ახალი ამბები
რა შედეგი აჩვენა ტაილანდში Sinovac-ისა და AstraZeneca-ს ვაქცინების შერევამ
ტაილანდის ჯანდაცვის სამინისტროს განცხადებით, Sinovac-AstraZeneca-ს ვაქცინების კომბინაცია მოქალაქეებისთვის უსაფრთხოა და ის ანტისხეულების დონეს ზრდის. ჯანდაცვის სამინისტროს ოფიციალური ცნობით, Sinovac-AstraZeneca კომბინაციამ იმუნიტეტი იმავე დონეზე გამოიმუშავა, როგორც AstraZeneca-ს ორი დოზით აცრის შემთხვევაში, რაც ნიშნავს, რომ ვაქცინაცია შეიძლება უფრო სწრაფად დასრულდეს დოზებს შორის უფრო მცირე ინტერვალის გამო. ეს გადაწყვეტილემა ტაილანდმა მას შემდეგ მიიღო, რაც ქვეყანაში ჩატარებული წინასწარი კვლევების საფუძველზე, Sinovac-ით ორი დოზით აცრის შემდეგ, გრძელვადიან დაცვაზე ეჭვები გაჩნდა. ასევე წაკიკითხეთ: ტაილანდმა რობოტექნიკა შექმნა, რომელსაც ფლაკონიდან Astrazeneca-ს ვაქცინის 12 დოზის ოთხ წუთში ამოღება შეუძლია „ეს ფორმულა 1.5 მილიონზე მეტმა ადამიანმა მიიღი და ის უსაფრთხოა. გთხოვთ, ნუ იტყვით იმას, რაც უსაფუძვლო შეშფოთებას გამოიწვევს", - განაცხადა ჯანდაცვის ოფიციალურმა პირმა სუპაკიტ შირილაკმა პრესკონფერენციაზე. ქვეყანა ვაქცინაციისთვის უმეტესად ამ ფორმულის გამოყენებას გეგმავს. ტაილანდი ივლისში გახდა პირველი ქვეყანა მსოფლიოში, რომელმაც ჩინური და დასავლეთში განვითარებული ვაქცინების კომბინაცია აირჩია ვაქცინაციისთვის, რადგან კორონავირუსის გავრცელება და სიკვდილიანობა გაიზარდა. ამასთან, ქვეყანა ვაქცინის მარაგების პრობლემას განიცდიდა. ჯერჯერობით, სრულად ვაქცინირებულია ტაილანდის მოსახლეობის 13%. მომზადებულია Reuters-ის მიხედვით
პრეზიდენტი: ევროკავშირის სესხის მიღებაზე უარი გაუგებარი ნაბიჯია
„ევროკავშირის სესხის მიღებაზე უარი საკმაოდ გაუგებარი ნაბიჯია და ეკონომიკური არგუმენტი ანალიზს ვერ უძლებს“, - განაცხადა საქართველოს პრეზიდენტმა ორბელიანის სასახლეში გამართულ ბრიფინგზე. საქართველოს პრეზიდენტმა ბრიფინგი არჩევნების სამართლიან გარემოში ჩატარების მნიშვნელობაზე ხაზგასმით დაიწყო, რასაც მისი თქმით, ელოდებიან მოქალაქეები და პარტნიორები. „დღეს 2 სექტემბერია და ზუსტად ერთი თვე რჩება ადგილობრივი თვითმმართველობის არჩევნებამდე! არჩევნებამდე, რომელიც ჩვენი ქვეყნისთვის და ჩვენი ევროპული გზისთვის მნიშვნელოვანი დატვირთვის მატარებელი არის და იქნება. უნდა შევძლოთ და ჩავატაროთ სამაგალითო არჩევნები სიძულვილის ენის, ძალადობისა და შეურაცხყოფის გარეშე, დემოკრატიულ, კონკურეტულ და სამართლიან გარემოში! ამას ელოდებიან ჩვენი მოქალაქეები და ამას დააკვირდებიან ჩვენი პარტნიორები! აქამდე მოვედით და გადავლახეთ უამრავი პოლოტიკური თუ ეკონომიკური სირთულე, რომ არა ჩვენი პარტნიორების დახმარება, სოლიდარობა, გვერდში დგომა და გაწეული შრომა ძალიან რთული იქნებოდა პანდემიის მიერ გამოწვეული მსოფლიო ეკონომიკური კრიზისისა, თუ შიდაპოლიტიკური დაპირისპირების გაძლება, გადალახვა და სტაბილურობის შენარჩუნება. ისიც გვესმის, რომ რაიმე სახით, ან რამე მიზეზით ევროპული თანადგომისა და ჩვენი ქვეყნის და რეგიონის მიმართ ინტერესის შესუსტება, ხელს აძლევს მხოლოდ და მხოლოდ ქვეყნის იმ შიდა თუ გარე ძალებს, რომლებიც ცდილობენ გამოიწვიონ ქვეყნის დესტაბილიზაცია თუ დასუსტება. სწორედ ამ გარემოებიდან გამომდინარე, განცხადებული უარი ევროკავშირის სესხის მიღებაზე მოსახლეობის დიდი ნაწილისთვის და პირადად ჩემთვის საკმაოდ გაუგებარი ნაბიჯია. ეკონომიკური არგუმენტი - ვალის შემცირების აუცილებლობა - ანალიზს ვერ უძლებს! როგორიც არ უნდა იყოს ჩვენი ეკონომიკის ზრდა, თუნდაც ორციფრიანი, ის მაინც არ ანულირებს იმ სოციალურ და ადამიანურ ზიანს, რაც კოვიდმა მოუტანა ჩვენს მოსახლეობას, და რისი შემცირებაც უშუალოდ ემსახურებოდა აღნიშნული 75 მილიონ ევროიანი (ანუ 300 მილიონი ლარის ოდენობის) სესხი. გაუგებარია, თუ რა განაპირობებს იმას, რომ დღეს საკუთარი მოქალაქეების კრიზისულ მდგომარეობაზე მეტად პრიორიტეტული საერთაშორისო ვალის შემცირება გახდა. ვიდრე ორციფრიანი ზრდის შედეგი საზოგადოების კეთილდღეობაზე არ აისახება, დახმარებაზე უარის თქმის ლოგიკა ძნელად გასაგებია! ცოტა არ იყოს პარადოქსულადაც ჟღერს ერთი ხელით ევროპის სესხზე უარის თქმა და მეორე მხრივ, სხვადასხვა პროექტზე, მათ შორის რიკოთის მაგისტრალის მშენებლობაზე აპელირება, მაშინ, როცა იგი დიდწილად ევროპიდან წამოსული სესხებით ხორციელდება! ეკონომიკური შედეგები ამ ნაბიჯის, ამ სესხის აღება არ აღებით - არ შემოიფარგლება. აქ მთავარი ჩვენი ქვეყნის რეპუტაცია, ჩვენი სიტყვის სანდოობაა! მართალია, რომ ხელისუფლებას ნებისმიერ სესხზე უარის თქმის უფლება გააჩნია, თუმცა სესხთან ერთად ხელმოწერილი დოკუმენტების მიმართ ცვალებადი დამოკიდებულება და ცალმხრივი აუხსნელი გადაწყვეტილებები, შესაძლოა, აისახოს, როგორც ქვეყნის ხვალინდელ რეიტინგზე, ასევე უცხოელი ინვესტორების განწყობაზეც. დარწმუნებული ვარ, რომ ეკონომიკური იზოლაციონიზმი, რომელიც დღევანდელ მსოფლიოში მდიდარ ქვეყნებისთვისაც მიუღწევადია, და ჩვენთვის როგორც პატარა ქვეყნისთვის სახიფათო ილუზიაა, ამ გადაწყვეტილებებს არ უდევს საფუძვლად, თუმცა საჭიროა სიფრთხილე, რათა ასეთმა ნაბიჯებმა მოსახლეობაში არ გააჩინოს ცრუ წარმოდგენები. ასევე წაიკითხეთ: ირაკლი ღარიბაშვილი ევროკავშირის დახმარებაზე: გადაწყვეტილიც გვაქვს, რომ თავი შევიკავოთ ამ სესხის აღებაზე, თანხის მიღების აუცილებლობა აღარ იქნება ევროკავშირის სოლიდარობასა და პარტნიორობას ალტერნატივა არ გააჩნია, რაც მოსახლეობის 80%-ს არა თუ ესმის, კიდევაც იზიარებს. ისიც უნდა გვესმოდეს, რომ ავღანეთის შემდგომ პერიოდში, ახალი სტრატეგიული ვითარება იქმნება, სადაც ჩვენი სტაბილურობა და უსაფრთხოება უფრო მეტად დამოკიდებული იქნება ევროპაზე ვიდრე აქამდე. როცა ჩვენს მოქალაქეებს ვპირდებით „მეტ ევროპას საქართველოში და მეტ საქართველოს ევროპაში“ და ევროპელ პარტნიორებს 2024 წელს კანდიდატურის განაცხადის შეტანას, ამ მიზნების მისაღწევად აუცილებელია, ამ გზაზე შევინარჩუნოთ ჩვენი პარტნიორების სრული ნდობა და მხარდაჭერა! ჩემი როლი ნათელზე ნათელია ამ ვითარებაში: მე ვდგავარ და ვიდგები საქართველოს ევროპული არჩევანის მხარეს, ყველაფერს ვიღონებ, რომ არავინ, არც ხელისუსფლებამ დაუფიქრებელი ნაბიჯებით და არც დესტრუქციულმა ოპოზიციამ, რომელიც დღეს თავხედურად ხელს აწერს დოკუმეტს, რომელსაც 6 თვე ძირს უთხრიდა, შეძლოს ამ გზის არევა და ამით ჩვენი ქვეყნის სტრატეგიული ინტერესების საფრთხის ქვეშ დაყენება. ერთს ეკუთვნის პასუხისმგებლობა, სამართლიანად ჩაატაროს არჩევნები, შეასრულოს ნაკისრი ვალდებულებები და გაამყაროს ქვეყნის მიმართ ნდობა; მეორეს კი არ უნდა მიეცეს დესტაბილიზაციის პროვოცირების საშუალება უმიზეზოდ არჩევნების ლეგიტიმურობის კითხვის ნიშნის ქვეშ დაყენებით. ჩემი პოზიცია უცვლელია: მე ვარ ერთგული ყველაფერი იმის, რასაც ვიცავ მუდმივად პირველი დღიდან: საზოგადოების ერთობა, დეპოლარიზაცია, ქვეყნის გაერთიანება, პოლიტიკური დემოკრატია და ევროპული მომავალი“, - განაცხადა სალომე ზურაბიშვილმა. ცნობისათვის, პრემიერ-მინისტრმა ირაკლი ღარიბაშვილმა 31 აგვისტოს განაცხადა, რომ მთავრობა თავს შეიკავებს ამ სესხის აღებაზე, თანხის მიღების აუცილებლობა აღარ იქნება. ამის მიზეზად ღარიბაშვილმა საგარეო ვალის შემცირება დაასახელა. უფრო ადრე, „ქართული ოცნების“ თავმჯდომარემ განაცხადა, რომ ევროკავშირისგან მაკროფინანსური დახმარების მიღებას ფინანსური დატვირთვა აღარ აქვს. პრემიერი: ჩვენს პარტნიორებს კიდევ ავუხსნით ჩვენს მოტივაციას, რატომ ვთქვით უარი დამატებითი სესხის აღებაზე და ყველა კითხვა მოიხსნება მთავრობის განცხადებას ევროკავშირის წარმომადგენლობაში საგანგებო ბრიფინგი მოჰყვა, სადაც აღნიშნეს, რომ საქართველომ საკმარისად ვერ შეძლო, შეესრულებინა მაკროფინანსური დახმარების პირობა. მანამდე, ევროპული საბჭოს პრეზიდენტმა შეახსენა საქართველოს მთავრობას, რომ მაკროფინანსური დახმარების გაცემის თარიღი ახლოვდებოდა და დროა, საქართველოს მთავრობამ აჩვენოს, რომ შეთანხმებების ერთგულია.
დომინიკ რააბი: დიდი ბრიტანეთი არ აღიარებს „თალიბანს“ უახლოეს მომავალში
დიდი ბრიტანეთის საგარეო საქმეთა მინისტრის დომინიკ რააბის განცხადებით, ბრიტანეთი არ აღიარებს „თალიბანს“ უახლოეს მომავალში, თუმცა ხედავს პირდაპირი ჩართულობის საჭიროებას. ამის შესახებ მან ყატარში ვიზიტისას განაცხადა. მისი თქმით, დიდი ბრიტანეთი ახლა უნდა ადაპტირდეს ავღანეთში შექმნილ ახალ რეალობასთან და ამჟამად ქვეყნისთვის პრიორიტეტია დიდ ბრიტანეთში დარჩენილი მოქალაქეების უსაფრთხოდ გამოყვანა. „ვფიქრობ, არსებობს მნიშვნელოვანი ფარგლები ჩართულობისა და დიალოგისთვის, რათა შემოწმდეს „თალიბანის“ მიერ უკვე მოცემული დაპირებები“, - განაცხადა დომინიკ რააბმა. დომინიკ რააბის ინფორმაციით, დიდმა ბრიტანეთმა ავღანეთიდან 17 ათასი ადამიანის ევაკუაცია განახორციელა. ცნობისთვის, „თალიბანის“ მიერ ქაბულის აღებამ და ავღანეთის სრულად კონტროლმა დედაქალაქში ქაოსი შექმნა. ქაბულის აეროპორტს, რომელიც „თალიბანის“ მიერ ავღანეთის დედაქალაქის დაკავების შემდეგ მოქალაქეების ევაკუაციის ადგილია, უამრავი ადამიანი მიაწყდა. ქაბულის აეროპორტის გამოყენებით ავღანეთიდან გაქცევას მშვიდობიანი მოქალაქეები ცდილობდნენ, სწორედ ამ დროს მოხდა აფეთქება. მანამდე, დასავლეთის ქვეყნები გამოვიდნენ გაფრთხილებით, რომ არსებობდა ტერაქტის საფრთხე. აშშ-მა და მოკავშირეებმა ძალებს აეროპორტის ტერიტორიის დატოვებისკენ მოუწოდეს, რადგან "ისლამური სახელმწიფოს" მხრიდან ტერორისტული აქტის განხორციელების საფრთხე არსებობდა. პარალელურად, ევროპის ქვეყნებმა ავღანეთიდან ევაკუაცია შეწყვიტეს. ტერაქტს 170-ზე მეტი ადამიანი ემსხვერპლა, მათ შორის 13 ამერიკელი სამხედრო მოსამსახურე. დაშავდა სულ მცირე 200 ადამიანი. მოგვიანებით, აშშ-მ გაავრცელა ინფორმაცია, რომ ლიკვიდირებული არიან "ისლამური სახელმწიფოს" ლიდერები. ამავე თემაზე: ავღანეთში ბრიტანეთის ელჩმა ქაბული ბრიტანელი ჯარისკაცების ბოლო თვითმფრინავის გაფრენის შემდეგ დატოვა
ნიკა მელია: ჩემთვის არაფერს ცვლის არჩევნებში გიორგი გახარიას მონაწილეობა, პირველ ტურში მე გავიმარჯვებ
