები. რატომ არიან? პირველი იმიტომ, რომ შესაბამისი უწყების მიერ მოწოდებულ მონაცემებში როცა ეს პირები არიან, ჩვენ არ გვაქვს უფლებამოსილება, მოვახდინოთ ჩვენებურად, ანუ თვითნებურად ვიღაცის ამოღება ან ჩამატება ამომრჩეველთა ერთიან სიაში. გარდაცვალების ფაქტის შემთხვევას სჭირდება შესაბამისი სამართლებრივი მტკიცებულება, რომ პირი გარდაიცვალა. მაგალითად, კენჭისყრის დღემდე არაუგვიანეს 18 დღისა – 14 სექტემბერი იყო ის ბოლო ვადა, როდესაც ამომრჩეველს შეეძლო, ამომრჩეველთა ერთიანი სიის გადამოწმების მიზნით, მისი და მისი ოჯახის წევრების გადამოწმების მიზნით მიემართა ჩვენი ქვემდგომი კომისიებისთვის – საოლქო, საუბნო საარჩევნო კომისიებისთვის და უზუსტობების აღმოჩენის შემთხვევაში, მომხდარიყო შესაბამისი განცხადებით მიმართვა, რასაც ჩვენ აუცილებლად გავაკეთებდით, ვიმოქმედებდით. მაგრამ, დამეთანხმებით, ბოლო 18 დღის განმავლობაში, სამწუხაროდ, ყოველდღიურად ხდება ადამიანების გარდაცვალება. შესაბამისად, ამ 18 დღეში ვინც გარდაიცვლებოდა, ბუნებრივია, სიიდან ამ ადამიანების ამოღება ვერ მოხდება, ცხადია, ეს ადამიანები იქნებიან. მაგალითად, ადამიანი, რომელიც შეიძლება, დღეს გარდაიცვალოს, ან ხვალ და ა.შ. 18-დღიან მონაკვეთში რაც შეიძლება, განვითარდეს“, – განაცხადა ცეკსო-ს თავმჯდომარემ. კალანდარიშვილის განცხადებით, სამწუხაროა, რომ ხშირ შემთხვევაში ზოგიერთი პირი, ვისთვისაც ცნობილია აღნიშნული პროცედურების შესახებ, ამ საკითხს მანიპულაციისთვის იყენებს. „ძალიან სამწუხაროა, რომ ხშირ შემთხვევაში ზოგიერთი პირი, როცა მათთვის კარგად ცნობილია ამ პროცედურების შესახებ, ამ საკითხს იყენებს ერთგვარად მანიპულაციისთვის, რომ განხორციელდეს საარჩევნო ადმინისტრაციის გარკვეული დისკრედიტაცია, თითქოს სიებში არიან გარდაცვლილი პირები. იქნებიან, მეგობრებო, ვიდრე არ განხორციელდება ყველა ასეთი პირის სათანადო წესის მიხედვით ამოღება შესაბამისი უწყებების და შემდგომ ცესკო-ს მიერ. გასულ პერიოდში გვესმოდა გარკვეული შემთხვევები, წუხილები, რომ გარდაცვლილი პირები არიან, თუმცა ის კონკრეტული შემთხვევები, რომლებიც მედიასივრცეში გავრცელდა, გარკვეულად უკავშირდებოდა წინა განახლებას და არა შემდგომ განახლებას, რომელიც 15 სექტემბერს განხორციელდა. ბოლო განახლების შედეგად ბევრი ასეთი კატეგორიის ადამიანი იქნა ამოღებული, სია უფრო განახლდა, დაიხვეწა, კიდევ უფრო სრულყოფილია და ნაბჯ-ნაბიჯ მივდივართ იქამდე, რომ ამომრჩეველთა ერთიანი სია კიდევ უფრო დაიხვეწოს“, – აღნიშნა ცესკო-ს თავმჯდომარემ.
ევროპარლამენტარი: მნიშვნელოვანია, სააკაშვილმა პატივი სცეს არჩევნების შედეგებს, მას შემდეგ, რაც ამ შედეგებს საერთაშორისო დამკვირვებლები შეაფასებენ
"ერთი კვირის წინ მიხეილ სააკაშვილს ვუთხარი, რომ მნიშვნელოვანია, მან პატივი სცეს არჩევნების შედეგებს, მას შემდეგ, რაც ამ შედეგებს შეაფასებენ ეუთო/ოდირი და სხვა საერთაშორისო დამკვირვებლები", - ამის შესახებ ესტონელმა ევროპარლამენტარმა, მარინა კალიურანდმა „მოამბის" ეთერში განაცხადა. კალიურანდის თქმით, მან ასევე მოუწოდა საქართველოს ექს-პრეზიდენტს, პოლიტიკური დაძაბულობის განსამუხტად, მთელი თავისი პოლიტიკური კაპიტალი გამოიყენოს. " ჩემი გზავნილი ასეთია, საქართველოს არ სჭირდება დამატებითი პორვოკაციები და დამატებითი პოლარიზაცია,. მე ეს პირადად მოვუწოდე სააკაშვილს შეხვედრაზე, რომელიც ერთი კვირის წინ გაიმართა, რომ გამოიყენოს მთელი პოლიტიკური კაპიტალი, რათა ცადოს პოლიტიკური დაძაბულობის განმუხტვა. გამოიყენოს მთელი პოლიტიკური წონა, რომელიც მას აქვს საქართველოში, რათა მოახდინოს პოლიტიკური ლანდშაფტის დეპოლარიზაცია. მან უნდა გააკეთოს ყველაფერი, რათა არჩევნები იყოს სამართლიანი, ღია და ასევე მნიშვნელოვანია, მან პატივი სცეს არჩევნების შედეგებს, მას შემდეგ, რაც ამ შედეგებს შეაფასებენ ეუთო/ოდირი და სხვა საერთაშორისო დამკვირვებლები“, - განაცხადა მარინა კალიურანდმა. საქართველოს ყოფილმა პრეზიდენტმა, მიხეილ სააკაშვილმა საქართველოში ჩამოსვლასთან დაკავშირებით განცხადება გააკეთა. „ავიღე ბილეთი 2 ოქტომბრის საღამოსთვის, რათა თქვენთან ერთად ვიყო თბილისში და დავიცვა თქვენი ნება, თქვენი ნების გამოხატულება და თქვენთან ერთად მივიღო მონაწილეობა საქართველოს გადარჩენაში“, – განაცხადა მიხეილ სააკაშვილმა. ირაკლი ღარიბაშვილი: სააკაშვილს დახვდება ასიათასობით მასზე გამწარებული ადამიანი აშშ-ის ყოფილი ელჩი: დასავლეთში სააკაშვილი განიხილება როგორც საქართველოს ყოფილი ლიდერი, რომლის მთავრობამ ძალაუფლება ბოროტად გამოიყენა კახა კალაძე: თუ სააკაშვილი ჩამოვა, ბედნიერები ვიქნებით, რადგან ჩადენილ დანაშაულებზე პასუხისგება მოუწევს
