თეგი: დონალდ ტრამპი
Forbes: დონალდ ტრამპის ქონება წელიწადში $600 მილიონით გაიზარდა
აშშ-ის ყოფილი პრეზიდენტის, დონალდ ტრამპის ქონება $2,4 მილიარდიდან ერთ წელიწადში $3 მილიარდამდე გაიზარდა. ამის შესახებ Forbes მილიარდერების რეიტინგზე დაყრდნობით წერს. 2021 წელს დონალდ ტრამპმა შექმნა თავისი სოცილური პლატფორმა Truth Social, რომელსაც Trump Media მართავს. თუმცა მისი კაპიტალის ძირიტადი ნაწილია უძრავი ქონება ნიუ-იორკში. ტრამპმა მიიღო $430 მილიონი ინვესტორებისგან Trump Media-ში. Forbes მილიარდერების რეიტინგში დონალდ ტრამპი 1076-ე ადგილზეა.
დონალდ ტრამპი უკრაინაში ომზე: ეს გენოციდია
აშშ-ის ყოფილმა პრეზიდენტმა დონალდ ტრამპმა განაცხადა, რომ ის, რაც უკრაინაში ხდება, გენოციდია. ამის შესახებ აშშ-ის 45-ე პრეზიდენტმა Fox News-ის ეთერში განაცხადა. მან კიდევ ერთხელ გაიმეორა, რომ მისი პრეზიდენტობის დროს, პუტინი უკრაინაში არ შეიჭრებოდა. „ის, რაც უკრაინაში ხდება, გენოციდია და მსგავსი არაფერი გვინახავს აქამდე“, - განაცხადა დონალდ ტრამპმა. მზარდი ინფლაციის შესახებ გამოსვლისას, 12 აპრილს, აშშ-ის პრეზიდენტმა ჯო ბაიდენმა რუსეთის პრეზიდენტი ვლადიმერ პუტინი გენოციდში დაადანაშაულა. ჯო ბაიდენმა განაცხადა, რომ საჭიროა მტკიცებულებების შეგროვება, რათა რუსეთის ლიდერი ვლადიმერ პუტინი გასამართლდეს სამხედრო დანაშაულისთვის, რომელიც დაკავშირებულია უკრაინაში რუსეთის შეჭრასთან. „ის ომის დამნაშავეა”, - განაცხადა ბაიდენმა პუტინის შესახებ, მას შემდეგ, რაც გავრცელდა ინფორმაცია რუსეთის ჯარების მიერ მშვიდობიანი მოსახლეობის მასობრივი მკვლელობის შესახებ ქალაქ ბუჩაში, უკრაინის დედაქალაქ კიევის ჩრდილო-დასავლეთით. ბაიდენმა ასევე განაცხადა, რომ აპირებს რუსეთის წინააღმდეგ დამატებითი სანქციების დაწესებას ომის დროს მისი ქმედებებისთვის. პუტინის მტკიცებით, „ბუჩა სიყალბეა და მსგავსი „პროვოკაციები" სირიაშიც განხორციელდა“. 11 აპრილს გავრცელებული ინფორმაციით, ოკუპანტების მიერ გათავისუფლებულ ბუჩაში 300-ზე მეტი მშვიდობიანი მოქალაქე მოკლული იპოვეს. უკრაინის პრეზიდენტმა, ვოლოდიმირ ზელენსკიმ კიევის ოლქში რუსი სამხედროების მოქმედებები გენოციდად შეაფასა. უკრაინის საგარეო საქმეთა მინისტრმა, დმიტრო კულებამ საერთაშორისო სასამართლოსა და ორგანიზაციებს რუსი ჯარისკაცების მოქმედებების გამოძიებისკენ მოუწოდა. რუსეთის თავდაცვის სამინისტრო ბუჩაში 300-ზე მეტი მშვიდობიანი მოქალაქის მკვლელობის ბრალდებებს უარყოფს და ამ ყველაფერს უკრაინის "უკანასკნელ პროვოკაციას" უწოდებს. გაზეთმა The New York Times-მა უკრაინული ქალაქის ბუჩას სატელიტური ფოტოები გამოაქვეყნა, რომელშიც ჩანს, რომ ქალაქის ქუჩებში ათობით ცხედარია. ჟურნალისტებმა გააანალიზეს ფოტომასალა, რომელიც კომპანია Maxar Technologies-ის მიერ მარტის შუა რიცხვებშია გადაღებული და დაასკვნეს, რომ ბუჩას მცხოვრებლები სამი კვირის წინ დახოცეს, მაშინ როცა ქალაქს რუსი სამხედროები აკონტროლებდნენ. ცნობისთვის, რუსეთმა 24 თებერვლის დილით, უკრაინაში სრულმასშტაბიანი ომი წამოიწყო. რუსეთის პრეზიდენტმა პუტინმა დონბასისა და ლუგანსკის სეპარატისტული რეგიონების დაცვის საბაბით უკრაინაში „სამხედრო ოპერაციის“ დაწყების შესახებ განაცხადა. დასავლეთმა რუსეთს მძიმე სანქციები დაუწესა.
დონალდ ტრამპი: რუსეთმა და უკრაინამ ომის დასრულების შესახებ შეთანხმებას მალე მიაღწიონ
"აუცილებელია, რომ რუსეთმა და უკრაინამ ომის დასრულების შესახებ შეთანხმებას მალე მიაღწიონ", - ამის შესახებ აშშ-ის ყოფილმა პრეზიდენტმა, დონალდ ტრამპმა განაცხადა. „ეს არის ომი, რომელიც არასდროს უნდა მომხდარიყო, თუმცა მოხდა. გადაწყვეტა ვერასდროს იქნება ისეთი კარგი, როგორიც ომის დაწყებამდე იქნებოდა, თუმცა გადაწყვეტა არსებობს და მისი მიღწევა ახლაა საჭირო და არა მოგვიანებით, როდესაც ყველა მოკვდება!“ - აღნიშნა ტრამპმა. ცნობისთვის, რუსეთმა 24 თებერვლის დილით, უკრაინაში სრულმასშტაბიანი ომი წამოიწყო. რუსეთის პრეზიდენტმა პუტინმა დონბასისა და ლუგანსკის სეპარატისტული რეგიონების დაცვის საბაბით უკრაინაში „სამხედრო ოპერაციის“ დაწყების შესახებ განაცხადა. დასავლეთმა რუსეთს მძიმე სანქციები დაუწესა. პრეზიდენტი ბაიდენი პუტინს ომის დამნაშავეს უწოდებს და აცხადებს, რომ საჭიროა მტკიცებულებების შეგროვება. ასევე წაიკითხეთ: სერგეი ლავროვი: უკრაინაში სპეცოპერაციის შემდეგი ფაზა იწყება, რომლის მიზანი დონეცკისა და ლუგანსკის სრული გათავისუფლებაა
დონალდ ტრამპი: ბაიდენმა ვლადიმერ პუტინის ბირთვულ მუქარას მკაცრი პასუხი უნდა გასცეს
"ჯო ბაიდენმა ვლადიმერ პუტინის ბირთვულ მუქარას მკაცრი პასუხი უნდა გასცეს", - ამის შესახებ აშშ-ის ყოფილი პრეზიდენტმა, დონალდ ტრამპმა განაცხადა. „პუტინი ყოველთვის იყენებს სიტყვა ბირთვულს, მაგრამ ეს არ მუშაობს, უბრალოდ არ მუშაობს. თუმცა, ის იყენებს ამ სიტყვას ყოველდღიურად. ბაიდენმა მას უნდა უპასუხოს, რომ ჩვენ გვაქვს საუკეთესო იარაღი და ისტორიაში საუკეთესო წყალქვეშა ძალა. მე რომ პრეზიდენტი ვიყო, ვიტყოდი, რომ ჩვენ რუსეთზე ბევრად ძლიერები ვართ. ამიტომ აღარასოდეს უნდა გამოიყენონ სიტყვა „ბირთვული იარაღი“, - განაცხადა ტრამპმა. 17 აპრილს უკრაინის პრეზიდენტმა ვოლოდიმირ ზელენსკიმ CNN-თან ინტერვიუში განაცხადა, რომ მსოფლიო მზად უნდა იყოს იმისთვის, რომ პუტინმა შესაძლოა, ბირთვული იარაღი გამოიყენოს. მანამდე იაპონიის პრემიერ-მინისტრმა, ფუმიო კიშიდამ აშშ-ს ელჩთან ჰიროსიმაში შეხვედრისას აღნიშნა, რომ რუსეთის მხრიდან ბირთვული იარაღის გამოყენების პერსპექტივა "სულ უფრო რეალური" ხდება. რუსეთის უშიშროების საბჭოს თავმჯდომარის მოადგილემ დიმიტრი მედვედევმა ის ოთხი შემთხვევა დაასახელა, რა დროსაც რუსეთმა შეიძლება „ბირთვული იარაღი“ გამოიყენოს. 22 მარტს რუსეთის ფედერაციის პრეზიდენტის პრესმდივანმა დიმიტრი პესკოვმა თქვა, რომ რუსეთის ფედერაციას შეუძლია ბირთვული იარაღის გამოყენება მხოლოდ იმ შემთხვევაში, თუ ქვეყანას „ეგზისტენციალური საფრთხე“ დაემუქრება. ამის შესახებ მან ამერიკულ ტელეკომპანია CNN-ს დღეს ვრცელი ინტერვიუ მისცა. შეგახსენებთ, უკრაინაში ომის დაწყებიდან მეოთხე დღეს, 27 თებერვალს რუსეთის პრეზიდენტმა, ვლადიმერ პუტინმა შემაკავებელი ძალების სპეციალურ საბრძოლო მზადყოფნის რეჟიმზე გადასვლის შესახებ ბრძანება გასცა. მოგვიანებით, რიგმა ექსპერტებმა განმარტეს, რომ ეს რუსეთის სტრატეგიული სარაკეტო ძალებისთვის მზადყოფნის უმაღლესი დონეა. რუსეთის პრეზიდენტმა სამხედრო მაღალჩინოსნებთან საუბრისას განაცხადა, რომ დასავლეთის ქვეყნები რუსეთს „არამეგობრულად მოექცნენ" და უკანონო სანქციები დააწესეს. მალევე, გაეროში აშშ-ის ელჩმა პუტინის გადაწყვეტილებას „მიუღებელი“ უწოდა. ასევე წაიკითხეთ მედვედევი: რუსეთი ბირთვულ იარაღს ოთხ შემთხვევაში გამოიყენებს პუტინმა ბირთვული ძალები „სპეციალურ მზადყოფნაში" მოიყვანა. პუტინი ბირთვული იარაღის გამოყენებით ირიბად დაიმუქრა, რითაც უკრაინაზე პოლიტიკურ ზეწოლას ახდენს - მეთიუ ბრაიზა ლავროვი ბირთვული იარაღის გამოყენებაზე: უფლებას არ მივცემთ, გვაიძულონ წონასწორობიდან გამოსვლა რამდენად რეალურია რუსეთის მიერ ბირთვული იარაღის გამოყენების საფრთხე - თენგიზ ფხალაძის ხედვა სერგეი ლავროვი: ბირთვული ომის საფრთხე რეალურია
ტრამპი აცხადებს, რომ FBI-მ მის რეზიდენციაში ჩხრეკა ჩაატარა
აშშ-ის ექსპრეზიდენტი დონალდ ტრამპი აცხადებს, რომ გამოძიების ფედერალური ბიუროს თანამშრომლებმა ფლორიდაში მდებარე მისი რეზიდენცია გაჩხრიკეს. ტრამპის თქმით, სამართალდამცველები მის სახლში გაუფრთხილებლად მივიდნენ და მისი სეიფიც გატეხეს. ტრამპმა განცხადებაში აღნიშნა, რომ მისი რეზიდენცია „ოკუპირებული იყო FBI-ს თანამშრომლების დიდი ჯგუფის მიერ". „ეს ბნელი დღეა ჩვენი ქვეყნისთვის. მსგავსი რამ არასოდეს მომხდარა შეერთებული შტატების ისტორიაში“, - ამბობს ტრამპი. მისივე თქმით, მართლმსაჯულების სისტემას იარაღად იყენებენ, რათა 2024 წლის საპრეზიდენტო არჩევნებში მის მონაწილეობას ხელი შეუშალონ. ოფიციალური კომენტარი აშშ-ს უწყებებს არ გაუკეთებიათ. მიმდინარე წლის თებერვალში აშშ-ის ეროვნული არქივის ადმინისტრაციამ კონგრესს აცნობა, რომ ფლორიდაში მდებარე დონალდ ტრამპის სახლიდან დაახლოებით 15 ყუთი დოკუმენტები ამოიღო, რომელთაგან ზოგიერთი საიდუმლო მასალებს შეიცავდა. ტრამპის ადვოკატმა, კრისტინა ბობმა NBC News-ს განუცხადა, რომ ჩხრეკის დროს ამოღებულია რამდენიმე დოკუმენტი.
დონალდ ტრამპს ნიუ-იორკის გენერალური პროკურორი დაკითხავს - CNN
აშშ-ის ექსპრეზიდენტს, დონალდ ტრამპს ნიუ-იორკის გენერალური პროკურორი 10 აგვისტოს დაკითხავს. იუწყება CNN წყაროზე დაყრდნობით. ექსპრეზიდენტის ადვოკატმა კომენტარის გაკეთებაზე უარი განაცხადა. ამერიკული მედიის ინფორმაციით, ჯერ უცნობია, უპასუხებს თუ არა ტრამპი კითხვებს, თუ თავს დაიცავს მეხუთე შესწორების უფლებით დახურულ კარს მიღმა ჩვენების მიცემისას. ამ ინფორმაციას წინ უძღვის გამოძიების ფედერალური ბიუროს თანამშრომლების მიერ ფლორიდაში მდებარე ტრამპის რეზიდენციაში ჩხრეკის ჩატარება. ტრამპის თქმით, სამართალდამცველები მის სახლში გაუფრთხილებლად მივიდნენ და მისი სეიფიც გატეხეს. ტრამპმა განცხადებაში აღნიშნა, რომ მისი რეზიდენცია „ოკუპირებული იყო FBI-ს თანამშრომლების დიდი ჯგუფის მიერ". „ეს ბნელი დღეა ჩვენი ქვეყნისთვის. მსგავსი რამ არასოდეს მომხდარა შეერთებული შტატების ისტორიაში“, - განაცხადა ექსპრეზიდენტმა. მისივე თქმით, მართლმსაჯულების სისტემას იარაღად იყენებენ, რათა 2024 წლის საპრეზიდენტო არჩევნებში მის მონაწილეობას ხელი შეუშალონ. მოგვიანებით, აშშ-ის წარმომადგენელთა პალატის სპიკერის, ნენსი პელოსის კომენტარი გავრცელდა, რომლის თანახმად, კანონზე მაღლა არავინ დგას. მიმდინარე წლის თებერვალში აშშ-ის ეროვნული არქივის ადმინისტრაციამ კონგრესს აცნობა, რომ ფლორიდაში მდებარე დონალდ ტრამპის სახლიდან დაახლოებით 15 ყუთი დოკუმენტები ამოიღო, რომელთაგან ზოგიერთი საიდუმლო მასალებს შეიცავდა. ტრამპის ადვოკატმა, კრისტინა ბობმა NBC News-ს განუცხადა, რომ ჩხრეკის დროს ამოღებულია რამდენიმე დოკუმენტი.
დონალდ ტრამპმა ნიუ-იორკის გენერალურ პროკურორს კითხვებზე არ უპასუხა
აშშ-ის ექსპრეზიდენტმა დონალდ ტრამპმა ნიუ-იორკის გენერალური პროკურატურის კითხვებზე პასუხის გაცემაზე უარი განაცხადა. ტრამპი აცხადებს, რომ FBI-მ მის რეზიდენციაში ჩხრეკა ჩაატარა პოლიტიკოსის თქმით, მან ყველა მოქალაქისთვის კონსტიტუციით მინიჭებული უფლებებითა და პრივილეგიებით ისარგებლა. დონალდ ტრამპს ნიუ-იორკის გენერალური პროკურორი დაკითხავს - CNN ტრამპის განცხადება მას შემდეგ გახმაურდა, რაც აშშ-ის ექსპრეზიდენტი ნიუ-იორკის გენერალური პროკურორის ლეტიცია ჯეიმსის ოფისში მივიდა, რათა ჩვენება მიეცა საქმეზე, რომელიც Trump Organization-ში სავარაუდო ფინანსურ თაღლითობას ეხებოდა. ტრამპის კომპანია, სესხის აღების მიზნით აქტივების ღირებულების ხელოვნურად გაბერვაშია ეჭვმიტანილი. რესპუბლიკელი ტრამპი უარყოფს ბრალდებებს და მიმდინარე გამოძიებას დემოკრატების მიერ ინიცირებულ „ჯადოქრებზე ნადირობას“ უწოდებს. 9 აგვისტოს ფლორიდაში ტრამპის მარ-ა-ლაგოს რეზიდენციაში ჩხრეკა ჩატარდა. ტრამპი ამტკიცებს, რომ ჩხრეკა - ისევე როგორც მის წინააღმდეგ მიმდინარე სხვა გამოძიება პოლიტიკურადაა მოტივირებული და მისთვის 2024 წლის საპრეზიდენტო არჩევნებში მონაწილეობაში ხდელის შეშლას ისახავს მიზნად.
