ძებნის რეზულტატი: პრეზიდენტი
საქართველოს ოფიციალური პირები ჯო ბაიდენს აშშ-ის პრეზიდენტობას, კამალა ჰარისს კი ვიცე-პრეზიდენტის თანამდებობაზე დანიშვნას ულოცავენ
საქართველოს ოფიციალური პირები ჯო ბაიდენს აშშ-ის პრეზიდენტობას, კამალა ჰარისს კი ვიცე-პრეზიდენტის თანამდებობაზე დანიშვნას ულოცავენ. „ჯო ბაიდენს ვულოცავ ამერიკის შეერთებული შტატების 46-ე პრეზიდენტობას. მადლიერი ვართ, აშშ-საქართველოს სტრატეგიულ პარტნიორობაში წლების განმავლობაში თქვენი წამყვანი როლისთვის. მოუთმენლად ველით თანამშრომლობის გაძლიერების შემდგომ ეტაპს და მსოფლიოში დემოკრატიისა და თავისუფლების დაცვას“, - წერს გიორგი გახარია. პრემიერი კამალა ჰარისს ისტორიულ მიღწევას და აშშ-ის ისტორიაში პირველ ქალ ვიცე-პრეზიდენტად დანიშვნას ულოცავს. „შეერთებული შტატები საქართველოს განსაკუთრებული მეგობარია და მოუთმენლად ველი თქვენთან მუშაობას ჩვენს ქვეყნებს შორის პარტნიორობის შემდგომი გაძლიერების მიზნით", - ეს სიტყვები კი Twitter-ზე დაწერა საგარეო საქმეთა მინისტრმა, დავით ზალკალიანმა. მინისტრი აშშ-ის ვიცე-პრეზიდენტის თანამდებობის დაკავებას ულოცავს კამალა ჰარისს. „ჩემი გულთბილი მილოცვა ჯო ბაიდენსა და კამალა ჰარისს. ვუსურვებ მათ წარმატებას ამ უაღრესად მნიშვნელოვან მისიაში, რომელიც ამ კრიტიკულ დროს უკეთესი მომავლისკენ გაუძღვება. ველი სტრატეგიული პარტნიორობის გაძლიერებას“, - აღნიშნავს დავით ზალკალიანი.
საქართველოს პრეზიდენტი: NATO-სთან თანამშრომლობის ახალი არსებითი პაკეტი , პარტნიორობის გაძლიერების დემონსტრაციაა
„NATO-სთან თანამშრომლობის ახალი არსებითი პაკეტი გახლავთ დემონსტრაცია და კიდევ ერთი მაჩვენებელი ჩვენი თანამშრომლობის გაზრდისა და ის მორგებულია უსაფრთხოების გამოწვევებს”, - ამის შესახებ საქართველოს პრეზიდენტმა სალომე ზურაბიშვილმა NATO-ს გენერალურ მდივანთან ერთად, ბრიუსელში გამართულ პრესკონფერენციაზე განაცხადა. სალომე ზურაბიშვილის განცხადებით, საქართველოს სჭირდება უფრო მეტი. „ჩვენ ვენდობით ნატო-ს მოხსენებას, საქრთველომ ნახა თავისი ერთგულება ინტეგრაციის მიღწევის თვალსაზრისით. ჩვენ ვაფასებთ ჩვენი პარტნიორების და თქვენს მხარდაჭერას ჩვენი ტერიტორიული მთლიანობის და სუვერენიტეტის მიმართ, ბატონო გენერალურო მდივანო. უნდა ვუმადლოდეთ ამ თანამშრომლობას, თავდაცვის შესაძლებლობის გაძლიერებას, სტანდარტების და თავსებადობის შემუშავებისკენ პრაქტიკული ინსტრუმენტების გაძლირებას, რომელიც საჭიროა წევრობისათვის. საქართველო აფასებს საკუთარ ტერიტორიაზე ნატო-საქართველოს წვრთნების მნიშვნელობას. მიუხედავად შეზღუდვებისა და პანდემიისა, ჩვენ ვაფასებთ დასწრებას და ნატო-ს ხომალდების შესვლას ჩვენს პორტებში. კოლექტიურ უსაფრთხოებაში ჩვენ ჩვენს წილს ვიღებთ საკუთარ თავზე. ჩვენ, ვიდრე ოდესმე, მზად ვართ, გავაძლიეროთ ჩვენი შესაძლებლობები და მადლიერი ვარ ჩვენი ქვეყნის ნდობისთვის”, - განაცხადა იენს სტოლტენბერგთან ერთად გამართულ ბრიფინგზე სალომე ზურაბიშვილმა. ზურაბიშვილის თქმით, მიუხედავად პანდემიისა, მიუხედავად კრიზისისა, მიუხედავად კონფლიქტისა რეგიონში, მიუხედავად ოკუპირებული ტერიტორიებისა და გაზრდილი პროვოკაციებისა, საქართველომ შეინარჩუნა სტაბილურობა არა მხოლოდ საკუთარ ტერიტორიაზე, არამედ მის გარშემო, რეგიონში. "საქართველო მტკიცედ დგას დემოკრატიის კონსოლიდირებისკენ ქვეყნის შიგნით და კიდევ ერთხელ დაადასტურა თავის მედეგობა", - აღნიშნა საქართველოს პრეზიდენტმა NATO-ს შტაბბინაში გამართულ ბრიფინგზე. „NATO-ს პარტნიორობა საქართველოსთან ყველას უფრო დაცულს და უსაფრთხოს ხდის“, - ამის შესახებ NATO-ს გენერალურმა მდივანმა იენს სტოლტენბერგმა ბრიუსელში, ნატო-საქართველოს კომისიის სხდომისა და საქართველოს პრეზიდენტთან შეხვედრის შემდეგ გამართულ პრესკონფერენციაზე განცხადა. ჩღდილო ატლანტიკური ალიანსი გენმდივნის თქმით, NATO განიხილავს საქართველოსთან პარტნიორობის გაძლიერების კუთხით, რისი გაკეთება შეუძლიათ შემდგომში. „საქართველო ნატოს ერთ-ერთი მნიშვნელოვანი პარტნიორია, ჩვენ გვაკავშირებს ძლიერი პოლიტიკური, მჭიდრო თანამშრომლობა. მიუხედავად პანდემიის გამოწვევისა, ნატო და საქართველო პარტნიორობის გაძლიერებას განაგრძობენ და დღევანდელი ნატო-საქართველოს კომისიის სხდომა გამოვიყენეთ იმაზე სამსჯელოდ, რისი გაკეთება შეგვიძლია ამ მიმართულებით შემდგომში. ჩვენ გავაფართოეთ არსებითი პაკეტი, რაც ეხმარება საქართველოს, გაატაროს რეფორმები, გააძლიეროს თანამშრომლობა მოკავშირეებთან და გააგრძელოს წვლილის შეტანა ერთობლივ უსაფრთხოებაში. ჩვენი ძირითადი პრიოროტეტები მოიცავს უსაფრთხო კომუნიკაციას“, - აღნიშნა იენს სტოლტენბერგმა. მისივე თქმით, სალომე ზურაბიშვილთან შეხვედრაზე განიხილეს საქართველოს მიერ რეფორმების კუთხით მიღწეული პროგრესი: „რაც გადამწყვეტია, რადგან ის გვაახლოებს ერთიან მიზანთან, ნატოს წევრობასთან“, - აღნიშნა სტოლტენბერგმა.