განათლების სამინისტრო: მასწავლებელთა სავალდებულო ვაქცინაციის შესახებ გავრცელებული ინფორმაცია სიმართლეს არ შეესაბამება
განათლებისა და მეცნიერების სამინისტროს განცხადებით, გავრცელებული ინფორმაცია იმის შესახებ, თითქოს მზადდება კანონპროექტი მასწავლებელთა სავალდებულო ვაქცინაციის შესახებ, სიმართლეს არ შეესაბამება. სამინისტროს ცნობით, კორონავირუსის საწინააღმდეგო აცრა ნებაყოფლობითია. "იმისათვის, რომ სასწავლო პროცესი უსაფრთხო გარემოში, შეუფერხებლად გაგრძელდეს, განათლებისა და მეცნიერების სამინისტრო მუდმივად მოუწოდებს მასწავლებლებს, აიცრან. გარდა ამისა, სამინისტრო Unicef-თან ერთად აგრძელებს აცრასთან დაკავშირებით მასწავლებლებში ცნობიერების ამაღლების კამპანიას. სამინისტრო მასწავლებლებს ყოველთვის სთავაზობდა დახმარებას აცრისთვის რეგისტრაციის პროცესში, შემდეგ ყველა ქალაქში გაიხსნა ამცრელი კაბინეტები სპეციალურად განათლების სისტემის წარმომადგენლებისთვის, სადაც მათ რეგისტრაციის გარეშე შეეძლოთ ვაქცინაცია. შედეგად, ამ ეტაპზე, საქართველოს მასშტაბით, აცრილია საჯარო და კერძო სკოლების მასწავლებელთა და სკოლების ადმინისტრაციის თანამშრომელთა 65% და პროცესი გრძელდება,"- აღნიშნულია განათლებისა და მეცნიერების სამინისტროს განცხადებაში. "დღის კურიერის" ეთერში ინფექციური პათოლოგიის და შიდსის ცენტრის გენერალურმა დირექტორმა, თენგიზ ცერცვაძემ განაცხადა, რომ მასწავლებელთა ვაქცინაცია სავალდებულო ხდება, შესაბამისი კანონპროექტი უკვე მომზადდა და განიხილება დასამტკიცებლად.
ტელეკომპანია "ფორმულას" დამფუძნებელი, დავით კეზერაშვილი თავდაცვის სამინისტროს სარჩელს ეხმაურება
"ვიცით, რომ აპირებენ ტელეკომპანია "ფორმულაში" ჩემი წილის დაყადაღებას! რა ინფორმაციაც გვაქვს - სახეზეა "ფორმულას დახურვის განზრახვა", - აღნიშნული განცხადებით, ტელეკომპანია "ფორმულას" დამფუძნებელი, თავდაცვის ყოფილი მინისტრი დავით კეზერაშვილი თავდაცვის სამინისტროს სარჩელს ეხმაურება. კეზერაშვილის თქმით, მთელი ჩანაფიქრი ნათელია - არჩევნებში მოსალოდნელი ფიასკოს შიშით, დაიწყო ახალი ტალღა კრიტიკულ მედიაზე "სამართლებრივი" შტურმის! "დამოუკიდებელი მედიის დისკრედიტაციის კამპანიასა და ფიზიკურ ანგარიშსწორებას დაემატება ივანიშვილის მცდელობა, ფიზიკურად დაადუმოს ფორმულაც და სხვა მედიებიც! ჩვენი საზოგადოება დაამარცხებს მათ, როგორც საარჩევნო უბნებზე, ასევე ევროპულ სასამართლოებში - უკლებლივ ყველგან! დღეს დამატებით გაცხადდა, რომ სამიზნე არის სიტყვის თავისუფლება. მაგრამ ამ ბრძოლას უმძიმესი შედეგები ექნება ივანიშვილისთვის და მმართველი ძალისთვის! განსაკუთრებულად საშიშად მიაჩნია მმართველ კლანს ფორმულას თანამშრომლობა ედისონ რისერჩთან და ფორმულას ეთერში, ძალიან მაღალი სანდოობის ეგზიტპოლების გამოქვეყნების გეგმა 2 ოქტომბერს 20:00 საათზე. დამოუკიდებელი მედია მაინც შეასრულებს თავის მოვალეობას და სიმართლეს ეტყვის ქვეყანას ზეგ - რეფერენდუმის დღეს! საქართველოში შეუძლებელია განსხვავებული აზრის ჩახშობა, პლურალიზმის გაუქმება, ოპონენტთა დადუმება და საბჭოთა ჭაობში, რუსულ სივრცეში ქვეყნის საბოლოოდ ჩაძირვა! ამას არ დაუშვებს ჩვენი ხალხი, თავისუფალი ჟურნალისტები, ჩვენი დასავლელი პარტნიორები. ასე რომ ივანიშვილის მორიგი ავანტიურა მხოლოდ დამატებით ნიშანს გვაძლევს, რომ სწორ გზაზე ვართ და თავისუფალი სიტყვის დაცვასა და მხარდაჭერას ალტერნატივა არ აქვს! ვერანაირი ჯიბის სასამართლოები ვერ ამიკრძალავს ასობით თავისუფალი ჟურნალისტისა და ნიჭიერი, კრეატიული ადამიანების მხარდაჭერას! ყველა "სამართლებრივი" გზა განწირულია! დახურავთ ფორმულას? იმ წუთშივე გაჩნდება ახალი ფორმულა! თავისუფალ სიტყვას ვერ მოერევით!", - აცხადებს დავით კეზერაშვილი. 