ძებნის რეზულტატი:
ბაიდენი ნეთანიაჰუსთან საუბრის შემდეგ: აშშ მზადაა, ისრაელის მთავრობასა და ხალხს მხარდაჭერის ყველა საშუალება შესთავაზოს
ისრაელის პრემიერ-მინისტრ, ბენიამინ ნეთანიაჰუსთან სატელეფონო საუბრის შემდეგ, აშშ-ის პრეზიდენტი, ჯო ბაიდენი აცხადებს, რომ შეერთებული შტატები მზადაა, ისრაელის მთავრობასა და ხალხს მხარდაჭერის ყველა საშუალება შესთავაზოს. „დღეს დილით ვესაუბრე პრემიერ-მინისტრ ნეთანიაჰუს ისრაელში საზარელი მიმდინარე თავდასხმების შესახებ. შეერთებული შტატები ცალსახად გმობს ისრაელის წინააღმდეგ „ჰამასის” ტერორისტების მიერ განხორციელებულ ამ საშინელ თავდასხმას. პრემიერ-მინისტრ ნეთანიაჰუს განვუცხადე, რომ მზად ვართ, შევთავაზოთ მხარდაჭერის ყველა შესაბამისი საშუალება ისრაელის მთავრობასა და ხალხს. ტერორიზმი არასოდეს არის გამართლებული. ისრაელს აქვს უფლება, დაიცვას საკუთარი თავი და ხალხი. შეერთებული შტატები აფრთხილებს ისრაელისადმი მტრულად განწყობილ ნებისმიერი სხვა მხარეს, რომელიც ამ სიტუაციაში სარგებელს ეძებს. ჩემი ადმინისტრაციის მხარდაჭერა ისრაელის უსაფრთხოებისთვის მტკიცე და ურყევია,“ - აცხადებს ჯო ბაიდენი. ბაიდენმა ნეთანიაჰუს განუცხადა, რომ აშშ ისრაელის გვერდით დგას - ისრაელი 7 ოქტომბერს ღაზის სექტორიდან ისრაელის მიმართულებით რაკეტები გაისროლეს. ისრაელის ჯანდაცვის სამინისტროს ცნობით, თავდასხმების შედეგად, სულ მცირე 779 ადამიანი დაშავდა ისრაელზე სარაკეტო თავდასხმისას სულ მცირე 70 ადამიანი დაიღუპა
ისრაელის საელჩო: „ჰამასმა“ წამოიწყო ბარბაროსული თავდასხმები, ამ იერიშმა ოთხ მილიონ ისრაელელს აიძულა, თავშესაფრებს შეფარებოდნენ
ტერორისტულმა ორგანიზაცია „ჰამასმა“ წამოიწყო ეს საშინელი და ბარბაროსული თავდასხმები. ყველაფრის მიუხედავად, ჩვენ ძლიერი ვართ და ყველაფერს გავაკეთებთ ჩვენი ხალხის დასაცავად, – ამის შესახებ ნათქვამია საქართველოში ისრაელის საელჩოს განცხადებაში. საელჩოს ცნობით, ახლაც კი, ისრაელელები მძევლად არიან აყვანილნი და ზოგიც ღაზაშია გადაყვანილი. „რთულია ასეთ დღეს სიტყვების პოვნა. დილის 06:30 ისრაელზე შეტევა ხორციელდება. რამდენიმე საათის განმავლობაში 2 200-მდე რაკეტა და ჭურვია გამიზნულად გასროლილი ისრაელის მშვიდობიანი მოსახლეობის მისამართით მათ მოსაკლავად. ამ იერიშმა ოთხ მილიონ ისრაელელს აიძულა, თავშესაფრებსა და დაცულ ოთახებს შეფარებოდნენ. სამხრეთში, რამდენიმე ებრაულ დასახლებაზე ბარბაროსული თავდასხმები განხორციელდა ტერორისტული „ჰამასის“ მიერ. ოჯახები, პატარა ბავშვებითა და მოხუცებით, თავიანთ სახლებში არიან დახოცილნი. ძნელია ასეთი სასტიკი სიმხდალის წარმოდგენა. ახლაც კი, ისრაელელები მძევლად არიან აყვანილნი და ზოგიც ღაზაშია გადაყვანილი. ჩვენ ვგლოვობთ 100-ზე მეტ ადამიანს, რომელიც სასტიკადაა მოკლული და იმედი გვაქვს 900-ზე მეტი დაჭრილი ისრაელელის სწრაფი გამოჯანმრთელების. კვლავ ვლოცულობთ, რომ დაკარგული ადამიანები უსაფრთხოდ იყვნენ. ტერორისტულმა ორგანიზაცია „ჰამასმა“ წამოიწყო ეს საშინელი და ბარბაროსული თავდასხმები. ყველაფრის მიუხედავად, ჩვენ ძლიერი ვართ და ყველაფერს გავაკეთებთ ჩვენი ხალხის დასაცავად. გვინდა, მადლობა გადავუხადოთ ყველას, ვინც მთელი დღის განმავლობაში მხარდაჭერა და სოლიდარობა გამოხატა ჩვენს მიმართ,“ – ნათქვამია განცხადებაში. ისრაელში „ჰამასის“ სარაკეტო თავდასხმის შემდეგ, 100-მდე ადამიანი დაიღუპა, 985 კი, ჰოსპიტალიზებულია. ისრაელის თავდაცვის ძალების პრესსპიკერის, ბრიგადის გენერალ დანიელ ჰაგარის განცხადებით, „ჰამასმა“ მძევლები და სამხედრო ტყვეები აიყვანა.
