თეგი: STarlink
ილონ მასკი: უკრაინაში Starlink-ი ჩაირთო
SpaceX-ის მილიარდერმა, ილონ მასკმა განაცხადა, რომ მისი კომპანიის სატელიტური მომსახურება უკრაინაში ჩაირთო და SpaceX-ი კიდევ მეტ ტერმინალს გზავნის ქვეყანაში, სადაც ინტერნეტის მუშაობაში წყვეტა რუსეთის სამხედრო შეჭრამ გამოიწვია. „Starlink-ის მომსახურება აქტიურია უკრაინაში. გზაშია მეტი ტერმინალი“, - დაწერა მასკმა Twitter-ზე. მასკმა უკრაინის მთავრობის წარმომადგენელს უპასუხა, რომელმაც მას Starlink-ის სადგურებით მომარაგება სთხოვა. „ ვიდრე თქვენ მარსის კოლონიზებას ცდილობთ, რუსეთი უკრაინის ოკუპაციას ცდილობს. ვიდრე თქვენი რაკეტები წარმატებით ბრუნდება კოსმოსიდან, რუსეთის რაკეტები უკრაინის სამოქალაქო მოსახლეობას უტევს“, - წერდა Twitter-ზე ვიცე-პრემიერი, მიხაილო ფედოროვი. უკრაინაში რუსეთის სამხედრო შეჭრამ პრობლემები ინტერნეტის მუშაობა შეაფერხა. ელონ მასკის კომპანია SpaceX-ის მიერ შემუშავებული სატელიტური ინტერნეტ პროვაიდერი, Starlink დედამიწის დაბალი ორბიტის თანამგზავრებს იყენებს, რათა მაღალსიჩქარიანი ინტერნეტი მთელ მსოფლიოში უზრუნველყოს. ამ ტექნოლოგიას შეუძლია, ინტერნეტით უზრუნველყოს მისადგომად რთულ ადგილებში მცხოვრები მოსახლეობა, რომლებთანაც ვერ აღწევს ბოჭკოვანი ოპტიკური კაბელები და ფიჭური კავშირი. ეს ტექნოლოგია ასევე მნიშვნელოვანია ისეთ ვითარებებში, როცა ქარიშხალი, ან სხვა ბუნებრივი კატასტროფა კომუნიკაციაში წყვეტას იწვევს.
ვოლოდიმირ ზელენსკი ილონ მასკს ესაუბრა
უკრაინის პრეზიდენტი ვლოდიმირ ზელენსკი SpaceX-ის და Tesla-ს დამფუძნებელს ილონ მასკს ესაუბრა. ამასთან დაკავშირებით, ზელენსკიმ Twitter-ზე დაწერა. „ვესაუბრაე ილონ მასკს. მადლობელი ვარ მისი მხარდაჭერისთვის სიტყვით და საქმით. მომავალ კვირას ჩვენ მივიღებთ Starlink სისტემების კიდევ ერთ პარტიას განადგურებული ქალაქებისთვის. ასევე, განვიხილეთ შესაძლო კოსმოსური პროექტები, მაგრამ ამაზე ომის შემდეგ ვისაუბრებ. ელონ მასკის კომპანია SpaceX-ის მიერ შემუშავებული სატელიტური ინტერნეტ პროვაიდერი, Starlink დედამიწის დაბალი ორბიტის თანამგზავრებს იყენებს, რათა მაღალსიჩქარიანი ინტერნეტი მთელ მსოფლიოში უზრუნველყოს. ილონ მასკი: უკრაინაში Starlink-ი ჩაირთო
Starlink-ი უკრაინაში ოფისის გახსნას გეგმავს