გიორგი გახარიას გადაწყვეტილებამ „ქართულ ოცნებას“ ელექტორალური თვალსაზრისით მდგომარეობა გაუუარესა. - ამის შესახებ „ნაციონალური მოძრაობის“ ლიდერმა ნიკა მელიამ განაცხადა. „ჩემთვის არაფერს ცვლის არჩევნებში გიორგი გახარიას მონაწილეობა. დარწმუნებული ვიყავი და ვარ, რომ უჭირს „ქართულ ოცნებას“. მე არ გამოვრიცხავ, რომ თბილისში მეორე ტური იქნება, მაგრამ პირველ ტურში შედეგობრივად მე გავიმარჯვებ. ვინ იქნება მეორე და მესამე ადგილზე, ეს კალაძესა და გახარიას შორის გადაწყდება. შესაძლოა, პირველივე ტურში თბილისის არჩევნების ბედი ვერ გადაწყდეს, მაგრამ შედეგობრივად, მგონია, რომ მე, საერთო ოპოზიციური კანდიდატი ვიქნები პირველ ადგილზე. გახარიას და კალაძის ურთიერთობებში ხელების ფათური ნამდვილად არ მინდა. გუშინდელი მეგობრები და გუშინწინდელი თანამებრძოლები არიან. ძალიან უხერხულია ჩემი აზრით, როდესაც ერთი მხრიდან ვაკვირდებით წარმოუდგენელ საარაკო თავდასხმებს მეორეზე, არადა, გუშინწინ ერთმანეთს აქებდნენ, გვერდიდან არ შორდებოდნენ და რომ გეკითხათ, საქართველოს მასზე უკეთესი მოქალაქე ამ ქვეყანაში არ არსებობდა. ახლა ტალახს ესვრიან ერთმანეთს. არაფერს ცვლის არჩევნებში გიორგი გახარიას მონაწილეობა. მე დარწმუნებული ვიყავი და ვარ, რომ უჭირს „ქართულ ოცნებას“, ეს კვლევებიდანაც ჩანს. ვინ იქნება მეორე და მესამე ადგილზე, რა თქმა უნდა, ამას გადაწყვეტს ამომრჩეველი. ბევრი რამ იქნება დამოკიდებული თავად კალაძესა და ბატონ გახარიაზე. მათ პრაქტიკულად ერთი ამომრჩეველი ჰყავთ. ერთი რამ ძალიან საწყენია, რომ გუშინდელი მეგობრები ერთმანეთს არ ინდობენ, ეს ყოველგვარ ზღვარს სცდება. ვფიქრობ, ამას საზოგადოება სწორად შეაფასებს“, - განაცხადა ნიკა მელიამ. კახაბერ ქემოკლიძე თბილისის მერისა და ყოფილი პრემიერის შეხვედრაზე: კარგია, რომ ეს სტანდარტი დაწესდა
კარლ ჰარცელი: დემოკრატიული რეფორმების გზამკვლევზე ხელმოწერა და შესაძლოა, მასთან დაბრუნებაც არასდროს არის გვიან
ევროკავშირის ელჩი კარლ ჰარცელი 19 აპრილის შეთანხმებასთან დაკავირებით ვიდეომიმართვას ავრცელებს. როგორც ელჩი აღნიშნავს, ევროკავშირი მიიჩნევს, რომ შეთანხმებით გათვალისწინებული ყველა რეფორმის სრულად შესრულება საქართველოს ეროვნულ ინტერესებშია. „მოგეხსენებათ, რომ დღეს, ერთიანი ნაციონალური მოძრაობის თავმჯდომარემ ხელი მოაწერა 19 აპრილის შეთანხმებას, რომელიც ევროკავშირის მედიაციით შედგა. მან დოკუმენტს ხელი მოაწერა პარტიის სახელით, „ერთიანი ნაციონალური მოძრაობის“ წევრი პარლამენტარების ჩათვლით და თავი არავის შეუკავებია. ეს კი ნიშნავს, რომ ამჟამად, პარლამენტის 150 არჩეული წევრიდან 147-მა სხვადასხვა ეტაპზე მხარი დაუჭირა შეთანხმებასა და მის შინაარსს, თუმცა, სხვადასხვა დროს. ჩემი აზრით, ხელმოწერა იმისა, რაც, პირველ რიგში, დემოკრატიული რეფორმების მნიშვნელოვან გზამკვლევს წარმოადგენს, არასდროს არის გვიან. და, შესაძლოა, არც ამ გზამკვლევთან დაბრუნებაა გვიან. მტკიცედ მჯერა, რომ ეს რეფორმები სარგებელს საქართველოს ყველა მოქალაქეს მოუტანს. სწორედ ამიტომ, ევროკავშირი მიიჩნევს, რომ შეთანხმებით გათვალისწინებული ყველა რეფორმის სრულად შესრულება საქართველოს ეროვნულ ინტერესებშია. ჩვენ კვლავაც მზად ვართ, ვიმუშაოთ ყველასთან, ვინც ამ რეფორმების განხორციელების ერთგულია“, - აღნიშნავს ევროკავშირის ელჩი. შეგახსენებთ, "ნაციონალურმა მოძრაობამ" შარლ მიშელის შეთანხმებას ხელი მოაწერა. პრემიერ-მინისტრი „ნაციონალური მოძრაობის“ მიერ შარლ მიშელის შეთანხმებაზე ხელმოწერას ფარსს უწოდებს. ირაკლი ღარიბაშვილი აცხადებს, რომ გამორიცხულია „ქართული ოცნება“ ამ შეთანხმებას დაუბრუნდეს.
პრემიერი: რა ვაქცინებიც სურს მოსახლეობას, ისინი უნდა შემოვიტანოთ
როგორც ჩვენი ექიმები და ეპიდემიოლოგები მეუბნებიან, Astrazeneca ნაკლებად მოთხოვნადი და პრიორიტეტულია, რა ვაქცინებიც სურს ჩვენს მოსახლეობას ის უნდა შემოვიტანოთ, - ასე უპასუხა საქართველოს პრემიერ-მინისტრმა ირაკლი ღარიბაშვილმა ჟურნალისტის კითხვას, ადასტურებს თუ არა, გავრცელებულ ინფორმაციას, რომ საქართველომ უარი თქვა AstraZeneca-ს 50 000 დოზაზე, რომელიც ლატვიას უნდა გადმოეცა. როგორც პრემიერმა აღნიშნა, მთავრობამ ამ მომენტისთვის საკმარისზე მეტი ვაქცინები შემოიტანა. "ჩვენ, მთავრობამ მოვახერხეთ და შემოვიტანეთ ამ მომენტისთვის საკმარისზე მეტი ვაქცინები, ყველანაირი ვაქცინა გვაქვს საქართველოში - Pfizer-ი, დღეის მდგომარეობით გვაქვს კიდევ მილიონი დოზა, Sinovac-ი, რომელიც ანალოგიურია, როგორიცაა Sinopharm-ი, კიდევ დამატებით 1 მილიონი Sinopharm-ი მაქვს შეკვეთილი და ვმუშაობთ კიდევ 2 მილიონ Pfizer-ზე. როგორც ჩვენი ექიმები და ეპიდემიოლოგები მეუბნებიან, Astrazeneca ნაკლებად მოთხოვნადი და პრიორიტეტულია ჩვენი მოსახლეობის მხრიდან. ქვეყანაში რომ არ იყოს ვაქცინები და ჩვენ ამ დროს გვეთქვა უარი, ეს იქნებოდა პირდაპირ დანაშაული, მაგრამ როცა 3 მილიონი ვაქცინა გვაქვს, ჩვენი სუვერენული არჩევანია, რა ვაქცინებიც ჩვენს მოსახლეობას უნდა, ის ვაქცინები უნდა შემოვიტანოთ", - განაცხადა პრემიერმა.
