თეგი: ყირიმის პლატფორმა
ლიხტენშტაინი უკრაინის მიერ ინიცირებულ „ყირიმის პლატფორმას“ შეუერთდა
ლიხტენშტაინის სამთავრო უკრაინის მიერ ინიცირებულ „ყირიმის პლატფორმას“ შეუერთდა, ამის შესახებუკრაინის საგარეო საქმეთა მინისტრმა დიმიტრო კულებამ განაცხადა. მინისტრმა აღნიშნა, რომ ლიხტენშტაინი არ მონაწილეობდა ყირიმის პლატფორმის საინაუგურაციო სამიტში, მაგრამ დღეს ის შეუერთდა უკრაინის ძალისხმევას, დაიბრუნოს ყირიმი. „ჩემმა კოლეგამ ლიხტენშტაინიდან მითხრა ძალიან კარგი ამბავი - მან დღეს ოფიციალურად დაადასტურა შეხვედრაზე, რომ ლიხტენშტაინი უერთდება ყირიმის პლატფორმას", - განაცხადა კულებამ უკრაინული მედიის ცნობით. ყირიმის პლატფორმა უკრაინისა და მისი პრეზიდენტის ვოლოდიმერ ზელენსკის დიპლომატიური ინიციატივაა. პლატფორმის პირველი სამიტი 2021 წლის 23 აგვისტოს, უკრაინის დამოუკიდებლობიდან 30-ე წლისთავზე შედგა. „ყირიმის პლატფორმა“ ახალი საკონსულტაციო და საკოორდინაციო ფორმატია, რათა გაზარდოს ყირიმის ოკუპაციაზე საერთაშორისო რეაგირების ეფექტიანობა; გაზარდოს უსაფრთხოების გამოწვევაზე რეაგირების ეფექტიანობა; გაზარდოს საერთაშორისო ზეწოლა რუსეთზე, დაიცვას საოკუპაციო რეჟიმის მსხვერპლნი და მიაღწიოს მთავარ მიზანს: ყირიმის დეოკუპაციას და ნახევარკუნძულზე უკრაინის სუვერენიტეტის აღდგენას. პლატფორმა ფუნქციონირებს სახელმწიფოს და მთავრობის მეთაურების, საგარეო საქმეთა მინისტრების, საპარლამენტო თანამშრომლობისა და ექსპერტთა ქსელის დონეებზე.
ყირიმის პლატფორმის სამიტი ონლაინ ფორმატში გაიმართება
ყირიმის პლატფორმის სამიტის მონაწილეები, რომლებიც 23 აგვისტოს ონლაინ შეიკრიბებიან, აზოვის ზღვის, ასევე, შავი ზღვების უსაფრთხოების საკითხებს განიხილავენ. განსახილველ საკითხებს შორისაა რუსეთის ფედერაციის წინააღმდეგ სანქციები და ნახევარკუნძულის უკანონო ანექსია. ამის შესახებ უკრაინის პრეზიდენტის წარმომადგენელი თამილა ტაშევა აცხადებს. მისივე თქმით, ცალკე ყურადღება დაეთმობა ადამიანის უფლებებს. ყირიმის პლატფორმის საპარლამენტო სამიტი ხორვატიის დედაქალაქ ზაგრებში გაიმართება. მანამდე პრეზიდენტის აპარატის უფროსის მოადგილემ იჰორ ჟოვკვამ განაცხადა, რომ სამიტს უკვე შეუერთდა 48 სახელმწიფოს წარმომადგენელი. საგარეო საქმეთა სამინისტროს განცხადებით, ათობით ქვეყანამ და საერთაშორისო ორგანიზაციამ უკვე დაადასტურა ღონისძიებაში მონაწილეობა უმაღლეს და მაღალ დონეზე. „ეს არის ნათელი სიგნალი იმისა, რომ რუსეთის უპრეცედენტო აგრესიის ფონზე უკრაინის მხარდაჭერა შენარჩუნებულია და ძლიერდება“, - განაცხადა მინისტრის მოადგილემ.
„ყირიმის პლატფორმის“ სამიტში 60-მდე ქვეყანა და საერთაშორისო ორგანიზაცია მიიღებს მონაწილეობას
23 აგვისტოს ყირიმის საერთაშორისო პლატფორმის მეორე სამიტში 60-მდე ქვეყანა და საერთაშორისო ორგანიზაცია მიიღებს მონაწილეობას, მათ შორის, 40-მდე, პრეზიდენტებისა და პრემიერ-მინისტრების დონეზე, განაცხადა უკრაინის საგარეო საქმეთა მინისტრმა დმიტრო კულებამ. მისი თქმით, ყირიმის პლატფორმა ნამდვილად გლობალური გახდება 2022 წელს. მისი გეოგრაფია გაფართოვდება, კერძოდ, აფრიკის კონტინენტისა და ატლანტის მეორე მხარის ქვეყნების გამო. კულებას მიაჩნია, რომ ყირიმის პლატფორმის სამიტი განსაკუთრებით აქტუალურია ახლა, ფართომასშტაბიანი ომის ფონზე. უკრაინის საგარეო საქმეთა სამინისტროს ხელმძღვანელმა განაცხადა, რომ ყირიმის დაბრუნება პრეზიდენტის ვოლოდიმირ ზელენსკის დიპლომატიური გუნდის ერთ-ერთი მთავარი პრინციპია. „ეს არის ამოცანა, რომელსაც ჩვენ არასოდეს დავივიწყებთ. სამართლიანობა აღდგება და ყირიმი იყო, არის და იქნება უკრაინა", - განაცხადა კულებამ. მისივე თქმით, უკრაინის კონტროლის ქვეშ ყირიმის დაბრუნება უზრუნველყოფს მთელი შავი ზღვის რეგიონის, ევროპისა და მსოფლიოს უსაფრთხოებას. „მთელი მსოფლიო უკრაინის მხარესაა ყირიმის დაბრუნების საკითხში“, - აღნიშნა კულებამ და დაამატა, რომ ხსენებულ ფაქტს სამიტის მონაწილეთა რაოდენობის მესამედზე მეტით ზრდა ადასტურებს. NATO-ს გენერალური მდივანი, იენს სტოლტენბერგი 23 აგვისტოს, „ყირიმის პლატფორმის“ სამიტს დაესწრება. ალიანსის პრესსამსახურის ცნობით, „2022 წლის 23 აგვისტოს NATO-ს გენერალური მდივანი, იენს სტოლტენბერგი მონაწილეობას „ყირიმის პლატფორმის“ მეორე სამიტში ონლაინ რეჟიმში მიიღებს მონაწილეობას. ყირიმის პლატფორმის სამიტი ონლაინ ფორმატში გაიმართება ყირიმის პლატფორმის სამიტის მონაწილეები, რომლებიც 23 აგვისტოს ონლაინ შეიკრიბებიან, აზოვის ზღვის, ასევე, შავი ზღვების უსაფრთხოების საკითხებს განიხილავენ. განსახილველ საკითხებს შორისაა რუსეთის ფედერაციის წინააღმდეგ სანქციები და ნახევარკუნძულის უკანონო ანექსია.