ინტერნეტთან წვდომის გლობალური სატელიტური სისტემა Starlink-ი უკრაინაში წარმომადგენლობითი ოფისის გახსნას გეგმავს. ამის შესახებ ვიცე-პრემიერმა, ციფრული ტრანსფორმაციის მინისტრმა მიხაილო ფედოროვმა განაცხადა. მინისტრმა უკვე დაავალა შესაბამის ორგანოებს, რაც შეიძლება მალე დაასრულონ სერტიფიცირების, გაზომვების და სიხშირეების მიწოდების აუცილებელი პროცედურები. „ახლა უკრაინის წარმოდგენა თითქმის შეუძლებელია Starlink-ის თანამედროვე ტექნოლოგიის გარეშე. ეს ტექნოლოგია კიდევ უფრო ხელმისაწვდომი გახდება უკრაინელებისთვის. ყოველივე ამის შემდეგ, დღეს ჩვენ მივიღეთ კიდევ ერთი დადებითი სიახლე: Starlink-მა დაიწყო მუშაობა უკრაინაში წარმომადგენლობითი ოფისის გახსნაზე", - იტყობინება მინისტრი. ფედოროვის თქმით, დღეს Starlink-ი ეხმარება უკრაინის შეიარაღებულ ძალებს დაკავშირებასა და სპეციალური ოპერაციების განხორციელებაში. ასევე, სადგურები მხარს უჭერს კრიტიკული ენერგეტიკისა და სატელეკომუნიკაციო ობიექტების, ჯანდაცვის დაწესებულებების ფუნქციონირებას და თესვის სეზონსაც კი. ილონ მასკმა უკრაინას „სტარლინკის“ ინტერნეტით სარგებლობის საშუალება ომის დაწყებიდან მეოთხე დღეს მისცა. ილონ მასკის კომპანია SpaceX-ის მიერ შემუშავებული სატელიტური ინტერნეტ პროვაიდერი, Starlink დედამიწის დაბალი ორბიტის თანამგზავრებს იყენებს, რათა მაღალსიჩქარიანი ინტერნეტი მთელ მსოფლიოში უზრუნველყოს. ამ ტექნოლოგიას შეუძლია, ინტერნეტით უზრუნველყოს მისადგომად რთულ ადგილებში მცხოვრები მოსახლეობა, რომლებთანაც ვერ აღწევს ბოჭკოვანი ოპტიკური კაბელები და ფიჭური კავშირი. ეს ტექნოლოგია ასევე მნიშვნელოვანია ისეთ ვითარებებში, როცა ქარიშხალი, ან სხვა ბუნებრივი კატასტროფა კომუნიკაციაში წყვეტას იწვევს.
Starlink-ი უკრაინაში დარეგისტრირდა
Starlink-ი უკრაინაში დარეგისტრირდა. უკრაინული მედიის ცნობით, ამის შესახებ ვიცე-პრემიერმა და ციფრული ტრანსფორმაციის მინისტრმა მიხაილო ფედოროვმა განაცხადა. „Starlink Ukraine დარეგისტრირებულია უკრაინაში, როგორც SpaceX-ის წარმომადგენლობის ოფისი“, - იტყობინება ფედოროვი. როგორც ცნობილია, Starlink-ი უკრაინის ტერიტორიაზე 2022 წლის 27 თებერვალს გააქტიურდა. ილონ მასკმა უკრაინას „სტარლინკის“ ინტერნეტით სარგებლობის საშუალება ომის დაწყებიდან მეოთხე დღეს მისცა. ილონ მასკის კომპანია SpaceX-ის მიერ შემუშავებული სატელიტური ინტერნეტ პროვაიდერი, Starlink დედამიწის დაბალი ორბიტის თანამგზავრებს იყენებს, რათა მაღალსიჩქარიანი ინტერნეტი მთელ მსოფლიოში უზრუნველყოს. ამ ტექნოლოგიას შეუძლია, ინტერნეტით უზრუნველყოს მისადგომად რთულ ადგილებში მცხოვრები მოსახლეობა, რომლებთანაც ვერ აღწევს ბოჭკოვანი ოპტიკური კაბელები და ფიჭური კავშირი. ეს ტექნოლოგია ასევე მნიშვნელოვანია ისეთ ვითარებებში, როცა ქარიშხალი, ან სხვა ბუნებრივი კატასტროფა კომუნიკაციაში წყვეტას იწვევს. ამავე თემაზე Starlink-ი უკრაინაში ოფისის გახსნას გეგმავს
SpaceX-ი საქართველოში STarlink-ის თანამგზავრული სისტემებით ინტერნეტის მიწოდებას გეგმავს