28 ოქტომბერს თავდაცვის სმაინისტრომ განაცხადა, რომ რომ ფორმულას მფლობელის, დავით კეზერაშვილის წინააღმდეგ სასამართლოში სარჩელი შეაქვს. სამინისტრო მიყენებული ზიანის ანაზღაურებას მოითხოვს იმ საქმეზე, რომელზეც უზენაესმა სასამართლომ რამდენიმე კვირის წინ გამამტყუნებელი განაჩენი გამოიტანა და ამით შეცვალა წინა ორი ინსტანციის სასამართლოს გამამართლებელი განაჩენი. თავდაცვის ყოფილ მინისტრს დავით კეზერაშვილს, სამინისტროდან 5 მილიონ ევროზე მეტის მიტაცებას ედავებიან. ოპოზიციის წარმომადგენლები და არასამთავრობო სექტორის ნაწილი აღნიშნულ საქმეს მედიაზე ზეწოლად აფასებენ. ზიანის ანაზღაურების მოთხოვნით სამინისტრო უჩივის კეზერაშვილის მინისტრობის დროს სახელმწიფო შესყიდვების დეპარტამენტის უფროსს, ალექსანდრე ნინუასაც. 7 სექტემბერს საქართველოს უზენაესმა სასამართლომ დავით კეზერაშვილს 5 წლით თავისუფლების აღკვეთა მიუსაჯა საქმეზე. ეს დავით კეზერაშვილის მიმართ გამოტანილი პირველი გამამტყუნებელი განაჩენია. თავდაცვის სამინისტრო დავით კეზერაშვილის წინააღმდეგ სარჩელში ტელეკომპანია "ფორმულას" დაყადაღებას არ მოითხოვს
BioNTech-ის თანადამფუძნებელი: კორონავირუსი უკვე მართვადია, მსოფლიო ვირუსის შიშით არ უნდა ცხოვრობდეს
"კორონავირუსი მართვადი გახდება. ის უკვე მართვადია", - ამის შესახებ გერმანული კომპანია BioNTech-ის თანადამფუძნებელმა, ოზლემ ტურეჩიმ განაცხადა, რომელმაც Pfizer-თან ერთად კორონავირუსის საწინააღმდეგო ვაქცინა შექმნა. ტურეჩის თქმით, მიუხედავად იმისა რომ ვირუსი კიდევ რამდენიმე წლის განმავლობაში იქნება, მსოფლიო ვირუსის შიშით არ უნდა ცხოვრობდეს. მისივე განცხადებით, BioNTech-ი Covid-19-ის ახალ შტამებს განუწყვეტლივ ამონიტორინგებს და იკვლევს.
მამუკა მდინარაძე: 100 მეტრის რადიუსის გარეთ ადამიანს შეუძლია, საკუთარი პარტიის მაისურით იაროს და ამომრჩეველს მხარდაჭერისკენ მოუწოდოს
,,ქართული ოცნების’’ აღმასრულებელი მდივნის მამუკა მდინარაძის განცხადებით, კანონდებლობით, საარჩევნო უბნებიდან 100 მეტრიანი რადიუსის გარეთ აგიტაცია აკრძალული არ არის, ადამიანს შეუძლია საკუთარი პარტიის მაისურით იაროს და ამომრჩეველს მხარდაჭერისკენ მოუწოდოს. მამუკა მდინარაძე მედიას მოუწოდებს, ნუ შექმნიან პროვოკაციულ ფონს, თითქოს, ეს აკრძალულია. ,,მოვუწოდებ ყველა ტელევიზიას და მედიის წარმომადგენლებს, 100 მეტრიანი რადიუსის იქით, ნუ შექმნიან პროვოკაციულ ფონს და ნუ დაუწყებენ დევნას, თუკი ვინმე იქნება, მაგალითად, „ქართული ოცნების“ თუ სხვა პარტიის წარმომადგენელი, ვისაც შესაძლოა მაისური ეცვას, ან ვიღაცას ხვდებოდეს. მათ კანონით ამის უფლება აქვთ. მოგიწოდებთ, აქედან ნუ შექმნით პროვოკაციულ ფონს. მგონია, რომ ვიღაცები ამას აპირებენ, მაგრამ ეს კანონით აკრძალული არ არის“ - განაცხადა მამუკა მდინარაძემ. ამასთან, მისი განმარტებით, 100 მეტრიანი რადიუსის შიგნით იკრძალება პრაქტიკულად ყველაფერი. „100 მეტრიანი რადიუსის შიგნით იკრძალება პრაქტიკულად ყველაფერი - აგიტაცია, ე.წ ამომრჩევლის აღრიცხვა, რა დროსაც პარტიები თავისი მხარდამჭერების მობილიზებას ახდენენ. საარჩევნო რეფორმის ფარგლებში 100 მ. რადიუსის მკაფიო დეფინიცია შევქმენით, რომელიც აზღვევს ბევრ რისკს და მანიპულირების თეორიულ შანსებსაც კი გამორიცხავს. როგორც მოგეხსენებათ, არჩევნებამდე დარჩა 2 დღე. ყველა ხედავთ, რომ წინასაარჩევნო კამპანია წარიმართა უპრეცედენტოდ მშვიდ გარემოში. არ დაფიქსირებულა რაიმე არსებითი დარღვევები, რომელსაც არჩევნების შედეგებზე თუნდაც უმნიშვნელო გავლენა შეიძლებოდა მოეხდინა. გასული დღეების განმავლობაში განხორციელებული არაერთი პროვოკაციის მიუხედავად, ნაციონალურმა მოძრაობამ ვერ შეძლო საარჩევნო გარემოს ხელოვნურად გაუარესება. განსაკუთრებულ მადლობას ვუხდით პარტიის იმ წევრებსა და მხარდამჭერებს, რომლებმაც პროვოკაციებსა და შეურაცხყოფას მშვიდი რეაგირებით უპასუხეს, - აცხადებს მდინარაძე. მისივე თქმით, განსაკუთრებულ ყურადღებას საჭიროებს კენჭისყრის დღე, როდესაც რადიკალური ოპოზიციის მხრიდან პროვოკაციები და დესტრუქციული ქმედებები ყველაზე მეტად არის მოსალოდნელი. "დესტრუქციული გეგმების შესახებ მრავლად შემოდის გამოჟონილი ინფორმაცია ნაციონალური მოძრაობის ოფისებიდან. ყურადღებას გავამახვილებთ მხოლოდ ძირითად მოსალოდნელ პროვოკაციებსა და დესტრუქციულ ქმედებებზე: 2020 წლის არჩევნების ანალოგიურად, ამ შემთხვევაშიც გეგმავენ საარჩევნო ადმინისტრაციაში ჭარბი რაოდენობით საჩივრების შეტანას. აღნიშნულის მიზანია, ერთი მხრივ, ხელოვნურად გაიზარდოს საჩივრების სტატისტიკა, ხოლო, მეორე მხრივ, ხელოვნური დაბრკოლება შეექმნას კომისიების საქმიანობას. აქვე შეგახსენებთ, რომ საჩივრების ელექტრონული პლატფორმის შემოღებასთან ერთად, საარჩევნო კომისიებში საჩივრების შეტანა არსებითად გამარტივდა; ცალკეულ უბნებზე იგეგმება საარჩევნო ინვენტარისა და დოკუმენტაციის (საარჩევნო სიების, ბეჭდების და ა.