სალომე ზურაბიშვილი ყირიმის პლატფორმის სამიტზე: ყირიმი უკრაინაა
„ყირიმი უკრაინაა“, - მიმართა საქართველოს პრეზიდენტმა სალომე ზურაბიშვილმა ყირიმის პლატფორმის სამიტზე შეკრებილებს. მისივე თქმით, რუსეთის აგრესია უკრაინაში გასულ თებერვალს არ დაწყებულა. „თქვენი ბრძოლა უკვე გამარჯვებაა“, - მიმართა პრეზიდენტმა სამიტის მონაწილეებს. სალომე ზურაბიშვილმა იმედი გამოთქვა, რომ ეს ანაქრონისტული ომი მალე დასრულდება და უკრაინა, რომელიც ისტორიის სწორ მხარეს დგას, გამარჯვებული გამოვა. „21-ე საუკუნეში ოკუპაციის ადგილი არ არის“, - აღნიშნა სალომე ზურაბიშვილმა, რომელმაც 5 წუთიანი გამოსვლა დაასრულა შემდეგი ფრაზით - „სლავა უკრაინა“. სრული ტექსტი ჩვენ აქ უკვე მეორედ ვართ გაერთიანებული ყირიმის პლატფორმისთვის. გასულ წელს საქართველოს პრემიერ-მინისტრი წარმოადგენდა. დღეს, ჩემთვის დიდი პატივია, სამიტზე წარმოვადგენდე საქართველოს და მის ხალხს. აუცილებელია, ერთად ვიდგეთ იმ ფასეულობების დასაცავად, რომლებიც გვაერთიანებს და რომელიც დარწმუნებული ვარ, რომ ჩამოაყალიბებს ჩვენს საერთო მომავალს. ვამაყობ, რომ საქართველოს სახელით ვუერთდები ყირიმის პლატფორმის დეკლარაციას და ამით კიდევ ერთხელ ვადასტურებ ჩვენს მხარდაჭერას თქვენი ტერიტორიული მთლიანობის, სუვერენიტეტისა და თქვენი დეოკუპაციის სტრატეგიისადმი. ყირიმი უკრაინაა! ამ ღონისძიებაში მონაწილეობისას, დღეს, ძალიან კარგად გვახსოვს, რომ ხვალ უკრაინა დამოუკიდებლობის დღესა და რუსეთის აგრესიისადმი მისი ვაჟკაცური წინააღმდეგობის ექვს თვეს აღნიშნავს. ეს თარიღები უბრალოდ დამთხვევა არაა. ჩვენ ყველამ ვიცით, რომ რუსული აგრესია უკრაინაში გასული წლის თებერვალში არ დაწყებულა და ყირიმი მართლაც იყო საწყისი გამოწვევა. ეს ძალიან კარგად გვახსენებს, იმას, რომ მშვიდობისა და უსაფრთხოების უპასუხო გამოწვევები, ქვეყნის ტერიტორიული მთლიანობისადმი უპასუხო აგრესია, მხოლოდ მეტ აგრესიას და მეტ არასტაბილურობას იწვევს. საქართველოსთვის უკრაინაში განვითარებული მოვლენები, სამწუხაროდ, კარგადაა ცნობილი და ხელახლა გაიხსნა მრავალი ჭრილობა, რადგან, კრემლის აგრესია მისი მშვიდობიანი მეზობლების წინააღმდეგ იმ მაგალითს მიჰყვება, რომელიც საქართველომ 1921, 1992 და 2008 წლებში განიცადა. აქედან გამომდინარე, ჩვენ ძალიან კარგად ვიცით, რას ნიშნავს ჩვენს ტერიტორიაზე შემოჭრა და ოკუპაცია. ჩვენ ძალიან კარგად გვესმის, რა ფასი გადაიხადეს და იხდიან თქვენი ჯარისკაცები და მთლიანად თქვენი მოსახლეობა. მინდა ქართველი ხალხის სახელით, კიდევ ერთხელ დავადასტურო აღფრთოვანება თქვენი ვაჟკაცური ბრძოლისადმი და გამოვთქვა ჩვენი მტკიცე რწმენა, რომ ეს ბრძოლა გამარჯვებით დასრულდება! თქვენი ბრძოლა უკვე მოგებულია, რადგან ის დაუპირისპირდა რუსეთის უძლეველობასა და დაუსჯელობის გრძნობას. თქვენი ბრძოლა უკვე მოგებულია, რადგან მან გამოიწვია საერთაშორისო საზოგადოების უპრეცედენტო პასუხი - ძლიერი და ერთიანი პასუხი, რომელიც არ იყო გათვალისწინებული პრეზიდენტ პუტინის მიერ, ისეთი ტიპის პასუხი, რომელიც არ გვინახავს 2014 წელს ყირიმის ანექსიისას, ან 2008 წლის აგვისტოში. დღევანდელი პასუხი ის პასუხია, რომელიც შეცვლის მომავალს! ეს იმის მტკიცებულებაა, რომ უკრაინის ომი, ყირიმის ოკუპაცია და დღევანდელი თავდასხმები ოდესაზე, მნიშვნელოვან საფრთხეს უქმნის შავი ზღვის უსაფრთხოებას, და შესაბამისად, გლობალურ უსაფრთხოებას. მსოფლიო მარცვლეულის ექსპორტის შეჩერებით გამოწვეული საკვების დეფიციტის უპრეცედენტო რისკის წინაშე დგას. (ეს) ჩვენ კიდევ ერთხელ შეგვახსენებს ძალიან ელემენტარულ პრინციპს, რომ მშვიდობისა და უსაფრთხოების გაყოფა არ შეიძლება. ჩვენ ყველანი ერთ ნავში ვართ! ამ რთულ დროს უკრაინელი ხალხი კიდევ უფრო გაერთიანდა თავისი ევროპული მისწრაფებების გარშემო. მინდა მთელი გულით მივულოცო უკრაინას კანდიდატის სტატუსის მიღება და გამოვთქვა ჩემი რწმენა, რომ საქართველო მალე შეუერთდება ჩვენს ორ პარტნიორს - უკრაინასა და მოლდოვას ამ საერთო გზაზე. მტკიცედ ვარ დარწმუნებული, რომ ეს ანაქრონისტული ომი მალე დასრულდება და ისტორიის სწორ მხარეს მდგომი უკრაინა გამარჯვებული გამოვა. ოკუპაციის ადგილი 21-ე საუკუნეში არ არის! ძვირფასო პრეზიდენტო ზელენსკი, დარწმუნებული ვარ, რომ ჩვენ მოწმენი ვიქნებით, რომ ჩვენი ერები დაიბრუნებენ ერთიანობას, ტერიტორიულ მთლიანობასა და კეთილდღეობას მშვიდობიან და უსაფრთხო ევროპაში. გილოცავთ დამოუკიდებლობის დღეს, Slava Ukraini! ,,ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და მისი უკრაინისთვის დაბრუნებას.
სტოლტენბერგი ყირიმის პლატფორმის სამიტზე: საბჭოთა აღჭურვილობიდან NATO-ს სტანდარტებზე გადასვლაში დაგეხმარებით
NATO-ს გენერალურმა მდივანმა იენს სტოლტენბერგმა ყირიმის პლატფორმის სამიტზე განაცხადა, რომ მოკავშირეებმა უპრეცედენტო სამხედრო, ფინანსური და ჰუმანიტარული დახმარება გაუწიეს უკრაინას. გენერალურმა მდივანმა გაიხსენა, რომ ალიანსმა მნიშვნელოვნად გააძლიერა მხარდაჭერა ყირიმის უკანონო ანექსიის შემდეგ. „ივნისში, მადრიდის სამიტზე, NATO-ს ლიდერები შეთანხმდნენ დახმარების გაძლიერებულ პაკეტზე. ჩვენ უკრაინასთან გრძელვადიან პერსპექტივაში პარტნიორობის ერთგულნი ვართ“, - აღნიშნა სტოლტენბერგმა. „ჩვენ დავეხმარებით უკრაინას საბჭოთა აღჭურვილობიდან NATO-ს სტანდარტებზე გადასვლაში, გავაგრძელებთ თავდაცვისა და უსაფრთხოების სექტორის რეფორმას და დაგეხმარებით ომის შემდგომი რეკონსტრუქციის გზაზე“, - დაამატა ალიანს გენმდივანმა. ამავდროულად, გენერალურმა მდივანმა აღნიშნა, რომ NATO-მ გააძლიერა ყოფნა ალიანსის აღმოსავლეთში, „რადგან ალიანსის უსაფრთხოების გარანტიები მოსკოვში არასწორი გათვლების ადგილს არ ტოვებს და ისინი მოკავშირეებს საშუალებას აძლევს, მხარი დაუჭირონ უკრაინის თავდაცვის უფლებას“. NATO გააგრძელებს უკრაინის გვერდით დგომას. „ეს არის ნებისყოფის და ლოგისტიკის ომი. ამიტომ, ჩვენ უნდა შევინარჩუნოთ ჩვენი მხარდაჭერა უკრაინის მიმართ გრძელვადიან პერსპექტივაში, რათა უკრაინამ გაიმარჯვოს, როგორც სუვერენულმა დამოუკიდებელმა სახელმწიფომ“, - აღნიშნა სტოლტენბერგმა. ,,ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და მისი უკრაინისთვის დაბრუნებას.
ერდოღანის თქმით, თურქეთი მხარს უჭერს სამართლიან მშვიდობას, რომელიც დაფუძნებულია უკრაინის ტერიტორიულ მთლიანობასა და სუვერენიტეტზე
თურქეთი არ აღიარებს ყირიმის ანექსიას და ამ ნაბიჯს უკანონოდ მიიჩნევს, თურქეთის ლიდერმა ყირიმის პლატფორმის სამიტის მონაწილეებს ონლაინ რეჟიმში მიმართა. ერდოღანის თქმით, თურქეთი მხარს უჭერს სამართლიან მშვიდობას, რომელიც დაფუძნებულია უკრაინის ტერიტორიულ მთლიანობასა და სუვერენიტეტზე. მისი თქმით, ანკარა დიდ ძალისხმევას დებს დიპლომატიური არხების ეფექტურობის უზრუნველსაყოფად, რისი გამოვლინებაც იყო თურქეთის, რუსეთისა და უკრაინის საგარეო საქმეთა მინისტრების სამმხრივი შეხვედრა ანტალიაში, ასევე - რუსეთისა და უკრაინის დელეგაციების შეხვედრა. თურქეთის პრეზიდენტმა ასევე მნიშვნელოვანი და კონკრეტული წარმატება უწოდა უკრაინის პორტებიდან მარცვლეულის ექსპორტის შესახებ შეთანხმებას. „18 აგვისტოს, ლვოვში ჩვენი ვიზიტისას, ჩვენ კიდევ ერთხელ დავადასტურეთ თურქეთის პოზიცია. თუმცა იმპულსის შენარჩუნება და მისი გრძელვადიან შედეგებად გადაქცევა, დიდწილად თავად მხარეების მშვიდობიან ნაბიჯებზეა დამოკიდებული. თურქეთი მოწოდებულია, გადადგას ნაბიჯები უკრაინაში მშვიდობის დასამყარებლად“, - ხაზგასმით აღნიშნა ერდოღანმა.
