პოლიტიკა
გაეროს გენერალურმა ასამბლეამ საქართველოს ოკუპირებული ტერიტორიებიდან იძულებით გადაადგილებულ პირთა სტატუსის შესახებ რეზოლუცია მიიღო
16 ივნისს, ნიუ-იორკში, გაერო-ს გენერალურმა ასამბლეამ, 75-ე სესიის ფარგლებში, მიიღო საქართველოსა და მსოფლიოს სხვადასხვა რეგიონის 56 ქვეყნის მიერ ინიცირებული რეზოლუცია - „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ“. - ამის შესახებ ინფორმაციას საქართველოს საგარეო საქმეთა სამინისტრო ავრცელებს. უწყების ცნობით, საქართველო აღნიშნულ რეზოლუციას გაერო-ს გენერალურ ასამბლეაზე 2008 წლიდან წარადგენს. "რეზოლუცია გმობს რუსეთის მიერ ოკუპირებულ საქართველოს რეგიონებში ძალისმიერი გზით განხორციელებულ დემოგრაფიულ ცვლილებებს, ადასტურებს დევნილთა უფლებას, ეთნიკური კუთვნილების მიუხედავად, დაბრუნდნენ საკუთარ სახლებში ღირსეულად და უსაფრთხოდ და ხაზს უსვამს მათი საკუთრების უფლების პატივისცემისა და დაცვის აუცილებლობას. ჰუმანიტარული კონტექსტის გარდა, რეზოლუციას აქვს პრაქტიკული დატვირთვაც, ვინაიდან ის გაერო-ს გენერალურ მდივანს საქართველოში მცხოვრები დევნილი მოსახლეობის მდგომარეობისა და რეზოლუციის შესრულების თაობაზე ყოველწლიური ანგარიშის მომზადებას ავალებს. აღნიშნული განსაკუთრებულ მნიშვნელობას იძენს რუსეთის მიერ ოკუპირებულ საქართველოს ტერიტორიებზე ადამიანის უფლებათა კუთხით არსებული მძიმე ვითარებისა და საერთაშორისო მონიტორინგის მექანიზმების არარსებობის ფონზე, რაც კიდევ ერთ დაბრკოლებას წარმოადგენს იძულებით გადაადგილებულ პირთა და ლტოლვილთა უსაფრთხო და ღირსეული დაბრუნების გზაზე. რეზოლუცია ასევე მოუწოდებს ჟენევის მოლაპარაკებების მონაწილეებს, გაააქტიურონ ძალისხმევა რუსეთის მიერ ოკუპირებულ საქართველოს რეგიონებში უსაფრთხოებისა და ადამიანის უფლებების კუთხით არსებული მდგომარეობის გასაუმჯობესებლად, რაც, თავის მხრივ, ხელს შეუწყობს იძულებით გადაადგილებულ პირთა და ლტოლვილთა საკუთარ სახლებში დაბრუნების პროცესს. გასული ორი წლის მსგავსად, გაერო-ს წევრ ქვეყნებს მიმდინარე წელსაც მიეცათ შესაძლებლობა, გამხდარიყვნენ რეზოლუციის თანაავტორები და ამ გზით, კიდევ უფრო აქტიურად ჩართულიყვნენ რუსეთის აგრესიისა და ოკუპაციის შედეგად შექმნილი მძიმე ჰუმანიტარული ვითარების დაძლევის საერთაშორისო ძალისხმევაში. შედეგად, მსოფლიოს სხვადასხვა რეგიონიდან რეზოლუციის თანაავტორთა რიგებს 57 ქვეყანა შეუერთდა, რაც გასულ წელთან შედარებით გაზრდილი მაჩვენებელია. აღნიშნული ფაქტი, კიდევ ერთხელ ადასტურებს, რომ ხსენებული რეზოლუცია უკვე გლობალურ ინიციატივას წარმოადგენს. აღსანიშნავია, რომ COVID-19 პანდემიით გამოწვეული შეზღუდვებიდან გამომდინარე, საქართველოს დიპლომატიურ სამსახურს გასული წლის მსგავსად, წელსაც საგანგებო პირობებში მოუხდა რეზოლუციის მხარდამჭერი კამპანიის წარმოება. ქართული დიპლომატიის დიდ წარმატებად უნდა ჩაითვალოს ის ფაქტიც, რომ პანდემიით გამოწვეული რეგულაციებისა და შეზღუდვების მიუხედავად, საქართველომ ამჯერადაც შეძლო და შეინარჩუნა ყოველწლიური დინამიკა, რაც გამოიხატა, როგორც დევნილების შესახებ გაერო-ს გენერალური ასამბლეის რეზოლუციის, ასევე, რუსეთის მიერ ოკუპირებულ საქართველოს რეგიონებში არსებული მდგომარეობის შესახებ გაერო-ს ადამიანის უფლებათა საბჭოს რეზოლუციის მიღებაში. საქართველოს საგარეო საქმეთა სამინისტრო მადლობას უხდის ყველა იმ სახელმწიფოს, რომელმაც მხარი დაუჭირა რეზოლუციას და გახდა ინიციატივის თანაავტორი. აღნიშნული გადაწყვეტილებით თითოეულმა ქვეყანამ კიდევ ერთხელ დაუჭირა მხარი იძულებით გადაადგილებულ პირთა და ლტოლვილთა დაბრუნების უფლებას და თანადგომა გამოუცხადა თითოეულ დევნილს", - ნათქვამია იწყების განცხადებაში.
აშშ-ისა და რუსეთის პრეზიდენტებმა შეხვედრისას ერთმანეთს საჩუქრები გადასცეს
აშშ-ის პრეზიდენტმა ჯო ბაიდენმა თავის რუს კოლეგას, ვლადიმერ პუტინს, ჟენევაში გამართულ სამიტზე, ორი საჩუქარი გადასცა. ამის შესახებ ინფორმაციას თეთრ სახლხე დაყრდნობით BBC ავრცელებს. როგორც ცნობილია, ერთი საჩუქარი არის კრისტალისგან დამზადებული ბიზონის ქანდაკება. "ჩვენი ერის ერთ-ერთი ყველაზე დიდებული ძუძუმწოვარი, ძლიერების, ერთიანობისა გამძლეობის სიმბოლო" - ნათქვამია თეთრი სახლის განცხადებაში. მეორე საჩუქარი კი არის "Custom Aviators"-ის სათვალე. თავის მხრივ, ვლადიმერ პუტინმა ჯო ბაიდენს საჩუქრად გადასცა კრებული "მოსკოვი" ხოხლომის ნახატებით.
დავით ზალკალიანმა და გერმანიის ელჩმა საერთაშორისო ორგანიზაციების ფარგლებში საქართველო-გერმანიის თანამშრომლობის გაძლიერების საკითხი განიხილეს
საქართველოს ვიცე-პრემიერი, საგარეო საქმეთა მინისტრი, დავით ზალკალიანი საქართველოში გერმანიის ელჩს, ჰუბერტ ქნირშს შეხვდა. ამის შესახებ ინფორმაციას საგარეო საქმეთა სამინისტრო ავრცელებს. უწყების ცნობით, შეხვედრისას მხარეებმა მიმოიხილეს ორმხრივი ურთიერთიბის დღის წესრიგი, ასევე საუბარი შეეხო საერთაშორისო ორგანიზაციების ფარგლებში საქართველო-გერმანიის თანამშრომლობის გაძლიერების საკითხს. "მხარეებმა მიმოიხილეს რეგიონში არსებული ვითარება, მათ შორის აზერბაიჯანსა და სომხეთს შორის გაწეული ფასილიტაციის საკითხები, რასაც მნიშვნელოვანი ჰუმანიტარული შედეგი მოჰყვა და წინ გადადგმული ნაბიჯი იყო რეგიონში მშვიდობისა და სტაბილურობის უზრუნველსაყოფად. ელჩთან შეხვედრაზე განსაკუთრებული ყურადღება გამახვილდა რუსეთის მიერ საქართველოს ოკუპირებულ რეგიონებში ჰუმანიტარული და ადამიანის უფლებების მხრივ არსებულ მძიმე მდგომარეობაზე", - ნათქვამია ინფორმაციაში.
ჯო ბაიდენი: პუტინმა იცის, რომ კიბერშეტევას, ან არჩევნებში ჩარევას შედეგები მოჰყვება
მან (პუტინმა) იცის, რომ აშშ-ის წინააღმდეგ კიბერთავდასხმის განხორციელების ან არჩევნებში ჩარევის შემთხვევაში შედეგები იქნება, - ამის შესახებ აშშ-ის პრეზიდენტმა ჯო ბაიდენმა რუს კოლეგა ვლადიმერ პუტინთან შეხვედრის შემდეგ გამართულ პრესკონფერენციაზე განაცხადა. "მოდით სწორად გავიგოთ: როგორ იქნება, მსოფლიოს დანარჩენი ნაწილი რომ შეერთებულ შტატებს განიხილავდეს ქვეყნად, რომელიც სხვა ქვეყნების არჩევნებში უშუალოდ ერევა? რა მოხდებოდა, ჩვენ რომ მის მსგავს საქმიანობაში ვიყოთ ჩართული? ეს ამცირებს იმ ქვეყნის მდგომარეობას, რომელიც ცდილობს იმის დამტკიცებას, რომ ინარჩუნებს მსოფლიოს წამყვანი ძალის სტატუსს", - აღნიშნა ბაიდენმა. როგორც ბაიდენმა აღნიშნა, მან ვლადიმერ პუტინს განუცხადა, რომ "კრიტიკული ინფრასტრუქტურის" გარკვეულ უბნებს კიბერშეტევები არ უნდა შეეხოს. ბაიდენის თქმით, მან 16 ერთეული კონკრეტული ობიექტი გამოყო, რომლებიც განისაზღვრება, როგორც კრიტიკული ინფრასტრუქტურა, ენერგეტიკის, წყლის ჩათვლით და ორივე მხარე უნდა შეთანხმდეს, რომ ეს კიბერომის საზღვრებს გარეთაა. ბაიდენის თქმით, აშშ-ს აქვს მნიშვნელვანი კიბერშესაძლებლობები და შემდგომ კიბერშეტევებს უპასუხებს.