SpaceX საქართველოში STarlink-ის თანამგზავრული სისტემებით ინტერნეტის მიწოდებას გეგმავს. კომუნიკაციის კომისიის ცნობით, ამ საკითხზე ორგანიზაციის წევრმა ეკატერინე იმედაძემ და კომისიის თანამშრომლებმა SpaceX-ის წარმომადგენელთან შეხვედრა გამართეს, სადაც SpaceX-ის Starlink-ის სატელიტური ინტერნეტ სერვისის საქართველოში გაშვების საკითხი განიხილეს. გაცნობით შეხვედრაზე კომისიის და მედიალაბის თანამშრომლებმა Starlink-ის წარმომადგენელთან საქართველოში, სატელეკომუნიკაციო სექტორში არსებულ მდგომარეობასა და სამომავლო ხედვაზე, ასევე ქვეყანაში ციფრული ეკონომიკის განვითარების პერსპექტივებზე ისაუბრეს. თავის მხრივ, SpaceX-ის წარმომადგენელმა კომისიის თანამშრომლებს საქართველოში SpaceX-ის სამომავლო გეგმების შესახებ მიაწოდა ინფორმაცია. შეხვედრაზე ასევე მედიალაბის მიერ გადამზადებული სტარტაპერების მიერ შექმნილი პროექტები წარადგინეს. ცნობისთვის, Starlink უზრუნველყოფს მაღალსიჩქარიან, დაბალი დაყოვნების მქონე ფართოზოლოვან ინტერნეტს მთელ მსოფლიოში, მათ შორის იმ ადგილებში, სადაც ინტერნეტ კავშირი ძვირადღირებული, დაბალი საიმედოობის, უხარისხო ან სრულიად მიუწვდომელია. SpaceX-ს დღეისათვის 2700-ზე მეტი Starlink-ის დაბალ ორბიტალური (LEO) თანამგზავრი ჰყავს გაშვებული. საქართველოს კონტექსტში Starlink განსაკუთრებით მნიშვნელოვანი და საინტერესო მაღალმთიან რეგიონებში ასევე ფართოზოლოვანი ინტერნეტ დაფარვის არმქონე დასახლებებშია. Starlink-ის დანერგვის შემდეგ ყველა ასეთ გეოგრაფიულ არეალში მაღალსიჩქარიან ინტერნეტზე წვდომა ნებისმიერი მსურველისთვის ხელმისაწვდომი იქნება, მიაჩნიათ კომუნიკაციების კომისიაში. „ძალიან საინტერესო და მნიშვნელოვანი შეხვედრა გვქონდა SpaceX-ის წარმომადგენელთან, რომელიც საქართველოში ჩამოვიდა, რათა ქართულ ტელეკომ გარემოს ადგილზე გაეცნოს. ჩვენ მას მივაწოდეთ დეტალური ინფორმაცია საქართველოში „ტელეკომის“ მიმდინარე ტენდენციებსა და სამომავლო ხედვებთან დაკავშირებით. SpaceX ამ ეტაპზე მუშაობს საქართველოს ბაზარზე მისთვის საინტერესო ნიშების შესწავლაზე და ემზადება საქართველოში Starlink ის ოპერაციების კომერციული გაშვებისთვის. აღნიშნული ფაქტი ვფიქრობ, ქვეყნისთვის და ტელეკომ სფეროსთვის ძალიან მნიშვნელოვანი მოვლენაა, ვინაიდან Starlink-ის დანერგვის შემდეგ საქართველოშიც გახდება ხელმისაწვდომი თანამგზავრული ინტერნეტი და ეს ფანჯარას გაუხსნის მომავლის ინოვაციური ციფრული სერვისების ბაზარს განვითარებისთვის“, - განაცხადა შეხვედრის შემდეგ კომუნიკაციების კომისიის წევრმა ეკატერინე იმედაძემ. Starlink არის მსოფლიოში ერთ-ერთი მოწინავე სატელიტური ფართოზოლოვანი ინტერნეტ სისტემა.