უცხოური მედია: გამოძიების ფედერალური ბიუროს აგენტებმა დონალდ ტრამპის სახლიდან საიდუმლო დოკუმენტების 11 ნაკრები ამოიღეს
ამერიკული მედიის ინფორმაციით, გამოძიების ფედერალური ბიუროს აგენტებმა დონალდ ტრამპის სახლიდან საიდუმლო დოკუმენტების 11 ნაკრები ამოიღეს, მათგან რამდენიმე დოკუმენტს გრიფი „სრულიად საიდუმლო“ ადევს. როგორც დაზუსტდა, ჩხრეკისას ამოღებულია 20-მდე ყუთი ნივთებით, საქაღალდე ფოტოებით, ხელნაწერი. ასევე ნაპოვნია დოსიე საფრანგეთის პრეზიდენტ ემანუელ მაკრონზე. ტრამპის ადვოკატები ამტკიცებენ, რომ ექს-პრეზიდენტმა თანამდებობის დატოვებამდე თავისი უფლებამოსილება გამოიყენა მასალებზე საიდუმლოს გრიფის მოხსნისთვის. ამასთან, თავად ტრამპი გამოძიებას პოლიტიკურად მოტივირებულს უწოდებს.
ბაიდენმა ტრამპის სახლში ჩხრეკის ჩატარებაზე კომენტარი გააკეთა
აშშ-ის პრეზიდენტმა ჯო ბაიდენმა უარყო, რომ მას წინასწარ ჰქონდა ინფორმაცია ტრამპის რეზიდენციაში ჩხრეკის ჩატარების შესახებ. კითხვაზე, წინასწარ ეცნობა თუ არა მას ბიუროს გეგმების შესახებ, ბაიდენმა უპასუხა: „მე არ მიმიღია წინასწარი შეტყობინება“. მიმდინარე წლის თებერვალში აშშ-ის ეროვნული არქივის ადმინისტრაციამ კონგრესს აცნობა, რომ ფლორიდაში მდებარე დონალდ ტრამპის რეზიდენციაში თეთრი სახლიდან დაახლოებით 15 ყუთი დოკუმენტები აღმოაჩინა, რომელთაგან ზოგიერთი საიდუმლო მასალებს შეიცავდა. 9 აგვისტოს, გამოძიების ფედერალურმა ბიურომ დონალდ ტრამპის სახლში ჩხრეკა ჩაატარა. მისმა ადვოკატმა, კრისტინა ბობმა დაადასტურა, რომ FBI-მ მარ-ა-ლაგოს რეზიდენციიდან დოკუმენტები ამოიღო. დონალდ ტრამპმა მომხდარს „ჩვენი ქვეყნისთვის ბნელი დრო“ უწოდა.
FBI-იმ დონალდ ტრამპის სახლში, ჩატარებული ჩხრეკისას 18 „განსაკუთრებული მნიშვნელობის“ დოკუმენტი ამოიღო
გამოძიების ფედერალურმა ბიურომ (FBI) ფლორიდაში, აშშ-ის ყოფილი პრეზიდენტის დონალდ ტრამპის სახლში ჩატარებული ჩხრეკისას 18 „განსაკუთრებული მნიშვნელობის“, 54 „საიდუმლო“ და 31 „კონფიდენციალური“ დოკუმენტი ამოიღო. ბაიდენმა ტრამპის სახლში ჩხრეკის ჩატარებაზე კომენტარი გააკეთა როგორც უცხოური პრესა წერს, საერთო ჯამში სამართალდამცველებმა ტრამპის სახლიდან 11 000-ზე მეტი სამთავრობო დოკუმენტი ამოიღეს. " აშშ-ის ყოფილი პრეზიდენტის დონალდ ტრამპის სახლში ჩატარებული ჩხრეკისას 18 „განსაკუთრებული მნიშვნელობის“, 54 „საიდუმლო“ და 31 „კონფიდენციალური“ დოკუმენტია ნაპოვნი. ამასთან, ჩხრეკისას ნაპოვნია 88 ცარიელი საქაღალდე, რომელთაგან 48-ში საიდუმლო ინფორმაცია, ხოლო 40-ში კონფიდენციალური ინფორმაცია უნდა ყოფილიყო.", - ნათქვამია ინფორმაციაში. ტრამპი აცხადებს, რომ FBI-მ მის რეზიდენციაში ჩხრეკა ჩაატარა შეგახსენებთ, რომ 9 აგვისტოს, გამოძიების ფედერალურმა ბიურომ დონალდ ტრამპის სახლში ჩხრეკა ჩაატარა. მისმა ადვოკატმა, კრისტინა ბობმა დაადასტურა, რომ FBI-მ მარ-ა-ლაგოს რეზიდენციიდან დოკუმენტები ამოიღო. დონალდ ტრამპმა მომხდარს „ჩვენი ქვეყნისთვის ბნელი დრო“ უწოდა.
ნიუ-იორკის პროკურორმა დონალდ ტრამპი და მისი უფროსი შვილები თაღლითობაში დაადანაშაულა
ნიუ-იორკის შტატის პროკურორმა, ლეტიცია ჯეიმსმა აშშ-ის ყოფილი პრეზიდენტის, დონალდ ტრამპის, მისი უფროსი შვილების და ასევე კომპანია Trump Organization-ის წინააღმდეგ სარჩელი შეიტანა და ისინი თაღლითობაში დაადანაშაულა. ამის შესახებ ინფორმაციას NBC News- ავრცელებს. "სარჩელი 200 გვერდზე მეტს მოიცავს, სადაც დონალდ ტრამპს მის ნათესავებსა და ბიზნეს ორგანიზაციას ბრალად ედებათ წლების განმავლობაში ფინანსური თაღლითობა, მათ შორის კომპანიის კაპიტალიზაციის შესახებ ყალბი მონაცემების მიწოდება, რომელიც ან არასაკმარისად იყო შეფასებული, ან გადაჭარბებული იყო, ხელსაყრელი პირობებით კრედიტის ასაღებად, ან ნაკლები გადასახადების გადასახდელად", - განაცხადა პროკურორმა. ამასთან, საგამოძიებო უწყება ტრამპს 10 წლის განმავლობაში თაღლითობის 200 ეპიზოდში ადანაშაულებს.
აშშ-ის წარმომადგენელთა პალატის სპეციალურმა კომიტეტმა, დონალდ ტრამპი ჩვენების მისაცემად დაიბარა
აშშ-ის წარმომადგენელთა პალატის სპეციალურმა კომიტეტმა, ქვეყნის ყოფილი პრეზიდენტი, დონალდ ტრამპი ჩვენების მისაცემად დაიბარა. ამასთა, კომიტეტი 2021 წლის 6 იანვარს კაპილოტიუმზე მომხდარ შტურმს იძიებს, "ტრამპმა 4 ნოემბრამდე დოკუმენტაცია უნდა წარმოადგინოს, 14 ნოემბრიდან კი ფიზიკურად, ან ვირტუალურად მიიღოს მონაწილეობა კომიტეტის სხდომაში", - აცხადებენ კომიტეტის წარმოამდგენლები. ამ ეტაპზე უცნობია, შეასრულებს, თუ არა ტრამპი კომიტეტის მოთხოვნას, რადგან ტრამპს უფლება აქვს, მოთხოვნა სასამართლოში გაასაჩივროს. ცნობისთვის, შშ-ის სასამართლომ დონალდ ტრამპის ყოფილ მრჩეველს, სტივ ბენონს ბრალი მას შემდეგ წაუყენა, რაც ბენონსმა უარი თქვა კაპიტოლიუმზე შტურმის საქმეზე კონგრესის კომიტეტისთვის დოკუმენტები წარედგინა და ჩვენების მისაცემად გამოცხადებულიყო.
ძალიან ბედნიერი ვარ, რომ Twitter-ი ახლა კარგ ხელშია - ტრამპი
ძალიან ბედნიერი ვარ, რომ Twitter-ი ახლა კარგ ხელშია და აღარ იმართება რადიკალი მემარცხენე გიჟებისა და მანიაკების მიერ", - ამის შესახებ აშშ-ის ყოფილმა პრეზიდენტმა, დონალდ ტრამპმა განაცხადა. ილონ მასკმა Twitter-ი იყიდა და მთავარი აღმასრულებელი დირექტორი გაათავისუფლა „ძალიან ბედნიერი ვარ, რომ Twitter-ი ახლა კარგ ხელშია და აღარ იმართება რადიკალი მემარცხენე გიჟებისა და მანიაკების მიერ, რომლებსაც ნამდვილად სძულთ ჩვენი ქვეყანა. Twitter-მა ახლა უნდა იმუშაოს იმისთვის, რომ მოიშოროს ყველა ბოტი და ყალბი ანგარიში“, - აღნიშნა აშშ-ის ყოფილმა პრეზიდენტმა. ცნობისთვის, ილონ მასკს პარასკევამდე უნდა დაესრულებინა Twitter-ის შესყიდვის $44 მილიარდიანი გარიგება, წინააღმდეგ შემთხვევაში მას კომპანიასთან სამართალწარმოების დაწყება მოუწევდა.Twitter-მა მასკს გარიგების დასრულებუს მიზმნით, სასამართლოშუ უჩივლა. დელავერის (აშშ) სასამართლომ, საქმის დაჩქარებული განხილვა გადაწყვიტა.
დონალდ ტრამპი: 15 ნოემბერს "დიდ განცხადებას" გავაკეთებ
აშშ-ის ყოფილი პრეზიდენტი, რესპუბლიკელი დონალდ ტრამპი აცხადებს, რომ 15 ნოემბერს „დიდი განცხადების“ გაკეთებას გეგმავს. ამის შესახებ ტრამპმა ოჰაიოში რესპუბლიკური პარტიის წინასაარჩევნო აქციაზე სიტყვით გამოსვლისას განაცხადა. ნედ პრაისი: აშშ არ მოითმენს თავის არჩევნებში ჩარევას "მე ვაპირებ ძალიან დიდ განცხადების გაკეთებას სამშაბათს, 15 ნოემბერს, მარ-ა-ლაგოში" - თქვა ტრამპმა მხარდამჭერების წინშე ოჰაიოში, ორშაბათს ღამით, სადაც ის ატარებდა შუალედური არჩევნების ბოლო მიტინგს. პუტინთან დაახლოებულმა ბიზნესმენმა აღიარა, რომ რუსეთი აშშ-ის არჩევნებში ერეოდა ცნობისთვის, დღეს ამერიკელები ხმას აძლევენ არჩევნებში, რომლის შედეგებმაც შეიძლება გამოიწვიოს რესპუბლიკელების მიერ კონგრესის ერთი ან ორივე პალატის კონტროლი.
აშშ-ში ამაღელვებელი ღამეა - ტრამპი
აშშ-ში ამაღელვებელი ღამეა, - ასე მიმართა ქვეყნის ყოფილმა პრეზიდენტმა, დონალდ ტრამპმა მომხრეებს. დონალდ ტრამპი: 15 ნოემბერს "დიდ განცხადებას" გავაკეთებ მისივე თქმით, არჩევნებს რესპუბლიკელები მნიშვნელოვნად იგებენ. აშშ-ში 8 ნოემბერს ჩატარებული შუალედური არჩევნების შედეგების წინასწარი მონაცემებით, კონგრესის წარმომადგენელთა პალატის არჩევნებში რესპუბლიკელები ლიდერობენ. აშშ-ს რესპუბლიკური პარტია, სავარაუდოდ, აშშ-ს წარმომადგენელთა პალატაში დემოკრატიული პარტიის 80-ის წინააღმდეგ 134 ადგილს იკავებს. „სენატში რესპუბლიკელებმა და დემოკრატებმა დაიკავეს 40 ადგილი“,- გამოითვალა CNN-მა. წარმომადგენელთა პალატაში უმრავლესობისთვის აუცილებელია 218 ადგილი, სენატში - 50. სენატში ორივე მხარის მიერ თანაბარი რაოდენობის ადგილების დაკავების შემთხვევაში, გადამწყვეტი ხმა აშშ-ის ვიცე-პრეზიდენტს რჩება. ამ თანამდებობას ახლა დემოკრატი კამალა ჰარისი იკავებს. ხმების დათვლა გრძელდება.
დონალდ ტრამპმა ოფიციალურად გამოაცხადა, რომ 2024 წლის საპრეზიდენტო არჩევნებში კენჭს იყრის
დონალდ ტრამპმა, განაცხადა, რომ 2024 წლის საპრეზიდენტო არჩევნებში კენჭს იყრის. მანამდე, ის აშშ-ის მოქალაქეებს დაჰპირდა, რომ ქვეყანას „ძველ დიდებას“ დაუბრუნებს. თეთრ სახლში დასაბრუნებლად მან ჯერ რესპუბლიკური პარტიის პრაიმერში უნდა მოიგოს. საზოგადოებრივი აზრის გამოკითხვების მიხედვით, ამჟამად დონალდ ტრამპი სხვა რესპუბლიკელ კანდიდატებთან შედარებით აშკარად ლიდერობს. „კონსერვატორებს შორის ექს-პრეზიდენტი უფრო პოპულარულია ვიდრე მისი თანაპარტიული კონკურენტები და ბევრი ფანატიკოსი მხარდამჭერი ჰყავს“,,- წერს „დოიჩე ველე“. აშშ-ის საპრეზიდენტო არჩევნები 2024 წლის 5 ნოემბერს გაიმართება. დონალდ ტრამპი აშშ-ის პრეზიდენტი 2017 წლის 20 იანვრიდან 2021 წლის 20 იანვრამდე იყო. 2020 წლის ნოემბრის არჩევნებში მეორე ვადით კენჭისყრისას ტრამპი, დემოკრატ ჯო ბაიდენთან დამარცხდა.
ილონ მასკის თქმით, დონალდ ტრამპის ანგარიში Twitter-ზე აღდგენილია
აშშ-ის ყოფილი პრეზიდენტის, დონალდ ტრამპის ანგარიში სოციალურ ქსელში აღდგენილია. ამის შესახებ Twitter-ის ახალმა მფლობელმა ილონ მასკმა განაცხადა. მასკმა ონლაინ გამოკითხვა ჩაატარა. Twitter-ის მომხმარებლებმა ტრამპის ანგარიშის აღდგენას მხარი დაუჭირეს. მასკის თქმით, Twitter-ის 15 მილიონზე მეტი მომხმარებლის 51,8%-მა ტრამპისთვის აკრძალვის გაუქმებას მისცა ხმა. ცნობისთვის, დონალდ ტრამპის Twitter-ის ანგარიში 2021 წელს, ძალადობის წაქეზების რისკის გამო დაიბლოკა. მედია წერს, რომ აშშ-ის ყოფილი პრეზიდენტი შესაძლოა, Twitter-ზე არ დაბრუნდეს, ადრე განაცხადა, რომ საამისოდ ვერანაირ მიზეზს ვერ ხედავს.
ტრამპი Twitter-ზე დაბრუნებას აღარ გეგმავს
აშშ-ის ყოფილი პრეზიდენტი დონალდ ტრამპი, მიუხედავად იმისა, რომ მისი ანგარიში, ცოტა ხნის წინ Twitter-ზე განბლოკეს, სოციალურ ქსელში დაბრუნებას არ გეგმავს. პოლიტიკოსმა თავისი გადაწყვეტილების მიზეზად „სოციალურ ქსელში მომხმარებლების ვარდნა და ძალიან ბევრი ყალბი ანგარიში", დაასახელა. ტრამპმა ყველა მხარდამჭერი, თავის სოციალურ ქსელში მიიწვია. „ქსელზე მომხმარებელთა წვდომა მზარდია და ბევრად უფრო მოსახერხებელია, ვიდრე Twitter-ი", - თქვა აშშ-ს ყოფილმა პრეზიდენტმა. მანამდე Twitter-ის მფლობელმა ილონ მასკმა გამოაქვეყნა გამოკითხვა, აღედგინა თუ არა დონალდ ტრამპის ანგარიში. კენჭისყრის შედეგები აშშ-ის ყოფილ პრეზიდენტის სასარგებლოდ გადაწყდა და მილიარდერმა, პოლიტიკოსის ანგარიში განბლოკა.
ნიუ-იორკის სასამართლომ „ტრამპის ორგანიზაცია" თაღლითობაში დამნაშავედ ცნო
ნიუ-იორკის მანჰეტენის სასამართლოს ნაფიცმა მსაჯულებმა, „ტრამპის ორგანიზაცია"(Trump Organization), რომელიც აშშ-ის 45-ე პრეზიდენტის, დონალდ ტრამპის და მისი ოჯახის წევრების ქონებას მართავს, საგადასახადო თაღლითობაში დამნაშავედ ცნეს. ნაფიცმა მსაჯულებმა გაიზიარეს პროკურატურის ყველა ბრალდება, რომლებიც უკავშირდება 15 წლის განმავლობაში საგადასახადო სამსახურების მოტყუებას და საქმიანი დოკუმენტაციის გაყალბებას. Trump Organization-ს $1.6 მილიონის ჯარიმა ემუქრება. მოსამართლე განაჩენს 13 იანვარს გამოაცხადებს. შეგახსენებთ, რომ 2022 წლის ნოემბერში დონალდ ტრამპმა ოფიციალურად გამოაცხადა, რომ 2024 წლის საპრეზიდენტო არჩევნებში კენჭს იყრის.