კორონავირუსით გარდაიცვალა ქალი, რომელმაც რამდენიმე კვირის წინ ტყუპები გააჩინა
თბილისში, ბოკერიას კლინიკაში კორონავირუსით ქალი გარდაიცვალა, რომელმაც რამდენიმე კვირის წინ ტყუპები გააჩინა. ამის შესახებ ინფორმაცია Europetime-ს კლინიკაში დაუდასტურეს. როგორც ცნობილია, 47 წლის ქალი გუშინ გარდაიცვალა. „ქალს საკეისრო კვეთა ჩაუტარდა , ის ქუთაისიდან გადმოიყვანეს ბოკერიას კლინიკაში დაახლოებით 2 კვირის წინ. მართვით სუნთქვაზე იყო. გუშინ ღამით კი გარდაიცვალა“,- აღნიშნავენ კლინიკაში. ცნობისთვის, ბოლო 24 საათის განმავლობაში საქართველოში კორონავირუსი კიდევ 3212 ადამიანს დაუდასტურდა, გამოჯანმრთელდა 5017 პაციენტი, 81 კოვიდინფიცირებული კი გარდაიცვალა.
გიორგი გახარია თბილისის მერს და ნიკა მელიას დებატებში იწვევს
ყოფილი პრემიერი, პარტია „საქართელოსთვის“ ლიდერი გიორგი გახარია თბილისის მერსკახა კალაძეს და „ნაციონალური მოძრაობის“ თავმჯდომარეს, ასევე მერობის კანდიდატს, ნიკა მელიას დებატებში იწვევს. შესამაბისი პოსტი მან სოციალურ ქსელში გაავრცელა. „დღეს ძალაუფლების შენარჩუნების ჟინით შეპყრობილი ორგანიზაცია „ქართული ოცნება“ სულ უფრო ემსგავსება „ნაციონალურ მოძრაობას“ და ასე გვაბრუნებს წარსულში. ამათ მარტო დატოვება ქვეყნის მომავლისთვის სახიფათოა! ვიწვევ კახა კალაძეს და ნიკანორ მელიას ნებისმიერი ფორმატის დებატში“, - წერს ყოფილი პრემიერ-მინისტრი Facebook-ზე. ნიკა მელია: ჩემთვის არაფერს ცვლის არჩევნებში გიორგი გახარიას მონაწილეობა, პირველ ტურში მე გავიმარჯვებ კახაბერ ქემოკლიძე თბილისის მერისა და ყოფილი პრემიერის შეხვედრაზე: კარგია, რომ ეს სტანდარტი დაწესდა
პრემიერ-მინისტრი „ნაციონალური მოძრაობის“ მიერ შარლ მიშელის შეთანხმებაზე ხელმოწერას ფარსს უწოდებს
პრემიერ-მინისტრი „ნაციონალური მოძრაობის“ მიერ შარლ მიშელის შეთანხმებაზე ხელმოწერას ფარსს უწოდებს. ირაკლი ღარიბაშვილი აცხადებს, რომ გამორიცხულია „ქართული ოცნება“ ამ შეთანხმებას დაუბრუნდეს. „ეს არის ფარსი და სიყალბე, მათ ხელმოწერას ფასი ექნებოდა, როდესაც ჩვენი დიდი მეგობრების, შარლ მიშელის, ამერიკის ელჩის უშუალო მონაწილეობით დავასრულეთ მასზე მუშაობა. შეურაცხყოფა მიაყენეს მთელ საერთაშორისო საზოგადოებას, ჩვენს პარტნიორებს. მათთვის და რელურად ჩენი სახელმწიფოსთვის გადავდგით კომპრომისული ნაბიჯები, გავაკეთეთ ყველაფერი, რომ სიტუაცია დამშვიდებულიყო და პოლიტიკური შეთანხმება მომხდარიყი. ბაზარში რომ ვაჭრობაა, ასეთი ტიპის ვაჭრობა გამართეს ჩვენს ამერიკელ და ევროპელ მეგობრებთან. ამის მიუხედავად მოვაწერეთ ხელი შეთანხმებას. ველოდეთ 100 დღე და მიუხედავად ამერიკელი და ევროპელი მეგობრების თხოვნისა, ხელი არ მოაწერეს მას. ეს საბავშვო ბაღი არ არის, ჩვენ, ქვეყანას ვმართავთ და ეს არის პირველ რიგში არის სახელმწიფოს ინტერესები და მერე სხვა. ამის შემდეგ ჩვენ გამოვედით ამ ხელშეკრულებიდან, რადგან ხელშეკრულება იმ შემთხვევაში ვალიდური იქნებოდა, როდესაც ორი მთავარი მხარე აწერს ხელს“, - აღნიშნა ირაკლი ღარიბაშვილმა. ცნობისთვის, "ნაციონალურმა მოძრაობამ" შარლ მიშელის შეთანხმებას ხელი მოაწერა.
პრემიერი: ჩვენს პარტნიორებს კიდევ ავუხსნით ჩვენს მოტივაციას, რატომ ვთქვით უარი დამატებითი სესხის აღებაზე და ყველა კითხვა მოიხსნება
„მე მოვისმინე ქალბატონი კელი დეგნანის განცხადება და ხაზგასმით თქვა, რომ ეს იყო სესხი“, - განაცხადა პრემიერ-მინისტრმა ჟურნალისტის შეკითხვის საპასუხოდ, რომელიც ამერიკის ელჩის განცხადებას ეხებოდა. „ჩვენს პარტნიორებს ავუხსენით, კიდევ ავუხსნით ჩვენს მოტივაციას, რატომ ვთქვით უარი დამატებითი სესხის აღებაზე და მე ვფიქრობ, რომ ყველა კითხვა მოიხსნება“, - განაცხადა ირაკლი ღარიბაშვილმა. ეს განცხადება ირაკლი ღარიბაშვილმა „ქართული ოცნების“ ჭიათურის მერობის კანდიდატის, გივი მოდებაძის წარდგენის შემდეგ განაცხადა. ამ თემაზე მან ღონისძიებაზე სიტყვით გამოსვლის დროსაც ისაუბრა. 75 მილიონი ევროს სესხის აღებისგან თავი შევიკავეთ კონკრეტული მიზეზის გამო და ეს განვმარტეთ, გამოდიან და ამბობენ, რომ ეს იყო არა სესხი, არამედ ევროკავშირის დახმარება, რომ ამაზე დგას თურმე ჩვენი ქვეყნის ევროინტეგრაციის გზა და ქვეყანა დაინგრა, ასეთი შეურაცხმყოფელი ტყუილი რატომ უნდა იკადრო 2 დღეა, ამტკიცებენ თეთრზე, რომ შავიაო და რას კონკრეტულად, გამოდიან რომ „ქართულმა ოცნებამ“ თურმე ჩვენ ვთქვით უარი ევროკავშირზე და გადავუხვიეთ ევროკავშირის გზას და რატომ მეგობრებო? რომ 75 მილიონი ევროს სესხის აღებაზე, ხაზს ვუსვამ, სესხის, ვალის აღებაზე თავი შევიკავეთ კონკრეტული მიზეზის გამო და ეს განვმარტეთ“, - აღნიშნა ღარიბაშვილმა. დღესვე მან ხუმრობით უპასუხა ჟურნალისტების შეკითხვას, საქართველოს მიერ მაკროსაფინანსო ტრანშზე უარის შემდეგ, რას ნიშნავდა რუსეთის საგარეო საქმეთა მინისტრის განცხადება. „ვინაიდან ჩვენ უარი ვთქვით სესხის აღებაზე, რუსეთი გვიბრუნებს აფხაზეთს და სამაჩაბლოს. ყველაფერი კარგად არის“, - დაამატა ღარიბაშვილმა. ცნობისათვის, პრემიერ-მინისტრმა ირაკლი ღარიბაშვილმა 31 აგვისტოს განაცხადა, რომ მთავრობა თავს შეიკავებს ამ სესხის აღებაზე, თანხის მიღების აუცილებლობა აღარ იქნება. ამის მიზეზად ღარიბაშვილმა საგარეო ვალის შემცირება დაასახელა. უფრო ადრე, „ქართული ოცნების“ თავმჯდომარემ განაცხადა, რომ ევროკავშირისგან მაკროფინანსური დახმარების მიღებას ფინანსური დატვირთვა აღარ აქვს. მთავრობის განცხადებას ევროკავშირის წარმომადგენლობაში საგანგებო ბრიფინგი მოჰყვა, სადაც აღნიშნეს, რომ საქართველომ საკმარისად ვერ შეძლო, შეესრულებინა მაკროფინანსური დახმარების პირობა. მანამდე, ევროპული საბჭოს პრეზიდენტმა შეახსენა საქართველოს მთავრობას, რომ მაკროფინანსური დახმარების გაცემის თარიღი ახლოვდებოდა და დროა, საქართველოს მთავრობამ აჩვენოს, რომ შეთანხმებების ერთგულია.