ევროპულმა ავიახაზებმა თელ-ავივის მიმართულებით ფრენები გააუქმეს
ისრაელის წინააღმდეგ ჰამასის ტერორისტული თავდასხმის გამო, რიგმა ავიაკომპანიებმა შაბათს თელ-ავივის მიმართულებით ფრენები გააუქმეს. Lufthansa ავიარეისების რაოდენობას ამცირებს. „ერთი რეისი თელავივიდან ფრანკფურტის მიმართულებით ამ შაბათს შესრულდება: Lufthansa-ს ყველა სხვა რეისი თელ-ავივის მიმართულებით და უკან ამ შაბათისთვის გაუქმებულია“ - ნათქვამია ინფორმაციაში. ფრანკფურტის აეროპორტის მთავარ გვერდზე შაბათს დაგეგმილი Lufthansa-ს ორი რეისი თელ-ავივის მიმართულებით გაუქმდა. შვეიცარიულმა ავიაკომპანია Swiss-მა, რომელიც Lufthansa-ს შვილობილი კომპანიაა, ისრაელის მიმართულებით ფრენები განუსაზღვრელი ვადით შეაჩერა. ინდუსტრიული გამოცემის AeroTelegraph-ის ცნობით, რამდენიმე თვითმფრინავმა კურსი შეცვალა. Wizz Air-ის თვითმფრინავი, რომელიც რომიდან მიფრინავდა, თელავივის ნაცვლად, იტალიის დედაქალაქში დაბრუნდა. ავიაკომპანიის კიდევ ერთი თვითმფრინავი თელ-ავივის ნაცვლად ლარნაკაში დაეშვა. გამოცემის ცნობით, თურქეთის ავიახაზების თვითმფრინავიც კვიპროსის მახლობლად შემობრუნდა. პოლონურმა გადამზიდავმა LOT-მა კი, შაბათის ფრენები თელ-ავივის მიმართულებით, ასევე გააუქმა.
როდის და რატომ შეიქმნა ტერორისტულ ორგანიზაციად აღიარებული „ჰამასი“
ისრაელზე „ჰამასის“ იერიშის შემდეგ, ქვეყნის ჯანდაცვის სამსახურის ცნობით, ისრაელში სულ მცირე 150 ადამიანი დაიღუპა, 1100-ზე მეტი კი, საავადმყოფოებში მკურნალობს. ღაზის სექტორში ისრაელის საპასუხო იერიშს 230-ზე მეტი ადამიანი ემსხვერპლა. დასავლეთის მიერ ტერორისტულ ორგანიზაციად აღიარებული „ჰამასი“ წლების განმავლობაში ესხმოდა თავს ისრაელს, თუმცა დღევანდელი იერიში ყველაზე მასშტაბურია. ღია წყაროების თანახმად, ტერორისსტებმა ქვეყნის ტერიტორიაზე შეაღწიეს. აიყვანეს მძევლები და სამხედრო ტყვეები. ქვეყნის პრემიერი ბენიამინ ნეთანიაჰუ მათ განადგურებით ემუქრება. რას წარმოადგენს დასავლეთის მიერ ტერორისტულ ორგანიზაციად აღიარებული „ჰამასი“. ამასთან დაკავშირებით Europetime სტატიას ამერიკულ მედიაზე დაყრდნობით გთავაზობთ. „ჰამასი“ არის ისლამისტური ორგანიზაცია, რომელიც 1987 წელს გამოჩნდა, წარმოიშვა მუსლიმთა საძმოდან, სუნიტური ისლამისტური ჯგუფიდან, რომელიც 1920-იანი წლების ბოლოს ეგვიპტეში დაარსდა.სიტყვა „ჰამასის“ აკრონიმი არის Harakat Al-Muqawama Al-Islamia - არაბული ისლამური წინააღმდეგობრივი მოძრაობისთვის. ჯგუფი, ისევე როგორც პალესტინის ფრაქციებისა და პოლიტიკური პარტიების უმეტესობა, ამტკიცებს, რომ ისრაელი არის ოკუპანტი ძალა და რომ ის ცდილობს, გაათავისუფლოს პალესტინის ტერიტორიები. ის ისრაელს არალეგიტიმურ სახელმწიფოდ მიიჩნევს. ჯგუფი თავს წარმოაჩენს ალტერნატივას პალესტინის თვითმმართველობისა (PA), რომელმაც ისრაელი აღიარა და მასთან მრავალ წარუმატებელ სამშვიდობო ინიციატივაშიც ჩაერთო. PA-ს დღეს მაჰმუდ აბასი ხელმძღვანელობს და დასავლეთ სანაპიროზეა დაფუძნებული. ამავდროულად, „ჰამასი“ აკონტროლებს ღაზის სექტორს, ანკლავს, სადაც დაახლოებით 2 მილიონი პალესტინელი ცხოვრობს და სადაც ხშირად ბოევიკებსა და ისრაელის ძალებს შორის სროლების დროს, მშვიდობიანი მოსახლეობა იღუპება. „ჰამასი“ ისრაელზე არაერთ თავდასხმას წლების განმავლობაში აწარმოებდა. ის შეერთებულმა შტატებმა, ევროკავშირმა და ისრაელმა ტერორისტულ ორგანიზაციად აღიარეს. ისრაელი თავის მთავარ მტერს ირანს „ჰამასის“ მხარდაჭერაში ადანაშაულებს. მომზადებულია CNN-ის მიხედვით.
ნეთანიაჰუ: გავიმარჯვებთ, მაგრამ ფასი მძიმე იქნება
ისრაელის პრემიერ-მინისტრმა, ბენიამინ ნეთანიაჰუმ ხალხისადმი მიმართვისას განაცხადა, რომ „ჰამასს“ ძალზე ძვირად დაუჯდება ისრაელზე თავდასხმა. ნეთანიაჰუ პირობას დებს, რომ ისრაელის „მთელ ძალას“ „ჰამასის“ შესაძლებლობების გასანადგურებლად გამოიყენებს. ნეთანიაჰუ აფრთხილებს „ჰამასს,“ რომ ისრაელი მას პასუხისმგებლობას დააკისრებს მძევლებზე, რომლებიც აიყვანა. „ისრაელი შურს იძიებს ყველაზე, ვინც ზიანს მიაყენებს.“ „ჩვენ სამიზნე იქნება „ჰამასი“ ყველგან, სადაც ის მოქმედებს. ის, რაც დღეს მოხდა, არასოდეს მინახავს ისრაელში და მე ვიზრუნებ იმაზე, რომ ეს აღარასოდეს განმეორდეს. ისრაელი დაუყოვნებლივ გამოიყენებს მთელ თავის ძალას „ჰამასის“ შესაძლებლობების გასანადგურებლად,” - განაცხადა ნეთანიაჰუმ. ისრაელის პრემიერის თქმით, „ჰამასმა“ დაიწყო სასტიკი და ბოროტი ომი, რომლის სამიზნე იყვნენ ახალგაზრდები და მოხუცები, უდანაშაულო მშვიდობიანი მოქალაქეები. „ჩვენ გავიმარჯვებთ, მაგრამ ფასი ძალიან ძვირი იქნება. „ჰამასს“ სურს ჩვენი, ყველას მოკვლა”, – განაცხადა ნეთანიაჰუმ. ისრაელის პრემიერ-მინისტრმა მოუწოდა „ღაზის მცხოვრებლებს“, დატოვონ ტერიტორია. „ახლავე წადით, რადგან ჩვენ ვიმოქმედებთ ყველგან მთელი ძალით,“ - განაცხადა ნეთანიაჰუმ. ნეთანიაჰუმ მადლობა გადაუხადა აშშ-ის პრეზიდენტ ჯო ბაიდენს უპირობო მხარდაჭერისთვის.