მექსიკის პრეზიდენტის თქმით, ჯო ბაიდენის ადმინისტრაცია ცენტრალურ ამერიკას 4 მილიარდი დოლარით დაეხმარება
მექსიკის პრეზიდენტის, ანდრე მანუელ ლოპეზ ობრადოს თქმით, ჯო ბაიდენთან სატელეფონო საუბრისას ცენტრალური ამერიკისთვის ფინანსურ დახმარებაზე ისაუბრეს. ობრადოს თქმით, ბაიდენის ადმინისტრაცია გამოყოფს 4 მილიარდ დოლარს, რომელსაც აშშ ჰონდურასის, ელ სალვადორისა და გუატემალას განვითარებისთვის დახარჯავს. მექსიკის პრეზიდენტის თქმით, სატელეფონო საუბარი შეეხო ორ ქვეყანას შორის არსებულ მიგრანტთა პრობლემებს და მათ ყურადღება გაამახვილეს პრობლემის სიღრმისეულად განხილვის საჭიროებაზე, კერძოდ, მიგრანტების ნაკადზე, როდესაც ჰონდურასიდან და სალვადორიდან აშშ-ში მექსიკის გავლით შეღწევას ცდილობენ. მექსიკამ რამდენიმე დღის წინ შეაჩერა მიგრანტების ნაკადი, როდესაც მექსიკის გავლით აშშ-ში შესვლას ცდილობდნენ.
მექსიკის პრეზიდენტი კორონავირუსით დაინფიცირდა
მექსიკის პრეზიდენტი ანდრე მანუელ ლოპეზ ობრადორი კორონავირუსით დაინფიცირდა, ინფორმაციას Reuters-ი ავრცელებს. ვირუსით ინფიცირების შესახებ პრეზიდენტმა განცხადება დედაქალაქში ჩასვლის შემდეგ გაავრცელა. ობრადორი მისთვის დამახასიათებელ ტურზე იმყოფებოდა ქვეყნის ჩრდილოეთ ნაწილში, სანამ ინფიცირების შესახებ ინფორმაციას საჯაროდ გაავრცელებდა. მექსიკისთვის ერთ-ერთი ყველაზე რთული პერიოდია პანდემიის განმავლობაში, ქვეყანა ინფიცირების განსაკუთრებით მაღალ მაჩვენებელს ებრძვის. პრეზიდენტს ხშირად აკრიტიკებდნენ, რადგან საჯაროდ პირბადის ტარებაზე უარს აცხადებდა. ობრადორის თქმით, მას ვირუსი მსუბუქ ფორმებში აქვს და თავს კარგად გრძნობს.
NDI: მოსახელობის 46% პრემიერ-მინისტრის, ხოლო 15% პრეზიდენტის საქმიანობას აფასებს დადებითად
NDI-ის ახალი კვლევის მიხედვით, საქართველოს პრემიერ-მინისტრის, გიორგი გახარიას საქმიანობას გამოკითხულთა 46% აფასებს დადებითად, სალომე ზურაბიშვილის საქმიანობას კი 15%. პრეზიდენტის მსგავსად, გამოკითხულთა 15% დადებითად აფასებს პარლამენტის საქმიანობასაც. კვლევა 2020 წლის 17-24 დეკემბრის პერიოდში მთელი საქართველოს მასშტაბით ჩატარდა. პანდემიის გამო, კვლევის მეთოდად სატელეფონო ინტერვიუ პირველად შეირჩა. კვლევის ფარგლებში, სულ 2 053 სატელეფონო ინტერვიუ შედგა, წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის. გამოკითხვის საშუალო ცდომილების ზღვარია ±1.1 პროცენტი. რესპონდენტები შემთხვევით ნომერზე დარეკვის მეთოდით შეირჩნენ.
ევროპის საბჭოს საპარლამენტო ასამბლეის ვიცე-პრეზიდენტი: ჩვენმა ორგანიზაციამ მხარი უნდა დაუჭიროს დემოკრატიულ წინსვლას საქართველოში
ევროპის საბჭოს საპარლამენტო ასამბლეის ვიცე-პრეზიდენტმა, აჰმეთ ილდიზმა ევროპის საბჭოს საპარლამენტო ასამბლეის სესიაზე განაცხადა, რომ ოქტომბერში ჩატარებული არჩევნები იყო ძალიან მნიშვნელოვანი საქართველოს დემოკრატიიის განმტკიცებისთვის. მისი თქმით, საქართველოში მიღებული საკანონმდებლო ცვლილებები, რომლებმაც საფუძველი დაუდო დემოკრატიული არჩევნების ჩატარებას, პასუხობდა ეუთო-სა და ოდირის რეკომენდაციებს“. „ერთადერთი, რის გამოც გვინდა, სინანული გამოთქვათ, არის ის, რომ არჩევნები ვერ ჩატარდა საქართველოს ორ რეგიონში, სამხრეთ ოსეთსა და აფხაზეთში, ყველასთვის ცხადი მიზეზების გამო. ჩვენმა ორგანიზაციამ მხარი უნდა დაუჭიროს დემოკრატიულ წინსვლას საქართველოში, ქვეყანაში, რომელმაც მკაფიოდ გამოხატა ევროატლანტიკურ სივრცეში ინტეგრაციისადმი მისწრაფება. რაც შეეხება არჩევნების შედეგების გამო გამოთქმულ პროტესტს და შეტაკებებს პოლიციასთან, მოვუწოდებ ყველა პოლიტიკურ ძალას, თავშეკავებულად და პასუხისმგებლიანად იმოქმედოს, კონსტრუქციულად ჩაერთონ რეფორმების პროცესის გაგრძელებაში“, - განაცხადა დეპუტატმა. თურქი დეპუტატის თქმით, „საერთაშორისო დამკვირვებლების დასკვნით, არჩევნები იყო კონკურენტული და ფუნდამენტური თავისუფლებები, საერთო ჯამში დაცული იყო“.