ევროკომისიის პრეზიდენტი ყირიმის პლატფორმის სამიტზე: ჩვენი სანქციები მნიშვნელოვნად არყევს პუტინის ომის მანქანას
ევროკომისიის პრეზიდენტმა, ურსულა ფონ დერ ლაიენმა „ყირიმის პლატფორმის“ მეორე სამიტზე განაცხადა, რომ ევროკავშირი არასოდეს აღიარებს რუსეთის მიერ ყირიმისა და სევასტოპოლის უკანონო ანექსიას. კოლეგების მსგავსად ფონ დერ ლაიენმაც დაადასტურა, რომ ევროკავშირი გააგრძელებს უკრაინის გვერდით დგომას იმდენ ხანს, რამდენ ხანსაც ეს საჭირო იქნება. „ევროკავშირი დაუღალავად მუშაობს უკრაინის ხელისუფლების წარმომადგენლებსა და ჩვენს პარტნიორებთან ერთად ამ დარღვევების გამოსააშკარავებლად, იმისთვის, რომ დამნაშავეებმა პასუხი აგონ და იმისთვის, რომ მხარდაჭერა აღმოვუჩინოთ მსხვერპლებს. ღრმად შეშფოთებული ვართ ყირიმის ნახევარკუნძულზე ადამიანის უფლებების დარღვევით, ადამიანების გაუჩინარებით, წამებით, მკვლელობებით, ყირიმელი თათრების სიკვდილით დასჯით, ჟურნალისტების, ადამიანის უფლებების დამცველებისა და ადვოკატების დაშინებით. ეს არის პუტინის ოკუპაციის ბნელი რეალობა. ჩვენ თქვენთან ვართ. ჩვენი სანქციები მნიშვნელოვნად არყევს პუტინის ომის მანქანასა და რუსეთის ეკონომიკას“, - აღნიშნა ლაიენმა. ,ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და მისი უკრაინისთვის დაბრუნებას.
შოლცი ყირიმის პლატფორმის სამიტზე: გავაგრძელებთ კიევისთვის იარაღის მიწოდებას
ჩვენი გზავნილი ნათელია: არასდროს ვაღიარებთ ყალბ რეფერენდუმს უკრაინის ტერიტორიაზე გერმანიის კანცლერმა, ოლაფ შოლცმა „ყირიმის პლატფორმის“ მეორე სამიტზე განაცხადა, რომ უკრაინის პარტნიორები ისეთი ერთიანი არიან, როგორც არასდროს, რასაც სწორედ დღევანდელი სამიტი ადასტურებს. მისი თქმით, რუსეთის არაპროვოცირებულ და გაუმართლებელ აგრესიულ ომს მტკიცედ დაუპირისპირდა უკრაინელი ხალხი და მათი მდგრადობა და მამაცობა აღტაცებას იწვევს მთელ მსოფლიოში. მინდა გითხრათ, რომ გერმანია იდგება უკრაინის გვერდით იმდენხანს, რამდენ ხანსაც საჭირო იქნება ჩვენი მხარდაჭერა. ჩვენ, ჩვენს პარტნიორებთან ერთად, დავიცავთ უპრეცედენტო სანქციებს, მხარს დავუჭერთ უკრაინას ფინანსურად, გავაგრძელებთ იარაღის მიწოდებას. ვამზადებთ დახმარების ახალ პაკეტს, მათ შორის, თანამედროვე საჰაერო თავდაცვის სისტემებს, სარაკეტო გამშვებებსა და ტონობით საბრძოლო მასალას და დრონების საწინააღმდეგო მოწყობილობებს“, - აღნიშნა ოლაფ შოლცმა. ,,ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და მისი უკრაინისთვის დაბრუნებას.
ბლინკენმა საერთაშორისო საზოგადოებას მოუწოდა, განაგრძოს ზეწოლა პუტინსა და მის ხელშემწყობებზე, ვიდრე რუსეთის ჯარი უკრაინას არ დატოვებს
ყირიმის პლატფორმის სამიტზე სიტყვით გამოსვლისას, აშშ-ის სახელმწიფო მდივანმა საერთაშორისო საზოგადოებას მოუწოდა, განაგრძოს ხარჯების დაკისრება და ზეწოლა პრეზიდენტ პუტინსა და მის ხელშემწყობებზე, ვიდრე რუსული ჯარი მთლიანად არ დატოვებს უკრაინას. „ყირიმი უკრაინაა. ეს იყო ჩვენი პოზიცია 2014 წელს და ასე რჩება 2022 წელსაც“, - აღნიშნა ბლინკენმა. ბლინკენის განცხადებით, უკრაინის დამოუკიდებლობისადმი პატივისცემა ყირიმის პლატფორმის მთავარი საფუძველია. მისივე თქმით, არცერთ ქვეყანას არ აქვს უფლება, დაარღვიოს სხვა სახელმწიფოს საზღვრები. ,ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და მისი უკრაინისთვის დაბრუნებას.
უკრაინის პარტნიორების გზავნილები ყირიმის პლატფორმის სამიტზე
ჩვენი გზავნილი ნათელია: არასდროს ვაღიარებთ ყალბ რეფერენდუმს უკრაინის ტერიტორიაზე ყირიმის პლატფორმის სამიტზე სიტყვით გამომსვლელთა რიგებს დღის ბოლოს, ვიდეომიმართვით შეუერთდა აშშ-ის სახელმწიფო მდივანი. ენტონი ბლინკენმა საერთაშორისო საზოგადოებას მოუწოდა, განაგრძოს ხარჯების დაკისრება და ზეწოლა პრეზიდენტ პუტინსა და მის ხელშემწყობებზე, ვიდრე რუსული ჯარი მთლიანად არ დატოვებს უკრაინას. „ყირიმი უკრაინაა. ეს იყო ჩვენი პოზიცია 2014 წელს და ასე რჩება 2022 წელსაც“, - აღნიშნა ბლინკენმა. ბლინკენის განცხადებით, უკრაინის დამოუკიდებლობისადმი პატივისცემა ყირიმის პლატფორმის მთავარი საფუძველია. მისივე თქმით, არცერთ ქვეყანას არ აქვს უფლება, დაარღვიოს სხვა სახელმწიფოს საზღვრები. გერმანიის კანცლერმა, ოლაფ შოლცმა „ყირიმის პლატფორმის“ მეორე სამიტზე განაცხადა, რომ უკრაინის პარტნიორები ისეთი ერთიანი არიან, როგორც არასდროს, რასაც სწორედ დღევანდელი სამიტი ადასტურებს. მისი თქმით, რუსეთის არაპროვოცირებულ და გაუმართლებელ აგრესიულ ომს მტკიცედ დაუპირისპირდა უკრაინელი ხალხი და მათი მდგრადობა და მამაცობა აღტაცებას იწვევს მთელ მსოფლიოში. მინდა გითხრათ, რომ გერმანია იდგება უკრაინის გვერდით იმდენხანს, რამდენ ხანსაც საჭირო იქნება ჩვენი მხარდაჭერა. ჩვენ, ჩვენს პარტნიორებთან ერთად, დავიცავთ უპრეცედენტო სანქციებს, მხარს დავუჭერთ უკრაინას ფინანსურად, გავაგრძელებთ იარაღის მიწოდებას. ვამზადებთ დახმარების ახალ პაკეტს, მათ შორის, თანამედროვე საჰაერო თავდაცვის სისტემებს, სარაკეტო გამშვებებსა და ტონობით საბრძოლო მასალას და დრონების საწინააღმდეგო მოწყობილობებს“, - აღნიშნა ოლაფ შოლცმა. ევროკომისიის პრეზიდენტმა, ურსულა ფონ დერ ლაიენმა „ყირიმის პლატფორმის“ მეორე სამიტზე განაცხადა, რომ ევროკავშირი არასოდეს აღიარებს რუსეთის მიერ ყირიმისა და სევასტოპოლის უკანონო ანექსიას. კოლეგების მსგავსად ფონ დერ ლაიენმაც დაადასტურა, რომ ევროკავშირი გააგრძელებს უკრაინის გვერდით დგომას იმდენ ხანს, რამდენ ხანსაც ეს საჭირო იქნება. „ევროკავშირი დაუღალავად მუშაობს უკრაინის ხელისუფლების წარმომადგენლებსა და ჩვენს პარტნიორებთან ერთად ამ დარღვევების გამოსააშკარავებლად, იმისთვის, რომ დამნაშავეებმა პასუხი აგონ და იმისთვის, რომ მხარდაჭერა აღმოვუჩინოთ მსხვერპლებს. ღრმად შეშფოთებული ვართ ყირიმის ნახევარკუნძულზე ადამიანის უფლებების დარღვევით, ადამიანების გაუჩინარებით, წამებით, მკვლელობებით, ყირიმელი თათრების სიკვდილით დასჯით, ჟურნალისტების, ადამიანის უფლებების დამცველებისა და ადვოკატების დაშინებით. ეს არის პუტინის ოკუპაციის ბნელი რეალობა. ჩვენ თქვენთან ვართ. ჩვენი სანქციები მნიშვნელოვნად არყევს პუტინის ომის მანქანასა და რუსეთის ეკონომიკას“, - აღნიშნა ლაიენმა. ევროპული საბჭოს პრეზიდენტმა შარლ მიშელმა „ყირიმის პლატფორმის“ მეორე სამიტზე განაცხადა, რომ ევროკავშირი არ აღიარებს