Twitter-მა დონალდ ტრამპი ასობით აქტივისტი თანამშრომლის ზეწოლის შედეგად დაბლოკა - მასკი
აშშ-ის ყოფილ პრეზიდენტ დონალდ ტრამპს არ დაურღვევია სოციალური ქსელ, Twitter-ის წესები, ის ზეწოლის გამო დაბლოკეს. ამის შესახებ ილონ მასკმა „ტვიტერში“ დაწერა. „ასობით აქტივისტი თანამშრომლის ზეწოლის შედეგად, „ტვიტერმა“ დაბლოკა ტრამპი, მოქმედი პრეზიდენტი, იმის მიუხედავად, რომ ისინი თავად აცნობიერებდნენ, მას არ დაურღვევია წესები“, – დაწერა მასკმა. ცნობისთვის, დონალდ ტრამპის ანგარიში სოციალურ ქსელ „ტვიტერში“ 2021 წლის 6 იანვარს ტრამპის მომხრეების მიერ კაპიტოლიუმზე შტურმის შემდეგ დაბლოკეს.
CNN-ის ცნობით, დონალდ ტრამპს ნაფიც მსაჯულთა დიდმა კოლეგიამ ბრალი წაუყენა
ამერიკის ისტორიაში პირველი შემთხვევაა, როდესაც ამჟამინდელ ან ყოფილ პრეზიდენტს სისხლის სამართლის საქმეზე ბრალდებას წარუდგენენ. CNN-ის ცნობით, ნაფიცმა მსაჯულებმა მხარი დაუჭირეს ამერიკის 45-ე პრეზიდენტისთვის, დონალდ ტრამპისთვის ბრალის წაყენებას. ადვოკატის თქმით, ტრამპი სასამართლოს წინაშე მომავალი კვირის დასაწყისში წარდგება, სადაც ბრალს წაუყენებენ. ტრამპი პასუხობს ბრალდებას და მას "პოლიტიკურ დევნას" უწოდებს. საბრალდებო დასკვნა უახლოეს დღეებში გახდება ცნობილი. ბრალდებები ამ დროისთვის საჯაროდ ცნობილი არ არის, განუცხადა წყარომ CNN-ს. მანამდე, მედიაში გავრცელებული დეტალების მიხედვით, დონალდ ტრამპმა პორნომსახიობ სტორმი დენიელს 2016 წლის არჩევნების დროს, 130 000 დოლარი გადაუხადა იმისთვის, რომ არ ესაუბრა ტრამპთან სავარაუდო ურთიერთობის დეტალებზე. ამერიკის 45-ე პრეზიდენტი ამ ბრალდებას უარყოფს.
დონალდ ტრამპი ბრალის წარდგინების პროცესის დროს ფორმალურად დაკავებულია
აშშ-ის 45-ე პრეზიდენტი, დონალდ ტრამპი დაკავებულია, სასამართლოს მიერ ბრალის ოფიციალურად წარდგინებამდე. მედია წერს, რომ დაკავების ფარგლებში, ტრამპს თითის ანაბეჭდებს აუღებენ. ნიუ-იორკის სასამართლოში მისულ ტრამპს ბრალს ოფიციალურად წაუყენებენ. CNN წერს, რომ სასამართლოში მისვლის შემდეგ, დონალდ ტრამპი ოფიციალურად, ბრალის წაყენების პროცესის დროს დაკავებულია. ტრამპი დაესწრება სასამართლო სხდომას, სადაც სისხლის სამართლის საქმეზე ბრალდებებს წაიკითხავენ. დაკავების დროს ტრამპს ხელბორკილები არ დაადეს, რადგან ყოფილი პრეზიდენტის სტატუსით სამართალდამცავი ორგანოების მუდმივი მეთვალყურეობის ქვეშაა. ტრამპი ამერიკის ისტორიაში პირველი მოქმედი ან ყოფილი პრეზიდენტია, რომელსაც სისხლის სამართლის საქმეზე ბრალს წარუდგენენ. უფრო ადრე, ყოფილმა პრეზიდენტმა Truth Social-ში გამოქვეყნა განცხადება, რომელშიც წერდა, რომ მანჰეტენისკენ მიემართება. „ვაუ, ისინი ჩემს დაკავებას აპირებენ. არ მჯერა, რომ ეს ამერიკაში ხდება”, - დაწერა დონალდ ტრამპმა. ამერიკის ისტორიაში პირველი შემთხვევაა, როდესაც ამჟამინდელ ან ყოფილ პრეზიდენტს სისხლის სამართლის საქმეზე ბრალდებას წარუდგენენ. დონალდ ტრამპს ნაფიც მსაჯულთა დიდმა კოლეგიამ ბრალი წაუყენა 31 მარტს ნაფიცმა მსაჯულებმა მხარი დაუჭირეს ამერიკის 45-ე პრეზიდენტისთვის, დონალდ ტრამპისთვის ბრალის წაყენებას. ბრალის შესახებ მედიაში გავრცელებული ინფორმაციით, ტრამპმა პორნომსახიობ სტორმი დენიელს 2016 წლის არჩევნების დროს, 130 000 დოლარი გადაუხადა იმისთვის, რომ არ ესაუბრა მასთან სავარაუდო ურთიერთობის დეტალებზე. ამერიკის 45-ე პრეზიდენტი ამ ბრალდებას უარყოფს.
ბრალის წარდგენის შემდეგ, დონალდ ტრამპმა სასამართლო დატოვა
პროკურატურის ინფორმაციით, დონალდ ტრამპი ფინანსური დოკუმენტაციის მრავალჯერადად გაყალბებაშია ბრალდებული აშშ-ის ყოფილი პრეზიდენტი სასამართლოს თითქმის ერთი საათის შემდეგ ტოვებს. ამის შესახებ მსოფლიოს მედიასაშუალებები წერენ. ტრამპი უკვე ფლორიდაში გაემგზავრა. დონალდ ტრამპის 34-პუნქტიანი ბრალდება მანჰეტენის ოლქის პროკურორმა ელვინ ბრაგმა გამოაქვეყნა. აშშ-ის 45-ე პრეზიდენტი თავს უდანაშაულოდ ცნობს. პროკურორის თქმით, საუბარია 2016 წლის არჩევნების წინ, ტრამპის ადვოკატ მაიკლ კოენის მიერ პორნოვარსკვლავ სტორმი დენიელსისთვის გადახდილ თანხაზე, რათა ამ უკანასკნელს ტრამპთან წარსული სექსუალური კავშირის შესახებ საჯაროდ არ ესაუბრა. პროკურორის თქმითვე, მოგვიანებით, ტრამპმა ეს თანხა – 130 000 დოლარი კოენს დაუბრუნა. დონალდ ტრამპი მტკიცებას იმის შესახებ, რომ ის ადვოკატს იურიდიული მომსახურებისთვის უხდიდა თანხას, პროკურორი სიცრუეს უწოდებს. პროკურატურის ვერსიით, ტრამპმა დენიელსს თანხა წინასაარჩევნო კამპანიის დაფინანსებისთვის განკუთვნილი ფინანსებიდან გადაუხადა, რაც სისხლის სამართლის დანაშაულია და 4 წლამდე თავისუფლების აღკვეთით ისჯება. ასევე პროკურატურის განცხადებით, დონალდ ტრამპმა რამდენჯერმე განზრახ გააყალბა ფინანსური დოკუმენტაცია, რათა ამომრჩევლებისთვის 2016 წელს ინფორმაცია დაემალა. „პროკურატურა ვერ დაუშვებს, რომ ნიუ-იორკში ბიზნეს დოკუმენტაცია გაყალბდეს დანაშაულის დაფარვის მიზნით“, - წერია განცხადევაში. ამერიკის ისტორიაში პირველი შემთხვევაა, როდესაც მოქმედ ან ყოფილ პრეზიდენტს სისხლის სამართლის საქმეზე ბრალდება წარუდგინეს. დონალდ ტრამპის საქმეზე შემდეგი მოსმენა 4 დეკემბერს გაიმართება.
ერთადერთი დანაშაული, რომელიც ჩავიდინე, არის ჩვენი ქვეყნის უშიშრად დაცვა - ტრამპი
ერთადერთი დანაშაული, რომელიც ჩავიდინე, არის ჩვენი ქვეყნის უშიშრად დაცვა მათგან, ვისაც მისი განადგურება სურს, – ეს განცხადება აშშ-ის ყოფილმა პრეზიდენტმა, დონალდ ტრამპმა ფლორიდაში, მხარდამჭერების წინაშე სიტყვით გამოსვლისას გააკეთა. ბრალის წარდგენის შემდეგ, დონალდ ტრამპმა სასამართლო დატოვა დონალდ ტრამპი ბრალის წარდგინების პროცესის დროს ფორმალურად დაკავებულია „ერთადერთი დანაშაული, რომელიც ჩავიდინე, ჩემი ქვეყნის უშიშრად დაცვაა მათგან, ვისაც მისი განადგურება სურთ. სულ დასაწყისიდან დემოკრატები უთვალთვალებდენ ჩემს კამპანიას! ხომ გახსოვთ?! ისინი დამესხნენ თავს თაღლითური გამოძიებებით. რუსეთი, რუსეთი, რუსეთი, უკრაინა, უკრაინა – იმპიჩმენტისთვის გამოგონილი ჭორი ნომერი ერთი. იმპიჩმენტისთვის გამოგონილი ჭორი ნომერი ორი – უკანონო და არაკონსტიტუციური ჩხრეკა ჩემს რეზიდენციაში ფლორიდაში,“ – განაცხადა ტრამპმა. ამერიკის ისტორიაში პირველი შემთხვევაა, როდესაც ამჟამინდელ ან ყოფილ პრეზიდენტს სისხლის სამართლის საქმეზე ბრალდებას წარუდგენენ. დონალდ ტრამპს ნაფიც მსაჯულთა დიდმა კოლეგიამ ბრალი წაუყენა 31 მარტს ნაფიცმა მსაჯულებმა მხარი დაუჭირეს ამერიკის 45-ე პრეზიდენტისთვის, დონალდ ტრამპისთვის ბრალის წაყენებას. ბრალის შესახებ მედიაში გავრცელებული ინფორმაციით, ტრამპმა პორნომსახიობ სტორმი დენიელს 2016 წლის არჩევნების დროს, 130 000 დოლარი გადაუხადა იმისთვის, რომ არ ესაუბრა მასთან სავარაუდო ურთიერთობის დეტალებზე. ამერიკის 45-ე პრეზიდენტი ამ ბრალდებას უარყოფს.
ნაფიცმა მსაჯულებმა დონალდ ტრამპი სექსუალური შევიწროების საქმეზე დამნაშავედ ცნეს
ნაფიცმა მსაჯულებმა აშშ-ის ყოფილი პრეზიდენტი დონალდ ტრამპი სექსუალური შევიწროების საქმეზე დამნაშავედ ცნეს. CNN-ის ცნობით, მანჰეტენის ფედერალურმა სასამართლომ დონალდ ტრამპი მწერალ ჯინ კეროლის სამოქალაქო სარჩელში დამნაშავედ ცნო და მის წინააღმდეგ შევიწროებისთვის და ცილისწამებისთვის კომპენსაციის გადახდა დააკისრა. ნაფიცმა მსაჯულებმა ცნეს, რომ ტრამპმა სექსუალურად შეავიწროვა კეროლი 1996 წელს ნიუ-იორკის სავაჭრო ცენტრის მოსაზომ კაბინაში და მისთვის დაახლოებით 2 მილიონი დოლარის კომპენსაციის გადახდა დააკისრეს. ტრამპი თავს დამნაშავედ არ მიიჩნევს და ბრალდებებს სიცრუეს უწოდებს. ნაფიცმა მსაჯულებმა საფუძვლიანად ცნეს კეროლის სარჩელი ცილისწამებასთან დაკავშირებითაც და აშშ-ის ყოფილ პრეზიდენტს კიდევ 3 მილიონი დოლარის გადახდა დააკისრეს.
ტრამპი მის მიმართ გამოტანილ განაჩენს სამარცხვინოს უწოდებს
აშშ-ის ყოფილი პრეზიდენტი დონალდ ტრამპი მის მიმართ სასამართლოს მიერ გამოტანილ განაჩენს სამარცხვინოს უწოდებს. „საერთოდ არ მაქვს წარმოდგენა, ვინ არის ეს ქალი. ეს ვერდიქტი სამარცხვინოა, ყველა დროის უდიდეს კუდიანებზე ნადირობის გაგრძელება“, – წერს ტრამპი სოციალურ ქსელში. ნაფიცმა მსაჯულებმა დონალდ ტრამპი სექსუალური შევიწროების საქმეზე დამნაშავედ ცნეს.
დონალდ ტრამპს შპიონაჟის შესახებ კანონის დარღვევაში ადანაშაულებენ
დონალდ ტრამპის წინააღმდეგ ახალი სასამართლო პროცესი იწყება. აშშ-ის ექსპრეზიდენტის წინააღმდეგ წარმოებული საქმე ეხება საიდუმლო დოკუმენტების უკანონოდ გამოყენებას. ტრამპის ადვოკატმა ჯიმ ტრასტიმ ტელეკომპანია CNN-თან დაადასტურა, რომ 7-პუნქტიანი ბრალდება მომდინარეობს კანონიდან შპიონაჟის შესახებ და ეხება შეთქმულებას, ცრუ განცხადებებს, მართლმსაჯულებისთვის ხელის შეშლას და საიდუმლო დოკუმენტების უკანონოდ შენახვას. ყოფილმა პრეზიდენტმა Truth Social-ზე განაცხადა, რომ ის მაიამის ფედერალურ სასამართლოში სამშაბათს დაიბარეს. „მე უდანაშაულო ვარ. არაფერი დამიშავებია. უდანაშაულო ვარ და ამას ძალიან, ძალიან მტკიცედ და იმედია ძალიან სწრაფად დავამტკიცებთ“, - აღნიშნა ტრამპმა. ეს არის პირველი შემთხვევა, როდესაც ყოფილ პრეზიდენტს ფედერალური ბრალდება წაუყენეს. აღსანიშნავია, რომ დონალდ ტრამპს წელს უკვე მეორედ წაუყენეს ბრალი. აპრილში, მანჰეტენის ოლქის პროკურორმა მას ბრალი ფინანსური დოკუმენტაციის გაყალბებასთან დაკავშირებით 34 მუხლით წაუყენა.
დონალდ ტრამპი ფორმალურად მეორედ დააკავეს
აშშ-ის ყოფილპრეზიდენტი დონალდ ტრამპი საიდუმლო დოკუმენტებთან დაკავშირებულ საქმეზე სასამართლოში მივიდა, სადაც ფორმალურად დააკავეს. CNN-ი წერს, რომ ტრამპი ფლორიდას შტატის ქალაქ მაიამის ფედერალური სასამართლოს შენობაში მივიდა, სადაც იგი ფორმალურად დააკავეს საიდუმლო დოკუმენტებთან არასათანადოდ მოპყრობის საქმესთან დაკავშირებით. ტრამპის დაკავების შემთხვევა ფორმალური პროცედურაა, ამიტომ ყოფილ პრეზიდენტს ბორკილები არ დაადეს და „დაკავების ფოტო” არ გადაუღეს. სასამართლომ მოსმენის დროს ნებისმიერი ტრანსლაცია, ასევე ფოტო და ვიდეოგადაღება აკრძალა. მას ფორმალური დაკავებიდან გაათავისუფლებენ და ტრამპი საკუთარი მხარდაჭერების წინაშე დაანონსებულ ღონისძიებაზე სიტყვით გამოსვლას გეგმავს. დონალდ ტრამპი 37-ვე ბრალდებაში თავს უდანაშაულოდ ცნობს. მაიამის სასამართლოში, მაგისტრატმა მოსამართლე ჯონათან გუდმანმა ტრამპს მის წინააღმდეგ წაყენებული 37 ბრალდება წარუდგინა. თეთრი სახლის პრესმდივანმა, კარინ ჟან-პიერმა განაცხადა, რომ აშშ-ის პრეზიდენტს ძალიან მკაფიო პოზიცია აქვს - იუსტიციის დეპარტამენტი დამოუკიდებელია. ასევე წაიკითხეთ: დონალდ ტრამპი ბრალის წარდგინების პროცესის დროს ფორმალურად დაკავებულია
დონალდ ტრამპს ბრალი წაუყენეს
დონალდ ტრამპს ბრალი 2020 წლის საპრეზიდენტო არჩევნების შედეგების შეცვლის მცდელობის საქმეზე წაუყენეს. აშშ-ის ყოფილ პრეზიდენტს ბრალი ოთხი მუხლით წაუყენეს, ის თავს უდანაშაულოდ ცნობს. ეს მუხლებია: შეთქმულება შეერთებული შტატების მოტყუების მიზნით არაკეთილსინდისიერების, თაღლითობისა და მოტყუების გამოყენების გზით, რათა ხელი შეშლოდა ქვეყნის საპრეზიდენტო არჩევნების შედეგების შეგროვების, დათვლისა და დამოწმების პროცესს. შეთქმულება 6 იანვრის კონგრესის სხდომის შეფერხების მიზნით, სადაც საპრეზიდენტო არჩევნების შეგროვებული შედეგების დათვლა და დამოწმება ხდება. შეთქმულება ხმის მიცემის უფლებისა და ხმის დათვლის წინააღმდეგ. საარჩევნო ხმის დამოწმებისთვის ხელის შეშლა და ხელის შეშლის მცდელობა. დონალდ ტრამპი ფორმალურად, ბოლო ოთხი თვის განმავლობაში მესამედ დააკავეს, თუმცა მომდევნო სასამართლო პროცესის მოლოდინში გაათავისუფლეს. პროცესი 28 აგვისტოსაა ჩანიშნული. „ძალიან სევდიანი დღეა ამერიკისთვის,“- აღნიშნა ტრამპმა, რომელმაც სასამართლო დარბაზის დატოვების შემდეგ, მის წინააღმეგ წაყენებული ბრალდებები გააკრიტიკა და განაცხადა, რომ საბრალდებო დასკვნა პოლიტიკური ოპონენტის დევნაა. ფედერალური პროკურორები ამტკიცებენ, რომ ტრამპს, არჩევნებში დამარცხების შემდეგ, გადაწყვეტილი ჰქონდა ხელისუფლებაში დარჩენა და რომ მან და ექვსმა თანამზრახველმა მოაწყვეს შეთქმულება, რათა არჩევნების შედეგები შეეცვალათ, რამაც 2021 წლის 6 იანვარს, აშშ-ის კაპიტოლიუმზე თავდასხმის ფაქტი გამოიწვია გარდა ამისა, 13 ივნისს, დონალდ ტრამპს მაიამის ფედერალურ სასამართლოში ბრალი წაუყენეს საიდუმლო დოკუმენტების უკანონოდ გამოყენების საქმეზე.