ჯო ბაიდენი: პუტინს ვუთხარი, თუ ალექსეი ნავალნი ციხეში დაიღუპება, ეს რუსეთისთვის დამანგრეველი იქნება
"პუტინს ვუთხარი, თუ ალექსეი ნავალნი ციხეში დაიღუპება, ეს რუსეთისთვის დამანგრეველი იქნება", - ამის შესახებ აშშ-ის პრეზიდენტმა ჯო ბაიდენმა ჟენევაში, რუს კოლეგასთან, ვლადიმერ პუტინთან შეხვედრის შემდეგ გამართულ პრესკონფერენციაზე განაცხადა. ბაიდენის თქმით, მან შეხვედრაზე თქვა, რომ მომავალშიც გამოხატავს შეშფოთებას ისეთ საკითხებზე, როგორიცაა ალექსეი ნავალნისთან დაკავშირებული გარემოებები. "უნიკალური ვალდებულება გვაქვს, ვმართოთ ორ ძლიერ ქვეყანას შორის ურთიერთობა და ეს ურთიერთობა უნდა იყოს სტაბილური და პროგოზირებადი, უნდა შევძლოთ საერთო ინტერესების საკითხებზე თანამშრომლობა, განსხვავებები არსებობს...ზოგიერთ რამეში არ დავეთანხმეთ, თუმცა ეს მკვახედ არ მომხდარა. ვუთხარი ბატონ პუტინს, რომ ამერიკის დღის წესრიგი არ არის რუსეთის ან ვინმეს წინააღმდეგ. ის მოქმედებს ამერიკელი ხალხისთვის. ასევე ვუთხარი, რომ ამერიკა ვერ შეინარჩუნებს ხალხის რწმენას, თუ ის არ დაიცავს დემოკრატიულ ღირებულებებს, ფუნდამენტურ უფლებებს. როგორ გგონიათ, რა მოხდება, თუ ნავალნი დაიღუპება, ეს დამანგრეველი იქნება რუსეთისთვის. ადამიანის უფლებები ყოველთვის იქნება მოლაპარაკებების მაგიდაზე. ეს არ ეხება რუსეთის წინააღმდეგ წასვლას, როდესაც ვსაუბრობთ ადამიანის უფლებების შელახვაზე. როგორ შეიძლება დავრჩე ამერიკის პრეზიდენტად და ხმა არ ამოვიღო ადამიანის უფლებების დარღვევაზე. ამიტომაც ვუთხარი ბატონ პუტინს, რომ ხმას ავიმაღლებთ ალექსეი ნავალნის საქმეზე და ნათლად ვუთხარი, რომ გავაგრძელებთ საუბარს ადამიანის უფლებებზე, რა თქმა უნდა ვიმუშავებთ უკანონოდ დაკავებული ამერიკელი მოქალაქეების საქმეებზე. ასევე წამოვწიე რადიო თავისუფლების ფუნქციონირების საკითხი",- განაცხადა ბაიდენმა პრესკონფერენციაზე. ბაიდენმა ილაპარაკა იმაზე, რომ საკუთარ პრესკონფერენციაზე ვლადიმირ პუტინმა "სასაცილო" შედარება გააკეთა ამერიკასთან, როცა საუბრობდა რუსეთში ოპოზიციის წინააღმდეგ მთავრობის მოქმედებებზე. "ეს სასაცილო შედარებაა. ერთია, როცა პირდაპირი მნიშვნელობით დამნაშავეები გაარღვევენ კორდონს, შეაღწევენ კაპიტოლიუმში, მოკლავენ პოლიციელს და მათ პასუხს აგებინებენ. და მეორეა, როცა ხალხი წინააღმდეგია, მარშით მიდის კაპიტოლიუმში და ამბობს, თავისუფლად ლაპარაკის საშუალებას არ გვაძლევთო", - აღნიშნა ბაიდენმა. ჟენევაში ჯო ბაიდენისა და ვლადიმერ პუტინის შეხვედრა დასრულდა ჯო ბაიდენი პუტინთან შეხვედრაზე: მე გავაკეთე ის, რისთვისაც ჩამოვედი ჯო ბაიდენი: პუტინს ვუთხარი, რომ ამერიკის დღის წესრიგი არ არის რუსეთის წინააღმდეგ, ამერიკა მოქმედებს ამერიკელი ხალხისთვის ჯო ბაიდენი: პუტინთან შეხვედრაზე უკრაინის სუვერენიტეტისა და ტერიტორიული მთლიანობის მიმართ აშშ-ის ურყევი მხარდაჭერა დავადასტურე ჯო ბაიდენი: აშშ უპასუხებს იმ ქმედებებს, რომლებიც საფრთხეს უქმნის ამერიკისა და ჩვენი მოკავშირეების სასიცოცხლო ინტერესებს
ჯო ბაიდენი პუტინთან შეხვედრაზე: მე გავაკეთე ის, რისთვისაც ჩამოვედი
"მე გავაკეთე ის, რისთვისაც ჩამოვედი", - ამის შესახებ აშშ-ის პრეზიდენტმა ჯო ბაიდენმა რუს კოლეგასთან, ვლადიმერ პუტინთან შეხვედრის შემდეგ გამართულ პრესკონფერენციაზე განაცხადა. მისი თქმით, პირისპირ შეხვედრა მნისვნელოვანი იყო და ეს შეცდომას არ წარმოადგენდა. "მე გავაკეთე ის, რისთვისაც ჩამოვედი. პირველი: განვსაზღვრეთ პრაქტიკული სამუშაოების სფეროები, რისი გაკეთება შეუძლია ჩვენს ორ ქვეყანას ორმხრივი ინტერესების ასამაღლებლად და ასევე მსოფლიოს სასარგებლოდ. მეორე: პირდაპირ, პირდაპირ ვუთხარი, რომ აშშ უპასუხებს ქმედებებს, რომლებიც ხელს უშლის ჩვენს სასიცოცხლო ინტერესებს ან ჩვენს მოკავშირეებს. მესამე: ნათლად ჩამოვაყალიბეთ ჩვენი ქვეყნის პრიორიტეტები და ჩვენი ღირებულებები, ასე რომ, მან ეს ჩემგან პირდაპირ მოისმინა", - განაცხადა ჯო ბაიდენმა. ჯო ბაიდენის თქმით, ვლადიმერ პუტინთან შეხვედრის ტონი "კარგი და პოზიტიური იყო" "მე უნდა გითხრათ მთელი შეხვედრების ტონი - მგონი სულ ოთხი საათი იყო - კარგი, პოზიტიური იყო" , - აღნიშნა ბაიდენმა. ჟენევაში ჯო ბაიდენისა და ვლადიმერ პუტინის შეხვედრა დასრულდა ჯო ბაიდენი: პუტინს ვუთხარი, რომ ამერიკის დღის წესრიგი არ არის რუსეთის წინააღმდეგ, ამერიკა მოქმედებს ამერიკელი ხალხისთვის ჯო ბაიდენი: პუტინთან შეხვედრაზე უკრაინის სუვერენიტეტისა და ტერიტორიული მთლიანობის მიმართ აშშ-ის ურყევი მხარდაჭერა დავადასტურე ჯო ბაიდენი: აშშ უპასუხებს იმ ქმედებებს, რომლებიც საფრთხეს უქმნის ამერიკისა და ჩვენი მოკავშირეების სასიცოცხლო ინტერესებს
ჯო ბაიდენი: პუტინთან შეხვედრაზე უკრაინის სუვერენიტეტისა და ტერიტორიული მთლიანობის მიმართ აშშ-ის ურყევი მხარდაჭერა დავადასტურე
აშშ-ის პრეზიდენტმა, ჯო ბაიდენმა რუსეთის პრეზიდენტთან, ვლადიმერ პუტინთან შეხვედრის შემდეგ გამართულ პრესკონფერენციაზე განაცხადა, რომ პუტინთან შეხვედრისას უკრაინის სუვერენიტეტისა და ტერიტორიული მთლიანობის მიმართ აშშ-ის ურყევი მხარდაჭერა დაადასტურა. "უკრაინის სუვერენიტეტისა და ტერიტორიული მთლიანობის მიმართ აშშ-ის ურყევი მხარდაჭერა დავადასტურე. შევთანხმდით, რომ დიპლომატიურ ქმედებებში ვიქნებით ჩართულნი მინსკის შეთანხმებების შსასრულებლად", - აღნიშნა აშშ-ის პრეზიდენტმა. ჟენევაში ჯო ბაიდენისა და ვლადიმერ პუტინის შეხვედრა დასრულდა ჯო ბაიდენი: პუტინს ვუთხარი, რომ ამერიკის დღის წესრიგი არ არის რუსეთის წინააღმდეგ, ამერიკა მოქმედებს ამერიკელი ხალხისთვის
ჯო ბაიდენი: აშშ უპასუხებს იმ ქმედებებს, რომლებიც საფრთხეს უქმნის ამერიკისა და ჩვენი მოკავშირეების სასიცოცხლო ინტერესებს