შ.) მოპარვა; ისევე, როგორც ყველა წინა არჩევნებზე, ამ შემთხვევაშიც, ხელმოწერების მანიპულირებისა და საარჩევნო ბიულეტენების უბნიდან გამოტანის გზით, გეგმავენ დისბალანსების ხელოვნურად გამოწვევას; იგეგმება საარჩევნო უბნებზე ხელოვნური რიგების შექმნა ამომრჩევლის აქტივობის შესამცირებლად. ასევე, რადიკალური ოპოზიციის მიერ დანიშნულ კომისიის წევრებს მასობრივად აძლევენ დავალებას, ხელი არ მოაწერონ საარჩევნო უბნების ოქმებს იმ შემთხვევაშიც კი, თუ უბანზე არც ერთი საარჩევნო დარღვევა არ დაფიქსირდება. ამგვარი უკანონო დავალების გამცემებიც და შემსრულებლებიც კანონის წინაშე აგებენ პასუხს, ბუნებრივია. გარდა ამისა, გვაქვს ინფორმაცია, რომ ნაციონალური მოძრაობის შტაბის უფროსების მიერ გაიცემა საარჩევნო უბნების ჩაშლის დავალებები. მაგალითად, გვაქვს ინფორმაცია, რომ ნაციონალური მოძრაობის ბათუმის მერობის კანდიდატმა, გიორგი კირთაძემ პირადად ჩაატარა შეხვედრა ნაციონალური მოძრაობის მიერ დანიშნულ საარჩევნო კომისიის წევრებთან და დაავალა 20-ზე მეტი საარჩევნო უბნის ჩაშლა (აღნიშნული საარჩევნო უბნების ნომრებია: 32, 34, 36, 38, 40, 42, 11, 15, 17, 19, 23, 21, 61, 62, 64, 71, 72, 20, 28, 27, 102 და 103). ყველას შევახსენებთ, რომ საარჩევნო უბნის ხელოვნურად ჩაშლა არის სისხლის სამართლის დანაშაული და ამგვარი ქმედებებისთვის ყველა უმკაცრესად აგებს პასუხს. ბუნებრივია, არჩევნების დღის მთავარ გამოწვევად რჩება პროვოკაციები, რაც „ნაციონალური მოძრაობის“ ხელწერაა. იგეგმება საარჩევნო კომისიის წევრების, წარმომადგენლებისა და დამკვირვებლების სიტყვიერი შეურაცხყოფა ფიზიკური დაპირისპირების პროვოცირების მიზნით. ამგვარი პროვოკაციების პილოტირება გასულ დღეებში უკვე განახორციელა ნაციონალურმა მოძრაობამ ზვიად კუპრავას შესრულებით. ვაფრთხილებთ რადიკალურ ოპოზიციას, რომ ამგვარი ქმედებები არ დარჩება დაუსჯელი და ყველა სამართალდამრღვევი უმკაცრესად აგებს პასუხს. „ქართული ოცნება“ სრულად იაზრებს პასუხისმგებლობას, რომელიც მას თავისუფალი, სამართლიანი და მშვიდობიანი არჩევნების უზრუნველყოფის თვალსაზრისით ეკისრება. შესაბამისად, ჩვენ გავაკეთებთ ყველაფერს, რათა ამომრჩეველს თავისუფალ და მშვიდ გარემოში ხმის მიცემის საშუალება მიეცეს. დიდი მადლობა, 2 ოქტომბერს ყველას მოგიწოდებთ მაქსიმალური აქტიურობისკენ", - განაცხადა მამუკა მდინარაძემ
თბილისის საქალაქო სასამართლო: სიმართლეს არ შეესაბამება ინფორმაცია, თითქოს დავით კეზერაშვილის ტელეკომპანია „ფორმულას“ 51%-იანი წილი დაყადაღდა
თბილისის საქალაქო სასამართლოს განცხადებით, სიმართლეს არ შეესაბამება ინფორმაცია, თითქოს დავით კეზერაშვილის ტელეკომპანია „ფორმულას“ 51%-იანი წილი დაყადაღდა „მედიასაშუალებებში ვრცელდება სრული დეზინფორმაცია, თითქოსდა ტელეკომპანია ,,ფორმულას’’ სასამართლოს მიერ ყადაღა დაედო, რაც არ შეესაბამება სიმართლეს. საქართველოს თავდაცვის სამინისტრომ სარჩელით მომართა თბილისის საქალაქო სასამართლოს მოპასუხე დავით კეზერაშვილისა და ალექსანდრე ნინუას წინააღმდეგ. სასარჩელო მოთხოვნას წარმოადგენს მოპასუხეებისგან სოლიდარულად დანაშაულით მიყენებული ზიანის ანაზღაურება. სარჩელის ფარგლებში უზრუნველყოფის ღონისძიების გამოყენების შესახებ მოთხოვნა სასამართლოში წარმოდგენილი არ ყოფილა, შესაბამისად აღნიშნულზე სასამართლო ვერც იმსჯელებდა“, – აღნიშნულია თბილისის საქალაქო სასამართლოს მიერ გავრცელებულ განცხადებაში. ტელეკომპანია "ფორმულას" გენერალური დირექტორის ზუკა გუმბარიძეს შეფასებით, დავით კეზერაშვილის წინააღმდეგ, თავდაცვის სამინისტროს სარჩელი, სავარაუდოდ, "ფორმულას" მიერ "ედისონ რისერჩის" კვლევის გამოქვეყნებასთან არის კავშირში და სამართლებრივი პროცესის მთავარი ადრესატი არა დავით კეზერაშვილი, არამედ მის მფლობელობაში მყოფი მედიაა. ტელეკომპანია "ფორმულა" თავდაცვის სამინისტროს სარჩელს, კრიტიკულ მედიასაქმიანობას უკავშირებს თავდაცვის სამინისტრო დავით კეზერაშვილის წინააღმდეგ სარჩელში ტელეკომპანია "ფორმულას" დაყადაღებას არ მოითხოვს