ტრამპის საქმის განსახილველად ჯორჯიის შტატში ახალი მოსამართლე დაინიშნა
აშშ-ის ყოფილი პრეზოდენტის დონალდ ტრამპის წინააღმდეგ აღძრულ სისხლის სამარლის საქმეს, 2020 წლის არჩევნების გაყალბების მცდელობის საქმეზე ჯორჯიის შტატში, მოსამართლე სკოტ მაკაფი განიხილავს. მაკაფი მანამდე ფულტონის ოლქის პროკურორის ფანი უილისის კაბინეტში მუშაობდა. მაკაფი მოსამართლედ მიმდინარე წლის თებერვალში დაინიშნა ჯორჯიის შტატის რესპუბლიკელი გუბერნატორის ბრაიან კემპის მიერ. მაკაფი მოსამართლე გახდა მას შემდეგ, რაც 2021 წლიდან მსახურობდა გენერალურ ინსპექტორად, იძიებდა ჯორჯიის შტატში აღმასრულებელი ორგანოების თაღლითობისა და გაფლანგვის საქმეებს. მანამდე ის საოლქო პროკურორის თანაშემწედ მუშაობდა. ტრამპი ბრალდებებს უარყოფს. ორწლიანი გამოძიების შემდეგ, აშშ-ის ჯორჯიის შტატის საოლქო პროკურორმა აშშ-ის ყოფილ პრეზიდენტს, დონალდ ტრამპს, ოლქში 2020 წლის საპრეზიდენტო არჩევნების შედეგების უკანონოდ შეცვლის მცდელობისთვის ბრალი წაუყენა. ეს მის წინააღმდეგ წარმოებული სისხლის სამართლის მეოთხე საქმეა.
ტრამპი ფულტონის ციხიდან $200 000-იანი გირაოს სანაცვლოდ გაათავისუფლეს
ჯორჯიის შტატის ფულტონის ოლქის ციხეში ნებაყოფლობით გამოცხადების შემდეგ, დონალდ ტრამპმა 20 წუთზე ცოტა მეტი დრო გაატარა ფულტონის ოლქის ციხეში, საიდანაც 200 000 აშშ დოლარის ოდენობის გირაოს სანაცვლოდ გაათავისუფლეს. მას სისხლის სამართლის ბრალდება წელს უკვე მეოთხედ წაუყენეს. ამერიკული მედიის ცნობით, დონალდ ტრამპი ციხის ჩანაწერებში აღნიშნულია, როგორც დაკავებული პირი #P01135809. ტრამპმა Newsmax-თან ინტერვიუში ციხეში ყოფნას საშინელი და ძალიან სამწუხარო გამოცდილება უწოდა. „მთელი ჩემი ცხოვრების განმავლობაში არაფერი ვიცოდი ბრალდებების შესახებ და ახლა უკვე ოთხჯერ მაქვს ბრალი წაყენებული," - აღნიშნა ყოფილმა პრეზიდენტმა. ტრამპს ჯორჯიის შტატში 2020 წლის საპრეზიდენტო არჩევნების შედეგების შეცვლის მცდელობის საქმეზე ათზე მეტი ბრალი აქვს წაყენებული.
ჯო ბაიდენი დონალდ ტრამპის ხანმოკლე პატიმრობის ფოტოზე: სიმპათიური ბიჭია
აშშ-ის პრეზიდენტი, ჯო ბაიდენი მისი წინამორბედის, დონალდ ტრამპის ფორმალურ დაპატიმრებას და ციხეში გადაღებული ფოტოს გამოქვეყნებას გამოეხმაურა. „მე ვნახე ფოტო ტელევიზიით. სიმპათიური ბიჭია,“ - განაცხადა ბაიდენმა. ტრამპი ფულტონის ციხეში 23 აგვისტოს გამოცხადდა. ის დაახლოებით 20 წუთით დააპატიმრეს, თითების ანაბეჭდები აუღეს და ფოტო გადაუღეს. აშშ-ის 45-ე პრეზიდენტმა საპატიმრო 200 ათასი დოლარის ოდენობის გირაოს გადახდის საფუძველზე დატოვა.
ზელენსკი: ტრამპი არასოდეს დაუჭერს მხარს პუტინს
უკრაინის პრეზიდენტს აქვს მოლოდინი, რომ ამერიკის შეერთებული შტატების ყოფილი პრეზიდენტი დონალდ ტრამპი, ამერიკის მომავალ არჩევნებში გამარჯვების შემთხვევაში, რუსეთის პრეზიდენტს, ვლადიმერ პუტინს მხარს არ დაუჭერს. „რუსეთის ლიდერს არ აქვს ტრამპის მხარდაჭერის შანსი, რადგან „ეს არ არის ის, რასაც ძლიერი ამერიკელები აკეთებენ. ტრამპი არასოდეს დაუჭერს მხარს პუტინს,“ - განაცხადა სახელმწიფოს მეთაურმა. - განაცხადა უკრაინის პრეზიდენტმა Economist-თან ინტერვიუში. ამასთან, ზელენსკის თქმით, ის ელის, რომ თეთრი სახლის ამჟამინდელი ხელმძღვანელი ჯო ბაიდენი გააგრძელებს კიევის მხარდაჭერას, თუ ის მეორედ გახდება შეერთებული შტატების პრეზიდენტი.
ნიუ-იორკის სასამართლომ დონალდ ტრამპი თაღლითობაში პასუხისმგებლად ცნო
ნიუ-იორკის სასამართლომ დაადგინა, რომ ამერიკის ყოფილი პრეზიდენტი, დონალდ ტრამპი და მისი შვილები თაღლითობაზე არიან პასუხისმგებლები. მოსამართლემ გააუქმა ტრამპის ზოგიერთ კომპანიას, მათ შორი Trump Organization-ის ბიზნეს სერთიფიკატი და განაცხადა, რომ ტრამპები აწვდიდნენ ყალბ ფინანსურ ანგარიშგებას დაახლოებით ათი წლის განმავლობაში. მოსამართლემ მიიჩნია, რომ ფინანსური ანგარიშგებები, რომლებიც ტრამპებმა კრედიტორებს და მზღვეველებს აწვდიდნენ დაახლოებით ათი წლის განმავლობაში, ყალბი იყო და თქვა, რომ ისინი არაერთხელ იყვნენ ჩართულნი თაღლითობაში. ტრამპის ადვოკატმა მოსამართლის გადაწყვეტილებას "მართლმსაჯულების შეცდომა" უწოდა. გენერალურმა პროკურორმა ლეტიცია ჯეიმსმა ტრამპს გასულ სექტემბერს უჩივლა, რომლითაც მოითხოვს 250 მილიონი დოლარის ანაზღაურებას, ტრამპებისთვის ნიუ-იორკში ბიზნესის წარმოების აკრძალვას, კომპანიის საქმიანი ტრანზაქციის შეჩერება ხუთი წლის განმავლობაში. პროცესი 2 ოქტომბერს დაიწყება.
ვოლოდიმირ ზელენსკი: დონალდ ტრამპს თუ კონკრეტული სამშვიდობო გეგმა აქვს, შეუძლია, გამიზიაროს
უკრაინის პრეზიდენტმა, ვოლოდიმირ ზელენსკიმ განაცხადა, რომ მზადაა, გაეცნოს აშშ-ის ყოფილი პრეზიდენტის, დონალდ ტრამპის სამშვიდობო გეგმას, თუ მას ასეთი გეგმა აქვს. „მე მზად ვარ. თუ მას კონკრეტული სამშვიდობო გეგმა აქვს, შეუძლია, გამიზიაროს. დიახ, ჩვენ შეგვიძლია, შევაჩეროთ ეს ომი, თუ დონბასსა და ყირიმს რუსეთს გადავცემთ. ჩემი აზრით, ჩვენი ქვეყანა ასეთი სამშვიდობო გეგმისთვის მზად არ არის. ეს სამშვიდობო გეგმა არ არის,“ - განაცხადა ზელენსკიმ. ცნობისთვის, დონალდ ტრამპმა განაცხადა, რომ მას უკრაინისთვის სამშვიდობო შეთანხმების უზრუნველყოფა ძალიან სწრაფად შეუძლია.
სასამართლომ დონალდ ტრამპს კოლორადოს პრაიმერისში მონაწილეობა აუკრძალა
აშშ-ის კოლორადოს შტატის უზენაესმა სასამართლომ აშშ-ის ყოფილ პრეზიდენტს, დონალდ ტრამპს შტატის 2024 წლის პრაიმერისში მონაწილეობა აუკრძალა. CNN-ის ცნობით, სასამართლომ დაადგინა, რომ ტრამპს, აშშ-ის კონსტიტუციის მე -14 შესწორების საფუძველზე, არ აქვს უფლება, საპრეზიდენტო კანდიდატი იყოს. კერძოდ, მე-14 შესწორებაში აღნიშნულია, რომ თანამდებობის პირებს, რომლებიც ფიცს დებენ კონსტიტუციის წინაშე, ეკრძალებათ თანამდებობის დაკავება, თუ ამბოხებაში მონაწილეობდნენ. სასამართლომ მხარი დაუჭირა მოსამართლის გადაწყვეტილებას, რომ ტრამპი მონაწილეობდა 2021 წლის 6 იანვრის ამბოხებაში და ასევე გააუქმა მისი დასკვნა, რომ აკრძალვა არ ეხება პრეზიდენტს. შტატის უზენაესი სასამართლოს გადაწყვეტილება ეხება მხოლოდ კოლორადოს, მაგრამ როგორც СNN წერს, ეს აუცილებლად გავლენას მოახდენს 2024 წლის საპრეზიდენტო კამპანიაზე. განჩინება 4 იანვრამდე, გასაჩივრებამდე შეჩერდება. კოლორადოს საარჩევნო ადმინისტრაციაში განმარტავენ, რომ საკითხი 5 იანვრამდე უნდა მოგვარდეს, რომელიც კანონით დადგენილი ვადაა „რესპუბლიკური პარტიის“ პრაიმერისის კანდიდატთა სიის დასადგენად.
კოლორადოს შემდეგ, დონალდ ტრამპს 2024 წლის პრაიმერისში მონაწილეობა მეინის შტატმაც აუკრძალა
მეინის შტატის სახელმწიფო მდივანმა, შენნა ბელოუსმა აშშ-ის ყოფილ პრეზიდენტს, დონალდ ტრამპს შტატის 2024 წლის პრაიმერიზში მონაწილეობა აუკრძალა. შენნა ბელოუსის განცხადებით, ტრამპი უფლებამოსილი არ არის, არჩევნებში კენჭი იყაროს იმის გამო, რომ მისმა ქმედებებმა 2021 წელს აშშ-ში კაპიტოლიუმის შტურმი გამოიწვია. 34-გვერდიან გადაწყვეტილებაში ნათქვამია, რომ დონალდ ტრამპი უნდა მოიხსნას მაინის კენჭისყრიდან აშშ-ის კონსტიტუციის მე-14 შესწორების გამო, რომელიც ამბოხებაში ჩართულ პირს თანამდებობის დაკავებას უკრძალავს. „რამდენიმე თვის განმავლობაში და 2021 წლის 6 იანვარს, დონალდ ტრამპი იყენებდა ცრუ ნარატივს არჩევნების გაყალბების შესახებ, რათა წაეხალისებინა თავისი მხარდამჭერები და მიემართა ისინი კაპიტოლიუმისკენ,“ - აცხადებს შენნა ბელოუსი. 20 დეკემბერს სასამართლომ დონალდ ტრამპს კოლორადოს პრაიმერისში მონაწილეობა აუკრძალა.
დმიტრო კულება: ტრამპი ისეთი ადამიანია, რომელთან მუშაობაც შესაძლებელია, უბრალოდ, უნდა იცოდე - როგორ
უკრაინის საგარეო საქმეთა მინისტრი დმიტრო კულება არ ფიქრობს, რომ 2024 წელს დონალდ ტრამპის აშშ-ის პრეზიდენტად შესაძლო არჩევას შეუძლია, ნეგატიურად იმოქმედოს უკრაინის მხარდაჭერაზე, თუ ტრამპისადმი მიდგომას იპოვიან. მისი თქმით, ტრამპი ისეთი ადამიანია, რომელთან მუშაობაც შესაძლებელია, უბრალოდ უნდა იცოდე როგორ. „ტრამპი თავისი, ასე ვიტყოდი, ულტრაქარიზმატული საქციელებით, თავისი რეპუტაციითა და ფრაზებით აღიქმება. მაგრამ ვინ მიყიდა უკრაინას პირველი ამერიკული იარაღი? - პრეზიდენტმა ტრამპმა - Javelin. ვინ დაიწყო უკრაინისთვის პირველი სამხედრო-საზღვაო გემების, Island და Mark-6 ტიპის კატერების, უფასო გადაცემა? - ტრამპმა. ვინ ებრძოდა “ჩრდილოეთის ნაკადი 2”-ს და სანქციები დაადო ცნობილ, მაგრამ უკვე მივიწყებულ გემს Fortuna, რომელიც ამ გაზსადენს აწყობდა? - ეს ტრამპი იყო,” - განაცხადა კულებამ. მან რუსეთის პრეზიდენტ ვლადიმერ პუტინის ტრამპთან ან ნებისმიერ სხვა ამერიკელ ლიდერთან რაიმე შეთანხმებების არსებობის შესაძლებლობა უარყო. „ამიტომ ტრამპი - ის ადამიანია, რომელთან მუშაობაც შესაძლებელია, უბრალოდ უნდა იცოდე მასთან მუშაობა. თუ არჩევნებამდე მივა და თუ გაიმარჯვებს, ის სრულიად განსხვავებული იქნება, ვიდრე პრეზიდენტი ბაიდენი, რომლისთვისაც ჩვენ ყველანი უზომოდ მადლიერები ვართ. ძალიან ბევრი „თუ“ არსებობს, მაგრამ უკრაინას არაფრის არ უნდა ეშინოდეს, არანაირი არჩევნების და არანაირი მოქმედი ან სამომავლო პოლიტიკოსების,“ - განაცხადა კულებამ.