ბლინკენმა მაჰმუდ აბასს მოუწოდა, დაგმოს თავდასხმა ისრაელზე
აშშ-ის სახელმწიფო მდივანმა, ენტონი ბლინკენმა პალესტინის პრეზიდენტს მოუწოდა, გადადგას ნაბიჯები სიტუაციის დასამშვიდებლად. ამის შესახებ ენტონი ბლინკენი Twitter-ზე წერს. ბლინკენი აბასს ტელეფონით ესაუბრა ისრაელის წინააღმდეგ ტერორისტული თავდასხმების შესახებ. „მე მოვუწოდე, რომ რეგიონის ყველა ლიდერმა უნდა დაგმოს ეს საშინელი ტერორისტული აქტები,“ - წერს ბლინკენი. ისრაელზე „ჰამასის“ იერიშის შემდეგ, ქვეყნის ჯანდაცვის სამსახურის ცნობით, ისრაელში სულ მცირე 150 ადამიანი დაიღუპა, 1100-ზე მეტი კი, საავადმყოფოებში მკურნალობს. ღაზის სექტორში ისრაელის საპასუხო იერიშს 230-ზე მეტი ადამიანი ემსხვერპლა. დასავლეთის მიერ ტერორისტულ ორგანიზაციად აღიარებული „ჰამასი“ წლების განმავლობაში ესხმოდა თავს ისრაელს, თუმცა დღევანდელი იერიში ყველაზე მასშტაბურია. ღია წყაროების მიხედვით, ტერორისტებმა ქვეყნის ტერიტორიაზე შეაღწიეს. აიყვანეს მძევლები და სამხედრო ტყვეები. ქვეყნის პრემიერი, ბენიამინ ნეთანიაჰუ მათ განადგურებით ემუქრება.
ნეთანიაჰუმ ოპოზიციურ პარტიებს ეროვნული ერთიანობის მთავრობის შექმნა შესთავაზა
ისრაელის პრემიერ-მინისტრმა, ბენიამინ ნეთანიაჰუმ ოპოზიციური პარტიის ლიდერებს, იაირ ლაპიდსა და ბენი განცს ეროვნული ერთიანობის მთავრობის შექმნა შესთავაზა. ამის შესახებ ცენტრისტული პარტიის, ეშ ატიდის ხელმძღვანელმა, იაირ ლაპიდმა ჟურნალისტებს განუცხადა. „მე ახლახანს შევხვდი პრემიერმინისტრ ნეთანიაჰუს. ვუთხარი, რომ ამ საგანგებო სიტუაციაში თანახმა ვარ მასთან ერთად საგანგებო, ვიწრო პროფესიონალური მთავრობის შექმნაზე,“ - განაცხადა ლაპიდმა. ისრაელის საზოგადოებრივი მაუწყებლის ცნობით, ლაპიდი და განცი ახლა იკრიბებიან, რათა განიხილონ მთავრობაში მონაწილეობის პირობები. ისრაელზე „ჰამასის“ იერიშის შემდეგ, ქვეყნის ჯანდაცვის სამსახურის ცნობით, სულ მცირე 150 ადამიანი დაიღუპა, 1100-ზე მეტი კი, საავადმყოფოებში მკურნალობს. ღაზის სექტორში ისრაელის საპასუხო იერიშს 230-ზე მეტი ადამიანი ემსხვერპლა. დასავლეთის მიერ ტერორისტულ ორგანიზაციად აღიარებული „ჰამასი“ წლების განმავლობაში ესხმოდა თავს ისრაელს, თუმცა დღევანდელი იერიში ყველაზე მასშტაბურია. ღია წყაროების მიხედვით, ტერორისტებმა ქვეყნის ტერიტორიაზე შეაღწიეს. აიყვანეს მძევლები და სამხედრო ტყვეები. ქვეყნის პრემიერი, ბენიამინ ნეთანიაჰუ მათ განადგურებით ემუქრება.
ბენიამინ ნეთანიაჰუ: ვიწყებთ ხანგრძლივ და რთულ ომს, რომელიც „ჰამასის“ სასტიკმა თავდასხმამ გვაიძულა
ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ომის პირველი ეტაპი დამთავრდება ისრაელის ტერიტორიაზე შემოჭრილი მტრის ძალების უმრავლესობის განადგურებით. ისრაელის პრემიერ-მინისტრის ოფისის განცხადებაში ნათქვამია, რომ მინისტრთა კაბინეტმა მიიღო „ოპერაციული გადაწყვეტილებების სერია, რაც მიზნად ისახავს „ჰამასის“ და პალესტინის ხელისუფლების სამხედრო და პოლიტიკური შესაძლებლობების განადგურებას.“ „ვიწყებთ ხანგრძლივ და რთულ ომს, რომელიც გვაიძულა „ჰამასის“ სასტიკმა თავდასხმამ. ამავდროულად, ჩვენ დავიწყეთ შეტევითი ფორმირება და ის გაგრძელდება დათქმისა და შესვენების გარეშე, მიზნების მიღწევამდე. ჩვენ აღვადგენთ უსაფრთხოებას ისრაელის მოქალაქეებისთვის და გავიმარჯვებთ,“ - აღნიშნა ნეთანიაჰუმ. შეგახსენებთ, 7 ოქტომბერს, პალესტინის მოძრაობა „ჰამასმა“ ისრაელზე ყველაზე მასშტაბური თავდასხმა განახორციელა. ისრაელმა ღაზაზე საპასუხო იერიში დაიწყო. ორივე მხარე ასობით დაშავებულისა და დაღუპულის შესახებ იუწყება. ისრაელის თავდაცცვის ძალების ცნობით, „ჰამასმა" აიყვანა მძევლები და სამხედრო ტყეები. ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი “ომშია“ და "ჰამასი" უპრეცედენტო ფასსს გადაიხდის და ისრაელი გაიმარჯვებს.