„აშშ უპასუხებს იმ ქმედებებს, რომლებიც საფრთხეს უქმნის ამერიკისა და ჩვენი მოკავშირეების სასიცოცხლო ინტერესებს“, - ამის შესახებ აშშ-ის პრეზიდენტმა ჯო ბაიდენმა ჟენევაში, რუსეთის პრეზიდენტთან შეხვედრის შემდეგ პრესკონფერენციაზე განაცხადა. ჯო ბაიდენმა პუტინის მსგავსად დაადასტურა, რომ შეხვედრის ტონი დადებითი იყო და არა ხისტი. მისი თქმით, დაშინების რიტორიკა არ ყოფილა. „უნიკალური ვალდებულება გვაქვს, ვმართოთ ორ ძლიერ ქვეყანას შორის ურთიერთობა და ეს ურთიერთობა უნდა იყოს სტაბილური და პროგოზირებადი, უნდა შევძლოთ საერთო ინტერესების საკითხებზე თანამშრომლობა, განსხვავებები არსებობს...ზოგიერთ რამეში არ დავეთანხმეთ, თუმცა ეს მკვახედ არ მომხდარა. ვუთხარი ბატონ პუტინს, რომ ამერიკის დღის წესრიგი არ არის რუსეთის ან ვინმეს წინააღმდეგ. ის მოქმედებს ამერიკელი ხალხისთვის. ასევე ვუთხარი, რომ ამერიკა ვერ შეინარჩუნებს ხალხის რწმენას, თუ ის არ დაიცავს დემოკრატიულ ღირებულებებს, ფუნდამენტურ უფლებებს. როგორ გგონიათ, რა მოხდება, თუ ნავალნი დაიღუპება, ეს დამანგრეველი იქნება რუსეთისთვის. ადამიანის უფლებები ყოველთვის იქნება მოლაპარაკებების მაგიდაზე. ეს არ ეხება რუსეთის წინააღმდეგ წასვლას, როდესაც ვსაუბრობთ ადამიანის უფლებების შელახვაზე. როგორ შეიძლება დავრჩე ამერიკის პრეზიდენტად და ხმა არ ამოვიღო ადამიანის უფლებების დარღვევაზე. ამიტომაც ვუთხარი ბატონ პუტინს, რომ ხმას ავიმაღლებთ ალექსეი ნავალნის საქმეზე და ნათლად ვუთხარი, რომ გავაგრძელებთ საუბარს ადამიანის უფლებებზე, რა თქმა უნდა ვიმუშავებთ უკანონოდ დაკავებული ამერიკელი მოქალაქეების საქმეებზე. ასევე წამოვწიე რადიო თავისუფლების ფუნქციონირების საკითხი. საბოლოო ჯამში ვუთხარი, რომ გვჭირდება საბაზისო წესები, რომლებსაც დავექვემდებარებით, ასევე აღვნიშნე, რომ გვჭირდება საერთო ინტერესები თანამშრომლობისთვის, ამერიკის და რუსეთის მოქალაქეებისთვის. ვუთხარი, რომ თუ გინდთ, რომ ინვესტიციები შემოვიდეს, ამერიკელი ბიზნესმენი, რომელიც შინაპატიმრობაშია, უნდა გაათავისუფლოთ“, - აღნიშნა ბაიდენმა. მისი თქმით, აშშ პასუხს გასცემს იმ ქმედებებს, რომლებიც საფრთხეს უქმნის ამერიკისა და მისი მოკავშირეების სასიცოცხლო ინტერესებს. „შეხვედრის ატმოსფერო კარგი და დადებითი იყო. დავაფიქსირეთ ის საკითხები, რომელშიც ერთმანეთს არ ვეთანხმებით. ამერიკამ მსოფლიოს აჩვენა, რომ ჩვენ დავბრუნდით და ჩვენი მოკავშირეების გვერდით ვდგავართ“. რა შედეგები მოჰყვება არჩევნებში ჩარევას ან აშშ-ის წინააღმდეგ კიბერშეტევებს, ჯო ბაიდენის პასუხი ასეთი იყო. „მან იცის, რომ ამას შედეგები მოჰყვება. მან იცის, რომ ზომებს მივიღებ. მოდით, ვთქვათ პირდაპირ, რა იქნებოდა, რომ შეერთებული შტატები სხვა ქვეყნების არჩევნებში პირდაპირ ჩაერიოს და ეს ყველამ იცოდეს? რა იქნებოდა, თუ ჩვენ ისეთ საქმიანობას განვახორციელებთ, როგორსაც იგი ეწევა? ის ცდილობს დარწმუნდეს, რომ შეინარჩუნებს ქვეყნის პოზიციას, როგორც დიდ მსოფლიო ძალას“, - განაცხადა ჯო ბაიდენმა. ჯო ბაიდენი: პუტინს ვუთხარი, რომ ამერიკის დღის წესრიგი არ არის რუსეთის წინააღმდეგ, ამერიკა მოქმედებს ამერიკელი ხალხისთვის
ჯო ბაიდენი: პუტინს ვუთხარი, რომ ამერიკის დღის წესრიგი არ არის რუსეთის წინააღმდეგ, ამერიკა მოქმედებს ამერიკელი ხალხისთვის
აშშ-ის პრეზიდენტმა ჯო ბაიდენმა პუტინის მსგავსად დაადასტურა, რომ შეხვედრის ტონი დადებითი იყო და არა ხისტი. მისი თქმით, დაშინების რიტორიკა არ ყოფილა. „უნიკალური ვალდებულება გვაქვს, ვმართოთ ორ ძლიერ ქვეყანას შორის ურთიერთობა და ეს ურთიერთობა უნდა იყოს სტაბილური და პროგოზირებადი, უნდა შევძლოთ საერთო ინტერესების საკითხებზე თანამშრომლობა, განსხვავებები არსებობს...ზოგიერთ რამეში არ დავეთანხმეთ, თუმცა ეს მკვახედ არ მომხდარა. ვუთხარი ბატონ პუტინს, რომ ამერიკის დღის წესრიგი არ არის რუსეთის ან ვინმეს წინააღმდეგ. ის მოქმედებს ამერიკელი ხალხისთვის. ასევე ვუთხარი, რომ ამერიკა ვერ შეინარჩუნებს ხალხის რწმენას, თუ ის არ დაიცავს დემოკრატიულ ღირებულებებს, ფუნდამენტურ უფლებებს. როგორ გგონიათ, რა მოხდება, თუ ნავალნი დაიღუპება, ეს დამანგრეველი იქნება რუსეთისთვის. ადამიანის უფლებები ყოველთვის იქნება მოლაპარაკებების მაგიდაზე. ეს არ ეხება რუსეთის წინააღმდეგ წასვლას, როდესაც ვსაუბრობთ ადამიანის უფლებების შელახვაზე. როგორ შეიძლება დავრჩე ამერიკის პრეზიდენტად და ხმა არ ამოვიღო ადამიანის უფლებების დარღვევაზე. ამიტომაც ვუთხარი ბატონ პუტინს, რომ ხმას ავიმაღლებთ ალექსეი ნავალნის საქმეზე და ნათლად ვუთხარი, რომ გავაგრძელებთ საუბარს ადამიანის უფლებებზე, რა თქმა უნდა ვიმუშავებთ უკანონოდ დაკავებული ამერიკელი მოქალაქეების საქმეებზე. ასევე წამოვწიე რადიო თავისუფლების ფუნქციონირების საკითხი. საბოლოო ჯამში ვუთხარი, რომ გვჭირდება საბაზისო წესები, რომლებსაც დავექვემდებარებით, ასევე აღვნიშნე, რომ გვჭირდება საერთო ინტერესები თანამშრომლობისთვის, ამერიკის და რუსეთის მოქალაქეებისთვის. ვუთხარი, რომ თუ გინდთ, რომ ინვესტიციები შემოვიდეს, ამერიკელი ბიზნესმენი, რომელიც შინაპატიმრობაშია, უნდა გაათავისუფლოთ“, - აღნიშნა ბაიდენმა. მისი თქმით, აშშ პასუხს გასცემს იმ ქმედებებს, რომლებიც საფრთხეს უქმნის ამერიკისა და მისი მოკავშირეების სასიცოცხლო ინტერესებს. „შეხვედრის ატმოსფერო კარგი და დადებითი იყო. დავაფიქსირეთ ის საკითხები, რომელშიც ერთმანეთს არ ვეთანხმებით. ამერიკამ მსოფლიოს აჩვენა, რომ ჩვენ დავბრუნდით და ჩვენი მოკავშირეების გვერდით ვდგავართ“. რა შედეგები მოჰყვება არჩევნებში ჩარევას ან აშშ-ის წინააღმდეგ კიბერშეტევებს, ჯო ბაიდენის პასუხი ასეთი იყო. „მან იცის, რომ ამას შედეგები მოჰყვება. მან იცის, რომ ზომებს მივიღებ. მოდით, ვთქვათ პირდაპირ, რა იქნებოდა, რომ შეერთებული შტატები სხვა ქვეყნების არჩევნებში პირდაპირ ჩაერიოს და ეს ყველამ იცოდეს? რა იქნებოდა, თუ ჩვენ ისეთ საქმიანობას განვახორციელებთ, როგორსაც იგი ეწევა? ის ცდილობს დარწმუნდეს, რომ შეინარჩუნებს ქვეყნის პოზიციას, როგორც დიდ მსოფლიო ძალას“, - განაცხადა ჯო ბაიდენმა.