ყირიმის უკანონო ანექსიას. მიშელის თქმით, რუსეთის აგრესია არ დაწყებულა 24 თებერვალს, არამედ, ის დაიწყო 2014, წელს ყირიმის უკანონო ანექსიით. შარლ მიშელმა დაგმო რუსეთის მიერ ზაპოროჟიის ატომური სადგურის მრავალჯერადი დაბომბვა და დაამატა, რომ მოსკოვის ნაბიჯების ატომური კატასტროფის რისკებს აჩენს. „თებერვლიდან მოყოლებული, რუსეთი იყენებს ყირიმს სტრატეგიულ წერტილად უკრაინაზე თავდასხმებისთვის. ის ასევე იყენებს ყირიმს უკრაინის მოქალაქეების დეპორტაციისთვის სამარცხვინო ფილტრაციის ბანაკების მიმართულებით, სადაც წამების შემთხვევების შესახებ არსებობს ინფორმაცია. ყირიმი ასევე გახდა უკრაინის მიწებიდან მოპარული საქონლის სატრანსპორტო ჰაბი. რუსეთის ყირიმში ყოფნამ გამოიწვია უკრაინის პორტების ბლოკადა, რომელმაც მძიმე შედეგები მოუტანა უკრაინის ეკონომიკას და მსოფლიოს მასშტაბით საკვების უსაფრთხოების კრიზისი გამოიწვია. პირდაპირები ვიყოთ, კრემლის მხრიდან ეს ცინიკური ნაბიჯია, იარაღად გამოიყენოს შიმშილი და უკრაინის მიმართ საერთაშორისო მხარდაჭერა შეასუსტოს. ამიტომ, მივესალმებით სტამბოლში ახლახან ხელმოწერილ შეთანხმებას და უკრაინის შავი ზღვის პორტებიდან პირველი გემების დაძვრას“, - განაცხადა შარლ მიშელმა. თურქეთი არ აღიარებს ყირიმის ანექსიას და ამ ნაბიჯს უკანონოდ მიიჩნევს, თურქეთის ლიდერმა ყირიმის პლატფორმის სამიტის მონაწილეებს ონლაინ რეჟიმში მიმართა. ერდოღანის თქმით, თურქეთი მხარს უჭერს სამართლიან მშვიდობას, რომელიც დაფუძნებულია უკრაინის ტერიტორიულ მთლიანობასა და სუვერენიტეტზე. მისი თქმით, ანკარა დიდ ძალისხმევას დებს დიპლომატიური არხების ეფექტურობის უზრუნველსაყოფად, რისი გამოვლინებაც იყო თურქეთის, რუსეთისა და უკრაინის საგარეო საქმეთა მინისტრების სამმხრივი შეხვედრა ანტალიაში, ასევე - რუსეთისა და უკრაინის დელეგაციების შეხვედრა. თურქეთის პრეზიდენტმა ასევე მნიშვნელოვანი და კონკრეტული წარმატება უწოდა უკრაინის პორტებიდან მარცვლეულის ექსპორტის შესახებ შეთანხმებას. საფრანგეთის პრეზიდენტის, ემანუელ მაკრონის განცხადებით, რუსეთმა უნდა შეასრულოს თავისი ვალდებულებები, დაიცვას საერთაშორისო სამართლის ნორმები, შეაჩეროს საომარი მოქმედებები და გაიყვანოს ჯარები უკრაინის ტერიტორიიდან. „რვა წლის წინ რუსეთმა უკანონოდ მოახდინა უკრაინის ტერიტორიის ნაწილის ანექსია, დაარღვია საერთაშორისო სამართლის ფუნდამენტური ნორმები... საფრანგეთი ყოველთვის მხარს უჭერდა უკრაინის დამოუკიდებლობას, სუვერენიტეტსა და ტერიტორიულ მთლიანობას და მომავალშიც ასე იქნება. მინდა, რუსეთს შევახსენო საერთაშორისო კანონმდებლობის დაცვის ვალდებულების შესახებ“, - განაცხადა საფრანგეთის პრეზიდენტმა ემანუელ მაკრონმა ყირიმის პლატფორმის რიგით მეორე სამიტზე. NATO-ს გენერალურმა მდივანმა იენს სტოლტენბერგმა ყირიმის პლატფორმის სამიტზე განაცხადა, რომ მოკავშირეებმა უპრეცედენტო სამხედრო, ფინანსური და ჰუმანიტარული დახმარება გაუწიეს უკრაინას. გენერალურმა მდივანმა გაიხსენა, რომ ალიანსმა მნიშვნელოვნად გააძლიერა მხარდაჭერა ყირიმის უკანონო ანექსიის შემდეგ. „ივნისში, მადრიდის სამიტზე, NATO-ს ლიდერები შეთანხმდნენ დახმარების გაძლიერებულ პაკეტზე. ჩვენ უკრაინასთან გრძელვადიან პერსპექტივაში პარტნიორობის ერთგულნი ვართ“, - აღნიშნა სტოლტენბერგმა. „ჩვენ დავეხმარებით უკრაინას საბჭოთა აღჭურვილობიდან NATO-ს სტანდარტებზე გადასვლაში, გავაგრძელებთ თავდაცვისა და უსაფრთხოების სექტორის რეფორმას და დაგეხმარებით ომის შემდგომი რეკონსტრუქციის გზაზე“, - დაამატა ალიანს გენმდივანმა. ამავდროულად, გენერალურმა მდივანმა აღნიშნა, რომ NATO-მ გააძლიერა ყოფნა ალიანსის აღმოსავლეთში, „რადგან ალიანსის უსაფრთხოების გარანტიები მოსკოვში არასწორი გათვლების ადგილს არ ტოვებს და ისინი მოკავშირეებს საშუალებას აძლევს, მხარი დაუჭირონ უკრაინის თავდაცვის უფლებას“. NATO გააგრძელებს უკრაინის გვერდით დგომას. „ეს არის ნებისყოფის და ლოგისტიკის ომი. ამიტომ, ჩვენ უნდა შევინარჩუნოთ ჩვენი მხარდაჭერა უკრაინის მიმართ გრძელვადიან პერსპექტივაში, რათა უკრაინამ გაიმარჯვოს, როგორც სუვერენულმა დამოუკიდებელმა სახელმწიფომ“, - აღნიშნა სტოლტენბერგმა. ,,ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და მისი უკრაინისთვის დაბრუნებას. დიდი ბრიტანეთის პრემიერ-მინისტრის ბორის ჯონსონის განცხადებით, საერთაშორისო თანამეგობრობამ უნდა გააგრძელოს უკრაინის ყველა საჭირო მხარდაჭერა, მათ შორის უსაფრთხოების დახმარება, ვიდრე რუსეთი უკრაინიდან თავის ძალებს არ გაიყვანს. ჯონსონმა აღნიშნა, რომ რუსეთის მიერ ყირიმის უკანონო ანექსიის გაგრძელებაა ახლანდელი ომი, თუმცა მაშინ ყველას არ ესმოდა, ამის მნიშვნელობა. „მაგრამ მას შემდეგ, რაც პუტინმა 24 თებერვალს უკრაინის წინააღმდეგ თავდასხმა გააძლიერა, საერთაშორისო საზოგადოებამ ძლიერად და ერთიანობით მოახდინა რეაგირება. ჩვენ არასოდეს ვაღიარებთ რუსეთის მიერ ყირიმის ან უკრაინის სხვა ტერიტორიის ანექსიას. პუტინის თავდასხმის ფონზე, ჩვენ უნდა გავაგრძელოთ ჩვენს უკრაინელ მეგობრებს სამხედრო, ჰუმანიტარული, ეკონომიკური და დიპლომატიური მხარდაჭერა, სანამ რუსეთი არ დაასრულებს ამ საზარელ ომს და არ გაიყვანს თავის ძალებს უკრაინიდან“, - განაცხადა ბრიტანეთის პრემიერ-მინისტრმა ბორის ჯონსონმა ყირიმის პლატფორმის სამიტზე. ცნობისთვის, სამიტზე ჩაერთო საქართველოს პრეზიდენტიც და დააფიქსირა პოზიცია, რომ „ყირიმი უკრაინაა“. უკრაინაში ჩავიდა პოლონეთის პრეზიდენტი ანდჯეი დუდა. ,,ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და მისი უკრაინისთვის დაბრუნებას. „უკრაინა საკმარისად ძლიერია, რომ უკრაინული ყირიმის პერსპექტივა დაინახოს. უკრაინისთვის ყირიმი არ არის მხოლოდ ტერიტორია, არ არის ხრიკი გეოპოლიტიკურ თამაშში, როგორც ეს არის ტერორისტული სახელმწიფოსთვის. უკრაინისთვის ყირიმი ჩვენი ხალხის ნაწილია, ხალხის, რომელსაც ჩვენ თავისუფლების გარანტიას ვაძლევთ. მადლობა ყირიმის პლატფორმის მეორე სამიტის ყველა მონაწილეს ერთობლივი ქმედებებისკენ მზადყოფნისთვის. ყირიმის დაბრუნება საერთაშორისო სამართლის ეფექტიანი „რეანიმაციაა“, - მიმართა თავის მხრივ, უკრაინის პრეზიდენტმა ვოლოდიმირ ზელენსკიმ ამავე სამიტის მონაწილეებს. შეგახსენებთ, დღეს უკრაინამ დროშის დღეს აღნიშნა, ხვალ კი, როდესაც დამოუკიდებლობის დღეს აღნიშნავს, რუსეთის შეჭრიდან 6 თვე გადის.