პლანეტის უმდიდრესი ადამიანის ილონ მასკის Starlink-მა საქართველოში კომპანია დააფუძნა
პლანეტის უმდიდრესი ადამიანის ილონ მასკის Starlink-მა საქართველოში კომპანია დააფუძნა. კომპანიის მიერ წარდგენილი დოკუმენტაციის განხილვას მარეგულირებელი 14 ივლისს გეგმავს. SpaceX-ი საქართველოში STarlink-ის თანამგზავრული სისტემებით ინტერნეტის მიწოდებას გეგმავს ცნობისთვის, Starlink ინტერნეტის მისაღებად არ არის საჭირო არანაირი მსხვილი ინფრასტრუქტურა. საჭიროა მხოლოდ დენის წყარო და მიმღები მომწყობილობა. შედეგად, დედამიწის ნებისმიერ წერტილშია შესაძლებელი ინტერნეტით სარგებლობა. შეგახსენებთ, რომ 29 ივნისს Starlink Holdings Netherlands-მა საქართველოში შვილობილი „სტარლინკ ჯორჯია“ დააფუძნა და ავტორიზაციის მიზნით კომუნიკაციების კომისიასაც მიმართა."SpaceX ამ ეტაპზე მუშაობს საქართველოს ბაზარზე მისთვის საინტერესო ნიშების შესწავლაზე და ემზადება საქართველოში Starlink ის ოპერაციების კომერციული გაშვებისთვის. აღნიშნული ფაქტი ვფიქრობ, ქვეყნისთვის და ტელეკომ სფეროსთვის ძალიან მნიშვნელოვანი მოვლენაა, ვინაიდან Starlink-ის დანერგვის შემდეგ საქართველოშიც გახდება ხელმისაწვდომი თანამგზავრული ინტერნეტი და ეს ფანჯარას გაუხსნის მომავლის ინოვაციური ციფრული სერვისების ბაზარს განვითარებისთვის“, - ამის შესახებ ჯერ კიდევ 21 ივნისს, SpaceX-ის წარმომადგენელთან შეხვედრის შემდეგ კომუნიკაციების კომისიის წევრმა ეკატერინე იმედაძემ განაცხადა. წყარო - Bm.ge
როდის დაიწყებს SpaceX-ი საქართველოში STarlink-ის თანამგზავრული სისტემებით ინტერნეტის მიწოდებას
„საქართველო რეგიონში პირველი ქვეყანა გახდება, რომელშიც SpaceX-ის პროექტი Starlink-ი ოპერირებას დაიწყებს, ამის შესახებ ეკონომიკისა და მდგრადი განვითარების მინისტრმა, ლევან დავითაშვილმა SpaceX-ის ბაზრებთან წვდომის რეგიონულ დირექტორთან ბენ მაკ უილიამსთან შეხვედრისას განაცხადა. ეკონომიკის სამინისტროს ცნობით, მხარეებმა საქართველოში კომპანია SpaceX-ის პროექტ Starlink-ის ამოქმედების საკითხები და სამომავლო გეგმები განიხილეს. კერძოდ, SpaceX საქართველოში Starlink-ის თანამგზავრული სისტემებით მაღალსიჩქარიან ფართოზოლოვანი ინტერნეტის მიწოდებას უზრუნველყოფს. შეხვედრის დასრულების შემდეგ, ლევან დავითაშვილმა განაცხადა, რომ Starlink-ის საქართველოში შემოსვლითა და ოპერირების დაწყებით ფაქტობრივად ახალი ეტაპი იწყება ინტერნეტიზაციის კუთხით. მისივე განცხადებით, კომპანიის საქართველოში ოპერირებისთვის ნებართვა უკვე გაცემულია. კომუნიკაციების კომისიამ ილონ მასკის Starlink-ს ავტორიზაცია მიანიჭა Starlink-ის ბიზნესოპერაციების ვიცე-პრეზიდენტის ჩად გიბის განცხადებით, კომპანია მოუთმენლად ელის 2023 წელს ქვეყნის მასშტაბით პირველადი მომსახურების მიწოდების დაწყებას. „SpaceX მიესალმება საქართველოს მთავრობის მხარდაჭერას, Starlilnk-ისთვის ავტორიზაციის მინიჭების კუთხით, რის შემდეგაც კომპანია საქართველოში ფიზიკურ პირებსა და ბიზნესს მაღალი ხარისხის თანამგზავრულ ფართოზოლოვან