ირაკლი ღარიბაშვილი ოპოზიციის წერილზე: რა შუაშია NATO-ს გენმდივანი ან შარლ მიშელი, რატომ აწუხებენ ამ ადამიანებს?
„რა შუაშია NATO-ს გენმდივანი ან შარლ მიშელი, რატომ აწუხებენ ამ ადამიანებს?“, - ასე უპასუხა პრემიერ-მინისტრმა ჟურნალისტების შეკითხვას იმის შესახებ, რომ 14-მა ოპოზიციურმა პარტიამ შარლ მიშელს, იენს სტოლტენბერგსა და ურსულა ფონ დერ ლაიენს ღია წერილით მიმართა. „14 უდრის ერთს - ანუ „ნაცმოძრაობამ“ მიმართა წერილით ევროკავშირს და NATO-ს. რა შუაშია NATO-ს გენმდივანი ან შარლ მიშელი, რატომ აწუხებენ ამ ადამიანებს? ძალიან მარტივია, ჩვენ გავაკეთეთ ამაზე განმარტებები, ეს არის ჩვეულებრივი სპეკულაციები. საერთოდაც, ფარისევლობაა ის, რასაც სჩადის „ნაცმოძრაობა“. თითქოს, ძალიან სწუხან ევროკავშირის სესხზე თუ დახმარებაზე“, - განაცხადა ირაკლი ღარიბაშვილმა. ცნობისათვის, პრემიერ-მინისტრმა ირაკლი ღარიბაშვილმა 31 აგვისტოს განაცხადა, რომ მთავრობა თავს შეიკავებს ამ სესხის აღებაზე, თანხის მიღების აუცილებლობა აღარ იქნება. ამის მიზეზად ღარიბაშვილმა საგარეო ვალის შემცირება დაასახელა. უფრო ადრე, „ქართული ოცნების“ თავმჯდომარემ განაცხადა, რომ ევროკავშირისგან მაკროფინანსური დახმარების მიღებას ფინანსური დატვირთვა აღარ აქვს. მთავრობის განცხადებას ევროკავშირის წარმომადგენლობაში საგანგებო ბრიფინგი მოჰყვა, სადაც აღნიშნეს, რომ საქართველომ საკმარისად ვერ შეძლო, შეესრულებინა მაკროფინანსური დახმარების პირობა. მანამდე, ევროპული საბჭოს პრეზიდენტმა შეახსენა საქართველოს მთავრობას, რომ მაკროფინანსური დახმარების გაცემის თარიღი ახლოვდებოდა და დროა, საქართველოს მთავრობამ აჩვენოს, რომ შეთანხმებების ერთგულია.
ისრაელის საგარეო საქმეთა მინისტრმა დავით ზალკალიანი ოფიციალური ვიზიტით ისრაელში მიიწვია
საქართველოს ვიცე-პრემიერი, საგარეო საქმეთა მინისტრი დავით ზალკალიანი და ისრაელის სახელმწიფოს საგარეო საქმეთა მინისტრს, ალტერნატიულ პრემიერ-მინისტრს იაირ ლაპიდს ტელეფონით ინფორმაცია საგარეო უწყება ავრცელებს. მათივე ცნობით, ორი ქვეყნის საგარეო საქმეთა მინისტრებმა კიდევ ერთხელ ხაზი გაუსვეს ქართველი და ებრაელი ხალხის მრავალსაუკუნოვანი ტრადიციული მეგობრული ურთიერთობების მნიშვნელობას და მათი შემდგომი გაღრმავების პერსპექტივებს. "სატელეფონო საუბრისას განიხილეს ორმხრივი და მრავალმხრივი თანამშრომლობის დღის წესრიგში არსებული აქტუალური საკითხები და ხაზი გაესვა დიდ პოტენციალს ეკონომიკური მიმართულებით, რომელიც მოიცავს ორმხრივი ვაჭრობის, ინვესტიციებისა და ტურიზმის სფეროებს. მხარეებმა მიმოიხილეს გლობალური პანდემიის გამოწვევის წინააღმდეგ ბრძოლის გზები და ორი ქვეყნის პარტნიორული ურთიერთობების განვითარების დინამიკა. იაირ ლაპიდმა ქართველი კოლეგა ოფიციალური ვიზიტით მიიწვია ისრაელში და იმედი გამოთქვა, რომ მხარეებს მიეცემათ შესაძლებლობა მომავალი ვიზიტის ფარგლებში უფრო დეტალურად განიხილონ ყველა მნიშვნელოვანი საკითხი. დავით ზალკალიანმა ისრაელელ კოლეგას მიულოცა თანამდებობაზე დანიშვნა, უსურვა წარმატება მომავალ საქმიანობაში და თავის მხრივ დაუდასტურა მზადყოფნა მისთვის ხელსაყრელ დროს უმასპინძლოს საქართველოში ოფიციალური ვიზიტით", - ნათქვამია საგარე საქმეთა სამინისტროს მიერ გავრცელებულ ინფორმაციაში.
თბილისში, ვაქცინაციის მოძრავი პუნქტები კიდევ 6 ადგილზე განთავსდა
დღეიდან, აცრის მსურველებს სასურველი კოვიდსაწინააღმდეგო ვაქცინის მიღება, თბილისში დამატებით 6 სამგზავრო ავტობუსში შეეძლებათ, - ამის შესახებ ინფორმაციას ჯანდაცვის სამინისტრო ავრცელებს. მათივე ცნობით, გარდა თბილისისა, აცრის მსურველ მოქალაქეებს სასურველი კოვიდსაწინააღმდეგო ვაქცინის მიღება, რუსთავსა და ბათუმშიც შეეძლებათ. როგორც ჯანდაცვის სამინისტროში აცხადებენ, ვარკეთილის, გლდანისა და სადგურის მოედნის გარდა, მოქალაქეები ვაქცინაციას შემდეგ ლოკაციებზე შეძლებენ: საბურთალო - სითი მოლი (ვაჟა–ფშაველას გამზირი #70, ღია ავტოსადგომის ტერიტორია „სითი გარდენის“ მიმდებარედ) გლდანი - სითი მოლი (ი. ვეკუას #1, ღია ავტოსადგომის ტერიტორია, მუხიანის მხარეს) სამგორი - ისთ ფოინთი (ალექსანდრე თვალჭრელიძის ქუჩა, ზედა ავტოსადგომი) სამგორი - ორხევი (სტადიონის მიმდებარე ტერიტორია) ავჭალა - (ლიბანის ქ. 23, პოლიციასთან) მუხიანი - ნ. დუმბაძის გამზირი (პოლიციასთან, კორპუსი N5) რუსთავში ვაქცინაციის ცენტრები მოიწყო: ჭყონდიდელის დასახლება (რჩეულიშვილის N9-სუპერმარკეტი მადაგონის წინ). მე-12 მკ/რნ, N24-23-ე საშუალო სკოლის წინ. მე-19 მკ/რნ, აღმაშენებლის გამზირი N89, სუპერმარკეტი მადაგონის წინ. ბათუმში ვაქცინაციის ცენტრები მოიწყო: ინასარიძის ქუჩა, სავაჭრო ცენტრ „ვილმარტის მიმდებარე ტერიტორია ე.წ. ,,ხოფის“ ბაზრობის მიმდებარე ტერიტორია ე.წ. ,,ოცნების ქალაქის“ მიმდებარე ტერიტორია „ვაქცინაციის მოძრავი პუნქტები ყოველდღე 10:00 საათიდან 20:000 საათამდე იმუშავებენ. ვაქცინაციის მოძრავ პუნქტში მოქალაქეები სერვისს წინასწარი რეგისტრაციის გარეშე მიიღებენ და აცრის ჩატარებას სასურველი ვაქცინით შეძლებენ. სამგზავრო ავტობუსებში რესპუბლიკური საავადმყოფოს ამცრელი ბრიგადები, ვაქცინაციას დადგენილი წესის მიხედვით უზრუნველყოფენ. მუნიციპალურ ტრანსპორტშივე იქნება მოწყობილი შემდგომი დაკვირვების სივრცეც. ახალი პროექტი „ავიცრათ ერთმანეთისთვის“ ჯანდაცვის სამინისტროს საინფორმაციო კამპანიის ფარგლებში დაიწყო და ეტაპობრივად ყველა რეგიონში განხორციელდება“, - აცხადებენ ჯანდაცვის სამინისტროში. ამავე თემაზე: 2 სექტემბრის მონაცემებით, საქართველოში კორონავირუსის საწინააღმდეგო ვაქცინა ჯამში 1 235 386 ადამიანმა გაიკეთა.