საქართველოს საგარეო საქმეთა სამინისტრო, ღაზის მიმდებარედ თავდასხმის დროს მყოფი მოქალაქეების შესახებ ინფორმაციას ავრცელებს
საქართველოს საგარეო საქმეთა სამინისტროს განცხადებით, შეიარაღებული თავდასხმის დროს ღაზის სექტორის მიმდებარე ტერიტორიაზე საქართველოს 4 მოქალაქე იმყოფებოდა. უწყების თანახმად, ოთხივე მათგანი იმყოფება უსაფრთხო ადგილას. რაც შეეხება ინტერნეტსივრცეში გავრცელებულ ფოტომასალებს, უწყება განმარტავს, რომ მიმდინარეობს ავთენტურობის დადგენა და სამინისტრო მოქალაქეებს მიმართავს, ვიდრე არ გაირკვევა დეტალები, დაუზუსტებელი ინფორმაციის გავრცელებისგან თავი შეიკავონ. „საქართველოს საელჩოს ხელთ არსებული ინფორმაციით, შეიარაღებული თავდასხმის დროს ღაზის სექტორის მიმდებარე ტერიტორიაზე საქართველოს 4 მოქალაქე იმყოფებოდა. ამ ეტაპზე ოთხივე მათგანი იმყოფება უსაფრთხო ადგილას. აღნიშნული ინფორმაცია გადამოწმდა როგორც ისრაელის მხარესთან, ასევე ხსენებული ოთხი პირიდან ერთ-ერთთან კომუნიკაციის შედეგად. რაც შეეხება ინტერნეტ სივრცეში გავრცელებულ ფოტომასალას, მიმდინარეობს ავთენტურობის დადგენა და ვიდრე არ გაირკვევა დეტალები, დაუზუსტებელი ინფორმაციის გავრცელებისგან, გთხოვთ, თავი შეიკავოთ," - ნათქვამია ინფორმაციაში. შეგახსენებთ, 7 ოქტომბერს, პალესტინის მოძრაობა „ჰამასმა“ ისრაელზე ყველაზე მასშტაბური თავდასხმა განახორციელა. ისრაელმა ღაზაზე საპასუხო იერიში დაიწყო. ორივე მხარე ასობით დაშავებულისა და დაღუპულის შესახებ იუწყება. ისრაელის თავდაცცვის ძალების ცნობით, „ჰამასმა" აიყვანა მძევლები და სამხედრო ტყეები. ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი “ომშია“ და "ჰამასი" უპრეცედენტო ფასსს გადაიხდის და ისრაელი გაიმარჯვებს.
ისრაელში საქართველოს ელჩი: ისრაელის აეროპორტი დაკეტილი არ არის, საქართველოს რამდენიმე ათეული მოქალაქე დაბრუნდა საქართველოში ისრაელიდან
ისრაელში საქართველოს ელჩმა, ლაშა ჟვანიამ განაცხადა, რომ საქართველოს არცერთი მოქალაქე ისრაელში მიმდინარე მოვლენების გამო არ დაშავებულა. ელჩის ინფორმაციით, საქართველოს რამდენიმე მოქალაქეს დასჭირდა საელჩოს დახმარება და ისინი ამ ეტაპზე უსაფრთხო ადგილზე იმყოფებიან. „საქართველოს მოქალაქეების დაშავების შესახებ ინფორმაცია არ შემოსულა. მუდმივ კონტაქტზე ვართ როგორც ისრაელის თავდაცვის სამინისტროსთან, ისე საგარეო საქმეთა სამინისტროსთან, ასევე ისრაელის პოლიციასთან. არ არის საქართველოს მოქალაქე, რომელიც შეიძლებოდა, დაშავებულიყო ამ პერიოდის განმავლობაში ჩვენი რამდენიმე მოქალაქე გუშინ უსაფრთხო ადგილზე იქნა გადმოყვანილი, სამი არის ნათანიაში, ერთ არის თელ ავივში,“ – განაცხადა ჟვანიამ, რომლის კომენტარს საგარეო უწყება ავრცელებს. რაც შეეხება ამ დროისთვის არსებულ ვითარებას, დაღუპულია 25-ზე მეტი ადამიანი. „ამ მასშტაბის ტერორისტული აქტი არ ყოფილა ქვეყანაში მრავალი წლის განმავლობაში, პრაქტიკულად, ისრაელის ისტორიაში შეუძლებელია, გავიხსენოთ რომელიმე ფაქტი, რომელსაც ამდენი მსხვერპლი მოჰყვა. დილით ისრაელის არმიამ კიდევ გამოაქვეყნა 25 გარდაცვლილი ახალგაზრდის სია, რომელთა საშუალო ასაკი 20 წელია. ეს უმძიმესი პერიოდია ისრაელის სახელმწიფოს ისტორიაში, ებრაელი ერის ცხოვრებაში. ჯერ კიდევ არ არის ყველა ადგილზე, დასახლებაზე კონტროლი აღებული ისრაელის არმიის მიერ.“ საერთაშორისო კომერციულმა ავიაკომპანიებმა გააუქმეს თავიანთი რეისები ისრაელის მიმართულებით და ისრაელიდან. ისრაელის აეროპორტი დაკეტილი არ არის. გუშინ შესრულდა რამდენიმე რეისი. გუშინ საღამოს საქართველოს რამდენიმე ათეული მოქალაქე დაბრუნდა საქართველოში ისრაელიდან. ისინი, ვინც ვერ დაბრუნდნენ, საქართველოს საელჩოს დახმარებით, უზრუნველყოფილები არიან სასტუმროთი. ბავშვები არიან პედაგოგებთან ერთად, რომლებიც ფესტივალზე იყვნენ ჩამოსულები, ისინი უსაფრთხოდ არიან. სამი ტელეფონის ნომერია გამოცხადებული, თუ რაიმე დამატებითი ინფორმაცია იქნება საჭირო. თუ ვინმე რაიმე ინფორმაციას ფლობს საქართველოს მოქალაქეებზე, გთხოვთ, შეგვატყობინოთ,“ – განაცხადა ლაშა ჟვანიამ. შეგახსენებთ, 7 ოქტომბერს, პალესტინის მოძრაობა „ჰამასმა“ ისრაელზე ყველაზე მასშტაბური თავდასხმა განახორციელა. ისრაელმა ღაზაზე საპასუხო იერიში დაიწყო. ორივე მხარე ასობით დაშავებულისა და დაღუპულის შესახებ იუწყება. ისრაელის თავდაცცვის ძალების ცნობით, „ჰამასმა" აიყვანა მძევლები და სამხედრო ტყეები. ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი “ომშია“ და "ჰამასი" უპრეცედენტო ფასსს გადაიხდის და ისრაელი გაიმარჯვებს.