ბაიდენი: ტრამპი იმეორებს იმავე ენას, რომელსაც ნაცისტურ გერმანიაში იყენებდნენ
აშშ-ის პრეზიდენტის განცხადებით, დონალდ ტრამპი საუბრობს იმის შესახებ, რომ ამერიკის სისხლი მოწამლულია, რითიც იმეორებს იმავე ენას, რომელსაც ნაცისტურ გერმანიაში იყენებდნენ. ჯო ბაიდენის თქმით, ტრამპი ამაყად აქვეყნებს სოციალურ მედიაში სიტყვებს, რომლებიც საუკეთესოდ აღწერს მის 2024 წლის კამპანიას: „შურისძიება, ძალაუფლება, დიქტატურა.“ „დონალდ ტრამპის საარჩევნო კამპანია მას ეძღვნება, არა ამერიკას ან თქვენ. დონალდ ტრამპის საარჩევნო კამპანია შეპყრობილია წარსულით და არა მომავლით. მას სურს, დემოკრატია შესწიროს ხელისუფლებაში მოსვლას. ჩვენი კამპანია განსხვავებულია, ჩემთვის და კამალასთვის ჩვენი საარჩევნო კამპანია ამერიკას ეძღვნება, ყველა ასაკისა და წარმომავლობის ადამიანს, რომელიც ცხოვრობს ჩვენს ქვეყანაში. ის მომავალს ეძღვნება, რომლის აშენებასაც ჩვენ ერთად ვაპირებთ,“ – განაცხადა ბაიდენმა პენსილვანიაში სიტყვით გამოსვლისას. აშშ-ის ყოფილმა პრეზიდენტმა დონალდ ტრამპმა ჯო ბაიდენის კრიტიკას აიოვაში სიტყვით გამოსვლისას უპასუხა. ტრამპმა მოქმედი პრეზიდენტი სისუსტეში, არაკომპეტენტურობაში, კორუფციასა და წარუმატებლობაში დაადანაშაულა. „ბაიდენის მიღწევაა სისუსტის, არაკმპეტენტურობის, კორუფციისა და წარუმატებლობის უწყვეტი ხაზი. სხვა მხრივ, ის საკმაოდ კარგად მუშაობს, არა? ეს არის ჯოჯოხეთური სია. სწორად ამიტომ თაღლითი ჯო პენსილვანიაში დგამს შიშის გაღვივების პათეტიკურ კამპანიას. ნახეთ ის? მათ მთავრობა იარაღად აქციეს და ის ამბობს, რომ დემოკრატიისთვის საფრთხეს მე წარმოვადგენ,“ – განაცხადა ტრამპმა. „დემოკრატებმა მთავრობა იარაღად აქციეს და ბაიდენი ამბობს, რომ დემოკრატიისთვის საფრთხეს მე წარმოვადგენ,“ - აღნიშნა აშშ-ის ყოფილმა პრეზიდენტმა. შეგახსენებთ, აშშ-ის უზენაესი სასამართლო გადაწყვეტს, შეუძლია თუ არა დონალდ ტრამპს პრეზიდენტად კენჭისყრა. უზენაესმა სასამართლომ განსახილველად მიიღო დონალდ ტრამპის აპელაცია კოლორადოს სასამართლოს წინააღმდეგ, რომელმაც მას პრაიმერისში მონაწილეობა აუკრძალა. უზენაესი სასამართლო საქმეს თებერვალში განიხილავს და მისი გადაწყვეტილება ყველა შტატზე გავრცელდება. დეკემბერში კოლორადოს სასამართლომ დონალდ ტრამპს რესპუბლიკელთა შიდაპარტიულ არჩევნებში მონაწილეობა აუკრძალა. სასამართლომ ყოფილი პრეზიდენტის წინააღმდეგ კონსტიტუციის მე-14 შესწორება გამოიყენა, რომელიც უკრძალავს ფედერალური თანამდებობების დაკავებას პირებს, რომლებიც ამბოხში მონაწილეობდნენ. 27 შტატის გენერალურმა პროკურორებმა უზენაეს სასამართლოს მიმართეს თხოვნით, გააუქმოს კოლორადოს სასამართლოს დადგენილება. მიმართვის ავტორების შეფასებით, ტრამპის არჩევნებიდან გამორიცხვა „ფართომასშტაბიან ქაოსს“ შექმნის.
სასამართლომ დონალდ ტრამპს New York Times-ისთვის 400 000-მდე დოლარის გადახდა დააკისრა
ნიუ-იორკის უზენაესმა სასამართლომ აშშ-ის ყოფილი პრეზიდენტს დონალდ ტრამპს, New York Times-ისა და 2 გამომძიებელი ჟურნალისტისთვის 392 638 აშშ დოლარის გადახდა დააკისრა. სასამართლომ New York Times-სა და ჟურნალისტების წინააღმდეგ ბრალდებები არ გაითვალისწინა. Associated Press-ის ცნობით, მოსამართლე რობერტ რიდის გადაწყვეტილებით, ტრამპმა გამოცემასა და ჟურნალისტებს მათ წინააღმდეგ შეტანილი წარუმატებელი სარჩელის სასამართლო ხარჯების ასანაზღაურებლად უნდა გადაუხადოს. „დღევანდელი გადაწყვეტილება აჩვენებს, რომ შტატის ახლად მიღებულ ანტი-SLAPP წესდება პრესის თავისუფლების დასაცავად ძლიერი ძალა შეიძლება იყოს. ეს სასამართლოს გზავნილია მათთვის, ვისაც ჟურნალისტების გასაჩუმებლად სასამართლო სისტემის ბოროტად გამოყენება უნდათ," - განაცხადა New York Times-ის სპიკერმა. 2021 წელს ტრამპმა New York Times-ის, მისი სამი ჟურნალისტისა და საკუთარი ძმისშვილის, მერი ტრამპის, წინააღმდეგ სარჩელი შეიტანა. ტრამპი 2018 წელს გამოქვეყნებულ სტატიის გამო, 100 მილიონი დოლარის ოდენობით ზიანის ანაზღაურებას ითხოვდა. ის ჟურნალისტებს მისი ძმისშვილის მიზანმიმართულად მოძიებასა და მისგან კონფიდენციალური საგადასახადო ჩანაწერების გამოთხოვნაში ადანაშაულებდა. მერი ტრამპის წინააღმდეგ სარჩელი კვლავ განიხილება და მისი თხოვნა სასამართლოს დროებით შეჩერებასთან დაკავშირებით მოსამართლემ უარყო.
ლავროვი: ტრამპის დაბრუნება არ გააუმჯობესებს აშშ-რუსეთის ურთიერთობებს
რუსეთის საგარეო საქმეთა მინისტრმა სერგეი ლავროვმა CBS-თან ინტერვიუში განაცხადა, რომ ნაკლებად სავარაუდოა, დონალდ ტრამპის შესაძლო დაბრუნებამ იმოქმედოს რუსეთ-ამერიკის ურთიერთობებზე. ლავროვის თქმით, ამერიკის ხელისუფლებამ რუსეთის პრეზიდენტის ვლადიმერ პუტინის "უამრავი კეთილგანწყობის ჟესტი უგულებელყო." მან არ განმარტა, რაზე იყო საუბარი. მინისტრი ამტკიცებს, რომ მოსკოვსა და ვაშინგტონს შორის ურთიერთობა დიდი ხნის განმავლობაში მეგობრული იყო, მაგრამ აშშ-ის პრეზიდენტის ჯორჯ ბუშის დროს ურთიერთნდობის „ეროზია“ დაიწყო. გარდა ამისა, ლავროვის თქმით, აშშ-ის ამჟამინდელი ადმინისტრაცია არ არის დაინტერესებული პოლიტიკური დიალოგით, მათ შორის, უკრაინის ომის საკითხზე. ლავროვი ახლა შეერთებულ შტატებში იმყოფება, სადაც გაეროს უშიშროების საბჭოს სხდომაში მიიღო მონაწილეობა. ვაშინგტონს ლავროვის ამ განცხადებებზე კომენტარი ჯერ არ გაუკეთებია. აშშ-ის სახელმწიფო მდივანმა ენტონი ბლინკენმა CNBC-თან ერთ-ერთ ინტერვიუში აღნიშნა, რომ თუ პუტინი არ შეჩერდება უკრაინის წინააღმდეგ ომში, მან შესაძლოა, შემდგომი აგრესია NATO-ს ქვეყნების წინააღმდეგ განახორციელოს, რაც აიძულებს აშშ-ს, უშუალოდ ჩაერიოს კონფლიქტში. ზელენსკიმ ტრამპი კიევში მიიწვია
კანადისთვის ტრამპი გარკვეულ არაპროგნოზირებადობას ნიშნავს - ტრუდო
კანადისთვის დონალდ ტრამპი გარკვეულ არაპროგნოზირებადობას წარმოადგენს, - ამის შესახებ კანადის პრემიერ-მინისტრმა ჯასტინ ტრუდომ განაცხადა. კანადის პრემიერის თქმით, კანადამ უკვე გაიარა გამოწვევები ტრაპის ადმინისტრაციის პირობებში, შესაბამისად, მისი მეორე ვადით არჩევა კანადისთვის „არაპროგნოზირებად“ ვითარებას წარმოადგენს. კანადის საგარეო საქმეთა მინისტრმა მელანი ჟოლიმ, თავის მხრივ, აღნიშნა, რომ კანადა აშშ-ში საპრეზიდენტო არჩევნების ნებისმიერი შედეგისთვის ემზადება, იქნება ეს ჯო ბაიდენის მეორე ვადით არჩევა თუ თეთრ სახლში დონალდ ტრამპის დაბრუნება. „გამოწვევები გამოვიარეთ, რომლებსაც ტრამპის ადმინისტრაცია ოთხი წლის განმავლობაში წარმოადგენდა, როდესაც ვამტკიცებდით, რომ კანადა და აშშ უკეთეს შედეგებს აღწევენ როდესაც ამას ერთად აკეთებენ. თვალსაჩინოა, რომ ბატონი ტრამპი გარკვეულ არაპროგნოზირებადობას წარმოადგენს,” - განაცხადა ტრუდომ. მანვე აღნიშნა, რომ ოტავა ტრამპის შესაძლო მეორე ვადამდე აშშ-ში კანადის ინტერესების წინ წასაწევად ძალისხმევებს განაახლებს. ამ მიზნით ტრუდომ “კანადის გუნდის ურთიერთქმედების სტრატეგიის” შესახებ გამოაცხადა, რომელსაც კანადის მრეწველობის მინისტრი, საერთაშორისო ვაჭრობის მინისტრი, და აშშ-ში კანადის ელჩი უხელმძღვანელებენ.
სასამართლომ მწერალ ელიზაბეთ ჯინ კეროლის მიმართ ცილისწამებისთვის დონალდ ტრამპს 83.3 მილიონი დოლარის გადახდა დააკისრა
აშშ-ის მსაჯულთა ფედერალურმა ჟიურიმ აშშ-ის ყოფილ პრეზიდენტს, დონალდ ტრამპს 83,3 მილიონი დოლარის გადახდა დააკისრა. საქმე ეხება ზარალის კომპენსაციას მწერალ ე. ჯინ კეროლისთვის, რომელმაც ტრამპი მიუკერძოებელი ჟურნალისტის რეპუტაციის შელახვაში დაადანაშაულა. 18.3 მილიონი ზარალის კომპენსაციაა მწერალ ჯინ კეროლისთვის, 65 მილიონი კი – ჯარიმა. მწერალმა ელიზაბეთ ჯინ კეროლმა დონალდ ტრამპი 1996 წელს მანჰეტენის ერთ-ერთი მაღაზიის გასახდელ ოთახში მასზე სექსუალურად ძალადობაში დაადანაშაულა. ჯინ კეროლმა ტრამპის წინააღმდეგ ცილისწამების ბრალდებით სარჩელიც შეიტანა, რომლითაც ამტკიცებდა, რომ ამერიკის ყოფილმა პრეზიდენტმა შელახა მისი რეპუტაცია და მიაყენა ემოციური ზიანი. 77 წლის ტრამპი აცხადებს, რომ არასოდეს გაუგონია კეროლის შესახებ და რომ ქალმა ეს ამბავი თავისი მემუარების უკეთ გასასაღებლად მოიგონა. გასულ წელს სასამართლო კოლეგიამ დონალდ ტრამპი ჯინ კეროლის სექსუალური შევიწროებისა და ცილისწამებისთვის დამნაშავედ ცნო, თუმცა გაუპატიურების ბრალდება არ გაიზიარა და ექსპრეზიდენტს ოთხი მილიონი დოლარის გადახდა დააკისრა.
ბუდანოვი: სრული აბსურდია იმის თქმა, რომ ტრამპს და რესპუბლიკურ პარტიას რუსეთი უყვართ
უკრაინის დაზვერვის ხელმძღვანელი ტრამპის შესაძლო გამარჯვებაზე კომენტარს აკეთებს. კირილ ბუდანოვი ამბობს, რომ მას არ აწუხებს ტრამპის პოტენციური გამარჯვება. „ტრამპი "გამოცდილი ადამიანია. ის ბევრჯერ დაეცა და ისევ ადგა. და ეს ძალიან სერიოზული თვისებაა," - აღნიშნა ბუდანოვმა. ზოგიერთმა დემოკრატმა, მათ შორის პალატის უმცირესობის ლიდერმა ჰაკიმ ჯეფრისმა, ცალსახად განაცხადა, რომ რესპუბლიკური პარტიის სეგმენტები მხარს უჭერენ რუსეთის პრეზიდენტ ვლადიმერ პუტინს და მოიხსენიებენ ჯგუფს, როგორც "პუტინის მომხრე დანაყოფს.“ ბუდანოვმა ეს დახასიათება უარყო. „იმის თქმა, რომ (ტრამპი) და რესპუბლიკური პარტია რუსეთის ფედერაციის მოყვარულები არიან, სრული აბსურდია,“ - აღნიშნა ბუდანოვმა. ზელენსკიმ ტრამპი კიევში მიიწვია
„NATO-ს უსაფრთხოების შესახებ უგუნური განცხადებები მხოლოდ პუტინის ინტერესებს ემსახურება“ - გამოხმაურებები ტრამპის განცხადებაზე
თეთრმა სახლმა ტრამპის განცხადებას „შემაძრწუნებელი და დაუფიქრებელი“ უწოდა. თეთრ სახლში აცხადებენ, რომ პრეზიდენტმა ჯო ბაიდენმა გააძლიერა ალიანსი, რადგან მან იცის, რომ ყველა მთავარსარდლის უპირველესი პასუხისმგებლობა ამერიკელი ხალხისა და იმ ღირებულებების დაცვაა, რაც მათ აერთიანებთ. „მკვლელი რეჟიმების მიერ ჩვენს უახლოეს მოკავშირეებზე თავდასხმის წახალისება შემზარავი და შეუფერებელია და ეს საფრთხეს უქმნის ამერიკის ეროვნულ უსაფრთხოებას, გლობალურ სტაბილურობასა და ჩვენს ეკონომიკას,” განაცხადა თეთრი სახლის სპიკერმა ენდრიუ ბეიტსმა. NATO-ს გენერალური მდივნის იენს სტოლტენბერგის განცხადებით, ნებისმიერ თავდასხმას NATO-ზე, ერთიანი და ძლიერი პასუხი მოჰყვება. „ნებისმიერი წინადადება იმის შესახებ, რომ მოკავშირეები ერთმანეთს არ დაიცავენ, ძირს უთხრის მთელ ჩვენს უსაფრთხოებას, მათ შორის ამერიკელ და ევროპელ ჯარისკაცებს რისკის ქვეშ აყენებს,“ - აღნიშნავს NATO-ს გენერალური მდივანი. ტრამის კომენტარს უგუნური უწოდა ევროპული საბჭოს პრეზიდენტმა. „ტრანსატლანტიკური ალიანსი მხარს უჭერდა ამერიკელების, კანადელებისა და ევროპელების უსაფრთხოებასა და კეთილდღეობას 75 წლის განმავლობაში. NATO-ს უსაფრთხოებისა და (მუხლი) მეხუთე სოლიდარობის შესახებ უგუნური განცხადებები ემსახურება მხოლოდ პუტინის ინტერესებს და მას არ მოაქვს მსოფლიოსთვის მეტი უსაფრთხოება ან მშვიდობა," აღნიშნა შარლ მიშელმა. ცნობისთვის, დონალდ ტრამპი, რომელსაც აშშ-ის პრეზიდენტობა სურს, ამბობს, რომ ის „წაახალისებდა“ რუსეთს, დაარტყას აშშ-ის რომელიმე NATO-ელ მოკავშირეს, რომლებიც, მისი აზრით, არ ასრულებენ თავიანთ ფინანსურ ვალდებულებებს. 24 თებერვალს, სამხრეთ კაროლინაში კამპანიის დროს, აშშ-ის ყოფილმა პრეზიდენტმა კითხვის ნიშნის ქვეშ დააყენა უკრაინის დახმარება, ისევე როგორც NATO არსებობა. ტრამპმა ასევე განაცხადა, რომ NATO-ს ერთ-ერთი შეხვედრაზე, ერთ-ერთი სახელმწიფოს მეთაურს უთხრა, რომ აშშ არ დაიცავდა არცერთ ქვეყანას, რომელსაც არ შეუსრულებია ვალდებულება. „მე ვკითხე, არ გადაგიხდიათ? არა, მე არ დაგიცავთ. ფაქტობრივად, მე მათ წავახალისებდი, გააკეთონ ის, რა ჯანდაბაც უნდათ. თქვენ უნდა გადაიხადოთ. თქვენ უნდა გადაიხადოთ თქვენი გადასახადები,“ - აღნიშნა ტრამპმა. 2016 წლის კამპანიის დროს ტრამპმა დასავლელი მოკავშირეები გააფრთხილა, რომ შეერთებულმა შტატებმა, მისი ხელმძღვანელობით, შესაძლოა, უარი თქვას NATO-ს ხელშეკრულებით ნაკისრ ვალდებულებებზე და დაიცვას მხოლოდ ის ქვეყნები, რომლებიც მშპ-ს 2%-ს ხარჯავენ. 2022 წლის მდგომარეობით, NATO-ს ახლანდელი 31 წევრი ქვეყნიდან შვიდი ასრულებდა ამ ვალდებულებას. 2014 წელს მხოლდ სამი ქვეყანა იყო ასეთი. 2022 წელს რუსეთის შეჭრამ უკრაინაში, NATO-ს ზოგიერთ ქვეყანაში ხარჯების კიდევ უფრო გაზრდა აიძულა.