ინტერნეტს მიაწვდის“, - აღნიშნა Starlink-ის ბიზნესოპერაციების ვიცე-პრეზიდენტმა. მისივე განცხადებით, კომპანიის საქართველოში ოპერირებისთვის ნებართვა უკვე გაცემულია. პირველ ეტაპზე Starlink-ის ინტერნეტი საქართველოს მასშტაბით არსებულ ინოვაციებისა და ტექნოლოგიების სააგენტოს ყველა ტექნოპარკს მიეწოდება. ილონ მასკის დაარსებული კომპანია SpaceX-ის პროექტი Starlink-ი გლობალური თანამგზავრული სისტემაა, რომლის მიზანიც მაღალი სიჩქარის ინტერნეტის მიწოდებაა ნებისმიერ ადგილში, მათ შორის მიუწვდომელ და მაღალმთიან დასახლებებში. SpaceX-მა საქართველოში Starlink-ის პროექტით შემოსვლისა და საქმიანობის დაწყებით დაინტერესება გასულ წელს გამოთქვა, როცა ლოს ანჯელესში კომპანიის სათავო ოფისში საქართველოს ეკონომიკისა და მდგრადი განვითარების მინისტრის მოადგილე ირაკლი ნადარეიშვილსა და ინოვაციებისა და ტექნოლოგიების სააგენტოს თავმჯდომარე ავთანდილ კასრაძეს შეხვდნენ. საქართველო განხილულია რეგიონში ერთ-ერთ პირველ საპილოტე ქვეყნად, სადაც SpaceX-ი მოსახლეობას თანამგზავრულ ინტერნეტს მიაწვდის. „ლოს ანჯელესში გამართული შეხვედრის შემდგომ აქტიური თანამშრომლობის შედეგად, ცოტა ხნის წინ საქართველოში SpaceX-ის პროექტ Starlink-ის რეგისტრაციისა და ავტორიზაციის პროცესი დასრულდა. თანამედროვე ციფრული ტექნოლოგიების განვითარების პერიოდში განსაკუთრებით მნიშვნელოვანია უწყვეტი, მაღალი ხარისხის ინტერნეტ წვდომა. შესაბამისად, თანამგზავრული ინტერნეტი ხელს შეუწყობს ციფრული ბიზნესის განვითარებასა და საერთაშორისო IT კომპანიებისთვის მიმზიდველი გარემოს შექმნას“, - აღნიშნავენ ეკონომიკის სამინისტროში.
ილონ მასკმა, უკრაინაში Starlink-ის მიწოდების შეწყვეტაზე კომენტარი გააკეთა
ილონ მასკის კომპანია SpaceX-მა გააფრთხილა პენტაგონი, რომ შეწყვეტს Starlink-ის სატელიტური საკომუნიკაციო სისტემების მიწოდებას უკრაინაში, თუ აშშ-ის ხელისუფლება მათ დაფინანსებაში არ დაეხმარება (რომელიც წლის ბოლოსთვის $120 მილიონზე მეტი დაჯდება, ხოლო შემდეგ $400 მილიონზე მეტი). Financial Times: უკრაინელი სამხედროების ცნობით, ფრონტის ხაზზე Starlink-ის ტერმინალებზე, შეფერხებაა Kyiv Post-ის კორესპონდენტმა ჯეისონ სმარტმა Twitter-ზე დაწერა, რომ მასკმა უკრაინელებისთვის Starlink-ის სისტემების მიწოდებაზე უარი მას შემდეგ თქვა, რაც უკრაინის ელჩმა გერმანიაში, ანდრი მელნიკმა მასკი „ერთ ადგილას გაუშვა“. მასკმა სმარტს უპასუხა, რომ მისი კომპანია „მხოლოდ [მელნიკის] მის რჩევას მისდევდა". მანამდე მასკმა განაცხადა, რომ SpaceX-ის დახმარება უკრაინას „80 მილიონი დოლარი დაუჯდა და წლის ბოლომდე 100 მილიონ დოლარს გადააჭარბებს“. ილონ მასკი უკრაინელი და დასავლელი პოლიტიკოსების მხრიდან კრიტიკის ტალღღის ქვეშ მოექცა იმის გამო, რომ რამდენიმე კვირის წინ უკრაინაში ომის მშვიდობიანი გადაწყვეტის გეგმა შესთავაზა. მასკმა უკრაინას, ყირიმის რუსეთისთვის დატოვება და რუსეთის მიერ ოკუპირებულ უკრაინის ტერიტორიებზე განმეორებითი რეფერენდუმის ჩატარება შესთავაზა.