"ნაციონალურმა მოძრაობამ" შარლ მიშელის შეთანხმებას ხელი მოაწერა
"ნაციონალური მოძრაობის" თავმჯდომარე ნიკა მელიამ და და პარტიის წევრებმა შარლ მიშელის ინიციატივით მომზადებულ, პოლიტიკური შეთანხმების დოკუმენტს ხელი მოაწერეს. ამ მიზნით ნიკა მელია და პარტიის წევრები ევროკავშირის წარმომადგენლობის ოფისში იმყოფებოდნენ. "ძალაუფლების შენარჩუნების პრიმატით მიდიოდნენ ქვეყნის ინტერესების საზიანოდ, რაც რუსეთის ორბიტაზე საქართველოს პირდაპირი მოქცევის გზა იყო. ამიტომ, ჩვენი ამ ნაბიჯით შეიძლება ითქვას, რომ ახალი სიცოცხლე მივეცით შარლ მიშელის შეთახნმებას", - განაცხადა რომან გოცირიძემ. "ნაციონალური მოძრაობის" მიერ შეთანხმების ხელმოწერის ფაქტს გამოეხმაურა საქართველოში აშშ-ის ელჩი კელი დეგნანი. მისი თქმით, ეს "კარგის ნიშანია". "ჩვენ მივესალმებით "ერთიანი ნაციონალური მოძრაობის" გადაწყვეტილებას ხელი მოაწეროს ამ დოკუმენტს. ჩვენ მოვუწოდებდით მათ ხელის მოწერისკენ გარკვეული პერიოდის განმავლობაში ასე რომ, ეს კარგის ნიშანია, რამდენადაც, დოკუმენტი წარმოადგენს გეგმას იმ მნიშვნელოვანი რეფორმების შესრულებისა, რომელიც ქვეყანას სჭირდება. ეს ის ნაბიჯები და რეფორმებია, რომელიც საქართველოს ლიდერებმა შეიმუშავეს. ისინი არ იყო თავს მოხვეული აშშ-სა და ევროკავშირისგან, არამედ შემუშავებული იყო საქართველოს პოლიტიკურ ლიდერებს შორის მოლაპარაკებების გზით. შესაბამისად, კარგის ნიშანია, რომ ამდენმა პარტიამ მოაწერა ხელი ამ რეფორმების დანერგვას, რომელიც ასე მნიშვნელოვანია საქართველოს გაძლიერებისთვის. ეს იმგვარი რეფორმებია, რომელმაც ხელი უნდა შეუწყოს ეკონომიკის გაძლიერებას, გააუმჯობესოს ელექტორალური პროცესი და ეხება ქვეყნის თითოეულ მოქალაქეს"- აცხადებს კელი დეგნანი. "ნაცმოძრაობის" მიერ შარლ მიშელის მედიაციით შექმნილი დოკუმენტზე ხელმოწერას საპარლამენტო უმრავლესობის წევრი შალვა პაპუაშვილიც გამოეხმაურა. "ერთადერთი რისი ნიშანიც და დასტურიცაა "ნაციონალური მოძრაობის" ხელმოწერა არის ის, რომ ოპოზიციამ დეპოლარიზაციისკენ მიმართული მიშელის დოკუმენტი დამატებითი პოლარიზაციისა და რადიკალიზაციის ინსტრუმენტად აქცია და კიდევ ერთხელ დაგვარწმუნა, რომ მისი ანულირება ერთადერთი სწორი გადაწყვეტილება იყო", - წერს პაპუაშვილი. ცნობისთვის, ნაციონალურმა მოძრაობამ" 19 აპრილის შეთანხმებაზე ხელმოწერის გადაწყვეტილების შესახებ გუშინ განაცხადა. ექსპერტები ევროკავშირის შუამავლობით მიღწეული შეთანხმებიდან მმართველი პარტიის გასვლას აფასებენ რას გულისხმობს 19 აპრილის შეთანხმება.
14 ოპოზიციური პარტია შარლ მიშელს, იენს სტოლტენბერგსა და ურსულა ფონ დერ ლაიენს ღია წერილით მიმართავს
14 ოპოზიციური პარტია ევროპული საბჭოს პრეზიდენტს, შარლ მიშელს, ევროპული კომისიის პრეზიდენტს, ურსულა ფონ დერ ლაიენს, ევროპული პარლამენტის პრეზიდენტს, დავიდ მარია სასოლინსა და NATO-ს გენერალურ მდივანს, იენს სტოლტენბერგს წერილით მიმართავს. წერილს უცვლელად გთავაზობთ: „ჩვენთვის ძალიან დიდი განგაშისა და იმედგაცრუების მიზეზია საქართველოს მთავრობის მიერ ევროკავშირისთვის წინდაუხედავი უარის თქმა იმ მაკროდაფინანსებაზე, რომელიც ჩვენს ქვეყანაში სასამართლოს რეფორმის იმპლემენტაციას უნდა მოხმარებოდა. ვთვლით, რომ მომხდარი საქართველოს მომავლისთვის უდიდეს პრობლემას წარმოადგენს. ეს სრულიად წინააღმდეგობრივი ნაბიჯი ჩვენი ქვეყნის ისტორიაში უპრეცედენტოა და ერთ- ერთია იმ მოვლენათა კასკადიდან, რომელიც ქართველი ხალხის ისტორიული ნება-სურვილის საწინააღმდეგოდ, ევროატლანტიკური სვლისთვის ხელის შეშლას ისახავს მიზნად. საუკუნეების განმავლობაში ქართველი ხალხი შეუჩერებლად და დაუღალავად იბრძოდა საქართველოს ევროატლანტიკური ინტეგრაციისათვის. მნიშვნელოვანი უმრავლესობა ახლაც იმავე პოზიციაზეა - მოქალაქეთა 80%-სთვის ევროკავშირი და ნატო დღემდე უალტერნატივო არჩევანს წარმოადგენს. შესაბამისად, ყველა არჩევნებზე ამომრჩეველი ხმას აძლევს იმ პარტიებს, რომლებიც მას ქვეყნის ევროკავშირთან და ნატოსთან დაახლოებას ჰპირდება. გასულ წელს „ქართული ოცნების“ მთავრობამ ცხადად გვაჩვენა, რომ მათი ევროკავშირთან დაახლოების ამბიცია სხვა არაფერია, თუ არა ფასადი - ფასადი, რომლის მიზანიც ქართველი ხალხის მოტყუებაა. ამ ფასადის მიღმა არაფორმალური სისტემის მიერ სახელმწიფოს ყოვლისმომცველი მიტაცების მომსწრენი გავხდით, ყველაფრის ბოლო წვეთი კი სასამართლო სისტემის სრული დამორჩილება აღმოჩნდა. 5 ივლისი - დღე, როდესაც პრემიერ-მინისტრმა ღარიბაშვილმა რუსეთთან და ქართულ ოცნებასთან დაახლოებული ექსტრემისტების მიერ თბილისი პრაიდის დარბევა წაახალისა, რაც შემდგომში 53 ჟურნალისტზე ფიზიკური თავდასხმით და რამდენიმე დღეში ერთ-ერთი მათგანის გარდაცვალებით დასრულდა, ამ კონტექსტში ერთ-ერთი საკვანძო მოვლენა იყო. ორგანიზებული მასობრივი დანაშაული რამდენიმე საათის მანძილზე ყოველგვარი საპოლიციო წინააღმდეგობის გარეშე მიმდინარეობდა - მთავარი ორგანიზატორები დღემდე არ არიან დასჯილნი. იმან, რომ თავდაპირველი ვალდებულდებების შემდეგ ქართულმა ოცნებამ უხეშად დაარღვია 19 აპრილის შეთანხმების პირობები და საერთოდ დატოვა მოლაპარაკების ფორმატი, ხოლო ახლა დაფინანსებაზეც უარი განაცხადა, ამ სახიფათო ტრაექტორიას კიდევ უფრო აუარესებს. მიუხედავად იმისა, რომ ჩვენი ამოცანაა, ამ საფრთხეს