ესტონეთის პრემიერი ტრამპის განცხადებაზე: შეიძლება, ზოგიერთი მოკავშირე გამოაღვიძოს
ესტონეთის პრემიერ-მინისტრმა კაია კალასმა ევროპარლამენტის პრეზიდენტთან, რობერტა მეცოლასთან ერთად გამართულ პრესკონფერენციაზე განაცხადა, რომ NATO-ს შესახებ აშშ-ის ყოფილი პრეზიდენტის დონალდ ტრამპის განცხადებამ შეიძლება, ზოგიერთი მოკავშირე გამოაღვიძოს. „ვფიქრობ, იმან, რაც აშშ-ში საპრეზიდენტო კანდიდატმა თქვა, ასევე, შეიძლება ზოგიერთი მოკავშირე გამოაღვიძოს, რომლებსაც ბევრი რამ არ გაუკეთებიათ თავდაცვისთვის“ - განაცხადა კაია კალასმა. „NATO-ს უსაფრთხოების შესახებ უგუნური განცხადებები მხოლოდ პუტინის ინტერესებს ემსახურება“ - გამოხმაურებები ტრამპის განცხადებაზე მეცოლას შეფასებით ნებისმიერი მსგავსი განცხადება უნდა იყოს მიღებული იმ გაგებით, თუ რა საშიშროება შეიძლება, მოჰყვეს მას, მაგრამ ასევე მტკიცედ უნდა გაიაზრონ, რომ მეტის გაკეთებაა საჭირო. მანვე აღნიშნა, რომ ევროკავშირმა თავდაცვაზე მეტი უნდა დახარჯოს. „ევროკავშირმა მკაფიო სიგნალი უნდა გააგზავნოს, მიუხედავად იმისა, ვინ უხელმძღვანელებს აშშ-ის ადმინისტრაციას. ჩვენ საკმარისად ძლიერები ვართ, რათა ერთმანეთის დაცვა შევძლოთ,“ - აღნიშნა ევროპარლამენტის პრეზიდენტმა.
NATO-ზე ტრამპის კომენტარებმა, „რესპუბლიკელებში“ უთანხმოება გამოიწვია - მედია
აშშ-ის ყოფილი პრეზიდენტის დონალდ ტრამპის კომენტარებმა NATO-ს მოკავშირეების დაცვაზე უარის თქმის შესახებ, რესპუბლიკელებს შორის უთანხმოება გამოიწვია. ამის შესახებ უკრაინული მედია The Hill-ზე დაყრდნობით წერს. „NATO-ს უსაფრთხოების შესახებ უგუნური განცხადებები მხოლოდ პუტინის ინტერესებს ემსახურება“ - გამოხმაურებები ტრამპის განცხადებაზე რესპუბლიკელმა სენატორმა ჯეიმს ლანკფორდმა განაცხადა, რომ ის არანაირად არ ეთანხმება, რომ შეერთებულმა შტატებმა ზურგი აქციოს მოკავშირეებს. რესპუბლიკელი სენატორი ჯონი ერნსტის თქმით, შეერთებულმა შტატებმა არ უნდა წაახალისოს ოპონენტები მსგავსი განცხადებებით. ტრამპის კომენტარებმა, დემოკრატებში შეშფოთება გამოიწვია, რომ შესაძლოა, საჭირო გახდეს დამატებითი გარანტიები, გარდა იმისა, რომ აეკრძალოს აშშ-ის პრეზიდენტს NATO-დან კონგრესის თანხმობის გარეშე გასვლა, თუმცა რესპუბლიკელი სენატორი მარკო რუბიო, რომელიც კანონმდებლობის ავტორი იყო, აღნიშნა, რომ კანონმდებლებმა უნდა უზრუნველყონ გარანტიები ვაშინგტონის ვალდებულებების გარშემო.
NATO-ში აშშ-ის ელჩმა ტრამპის განცხადებას უპასუხისმგებლო უწოდა
NATO-ში აშშ-ის ელჩმა, ჯულიან სმიტმა ალიანსთან დაკავშირებით ტრამპის განცხადებას უპასუხისმგებლო უწოდა. მან უპასუხა Financial Times-ის შეკითხვას, ეთანხმება თუ არა ალიანსის გენერალურ მდივანს, რომ დონალდ ტრამპის განცხადებებმა, რომლებიც ძირს უთხრის მეხუთე მუხლს, უფრო დიდი საფრთხის წინაშე დააყენა ამერიკელი და ევროპელი ჯარისკაცები. „კრემლის წახალისება საიმისოდ, რომ თავს დაესხას NATO-ს რომელიმე წევრს ან ალიანსის ტერიტორიას, მართლაც დიდ საფრთხეში აყენებს ჩვენს ჯარისკაცებს, ამერიკელ ჯარისკაცებს და ჩვენი ალიანსის ჯარისკაცებს. ასეთი განცხადებები სახიფათო და გულწრფელად რომ ვთქვათ, უპასუხისმგებლოა,“ - განაცხადა სმიტმა. „NATO-ს უსაფრთხოების შესახებ უგუნური განცხადებები მხოლოდ პუტინის ინტერესებს ემსახურება“ - გამოხმაურებები ტრამპის განცხადებაზე
ჯო ბაიდენი: დონალდ ტრამპის განცხადება NATO-ს მოკავშირეებთან დაკავშირებით, სისულელეა, სამარცხვინოა, არაამერიკულია
აშშ-ის პრეზიდენტის ჯო ბაიდენის განცხადებით, ყოფილი პრეზიდენტის, დონალდ ტრამპის განცხადება NATO-ს მოკავშირეებთან დაკავშირებით, სისულელე, სამარცხვინო და არაამერიკულია. ბაიდენის თქმით, ტრამპის კომენტარი კიდევ უფრო ხაზს უსვამს, როგორი აუცილებელია აშშ-ის მიერ მოკავშირეებისთვის 95 მილიარდი დოლარის დახმარების პაკეტის გადაცემა, რომელიც სენატმა უკვე დაამტკიცა და ახლა წარმომადგენელთა პალატამ უნდა დაამტკიცოს. ბაიდენმა ხაზი გაუსვა, რომ პაკეტის ჩავარდნა, რომელიც უკრაინისთვის 60 მილიარდი აშშ დოლარის დახმარებას ითვალისწინებს, ვლადიმერ პუტინის წისქვილზე დაასხამს წყალს. „ისტორიაში არცერთ სხვა პრეზიდენტს არ მოუხრია ქედი რუსი დიქტატორის წინაშე. ეს სისულელეა. ეს სამარცხვინოა. ეს საშიშია. ეს არაამერიკული," - აღნიშნა ბაიდენმა. „NATO-ს უსაფრთხოების შესახებ უგუნური განცხადებები მხოლოდ პუტინის ინტერესებს ემსახურება“ - გამოხმაურებები ტრამპის განცხადებაზე
სასამართლოს განაჩენით, დონალდ ტრამპმა 354,9 მილიონი დოლარის ჯარიმა უნდა გადაიხადოს
ნიუ-იორკის სასამართლომ აშშ-ის ყოფილ პრეზიდენტს, დონალდ ტრამპს, Trump Organization-ის აქტივების შეფასებისას თაღლითობისთვის 354,9 მილიონი დოლარის ჯარიმის გადახდა დააკისრა. ტრამპი ყოველწლიურად, ათი წლის განმავლობაში, თავისი საოჯახო ბიზნესის წმინდა ღირებულებას 3,6 მილიარდი დოლარით ზრდიდა, რაც საშუალებას აძლევდა, მიეღო უფრო ხელსაყრელი სესხის პირობები. სასამართლომ ასევე აუკრძალა ტრამპს სამი წლის განმავლობაში ნიუ-იორკის ნებისმიერი კომპანიის დირექტორობა ან თანამშრომლობა. იმავე პერიოდის განმავლობაში, ტრამპსა და მის კომპანიებს აკრძალული აქვთ სესხის მოთხოვნა ნიუ-იორკის ნებისმიერ ფინანსურ დაწესებულებაში. ამას გარდა, სასამართლომ ტრამპის უფროს ვაჟებს - უმცროს დონალდსა და ერიკს - ოთხ-ოთხი მილიონი დოლარის ოდენობის ჯარიმის გადახდის ვალდებულება დააკისრა. მოსამართლემ ისინი დამნაშავედ ცნო "თაღლითობის მრავალრიცხოვან შემთხვევებში". ასევე, მათაც ეკრძალებათ ორი წლის განმავლობაში კომპანიების ხელმძღვანელობა ნიუ-იორკში. Trump Organization-ის ყოფილი ფინანსური დირექტორი, ალენ ვაისელბერგი, რომელმაც დანაშაული აღიარა საგადასახადო თაღლითობის შესახებ სხვა საქმეში, მილიონი დოლარის ოდენობით ჯარიმას გადაიხდის. სასამართლომ მას ნიუ-იორკის ნებისმიერი კომპანიის ფინანსების მართვა სამუდამოდ აუკრძალა. ტრამპმა მის წინააღმდეგ ბრძოლას კვლავ "კუდიანებზე ნადირობა" და "არჩევნებში ჩარევა" უწოდა. ამერიკელების ბოლოდროინდელი გამოკითხვების მიხედვით, ტრამპი, რომელიც 2017-2021 წლებში იყო პრეზიდენტი, რესპუბლიკური პარტიის პრაიმერის პოტენციური გამარჯვებულია. ამ შემთხვევაში, ის კონკურენციას გაუწევს აშშ-ის პრეზიდენტის პოსტზე დემოკრატიული პარტიის სავარაუდო კანდიდატს, ჯო ბაიდენს და რამდენიმე დამოუკიდებელ-უპარტიო კანდიდატს.
WP: ევროკავშირი ამზადებს სარეზერვო გეგმას, თუ თეთრ სახლში დაბრუნების შემთხვევაში, ტრამპი უარს იტყვის უკრაინის დახმარებაზე
ევროპელი ოფიციალური პირები ყურადღებით აკვირდებიან აშშ-ის საპრეზიდენტო რბოლას და ფიქრობენ სარეზერვო გეგმაზე იმ სცენარის გათვალისწინებით, თუ დონალდ ტრამპი, თეთრ სახლში დაბრუნების შემთხვევაში, უარს იტყვის უკრაინის დახმარებაზე. ამის შესახებ Washington Post-ი წერს. „როდესაც თავისუფალი სამყაროს ყოფილი და შესაძლოა, მომავალი ლიდერი ამბობს, რომ წაახალისებს რუსეთს NATO-ს მოკავშირეებზე თავდასხმისთვის, ჩვენ უნდა გადავხედოთ, როგორ შეიძლება, გამოიყურებოდეს აშშ-ის ვალდებულება ევროპისა და უკრაინის მიმართ,“ - აღნიშნა ევროპელმა ოფიციალურმა პირმა. გამოცემის თანამოსაუბრემ დასძინა, რომ ყველაზე უარესი სცენარი გულისხმობს უკრაინის მხარდაჭერის შეწყვეტას და პუტინისთვის ევროპის რეგიონის დესტაბილიზაციის საშუალების მიცემას. შეგახსენებთ, რომ ვოლოდიმერ ზელენსკიმ 17 თებერვალს მიუნხენის უსაფრთხოების კონფერენციაზე გამოსვლისას კვლავ მოუწოდა დასავლეთის სახელმწიფოებს, გაზარდონ სამხედრო დახმარება უკრაინაში და რომ უკრაინული ძალების მოქმედებები შეზღუდულია, რასაც „ავდიივკაში არსებული ვითარება ადასტურებს“. მან ასევე განაცხადა, რომ არ განიხილავს აშშ-ის დახმარების ალტერნატივებს, რადგან ელის, რომ საკითხი მოგვარდება და ვაშინგტონი სტრატეგიულ მოკავშირედ დარჩება. შეგახსენებთ, შეერთებული შტატების პრეზიდენტმა ჯო ბაიდენმა კონგრესს 2023 წლის 20 ოქტომბერს სთხოვა 106 მილიარდი დოლარის პაკეტის მიღება, მათ შორის, 61 მილიარდზე მეტი რუსეთთან ომში მყოფი უკრაინის სამხედრო დახმარების გასაგრძელებლად. რესპუბლიკელები თეთრი სახლისგან უფრო მკაცრი საიმიგრაციო პოლიტიკის გატარებას მოითხოვენ და ამტკიცებენ, რომ უკრაინის ახალი ფინანსური დახმარება უნდა იყოს დაკავშირებული საიმიგრაციო რეფორმებთან და აშშ-ის თავშესაფრის პოლიტიკის გადახედვასთან. ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო. 12 აპრილს, აშშ-ის პრეზიდენტმა ჯო ბაიდენმა რუსეთის პრეზიდენტი ვლადიმერ პუტინი გენოციდში დაადანაშაულა. რუსეთის ძალებმა 2022 წლის 4-დან 31 მარტამდე უკრაინის დედაქალაქ კიევიდან ჩრდილო-დასავლეთით 30 კილომეტრში მდებარე ქალაქ ბუჩის ოკუპაციის დროს ომის აშკარა დანაშაულები ჩაიდინეს, ნათქვამია Human Rights Watch-ის 21 აპრილს გამოქვეყნებულ დეტალურ ანგარიშში. ორგანიზაციამ ომის დანაშაულის და კაცობრიობის წინააღმდეგ პოტენციური დანაშულის მტკიცებულებები შეაგროვა. ომის დანაშაულში ბრალდებული პირველ რუსი ჯარისკაცს უკრაინის სასამართლომ სამუდამო პატიმრობა მიუსაჯა. 2023 წლის 17 თებერვალს ჰააგის სასამართლომ პუტინის დაკავების ორდერი გასცა. ომის მეორე წელს, ზამთრის პირობებში და რუსეთის მასიური თავდასხმების ფონზე, უკრაინა პარტნიორების დახმარებით საჰაერო თავდაცვას აძლიერებს. კიევი F-16-ის თვითმფრინავების მიღებისა და აშშ-ის კრიტიკულად მნიშვნელოვანი დახმარების დამტკიცების მოლოდინშია.
ზელენსკი ამბობს, რომ ტრამპი არ იცნობს პუტინს, რადგან მასთან არასდროს უბრძოლია
აშშ-ის ყოფილი პრეზიდენტი დონალდ ტრამპი „ამერიკელების წინააღმდეგ“ წავა თუკი ის რუსეთის მხარდაჭერას აირჩევს უკრაინის გამო, განაცხადა უკრაინის პრეზიდენტმა ვოლოდიმირ ზელენსკიმ CNN-ის ცნობით. კიევში საუბრისას ზელენსკიმ განმარტა, რომ „ვერ ხვდება, როგორ შეიძლება, დონალდ ტრამპი იყოს (რუსეთის პრეზიდენტის ვლადიმერ) პუტინის მხარეს.“ „ეს დაუჯერებელია,“ ციტირებს ზელენსკის სიტყვებც CNN. როგორც ზელენსკიმ აღნიშნა, მას სჯერა, რომ ტრამპი, რომელიც ასევე ამტკიცებდა, რომ არჩევის შემთხვევაში კონფლიქტს ერთ დღეში დაასრულებდა, არ ესმის პუტინის მიზნების. „ვფიქრობ, დონალდ ტრამპი არ იცნობს პუტინს. ვიცი, რომ ის მას შეხვედრია, მაგრამ არასოდეს უბრძოლია პუტინთან. ამერიკის არმიას არასოდეს უბრძოლია რუსეთის არმიასთან. არასოდეს...“ მე უკეთესად მესმის... ვფიქრობ, მას არ ესმის, რომ პუტინი არასოდეს გაჩერდება," - ამბობს უკრაინის პრეზიდენტი. ზელენსკიმ CNN-ს განუცხადა, რომ რომ რუსეთი „მილიარდებს“ ხარჯავს ომის შესახებ ცრუ ინფორმაციის გავრცელებაზე და რომ მან წარმატებით გამოიყენა დეზინფორმაცია იარაღად - გავლენა მოახდინა აშშ-ში დებატებზე. „უკრაინელი მსხვერპლის რაოდენობის გაზრდა მხოლოდ ერთი მაგალითია იმისა, თუ როგორ ავრცელებს რუსეთი ცრუ ნარატივებს,“ აღნიშნა უკრაინის პრეზიდენტმა. ცნობით, ვოლოდიმირ ზელენსკიმ დონალდ ტრამპი კიევში მიიწვია, მაგრამ - ერთი პირობით. უკრაინის პრეზიდენტის თქმით, ის მზადაა, კიევში მიიღოს აშშ-ის ყოფილი პრეზიდენტი, თუ ტრამპს მართლაც შეუძლია დაპირების შესრულება და რუსეთთან ომის 24 საათში დასრულება. მანამდე დონალდ ტრამპმა არაერთხელ განაცხადა, რომ თეთრ სახლში დაბრუნების შემთხვევაში, ის უკრაინაში მიმდინარე ომს 24 საათში შეაჩერებს. „დიახ, დონალდ ტრამპ, მე გპატიჟებთ უკრაინაში, კიევში. თუ თქვენ შეგიძლიათ ომის შეჩერება 24 საათში, ეს საკმარისია იმისთვის, რომ თქვენ ჩამოხვიდეთ კიევში, ნებისმიერ დროს. მე აქ ვარ,“– განაცხადა ზელენსკიმ ბრიტანეთის მაუწყებელ Channel 4 News-თან. ზელენსკიმ განმარტა, რომ თუ ტრამპს აქვს ომის დასრულების "ფორმულა", მას სურს იცოდეს, რა არის ეს ფორმულა. „რუსეთი ვერ გაიმარჯვებს მაშინაც კი, თუ მისმა სამხედროებმა უკრაინა დაიკავეს“: ორი წელი ომიდან
ტრამპი ორბანს მარ-ა-ლაგოს რეზიდენციაში უმასპინძლებს - Bloomberg
დონალდ ტრამპი ვიქტორ ორბანს ფლორიდაში, მარ-ა-ლაგოს რეზიდენციაში მიიღებს. Bloomberg-ი ანონიმურ წყაროზე დაყრდნობით წერს, რომ აშშ-ის ყოფილი პრეზიდენტისა და უნგრეთის პრემიერ-მინისტრის შეხვედრა ფლორიდაში, მარ-ა-ლაგოს კურორტზე, სავარაუდოდ, 8 მარტს შედგება. ვაშინგტონში უნგრეთის საელჩომ, დონალდ ტრამპის წინასაარჩევნო შტაბის წარმომადგენლებმა და აშშ-ის სახელმწიფო დეპარტამენტმა სავარაუდო შეხვედრის შესახებ კომენტარის გაკეთებაზე უარი განაცხადეს.