ყირიმის პლატფორმის სამიტის მონაწილეები მოუწოდებენ რუსეთს, დაუყოვნებლივ გაიყვანოს თავისი ჯარები უკრაინიდან
ყირიმის პლატფორმის მონაწილეებმა ერთობლივი განცხადებით მოუწოდეს რუსეთს, სასწრაფოდ და უპირობოდ გაიყვანოს თავისი ჯარები უკრაინიდან. ამის შესახებ ყირიმის საერთაშორისო პლატფორმის მეორე სამიტის მონაწილეების მიერ შემუშავებულ ერთობლივ განცხადებაში წერია. „ყირიმის პლატფორმის“ მონაწილეები მზად არიან, გააგრძელონ მხარდაჭერა უკრაინის მიმართ, მათ შორის პოლიტიკური, ეკონომიკური, ჰუმანიტარული და უსაფრთხოების დახმარება. ყირიმის პლატფორმის მონაწილეები უკრაინის სუვერენიტეტის, პოლიტიკური დამოუკიდებლობის, ერთიანობისა და ტერიტორიული მთლიანობის ერთგულ მხარდამჭერად რჩებიან. „მოვუწოდებთ რუსეთს, უზრუნველყოს უკრაინის მთელი ტერიტორიიდან თავისი ძალებისა და სამხედრო ტექნიკის დაუყოვნებლივ და უპირობო გაყვანა მის საერთაშორისოდ აღიარებულ საზღვრებში. ვწუხვართ, რომ ამ ფონზე სიტუაცია დროებით ოკუპირებულ ყირიმში კიდევ უფრო გაუარესდა“, - ნათქვამია განცხადებაში. „ჩვენ კვლავ ვიმეორებთ ჩვენს გადაწყვეტილებას, შევინარჩუნოთ ზეწოლა რუსეთზე, რათა დაუყოვნებლივ შეწყვიტოს ყირიმის ავტონომიური რესპუბლიკისა და ქალაქ სევასტოპოლის დროებითი ოკუპაცია, რათა აღდგეს უკრაინის კონტროლი მის ტერიტორიაზე. ჩვენ ვგმობთ რუსეთის არაპროვოცირებულ და გაუმართლებელ შეჭრას და მის ომს, განსაკუთრებით კი მის მიერ უკრაინის წინააღმდეგ ომში დროებით ოკუპირებული ყირიმის ნახევარკუნძულისა და უკრაინის ტერიტორიული წყლების გამოყენებას“. ყირიმის პლატფორმის მონაწილეები მკაცრად გმობენ რუსეთის მიერ სამხედრო ავიაციისა და ხომალდების ფართო გამოყენებას სარაკეტო დარტყმებისა და თავდასხმებისთვის, რაც აზიანებს მშვიდობიან მოსახლეობას და უკრაინის სამოქალაქო ინფრასტრუქტურას. ომის დანაშაულის ჩამდენი ყველა დამნაშავე უნდა დაისაჯოს. „მოვუწოდებთ რუსეთს, უზრუნველყოს თავისი ძალებისა და სამხედრო ტექნიკის დაუყოვნებლივი და უპირობო გაყვანა უკრაინის მთელი ტერიტორიიდან. რუსეთის ფედერაციის მიერ ნახევარკუნძულის მზარდი მილიტარიზაცია უარყოფით გავლენას ახდენს შავი ზღვის რეგიონის უსაფრთხოებასთან დაკავშირებულ ვითარებაზე. მტკიცედ ვდგავართ უკრაინის ხალხის გვერდით, რადგან ისინი მამაცურად უპირისპირდებიან რუსეთის სამხედრო აგრესიას და გამოვთქვამთ სოლიდარობას ყირიმსა და უკრაინის სხვა ტერიტორიებზე მცხოვრები იმ ადამიანების მიმართ, რომლებიც დიდი პირადი რისკის ფასად იმაღლებენ ხმას რუსეთის მიერ ყირიმის ავტონომიური რესპუბლიკისა და ქალაქი სევასტოპოლის დროებითი ოკუპაციის და რუსეთის სამხედრო შეჭრის წინააღმდეგ“, - წერია განცხადებაში. ,,ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და მისი უკრაინისთვის დაბრუნებას.
შალვა პაპუაშვილი: ყირიმის პლატფორმაზე, საპარლამენტო დელეგაციები უკრაინის მიმართ სოლიდარობას, კიდევ ერთხელ გამოვხატავთ
ყირიმის პლატფორმაზე გვექნება შესაძლებლობა, რომ პარლამენტების დელეგაციებმა კიდევ ერთხელ გამოვხატოთ სოლიდარობა უკრაინის მიმართ, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა, რომელიც საპარლამენტო დელეგაციასთან ერთად, ხორვატიაში, ყირიმის საერთაშორისო პლატფორმის პირველ საპარლამენტო სამიტში მონაწილეობს. პარლამენტის თავმჯდომარის თქმით, საქართველომ იცის, რას ნიშნავს რუსული აგრესია და რამდენად მნიშვნელოვანია სათანადო რეაგირება საერთაშორისო საზოგადოების მხრიდან. „რაც შეხება ჩვენ დელეგაციას და ჩემს გამოსვლას, აქ საქართველოს გამოცდილებიდან გამომდინარე, გვექნება საუბარი იმასთან დაკავშირებით, თუ რას ნიშნავს რუსული აგრესია, როგორი იყო თავის დროზე შესაძლოა, არასათანადო რეაგირება საერთაშორისო საზოგადოების მხრიდან და რა უნდა იყოს სწორი რეაგირება რუსულ აგრესიაზე. ჩვენ ვართ ქვეყანა, რომელმაც რამდენჯერმე განიცადა რუსული აგრესია და ძალიან კარგად ვიცით, როგორი უნდა იყოს სწორი რეაქცია. ჩვენი გამოცდილებიდან გამომდინარე გვექნება საუბარი იმაზე, თუ რას უნდა გულისხმობდეს თავის თავში სოლიდარობა უკრაინის მიმართ“, – განაცხადა შალვა პაპუაშვილმა. ყირიმის საერთაშორისო პლატფორმის პირველი საპარლამენტო სამიტის სესია გაიხსნა. სამიტის ფარგლებში პარლამენტის თავმჯდომარე სიტყვით მიმართავს მონაწილეებს. ყირიმის საერთაშორისო პლატფორმის პირველ საპარლამენტო სამიტში 32 პარლამენტის 43 დელეგაცია, ხუთი საერთაშორისო საპარლამენტო ორგანიზაცია და 26 პარლამენტის თავმჯდომარე მონაწილეობს. ვიზიტის ფარგლებში ასევე დაგეგმილია პარლამენტის თავმჯდომარისა და საპარლამენტო დელეგაციის ორმხრივი შეხვედრები. საქართველოს საპარლამენტო დელეგაციის შემადგენლობაში პარლამენტის თავმჯდომარესთან ერთად ვიცე-სპიკერი არჩილ თალაკვაძე და საგარეო ურთიერთობათა კომიტეტის თავმჯდომარე ნიკოლოზ სამხარაძე შედიან.
ზელენსკი: ყირიმის პლატფორმამ ბიძგი უნდა მისცეს სხვა პლატფორმების ამოქმედებას, რომლებიც ხელს შეუწყობს აფხაზეთის დეოკუპაციასაც
ყირიმის პლატფორმა შეიძლება, იყოს დასაწყისი სხვა ჰუმანიტარული და დიპლომატიური პლატფორმებისთვის, რაც ხელს შეუწყობს სხვა ტერიტორიების დეოკუპაციას უკრაინის პრეზიდენტი ვოლოდიმირ ზელენსკი გამოდის ინიციატივით, რომ დიპლომატიური პლატფორმები სხვა ოკუპირებული ტერიტორიების გასათავისუფლებლადაც შეიქმნას. ზელენსკი ასეთი წინადადებით ხორვატიის დედაქალაქ ზაგრებში ყირიმის საერთაშორისო პლატფორმის სამიტზე, ონლაინ მიმართვისას გამოვიდა. „ყირიმის პლატფორმა უნდა ვაქციოთ საყრდენად სხვა ჰუმანიტარული და დიპლომატიური პლატფორმების ასამოქმედებლად, რომელიც ხელს შეუწყობს სხვა ტერიტორიების დეოკუპაციას, დნესტრისპირეთიდან და აფხაზეთიდან ჩრდილოეთის ტერიტორიებამდე“. როგორც ზელენსკიმ აღნიშნა, როცა უკრაინა თავის კანონიერ სახელმწიფო საზღვრებში დაბრუნდება და ყველა დროებით ოკუპირებულ ტერიტორიას დაიბრუნებს, მას დასჭირდება საერთაშორისო საზოგადოების გამოცდილება ყირიმისთვის სრული სიცოცხლის დასაბრუნებლად. მისივე აზრით, იგივე გამოცდილება შეიძლება, გამოადგეს სხვა ქვეყნებს, რომელთა ნაწილები ოკუპირებულია. ზელენსკიმ მსოფლიო ლიდერებს სთხოვა, აუცილებლად ეწვიონ ოკუპანტებისგან გათავისუფლებულ უკრაინულ, მშვიდობიან ყირიმს, როგორც კი ადგილზე უკრაინის დროშა აღიმართება. ზელენსკი საერთაშორისო საზოგადოებას სთხოვს, შეინარჩუნონ და გააძლიერონ უკრაინის მხარდაჭერა. ხორვატიის ქალაქ ზაგრებში ყირიმის საერთაშორისო პლატფორმის პირველი საპარლამენტო სამიტი დაიწყო. მანამდე უკრაინის პრეზიდენტმა განაცხადა, რომ უკრაინა ყირიმს სხვა სახელმწიფოებთან კონსულტაციების გარეშე დააბრუნებს, რადგან ის უკრაინის ტერიტორიაა. ცნობისათვის, „ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და მისი უკრაინისთვის დაბრუნებას.