პუტინის განცხადებები ჯო ბაიდენთან შეხვედრის შემდეგ
რუსეთის პრეზიდენტი ამბობს, რომ აშშ-ის პრეზიდენტ ჯო ბაიდენთან საუბრისას მოსკოვსა და ვაშინგტონს შორის ურთიერთნდობის საკითხში „იმედის ნაპერწკალი“ დაინახა. პუტინმა ჯო ბაიდენს გამოცდილი სახელმწიფო მოღვაწე უწოდა და აღნიშნა, რომ ამჟამინდელი პრეზიდენტი ძალიან განსხვავდება მისი წინამორბედისგან. „დეტალურად ვისაუბრეთ ორი საათის განმავლობაში და ასეთი რამ ბევრი პოლიტიკოსის შემთხვევაში არ ხდება“, - განაცხადა პუტინმა. პრესკონფერენციაზე ერთ-ერთმა ჟურნალისტმა ისაუბრა ევროპის ჩემპიონატზე, ფინეთის წინააღმდეგ რუსეთის დღევანდელ გამარჯვებაზე და ჰკითხა პუტინს, ვინ მოიგო სამიტი. მან უპასუხა, რომ პრეზიდენტ ბაიდენთან გულრწფელი საუბარი ჰქონდა. „ეს არ არის შეჯიბრი, კონსტრუქციული შეხვედრა იყო“, - დაამატა პუტინმა. „ჩვენ არ გვინდა, რომ რუსეთი იყოს აშშ“, - პუტინი აშკარად გააღიზიანა ABC News- ის ჟურნალისტის შეკითხვამ, თუ რაზე მიუთითებს ის ფაქტი, რომ მისი ოპონენტები კვდებიან ან ციხეში არიან და ხომ არ ნიშნავს ეს იმას, რომ პუტინს არ სურს პოლიტიკური ბრძოლა? BBC წერს, რომ რუსეთის პრეზიდენტმა ამის საპასუხოდ „ცეცხლი გახსნა“ და აშშ-ის კაპიტოლიუმში 6 იანვარს განვითარებულ მოვლენებზე მიუთითა. აღნიშნა, რომ რუსეთს არ სურს ამგვარი „ქაოსი“ მის საზღვრებში. „საერთო ჯამში, აშშ-მა და რუსეთმა იციან საკუთარი წითელი ხაზები“, - აღნიშნა პუტინმა. პუტინმა განაცხადა, რომ სტრატეგიული სტაბილურობის, კიბერუსაფრთხოებისა და რეგიონული კონფლიქტების მოგვარების საკითხზე შეთანხმება შესაძლებელია. „არ ვთვლი, რომ რუსეთის ქცევა არაპროგნოზირებადია. ჩემი მოსაზრებით, რუსეთი აბსოლუტურად ადეკვატურად იქცევა იმ საფრთხეებზე საპასუხოდ, რომლებიც ჩვენ წინაშე ჩნდება. ვფიქრობ, იმისთვის, რომ სიტუაცია იყოს ნამდვილად სტაბილური, აუცილებელია შეთანხმება ქცევის წესებზე. მათ შორის, სტრატეგიული სტაბილურობის, კიბერუსაფრთხოების, რეგიონული კონფლიქტების გადაჭრასთან დაკავშირებულ საკითხებზე. ჩემი აზრით, ამ ყველაფერზე შეთანხმება შესაძლებელია. ყოველ შემთხვევაში, ჩვენ ასეთი შთაბეჭდილება დაგვრჩა შეხვედრის შემდეგ“. ალექსენი ნავალნიზე საუბრისას თქვა, რომ მან იცოდა, რომ კანონს არღვევდა და დააკავებდნენ, თუმცა ამ მოქალაქეს სურდა, დაეკავებინათ. პუტინმა ნავალნი სახელით ისევ არ მოიხსენია. მანვე აღნიშნა, რომ აშშ-სა და რუსეთს განსაკუთრებული პასუხისმგებლობა ეკისრებათ მსოფლიოში სტრატეგიულ სტაბილურობაზე, მხოლოდ იქიდან გამომდინარე, რომ ბირთვული სახელმწიფოები არიან. „უკრაინის NATO-ში შესაძლო გაწევრიანების საკითხს ბაიდენთან გაკვრით შევეხეთ, აქ განსახილველი არაფერია“, - ასეთი კომენტარი გააკეთა მან უკრაინასთან დაკავშირებით. საერთო ჯამში, შეხვედრას კონსტრუქციული უწოდა. „ბევრ საკითხზე შეფასებები განსხვავდება, თუმცა ორივე მხრიდან ნაჩვენები იყო ერთმანეთის გაგებისა და პოზიციების დაახლოების სურვილი. მიმაჩნია, რომ არანაირი მტრობა არ ყოფილა. ჩვენი შეხვედრა მიმდინარეობდა პრინციპულად. ბევრ საკითხზე ჩვენი შეფასებები განსხვავდება, თუმცა ორივე მხრიდან ნაჩვენები იყო ერთმანეთის გაგებისა და პოზიციების დაახლოების სურვილი. საუბარი იყო საკმაოდ კონსტრუქციული“. პუტინის პრესკონფერენციიდან ერთი ახალი ინფორმაცია გახდა ცნობილი: როგორც პუტინმა თქვა, აშშ-ისა და რუსეთის ელჩები თავიანთ პოსტებზე დაბრუნდებიან. ჟენევაში ჯო ბაიდენისა და ვლადიმერ პუტინის შეხვედრა დასრულდა რა საკითხები შეიძლება წამოჭრას დღის წესრიგის მიღმა აშშ-ის პრეზიდენტმა პუტინთან შეხვედრაზე
საგარეო უწყება: დავით ზალკალიანმა ამერიკულ მხარეს რუსეთ-საქართველოს კონფლიქტის თემის მაღალ პოლიტიკურ დღის წესრიგში შენარჩუნებისთვის მადლობა გადაუხადა
საქართველოს ვიცე-პრემიერი, საგარეო საქმეთა მინისტრი დავით ზალკალიანი კავკასიის მოლაპარაკებებში ამერიკის შეერთებული შტატების სახელმწიფო დეპარტამენტის წარმომადგენელებს, ენდრიუ შოფერსა და საქართველოში აშშ-ის ელჩს, კელი დეგნანს შეხვდა. ამის შესახებ ინფორმაციას საგარეო საქმეთა სამინისტრო ავრცელებს. დავით ზალკალიანმა ამერიკულ მხარეს რუსეთ-საქართველოს კონფლიქტის თემის მაღალ პოლიტიკურ დღის წესრიგში შენარჩუნებისთვის მადლობა გადაუხადა. უწყების ცნობით, შეხვედრის ძირითად თემას რუსეთ-საქართველოს კონფლიქტის ბოლოდროინდელი დინამიკა, ოკუპირებულ ტერიტორიებზე არსებული რთული ვითარება და ჟენევის საერთაშორისო მოლაპარაკებებში არსებითი შედეგების მიღწევის შესაძლებლობები წარმოადგენდა. "მხარეებმა ისაუბრეს რეგიონში მიმდინარე პროცესებზე და ამ კონტექსტში განიხილეს საქართველოს ოკუპირებულ ტერიტორიებზე გახშირებული პროვოკაციები, მათ შორის, აფხაზეთისა და ცხინვალის რეგიონების დე-ფაქტო ანექსიის მიმართულებით რუსეთის გააქტიურებული ნაბიჯები, ე.წ. ბორდერიზაციის პროცესი, საქართველოს მოქალაქეების უკანონო დაკავებებისა და გატაცებების შემთხვევები. დავით ზალკალიანმა ხაზგასმით აღნიშნა ზაზა გახელაძის, ირაკლი ბებუასა და უკანონოდ დაკავებული საქართველოს დანარჩენი მოქალაქეების დაუყოვნებლივ, ყოველგვარი წინაპირობების გარეშე გათავისუფლების აუცილებლობა და ამერიკელ პარტნიორებს ამ მიმართულებით ძალისხმევის კიდევ უფრო გააქტიურება სთხოვა განსაკუთრებული ყურადღება დაეთმო ჟენევის საერთაშორისო მოლაპარაკებების ეფექტიანად გამოყენების შესაძლებლობებს, რათა მაქსიმალური ძალისხმევა იქნას მიმართული რუსეთის ოკუპაციის შედეგად დაზარალებული ადამიანების უსაფრთხოებისა და ჰუმანიტარული პრობლემების მოსაგვარებლად. აქცენტი გაკეთდა რუსეთის მიერ 2008 წლის 12 აგვისტოს ევროკავშირის შუამავლობით დადებული ცეცხლის შეწყვეტის შეთანხმების შესრულების აუცილებლობასა და იძულებით გადაადგილებულ პირთა და ლტოლვილთა საკუთარ სახლებში დაბრუნების მიმართულებით პროგრესის მიღწევაზე. ვიცე-პრემიერმა აღნიშნა, რომ საქართველოს მთავრობა აქტიურად მუშაობს, რათა ინკლუზიური ჩართულობის გზით შეიმუშაოს ერთიანი და ყოვლის მომცველი სახელმწიფო სტრატეგია დეოკუპაციისა და კონფლიქტის მშვიდობიანი მოგვარებისთვის. ამასთან, დავით ზანკალიანმა ყურადღება გაამახვილა საერთაშორისო დღის წესრიგში, მაღალი დონის საერთაშორისო ღონისძიებებსა და შეხვედრებზე რუსეთ-საქართველოს კონფლიქტის თემის აქტიურად და რეგულარულად დასმის კრიტიკულ მნიშვნელობაზე და მადლობა გადაუხადა ამერიკულ მხარეს საქართველოს საკითხის მაღალ პოლიტიკურ დღის წესრიგში შენარჩუნებისთვის. თავის მხრივ, აშშ-ის წარმომადგენლებმა კიდევ ერთხელ დაადასტურეს საქართველოს სუვერენიტეტისა და ტერიტორიული მთლიანობის ურყევი მხარდაჭერა მის საერთაშორისოდ აღიარებულ საზღვრებში. შეხვედრის ბოლოს, ამერიკელმა პარტნიორებმა მადლობა გადაუხადეს ქართულ მხარეს აზერბაიჯანსა და სომხეთს შორის უმნიშვნელოვანესი ფასილიტაციის გაწევისთვის, რამაც, მათ შორის აშშ-ის ჩართულობით მნიშვნელოვანი ჰუმანიტარული შეთანხმების მიღწევა უზრუნველყო ბაქოსა და ერევანს შორის. კერძოდ, აზერბაიჯანის რესპუბლიკამ სომხეთს 15 მოქალაქე გადასცა, ხოლო სომხურმა მხარემ აზერბაიჯანს დანაღმული ტერიტორიების შესახებ ინფორმაცია მიაწოდა", - ნათქვამია ინფორმაციაში.