ნიკი ჰეილიმ ვაშინგტონის პრაიმერიზში დონალდ ტრამპი დაამარცხა
ნიკი ჰეილიმ “რესპუბლიკელების“ საპრეზიდენტო პრაიმერიზში პირველი გამარჯვება მოიპოვა. ვაშინგტონში, კოლუმბიის ოლქში ჩატარებული კენჭისყრის შედეგების თანახმად, ჰეილიმ, დონალდ ტრამპის ერთადერთმა კონკურენტმა, ხმების 62.9% მოიპოვა, ყოფილმა პრეზიდენტმა კი - 33.2%-ი. დონალდ ტრამპმა დღემდე 8 პრაიმერიზში გაიმარჯვა, მათ შორის, ბოლოს მიჩიგანის, მისურისა და აიდაჰოს შტატებში და კიდევ უფრო მიუახლოვდა შანსს, გახდეს „რესპუბლიკელების“ კანდიდატი, რომელიც ნოემბერში დაგეგმილ საპრეზიდენტო არჩევნებში პრეზიდენტ ჯო ბაიდენს დაუპირისპირდება. 5 მარტს ე.წ. სუპერ სამშაბათი გაიმართება, რომელიც "რესპუბლიკელების" შიდაპარტიული არჩევნების ყველაზე დიდი დღეა. ამ დღეს კენჭისყრა 15 შტატსა და ერთ ტერიტორიაზე ჩატარდება.
„სუპერ სამშაბათი“: შიდაპარტიულ არჩევნებში ტრამპი და ბაიდენი იმარჯვებენ
ამერიკის შეერთებულ შტატებში ე.წ. სუპერ სამშაბათის დროს, პრეზიდენტობის კანდიდატების ასარჩევად, ამერიკელებმა პრაიმერიზში ერთდროულად მიიღეს მონაწილეობა. მედია წინასწარ მონაცემებზე დაყრდნობით სავარაუდო გამარჯვებულების შესახებ ინფორმაციას უკვე ავრცელებს. 5 მარტს, ორივე პარტიის ამომრჩეველი, დემოკრატები 14 შტატში და რესპუბლიკელები 15-ში, ერთად აძლევდნენ ხმას საპრეზიდენტო კანდიდატობაზე მათ სასურველ პრეტენდენტს. BBC-ის ცნობით, ბაიდენმა გაიმარჯვა 14 შტატში, მაგრამ ამერიკის სამოას ტერიტორიაზე 11 ხმით დამარცხდა. ხოლო რესპუბლიკელების პრაიმერიზში ყოფილი პრეზიდენტი დონალდ ტრამპი, 14 შტატში ლიდერობს. რაც შეეხება ვერმონტის შტატს, რესპუბლიკელების პრაიმერიზში, გამარჯვება დონალდ ტრამპის მთავარმა კონკურენტმა ნიკი ჰეილიმ მოიპოვა. გასულ კვირაში მან ვაშინგტონის შტატის პრაიმერიზშიც გაიმარჯვა. „ეს არის დროის წარმოუდგენელი პერიოდი ჩვენი ქვეყნის ისტორიაში - ჩვენ ამ არჩევნებში გავიმარჯვებთ,“ განაცხადა ტრამპმა. მან ჯო ბაიდენი გააკრიტიკა. „ჩვენ ამ არჩევნებში გავიმარჯვებთ, რადგან არჩევანი არ გვაქვს,“ აღნიშნა ტრამპმა. ჯო ბაიდენის შეფასებით, საპრეზიდენტო არჩევნებში დონალდ ტრამპის გამარჯვების შემთხვევაში ქვეყანას ქაოსი, განხეთქილება და სიბნელე ელოდება. „ოთხი წლის წინ, მე კენჭი ვიყარე იმ ეგზისტენციალური საფრთხის გამო, რომელსაც დონალდ ტრამპი ამერიკისთვის წარმოადგენდა. მას წყენა, შური და შურისძიება ამოძრავებს - ის საკუთარ თავზე ფიქრობს და არა ამერიკელ ხალხზე,“ - განაცხადა ბაიდენმა. შიდაპარტიულ არჩევნებში გამარჯვებულები მიმდინარე წლის ზაფხულში დაგეგმილ პარტიულ ყრილობებზე ოფიციალურად გახდებიან ამ პარტიების საპრეზიდენტო კანდიდატები. აშშ-ში საპრეზიდენტო არჩევნები 2024 წლის 5 ნოემბერს გაიმართება. როგორც ამერიკის ხმა წერს, ჩრდილოეთ კაროლინა “სუპერ სამშაბათში” მონაწილე ერთადერთი შტატია, რომელიც, სავარაუდოდ, მერყევი იქნება ნოემბრის საყოველთაო არჩევნებში. მერყევი შტატი გულისხმობს, რომ უცნობია თუ რომელ პარტიას მიემხრობა შტატის ამომრჩეველი. ტრამპმა 2020 წელს ჩრდილოეთ კაროლინა მცირე უპირატესობით მოიგო. ბოლო დემოკრატი კანდიდატი, რომელმაც შტატში გამარჯვებას მიაღწია, 2008 წელს ბარაკ ობამა იყო.
CNN ტრამპისა და ორბანის შეხვედრის დეტალებზე წერს
აშშ-ის ყოფილი პრეზიდენტი დონალდ ტრამპი უნგრეთის პრემიერ ვიქტორ ორბანს შეხვდა. დონალდ ტრამპთან შეხვედრამდე ვიქტორ ორბანი Heritage Foundation-ში, კონსერვატიულ ანალიტიკურ ცენტრში სიტყვით გამოვიდა. „ოჯახების მხარდაჭერა, არალეგალური მიგრაციის წინააღმდეგ ბრძოლა და ჩვენი სახელმწიფოების სუვერენიტეტის დაცვა. ეს ევროპისა და აშშ-ის კონსერვატიულ ძალებს შორის თანამშრომლობის საერთო საფუძველია,“ - წერს უნგრეთის პრემიერ-მინისტრი X-ზე. ფლორიდაში, მარ-ა-ლაგოს რეზიდენციაში აშშ-ის ყოფილ პრეზიდენტთან შეხვედრის ვიდეოკადრები ვიქტორ ორბანმა „ინსტაგრამის“ პირად გვერდზე გამოაქვეყნა. აშშ-ის ყოფილი პრეზიდენტის წარმომადგენლებმა კი, განაცხადეს, რომ უნგრეთის პრემიერ-მინისტრმა და დონალდ ტრამპმა უნგრეთისა და აშშ-ის ურთიერთობებთან დაკავშირებული საკითხების ფართო სპექტრი განიხილეს, მათ შორის, ძლიერი და უსაფრთხო საზღვრების მნიშვნელობა. დონალდ ტრამპისა და ვიქტორ ორბანის შეხვედრის შესახებ კომენტარი აშშ-ის პრეზიდენტმა, ჯო ბაიდენმაც გააკეთა. „იცით, ვის ხვდება დღეს მარ-ა-ლაგოში? ორბანს უნგრეთიდან, რომელმაც პირდაპირ განაცხადა, რომ დემოკრატია არ მუშაობს, იგი დიქტატურისკენ ისწრაფვის,“ - განაცხადა ჯო ბაიდენმა. როგორც CNN იტყობინება, ტრამპმა მარ-ა-ლაგოში ვიქტორ ორბანთან "მეგობრული" შეხვედრა გამართა. „შემდეგ, ავტოკრატი კონცერტზე წაიყვანა,“ იუწყება ამერიკული ტელეარხი. ერთ-ერთმა წყარომ შეხვედრა "სოციალურ შეხვედრად" შეაფასა, რომელიც დღის წესრიგის გარეშე შედგა, ხოლო ცალკეულმა წყარომ განაცხადა, რომ ეს იყო "მეგობრული" შეხვედრა,“ წერს CNN. ბაიდენის ადმინისტრაციის ოფიციალურმა წარმომადგენელმა CNN- დაუდასტურა, რომ თეთრ სახლს არ მიწვევია ორბანი ბაიდენთან შესახვედრად.
ორბანი: ტრამპი, გამარჯვების შემთხვევაში, უკრაინა-რუსეთის ომისთვის ერთ პენსაც კი არ გასცემს
უნგრეთის პრემიერ-მინისტრი, ვიქტორ ორბანი აცხადებს, რომ დონალდ ტრამპი ერთ პენსაც არ გასცემს უკრაინა-რუსეთის ომისთვის, თუ აშშ-ის საპრეზიდენტო არჩევნებში გაიმარჯვებს. გამოცემა M1-თან ინტერვიუში ორბანმა განაცხადა, რომ ტრამპი იყო დიდი ხნის განმავლობაში პირველი პრეზიდენტი, რომელსაც ომი არ დაუწყია. „ვიცით, რომ მშვიდობის ადამიანია და ახლაც არ მალავს თავის შეხედულებებს, ნათლად აჩვენა, რომ მისი მიზანია მშვიდობის მოტანა რუსეთსა და უკრაინას შორის ომში და ჩვენ არაფერი გვინდა მშვიდობისა და ცეცხლის შეწყვეტის გარდა,“ - განაცხადა ორბანმა. ორბანის განცხადებით, ტრამპს აქვს საკმაოდ დეტალური გეგმები, როგორ დაასრულოს რუსეთ-უკრაინის ომი და მისი გეგმები შეესაბამება უნგრეთის ინტერესებს. „მას აქვს ძალიან მკაფიო ხედვა, რომელსაც ძნელია არ დაეთანხმო. ის ამბობს შემდეგს: ჯერ ერთი, რუსეთ-უკრაინის ომისთვის ერთ პენსაც არ გასცემს. ამიტომ ომი დასრულდება, რადგან აშკარაა, რომ უკრაინას დამოუკიდებლად ფეხზე დგომა არ შეუძლია. თუ ამერიკელები ევროპელებთან ერთად ფულს და იარაღს არ მისცემენ უკრაინას, ომი დასრულდება და თუ ფულს ამერიკელებიც არ მისცემენ უკრაინას, მაშინ ევროპელები მარტო ვერ დააფინანსებენ ამ ომს და ომი დასრულდება,“ - აღნიშნა ორბანმა. ორბანი ტრამპს სთხოვს, „დაბრუნდეს და მშვიდობა მოიტანოს"
ტრამპმა თაღლითობის საქმეზე $175 მილიონიანი გირაო გადაიხადა
აშშ-ის ყოფილმა პრეზიდენტმა დონალდ ტრამპმა თაღლითობის საქმეზე გირაოს სახით დაკისრებული 175 მილიონი დოლარი გადაიხადა, რითაც თავიდან აიცილა აქტივების, მათ შორის, ნიუ-იორკში მდებარე ცათამბჯენ "ტრამპ-ტაუერისა" და ფლორიდის "მარ-ა-ლაგოს" რეზიდენციის ჩამორთმევა. მიმდინარე წლის თებერვალში ტრამპი დამნაშავედ ცნეს განზრახ ფინანსურ თაღლითობაში. სასამართლოს გადაწყვეტილებაში ნათქვამია, რომ ექსპრეზიდენტი ათი წლის განმავლობაში განზრახ ბერავდა საკუთარი ქონების ღირებულებას, რათა შეცდომაში შეეყვანა ბანკები და მიეღო უკეთესი სასესხო პირობები. თავდაპირველად ნიუ-იორკის სასამართლომ ტრამპს გირაოდ 464 მილიონი დოლარი დაუწესა, მაგრამ ტრამპმა ეს გადაწყვეტილება გაასაჩივრა, რის შედეგადაც, გირაოს ოდენობა შემცირდა. თუ ტრამპი აპელაციას წააგებს, მას 464 მილიონის გადახდა მაინც მოუწევს. მანამდე ადვოკატებმა განაცხადეს, რომ ტრამპი ვერ შეძლებდა 464 მილიონი დოლარის ოდენობის ჯარიმის დაფარვას, მიუხედავად იმისა, რომ მრავალ ფინანსურ კომპანიას მიმართა დახმარებისთვის.