საქართველოს პრეზიდენტი ყირიმის პლატფორმაზე ვიდეომიმართვით წარდგება
საქართველოს პრეზიდენტი ყირიმის პლატფორმაზე ვიდეომიმართვით წარდგება. პრეზიდენტის ადმინისტრაციის ცნობით, საქართველოს პრეზიდენტი უკრაინის პრეზიდენტს, უკრაინელ ხალხსა და სამიტის მონაწილეებს მიმართავს. ცნობისთვის, ზურაბიშვილი ხსენებულ სამიტში გასულ წელსაც მონაწილეობდა იგივე ფორმატში. ცნობისათვის, „ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და უკრაინისთვის მის დაბრუნებას.
ზურაბიშვილი: ჩემი რწმენაა, საქართველო კვლავ შეუერთდება უკრაინასა და მოლდოვას ევროინტეგრაციის საერთო გზაზე
საქართველოს პრეზიდენტი ყირიმის პლატფორმაზე ვიდეომიმართვით წარდგა. მან უკრაინის გამარჯვების რწმენა გამოთქვა, ქვეყანასა და მის პრეზიდენტს მხარდაჭერა აღუთქვა. პრეზიდენტმა ხაზი გაუსვა, რომ უკრაინა იბრძვის არამხოლოდ თავისი დამოუკიდებლობისა და სუვერენიტეტისთვის, არამედ მთელი ევროპის თავისუფლებისა და უსაფრთხოებისთვის. სალომე ზურაბიშვილის შეფასებით, ომმა კიდევ ერთხელ აჩვენა რეგიონის გლობალური მნიშვნელობა - გააძლიერა არგუმენტი, რომ შავი ზღვა ნამდვილად ევროპული სტაბილურობისა და უსაფრთხოების განუყოფელი ნაწილია - ზღვა, რომელიც არ შეიძლება დაექვემდებაროს რუსეთს - ძალას, რომელიც მზადაა, საკუთარი მილიტარისტული ამბიციების გამო საზღვაო უსაფრთხოება, თავისუფალი ტრანზიტი და სურსათის გლობალური მიწოდება შეაფერხოს. ამასთან, პრეზიდენტის შეფასებით, ომმა აჩვენა, რომ ევროპის სტაბილურობა და უსაფრთხოება მიუღწეველია, თუ ეს ყველაფერი არ გავრცელდება ევროპის მთელ კონტინენტზე - ლისაბონიდან თბილისამდე. სალომე ზურაბიშვილის თქმით, ევროპის ერთიანობა და გადაწყვეტილებები მნიშვნელოვანია უკრაინის გამარჯვებისთვის და არანაკლებ გადამწყვეტია საქართველოსა და მოლდოვის მომავალი უსაფრთხოებისთვის. ზურაბიშვილმა განაცხადა, რომ აქვს რწმენა, საქართველო მიიღებს კანდიდატის სტატუსს და კვლავ შეუერთდება უკრაინასა და მოლდოვას ევროინტეგრაციის საერთო გზაზე. „რუსეთს არ უნდა მივცეთ საშუალება, დაიჯეროს, რომ სხვაგან, სხვა მიღწევებით შეუძლია უკრაინაში დანაკარგების დაბალანსება,“ - აღნიშნავს ზურაბიშვილი. „ჩემთვის დიდი პატივია კიდევ ერთხელ შემოგიერთდეთ ამ გადამწყვეტ დღეს და საქართველოსა და ქართველი ხალხის სახელით გამოგიცხადოთ სრული მხარდაჭერა და სოლიდარობა.დღეს სამიტი კიდევ ერთხელ იკრიბება უკრაინის 18-თვიანი წინააღმდეგობის ფონზე, რუსეთის ბოლო სამხედრო აგრესიის წინააღმდეგ. ეს ომი რუსეთის იმ უცვლელი მცდელობების გაგრძელებაა, რომელიც მეზობლების გაყოფის, ოკუპაციის, დაპყრობის, მუქარებისა და იმპერიული ძალების ისტორიულ რეალობას შეესაბამება. ის, რაც დღევანდელ ევროპაში კანონით აკრძალული უნდა ყოფილიყო, ტრაგიკულად ჩნდება და ამ ბარბაროსული ანაქრონიზმის წინააღმდეგ უკრაინა იბრძვის არამხოლოდ თავისი დამოუკიდებლობისა და სუვერენიტეტისთვის, არამედ მთელი ევროპის თავისუფლებისა და უსაფრთხოებისთვის. ამ ომმა კიდევ ერთხელ აჩვენა რეგიონის გლობალური მნიშვნელობა - გააძლიერა არგუმენტი, რომ შავი ზღვა ნამდვილად ევროპული სტაბილურობისა და უსაფრთხოების განუყოფელი ნაწილია - ზღვა, რომელიც არ შეიძლება დაექვემდებაროს იმ ძალას, რომელიც მზადაა, საკუთარი მილიტარისტული ამბიციების გამო საზღვაო უსაფრთხოება, თავისუფალი ტრანზიტი და სურსათის გლობალური მიწოდება შეაფერხოს. ეს ომი კიდევ ერთხელ აჩვენებს, რომ ევროპის სტაბილურობა და უსაფრთხოება მიუღწეველია, თუ ეს ყველაფერი არ გავრცელდება ევროპის მთელ კონტინენტზე - ლისაბონიდან თბილისამდე. ის ასევე აჩვენებს, რომ ყველა ტერიტორიის დეოკუპაცია მშვიდობისა და სტაბილურობის აბსოლუტური წინაპირობაა, რომელიც რუსეთს უარს ათქმევინებს იმპერიულ ქცევაზე, რაც ერთადერთი სტაბილური საფუძველი იქნება ახალი და ჯანსაღი ევროპული უსაფრთხოების არქიტექტურისთვის. ვინაიდან უკრაინა, მეორე მსოფლიო ომის შემდეგ, კონტინენტზე უხილავი მასშტაბის კონფლიქტის წინაშე დგას, ევროპა უკრაინის მიმართ ურყევი მხარდაჭერისა და ერთიანობის დემონსტრირებას გააგრძელებს, რასაც 2022 წლის თებერვლიდან აკეთებს. ეს ერთიანობა და გადაწყვეტილებები მნიშვნელოვანია უკრაინის გამარჯვებისთვის და არანაკლებ გადამწყვეტია საქართველოსა და მოლდოვის მომავალი უსაფრთხოებისთვის. ჩვენმა ხალხმა ზეწოლის, მუქარისა და მრავალმხრივი პროვოკაციების ახალი ტალღის ფონზე (რაც ჰიბრიდულ ომს უტოლდება) აჩვენა თავისი მკაფიო გადაწყვეტილება, რომ კიდევ უფრო გააძლიეროს ქვეყნის ევროინტეგრაციის გზა და დარჩეს თავისი ერთადერთი პერსპექტივის ერთგული. ამდენად, ჩემი რწმენაა, რომ საქართველო მიიღებს კანდიდატის სტატუსს და კვლავ შეუერთდება უკრაინასა და მოლდოვას ევროინტეგრაციის საერთო გზაზე. რუსეთს არ უნდა მივცეთ საშუალება, დაიჯეროს, რომ სხვაგან, სხვა მიღწევებით შეუძლია უკრაინაში დანაკარგების დაბალანსება. ძვირფასო პრეზიდენტო ზელენსკი, მინდა კიდევ ერთხელ გამოვხატო ჩემი რწმენა, რომ თქვენი ხალხის გამძლეობით, უკრაინამ უკვე მიაღწია დიდ გამარჯვებას და სრულად გამარჯვებული გამოვა ამ ბარბაროსული ომიდან, დაიბრუნებს თავის ტერიტორიებს და გახდება ხვალინდელი უსაფრთხო და აყვავებული ევროპის საყრდენი. საქართველო იქნება თქვენთან ისევე, როგორც ახლა. გაუმარჯოს დამოუკიდებელ უკრაინას!“ განაცხადა ზურაბიშვილმა. შეგახსენებთ, ზურაბიშვილი ხსენებულ სამიტში გასულ წელსაც მონაწილეობდა იგივე ფორმატში. ცნობისათვის, „ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და უკრაინისთვის მის დაბრუნებას.