ერდოღანი: კავკასიაში მშვიდობა შესაძლებელია რეგიონული თანამშრომლობის გზით
Dailysabah-ის ცნობით, თურქეთი მიიჩნევს, რომ სამხრეთ კავკასიის რეგიონში მუდმივი მშვიდობა შესაძლებელია სახელმწიფოებსა და ხალხს შორის უსაფრთხოებისა და თანამშრომლობის საფუძველზე. ამის შესახებ თურქეთის პრეზიდენტმა რეჯეფ თაიფ ერდოღანმა ბაქოში, აზერბაიჯანის ეროვნულ ასამბლეაში სიტყვით გამოსვლისას განაცხადა. "არა მხოლოდ აზერბაიჯანი, არამედ რეგიონის ყველა ქვეყანა, მათ შორის სომხეთი და მთელი მსოფლიო ისარგებლებს კავკასიის მშვიდობითა და სიმშვიდით", - განაცხადა ერდოღანმა. როგორც გამოცემა წერს, ერდოღანმა ასევე აღნიშნა, რომ "ზანგეზურის დერეფანი" არამარტო სარგებელს მოუტანს თურქებს ან აზერბაიჯანელებს, არამედ სომხებსაც, რომლებსაც შეუძლიათ გამოიყენონ რკინიგზა მსოფლიოს სხვადასხვა ნაწილთან დასაკავშირებლად და დაასრულოს თვითნებური იზოლაცია. თურქეთის პრეზიდენტმა კვლავ გაიმეორა თავისი წინადადება ექვსწევრიანი პლატფორმის შექმნის თაობაზე თურქეთის, რუსეთის, ირანის, აზერბაიჯანის, საქართველოსა და სომხეთის შემადგენლობით, რომელიც ხელს შეუწყობდა რეგიონში მუდმივ მშვიდობას, სტაბილურობასა და თანამშრომლობას. სიტყვით გამოსვლისას, ერდოღანმა კიდევ ერთხელ გაუსვა ხაზი თურქეთის გადაწყვეტილებას აზერბაიჯანის გვერდით დგომის შესახებ და თქვა: "დღეს ჩვენ აზერბაიჯანს გვერდში ვუდგებით მთელი ჩვენი შესაძლებლობებით. მთელმა მსოფლიომ უნდა იცოდეს, რომ ჩვენ ხვალაც გვერდში დავუდგებით". 15 ივნისს, ერდოანმა და აზერბაიჯანის პრეზიდენტმა ილჰამ ალიევმა ორ ქვეყანას შორის სამოკავშირეო ურთიერთობების შესახებ დეკლარაციას მოაწერეს ხელი. 15 ივნისს ერდოანმა აზერბაიჯანში ვიზიტის ფარგლებში მოინახულა მთიანი ყარაბაღის ის ტერიტორიები, რომლებიც აზერბაიჯანის კონტროლქვეშ გადავიდა მას შემდეგ, რაც მათ სომხური ძალები აკონტროლებდნენ 30 წლის განმავლობაში.
ჟენევაში ჯო ბაიდენისა და ვლადიმერ პუტინის შეხვედრა დასრულდა
ჟენევაში აშშ-ის პრეზიდენტის ჯო ბაიდენისა და რუსეთის პრეზიდენტის ვლადიმერ პუტინის შეხვედრა დასრულდა. როგორც ცნობილია, ჯო ბაიდენმა უკვე დატოვა შეხვედრის ადგილი. მოლაპარაკებები ორ სესიად ჩატარდა. პირველი სესია 93 წუთი გაგრძელდა და მას პრეზიდენტების გარდა, აშშ-ის სახელმწიფო მდივანი და რუსეთის საგარეო საქმეთა მინისტრი ესწრებოდნენ. მეორე სესია 65 წუთს გაგრძელდა. მეორე სესიას ქვეყნის მინისტრები და მრჩევლები ესწრებოდნენ. როგორც CNN- წერს, შეხვედრა იმაზე ადრე დასრულდა, ვიდრე ვარაუდობდნენ. აშშ-ისა და რუსეთის პრეზიდენტების შეხვედრა დაიწყო ვინ ესწრება აშშ-ისა და რუსეთის პრეზიდენტების შეხვედრას რა საკითხები შეიძლება წამოჭრას დღის წესრიგის მიღმა აშშ-ის პრეზიდენტმა პუტინთან შეხვედრაზე
ევროკავშირი: გავაგრძელებთ უკრაინასა და საქართველოში რუსეთის მიერ საერთაშორისო სამართლის მუდმივი დარღვევების საკითხის წამოწევას
ევროკომისიამ რუსეთთან ურთიერთობის ახალი სტრატეგია წარადგინა, რომელშიც საქართველოზეც არის საუბარი. დოკუმენტში ნათქვამია, რომ ევროკავშირი უნდა იყოს უფრო მდგრადი რუსეთის მცდელობების მიმართ, რომელიც მიზნად ისახავს, შეარყიოს ევროკავშირი, ამავე დროს, ევროკავშირმა უფრო სისტემური და ერთიანი პასუხი უნდა გასცეს რუსეთიდან მომავალ საფრთხეებს. ასევე, დოკუმენტში ნათქვამია, რომ "რუსეთთან ურთიერთობის მართვა წარმოადგენს ევროკავშირის მთავარ სტრატეგიულ გამოწვევას". სტრატეგიაში აღნიშნულია, რომ ევროკავშირმა უფრო სისტემურად უნდა უპასუხოს რუსეთის მიერ ადამიანის უფლებების დარღვევებს და დაიცვას დემოკრატიული ფასეულობები. "ევროკავშირი განაგრძობს წინააღმდეგობის გაწევას რუსეთის მთავრობის მცდელობებისადმი, საკუთარი თავი წარმოაჩინოს მედიატორად და არა მხარედ ტერიტორიულ კონფლიქტებში უკრაინაში, საქართველოსა და მოლდოვაში. ევროკავშირი კვლავ ატარებს არაღიარების პოლიტიკას ყირიმის ნახევარკუნძულის არალეგალური ანექსიისა და რუსეთის მხრიდან საქართველოს რეგიონების, აფხაზეთისა და სამხრეთ ოსეთის ე.წ. დამოუკიდებლობის მხარდაჭერის მიმართ... ევროკავშირი გააგრძელებს უკრაინაში, საქართველოსა და სხვა ქვეყნებში, რუსეთის მიერ საერთაშორისო სამართლის მუდმივი დარღვევების საკითხის წამოწევას. მათ შორის ინიციატივების მეშვეობით თანამოაზრე პარტნიორებთან", - ნათქვამია დოკუმენტში. ევროკავშირი რუსეთს მოუწოდებს აიღოს თავისი პასუხისმგებლობა, როგორც კონფლიქტის მხარე და სრულად შეასრულოს მინსკის შეთანხმებები. "ევროკავშირი უფრო აქტიურად შეეწინააღმდეგება რუსეთის მიერ მისი მოქმედებების გასამართლებლად გამოყენებულ ცრუ ნარატივებს, ყველა დონეზე", - ნათქვამია დოკუმენტში.
საფრანგეთის ელჩი: NATO-სა და საქართველოს შორის ამბიციურ მიზნებზე დაფუძნებული პარტნიორობა მტკიცედ დადასტურდა
სამიტის დროს მიღებულ მრავალ მნიშვნელოვან განცხადებას და გადაწყვეტილებას შორის, საფრანგეთის ელჩი საქართველოში დიეგო კოლასი მნიშვნელოვნად მიიჩნევს იმ ფაქტს, რომ NATO-სა და საქართველოს შორის ამბიციური პარტნიორობა მტკიცედ დადასტურდა. ამის შესახებ დიეგო კოლასმა Europetime-ს ექსკლუზიურად განუცხადა. „NATO-ს სამიტზე, რომელიც ახლახან გაიმართა, ძალიან მნიშვნელოვანი და წარმატებული შეხვედრები შედგა. ეს იყო ძლიერი და ნაყოფიერი შეხსენება იმისა, თუ რა არის NATO და რას აკეთებს ის. სამიტის დროს მიღებულ მრავალ მნიშვნელოვან განცხადებას და გადაწყვეტილებას შორის, სწორია, რომ NATO-სა და საქართველოს შორის ამბიციური პარტნიორობა მტკიცედ დადასტურდა. ახლა მთავარია ამ ამბიციური პარტნიორობის ფარგლებში არსებული მრავალი შეთანხმების განხორციელება. ეს გააძლიერებს საქართველოს და NATO-ს. ასევე, უფრო დააახლოებს ევროპასა და საქართველოს“, - განუცხადა Europetime-ს საფრანგეთის ელჩმა საქართველოში დიეგო კოლასმა. ექსკლუზივი: გერმანიის ელჩი: ღია კარის პოლიტიკა საქართველოსთან დაკავშირებით NATO-ს ბრიუსელის სამიტზე მკაფიოდ დადასტურდა ექსკლუზივი: NATO: ევროატლანტიკური ინტეგრაცია არის მიზანი, რომელიც საქართველოში სრულიად პოლიტიკურ სპექტრს აერთიანებს საქართველო გახდება NATO-ს წევრი - NATO-ს სამიტის კომუნიკე ექსკლუზივი: ჯეიმს აპატურაი: NATO საქართველოს ევროატლანტიკური მისწრაფებების ერთგული მხარდამჭერია
კახა კუჭავა დიდი ბრიტანეთის ელჩს შეხვდა
საქართველოს პარლამენტის თავმჯდომარე, კახა კუჭავა დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩს საქართველოში, მარკ კლეიტონს შეხვდა. ამის შესახებ ინფორმაციას საქართველოს პარლამენტის პრესსამსახური ავრცელებს. მათივე ცნობით, შეხვედრაზე ქვეყნის უმაღლესი საკანონმდებლო ორგანოს საქმიანობასა და დღის წესრიგზე ისაუბრეს. პარლამენტის თავმჯდომარემ ყურადღება კანონშემოქმედებით საქმიანობაში ფრაქციების და კომიტეტების კიდევ უფრო გააქტიურებაზე გაამახვილა. ხაზი გაესვა პარლამენტში პროცესის ინკლუზიურობის მნიშვნელობას. "მარკ კლეიტონმა განსაკუთრებულად აღნიშნა პარლამენტის თავმჯდომარის ინიციატივით შემუშავებული საქართველოს NATO-ში ინტეგრაციის მხარდამჭერი ერთობლივი განცხადება, რომელსაც ხელს პარლამენტში წარმოდგენილი ყველა პოლიტიკური პარტია აწერს. მისი თქმით, "დიდი შვიდეულისა" და NATO-ს სამიტის წინ, ერთობლივი განცხადების ხელმოწერა დასავლელი პარტნიორებისთვის მნიშვნელოვანი და პოზიტიური გზავნილი იყო. შეხვედრაზე მხარეებმა ისაუბრეს ვორდროპების სტრატეგიული დიალოგის მნიშვნელობაზე, როგორც საპარლამენტო, ისე სამთავრობო დონეზე. ელჩმა კიდევ ერთხელ პოზიტიურად შეაფასა ,,ინფორმაციული უსაფრთხოების შესახებ“ კანონის მიღება. კახა კუჭავამ მარკ კლეიტონს დიდი ბრიტანეთისა და ჩრდილოეთ ირლანდიის გაერთიანებული სამეფოს მხრიდან საქართველოს სუვერენიტეტისა და ტერიტორიული მთლიანობის, ასევე, ევროატლანტიკური ინტეგრაციის მტკიცე მხარდაჭერისთვის მადლობა გადაუხადა", - ნათქვამია ინფორმაციაში.