დონალდ ტრამპმა აშშ-ის ყოფილი პრეზიდენტის ოფისი გახსნა
დონალდ ტრამპმა ფლორიდაში აშშ-ის ყოფილი პრეზიდენტის ოფისი გახსნა. ამის შესახებ ინფორმაციას აშშ-ის 45-ე პრეზიდენტის პრესსამსახურზე დაყრდნობით, Reuters-ი ავრცელებს. „დღეს აშშ-ის 45-ე პრეზიდენტმა, დონალდ ტრამპმა ყოფილი პრეზიდენტის ოფისი ოფიციალურად გახსნა. ოფისი პასუხისმგებელი იქნება პრეზიდენტ ტრამპის კორესპონდენციაზე, საჯარო განცხადებებზე, გამოსვლებსა და ოფიციალური საქმიანობის წარმართვაზე, რომლის მიზანი შეერთებული შტატების ინტერესების წინ წაწევა და ტრამპის ადმინისტრაციის დღის წესრიგის განხორციელებაა. პრეზიდენტი ტრამპი ყოველთვის იქნება ამერიკელი ხალხის დამცველი“, - ნათქვამია განცხადებაში.
ევროკომისიის პრეზიდენტი AstraZeneca-სგან განმარტებებს ითხოვს
ევროკომისიის პრეზიდენტის, ურსულა ფონ დერ ლეინი AstraZeneca-სგან სარწმუნო პასუხს ელის, თუ რატომ ვერ შეძლო კომპანიამ შეთანხმებული პერიოდის განმავლობაში ვაქცინის მიწოდება. ფონ დერ ლეინის თქმით, კომპანიის გადასაწყვეტია, თუ როგორ მიაწვდის დაპირებულ დოზებს ქვეყნებს, თუმცა ის ამავდროულად ბრიტანული ვაქცინის მწარმოებლისგან გამჭვირვალობას ითხოვს. „AstraZeneca-სგან, ისევე როგორც სხვა კომპანიებისგან გვინდა, რომ მიწოდების ხელშეკრულება შესრულდეს", - აცხადებს ევროკომისიის პრეზიდენტი. „ჩვენ გვინდა, დარწმუნებულნი ვიყოთ, რომ მივიღებთ შეძენილ დოზებს", - დასძინა ფონ დერ ლეინმა. როგორც კომპანიის გენერალურმა დირექტორმა, პასკალ სორიომ განაცხადა, კომპანია ხარვეზების გამოსასწორებლად 24-საათიან რეჟიმში მუშაობს და პრობლემა პრაქტიკულად გადაჭრილია, თუმცა წარმოების დაგეგმილ გრაფიკს კომპანია 2 თვით ჩამორჩება.
ევროკავშირის პრეზიდენტი მოსკოვში სერგეი ლავროვს შეხვდება
ევროკავშირის პრეზიდენტი, ჯოზეფ ბორელი მოსკოვში სერგეი ლავროვს შეხვდება. ინფორმაციას ევროკავშირის ოფიციალური გვერდი აქვეყნებს. ოფიციალურ გვერდზე გამოქვენყებულ განცხადებაში ნათქვამია, რომ შეხვედრის დროს მრავალმხრივი დისკუსია გაიმართება რუსეთის საგარეო საქმეთა მინისტრთან. ევროკავშირის უმაღლესი წარმომადგენელი ყურადღებას გაამახვილებს რუსეთის ურთიერთობებზე, უკრაინასა და მისი მოზობლებთან, ასევე საუბარი ირანის ბირთვულ შეთანხმებას, კლიმატის ცვლილებასა და კორონავირუსის პანდემიას შეეხება. ვიზიტის განმავლობაში, ბორელი მოსკოვში შეხვედრებს რუსეთის სამოქალაქო საზოგადოების ორგანიზაციების წარმომადგენლებთან და აკადემიური საზოგადოების წევრებთანაც გამართავს. "რუსეთთან ურთიერთობები ევროკავშირისთვის, ერთ-ერთი ყველა კომპლექსური რამაა. უახლოესი მოვლენები ჩემი მოსკოვში ჩასვლის საჭიროებას კიდევ ერთხელ უსამს ხაზს",- აღნიშნავს ბორელი.
პრეზიდენტი პარლამენტს მოუწოდებს, ოპოზიციონერ დეპუტატებს უფლებამოსილება არ შეუწყვიტოს, ოპოზიციას კი დაფიქრებას სთხოვს
პრეზიდენტი პარლამენტს მოუწოდებს, ოპოზიციონერ დეპუტატებს უფლებამოსილება არ შეუწყვიტოს, ოპოზიციას კი დაფიქრებას სთხოვს. ამის შესახებ საქართველოს პრეზიდენტმა ოპოზიციის, მმართველი პარტიის წარმომადგენლებისა და საზოგადოებისადმი მიმართვისას განაცხადა. _დღეს ორივე მხარეს მოვუწოდო გონივრული გადაწყვეტილებებისკენ, რომელიც ქვეყნისათვის სასიკეთოდ გადადგმული ნაბიჯი იქნება და არა ვიწრო ინტერესებზე გათვლილი: - ოპოზიციას, რათა დაფიქრდეს, პატივის სცეს ამომრჩეველს და მათი მანდატით მიცემული დავალება შეასრულოს. - უმრავლესობას, რათა არ მიეცეს ერთპარტიული მართვის ცდუნებას, არ მიიღოს მანდატების შეწყვეტის ნაადრევი გადაწყვეტილება და მისცეს დრო ოპოზიციას სწორი გადაწყვეტილების მისაღებად. ეს არის ჩვენი საზოგადოების მოთხოვნა და მოლოდინი. მას ჩვენ ყველამ პატივი უნდა ვცეთ და გავუფრთხილდეთ!