მიხაილო პოდოლიაკი: ვიპოვით გამოსავალს, რომ Starlink-ის სერვისმა უკრაინაში მუშაობა განაგრძოს
უკრაინის პრეზიდენტის ოფისის ხელმძღვანელის მრჩეველმა მიხაილო პოდოლიაკმა, კომენტარი გააკეთა SpaceX-ის ხელმძღვანელის, ილონ მასკის განცხადებებზე, რომელმაც უკრაინის ტერიტორიაზე, მათ შორის ფრონტზე მდებარე მისი Starlink სატელიტური ინტერნეტ ტერმინალების ფუნქციონირების დაფინანსებაზე უარი თქვა. ილონ მასკმა, უკრაინაში Starlink-ის მიწოდების შეწყვეტაზე კომენტარი გააკეთა „მოდით, ვიყოთ გულწრფელები. მოგვწონს ეს თუ არა, ილონ მასკი დაგვეხმარა გადავრჩეთ ომის ყველაზე კრიტიკულ მომენტებში", - წერს პოდოლიაკი Twitter-ზე. „ბიზნესს აქვს უფლება თავისი სტრატეგია ჰქონდეს. უკრაინა იპოვის გამოსავალს Starlink-ის შესანარჩუნებლად. ჩვენ ველით, რომ კომპანია უზრუნველყოფს სტაბილურ კავშირს მოლაპარაკებების დასრულებამდე", - აღნიშნა პრეზიდენტის ზელენსკის ოფისის ხელმძღვანელის მრჩეველმა. Starlink უზრუნველყოფს ინტერნეტ კომუნიკაციებს თანამგზავრის საშუალებით, რაც უკრაინის შეიარაღებულ ძალებს მნიშვნელოვან უპირატესობას ანიჭებს, როდესაც კომუნიკაციის სხვა საშუალებები დაზიანებულია ან მტრისთვის ღიაა. მანამდე ილონ მასკმა განაცახდა, რომ Starlink-ი უკრაინას ინტერნეთს უფასოდ ვეღარ მიაწვდის.
ლიეტუვამ მოკავშირეებს მოუწოდა, რომ უკრაინაში Starlink-ის მუშაობა დააფინანსონ
ლიეტუვის საგარეო საქმეთა სამინისტროს ხელმძღვანელმა, მოკავშირეებს მოუწოდა, რომ შექმნან კოალიცია, რომელიც უკრაინაში Starlink-ის მუშაობას დააფინანსებს. ილონ მასკმა, უკრაინაში Starlink-ის მიწოდების შეწყვეტაზე კომენტარი გააკეთა ამის შესახებ გაბრიელიუს ლანდსბერგისმა, შაბათს თავის Twitter-ზე დაწერა. მინისტრმა აღნიშნა, რომ უკრაინაში ინტერნეტი ძალიან მნიშვნელოვანია იმისთვის, რომ ერთი კერძო პირის ხელში დარჩეს. მიხაილო პოდოლიაკი: ვიპოვით გამოსავალს, რომ Starlink-ის სერვისმა უკრაინაში მუშაობა განაგრძოს „მოდით, ვიპოვოთ გზა უკრაინის მოკავშირეთა კოალიციის შესაქმნელად, რათა დავაფინანსოთ Starlink-ის მუშაობა, ან ალტერნატიული მიმწოდებელი ვიპოვოთ. ლიეტუვა მზადაა ამაში წვლილი შეიტანოს", - წერს ლიტვის საგარეო საქმეთა მინისტრი.