რა საკითხები შეიძლება წამოჭრას დღის წესრიგის მიღმა აშშ-ის პრეზიდენტმა პუტინთან შეხვედრაზე
„პირისპირ შეხვედრა ყოველთვის უკეთესია“, - ამის შესახებ აშშ-ის პრეზიდენტმა, ჯო ბაიდენმა ჟენევაში რუსეთის პრეზიდენტთან, ვლადიმერ პუტინთან მოლაპარაკებების დაწყებამდე განაცხადა. ჯო ბაიდენის თქმით, შეხვედრაზე ეცდებიან საერთო ინტერესებისა და თანამშრომლობის სფეროების განსაზღვრას. თავის მხრივ, ვლადიმერ პუტინმა აშშ-ის პრეზიდენტს მადლობა გადაუხადა შეხვედრის ინიციატივისთვის და იმედი გამოთქვა, რომ მოლაპარაკებები ნაყოფიერი იქნება. „აშშ-ისა და რუსეთის ურთიერთობებში მრავალი საკითხი დაგროვდა, რომელიც საჭიროებს უმაღლესი დონის შეხვედრას და მე ვიმედოვნებ, რომ ჩვენი შეხვედრა ნაყოფიერი იქნება“, - განაცხადა ვლადიმერ პუტინმა შეხვედრის დაწყებამდე. შეხვედრას სახელმწიფო მდივანი ენტონი ბლინკენი და რუსეთის საგარეო საქმეთა მინისტრი სერგეი ლავროვი ესწრებიან. თეთრი სახლის ინფორმაციით, ლიდერების შეხვედრისას ჯო ბაიდენი რუსეთიდან მომდინარე კიბერთავდასხმებს, ამერიკის არჩევნებში ჩარევის საკითხს, რუსეთის აგრესიულ ქმედებებს უკრაინაში, ბირთვულ საკითხებსა და კლიმატის ცვლილებების თემებს წამოჭრის. ბაიდენისა და პუტინის შეხვედრამდე, ე.წ. მოსამზადებელი შეხვედრა ისლანდიაში გაიმართა, სადაც ერთმანეთს ამერიკის სახელმწიფო მდივანი ენტონი ბლინკენი და რუსეთის საგარეო საქმეთა მინისტრი სერგეი ლავროვი შეხვდნენ. ბაიდენ-პუტინის ბოლო შეხვედრა 2011 წელს მოსკოვში შედგა, როდესაც ბაიდენს აშშ-ის ვიცე-პრეზიდენტის თანამდებობა ეკავა, ხოლო პუტინი რუსეთის პრემიერ-მინისტრი იყო. აუდიენციის შემდეგ, ჯო ბაიდენი პრესკონფერენციას მარტო გამართავს. აშშ-ის ლიდერმა განაცხადა, რომ შეერთებულ შტატებს სურს „სტაბილური და პროგნოზირებადი“ ურთიერთობა რუსეთთან, რომელიც საშუალებას მისცემს ორ ქვეყანას, ითანამშრომლონ საერთო საკითხებზე, როგორიცაა სტრატეგიული სტაბილურობა, შეიარაღებაზე კონტროლი და კლიმატის ცვლილება. NBC-სთვის მიცემულ ვრცელ ინტერვიუში, რომელიც 11 ივნისს გადაიცა, პუტინმა განაცხადა, რომ შეერთებული შტატებისა და რუსეთის ურთიერთობა „უკანასკნელ წლებში ყველაზე დაბალ ნიშნულზეა“. ამერიკის ადმინისტრაციაში ჯო ბაიდენი რუსეთისა და აშშ-ის ურთიერთობების საკმაოდ მძიმე გაუარესების ფონზე მივიდა. აშშ უკვე პირდაპირ საუბრობდა იმაზე, რომ მოსკოვი ამერიკის პოლიტიკურ პროცესებში ერეოდაა. ამასთან, ბაიდენი საპრეზიდენტო კამპანიის პერიოდში ღიად საუბრობდა, რომ რუსეთის ფედერაცია აშშ-სთვის ერთ-ერთ მნიშვნელოვან გამოწვევას წარმოადგენს. რუსული და ჩინური საფრთხეები ერთ სიბრტყეში განიხილებოდა. ბაიდენმა ისიც აღნიშნა რომ მისი პრეზიდენტობის ერთ-ერთი მთავარი ამოცანა პუტინის ტირანიისგან რუსი ხალხის დახსნა იქნება. რუსეთის ჯერ კიდევ 2015 წლის უსაფრთხოების დოკუმენტებში, რომლებიც ახლაც ძალაშია, ამერიკა რუსეთის ფედერაციის ეროვნული უსაფრთხოებისთვის ნომერ პირველ გამოწვევად მოიაზრება. „რუსეთი ბოლო პერიოდში სიხისტით გამოირჩევა, რადგან თუნდაც ყარაბაღის ომით, ჯერ კიდევ ობამას ადმინისტაციის დროს, სირიაში თავისი ყოფნის დაფიქსირებით და უკრაინის მიმართულებით საკმაოდ მძიმე და კრიზისული ვითარების შექმნით ერთგვარი უპირატესობა მიიღო. შესაბამისად, რაიმე მნიშვნელოვან კომპრომისს რუსული მხარისგან არ უნდა ველოდოთ, ისევე როგორც ამერიკული მხარისგან არ უნდა ველოდოთ სერიოზულ დათმობას, რადგან ამერიკის არამხოლოდ საერთაშორისო პოლიტიკური იმიჯი, არამედ ამერიკა როგორც ღირსეული მოკავშირეობის საკითხი კითხვის ნიშნის ქვეშ დადგება“, - აცხადებს საგარეო პოლიტიკის ექსპერტი გიორგი გობრონიძე Europetime-თან ინტერვიუში. „საკმაოდ რთული და მძიმე მოლაპარაკებები იქნება წინ. ამას ემატება ცალკეული საკითხები, როგორიცაა, პოზიციები ირანის ბირთვულ შეთანხმებაზე, რუსეთის პოზიციები პოსტ საბჭოთა რეგიონში, განსაკუთრებით ყურადღება უნდა გამახვილდეს უკრაინის კრიზისსა და იქ მიმდინარე მოვლენებზე. ასევე უნდა აღინიშნოს ახლო აღმოსავლეთში ბოლო პერიოდში მიმდინარე დაძაბულობა და თვითონ რუსეთის შიგნით მიმდინარე პროცესები და ნავალნის პატიმრობა. ასე რომ, თემები არის საკმაოდ მძიმე და რთული. ერთადერთი პოზიტიური მოლოდინი ამ შეხვედრიდან რაც შეიძლება იყოს - კი ბატონო შევჯერდეთ საკითხებზე, რაზეც შეგვიძლია, ვითანამშრომლოთ და ჩვენი ინტერესები არ მოდის წინააღმდეგობაში, მაგალითად, როგორიცაა, კლიმატის ცვლილებები, გარემოს დაცვა და გლობალური თემები, რომლებიც შეიძლებას ითქვას, რომ წარმოადგენს ზოგად საკაცობრიო მასშტაბის გამოწვევას, თუმცა იმავდროულად გავხადოთ ჩვენი ურთიერთობა პროგნოზირებადი იქ, სადაც გვაქვს ინტერესთა კვეთა, კონფლიქტი და ღიად დავაფიქსიროთ პოზიცია იმასთან დაკავშირებით, რაში ვერ ვთანხმდებით და სად ვერ ვხედავთ ურთიერთთანამშრომლობის მექანიზმებს“, - აღნიშნავს გიორგი გობრონიძე. რიგი ექსპერტებისა და ყოფილი ამერიკელი მაღალჩინოსნებისა, შეხვედრაზე საქართველოს საკითხის განხილვას არ ელის, თუმცა აუდიენციას ერთი მნიშვნელოვანი დეტალი უძღოდა წინ. კერძოდ, გუშინ გავრცელებული ინფორმაცია იმის შესახებ, რომ საქართველოს ტერიტორიული მთლიანობის მხარდასაჭერად ევროკავშირი და აშშ რუსეთის წინააღმდეგ ერთობლივ მიდგომას შეიმუშავებენ. ამასთან დაკავშირებით საუბარია აშშ-ევროკავშირის სამიტზე მიღებულ ერთობლივ განცხადებაში, რომელშიც ევროკავშირისა და აშშ-ის ლიდერები რუსეთთან მიმართებაში თავიანთ პოზიციას გამოხატავენ. ევროკავშირისა და აშშ-ის ლიდერების განცხადებით, ერთიანი პოლიტიკისა და ქმედებების კოორდინაციის მიზნით, ევროკავშირსა და ამერიკის შეერთებულ შტატებს შორის რუსეთის შესახებ მაღალი დონის დიალოგი დაიწყება. აშშ-ევროკავშირის სამიტი ბრიუსელში გუშინ გაიმართა. ევროკავშირის მხრიდან შეხვედრას ესწრებოდნენ ევროპული საბჭოს პრეზიდენტი შარლ მიშელი და ევროკომისიის პრეზიდენტი ურსულა ფონ დერ ლაიენი. სამიტში აშშ-ის მხრიდან ქვეყნის პრეზიდენტი ჯო ბაიდენი მონაწილეობდა. „ბევრი მიზეზი არსებობს იმისთვის, რომ პუტინთან ბაიდენის შეხვედრისას დღის წესრიგში საქართველოს საკითხი იყოს“, - ამის შესახებ აშშ-ში საქართველოს ელჩი, დავით ბაქრაძე Newsweek-ში გამოქვეყნებულ სტატიაში აცხადებდა. „პრეზიდენტმა ბაიდენმა და სახელმწიფო მდივანმა ენტონი ბლინკენმა საქართველოს წინააღმდეგ რუსეთის აგრესიის საკითხი უნდა წამოწიონ, რათა გაუგზავნონ მოსკოვს მკაფიო გზავნილი, რომ აშშ საქართველოს სრულფასოვანი მოკავშირეა და შავი ზღვის რეგიონის მომავლის ინვესტირებას