“, - აღნიშნა საქართველოს პრეზიდენტმა. „როგორც ამ ქვეყნის პრეზიდენტი მინდა დღეს, მეათე მოწვევის პარლამენტის საგაზაფხულო სესიის გახსნამდე, მოგმართოთ ყველას, ოპოზიციის და მმართველი პარტიის წარმომადგენლებს, ასევე, საზოგადოებას, რომელიც გვისმენს. ამ ბოლო პერიოდში, საქართველო გადავიდა სრულ საპარლამენტო სისტემაზე, უკანასკნელი არჩევნებით კი, საზოგადოებამ აირჩია მრავალპარტიული პარლამენტი, რაც დემოკრატიულობის ახალ საფეხურს წარმოადგენს. დღეს ქვეყანას ამ სისტემის სრულყოფილად ამოქმედება სჭირდება! დრო აღარ ითმენს! პანდემიისგან წარმოქმნილი კრიზისი, მოითხოვს ეფექტიან, სწრაფად მოქმედ პარლამენტს და ყველასგან საქმიან მიდგომას! პოლიტიკური დაპირისპირება ვერ პასუხობს ამ რთულ გამოწვევებს! შიგნით ქვეყანაში, როგორც საერთაშორისო დონეზე, ერთიანობის და სოლიდარობის დრო დგება! ამ მნიშვნელოვან ეტაპზე ოპოზიციას ეკისრება დიდი როლი: ჯერ ერთი იმიტომ, რომ ასეთი ძლიერი არასოდეს ყოფილა პარლამენტში - 60 მანდატი 150-დან, 8 ოპოზიციური პარტია. არასოდეს ჰქონია ასეთი მრავალფეროვანი და რეალური ბერკეტები: ფრაქციების შექმნა, სხვადასხვა თანამდებობების დაკავება, მაგალითად, პარლამენტის თავმჯდომარის მოადგილის ადგილი. მნიშვნელოვანი პოლიტიკური უფლებები: როგორც მაგალითად მინსიტრების ინტერპელაციის წესით დაბარება, საგამოძიებო კომისიის შექმნა, მუდმივმოქმედ სათათბირო საბჭოებში, ნდობის ჯგუფში და საპარლამენტო დელეგაციებში მონაწილეობა. უარის თქმა ასეთ პოლიტიკურ ბერკეტებზე და რეალურ გავლენაზე ცოტა არ იყოს პოლიტიკურად გაუგებარია, მით უმეტეს, ახლადშექმნილი პარტიებისგან. ამ როლთან ერთად ოპოზიციას დიდი პასუხისმგებლობა აქვს ამომრჩევლის წინაშე, რომელსაც დაჰპირდა გამარჯვებას და არა ქუჩაში დგომას. დაჰპირდა საპარლამენტო ტრიბუნიდან ალტერნატიული პოლიტიკური პოზიციების წარდგენას და მათი კანონმდებლობით და არა ბოიკოტით შესრულებას. ოპოზიციის ამომრჩევლის უმრავლესობა მხარს უჭერს სწორედ ასეთ აქტიურ ჩართულობას და მანდატების ამოქმედებას. დღეს ამომრჩევლის ნდობა პარტიებისა და სისტემის მიმართ სასწორზე დგას. უმრავლესობის პასუხისმგებლობაც დიდია: მას არანაკლებ სჭირდება ოპოზიცია, რომელიც გადაწყვეტილებებს კითხვის და კრიტიკის ქვეშ დააყენებს - ეს დემოკრატიული სისტემისთვის აუცილებლობაა! უმრავლესობის მოქმედებას ოპოზიციის გარეშე, შეცდომის დაშვების მეტი რისკი ახლავს. სამაგიეროდ, საპარლამენტო დებატის რეჟიმი, თუნდაც მძაფრი და ზოგჯერ დაუნდობელი, არა მხოლოდ არსებული კრიზისის მართვისთვის გვჭირდება, არამედ არანაკლებად მნიშვნელოვანია ჩვენი მთავარი გამოწვევების დასაძლევად, როგორიც არის კონფლიქტების მოგვარება, განვითარების ახალი გრძელვადიანი გეგმა, ევროატლანტიკური ინტეგრაციის გზაზე ჩასატარებელი რეფორმების დაგეგმვა. ეს ამბიციური მიზნები მხოლოდ ერთმანეთის მომსენით და ერთიანი ძალებით თუ მიიღწევა! მინდა გითხრათ, რომ ახლახან, ბრიუსელში ჩემი ვიზიტის დროს, სწორედ ასეთი მკაფიო გზავნილი მოვისმინე. არავის გამოუთქვამს აზრი, რომ საქართველოს სჭირდებოდეს ან ახალი არჩევნები, ან ქუჩის პროცესები, ან კიდევ გაუთავებელი დაპირისპირება და პოლარიზაცია. პირიქით, ჩვენგან ყველა ელოდება მეტ სტაბილურობას, მეტ თანმიმდევრულობას და ერთსულოვნებას მთავარი მიზნების მისაღწევად. ამის მომტანი უნდა იყოს მრავალპარტიული პარლამენტი, სწორედ ისეთი, როგორიც ჩვენმა საზოგადოებამ აირჩია. ამიტომ მინდა, დღეს ორივე მხარეს მოვუწოდო გონივრული გადაწყვეტილებებისკენ, რომელიც ქვეყნისათვის სასიკეთოდ გადადგმული ნაბიჯი იქნება და არა ვიწრო ინტერესებზე გათვლილი: - ოპოზიციას, რათა დაფიქრდეს, პატივის სცეს ამომრჩეველს და მათი მანდატით მიცემული დავალება შეასრულოს. - უმრავლესობას, რათა არ მიეცეს ერთპარტიული მართვის ცდუნებას, არ მიიღოს მანდატების შეწყვეტის ნაადრევი გადაწყვეტილება და მისცეს დრო ოპოზიციას სწორი გადაწყვეტილების მისაღებად. ეს არის ჩვენი საზოგადოების მოთხოვნა და მოლოდინი. მას ჩვენ ყველამ პატივი უნდა ვცეთ და გავუფრთხილდეთ!“, - განაცხადა საქართველოს პრეზიდენტმა. 51 ოპოზიციონერ დეპუტატებს, რომლებმაც მანდატების გაუქმება ოფიციალურად მოითხოვეს, საპარლამენტო უფლებამოსილება, ხვალ, 2 თებერვალს შეუწყდებათ. საპარლამენტო უფლებამოსილების საკითხს პარლამენტი პლენარულ სხდომაზე უყრის კენჭს. 2 თებერვალმდე ოპოზიციურ პარტიებს, ან ცალკეულ დეპუტატებს, გადაწყვეტილების შეცვლა და საპარლამენტო საქმიანობაში ჩართვა შეუძლიათ. ამ დროისთვის პარლამენტში შესვლას ორი ოპოზიციური პარტიის 6 დეპუტატი დათანხდა. პარტია "მოქალაქეებიდან"- ალეკო ელისაშვილი და ლევან იოსელიანი და კიდევ ოთხი დეპუტატი "ევროპელი სოციალისტებიდან", რომლებიც უმაღლეს საკანონდებლო ორგანოში "პატრიოტთა ალიანსის" საარჩევნო სიით შევიდნენ. სხვა დეპუტატების მსგავსად „გირჩის“ წევრებს სადეპუტატო უფლებამოსილების შეწყვეტის მოთხოვნით, პარლამენტისთვის ოფიციალურად ჯერ არ მიუმართავთ.