ტელეკომპანია "ფორმულა" თავდაცვის სამინისტროს სარჩელს, კრიტიკულ მედიასაქმიანობას უკავშირებს
ტელეკომპანია "ფორმულას" გენერალური დირექტორის ზუკა გუმბარიძეს შეფასებით, დავით კეზერაშვილის წინააღმდეგ, თავდაცვის სამინისტროს სარჩელი, სავარაუდოდ, "ფორმულას" მიერ "ედისონ რისერჩის" კვლევის გამოქვეყნებასთან არის კავშირში და სამართლებრივი პროცესის მთავარი ადრესატი არა დავით კეზერაშვილი, არამედ მის მფლობელობაში მყოფი მედიაა. დავით კეზერაშვილი "ფორმულას" 51 %-იანი წლის მფლობელია. "ორშაბათს "ფორმულას" ეთერში გავიდა "ედისონ რისერჩის" მიერ წარმოებული კვლევები, რომელშიც მაყურებელმა დაინახა ის, რომ ხელისუფლება, ფაქტობრივად, ვერ ახერხებს 43%-იანი ბარიერის გადალახვას და სწორედ ეს გახდა მთავარი განმაპირობებელი მიზეზი იმისა, რომ ასეთი დაჩქარებული ტემპით ხელისუფლებას მიეტანა ახალი შეტევა "ფორმულასა" და მის დამფუძნებელზე. ჩვენ უკვე გვქონდა კომუნიკაცია "ედისონ რისერჩის" წარმომადგენლებთან და რა სცენარითაც არ უნდა განვითარდეს მოვლენები, სულ რომ დღეს, ან ხვალ ამ კომპანიაში დაინიშნოს დროებითი მმართველი, ან მოხდეს სხვა ტიპის ღონისძიება, რომელიც ხელს შეუშლის ეგზიტპოლების გამოქვეყნებას, ეს ეგზიტპოლები მაინც გავა რომელიმე ქართული არხის ეთერში," - განაცხადა გუმბარიძემ. 28 ოქტომბერს თავდაცვის სმაინისტრომ განაცხადა, რომ რომ ფორმულას მფლობელის, დავით კეზერაშვილის წინააღმდეგ სასამართლოში სარჩელი შეაქვს. სამინისტრო მიყენებული ზიანის ანაზღაურებას მოითხოვს იმ საქმეზე, რომელზეც უზენაესმა სასამართლომ რამდენიმე კვირის წინ გამამტყუნებელი განაჩენი გამოიტანა და ამით შეცვალა წინა ორი ინსტანციის სასამართლოს გამამართლებელი განაჩენი. თავდაცვის ყოფილ მინისტრს დავით კეზერაშვილს, სამინისტროდან 5 მილიონ ევროზე მეტის მიტაცებას ედავებიან. ოპოზიციის წარმომადგენლები და არასამთავრობო სექტორის ნაწილი აღნიშნულ საქმეს მედიაზე ზეწოლად აფასებენ. ზიანის ანაზღაურების მოთხოვნით სამინისტრო უჩივის კეზერაშვილის მინისტრობის დროს სახელმწიფო შესყიდვების დეპარტამენტის უფროსს, ალექსანდრე ნინუასაც. 7 სექტემბერს საქართველოს უზენაესმა სასამართლომ დავით კეზერაშვილს 5 წლით თავისუფლების აღკვეთა მიუსაჯა საქმეზე. ეს დავით კეზერაშვილის მიმართ გამოტანილი პირველი გამამტყუნებელი განაჩენია.
თავდაცვის სამინისტრო დავით კეზერაშვილის წინააღმდეგ სარჩელში ტელეკომპანია "ფორმულას" დაყადაღებას არ მოითხოვს
თავდაცვის სამინისტროს განცხადებით, დავით კეზერაშვილის წინააღმდეგ შეტანილ სარჩელში ტელეკომპანია "ფორმულას" კეზერაშვილის კუთვნილი წილის დაყადაღებას არ ითხოვს და ტელეკომპანიას მოუწოდებს საზოგადოებას ცრუ ინფორმაციას ნუ აწვდის. თავდაცვის უწყებამ საგანგებო განცხადება დღეს "ფორმულას" გნერალური დირექტორის და ჟურნალისტების ბრიფინგის შემდეგ გაავრცელა. "მიუხედავად იმისა, რომ დავით კეზერაშვილი თავის კომპანიებს აფინანსებს სახელმწიფოსგან მიტაცებული თანხებით, რომლებიც სახელმწიფოსთვის საზიანო საქმიანობას ეწევიან, თავდაცვის უწყება კარგად იაზრებს დემოკრატიულ ღირებულებებს, სიტყვის თავისუფლების მნიშვნელობას ჩვენი ქვეყნის ევროატლანტიკურ და ევროკავშირში გაწევრიანების გზაზე. აქედან გამომდინარე, საზოგადოებრივი ინტერესებიდან გამომდინარე, სამინისტროს არც კი დაუშვია იმის ალბათობა, რომ სარჩელის უზრუნველყოფის მიზნით მოეთხოვა ტელევიზიის წილის დაყადაღება. მითუმეტეს, როდესაც დავით კეზერაშვილი წლების განმავლობაში აღნიშნული ტელევიზიიდან დივიდენდს არ იღებს. შესაბამისად, ზიანის ანაზღაურების ალბათობა აღნიშნული კომპანიიდან არ არსებობს,"-ნათქვამია თავდაცვის სამინისტროს მიერ გავრცელებულ განცხადებაში. ტელეკომპანია "ფორმულას" გენერალური დირექტორის ზუკა გუმბარიძეს შეფასებით, დავით კეზერაშვილის წინააღმდეგ, თავდაცვის სამინისტროს სარჩელი, სავარაუდოდ, "ფორმულას" მიერ "ედისონ რისერჩის" კვლევის გამოქვეყნებასთან არის კავშირში და სამართლებრივი პროცესის მთავარი ადრესატი არა დავით კეზერაშვილი, არამედ მის მფლობელობაში მყოფი მედიაა. 