წინააღმდეგობა საქართველოს ევროპულ და ევროატლანტიკურ გზაზე სვლით გავუწიოთ და სიტუაცია შემოვაბრუნოთ, ვთვლით, ამ სიტუაციის შესაჩერებლად სწორედ ახლაა საჭირო ლეგიტიმური ბერკეტებისა და გავლენების გამოყენება. შეთანხმების მიხედვით, რომელსაც ქართულმა ოცნებამ მოაწერა ხელი, საქართველოს მთავრობა ვალდებული იყო, ვადამდელი საპარლამენტო არჩევნები ჩაეტარებინა, თუკი მმართველი პარტია ამ ოქტომბრის ადგილობრივი თვითმმართველობის არჩევნებში 43%-ის აღებას ვერ მოახერხებდა. ჩვენ გვჯერა, რომ ქართული საზოგადოება ოქტომბერში აუცილებლად გამოიტანს პოლიტიკურ ვერდიქტს, ხოლო ევროკავშირი და ნატო, დაუჭერს რა მხარს ქართველი ხალხის დემოკრატიულ არჩევანს, ახალი არჩევნების ჩატარებას დაუყოვნებლივ მოითხოვს. ჩვენ გავაკეთებთ ყველაფერს მოქალაქეთა ხმების დასაცავად და იმისთვის, რომ საქართველო დარჩეს თავისუფლების, დემოკრატიის და კანონის უზენაესობის ერთგულ სახელმწიფოდ. გვსურს, კიდევ ერთხელ გადაგიხადოთ მადლობა ქართული დემოკრატიის შენარჩუნებისთვის გაწეული ძალისხმევისა და ერთგულებისათვის. იმედი გვაქვს თქვენი უწყვეტი პოლიტიკური და მორალური მხარდაჭერისა თავისუფალი და სამართლიანი არჩევნების უზრუნველსაყოფად". - წერენ პარტიები ევროკავშირსა და NATO-ს“, - აღნიშნულია წერილში, რომელსაც ხელს აწერენ: „ერთიანი ნაციონალური მოძრაობა“, „ევროპული საქართველო“, „გირჩი - მეტი თავისუფლება“, „ელენე ხოშტარია - დროა“, „სტრატეგია აღმაშენებელი“, „საქართველოს რესპუბლიკური პარტია“, „ლელო საქართველოსთვის“, „თავისუფალი დემოკრატები“, „ქრისტიან-დემოკრატები“, „ევროპელი დემოკრატები“, „ეროვნული დემოკრატიული“, პარტია „მოძრაობა სახელმწიფო ხალხისთვის“, „სამოქალაქო ალიანსი თავისუფლებისთვის“, „კანონი და სამართალი“, ტარიელ ნაკაიძე - დამოუკიდებელი დეპუტატი. ცნობისათვის, პრემიერ-მინისტრმა ირაკლი ღარიბაშვილმა 31 აგვისტოს განაცხადა, რომ მთავრობა თავს შეიკავებს ამ სესხის აღებაზე, თანხის მიღების აუცილებლობა აღარ იქნება. ამის მიზეზად ღარიბაშვილმა საგარეო ვალის შემცირება დაასახელა. უფრო ადრე, „ქართული ოცნების“ თავმჯდომარემ განაცხადა, რომ ევროკავშირისგან მაკროფინანსური დახმარების მიღებას ფინანსური დატვირთვა აღარ აქვს. მთავრობის განცხადებას ევროკავშირის წარმომადგენლობაში საგანგებო ბრიფინგი მოჰყვა, სადაც აღნიშნეს, რომ საქართველომ საკმარისად ვერ შეძლო, შეესრულებინა მაკროფინანსური დახმარების პირობა. მანამდე, ევროპული საბჭოს პრეზიდენტმა შეახსენა საქართველოს მთავრობას, რომ მაკროფინანსური დახმარების გაცემის თარიღი ახლოვდებოდა და დროა, საქართველოს მთავრობამ აჩვენოს, რომ შეთანხმებების ერთგულია.
ირაკლი ღარიბაშვილი: გახარიაზე უკვე ვისაუბრე, კახა კალაძე დამაჯერებლად გაიმარჯვებს, მოსახლეობა ყოველთვის არჩევს კეთილს და ბოროტს
მე გახარიასთან დაკავშირებით ჩემი შეფასება უკვე გავაკეთე, ვინ სად დააყენებს თავის კანდიდატურას, ვინ ვის შეხვდება, ეს არის ამ ადამიანის გადაწყვეტილება, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს ზესტაფონში განუცხადა. მისი თქმით, გუშინ გაკეთდა განმარტებები, შეხვედრის თაობაზე ისაუბრეს კახა კალაძემ და პარტიის ხელმძღვანელებმა. „კითხვა, ვფიქრობ, აღარ არსებობს, არ მაინტერესებს, ვინ რას ითხოვდა, ყველას საქციელს გაეცემა პასუხი 2 ოქტომბერს. შანსები არის შემდეგი, რომ რა თქმა უნდა, კახი კალაძე გაიმარჯვებს ღირსეულად და დამაჯერებლად. მოსახლეობა ყოველთვის არჩევს კეთილს და ბოროტს, ერთგულებას და ღალატს, სიმართლეს და ტყუილს“, - განაცხადა პრემიერ-მინისტრმა. ამავე თემაზე კახა კალაძე: შევხვდი გახარიას, მან მითხრა, რომ აპირებდა კანდიდატობას, ეს რომ ტელევიზიით არ გამეგო გიორგი გახარია თბილისის მერობის კანდიდატი იქნება
„მესამე ძალიდან“ თბილისის მერობის კანდიდატი თამარ კეკენაძე იქნება
პოლიტიკურმა მოძრაობამ „მესამე ძალა - სტრატეგია აღმაშენებელი“ ადგილობრივ თვითმმართველობის არჩევნებზე, თბილისის მერობის, საკრებულოს თავმჯდომარეობისა და მაჟორიტარი დეპუტატობის კანდიდატები წარადგინა. „მესამე ძალის“ მხრიდან თბილისის მერობის კანდიდატი თამარ კეკენაძე იქნება. საკრებულოს თავმჯდომარეობის კანდიდატად „მესამე ძალამ“ პარტიის ერთ-ერთი ლიდერი, სერგო ჩიხლაძე წარადგინა. „თამარ კეკენაძე არის პარტია „თავისუფალი დემოკრატების“ თავმჯდომარე. თამარი წლების განმავლობაში ხელმძღვანელობდა საქართველოსა და ნატოს შორის თავდაცვის და სამხედრო სფეროში არსებულ თანამშრომლობის პროცესს, როგორც საქართველოს თავდაცვის სამინისტროში, ასევე საქართველოს მისიაში NAT0-ში. სერგო ჩიხლაძე გახლავთ პოლიტიკური მოძრაობის „სტრატეგია აღმაშენებელი“ პოლიტიკური საბჭოს წევრი. ჩვენი პარტიული და საპარლამენტო გუნდის აქტიური წევრი. სერგოს აქვს პროექტების მართვის 15-წლიანი გამოცდილება. სერგო ჩიხლაძე, როგორც მენეჯერი და საერთაშორისო ექსპერტი ჩართულია აღმოსავლეთ ევროპისა და ცენტრალური აზიის ქვეყნებში მიმდინარე რეფორმებში და ინიციატივებში. მუშაობდა აშშ-ში ჯანდაცვის სისტემების განვითარების საკითხებზე. მას მიღებული აქვს სახელობითი სიგელები აშშ-ის პრეზიდენტისა და სახელმწიფო მდივნისაგან. ის არის ადგილობრივი და ამერიკული საერთაშორისო სამეცნიერო და პროფესიული ასოციაციების წევრი“, - განაცხადა კანდიდატების წარდგენისას გიორგი ვაშაძემ.