ისრაელის საჰაერო ძალებმა „ჰამასის“ დაზვერვის დეპარტამენტის ხელმძღვანელის კუთვნილ კომპლექსს დაარტყა
ისრაელის საჰაერო ძალები აცხადებს, რომ მისმა მოიერიშე თვითმფრინავებმა დაარტყეს კომპლექსს, რომელიც ტერორისტული ორგანიზაცია „ჰამასის“ დაზვერვის დეპარტამენტის ხელმძღვანელს ეკუთვნოდა. ინფორმაციას BBC ავრცელებს. შეგახსენებთ, 7 ოქტომბერს, პალესტინის მოძრაობა „ჰამასმა“ ისრაელზე ყველაზე მასშტაბური თავდასხმა განახორციელა. ისრაელმა ღაზაზე საპასუხო იერიში დაიწყო. ორივე მხარე ასობით დაშავებულისა და დაღუპულის შესახებ იუწყება. ისრაელის თავდაცცვის ძალების ცნობით, „ჰამასმა" აიყვანა მძევლები და სამხედრო ტყეები. ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი “ომშია“ და "ჰამასი" უპრეცედენტო ფასსს გადაიხდის და ისრაელი გაიმარჯვებს. როდის და რატომ შეიქმნა დასავლეთის მიერ ტერორისტულ ორგანიზაციად აღიარებული „ჰამასი“
ისრაელი აცხადებს, რომ ქვეყნის სამხრეთით, 22 ლოკაციაზე კონტროლი დაიბრუნა
24 საათზე ცოტა მეტი გავიდა მას შემდეგ, რაც „ჰამასმა“ ისრაელზე უპრეცედენტო თავდასხმა წამოიწყო. BBC აჯამებს, რა ხდება ქვეყანაში ამ დროისთვის. ისრაელის არმია აცხადებს, რომ მის ტერიტორიაზე ჯერ კიდევ არის „რვა ცხელი წერტილი“, სადაც „ჰამასის“ ბოევიკებთან უწევთ გამკლავება, თუმცა აღნიშნავენ, რომ დაიბრუნა კონტროლი ქვეყნის სამხრეთით, 22 ლოკაციაზე. ჰამასი ამბობს, რომ „სასტიკი ბრძოლები" გრძელდება ბენიამინ ნეთანიაჰუ: ვიწყებთ ხანგრძლივ და რთულ ომს, რომელიც „ჰამასის“ სასტიკმა თავდასხმამ გვაიძულა ისრაელმა დაიწყო საპასუხო დარტყმები ღაზის სექტორში მდებარე ობიექტებზე და ურჩია იქ ხალხს, დატოვონ ტერიტორია - საჰაერო თავდასხმებს 250-ზე მეტი ადამიანი ემსხვერპლა, აცხადებენ პალესტინელი ოფიციალური პირები. BBC-ის რეპორტიორი ღაზაში, ამბობს, რომ აფეთქებების ხმები არ წყდება - ოჯახები გაეროს მიერ მართულ სკოლებს აფარებენ თავს. „ჰამასის“ სახმელეთო, საჰაერო და საზღვაო თავდასხმის შედეგად, გავრცელებული ინფორმაციით, დაიღუპა სულ მცირე 250 ისრაელელი. დაშავებულია ასეულობით ადამიანი. ათობით - შესაძლოა, 100-მდეც კი, აშშ-ში ისრაელის საელჩოს ცნობით - გაიტაცეს. ლიბანური შეიარაღებული დაჯგუფება, აშშ-ის მიერ ტერორისტულ ორგანიზაციად აღიარებული „ჰეზბოლა“ ასევე ჩაერთო ბრძოლაში, რომელმაც განაცხადა, რომ დოვის მთაზე დარტყმების უკან იდგა - ტერიტორიაზე, რომელზეც ისრაელი, ლიბანი და სირია პრეტენზიას აცხადებენ. BBC-ის თანახმად, ამას მოჰყვა ისრაელის საპასუხო გასროლა ლიბანში. შეგახსენებთ, 7 ოქტომბერს, პალესტინის მოძრაობა „ჰამასმა“ ისრაელზე ყველაზე მასშტაბური თავდასხმა განახორციელა. ისრაელმა ღაზაზე საპასუხო იერიში დაიწყო. ორივე მხარე ასობით დაშავებულისა და დაღუპულის შესახებ იუწყება. ისრაელის თავდაცცვის ძალების ცნობით, „ჰამასმა" აიყვანა მძევლები და სამხედრო ტყეები. ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი “ომშია“ და "ჰამასი" უპრეცედენტო ფასსს გადაიხდის და ისრაელი გაიმარჯვებს.