28 ოქტომბერს თავდაცვის სმაინისტრომ განაცხადა, რომ რომ ფორმულას მფლობელის, დავით კეზერაშვილის წინააღმდეგ სასამართლოში სარჩელი შეაქვს. სამინისტრო მიყენებული ზიანის ანაზღაურებას მოითხოვს იმ საქმეზე, რომელზეც უზენაესმა სასამართლომ რამდენიმე კვირის წინ გამამტყუნებელი განაჩენი გამოიტანა და ამით შეცვალა წინა ორი ინსტანციის სასამართლოს გამამართლებელი განაჩენი. თავდაცვის ყოფილ მინისტრს დავით კეზერაშვილს, სამინისტროდან 5 მილიონ ევროზე მეტის მიტაცებას ედავებიან. ოპოზიციის წარმომადგენლები და არასამთავრობო სექტორის ნაწილი აღნიშნულ საქმეს მედიაზე ზეწოლად აფასებენ. ზიანის ანაზღაურების მოთხოვნით სამინისტრო უჩივის კეზერაშვილის მინისტრობის დროს სახელმწიფო შესყიდვების დეპარტამენტის უფროსს, ალექსანდრე ნინუასაც. 7 სექტემბერს საქართველოს უზენაესმა სასამართლომ დავით კეზერაშვილს 5 წლით თავისუფლების აღკვეთა მიუსაჯა საქმეზე. ეს დავით კეზერაშვილის მიმართ გამოტანილი პირველი გამამტყუნებელი განაჩენია. ტელეკომპანია "ფორმულა" თავდაცვის სამინისტროს სარჩელს, კრიტიკულ მედიასაქმიანობას უკავშირებს
ეროვნული ბანკი: საქართველოს საერთაშორისო საინვესტიციო პოზიცია გაუარესდა
ეროვნული ბანკის მონაცემებით, საქართველოს წმინდა საერთაშორისო საინვესტიციო პოზიციამ, 2021 წლის 30 ივნისის მდგომარეობით -25.0 მლრდ აშშ დოლარი (-79.1 მლრდ ლარი) შეადგინა, რაც ბოლო ოთხი კვარტალის მშპ-ს -149.5 პროცენტია. ეროვნული ბანკის შგასებით, აღნიშნულ მონაცემებზე დაყრდნობით, საქართველოს საერთაშორისო საინვესტიციო პოზიცია გაუარესებულია. „აღნიშნული მაჩვენებელი წინა კვარტალთან შედარებით 1.1 მლრდ აშშ დოლარით გაუარესდა. 2021 წლის 30 ივნისის მდგომარეობით, მთლიანი საერთაშორისო აქტივები 10.9 მლრდ აშშ დოლარია (34.3 მლრდ ლარი), რაც წინა კვარტალის მაჩვენებელზე 298.0 მლნ აშშ დოლარით ნაკლებია“, – აცხადებენ ეროვნულ ბანკში. ეროვნული ბანკის ცნობით, მთლიანმა საერთაშორისო ვალდებულებებმა 35.9 მლრდ აშშ დოლარი (113.4 მლრდ ლარი) შეადგინა, რაც წინა კვარტალის მაჩვენებელს 787.7 მლნ აშშ დოლარით აღემატება.
თენგიზ ცერცვაძე: ტყუილია, რომ კოვიდგადატანილებს მაღალი იმუნიტეტი აქვთ და რეინფიციებისგან დაზღვეულები არიან
ინფექციური პათოლოგიის და შიდსის ცენტრის გენერალური დირექტორის თენგიზ ცერცვაძის განმარტებით, Covid გატანალიებში ანტისხეულები სხვადსხვა დოზით რჩება, ამიტომ კორონავირუსის გადატანა იმუნიტეტის გარანტიას არ იძლევა. მისითქმით, კოვიდგადატანილი ადამიანებისთვისაც აცრა ისეთივე აუცილებელია, როგორც იმ ადამიანებისთვის ვისაც ვირუსი ჯერ არ შეხვედრია. ტყუილია ის, რომ კოვიდგადატანილებში იმუნიტეტი რჩება, ყველასთან არ რჩება. ანტისხეულებით იმუნიტეტის შეფასება არის სანახევროდ შეფასება. ზოგს მაღალი იმუნიტეტი აქვს, მაგრამ ყველას არ აქვს. უმეტესობაში იმუნიტეტი ქვემოთ ჩამოდის", - განაცხადა "დღის კურიერის" ეთერში თენგიზ ცერცვაძემ.
ირანი აზერბაიჯანის საზღვრის სიახლოვეს, უპრეცედენტო მასშტაბის სამხედრო წვრთნებს იწყებს
ირანის მთავრობის განცხადებით, 1 ოქტომბერს, აზერბაიჯანის საზღვრის სიახლოვეს, უპრეცედენტო მასშტაბის სამხედრო წვრთნებს იწყებს. როგორც რონდელის ფონდის ანალიტიკოსი, აღმოსავლეთმცოდნე ზურაბ ბატიაშვილი განმარტავს, ირანმა აღნიშნულ სამხედრო წვრთნებს "ხაიბარის დამპყრობლები" უწოდა, ხაიბარი ქალაქია საუდის არაბეთში, სადაც 628 წელს მუჰამედმა ებრაელები დაამარცხა და იგი მუსლიმების მიერ ებრაელებზე გამარჯვების სიმბოლოდ განიხილება. "საგულისხმოა, რომ თეირანი ბაქოს სწორედ ისრაელთან მოკავშირეობაში და ირანის წინააღმდეგ ერთად მოქმედებაში ადანაშაულებს.რა თქმა უნდა, აზერბაიჯანი ირანთან დაპირისპირებაში მარტო არაა. მას აქტიურად უჭერს მხარს მოძმე თურქეთი.ბოლო 24 საათის განმავლობაში ირანის საზღვართან გააქტიურდნენ თურქული დრონები. ასევე ანკარამ დამატებითი ცოცხალი ძალა და ტექნიკა გაგზავნა ირანის მიმართულებით, სადაც ჩატარდება თურქული სამხედრო წვრთნები. ირან-თურქეთის საზღვრის გარკვეული მონაკვეთები იწმინდება ნაღმებისგანაც.იმედია, საქმე ცეცხლის გახსნამდე არ მივა. მაგრამ ცხადია, რომ ჩვენს სამხრეთში ცხელი შემოდგომა დადგა. ამ ამბებს აუცილებლად ექნება თავისი გაგრძელება (თავად ეს ბოლო დაძაბულობა კი ყარაბაღის მეორე ომის გაგრძელებაა", - აღნიშნავს ზურაბ ბატიაშვილი.