უკრაინამ პოლონეთისგან Starlink-ის კიდევ ერთი პარტია მიიღო
უკრაინამ პოლონეთიდან Starlink-ის სატელიტური საკომუნიკაციო ტერმინალების კიდევ ერთი პარტია მიიღო. ამის შესახებ პრემიერ-მინისტრმა დენის შმიგალმა განაცხადა. მისივე თქმით, ძალიან მნიშვნელოვანია, რომ უკრაინელები იყვნენ კონტაქტში საყვარელ ადამიანებთან. „მინდა, მადლობა გადავუხადო მოძმე პოლონელ ხალხს, პოლონეთის მთავრობას და პრემიერ-მინისტრ მატეუშ მორავეცკის კრიზისის დროს სწრაფი დახმარებისთვის. ეს Starlinks-ის მესამე პარტიაა, რომელსაც უკრაინა პოლონეთიდან იღებს. ეს არის ძირითადი პარტიის პირველი ნაწილი, რომელსაც იანვრის ბოლომდე მივიღებთ“, - განაცხადა შმიგალმა.
STarlink-ის მაღალსიჩქარიანი ინტერნეტი საქართველოში უკვე ხელმისაწვდომია
SpaceX-ი საქართველოში STarlink-ის თანამგზავრული სისტემებით ინტერნეტის მიწოდებას იწყებს. შესაბამისი პოსტს ილონ მასკი X-ზე აქვეყნებს. კომუნიკაციების კომისიამ ილონ მასკის Starlink-ს ავტორიზაცია გასული წლის ივლისში მიანიჭა „SpaceX“-ის წარმომადგენელი კომუნიკაციების კომისიასაც სტუმრობდა, სადაც კომუნიკაციების კომისიის თანამშრომლებთან ერთად SpaceX-ის Starlink-ის სატელიტური ინტერნეტ სერვისის საქართველოში გაშვების საკითხი განიხილეს. პლანეტის უმდიდრესი ადამიანის ილონ მასკის Starlink-მა საქართველოში კომპანია დააფუძნა Starlink მსოფლიოში ერთ-ერთი მოწინავე სატელიტური ფართოზოლოვანი ინტერნეტ სისტემაა, რომელიც უზრუნველყოფს მაღალსიჩქარიან, დაბალი დაყოვნების მქონე ფართოზოლოვან ინტერნეტს მთელს მსოფლიოში, მათ შორის იმ ადგილებში, სადაც ინტერნეტ კავშირი დაბალი საიმედოობის, უხარისხო ან სრულიად მიუწვდომელია. SpaceX-ს დღეისათვის 2700-ზე მეტი Starlink-ის დაბალ ორბიტალური (LEO) თანამგზავრი ჰყავს გაშვებული. Starlink განსაკუთრებით მნიშვნელოვანი და საინტერესო მაღალმთიან რეგიონებში ასევე ფართოზოლოვანი ინტერნეტ დაფარვის არმქონე დასახლებებშია. Starlink-ის დანერგვის შემდეგ ყველა ასეთ გეოგრაფიულ არეალში მაღალსიჩქარიან ინტერნეტზე წვდომა ნებისმიერი მსურველისთვის ხელმისაწვდომი იქნება. როდის დაიწყებს SpaceX-ი საქართველოში STarlink-ის თანამგზავრული სისტემებით ინტერნეტის მიწოდებას
უკრაინის დაზვერვა ადასტურებს, რომ რუსეთი ფრონტის ხაზზე Starlink-ის სატელიტურ სისტემებს იყენებს