ილჰამ ალიევი საქართველოს ეწვია
საქართველოს სამუშაო ვიზიტით აზერბაიჯანის რესპუბლიკის პრეზიდენტი ილჰამ ალიევი ეწვია. შოთა რუსთაველის სახელობის თბილისის საერთაშორისო აეროპორტში აზერბაიჯანის რესპუბლიკის პრეზიდენტს ვიცე-პრემიერი, ეკონომიკისა და მდგრადი განვითარების მინისტრი - ლევან დავითაშვილი, აზერბაიჯანის რესპუბლიკაში საქართველოს საგანგებო და სრულუფლებიანი ელჩი - ზურაბ პატარიძე და საქართველოში აზერბაიჯანის რესპუბლიკის საგანგებო და სრულუფლებიანი ელჩი - ფაიგ გულიევი დახვდნენ. ვიზიტის ფარგლებში დაგეგმილია ირაკლი ღარიბაშვილისა და ილჰამ ალიევის პირისპირ შეხვედრა, რის შემდეგაც საქართველოს პრემიერ-მინისტრი და აზერბაიჯანის რესპუბლიკის პრეზიდენტი მედიისთვის ერთობლივ განცხადებებს გააკეთებენ. ილჰამ ალიევი საქართველოს სამთავრობო დელეგაციასთან ერთად ეწვია.
ავღანეთში მიწისძვრის მსხვერპლთა რაოდენობა 2053-მდე გაიზარდა
ავღანეთში მომხდარმა ძლიერმა მიწისძვრებმა 2000-ზე მეტი ადამიანის სიცოცხლე შეიწირა. 9000-ზე მეტი ადამიანი დაშავდა. Reuters-ის ცნობით, ამის შესახებ „თალიბანის“ მთავრობის ადმინისტრაციამ განაცხადა. 6,3 მაგნიტუდის სიმძლავრის მიწისძვრა ქვეყნის დასავლეთით მდებარე ქალაქ ჰერატიდან დაახლოებით 40 კილომეტრში, ადგილობრივი დროით 11:00 საათზე მოხდა.
ისრაელის სამხედროებმა ჯარების მასიურად გაძლიერების ბრძანება გასცეს
ისრაელის სამხედროებმა ჯარების მასიურად გაძლიერების ბრძანება გასცეს. ისრაელი ღაზაზე ინტენსიურ საჰაერო თავდასხმებს ახორციელებს. ასევე გეგმავს სახმელეთო ოპერაციას. „ჰამასმა“ მოუწოდა პალესტინელებს და სხვა არაბებს, შეუერთდნენ „აქციას“ „[ისრაელის] ოკუპაციის გასაქრობად.“ BBC სტატიაში წერს, რომ ახლა ყველაზე დიდი შეკითხვაა, გაითვალისწინებენ თუ არა მის მოწოდებას პალესტინელები დასავლეთ სანაპიროზე და აღმოსავლეთ იერუსალიმში თუ რეგიონის სხვა ტერიტორიაზე. „ისრაელი ხედავს იმის პოტენციალს, რომელიც შეიძლება, მრავალი ფრონტი გაიხსნას,“ - წერს BBC. ისრაელის თავდაცვის ძალების უმაღლესი სპიკერი, დენიელ ჰაგარი აცხადებს, რომ სამხედროებმა გუშინ, 7 ოქტომბერს დაწყებული ბრძოლების დროს 400-ზე მეტი პალესტინელი ტერორისტი მოკლეს სამხრეთ ისრაელსა და ღაზის სექტორში, ათობით ტერორისტი კი, დაატყვევეს. „ისრაელის თავდაცვის ძალები იბრძვიან, მიმდინარეობს ჩხრეკა უამრავ ქალაქში.ყველა ქალაქში არიან ისრაელის თავდაცვის ძალები, არ არსებობს ქალაქი, სადაც ისინი არ არიან,“ – განაცხადა ჰაგარმა პრესკონფერენციაზე. ჰაგარი ამბობს, რომ ისრაელის თავდაცვის ძალების მისიაა, ღაზის საზღვარზე მდებარე ქალაქებიდან ყველა მცხოვრების ევაკუაცია, ისრაელის ტერიტორიაზე ბრძოლების დასრულება, უსაფრთხოების ბარიერის დარღვევის გაკონტროლება და ტერორისტების ზონაში დარტყმების გაგრძელება. ლიბანური შეიარაღებული დაჯგუფება, აშშ-ის მიერ ტერორისტულ ორგანიზაციად აღიარებული „ჰეზბოლა“ ასევე ჩაერთო ბრძოლაში, რომელმაც განაცხადა, რომ დოვის მთაზე დარტყმების უკან იდგა - ტერიტორიაზე, რომელზეც ისრაელი, ლიბანი და სირია პრეტენზიას აცხადებენ. BBC-ის თანახმად, ამას მოჰყვა ისრაელის საპასუხო გასროლა ლიბანში. შეგახსენებთ, 7 ოქტომბერს, პალესტინის მოძრაობა „ჰამასმა“ ისრაელზე ყველაზე მასშტაბური თავდასხმა განახორციელა. ისრაელმა ღაზაზე საპასუხო იერიში დაიწყო. ორივე მხარე ასობით დაშავებულისა და დაღუპულის შესახებ იუწყება. ისრაელის თავდაცცვის ძალების ცნობით, „ჰამასმა" აიყვანა მძევლები და სამხედრო ტყეები. ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი “ომშია“ და "ჰამასი" უპრეცედენტო ფასსს გადაიხდის და ისრაელი გაიმარჯვებს.