ევროკომისიის პრეზიდენტი: კორონავირუსის ახალი ვარიანტების გათვალისწინებით, მსოფლიოს უფრო მეტი ვაქცინა დასჭირდება
"კორონავირუსის ახალი ვარიანტების შესაძლო გავრცელების გათვალისწინებით, მსოფლიოს უფრო მეტი ვაქცინა დასჭირდება", - ამის შესახებ ევროკომისიის პრეზიდენტმა, ურსულა ფონ დერ ლაიენმა ესპანურ გამოცემა El Pais-სთან ინტერვიუში განაცხადა. „ახლა მე კორონავირუსის ახალი ვარიანტები მაწუხებს, ვინაიდან ვიცი, რომ ვირუსი მუტაციას განიცდის. ამიტომაც მივიჩნევ, რომ ისეთი სცენარებისთვის უნდა მოვემზადოთ, რომელიც იმედია, არ განხლორციელდება. კვირას ფარმაცევტული კომპანიების ხელმძღვანელებს, მეცნიერებსა და ევროპის წამლების სააგენტოს სპეციალისტებს შევხვდი. გვსურს მომზადება დავაჩქაროთ იმ შემთხვევისთვის, თუ ისეთი ვარიანტები გაჩნდება, რომელიც უფრო მეტ პრობლემას გამოიწვევს“, - აღნიშნა ევროკომისიის პრეზიდენტმა. ევროკომიის პრეზიტენმა ინტერვიუში აღნიშნა, რომ საჭიროა საწარმოო შესაძლებლობების გაზრდა, რადგან „კორონავირუსის ახალი ვარიანტების გათვალისწინებით, მსოფლიოს უფრო მეტი ვაქცინა დასჭირდება“.
EBRD-ის პრეზიდენტი: ჩვენი სამომავლო ხუთწლიანი სტრატეგიის მომზადებისას აქცენტი გაკეთდება საქართველოს საჭიროებებსა და პრიორიტეტებზე
EBRD-ის პრეზიდენტი ადასტურებს ევროპის რეკონსტრუქციისა და განვითარების ბანკის ერთგულებას, განაგრძოს საქართველოს მხარდაჭერა კორონავირუსით გამოწვეული სირთულეების დასაძლევად და ხელი შეუწყოს ძლიერი, მდგრადი და ინკლუზიური აღდგენის უზრუნველყოფას, - ამის შესახებ ოდილ ღენო-ბასომ ონლაინ-ფორმატში საქართველოს პრემიერ-მინისტრ გიორგი გახარისთან შეხვედრისას განაცხადა. EBRD-ის პრეზიდენტმა საქართველოს მთავრობას თბილი მიღებისა და ვიზიტის ფარგლებში წარმართული დიალოგის ხარისხისთვის მადლობა გადაუხადა. „მახარებს ის ფაქტი, რომ EBRD-ის პრეზიდენტად დანიშვნის შემდეგ ჩემი პირველი ვიზიტი საოპერაციო ქვეყნებიდან პირველად საქართველოში ტარდება. ფორმატი ვირტუალურია, რადგან მობილობის შეზღუდვები არსებობს. მაინც მიმაჩნია, რომ მნიშვნელოვანი იყო, შევხვედროდი მთავრობას და ძალიან კარგი თანამშრომლობა გაგვეგრძელებინა. შეხვედრისას განვიხილეთ ახალი კორონავირუსის პანდემიის ეფექტი საქართველოზე, ქვეყნის გამკლავება ამ უპრეცედენტო გამოწვევასთან და ევრობანკის დახმარება კრიზისის დაძლევასა და ისეთი საფუძვლის შექმნაში, რომელიც მდგრად და ინკლუზიურ ზრდას განაპირობებს. ნამდვილად შთაბეჭდილების ქვეშ ვარ იმ მიზანდასახულობით, რომელსაც ქვეყნის ხელისუფლება გამოხატავს კრიზისის დაძლევის საქმეში. საჯაროდ მინდა განვაცხადო, რომ ევრობანკის გააზრებულად აქვს ნაკისრი ვალდებულება ქვეყნის სამომავლო განვითარების ხელშეწყობაზე. ჩვენი თანამშრომლობა ეფუძნება ძალიან ძლიერ საფუძველს, რადგან 2020 წელს ინვესტიციების ჯამურმა ოდენობამ რეკორდულ ნიშნულს მიაღწია - 630 მილიონი ევროს ოდენობის ჯამური ბიუჯეტით 16 პროექტის ფარგლებში, რომლებიც ეკონომიკის სხვადასხვა სექტორში ხორციელდება არსებულ და ახალ კლიენტებთან პარტნიორობის გზით“, - განაცხადა ოდილ ღენო-ბასომ. EBRD-ის პრეზიდენტის შეფასებით, ბანკის ინიციატივები მოიცავს მთელ სპექტრს ენერგეტიკიდან ჯანდაცვის სფეროს ჩათვლით, ასევე მცირე და საშუალო ზომის საწარმოების დახმარებას, რომლებიც რეალური ეკონომიკის მნიშვნელოვანი სეგმენტია. „ახალი კორონავირუსის პანდემიამ ყველა ქვეყნის ეკონომიკა ჩააგდო უპრეცედენტო მდგომარეობაში. ევრობანკის რეაგირება მყისიერი იყო, რადგან სოლიდარობის პაკეტი შევიმუშავეთ 1 მილიარდი ევროს ბიუჯეტით, რათა ჩვენს საოპერაციო არეალში წევრ ქვეყნებს დავეხმაროთ ვირუსის გავლენის დაძლევაში. ამას ძალიან ძლიერი მიზანსწრაფულობით ვახორციელებთ საქართველოში და ჩვენი მიზანია ადგილობრივი ეკონომიკისთვის სარგებლის მოტანა. სამომავლო საქმიანობის დაგეგმვისას - და სწორედ ეს იყო ჩვენი საუბრის ძირითადი ნაწილი - ვისაუბრეთ ევრობანკის ძლიერ პოზიციაზე საქართველოს ეკონომიკის მხარდაჭერის გაგრძელების კონტექსტში შემდეგი კომბინაციით: კერძო სექტორის დაფინანსება, ეკონომიკური მდგომარეობის აღდგენის მიზნით აქტიური დიალოგი დარგობრივი პოლიტიკის და ინიციატივების ნაწილში. ჩვენი სამომავლო ხუთწლიანი სტრატეგიის მომზადებისას, რომელშიც აქცენტი გაკეთდება საქართველოს საჭიროებებსა და პრიორიტეტებზე, ჩვენ ყურადღებას გავამახვილებთ „მწვანე ეკონომიკის“ ხელშეწყობაზე, სოციალურ თანასწორობაზე და სერვისების გაციფრულებაზე“, - განაცხადა EBRD-ის პრეზიდენტმა. მისივე შეფასებით, ევრობანკს პრიორიტეტებად მიაჩნია ქვეყნის კერძო სექტორის შემდგომი განვითარება, ეკონომიკური მდგომარეობის აღდგენა, მეტი ინკლუზიურობის უზრუნველყოფა ეკონომიკაში, ადამიანური კაპიტალის გაძლიერება, ინფრასტრუქტურისა და სატრანსპორტო-საკომუნიკაციო საშუალებების განვითარება, განსაკუთრებით გაციფრულების მიმართულებით. „ასევე ძალიან მნიშვნელოვანია, გაგრძელდეს რეფორმების განხორციელება, განსაკუთრებით ევროკავშირთან ასოცირების შეთანხმების გრაფიკით გათვალისწინებული ამოცანების ფარგლებში, რომელიც შესანიშნავი ჩარჩო დოკუმენტი, გზამკვლევი და კალენდარია სტრუქტურული რეფორმების ნაწილში. ამდენად, მოუთმენლად ველით საქართველოს მთავრობასთან, კერძო სექტორთან და სამოქალაქო საზოგადოებასთან ძალიან მჭიდრო მუშაობის გაგრძელებას ამ სტრატეგიის შემუშავების დროს. ევრობანკი მხარს უჭერს საქართველოს, როგორც ინვესტორი და მეგობარი. მინდა კიდევ ერთხელ გადავუხადო მადლობა ქვეყნის მთავრობას ასეთი თბილი მიღებისთვის და ძალიან ნაყოფიერი დისკუსიებისთვის“, - აღნიშნა ოდილ ღენო-ბასომ.