საქართველოს ადგილობრივ არჩევნებზე ევროპარლამენტის დამკვირვებლების ჩამოსვლის საკითხი განხილვის პროცესშია
Europetime-თან ექსკლუზიურ ინტერვიუში ევრონესტის საპარლამენტო ასამბლეის თანათავმჯდომარე, ევროპარლამენტარმა ანდრიუს კუბილიუსმა საქართველოში 2 ოქტომბრის არჩევნებზე ევროპარლამენტიდან დამკვირვებლების ჩამოსვლის საკითხზე ისაუბრა. ანდრიუს კუბილიუსის თქმით, ამ საკითხის გადაწყვეტა კორონავირუსის პანდემიაზეა დამოკიდებული. ასევე წაიკითხეთ: ადგილობრივი თვითმართველობის არჩევნებს ეუთო ODIHR-ის 30 გრძელვადიანი და 350 მოკლევადიანი დამკვირვებელი დააკვირდება NDI საქართველოში ადგილობრივი არჩევნებისთვის საერთაშორისო საარჩევნო პროგრამას იწყებს „იგეგმება ევროპარლამენტიდან არჩევნებზე დამკვირვებლების ჩამოსვლა, თუმცა ეს საკითხი პანდემიაზეა დამოკიდებული. ჩვენ ამ თემას განვიხილავთ და იმედი მაქვს, რომ დამკვირვებლები ჩამოვლენ“, - განუცხადა ანდრიუს კუბილიუსმა Europetime-ს. ცნობისთვის, საქართველოში ადგილობრივი არჩევნები 2 ოქტომბერს ჩატარდება. ანდრიუს კუბილიუსთან ექსკლუზიური ინტერვიუ სრულად ამ ბმულზე წაიკითხეთ.
ბათუმში კორონავირუსით 20 წლის გოგო გარდაიცვალა
გუშინ, ბათუმში, კორონავირუსით 20 წლის გოგო გარდაიცვალა. ის ქედის მუნიციპალიტეტიდან ჩამოიყვანეს და კლინიკა "მედცენტრში" იმყოფებოდა. მას 8 თვის შვილი ჰყავს. სამედიცინო სფეროს წარმომადგენლების თქმით, კლინიკაში შეყვანის დროს გოგოს სატურაცია 50 ჰქონდა. წყარო: batumelebi საქართველოში კორონავირუსი კიდევ 3212 ადამიანს დაუდასტურდა, გარდაიცვალა 81
კელი დეგნანი დარწმუნებულია, რომ ევროკავშირის მაკროფინანსურ ტრანშზე საქართველოს მთავრობის განცხადებას ვაშინგტონი გაითვალისწინებს
აშშ-ის ელჩი კელი დეგნანი დარწმუნებულია, რომ ევროკავშირის მაკროფინანსურ ტრანშზე საქართველოს მთავრობის განცხადებას ვაშინგტონშიც გაითვალისწინებენ. ჟურნალისტებთან საუბრისას ელჩმა სასამართლო სისტემის რეფორმის მნიშვნელობას გაუსვა ხაზი. „ცოტა გაგვიკვირდა საქართველოს მთავრობის განცხადება, რომ საქართველოს არ სჭირდება 75 მილიონი ევროს დახმარება, შექმნილი მაღალი უმუშევრობის, სიღარიბის დონისა და პანდემიით გამოწვეული სირთულეების ფონზე. დარწმუნებული ვარ, ვაშინგტონი ამას გაითვალისწინებს. როგორც ვიცი, ეს დახმარება დაკავშირებული იყო მნიშვნელოვანი სასამართლო რეფორმის გატარებასთან და ეს ცხადი იყო ერთი წლის წინ, როდესაც დახმარების პაკეტის შეთანხმება ხდებოდა ევროკავშირსა და საქართველოს მთავრობას შორის. როგორც უკვე ვთქვი, ეს არის აუცილებლად გასატარებელი მნიშვნელოვანი რეფორმები. რა თქმა უნდა, მათი განხორციელება მარტივი არ არის, თუმცა იმედის მომცემია, რომ ზოგიერთი კარგი რეფორმა უკვე გატარდა. ახლა მნიშვნელოვანია, გატარდეს ყველა სხვა რეფორმა, მიუხედავად იმის იქნება ის მიბმული 75 მილიონი ევროს დახმარებასთან თუ არა. შეერთებული შტატების კონგრესი თვალს ადევნებს აქ მიმდინარე მოვლენებს და ჩვენ ყოველთვის კოორდინაციაში ვართ საქართველოს მთავრობასთან იმ საკითხებზე, თუ რა ტიპის დახმარება სჭირდებათ და სურთ მათ. ასე რომ, დარწმუნებული ვარ ისინი [კონგრესის წარმომადგენლები] გაითვალისწინებენ საქართველოს მთავრობის განცხადებას იმასთან დაკავშირებით, რომ მათ 75 მილიონი ევროს დახმარება არ სჭირდებათ“, - განაცხადა კელი დეგნანმა. ცნობისათვის, პრემიერ-მინისტრმა ირაკლი ღარიბაშვილმა 31 აგვისტოს განაცხადა, რომ მთავრობა თავს შეიკავებს ამ სესხის აღებაზე, თანხის მიღების აუცილებლობა აღარ იქნება. ამის მიზეზად ღარიბაშვილმა საგარეო ვალის შემცირება დაასახელა. უფრო ადრე, „ქართული ოცნების“ თავმჯდომარემ განაცხადა, რომ ევროკავშირისგან მაკროფინანსური დახმარების მიღებას ფინანსური დატვირთვა აღარ აქვს. მთავრობის განცხადებას ევროკავშირის წარმომადგენლობაში საგანგებო ბრიფინგი მოჰყვა, სადაც აღნიშნეს, რომ საქართველომ საკმარისად ვერ შეძლო, შეესრულებინა მაკროფინანსური დახმარების პირობა. მანამდე, ევროპული საბჭოს პრეზიდენტმა შეახსენა საქართველოს მთავრობას, რომ მაკროფინანსური დახმარების გაცემის თარიღი ახლოვდებოდა და დროა, საქართველოს მთავრობამ აჩვენოს, რომ შეთანხმებების ერთგულია.