ახდენს. ბევრი მიზეზი არსებობს იმისთვის, რომ პუტინთან ბაიდენის შეხვედრისას დღის წესრიგში საქართველოს საკითხი იყოს. 2008 წლიდან რუსეთს უკანონოდ აქვს ოკუპირებული ჩვენი ტერიტორიების 20 პროცენტი, რაც ხაზს უსვამს რუსეთის დაუოკებელ აგრესიულ ქცევას მისი მეზობლების მიმართ. რუსეთი და მისი მარიონეტული „მთავრობები“ არეულობას ქმნიან საოკუპაციო ხაზთან, ზიანს აყენებენ, უგულვებელყოფენ საქართველოს მოქალაქეების უფლებებს მათი მცოცავი ოკუპაციით, უარს ამბობენ, დაექვემდებარონ საერთაშორისო საზოგადოების მოთხოვნებს, გავიდნენ და დააბრუნონ უკანონოდ მიტაცებული ტერიტორია. ამერიკის მხარდაჭერა საქართველოს გამთლიანებისთვის უმნიშვნელოვანესია", - წერდა დავით ბაქრაძე სტატიაში. დავით ბაქრაძე ასევე აღნიშნავს, რომ რუსეთის ქმედებები მხოლოდ ოკუპაციით არ შემოიფარგლება. „კიბერშეტევები, ჰაკერული თავდასხმები და ეკონომიკური ძარცვა რუსეთის ხრიკების ნაწილია. რუსეთის შეიარაღებული ძალების რიცხვი არა მხოლოდ ჩრდილოეთ უკრაინაში და საქართველოს ოკუპირებულ რეგიონებში - აფხაზეთსა და „სამხრეთ ოსეთში“, არამედ საქართველოს სამხრეთით, მთიანი ყარაბაღის რეგიონშიც იზრდება. ახლახან აზერბაიჯანსა და სომხეთს შორის სამხედრო კონფლიქტის ფარგლებში მთიანი ყარაბაღში რუსული ”სამშვიდობო” ჯარები იმყოფებიან“, - წერდა ბაქრაძე. მისივე განცხადებით, დღეს საქართველოს ამერიკა და მოკავშირეები მხარდაჭერისთვის უფრო მეტად სჭირდება, ორმხრივად სასარგებლო სავაჭრო შეთანხმებით, შავი ზღვის უსაფრთხოების სფეროში მზარდი თანამშრომლობით, პოსტ-პანდემიურ ეკონომიკურ ვარდნასთან გამკლავებისთვის, საქართველოს NATO-ში გაწევრიანების მხარდასაჭერად და საქართველოს ევროკავშირში გაწევრიანებისთვის მოსამზადებლად. მიუხედავად იმისა, რომ აშშ-რუსეთს შორის აზრთასხვადასხვაობის თემაა საქართველო, გიორგი გობრონიძეს ნაკლები მოლოდინი აქვს, თუმცა აღნიშნავს, რომ „ქართულ-ამერიკული ურთიერთობების შემადგენელი კომპონენტიც არის, ისაუბრებენ თუ არა საქართველოს საკითხზე ბაიდენი და პუტინი, ბევრი რამ კი, მისივე აზრით, ქართულ დიპლომატიაზე და ქართული სახელმწიფოს ქცევაზეა დამოკიდებული. „თუ აშშ განაგრძობს სტრატეგიულ თანამშრომლობას აღმოსავლეთ ევროპის თუ პოსტსაბჭოთა რეგიონის სახელმწიფოებთან, აუცილებად დადგება მომენტი, სადაც უნდა გაკეთდეს საბოლოო არჩევანი, ამ თანამშრომლობას მიჰყვება ის ბოლომდე და დაიცავს მოკავშირეების, მათ შორის საქართველოს ინტერესებსაც, თუ უკან იხევს, რაც ბაიდენის ადმინისტრაციის პირობებში მოსალოდნელი არ არის, გამომდინარე იქედან, რომ მაშინ მთელი მისი საგარეო პოლიტიკური ფილოსოფია, რომელზეც საუბრობდა საარჩევნო კამპანიის დროს, სერიოზული ეჭვის და კითხვის ნიშნის ქვეშ დგება. ბაიდენი არ განეკუთვნება „სოფთ ლაინერების“ ფრთას ამერიკულ პოლიტიკაში, ის არის ერთგვარი „ჰარდ ლაინერი“, „პოლიტიკური ქორი“, რომელსაც ექნება საკმაოდ მძიმე პოზიცია რუსეთისთვის და ეს არ იქნება რუსეთისთვის სასურველი და მარტივი პარტნიორი, თუნდაც როგორიც იყო დონალდ ტრამპი, რომლის დროსაც დაიწყო აშშ-მა საქართველოსთვის და უკრაინისთვის ლეტალური იარაღის მიწოდება, ამ შემთხვევაში უნდა ველოდოთ ამ პოლიტიკის კიდევ უფრო გაღრმავებას და რუსული ამერიკული ურთიერთობების ახალ ფაზაში გადასვლას“, - აღნიშნავს გიორგი გობრონიძე Europetime-თან. წინასწარ დაანონსებული საკითხების გარდა, კიდევ რაზე შეიძლება ისაუბროს ბაიდენმა პუტინთან. აშშ-ის სახელმწიფო მდივნის მოადგილის ყოფილ თანაშემწეს, მეთიუ ბრაიზა Europetime-ს რიგ ვერსიებს უზიარებს. „პრეზიდენტმა ბაიდენმა განაცხადა, რომ აპირებს დაუპირისპირდეს პუტინს ძირითადად რუსეთის მიერ განხორციელებულ ჰაკერულ შეტევებზე, ბირთვულ საკითხებზე, ალექსეი ნავალნის მკვლელობის მცდელობაზე, ასევე ამერიკულ არჩევნებში რუსეთის ჩარევასა და უკრაინაში რუსეთის აგრესიაზე. თუ იქნება იმის შესაძლებლობა, განხილული იყოს განსხვავებული დღის წესრიგი, ჯო ბაიდენს შეუძლია, ყურადღება გაამახვილოს კლიმატის ცვლილებაზე, გლობალურ პანდემიასთან ბრძოლაზე და თუ მისი პრესკონფერენციიდან ვიმსჯელებთ, შესაძლოა, სირიის საკითხიც განიხილოს“, - აღნიშნავს მეთიუ ბრაიზა Europetime-თან ინტერვიუში. აშშ-ისა და რუსეთის პრეზიდენტების შეხვედრამდე, გუშინ, ამერიკელმა სენატორმა ჯინ შაჰინმა USA TODAY-ში გამოქვეყნეულ საავტორო სტატიაში განაცხადა, რომ აღმოსავლეთ ევროპაში დემოკრატიისთვის ძირის გამოთხრა რუსეთმა საქართველოდან დაიწყო. წერილში სენატორი, რომელიც ოფიციალური ვიზიტით საქართველოში იყოფებოდა, აღწერს საოკუპაციო ხაზთან არსებულ მდგომარეობას და რუსეთის მოქმედებებს. „აუცილებლად უნდა აღვნიშნოთ, რომ რუსეთის პირველი თამაში, რომელიც მიზნად ისახავდა აღმოსავლეთ ევროპაში დემოკრატიისთვის ძირის გამოთხრას, საქართველოდან დაიწყო, რომელსაც მე ვსტუმრობდი. მე ვნახე „ადმინისტრაციული სასაზღვრო ხაზი“, რომელიც აცალკევებს რუსეთისა და მის მიერ მართული ადგილობრივ ძალების მიერ ოკუპირებულ საქართველოს 20%-ს. აქ რუსული ძალები ცდილობენ, დააშინონ ქართველები, რასაც ხაზის აღმნიშვნელი ღობის დროდადრო გადაწევითა და საქართველოს მოქალაქეებისთვის ზოლის გადაკვეთისას დაბრკოლებების შექმნით აკეთებენ, რითაც აფერხებენ მოქალაქეების წვდომას სასიცოცხლოდ მნიშვნელოვან სერვისებზე. რუსები ასევე ხელს უშლიან ევროკავშირის სადამკვირვებლო მისიის მუშაობას და ჩართულნი არიან დეზინფორმაციულ კამპანიებში, რომლებიც მიზნად ისახავს საქართველოს დემოკრატიის ძირის გამოთხრას იმ მეთოდებით, რომლებიც ამერიკელებისთვის ჩვენი არჩევნებიდან გამომდინარე ნაცნობია“, - წერს ამერკელი სენატორი. ჯინ შაჰინის თქმით, სერიოზულად უნდა განისაზღვროს NATO-ში საქართველოს გაწევრიანების საკითხი. „აუცილებელია რეფორმები, რათა ალიანსმა შეიძინოს ძლიერი მოკავშირეები. მაგრამ უმოქმედობა მხოლოდ გამარჯვებას მოუტანს პუტინს. ჩვენ უნდა გავზარდოთ ჩვენი სამხედრო და დიპლომატიური აქტიურობა რეგიონში. ჩვენ გვჭირდება კვალიფიციური ელჩი კიევში - დაუყოვნებლივ. უკრაინასა და საქართველოსთან საქმიანი და საინვესტიციო კავშირების გაღრმავება ასევე სარგებელს მოუტანს ჩვენს ქვეყნებს“, - წერს ამერიკელი სენატორი ჯინ შაჰინი საავტორო სტატიაში. ვინ ესწრება აშშ-ისა და რუსეთის პრეზიდენტების შეხვედრას ჯო ბაიდენი: პირისპირ შეხვედრა ყოველთვის უკეთესია NATO კრიტიკულად მნიშვნელოვანია აშშ-სთვის, NATO-ს წესდების მეხუთე მუხლი კი მტკიცე ვალდებულება - ჯო ბაიდენი NATO-ს წესდების მეხუთე მუხლთან დაკავშირებით, ჯო ბაიდენისგან ძალიან მტკიცე გზავნილს უნდა ველოდოთ - მეთიუ ბრაიზა