პეკინის შეფასებით, „კონფლიქტის ფუნდამენტური გამოსავალი პალესტინის დამოუკიდებელ სახელმწიფოდ ჩამოყალიბებაშია“
ჩინეთის საგარეო საქმეთა სამინისტრომ ისრაელთან დაკავშირებით განაცხადა, რომ „დაძაბულობისა და ძალადობის ესკალაციის გამო“ „ღრმად შეშფოთებულია“. სამინისტრომ მოუწოდა საერთაშორისო თანამეგობრობას „უფრო სასწრაფოდ იმოქმედოს, გააძლიეროს მონაწილეობა პალესტინის საკითხში, ხელი შეუწყოს პალესტინასა და ისრაელს შორის სამშვიდობო მოლაპარაკებების ადრეულ განახლებას და იპოვოს გზა მუდმივი მშვიდობის დასამყარებლად.“ „მოვუწოდებთ შესაბამის მხარეებს, შეინარჩუნონ სიმშვიდე, გამოიჩინონ თავშეკავება და დაუყოვნებლივ შეწყვიტონ საომარი მოქმედებები მშვიდობიანი მოსახლეობის დასაცავად და სიტუაციის შემდგომი გაუარესების თავიდან აცილების მიზნით,“ - განაცხადა უწყების სპიკერმა. მისივე თანახმად, კონფლიქტის ფუნდამენტური გამოსავალი ორი სახელმწიფოს მიერ გადაწყვეტის პოვნასა და პალესტინის დამოუკიდებელ სახელმწიფოდ ჩამოყალიბებაშია. სპიკერმა აღნიშნა, ორმ ჩინეთი ამ მიზნით, საერთაშორისო საზოგადოებასთან მუშაობას აქტიურად განაგრძობს. შეგახსენებთ, 7 ოქტომბერს, პალესტინის მოძრაობა „ჰამასმა“ ისრაელზე ყველაზე მასშტაბური თავდასხმა განახორციელა. ისრაელმა ღაზაზე საპასუხო იერიში დაიწყო. ორივე მხარე ასობით დაშავებულისა და დაღუპულის შესახებ იუწყება. ისრაელის თავდაცცვის ძალების ცნობით, „ჰამასმა" აიყვანა მძევლები და სამხედრო ტყეები. ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი “ომშია“ და "ჰამასი" უპრეცედენტო ფასსს გადაიხდის და ისრაელი გაიმარჯვებს.
როგორი ამინდია მოსალოდნელი უახლოეს დღეებში: გარემოს ეროვნული სააგენტოს გაფრთხილება
გარემოს ეროვნული სააგენტოს ცნობით, 9 ოქტომბერს დღისით, 10 ოქტომბრის ღამის საათებამდე, დასავლეთ საქართველოში მოსალოდნელია ზოგან ძლიერი წვიმა, დროგამოშვებით ძალიან ძლიერი, მაღალმთიან ზონაში თოვლი. 9 ოქტომბრიდან, 10 ოქტომბრის დღის მეორე ნახევრამდე საქართველოს მთელ ტერიტორიაზე მოსალოდნელია დასავლეთის მიმართულების ძლიერი, დროგამოშვებით ძალიან ძლიერი ქარი. ზღვაზე 4-5 ბალიანი შტორმული ღელვა. „მოსალოდნელმა ძლიერმა ნალექებმა დასავლეთ საქართველოს მდინარეებზე შესაძლებელია, წყლის დონეების მნიშვნელოვანი მატება, ხოლო მთიან და გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს,“ - ნათქვამია გარემოს ეროვნული სააგენტოს მიერ გავრცელებულ ინფორმაციაში.
ნეთანიაჰუ მთავრობის მხრიდან დიდი ზეწოლის ქვეშ იქნება, რათა გააკეთოს ის, რასაც ადრე სხვა ლიდერების მსგავსად, თავს არიდებდა - მედია
ისრაელსა და „ჰამასს“ შორის ათწლეულების განმავლობაში მიმდინარეობდა თავდასხმები, იყო დაძაბულობა და ომები, მაგრამ ეს კრიზისი განსხვავებული და საშიშია - უპირველეს ყოვლისა, ისრაელის მხრიდან მძევლების დიდი რაოდენობის, მაგრამ ასევე - ისრაელის მხარეს მსხვერპლის მზარდი რაოდენობის გამო. ამის შესახებ BBC ანალიზს გვთავაზობს. ანალიტიკურ სტატიაში მედია ხაზს უსვამს, რომ ისრაელის პრემიერ-მინისტრი, ბენიამინ ნეთანიაჰუ იქნება დიდი ზეწოლის ქვეშ მისი მემარჯვენე მთავრობის მხრიდან, რათა გააკეთოს ის, რასაც ის და ისრაელის სხვა ლიდერები წარსულში თავს არიდებდნენ - ძირითადი სახმელეთო შეტევის წარმოება ღაზაში - უფრო მეტიც, ტერიტორიის ხელახალი ოკუპაცია, საიდანაც მისმა ჯარები 2005 წელს გაიყვანეს. „ჰამასი„ ასევე მზად არის ბრძოლისთვის - მისმა ძლიერმა თავდასხმამ რეზონანსი გამოიწვია ისრაელის შეზღუდვებით დაღლილ პალესტინელებში, რომლებიც გაბრაზებულები არიან პალესტინის თვითმმართველობაში საკუთარი ლიდერებით.ეს კრიზისი ასევე ემთხვევა იმ დროს, როდესაც ისრაელი და შეერთებული შტატები საუდის არაბეთთან მოლაპარაკებებს აწარმოებენ იმის შესახებ, სამეფოსთვის რა იქნებოდა მთავარი ნაბიჯი ებრაული სახელმწიფოს აღიარების კონტექსტში. „ჰამასმა“ ახლა შეახსენა ყველას, რომ ისინი ჯერ კიდევ გასათვალისწინებელი ძალაა და ჯერ კიდევ არის გადასაჭრელი ძირითადი საკითხები,“ - წერს BBC. ბენიამინ ნეთანიაჰუ: ვიწყებთ ხანგრძლივ და რთულ ომს, რომელიც „ჰამასის“ სასტიკმა თავდასხმამ გვაიძულა შეგახსენებთ, 7 ოქტომბერს, პალესტინის მოძრაობა „ჰამასმა“ ისრაელზე ყველაზე მასშტაბური თავდასხმა განახორციელა. ისრაელმა ღაზაზე საპასუხო იერიში დაიწყო. ორივე მხარე ასობით დაშავებულისა და დაღუპულის შესახებ იუწყება. ისრაელის თავდაცცვის ძალების ცნობით, „ჰამასმა" აიყვანა მძევლები და სამხედრო ტყეები. ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი “ომშია“ და "ჰამასი" უპრეცედენტო ფასსს გადაიხდის და ისრაელი გაიმარჯვებს. ისრაელის სამხედროებმა ჯარების მასიურად გაძლიერების ბრძანება გასცეს. ისრაელი ღაზაზე ინტენსიურ საჰაერო თავდასხმებს ახორციელებს. ასევე გეგმავს სახმელეთო ოპერაციას. როდის და რატომ შეიქმნა ტერორისტულ ორგანიზაციად აღიარებული „ჰამასი“
ორფოლოს პოლიგონზე საველე სწავლება ჩატარდა
პირველი ქვეითი ბრიგადის მე-11 მსუბუქი ბატალიონის „ალფა“ ქვეითმა ასეულმა ორფოლოს პოლიგონზე საველე სწავლება საბრძოლო სროლებით დაასრულა. თავდაცვის სამინისტროს ცნობით, სწავლება დღის და ღამის პირობებში ორი კვირის განმავლობაში მიმდინარეობდა. დასკვნით ფაზაში „ალფა“ ასეულს მხარი დაუჭირეს პირველი ქვეითი ბრიგადის მე-14 შერეულმა ჯავშანსატანკო ბატალიონმა, 82 მმ-იანი ნაღმმტყორცნების ოცეულმა, სნაიპერთა ჯგუფმა და საინჟინრო ასეულმა. გეგმური სწავლება დამკვირვებელ-მაკონტროლებლების მიერ დადებითად შეფასდა. სწავლების მიზანს მხარდამჭერ ელემენტებთან კოორდინირებული მომზადება წარმოადგენდა.