ზურაბიშვილი ყირიმის პლატფორმაზე: უკრაინის ომმა აჩვენა, რომ ყველა ტერიტორიის დეოკუპაცია მშვიდობისა და სტაბილურობის აბსოლუტური წინაპირობაა
საქართველოს პრეზიდენტი ყირიმის პლატფორმაზე ვიდეომიმართვით წარდგა. მან უკრაინის გამარჯვების რწმენა გამოთქვა, ქვეყანასა და მის პრეზიდენტს მხარდაჭერა აღუთქვა. პრეზიდენტმა ხაზი გაუსვა, რომ უკრაინა იბრძვის არამხოლოდ თავისი დამოუკიდებლობისა და სუვერენიტეტისთვის, არამედ მთელი ევროპის თავისუფლებისა და უსაფრთხოებისთვის. სალომე ზურაბიშვილის შეფასებით, ომმა კიდევ ერთხელ აჩვენა რეგიონის გლობალური მნიშვნელობა - გააძლიერა არგუმენტი, რომ შავი ზღვა ნამდვილად ევროპული სტაბილურობისა და უსაფრთხოების განუყოფელი ნაწილია - ზღვა, რომელიც არ შეიძლება დაექვემდებაროს რუსეთს - ძალას, რომელიც მზადაა, საკუთარი მილიტარისტული ამბიციების გამო საზღვაო უსაფრთხოება, თავისუფალი ტრანზიტი და სურსათის გლობალური მიწოდება შეაფერხოს. ამასთან, პრეზიდენტის შეფასებით, ომმა აჩვენა, რომ ევროპის სტაბილურობა და უსაფრთხოება მიუღწეველია, თუ ეს ყველაფერი არ გავრცელდება ევროპის მთელ კონტინენტზე - ლისაბონიდან თბილისამდე. პრეზიდენტის შეფასებით, ომმა ასევე აჩვენა, რომ ყველა ტერიტორიის დეოკუპაცია მშვიდობისა და სტაბილურობის აბსოლუტური წინაპირობაა. სალომე ზურაბიშვილის თქმით, ევროპის ერთიანობა და გადაწყვეტილებები მნიშვნელოვანია უკრაინის გამარჯვებისთვის და არანაკლებ გადამწყვეტია საქართველოსა და მოლდოვის მომავალი უსაფრთხოებისთვის. ზურაბიშვილმა განაცხადა, რომ აქვს რწმენა, საქართველო მიიღებს კანდიდატის სტატუსს და კვლავ შეუერთდება უკრაინასა და მოლდოვას ევროინტეგრაციის საერთო გზაზე. „რუსეთს არ უნდა მივცეთ საშუალება, დაიჯეროს, რომ სხვაგან, სხვა მიღწევებით შეუძლია უკრაინაში დანაკარგების დაბალანსება,“ - აღნიშნავს ზურაბიშვილი.
მედია: სერბეთი რუსეთის ელჩთან საუბრის შემდეგ, ყირიმის პლატფორმის დეკლარაციის მხარდაჭერას უარყოფს
სერბეთის საგარეო საქმეთა მინისტრმა ყირიმის პლატფორმასთან შეერთების შესახებ სიახლეს მანიპულაცია უწოდა და ხაზგასმით აღნიშნა, რომ ქვეყანას მხარი არ დაუჭერია ყირიმის პლატფორმის დეკლარაციისთვის. მისი განმარტებით, შეხვედრაში პრემიერ-მინისტრი იდეოზარის საშუალებით მონაწილეობდა, მაგრამ დეკლარაციისთვის მხარი არ დაუჭეერიათ. მინისტრმა განმარტა, რომ სერბეთი გმობს უკრაინის ტერიტორიული მთლიანობის დარღვევას და საერთაშორისო პლატფორმების ფარგლებში საუბრობს კიდეც ტერიტორიული მთლიანობის დაცვის აუცილებლობაზე. შეგახსენებთ, უკრაინის საგარეო საქმეთა მინისტრმა დიმიტრი კულებამ 23 აგვისტოს სამიტის გახსნაზე განაცხადა, რომ სერბეთი პლატფორმას წელს პირველად შეუერთდა. პრემიერ-მინისტრმა ანა ბრნაბიჩმა დისტანციურად ისაუბრა. „ჩვენ სრულად ვუჭერთ მხარს უკრაინის ტერიტორიულ მთლიანობას და სუვერენიტეტს და ეს პოზიცია მუდმივად ვაჩვენეთ საერთაშორისო ორგანიზაციებში,“ - განაცხადა პრემიერმა. მან ასევე განაცხადა, რომ სერბეთი მზად არის, მონაწილეობა მიიღოს უკრაინის ომის შემდგომ რეკონსტრუქციაში. ამასთან, ანა ბრნაბიჩს რუსეთი პირდაპირ არ უხსენებია. ივიცა დაჩიჩის კომენტარი სერბეთის მედიაში 25 აგვისტოს დილით გავრცელდა. 24 აგვისტოს კი, სერბეთში რუსეთის ფედერაციის ელჩთან მისი შეხვედრის შესახებ გავრცელდა ინფორმაცია. European Pravda-ს თანახმად, ყირიმის პლატფორმის სამიტზე დამსწრე ქვეყნების ნაწილი საბოლოო დეკლარაციას არ შეუერთდა. ცნობისთვის, „ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და მისი უკრაინისთვის დაბრუნებას. ზელენსკი სერბეთის პრეზიდენტს შეხვდა
საქართველოს დელეგაცია პრაღაში, ყირიმის საერთაშორისო პლატფორმის საპარლამენტო სამიტში მიიღებს მონაწილეობას
საქართველოს პარლამენტის დელეგაცია პრაღაში, ყირიმის საერთაშორისო პლატფორმის საპარლამენტო სამიტში მიიღებს მონაწილეობას. პარლამენტის პრესსამსახურის ცნობით, საქართველოს პარლამენტის დელეგაციას არჩილ თალაკვაძე ხელმძღვანელობს. „სამიტში მონაწილეობის მისაღებად პარლამენტის თავმჯდომარის მოადგილე, უკრაინასთან მეგობრობის ჯგუფის ხელმძღვანელი არჩილ თალაკვაძე, ევროპასთან ინტეგრაციის კომიტეტის თავმჯდომარე, მაკა ბოჭორიშვილი და საგარეო კომიტეტის თავმჯდომარის პირველი მოადგილე, მარიამ ლაშხი გაემგზავრნენ. სამიტი წელს უკრაინის და ჩეხეთის ორგანიზებით იმართება. სამიტის მიზანია კოორდინაცია გაუწიოს უკრაინისთვის სოლიდარობის და მხარდაჭერის გამოხატვას. ყირიმის საერთაშორისო პლატფორმა მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას და უსაფრთხოების გამოწვევებზე რეაგირებას.უკრაინის მხარდასაჭერად პრაღაში პარლამენტარები მთელი ევროპიდან შეიკრიბებიან. სამიტის ფარგლებში, საქართველოს პარლამენტის დელეგაციის ხელმძღვანელი, არჩილ თალაკვაძე მონაწილეებს სიტყვით, მიმართავს სადაც ისაუბრებს როგორც უკრაინაში მიმდინარე მოვლენებზე, ასევე უკრაინის, საქართველოს და მოლდოვას ევროკავშირში ინტეგრაციაზე. ვიზიტის ფარგლებში საქართველოს პარლამენტის დელეგაციის წარმომადგენლები კოლეგებთან ორმხრივ შეხვედრებს გამართავენ,“ - აცხადებენ პარლამენტში.