ჯო ბაიდენი: პირისპირ შეხვედრა ყოველთვის უკეთესია
პირისპირ შეხვედრა ყოველთვის უკეთესია, – ამის შესახებ აშშ-ის პრეზიდენტმა, ჯო ბაიდენმა ჟენევაში რუსეთის პრეზიდენტთან, ვლადიმერ პუტინთან მოლაპარაკებების დაწყებისას განაცხადა. ბაიდენის თქმით, შეხვედრაზე ეცდებიან საერთო ინტერესებისა და თანამშრომლობის სფეროების განსაზღვრას. თავის მხრივ, ვლადიმერ პუტინმა აშშ-ის პრეზიდენტს მადლობა გადაუხადა შეხვედრის ინიციატივისთვის და იმედი გამოთქვა, რომ მოლაპარაკებები ნაყოფიერი იქნება. „აშშ-ისა და რუსეთის ურთიერთობებში მრავალი საკითხი დაგროვდა, რომელიც საჭიროებს უმაღლესი დონის შეხვედრას და მე ვიმედოვნებ, რომ ჩვენი შეხვედრა ნაყოფიერი იქნება“, – განაცხადა ვლადიმერ პუტინმა შეხვედრის დაწყებამდე. ცნობისთვის, ამ წუთებში აშშ-ისა და რუსეთის პრეზიდენტების შეხვედრის პირველი რაუნდი მიმდინარეობს შეხვედრას სახელმწიფო მდივანი ენტონი ბლინკენი და რუსეთის საგარეო საქმეთა მინისტრი სერგეი ლავროვი ესწრებიან. ოფიციალური თეთრი სახლის ინფორმაციით, ლიდერების შეხვედრისას ჯო ბაიდენი რუსეთიდან მომდინარე კიბერთავდასხმებს, ამერიკის არჩევნებში ჩარევის საკითხს, რუსეთის აგრესიულ ქმედებებს უკრაინაში, ბირთვულ საკითხებსა და კლიმატის ცვლილებების თემებს წამოჭრის. აღსანიშნავია, რომ ლიდერებს შორის შეხვედრის ინიციატორი სწორედ თავის დროზე ჯო ბაიდენი იყო. მან რუს კოლეგას შეხვედრა ჯერ კიდევ მიმდინარე წლის აპრილში შესთავაზა. ეს მოხდა ორ სახელმწიფოს შორის დიპლომატიური კონფლიქტის გამწვავების დროს. ბაიდენ პუტინის შეხვედრამდე, ე.წ. მოსამზადებელი შეხვედრა ისლანდიაში შედგა, სადაც ერთმანეთს ამერიკის სახელმწიფო მდივანი ენტონი ბლინკენი და რუსეთის საგარეო საქმეთა მინისტრი სერგეი ლავროვი შეხვდნენ. ბაიდენ-პუტინის ბოლო შეხვედრა 2011 წელს მოსკოვში შედგა, როდესაც ბაიდენს აშშ-ის ვიცე-პრეზიდენტის თანამდებობა ეკავა, ხოლო პუტინი რუსეთის პრემიერ-მინისტრი იყო. როგორც ცნობილია, აუდიენციის შემდეგ, ჯო ბაიდენი პრესკონფერენციას მარტო გამართავს. ბაიდენმა განაცხადა, რომ შეერთებულ შტატებს სურს "სტაბილური და პროგნოზირებადი" ურთიერთობა რუსეთთან, რომელიც საშუალებას მისცემს ორ ქვეყანას, ითანამშრომლონ საერთო საკითხებზე, როგორიცაა სტრატეგიული სტაბილურობა, შეიარაღებაზე კონტროლი და კლიმატის ცვლილება. NBC-სთვის მიცემულ ვრცელ ინტერვიუში, რომელიც 11 ივნისს გადაიცა, პუტინმა განაცხადა, რომ შეერთებული შტატებისა და რუსეთის ურთიერთობა "უკანასკნელ წლებში ყველაზე დაბალ ნიშნულამდე დავიდა".
ვინ ესწრება აშშ-ისა და რუსეთის პრეზიდენტების შეხვედრას
ჟენევაში აშშ-რუსეთის პრეზიდენტების პირისპირ შეხვედრას სახელმწიფო მდივანი ენტონი ბლინკენი და რუსეთის საგარეო საქმეთა მინისტრი სერგეი ლავროვი ესწრებიან. ამასთანავე, ცნობილია სამიტის გაფართოებულ ფორმატში დამსწრე ამერიკული დელეგაციის სიის შემადგენლობაც. CNN-ის ინფორმაციით, შეხვედრაში მონაწილეობას იღებენ პოლიტიკურ საკითხებში სახელმწიფო მდივნის მოადგილე ვიქტორია ნულანდი, რუსეთში აშშ-ის ელჩი ჯონ სალივანი, ეროვნული უსაფრთხოების საბჭოს უფროსი დირექტორი რუსეთში საკითხებზე ერიკ გრინი და ეროვნული უსაფრთხოების საკითხებში პრეზიდენტის თანაშემწე ჯეიკ სალივანი. ცნობისთვის, ამ წუთებში აშშ-ისა და რუსეთის პრეზიდენტების შეხვედრის პირველი რაუნდი მიმდინარეობს. ოფიციალური თეთრი სახლის ინფორმაციით, ლიდერების შეხვედრისას ჯო ბაიდენი რუსეთიდან მომდინარე კიბერთავდასხმებს, ამერიკის არჩევნებში ჩარევის საკითხს, რუსეთის აგრესიულ ქმედებებს უკრაინაში, ბირთვულ საკითხებსა და კლიმატის ცვლილებების თემებს წამოჭრის. აღსანიშნავია, რომ ლიდერებს შორის შეხვედრის ინიციატორი სწორედ თავის დროზე ჯო ბაიდენი იყო. მან რუს კოლეგას შეხვედრა ჯერ კიდევ მიმდინარე წლის აპრილში შესთავაზა. ეს მოხდა ორ სახელმწიფოს შორის დიპლომატიური კონფლიქტის გამწვავების დროს. ბაიდენ პუტინის შეხვედრამდე, ე.წ. მოსამზადებელი შეხვედრა ისლანდიაში შედგა, სადაც ერთმანეთს ამერიკის სახელმწიფო მდივანი ენტონი ბლინკენი და რუსეთის საგარეო საქმეთა მინისტრი სერგეი ლავროვი შეხვდნენ. ბაიდენ-პუტინის ბოლო შეხვედრა 2011 წელს მოსკოვში შედგა, როდესაც ბაიდენს აშშ-ის ვიცე-პრეზიდენტის თანამდებობა ეკავა, ხოლო პუტინი რუსეთის პრემიერ-მინისტრი იყო. როგორც ცნობილია, აუდიენციის შემდეგ, ჯო ბაიდენი პრესკონფერენციას მარტო გამართავს. ბაიდენმა განაცხადა, რომ შეერთებულ შტატებს სურს "სტაბილური და პროგნოზირებადი" ურთიერთობა რუსეთთან, რომელიც საშუალებას მისცემს ორ ქვეყანას, ითანამშრომლონ საერთო საკითხებზე, როგორიცაა სტრატეგიული სტაბილურობა, შეიარაღებაზე კონტროლი და კლიმატის ცვლილება. NBC-სთვის მიცემულ ვრცელ ინტერვიუში, რომელიც 11 ივნისს გადაიცა, პუტინმა განაცხადა, რომ შეერთებული შტატებისა და რუსეთის ურთიერთობა "უკანასკნელ წლებში ყველაზე დაბალ ნიშნულამდე დავიდა".
აშშ-ის საელჩო: რუსეთმა უნდა შეასრულოს 2008 წლის ცეცხლის შეწყვეტის შეთანხმებით ნაკისრი ვალდებულებები
ევროკავშირის სადამკვირვებლო მისიასთან ერთად, ჟენევის საერთაშორისო მოლაპარაკებების ამერიკული დელეგაცია კავკასიის მოლაპარაკებების უფროსი მრჩევლის, ენდრიუ შოფერის ხელმძღვანელობით, ენგურის ხიდს ეწვია, - ამის შესახებ საქართველოში აშშ-ის საელჩოს მიერ გავრცელებულ ინფორმაციაში ნათქვამი. საელჩოს განცხადებით, რუსეთმა უნდა შეასრულოს 2008 წლის ცეცხლის შეწყვეტის შეთანხმებით ნაკისრი ვალდებულებები, გაიყვანოს ძალები კონფლიქტამდე არსებულ პოზიციებზე. "საქართველოში მშვიდობის ხელშესაწყობად, ევროკავშირის სადამკვირვებლო მისიასთან ერთად, ჟენევის საერთაშორისო მოლაპარაკებების ამერიკული დელეგაცია კავკასიის მოლაპარაკებების უფროსი მრჩევლის, ენდრიუ შოფერის ხელმძღვანელობით, ენგურის ხიდს ეწვია. ჯგუფი ასევე შეხვდა სამოქალაქო საზოგადოების ლიდერებს ზუგდიდში, რათა განეხილათ ადმინისტრაციული გამყოფი ხაზის ორივე მხარეს მცხოვრები ადამიანების ჰუმანიტარული საჭიროებები. ოჯახებისა და აუცილებელი სერვისებისგან მოწყვეტილი ადგილობრივი მოსახლეობის ტკივილის შესამსუბუქებლად რუსეთმა უნდა შეასრულოს 2008 წლის ცეცხლის შეწყვეტის შეთანხმებით ნაკისრი ვალდებულებები, გაიყვანოს ძალები კონფლიქტამდე არსებულ პოზიციებზე და შეფერხების გარეშე დაუშვას ჰუმანიტარული დახმარების მიწოდება. შეერთებული შტატები კვლავ ურყევად ერთგულია საქართველოს სუვერენიტეტისა და ტერიტორიული მთლიანობის მიმართ", - ნათქვამია აშშ-ის საელჩის განცხადებაში.