უკრაინის თავდაცვის სამინისტროს მთავარმა სადაზვერვო სამმართველომ დაადასტურა, რომ რუსი ოკუპანტები სულ უფრო ხშირად იყენებენ Starlink-ის სატელიტურ სისტემებს ბრძოლის ველზე. უკრაინული მედიის ცნობით, ამის შესახებ სადაზვერვო სააგენტოს ვებგვერდზე გამოქვეყნებულ განცხადებაშია ნათქვამი. დაზვერვის თანახმად, ოკუპანტების საუბრის ჩანაწერები აჩვენებს, რომ ინტერნეტთან წვდომის დასამყარებლად Starlink-ის ტერმინალები დამონტაჟდა რუსეთის შეიარაღებული ძალების 83-ე საჰაერო თავდასხმის ბრიგადის დანაყოფებში, რომლებიც დონეცკის ოლქში, კლიშჩიივკისა და ანდრიივკის მახლობლად მოქმედებენ. უკრაინის დაზვერვის სპიკერმა ანდრი იუსოვმა განაცხადა, რომ ომში რუსული ძალების მიერ Starlink-ის ტერმინალების გამოყენების ფარგლები იზრდება. „იყო შემთხვევები, როდესაც რუსი დამპყრობლები იყენებდნენ ასეთ მოწყობილობებს და ეს უკვე სისტემურად ხდება,“ - განაცხადა იუსოვმა. Starlink-ის ტერმინალები კრიტიკულად მნიშვნელოვანი აღმოჩნდა უკრაინელი სამხედროებისთვის. მაღალსიჩქარიანი ინტერნეტი მათ საშუალებას აძლევს, ეფექტიანად შეასრულონ ისეთი ამოცანები, როგორიცაა, დრონის შეტევის კოორდინაცია და დაზვერვის მონაცემების შეგროვება
ილონ მასკი: მიუხედავად იმისა, რომ პუტინმა მე ჭკვიანი კაცი მიწოდა, მას Starlink-ის ტერმინალებს არ გადავცემ
ილონ მასკი რუსეთისთვის თანამგზავრული ინტერნეტის აპარატურის მიწოდების შესახებ ინფორმაციას უარყოფს. ამერიკელმა მილიარდერმა ამის შესახებ X-ზე დაწერა. ინფორმაციას Deutche Welle ავრცელებს. მასკმა გავრცელებულ ცნობას „ყალბი“ უწოდა. „ყალბია ინფორმაცია იმის შესახებ, რომ SpaceX რუსეთისთვის Starlink-ის ტერმინალებს ყიდის. ეს კატეგორიულად მცდარი ინფორმაციაა. როგორც ჩემთვის არის ცნობილი, რუსეთისთვის არცერთი Starlink არც პირდაპირი, არც ირიბი გზით მიწოდებული არ ყოფილა,“ წერს მასკი და კომენტარებში ამატებს: მიუხედავად იმისა, რომ პუტინმა მე ჭკვიანი კაცი მიწოდა, მე მას Starlink-ის ტერმინალებს არ მივცემ.“ ამასთან, ილონ მასკმა პირდაპირ არ უპასუხა შეკითხვას, შეუძლია თუ არა რუსეთს Starlink-ის ტერმინალების გამოყენება, თუ ის შუამავლის მეშვეობით არის შეძენილი. უკრაინის დაზვერვა ადასტურებს, რომ რუსეთი ფრონტის ხაზზე Starlink-ის სატელიტურ სისტემებს იყენებს
რუსეთი Starlink-ის ტერმინალებს მესამე ქვეყნების მეშვეობით იღებს - უკრაინის დაზვერვა
რუსული ძალები მესამე ქვეყნებიდან უკანონოდ მოიპოვებენ Starlink-ის სატელიტურ ტერმინალებს და აძლიერებენ მათ გამოყენებას უკრაინის ფრონტის ხაზზე. უკრაინული მედიის ცნობით, ამის შესახებ უკრაინის სამხედრო სადაზვერვო სააგენტოს პრესსპიკერმა ანდრი იუსოვმა Reuters-ს განუცხადა. ცდილობს თუ არა უკრაინა რუსეთის მიერ ტერმინალების გამოყენების შეჩერებას, იუსოვმა უპასუხა: „დიახ, სამუშაო მიმდინარეობს.“ Starlink ამბობს, რომ ის რაიმე სახის ბიზნესს რუსეთის მთავრობასთან ან სამხედროებთან არ ეწევა. Rheinmetall გაზრდის საბრძოლო მასალის წარმოებას, მათ შორის, უკრაინისთვის