ევროპარლამენტარი პეტრას აუსტრევიჩიუსი: საქართველოსთვის გადამწყვეტი დღეა. პოლიტიკური დრამის შუაგულში ვართ
ევროპარლამენტარი პეტრას აუსტრევიჩიუსი (განახლებული ევროპა, ლიეტუვა) 2 ოქტომბრის მუნიციპალურ არჩევნებს პოლიტიკურ დრამას უწოდებს. ამასთან დაკავშირებით, ლიეტუველმა პოლიტიკოსმა საქართველოს პოლიტიკის ინსტიტუტის მიერ ორგანიზებულ ონლაინ კონფერენციაზე განაცხადა. პეტრას აუსტრევიჩიუსი აღნიშნავს, რომ საქართველოსთვის ეს არის უმნიშვნელოვანესი, გადამწყვეტი დღე და არჩევნები ეხება ქვეყნის მომავალს. „ეს ასეა ჩვენთვისაც. პოლიტიკური დრამის შუაგულში ვართ. ვფიქრობ, საქართველოსთვის უმნიშვნელოვანესია, კვლავ დაამტკიცოს მისი ევროინტეგრაციის, ევროატლანტიკური მისწრაფების კურსი, რომელიც არამხოლოდ პოლიტიკურ განცხადებებს, არამედ რაღაც უფრო ხელშესახებს ეფუძნება. რას ველით მუნიციპალური არჩევნებისგან. ჩვენ ველით სამ მთავარ რამეს: თავისუფალ არჩევნებს, სამართლიან არჩევნებს და პოლიტიკური პარტიების მხრიდან აღიარებულ შედეგებს. ეს არის სტანდარტი, რომელიც მიღებულია, როგორც წევრ სახელმწიფოებში, ისე ჩვენს პარტნიორ ქვეყნებში“, - აღნიშნა ევროპარლამენტარმა და დაამატა, რომ ის ვერ უწოდებს საარჩევნო კამპანიას მშვიდს, თანაბარს და ინფორმაციულს, უკიდურესი პოლარიზაციის, უკიდურესად განსხვავებულ ხედვებისა და ფიზიკური დაპირისპირების ფონზე. „ჩვენ არ გვინდა, რომ ეს ვნახოთ საქართველოში, ქვეყანაში, რომელსაც ევროკავშირთან აქვს ასოცირების შეთანხმება. ეს სამწუხაროა“, - აღნიშნა ევროპარლამენტარმა. ლიეტუველმა პოლიტიკოსმა 19 აპრილის შეთანხმების მნიშვნელობაზე ისაუბრა და მოახლოებულ, 2 ოქტომბრის კენჭისყრას „ნდობის არჩევნები“ და „დემოკრატიის გამოცდა“ უწოდა. ევროპარლამენტარმა მედიაში გავრცელებულ საიდუმლო ფაილებზეც გააკეთა მოკლე განცხადება. ქართული მედიის ინფორმაციით, ფარული ჩანაწერები საქართველოში ევროკავშირის ელჩის კარლ ჰარცელის, ამერიკელი დიპლომატების, ისრაელის ელჩის რან გიდორის, ასევე საქართველოში განთავსებული დიპლომატიური მისიების თანამშრომლების საუბრებს შეიცავს. „ევროკავშირის დიპლომატები და დასავლელი დიპლომატები საქართველოს სახელმწიფოსთვის რაიმე სტრატეგიულ საფრთხეს არ წარმოადგენენ. ამრიგად, ჩვენი დიპლომატების, ოფიციალური პირების მოსმენა ჩვენ მიმართ უნდობლობის ნიშანია. ეს სრულიად მიუღებელია და ამას ქართველ პოლიტიკოსებთან ყოველ შეხვედრაზე გავიმეორებთ. ეს უნდა იყოს გაკვეთილი, რომელიც აღარ უნდა განმეორდეს“, - აღნიშნა პეტრას აუსტრევიჩიუსმა. ცნობისთვის, ოპოზიციის დიდი ნაწილი 2 ოქტომბრის ადგილობრივ არჩევნებს რეფერენდუმად განიხილავს და დარწმუნებულია, რომ ადგილობრივ არჩევნებში დამარცხების შემდეგ, მმართველ ძალას ვადამდელი არჩევნების დანიშვნა მოუწევს. „ჩვენ ვაპირებთ გამარჯვებას, ბრძოლას თითოეული ამომრჩევლის ხმის დასაცავად და შემდეგ კოალიციური მმართველობისთვის მზადებას“, - აღნიშნა „ნაციონალური მოძრაობის“ თავმჯდომარე ნიკა მელიამ 29 სექტემბერს, კოლეგებთან ერთად გამართულ პრესკონფერენციაზე. თავის მხრივ, „ქართული ოცნება“ გამარჯვებაში დარწმუნებულია და აცხადებს, რომ ვადამდელ არჩევნებს არ განიხილავს, საქართველოში ექსპრეზიდენტ მიხეილ სააკაშვილის ჩამოსვლის შემთხვევაში კი, მის დაკავებას აანონსებს.