იაპონიის ოლიმპიური კომიტეტის პრეზიდენტი: პანდემიის მიუხედავად ტოკიოს ოლიმპიური თამაშები მაინც ჩატარდება
პანდემიის მიუხედავად ტოკიოს ოლიმპიური თამაშები მაინც ჩატარდება, ინფორმაციას Japan Times-ი ავრცელებს. ოლიმპიური თამაშების ჩატარების შესახებ თამაშების ორგანიზატორთა კომიტეტის პრეზიდენტმა იოშირო მორიმ განაცხადა. "მიუხედავად იმისა, თუ როგორ განვითარდება მოვლენები ვირუსის თვალსაზრისით, ოლიმპიური თამაშები მაინც გაიმართება",- განაცხადა მორიმ. ორგანიზატორები და მთავრობის წარმომადგენლები ამტკიცებენ, რომ შესაძლებელია ღონისძიების უსაფრთხოდ ჩატარება. იაპონია განსაკუთრებულად მაღალი ინფიცირების მაჩვენებელს ებრძვის. ქვეყანამ საგანგებო მდგომარეობა ოსაკას, ჰიოგოს, კიოტოს, აიტის, გიფუს, ფუკუოკასა და ტოტიგის პრეფექტურებში 7 თებერვლამდე იქნება ძალაში. საერთაშორისო ოლიმპიური კომიტეტი (IOC) მოელის, რომ ტოკიოს თამაშების გახსნის ცერემონიაზე დაახლოებით 6 ათასი სპორტმენი მიიღებს მონაწილეობას. თავდაპირველი გეგმით, გახსნის საზეიმო ცერემონიაზე მონაწილეობა უნდა მიეღო დაახლოებით 200 ქვეყნის 11 000 სპორტსმენს და დელეგაციების სხვა წევრებს, მაგრამ კორონავირუსის გამო, ცერემონიის მასშტაბების შემცირება გადაწყდა. „სპორტსმენთა უსაფრთხოების უზრუნველსაყოფად და თამაშებზე მუშაობის გასამარტივებლად, აუცილებლად მივიჩნევთ თამაშების გახსნისა და დახურვის ცერემონიების მონაწილეთა რაოდენობის გადახედვას, ასევე იმას, აღლუმის მონაწილეები რა გზით შევლენ სტადიონზე," - ნათქვამია ტოკიო-2020-ის განცხადებაში.
EBRD-ის პრეზიდენტი: მზადად ვართ შავი ზღვის როლის გაძლიერების კუთხით საქართველოსთან თანამშრომლობის გაღრმავებისათვის
EBRD-ის ახალარჩეულ პრეზიდენტთან ოდილ ღენო-ბასოსთან, სალომე ზურაბიშვილმა ონლაინფორმატში შეხვედრა გამართა. ევროპის რეკონსტრუქტციისა და განვითარების ბანკის ახალმა პრეზიდენტმა საქართველოსთან შავი ზღვის მხრით თანამშრომლობისთვის მზაობა გამოხატა. ოდის ბასომ, შავი ზღვის როლის გაძლიერების კუთხით საქართველოსთან თანამშრომლობის გაღრმავების მზაობა გამოხატა და ასევე აღნიშნა, რომ EBRD მზადაა მხარი დაუჭიროს საქართველოს მწვანე ენერგიისა და ენერგოეფექტურობის რეფორმების დანერგვაში. რეკონსტრუქტციისა და განვითარების ბანკის პრეზიდენტმა, საქართველოს პრეზიდენტს პანდემიის დროს მათ მიერ განხორციელებული პროექტების შესახებ მიაწოდა ინფორმაცია, რომელიც საქართველოში მცირე ბიზნესების დახმარების მიმართულებით გაკეთდა.
პრეზიდენტის სასახლის წინ, პოლიციამ „ქართული მარშის“ ორი წევრი დააკავა
საპროტესტო აქციაზე, პოლიციამ „ქართული მარშის“ ორი წევრი დააკავა. "ქართული მარშის" წარმომადგენელები აქციას პრეზიდენტის სასახლის წინ მართავდნენ. აქციის წევრებმა დავით გარეჯის სამონასტრო კომპლექსთან დაკავშირებით საქართველოს პრეზიდენტის განცხადებები გააპროტესტეს და გარეჯის ტერიტორიის დაკარგვაში სალომე ზურაბიშვილი დაადანაშაულეს. დაკავებულებს შორის არის "ქართული მარშის" ერთ-ერთი ლიდერი გიორგი გაბედავა. "მარშის" წევრები პრეზიდენტთან 10 წუთიან შეხვედრას ითხოვდნენ. მოგვიანებით დემონსტრანტებმა პრეზიდენტის სასახლის ჭიშკარზე ბოქლომის დაკიდება სცადეს, რისი უფლებაც პოლიციამ არ მისცა. შსს-ის ინფორმაციით აქციის მონაწილეები დაკავებულები არიან ადმინისტრაციულ სამართალდარღვევათა კოდექსის 166-ე და 173-ე მუხლებით, რაც წვრილმან ხულიგნობასა და სამართალდამცავებისთვის დაუმორჩილებლობას გულისხმობს. აღნიშნული მუხლები ჯარიმას, ან 15 დღემდე ვადით პატიმრობას ითვალისწინებს. ევროპის ლიდერები ნავალნისთვის გამოტანილ განაჩენს ეხმიანებიან.