ირაკლი ღარიბაშვილი ალიევთან შეხვედრის შემდეგ: მიმოვიხილეთ შუა დერეფნის განვითარების პერსპექტივები
აზერბაიჯანი არის ერთ-ერთი მსხვილი სავაჭრო პარტნიორი საქართველოსი. ტოპ ხუთეულში არის ყოველ წელს. წელს ვაჭრობა გაიზარდა 15%-ით, - ამის შესახებ საქართველოს პრემიერ-მინისტრმა, ირაკლი ღარიბაშვილმა აზერბაიჯანის რესპუბლიკის პრეზიდენტთან ილჰამ ალიევთან შეხვედრის შემდეგ, ერთობლივ ბრიფინგზე განაცხადა, რომ აზერბაიჯანი არის ერთ-ერთი მსხვილი სავაჭრო პარტნიორი საქართველოსი - ტოპ ხუთეულში არის ყოველ წელს, წელს ვაჭრობა გაიზარდა 15%-ით. ირაკლი ღარიბაშვილის თქმით, ასევე გაიზარდა ტვირთების გადაზიდვა. „ჩვენ ასევე გვქონდა საუბარი ვაჭრობა-ეკონომიკის საკითხებთან დაკავშირებით. თანამშრომლობის საკითხები მიმოვიხილეთ ენერგეტიკის, ტრანსპორტის, ლოგისტიკის საკითხებში. აზერბაიჯანი არის ერთ-ერთი მსხვილი სავაჭრო პარტნიორი საქართველოსი. ტოპ ხუთეულში არის ყოველ წელს. წელს ვაჭრობა გაიზარდა 15%-ით. შარშანაც გვქონდა საკმაოდ რეკორდული წელი. ასევე გაიზარდა ტვირთების გადაზიდვა, მოცულობა. ზოგადად, მინდა აღვნიშნო, რომ ჩვენ ძალიან წარმატებულად ვთანამშრომლობთ ყველა საკითხში, იქნება ეს ენერგეტიკა, ტრანსპორტი, ლოგისტიკა თუ სხვა ნებისმიერი სფერო. ჩვენს რკინიგზებს აქვთ ასევე ძალიან წარმატებული თანამშრომლობა,“ - განაცხადა პრემიერმა. მისივე თქმით, განხილული იყო შუა დერეფნის განვითარების პერსპექტივები. ირაკლი ღარიბაშვილის თქმით, საქართველო და აზერბაიჯანი ბევრ მნიშვნელოვან ერთობლივ პროექტს ახორციელებენ. „ჩვენ მიმოვიხილეთ ასევე შუა დერეფნის განვითარების პერსპექტივები. იცით, რომ ჩვენ კოორდინირებულად ვმუშაობთ აზერბაიჯანთან და ყაზახეთთან ერთად, იმისთვის, რომ ძალიან სწრაფად მოხდეს ამ კორიდორის განვითარებას, რომელიც გულისხმობს რკინიგზის მოდერნიზაციას, პორტების გაფართოებას და მშენებლობას, გზების მოდერნიზაციას და განვითარებას. ამ მხრივ, აზერბაიჯანს ვიცი, რომ დაწყებული აქვს მასშტაბური სამუშაო. ჩვენ, საქართველოს ასევე დაწყებული გვაქვს სამუშაოები, რომელიც ეხება რკინიგზის მოდერნიზაციას, რომელიც დასრულდება 2024 წლის ბოლოს და რკინიგზის გამტარუნარიანობა გაიზრდება, გაორმაგდება. ჩვენ ასევე ვიწყებთ ძალიან მალე ახალი პორტის, ანაკლიის პორტის მშენებლობას. ბოლო ფაზის დასრულების შემდეგ პორტის გამტარუნარიანობა იქნება 100 მილიონი ტონა. ასევე ძალიან მალე დასრულდება აღმოსავლეთ-დასავლეთის ჩქაროსნული მაგისტრალის მშენებლობა. ყველა ამ პროექტში რა თქმა უნდა, ჩვენ ვთანამშრომლობთ აზერბაიჯანთან. ასევე რამდენიმე თვეში დასრულდება კიდევ ერთი ისტორიული მნიშვნელობის, სტრატეგიული მნიშვნელობის პროექტი, ბაქო-თბილისი-ყარსის რკინიგზის პროექტი, რომელიც ძალიან წარმატებით მიმდინარეობს ახლა და რამდენიმე თვეში ჩვენ ამ პროექტსაც დავასრულებთ. ასე, რომ ჩვენ პერსპექტივა გვაქვს ძალიან ნათელი, ხედვა გვაქვს შორსმჭვრეტელი. ჩვენ აზერბაიჯანთან გვინდა გვქონდეს ძალიან გრძელვადიანი პარტნიორობა და მეგობრობა. მე მჯერა ჩვენი ერთობლივი ხედვის,“ - განაცხადა პრემიერმა.