პრეზიდენტი: რუსეთმა საზღვრების პატივისცემა უნდა ისწავლოს არამხოლოდ უკრაინაში, საქართველოშიც, მოლდოვასა და დანარჩენ ევროპაში
საქართველოს პრეზიდენტის ,,ყირიმის პლატფორმის” მეოთხე სამიტზე მიმართვისას განაცხადა, რომ „თუ რუსეთი შეჩერებული არ იქნება, ამ სასტიკი მეთოდების გამოყენებას გააგრძელებს.“ „რუსეთის მიერ ყირიმში შეჭრიდან და მისი უკანონო ანექსიიდან, 10 წელი გავიდა და უკვე 900 დღეზე მეტია, რაც რუსეთი უკრაინის წინააღმდეგ სასტიკს ომს აწარმოებს. დამთხვევაა, რომ ეს სამიტი 11 სექტემბერს იმართება? რომ 23 წლის წინ ტერორმა თავისუფლებისა და დემოკრატიის შუაგულს დაარტყა, მოკლა და დააზარალა ათასობით მშვიდობიანი მოქალაქე, და რომ დღეს, ტერორმა ისევ იფეთქა, მაგრამ ამჯერად ევროპის შუაგულში - ლვოვსა თუ პოლტოვაში? ეს გვახსენებს, რომ ჩვენ [ამ ტერორს] არ შევეგუებით, რომ თავისუფლებისთვის, ადამიანის ღირებულებებისთვის, ადამიანის ღირსებისთვის, სუვერენიტეტისთვის, დამოუკიდებლობისა და დემოკრატიისთვის ბრძოლა უკომპრომისოა. მხოლოდ ამის მიღწევის შემდეგ შეგვიძლია, ვიმედოვნოთ, რომ გრძელვადიან მშვიდობას მივაღწევთ. უკრაინაში მიმდინარე ომმა რუსული აგრესიის ნამდვილი სახის წინაშე დაგვაყენა - სასტიკი, დაუნდობელი კამპანია, რომელსაც არამხოლოდ ბრძოლის ველზე მყოფი ჯარისკაცები ჰყავს მიზანში ამოღებული, არამედ განსაკუთრებით, უდანაშაულო მშვიდობიანი მოქალაქეები, ბავშვები და უკრაინული საზოგადოება მთლიანობაში. ეს მხოლოდ უკრაინის ტრაგედია არაა; ეს გაფრთხილებაა მსოფლიოსთვის, რომ თუ რუსეთი შეჩერებული არ იქნება, ამ სასტიკი მეთოდების გამოყენებას გააგრძელებს - იქნება ეს პირდაპირი ტრადიციული ომის მეთოდები, სამხედრო ოკუპაცია, ჰიბრიდული ომი, თუ დეზინფორმაციის კამპანიები, რათა თავის იმპერიალისტურ ამბიციებს მიაღწიოს. ამ ბარბაროსობის წინაშე, უკრაინამ კიდევ ერთხელ გამოიჩინა საოცარი სიმამაცე და სიმტკიცე და მსოფლიო აღფრთოვანებულია უკრაინელების სიძლიერისა და გამძლეობის შემსწრე, რომელიც შეიძლება მხოლოდ გმირობად შეფასდეს, ეს ჩვენთვის, ყველასთვის შთამაგონებელია. უკრაინამ ყოვლისშემძლე რუსული არმიის სახე დაამსხვრია და დაამტკიცა, რომ რუსეთის დაუმარცხებლობა მითი იყო, რომ რუსეთმა ვერ შეძლო კიევის დაპყრობა ვერც 3 და ვერც 900 დღეში, ვერ შეძლო უკრაინული საზოგადოების დასუსტება, ან უკრაინის დაშორება ევროპელი და ამერიკელი მეგობრების მხარდაჭერისგან. ეს იმიტომ, რომ ყველანი ვაცნობიერებთ - უკრაინელები არა მხოლოდ თავიანთ ქვეყანას იცავენ, არამედ ყველა ჩვენგანისთვის იბრძვიან. უკრაინის სრული ტერიტორიული მთლიანობის აღდგენა კრიტიკული ნაბიჯია მშვიდობისა და სტაბილურობის უზრუნველსაყოფად, რადგან რუსეთმა საზღვრების პატივისცემა უნდა ისწავლოს - არამხოლოდ უკრაინაში, არამედ, საქართველოშიც, მოლდოვაში და დანარჩენ ევროპაში. ძალიან დიდი ხანია მოსკოვი უგულებელყოფს საერთაშორისო ნორმებს, ცდილობს ძალისმიერად საზღვრების შეცვლას და მისი მეზობლების სუვერენიტეტის ძირის გამოთხრას. ამგვარი საქციელის დაშვება აღარ შეიძლება. როგორც ყველამ ვიხილეთ, შავი ზღვის რეგიონში მშვიდობა და სტაბილურობა მთელი რეგიონისთვის და კონტინენტისთვის გადამწყვეტია, რადგან ის სავაჭრო, ენერგეტიკულ და კომუნიკაციის მნიშვნელოვან ჰაბს წარმოადგენს. ის ევროპისა და მის ფარგლებს გარეთ უსაფრთხოების ჯაჭვის მნიშვნელოვან რგოლს წარმოადგენს, და მისი [შავი ზღვის] სტაბილურობა პირდაპირ დაკავშირებულია მთლიანი კონტინენტის უსაფრთხოებასთან. ამიტომ შავი ზღვის რეგიონში რუსეთის ექსპანსია აფხაზეთის ოკუპაციიდან ყირიმის ანექსიამდე, ან მის ბოლოდროინდელ ნაბიჯებამდე - ოკუპირებულ აფხაზეთში სამხედრო საზღვაო ბაზის გახსნასთან დაკავშირებით არ უნდა იქნეს მიღებული. ეს ომი მართლაც ეხება საერთაშორისო სამართლის პრინციპების დაცვას, საზღვრების პატივისცემასა და ერების უფლებების დაცვას იცხოვრონ მშვიდობიანად. და იმ დროს, როცა უკრაინა თავისი და ევროპის თავისუფლებისათვის ბრძოლას განაგრძობს, მინდა, კიდევ ერთხელ ხაზი გავუსვა იმას, რომ ქართველი ხალხი თქვენს გვერდით დგას, მსოფლიო დგას თქვენ გვერდით და ჩვენ ერთად დავანახებთ, რომ თავისუფალ მსოფლიოს ვერ შეაშინებს ის, ვისაც დაყოფა, განადგურება და დაპყრობა სურს,“ განაცხადა სალომე ზურაბიშვილმა. ცნობისათვის, „ყირიმის პლატფორმა“ უკრაინის პრეზიდენტის ინიციატივით შეიქმნა და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და მისი უკრაინისთვის დაბრუნებას.
ერდოღანი: ყირიმის უკრაინისთვის დაბრუნება საერთაშორისო სამართლის მოთხოვნაა
თურქეთის პრეზიდენტი ერდოღანი კიდევ ერთხელ ადასტურებს კიევის მხარდაჭერას. ამ შინაარსის ინფორმაციას თურქული სახელმწიფო სააგენტო Anadolu ავრცელებს. „ყირიმის უკრაინისთვის დაბრუნება საერთაშორისო სამართლის მოთხოვნაა,“ - ამბობს რეჯეფ თაიფ ერდოღანი ვიდეომიმართვაში, ყირიმის პლატფორმის ლიდერთა მეოთხე სამიტზე. ერდოღანმა აღნიშნა, რომ ყირიმის ანექსიამ, რომელსაც თურქეთი პირველივე დღიდან ეწინააღმდეგებოდა, კიდევ უფრო გააღრმავა ყირიმელი თათრების ტანჯვა, რომლებმაც 80 წლის წინ დეპორტაცია განიცადეს. მან ასევე ხაზგასმით აღნიშნა, რომ თურქეთს არასოდეს უღიარებია ყირიმის ანექსია, რამაც გაამწვავა რეგიონის ხალხის ტანჯვა. ერდოღანმა ხაზი გაუსვა ყირიმელი თათრების უფლებებს, იცხოვრონ „თავისუფლად, უსაფრთხოდ და მშვიდად საკუთარ სამშობლოში.“ გამოსვლის ბოლოს, მან იმედი გამოთქვა, რომ პლატფორმის ძალისხმევა ხელს შეუწყობს რეგიონში საერთაშორისო სამშვიდობო ინიციატივებს. „ჩვენი გულწრფელი სურვილია, რომ ომი დასრულდეს სამართლიანი და ხანგრძლივი მშვიდობით, რომელიც დაეფუძნება უკრაინის ტერიტორიულ მთლიანობას, სუვერენიტეტსა და დამოუკიდებლობას,“ - აღნიშნა რეჯეფ თაიფ ერდოღანმა. თურქეთის პრეზიდენტს არაერთხელ აქვს ნათქვამი, რომ თურქეთი ყირიმის უკანონო ანექსიას არასდროს აღიარებს და ანკარა განაგრძობს უკრაინის ტერიტორიული მთლიანობის მხარდაჭერას. 2022 წლის აგვისტოში, ერდოღანმა ასევე გაიმერა, რომ თურქეთი მხარს უჭერს „სამართლიან მშვიდობას, რომელიც დაფუძნებულია უკრაინის ტერიტორიულ მთლიანობასა და სუვერენიტეტზე.“ 2022 წელს, თურქეთის პრეზიდენტმა დასავლური სამყარო მკაცრად გააკრიტიკა 2014 წელს რუსეთის მიერ უკრაინის ყირიმის ნახევარკუნძულის ოკუპაციაზე არასაკმარისი პასუხის გამო და განაცხადა, რომ უფრო ძლიერ პასუხს შესაძლოა, დღევანდელი ომი თავიდან აეცილებინა. ერდოღანმა აქვე აღნიშნა, რომ ყირიმის ოკუპაციაზე გაჩუმებულები ახლა რაღაცას ამბობენ. თურქეთის პრეზიდენტის თქმით, კიდევ უფრო გართულდა დევნილთა ისედაც მნიშვნელოვანი პრობლემები. ვოლოდიმირ ზელენსკიმ, უკრაინასა და რუსეთს შორის ტყვეების გაცვლაში შესრულებული როლისთვის ერდოღანს მადლობა გადაუხადა ზელენსკი ერდოღანს: შავ ზღვაში რუსული სამხედრო გემების გავლის აკრძალვა უკრაინსითვის დღეს ძალიან მნიშვნელოვანია