პრეზიდენტი: ვიმედოვნებ, ევროკავშირის კიბოს დაძლევის გეგმა, საქართველოსთვის ღია იქნება
კიბო არ უნდა იყოს მომაკვდინებელი მხოლოდ იმიტომ, რომ იბადები ნაკლებად პრივილელგირებულ საზოგადოებაში”, - ამის შესახებ საქართველოს პრეზიდენტმა სალომე ზურაბიშვილმა ჯანდაცვის მსოფლიო ორგანიზაციის ევროპის რეგიონული ოფისის მიერ ორგანიზებულ ონლაინფორუმზე განაცხადა. სალომე ზურაბიშვილის განცხადებით, საქართველო მზადაა, ევროპის მთელ რეგიონთან გააერთიანოს კიბოს წინააღმდეგ ბრძოლის ძალისხმევა. "სამწუხაროდ, კიბოთი დაავადებულ ქართველ ბავშვებს, ჯერ კიდევ უწევთ საზღვარგარეთ მკურნალობის გზების ძიება. მე ასევე ვიმედოვნებ, და არამარტო ვიმედოვნებ, რომ ევროკავშირის კიბოს დაძლევის გეგმა, რომლის წარდგენა ხდება დღეს ევროკომისიის მიერ - ღია იქნება ასოცირებული პარტნიორებისთვის. ჩვენ უნდა ვიყოთ კიბოს ამ გეგმის ნაწილი და საქართველო მზადაა ევროპის მთელს რეგიონთან გააერთიანოს კიბოს წინააღმდეგ ბრძოლის ძალისხმევა”, - განაცხადა სალომე ზურაბიშვილმა ევროპულ ფორუმზე. პრეზიდენტის განცხადებით, მაშინ როცა, ჩვენ ვგლოვობთ Covid19-ით გარდაცვლილებს, ჩვენ მხედველობაში ისიც უნდა ვიქონიოთ, რომ კიბო ჯერ კიდევ სიკვდილიანობის მეორე წამყვანი მიზეზია მსოფლიოში”, „კიბო უნივერსალური ტვირთია და Covid19-ის პანდემიამ ფართომასშტაბიანი გავლენა იქონია კიბოს დიაგნოსტიკისა და მკურნალობის ხელმისაწვდომობაზე. ჩვენ ასევე აღვნიშნავთ, რომ ევროპის ქვეყნებში არაერთგვაროვანი შესაძლებლობები გვქონდა კიბოს სერვისებთან მიმართებაში და პანდემიამ ეს უთანასწორობა კიდევ უფრო გააღრმავა. როდესაც ვსაუბრობ თანაბარ ხელმისაწვდომობაზე, ბავშვთა კიბო ჯერ კიდევ სერიოზული, დასაფიქრებელი საკითხია ჩვენს ქვეყანაში, ზოგიერთ პატარა ასაკის ქართველ პაციენტს ჯერ კიდევ უწევს, რომ საზღვარგარეთ ეძებოს კიბოს მკურნალობის გზები, რაც არამარტო ძვირადღირებულია, არამედ ემოციურად მძიმეა მათთვის და მათი ოჯახებისთვის. სწორედ ამიტომ, მე განვსაზღვრე ბავშვთა კიბოსთან ბრძოლის გზები ჩემს ერთ-ერთ, მაღალი რანგის პრიორიტეტად და გადავწყვიტე, რომ მოვახდინო ბავშვებისთვის კიბოს დიაგნოსტიკის და მკურნალობის ყოვლისმომცველი შესაძლებლობების შექმნის ადვოკატირება აქ, საქართველოში. კიბო არ უნდა იყოს მომაკვდინებელი მხოლოდ იმიტომ, რომ იბადები ნაკლებად პრივილელგირებულ საზოგადოებაში”, - განაცხადა საქართველოს პრეზიდეტმა ევროპულ ფორუმზე. სალომე ზურაბიშვილმა კიბოს პრევენციის კუთხით საქართველოში გატარებულ ღონისძიებებზეც ისაუბრა და აღნიშნა, რომ 2013 წლიდან, საქართველომ ჯანმრთელობა პოლიტიკურ პრიორიტეტად გამოაცხადა და შეუერთდა გლობალურ ძალისხმევას ჯანდაცვაზე ხელმისაწვდომობის უზრუნველყოფის კუთხით. მისი თქმით, კიბოს პანევროპული ინიციატივა შეიძლება უდავოდ მძლავრი ინსტრუმენტი იყოს მეტი თანასწორობის მისაღწევად სრულიად ევროპის მასშტაბით. „მე ვთვლი, რომ პოლიტიკური ლიდერშიფი ნამდვილად ძალიან მნიშვნელოვანია კიბოსთან წინააღმდეგ ბრძოლაში და მინდა გაგიზიაროთ რამდენიმე შეხედულება, თუ როგორ ვუპასუხოთ ამ საერთო გამოწვევას:პირველ რიგში, ჩვენ გვჭირდება ყოვლისმომცველი მიდგომა, მთავრობის და საზოგადოების სრული ჩართულობით. ჩვენ გვჭირდება სისტემური პოლიტიკა - პრევენციიდან პალიაციამდე. და ამისთვის ჯანდაცვის მსოფლიო ორგანიზაციის ევროპის რეგიონული ოფისის უნიკალური გადაჭრის გზები ნამდვილად ერთ-ერთი მიმართულებაა. 4 თებერვალი კიბოსთან ბრძოლის მსოფლიო დღეა.
ეროვნული უსაფრთხოების საკითხებში აშშ-ის პრეზიდენტის მრჩეველი: ბაიდენის ადმინისტრაცია რუსეთს მავნე ქმედებებისთვის პასუხს აგებინებს
ეროვნული უსაფრთხოების საკითხებში აშშ-ის პრეზიდენტის მრჩევლის განცხადებით, წინა ადმინისტრაციისგან განსხვავებით, ჯო ბაიდენის ადმინისტრაცია რუსეთს მავნე ქმედებებისთვის პასუხს აგებინებს. ჯეიკ სალივანმა განაცხადა, რომ ახალი ადმინისტრაციის საგარეო პოლიტიკის კურსი აშშ-ს საშუალებას მისცემს, რუსეთს უფრო ეფექტურად დაუპირისპირდეს. „შევძლებთ, რუსეთს უფრო ეფექტურად გავუწიოთ წინააღმდეგობა. უკეთ მომზადებული ვიქნებით იმისთვის, რომ ისეთ საფრთხეებს გავუმკლავდეთ, როგორიცაა კლიმატის ცვლილება, პანდემია და ბირთვული იარაღის გავრცელება“, - განაცხადა ჯეიკ სალივანმა. ეს მავნე ქმედებები მოიცავს ამერიკულ დემოკრატიაში ჩარევას, ევროპაში ქიმიური იარაღით ხალხის მოწამლვას, კიბერშეტევებსა და ბევრ სხვა რამეს“, - აღნიშნა სალივანმა.