თენგიზ ცერცვაძე: საქართველოში, Sinovac-ით, Sinopharm-ით და Astrazeneсa-თი ვაქცინირებულები Pfizer-ის „ბუსტერ“ დოზით აიცრებიან
ინფექციური პათოლოგიის და შიდსის ცენტრის გენერალური დირექტორის თენგიზ ცერცვაძის განცხადებით, Sinovac-ით, Sinopharm-ით და Astrazeneka-თი ვაქცინირებულები, Pfizer-ის „ბუსტერ“ დოზით აიცრებიან. ინფექციონისტის= განმარტებით „ბუსტერ“ დოზად Astrazeneсa არ განიხილება. „კოვიდვაქცინებიდან, საქართველოში „ბუსტერ" დოზად Pfizer, Sinovac-ი, Sinopharm-ი იქნება გამოყენებული. AstraZeneca-ზე ბუსტერ დოზაზე არ გამიგია. მაგრამ მიდის საუბარი, რომ Sinivac-ის, Sinopharm-ის და AstraZeneca-თი აცრილები, „ბუსტერ“ დოზით აიცრან Pfizer-ით, ანუ Pfizer-ი ერთგვარი უნივერსალურია „ბუსტერ“ დოზისთვის და ჩინეთში „ბუსტერ“ დოზისთვის იყენებენ საკუთარ ვაქცინას, Sinovac-ს და Sinopharm-ს. ასე რომ, დიდი ალბათობით, ეს ჩემი პროგნოზია, „ბუსტერ“ დოზად დაშვებული იქნება ჯერ Pfizer-ი და შემდგომ Sinovac-ი, Sinopharm-ი“, - განაცხადა „დღის კურიერის“ ეთერში თენგიზ ცერცვაძემ. მისივე თქმით, „საქართველოში „ბუსტერ“ დოზით აცრის საკითხს საკოორდინაციო საბჭო მაშინ განიხილავს, როცა უკვე მოსახლეობის 40% იქნება აცრილი. ამავე თემაზე: როდის დაიწყება საქართველოში „ბუსტერ“ დოზით ვაქცინაცია საქართველოში სრულად ვაქცინირებულია 28.2 %
თურქეთის პრეზიდენტი: ადრე თუ გვიან, აშშ სირიიდან უნდა გავიდეს და ქვეყანა სირიელ ხალხს დაუტოვოს
"თეთრი სახლის ახლო აღმოსავლეთის და ჩრდილოეთ აფრიკის კოორდინატორი, ბრეტ მაკგერკი ტერორისტული ორგანიზაცია „ქურთისტანის მუშათა პარტიის“ სირიული დანაყოფების ფაქტობრივი ხელმძღვანელია, რაც თურქეთს ძალიან აწუხებს", - ამის შესახებ თურქეთის პრეზიდენტმა რეჯეფ ტაიფ ერდოღანმა განაცხადა. ერდოღანის თქმით, ადრე თუ გვიან აშშ სირიიდან უნდა გავიდეს და ქვეყანა სირიელ ხალხს დაუტოვოს. „ძალიან მაწუხებს, რომ თეთრო სახლის წარმომადგენელი ტერორისტებთან დადის მხარდამხარ იმ ტერიტორიაზე, სადაც მე მათ ვებრძვი“, – განაცხადა ერდოღანმა. როგორც თურქეთის პრეზიდენტი აღნიშნავს, ის ამ საკითხებზე დიდი ოცეულის სამიტზე აშშ-ის პრეზიდენტს, ჯო ბაიდენს გაესაუბრება და თურქეთის პოზიციას გააცნობს. "გარდა ამისა, ჯო ბაიდენთან „ეფ-35“-ის ტიპის სამხედრო თვითმფრინავების ხელშეკრულებაზე საუბარიც მოგვიწევს, რადგან ანკარამ ვაშინგტონს 1.4 მილიარდი დოლარიუკვე გადაუხადა, აშშ კი გაყიდვაზე უარს ამბობს. ისინი ან მოგვცემენ ჩვენ თვითმფრინავებს, ან ფულს დაგვიბრუნებენ“, – აღნიშნა რეჯეფ თაიფ ერდოღანმა. მისივე თქმით, საჰაერო თავდაცვის სისტემა „ეს-400“-ის რუსეთისგან შესყიდვასა და თანამშრომლობის გაძლიერებაზე მუშაობა გაგრძელდება. როგორც ერდოღანი აღნიშნავს, ვლადიმერ პუტინთან რუსეთთან სამხედრო თვითმფრინავების, მათი ძრავების, გემთმშენებლობისა და წყალქვეშა ნავების საკითხებში შესაძლო თანამშრომლობას საკითხები განიხილა. ამავე თემაზე: თურქეთის პრეზიდენტი: ვისურვებდი, აშშ-ის ჯარები სირიიდან და ერაყიდან გავიდნენ ისე, როგორც ავღანეთიდან
რომელმა პარტიამ რამდენი დახარჯა რეკლამაზე
პოლიტიკურმა პარტიებმა სახელმწიფო აუდიტის სამსახურს 2 აგვისტო 12 სექტემბრის პერიოდის დეკლარაციები წარუდგინეს. დოკუმენტების თანახმად, ყველაზე მეტი თანხა რეკლამებზე „ქართულმა ოცნებამ” დახარჯა. დეკლარაციების მიხედვით, პარტიამ Facebook `ბუსტზე`, სატელევიზიო და ონლაინ რეკლამებზე, ასევე ქვეყნის მასშტაბით 1000-მდე ბილბორდზე 5.3 მილიონი ლარი დახარჯა. დეკლარაციების თანახმად, „ქართულ ოცნებაზე“ მთლიანი სარეკლამო ხარჯების ⅔-ზე მეტი მოდიოდა. „ქართული ოცნება“ - 5,299,365 ლარი; „ერთიანი ნაციონალური მოძრაობა" - 65,950 ლარი; „ლელო“ - 535,967 ლარი;„საქართველოსთვი“ - 336,566 ლარი; „ევროპული საქართველო“ - 72,498 ლარი; „სტრატეგია აღმაშენებლი/მესამე ძალა - 37,626 ლარი; „დროა!" - 8,121 ლარი. დეკლარაციების თანახმად, ოპოზიციური პარტიები ტელევიზიების მეშვეობით ძირითადად უფასო პოლიტიკური რეკლამებით სარგებლობენ, ხოლო ფასიანი სატელევზიო რეკლამებისთვის კი ყველაზე დიდი თანხა „ქართულმა ოცნებამ“ დახარჯა. არჩევნები შაბათს, 2 ოქტომბერს გაიმართება.
აშშ-ის ყოფილი ელჩი: დასავლეთში სააკაშვილი განიხილება როგორც საქართველოს ყოფილი ლიდერი, რომლის მთავრობამ ძალაუფლება ბოროტად გამოიყენა
საქართველოში აშშ-ის ყოფილი ელჩის უილიამ კორტნის განცხადებით, მიხეილ სააკაშვილს შეიძლება ჰქონდეს იმედი, რომ თუ დააპატიმრებენ, დასავლეთი მის გათავისუფლებას მოითხოვს, თუმცა დასავლეთში სააკაშვილი გნიხილება როგორც საქართველოს ყოფილი ლიდერი, რომლის მთავრობამ ძალაუფლება ბოროტად გამოიყენა. აღნიშნულ განცხადებას აშშ-ის ყოფილი ელჩი twitter-ზე აქვენებს „მიხეილ სააკაშვილს შეიძლება ჰქონდეს იმედი, რომ მისი დაბრუნება და დაპატიმრება ალექსეი ნავალნის მსგავსად მისგან მსხვერპლს შექმნის და დასავლეთი მის გათავისუფლებას მოითხოვს, მაგრამ დასავლეთში სააკაშვილი განიხილება არა როგორც მშვიდობისათვის მებრძოლი, არამედ საქართველოს ყოფილი ლიდერი, რომლის მთავრობამ ძალაუფლება ბოროტად გამოიყენა“, – წერს უილიამ კორტნი