ევროკავშირის საბჭოს პრეზიდენტი საქართველოს ეწვევა
ევროკავშირის საბჭოს პრეზიდენტი, შარლ მიშელი საქართველოს პირველ მარტს ეწვევა. ამის შესახებ საქართველოს პრეზიდენტმა სალომე ზურაბიშვილმა „იმედის“ ეთერში განაცხადა. საქართველოს პრეზიდენტმა ბრიუსელში ვიზიტის შედეგები შეაჯამა და დასძინა რომ, საგარეო პოლიტიკის კუთხით ევროკავშირისგან მეტ აქტიურობას ელის. „საკმაოდ კრიტიკული შეფასება მქონდა ევროკავშირის საგარეო პოლიტიკის მიმართ, შეხვედრებზე ჩემი პოზიცია იყო ასეთი: თუ ევროკავშირს აქვს პრეტენზია, რომ ჰქონდეს საგარეო პოლიტიკა, არ შეიძლება, რომ უფრო აქტიურად არ იყოს ჩართული ყველა იმ კონფლიქტში, რომელიც მის სამეზობლოშია, ძირითადად რუსთთან დაკავშირებული კონფლიქტები, უკრაინის და ჩვენი ოკუპირებული ტერიტორიები. ბრიუსელში შეხვედრებზე ვთქვი, რომ საქართველო უნდა ახსენონ ყველა შეხვედრაზე რუსეთთან, რა ფორმატიც არ უნდა იყოს. არ შეიძლება მივიწყებული იყოს საქართველო და ოკუპირებული ტერიტორიები. მეზობელ ქვეყნებს შორის ბოლო კონფლიქტთან დაკავშირებითაც დავაყოლე, რომ ევროპამ მეტი აქტიურობა უნდა გამოიჩინოს და დაიცვას თავისი ინტერესები“, - აღნიშნა სალომე ზურაბიშვილმა. გადაცემის წამყვანის კითხვაზე რა შედეგი და პასუხი მოჰყვა მის ამ მოწოდებებს, სალომე ზურაბიშვილმა განაცხადა, რომ საქართველოში შარლ მიშელი ჩამოდის, თარიღი უკვე დადასტურებულია და ლოგიკური და სავარაუდოა, რომ ევროპელი სტუმარი სომხეთს და აზერბაიჯანსაც ეწვევა. „პასუხი იყო, რომ ვიცით, უფრო მეტად აქტიურები და ჩართულები უნდა ვიყოთ და ამის მოლოდინიც არის შიდა წრეებში“, - აღნიშნა პრეზიდენტმა.
ევროკომისიის პრეზიდენტი ევროკავშირის წევრ ქვეყნებს უკრაინისთვის ვაქინის დოზების გამოყოფას სთხოვს
ევროკომიის პრეზიდენტი, ურსულა ფონ დე ლეინი ევროკავშირის ქვეშნებს უკრაინისთვის ვაქცინის დოზების გამოყოფას სთხოვს. ინფორამაციას Euractiv-ი ავრცელებს. " Covax-ის პლატფორმის მიღმა ვთხოვ ჩვენს წევრ ქვეყნებს, უკრაინას ვაქცინის ზედმეტი დოზები გადასცენ", - აცხადებს ფონ დერ ლეინი. უკრაინა სხვადასხვა გზით ცდილობს ქვეყნისთვის საკმარისი დოზების მიღებას, მათ შორის გავრცელდა ინფორმაცია, რომ ვოლოდიმერ ზელენსიკიმ პოლონეთს უკრაინისთვის ზედმეტი დოზების გაღება სთხოვა. ამ ეტაპზე ქვეყანაში მხოლოდ ჯანმოს პლატფორმისგან დაპირებული და ჩინეთის მხრიდან შესყიდვული დოზებია ხელმისაწვდომი, რომელიც ჯერ ქვეყანას ჯერ არ მიუღია. უკრაინის პრეზიდენტის მიმართ ხშირად გამოითქვა კრიტიკა, რომ მან ვერ შეძლო დასავლეთის მიერ შექმნილი პრეპარატის დარეზერვება, თუმცა ზელენსკი აცხადებს, რომ ჩინური პრეპარატის ეფექტურობის სჯერა.
ოკუპირებული ცხინვალის ე.წ პრეზიდენტის წარმომადგენელი: ზაზა გახელაძემ ყველაზე მსუბუქი სასჯელი მიიღო
ქართული მხარე „გახელაძის საქმეს“ პროპაგანდისა და მიზანმიმართული სიცრუისთვის იყენებს, - ამის შესახებ ოკუპირებული ცხინვალის ე.წ. „პრეზიდენტის“ წარმომადგენელმა პოსტ-კონფლიქტური სიტუაციის დარეგულირების საკითხებში მურატ ჯიოევმა „ეხო-კავკაზასთან“ ინტერვიუში განაცხადა. ე.წ. სასამართლოს მიერ ზაზა გახელაძისთვის მისჯილ უკანონო, 12-წლიან პატიმრობასთან დაკავშირებით საუბრისას ჯიოევმა განაცხადა, რომ „ეს ყველაზე მსუბუქი სასჯელია.“ მისი თქმით, საერთაშორისო ორგანიზაციები „სამხრეთ ოსეთის ხელისუფლებას“ გამუდმებით მოუწოდებენ, ჰუმანურობა გამოიჩინონ, თუმცა ასეთ ჰუმანურობას და პრინციპულობას არ იჩენენ, როცა საქმე „სამხრეთ ოსეთის“ ახალგაზრდებს ეხებათ, რომლებიც 2008 წლიდან არიან დაკარგულები. „საერთაშორისო ორგანიზაციების წარმომადგენლები ყოველ ჯერზე მოუწოდებენ სამხრეთ ოსეთს, გამოიჩინოს ჰუმანურობა, მაგრამ რატომღაც ასეთ ჰუმანურობას და პრინციპულობას არ იჩენენ, სამხრეთ ოსეთის ახალგაზრდებთან დაკავშირებით, რომლებიც 2008 წლიდან დაკარგულები არიან და საერთაშორისო ექსპერტებმა ცალსახად დაადასტურეს, რომ ისინი საქართველოს ძალოვანი სტრუქტურების ხელში იმყოფებოდნენ“, - განაცხადა ჯიოევმა. ოკუპირებული ცხინვალის ე.წ სასამართლომ ზაზა გახელაძეს 12 წლითა და 6 თვით პატიმრობა მიუსაჯა.