WP: არჩევნებში გამარჯვების შემთხვევაში, ტრამპი უკრაინას ტერიტორიის დათმობისკენ უბიძგებს
ამერიკული გამოცემა Washington Post-ი წყაროზე დაყრდნობით წერს, რომ აშშ-ის რესპუბლიკური პარტიის პრეზიდენტობის სავარაუდო კანდიდატი, ექსპრეზიდენტი დონალდ ტრამპი, არჩევნებში გამარჯვების შემთხვევაში უკრაინას ტერიტორიის დათმობისკენ უბიძგებს. კერძოდ, ტრამპი, რომელიც აცხადებს, რომ მიმდინარე ომს 24 საათში დაასრულებდა, უკრაინას მოუწოდებს, დათმოს ყირიმი და დონბასის ნაწილები. როგორც რესპუბლიკელი სენატორი ლინდსი გრემი ამბობს, მან ტრამპი გააფრთხილა პუტინისთვის ტერიტორიის გადაცემის წინააღმდეგ, რადგან, მისი თქმით, რუსეთის პრეზიდენტმა საფასური უნდა გადაიხადოს. ზელენსკიმ ტრამპი კიევში მიიწვია განახლება: დონალდ ტრამპის საარჩევნო კამპანიის მრჩეველმა ჯეისონ მილერმა განაცხადა, რომ „ინფორმაცია, რომ დონალდ ტრამპის სამშვიდობო გეგმა უკრაინის მიერ ტერიტორიების დათმობას ითვალისწინებს, სიცრუეა.“ „ეს ყველაფერი The Washington Post-ის მიერ გავრცელებული ყალბი ინფორმაციაა. ისინი ამას უბრალოდ იგონებენ. პრეზიდენტი ტრამპი ერთადერთია, ვინც მკვლელობების დასრულების შესახებ საუბრობს. ჯო ბაიდენი კი, მეტი სიკვდილის შესახებ საუბრობს,“ - განაცხადა მილერმა. აშშ-ის ყოფილი პრეზიდენტი დონალდ ტრამპი „ამერიკელების წინააღმდეგ“ წავა თუკი ის რუსეთის მხარდაჭერას აირჩევს უკრაინის გამო, განაცხადა უკრაინის პრეზიდენტმა ვოლოდიმირ ზელენსკიმ CNN-ის ცნობით. კიევში საუბრისას ზელენსკიმ განმარტა, რომ „ვერ ხვდება, როგორ შეიძლება, დონალდ ტრამპი იყოს (რუსეთის პრეზიდენტის ვლადიმერ) პუტინის მხარეს.“ „ეს დაუჯერებელია,“ ციტირებს ზელენსკის სიტყვებც CNN. როგორც ზელენსკიმ აღნიშნა, მას სჯერა, რომ ტრამპი, რომელიც ასევე ამტკიცებდა, რომ არჩევის შემთხვევაში კონფლიქტს ერთ დღეში დაასრულებდა, არ ესმის პუტინის მიზნების. „ვფიქრობ, დონალდ ტრამპი არ იცნობს პუტინს. ვიცი, რომ ის მას შეხვედრია, მაგრამ არასოდეს უბრძოლია პუტინთან. ამერიკის არმიას არასოდეს უბრძოლია რუსეთის არმიასთან. არასოდეს...“ მე უკეთესად მესმის... ვფიქრობ, მას არ ესმის, რომ პუტინი არასოდეს გაჩერდება," - ამბობს უკრაინის პრეზიდენტი. ზელენსკიმ CNN-ს განუცხადა, რომ რომ რუსეთი „მილიარდებს“ ხარჯავს ომის შესახებ ცრუ ინფორმაციის გავრცელებაზე და რომ მან წარმატებით გამოიყენა დეზინფორმაცია იარაღად - გავლენა მოახდინა აშშ-ში დებატებზე. „უკრაინელი მსხვერპლის რაოდენობის გაზრდა მხოლოდ ერთი მაგალითია იმისა, თუ როგორ ავრცელებს რუსეთი ცრუ ნარატივებს,“ აღნიშნა უკრაინის პრეზიდენტმა. ცნობით, ვოლოდიმირ ზელენსკიმ დონალდ ტრამპი კიევში მიიწვია, მაგრამ - ერთი პირობით. უკრაინის პრეზიდენტის თქმით, ის მზადაა, კიევში მიიღოს აშშ-ის ყოფილი პრეზიდენტი, თუ ტრამპს მართლაც შეუძლია დაპირების შესრულება და რუსეთთან ომის 24 საათში დასრულება. მანამდე დონალდ ტრამპმა არაერთხელ განაცხადა, რომ თეთრ სახლში დაბრუნების შემთხვევაში, ის უკრაინაში მიმდინარე ომს 24 საათში შეაჩერებს. „დიახ, დონალდ ტრამპ, მე გპატიჟებთ უკრაინაში, კიევში. თუ თქვენ შეგიძლიათ ომის შეჩერება 24 საათში, ეს საკმარისია იმისთვის, რომ თქვენ ჩამოხვიდეთ კიევში, ნებისმიერ დროს. მე აქ ვარ,“– განაცხადა ზელენსკიმ ბრიტანეთის მაუწყებელ Channel 4 News-თან. ზელენსკიმ განმარტა, რომ თუ ტრამპს აქვს ომის დასრულების "ფორმულა", მას სურს იცოდეს, რა არის ეს ფორმულა. „რუსეთი ვერ გაიმარჯვებს მაშინაც კი, თუ მისმა სამხედროებმა უკრაინა დაიკავეს“: ორი წელი ომიდან
ტრამპის კამპანიამ გაასაჯაროვა საკითხები, რომლებიც აშშ-ის ექსპრეზიდენტმა ქემერონთან შეხვედრაზე განიხილა
უკრაინაში მიმდინარე ომი და NATO-ს ქვეყნების მიერ თავდაცვის ხარჯების მოთხოვნების დაკმაყოფილების აუცილებლობა,“ ეს ის საკითხებია, რომლებიც აშშ-ის ყოფილმა პრეზიდენტმა დონალდ ტრამპმა და ბრიტანეთის საგარეო საქმეთა მინისტრმა დევიდ ქემერონმა განიხილეს. შესაბამისი ინფორმაცია ტრამპის კამპანიამ გაავრცელა. ტრამპის კამპანიის ინფორმაციით, მარ-ა-ლაგოში ვახშმის დროს, მათ „შეერთებულ შტატებსა და გაერთიანებულ სამეფოში მოახლოებულ არჩევნებზე და NATO-ს წევრების მიერ თავდაცვის ხარჯების მოთხოვნების დაკმაყოფილების საჭიროება და უკრაინაში სისხლისღვრის დასრულება განიხილეს.“ ვაშინგტონში ბლინკენთან გამართულ ერთობლივ პრესკონფერენციაზე ქემერონმა განაცხადა, რომ ვახშამი შეესაბამებოდა ბრიტანეთის მთავრობის მინისტრების წარსულ პრეცედენტს, როცა ვიზიტით ჩამოსული მაღალჩინოსნები ოპოზიციონერ პოლიტიკოსებთანაც მართავენ შეხვედრებს. მან უარი თქვა ტრამთან საუბრის დეტალების გამჟღავნებაზე და მხოლოდ ის აღნიშნა, რომ მნიშვნელოვანი გეოპოლიტიკური თემები განიხილეს. ბრიტანეთის საელჩოს სპიკერმა განაცხადა, რომ ქემერონი არ შეხვდება რესპუბლიკელ წარმომადგენელთა პალატის სპიკერ მაიკ ჯონსონს, დროის გამონახვის სირთულის გამო. „დასავლეთის ძალებს ეკისრებათ პასუხისმგებლობა, დაეხმარონ უკრაინას რუსეთის შეჭრის მოგერიებაში“ - ქემერონი ვაშინგტონში
ქემერონის შემდეგ, ტრამპს პოლონეთის პრეზიდენტი შეხვდა
პოლონეთის პრეზიდენტი, ანდჯეი დუდა აშშ-ის ყოფილ პრეზიდენტს, 2024 წლის საპრეზიდენტო არჩევნებში „რესპუბლიკური პარტიის“ კანდიდატს, დონალდ ტრამპს შეხვდა. ამის შესახებ ინფორმაციას Associated Press-ი ავრცელებს. დონალდ ტრამპმა პოლონეთის პრეზიდენტს ნიუ-იორკში, Trump Tower-ში უმასპინძლა. დონალდ ტრამპმა და ანჯეი დუდამ NATO-ს წევრების მიერ თავდაცვის ხარჯების გაზრდის საკითხი და უკრაინაში მიმდინარე ომი განიხილეს, თუმცა დეტალები არ გასაჯაროებულა. „მან ფანტასტიკური სამუშაო გასწია და ის ჩემი მეგობარია. ჩვენ ერთად ოთხი შესანიშნავი წელი გავატარეთ. ჩვენ პოლონეთს მხარს ბოლომდე ვუჭერთ,“ - განაცხადა დონალდ ტრამპმა ანჯეი დუდასთან შეხვედრისას. ტრამპის კამპანიამ მცირე ინფორმაცია გაავრცელა შეხვედრის შესახებ, მაგრამ განაცხადა, რომ მათ განიხილეს დუდას წინადადება NATO-ს ქვეყნებისთვის, გაეზარდათ თავდაცვის ხარჯები მთლიანი შიდა პროდუქტის 3 პროცენტამდე - პოზიცია, რომელიც პოლონეთის პრეზიდენტმა ასევე გაასაჯაროვა გასულ თვეში Washington Post-ის სტატიაში. სტატიაში დუდა ამბობდა, რომ „რუსეთის იმპერიალისტური ამბიციები და აგრესიული რევიზიონიზმი უბიძგებს მოსკოვს NATO-სთან პირდაპირი დაპირისპირებისკენ“ და რომ NATO მზად უნდა იყოს საფრთხესთან გასამკლავებლად. ტრამპის კამპანიამ გაასაჯაროვა საკითხები, რომლებიც აშშ-ის ექსპრეზიდენტმა ქემერონთან შეხვედრაზე განიხილა
ტრამპი: ჩემი პრეზიდენტობის პერიოდში მოსკოვს დავბომბავდი თუ რუსეთი უკრაინაში შეიჭრებოდა - WP
„ჩემი პრეზიდენტობის პერიოდში მოსკოვს დავბომბავდი თუ რუსეთი უკრაინაში შეიჭრებოდა, და პეკინს - თუ ჩინეთი ტაივანში შეიჭრებოდა.“ ამის შესახებ გამოცემა Washington Post-ის ინფორმაციით, აშშ-ის ყოფილმა პრეზიდენტმა დონალდ ტრამპმა მისი საარჩევნო კამპანიის დონორებთან ერთ-ერთ შეხვედრაზე განაცხადა. გამოცემის ცნობით, აღნიშნულმა განცხადებამ ღონისძიების დამსწრეების დიდი რაოდენობა გააკვირვა. Washington Post-ის აღნიშნავს, რომ ბოლო თვეების განმავლობაში ტრამპი იშვიათად ახსენებს უკრაინას. გასულ წელს აშშ-ის ყოფილმა პრეზიდენტმა განაცხადა, რომ ომს ერთ დღეზე ნაკლებ დროში “მოაგვარებდა.” ხოლო მიმდინარე წლის აპრილში მან განაცხადა: “როგორც ყველა თანხმდება, უკრაინის გადარჩენა და სიძლიერე ევროპისთვის გაცილებით უფრო მნიშვნელოვანი უნდა იყოს, ვიდრე ჩვენთვის, მაგრამ ეს ჩვენთვისაც მნიშვნელოვანია! დაჩქარდი, ევროპავ!”
ტრამპის მხარდამჭერებთან შეხვედრის დროს, სცენის მიმართულებით ისროლეს - საიდუმლო სამსახური
დღეს, 13 ივლისს, პენსილვანიაში ამომრჩევლებთან შეხვედრის დროს სროლის შემდეგ, შეერთებულ შტატებში მომხდარს, ექსპრეზიდენტ დონალდ ტრამპის მკვლელობის მცდელობად იძიებენ. მომხდარიდან რამდენიმე საათში, რესპუბლიკური პარტიის სავარაუდო საპრეზიდენტო კანდიდატმა დონალდ ტრამპმა მადლობა გადაუხადა სამართალდამცველებს. „მსურს მადლობა გადავუხადო შეერთებული შტატების საიდუმლო სამსახურს და ყველა სამართალდამცავს სროლაზე სწრაფი რეაგირებისთვის, რომელიც ახლა, პენსილვანიის შტატის ბატლერში მოხდა. რაც ყველაზე მნიშვნელოვანია, მინდა მივუსამძიმრო შეხვედრაზე მყოფი მოკლული პირის ოჯახს და ასევე სხვა პირის ოჯახს, რომელიც მძიმედ დაშავდა. დაუჯერებელია, რომ ჩვენს ქვეყანაში ასეთი რამ შეიძლება მოხდეს. ამ დროისთვის მსროლელის შესახებ, რომელიც ახლა მოკლულია, არაფერია ცნობილი. „მე მომხვდა ტყვია, რომელმაც მარჯვენა ყურის ზედა ნაწილი გამიხვრიტა. მაშინვე მივხვდი, რომ რაღაც არასწორი ხდებოდა, რადგან ზუზუნის ხმა, გასროლები გავიგონე და მაშინვე ვიგრძენი, რომ ტყვია კანში გადიოდა. ბევრი სისხლდენა მქონდა და მაშინ გავიაზრე, თუ რა ხდებოდა. ღმერთმა დალოცოს ამერიკა!“ ამბობს ტრამპი. შეერთებული შტატების საიდუმლო სამსახურმა თავის ოფიციალურ ვებგვერდზე შემდეგი განცხადება გამოაქვეყნა: „13 ივლისს საღამოს, დაახლოებით 18:15, პენსილვანიის ბატლერში ყოფილ პრეზიდენტ ტრამპის (საარჩევნო) საკამპანიო შეხვედრის დროს, ეჭვმიტანილმა მსროლელმა შეხვედრის ადგილის გარედან, შემაღლებული პოზიციიდან, სცენის მიმართულებით მრავალჯერადი გასროლა მოახდინა. შეერთებული შტატების საიდუმლო სამსახურის პერსონალმა მსროლელი გაანეიტრალა, რომელიც ახლა მკვდარია. აშშ-ის საიდუმლო სამსახურმა დამცავი ზომებით სწრაფი რეაგირება მოახდინა, ყოფილი პრეზიდენტი უსაფრთხოდაა და მისი სამედიცინო შემოწმება მიმდინარეობს. ერთი დამსწრე დაიღუპა, ორი კრიტიკულად დაშავდა. ინციდენტზე ამჟამად გამოძიება მიმდინარებს და საიდუმლო სამსახურმა გამოძიების ფედერალურ ბიუროს ფორმალური შეტყობინება გაუგზავნა.“ დელავერის შტატის რეობოტ ბიჩში მყოფმა პრეზიდენტმა ჯო ბაიდენმა მომხდარის შემდეგ ამერიკელებს მიმართა და განაცხადა, რომ ტრამპთან ტელეფონით საუბარს აპირებს. მომხდარზე კი, განაცხადა, რომ ამერიკაში ასეთი ძალადობის ადგილი არ არის. „ეს დამთრგუნველია. ეს იყო ერთ-ერთი მიზეზი, რის გამოც ეს ქვეყანა გავაერთიანეთ. არ შეგვიძლია, დავუშვათ რომ ეს ხდებოდეს. არ შეგვიძლია ასეთი ვიყოთ. არ შეგვიძლია, ეს მივუტევოთ.“ „ვლოცულობ მისთვის და მისი ოჯახისთვის და ყველა მათგანისთვის, ვინც შეხვედრას ესწრებოდა. ველოდებით დამატებით ინფორმაციას," - ამბობს ბაიდენი. მოგვიანებით, თეთრმა სახლმა განაცხადა, რომ ბაიდენი დონალდ ტრამპს ესაუბრა. „დღეს, პრეზიდენტი ვაშინგტონში ბრუნდება. ხვალ დილით თეთრ სახლში ის მიიღებს განახლებულ ბრიფინგს ქვეყნის უსაფრთხოებისა და სამართალდამცავი ორგანოების წარმომადგენლებისგან“, - ნათქვამია თეთრი სახლის ოფიციალურ განცხადებაში. სროლა ტრამპის სიტყვის დაწყებიდან სულ ცოტა ხანში გაისმა. საიდუმლო სამსახურის აგენტები მის გარშემო შეჯგუფდნენ პრეზიდენტის დასაფარად. ვიდეოში ტრამპის სახის მარჯვენა მხარეს და ყურზე სისხლის კვალი ჩანს. იმ დროს, როდესაც დაცვის აგენტებს ადგილიდან გაჰყავდათ, ტრამპმა მუშტი რამდენჯერმე ზემოთ ასწია მხარდამჭერების გასამხნევებლად. წამყვანმა რესპუბლიკელებმა და დემოკრატებმა სწრაფად დაგმეს ძალადობა. განცხადებები გაკეთდა ამერიკის კონგრესში. „პოლიტიკური ძალადობის ამ შემზარავ აქტს მშვიდობიანი კამპანიის აქციაზე ადგილი არ აქვს ამ ქვეყანაში და ის უნდა იყოს ერთხმად და მტკიცედ დაგმობილი,“ - განაცხადა წარმომადგენელთა პალატის რესპუბლიკელმა სპიკერმა მაიკ ჯონსონმა სოციალურ მედიაში სენატის უმრავლესობის ლიდერმა, დემოკრატმა ჩაკ შუმერმა აღნიშნა, რომ შეძრწუნებული იყო მომხდარით და შვებით ამოისუნთქა, რომ ტრამპი უსაფრთხოდაა. „პოლიტიკური ძალადობის ადგილი არ არის ჩვენს ქვეყანაში,“- განაცხადა შუმერმა.
მსოფლიო ლიდერები ტრამპის წინასაარჩევნო შეხვედრაზე მომხდარ სროლას ეხმაურებიან
გაერთიანებული სამეფოს პრემიერ-მინისტრ კირ სტარმერის განცხადებით, ის "შეძრწუნებულია შეხვედრის შოკისმომგვრელი სცენებით." „პოლიტიკური ძალადობის ნებისმიერი ფორმის ადგილი ჩვენს საზოგადოებებში არ არის,“ - განაცხადა პრემიერმა. დონალდ ტრამპის წინასაარჩევნო შეხვედრის დროს მომხდარ სროლას ეხმაურება იაპონიის პრემიერ-მინისტრი ფუმიო კიშიდაც. „მტკიცედ უნდა დავდგეთ ძალადობის ნებისმიერი ფორმის წინააღმდეგ, რომელიც დემოკრატიას გამოწვევას უქმნის,“ - აღნიშნა იაპონიის პრემიერმა. იტალიის პრემიერ-მინისტრის, ჯორჯია მელონი კი, ამბობს, რომ მღელვარებით ადევნებს თვალს სიახლეებს პენსილვანიიდან. მან დონალდ ტრამპს სწრაფი გამოჯანმრთელება უსურვა და იმედი გამოთქვა, რომ „საარჩევნო კამპანიის მომდევნო თვეებში დიალოგი და პასუხისმგებლობა სძლევს სიძულვილსა და ძალადობას.“ ისრაელის პრემიერ მინისტრმა ბენიამინ ნეთანიაჰუმ განაცხადა, რომ ის და მისი მეუღლე შოკირებული არიან დონალდ ტრამპზე აშკარა თავდასხმით. „ვლოცულობთ მისი უსაფრთხოებისა და სწრაფად გამოჯანმრთელებისთვის,“ - აღნიშნა ნეთანიაჰუმ. შოკირებული ვარ პრეზიდენტ ტრამპზე თავდასხმის ამბით, რასაც მკაცრად ვგმობ,“ - ასე ეხმაურება ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, ჯოზეფ ბორელი აშშ-ის ყოფილი პრეზიდენტის დონალდ ტრამპის წინასაარჩევნო შეხვედრისას სროლას. „კიდევ ერთხელ, მომსწრე ვართ პოლიტიკოსების მიმართ მიუღებელი ძალადობის აქტების,“ - აღნიშნა ბორელმა.
FBI: ტრამპის წინასაარჩევნო შეხვედრაზე სროლა მკვლელობის მცდელობაა
აშშ-ის გამოძიების ფედერალური ბიურო (FBI) აცხადებს, რომ ყოფილი პრეზიდენტის, დონალდ ტრამპის წინასაარჩევნო შეხვედრაზე მომხდარი სროლა მკვლელობის მცდელობაა. „ადგილი ჰქონდა ჩვენი ყოფილი პრეზიდენტის, დონალდ ტრამპის წინააღმდეგ მკვლელობის მცდელობა“, - განაცხადა გამოძიების ფედერალური ბიუროს წარმომადგენელმა კევინ როჟეკმა პენსილვანიის შტატის ქალაქ ბატლერში გამართულ პრესკონფერენციაზე საუბრისას. მისი თქმით, ხელისუფლება ინტენსიურად მუშაობს, შეიარაღებული პირის იდენტიფიცირებისა და დანაშაულის მოტივის დადგენის მიზნით. დონალდ ტრამპი პენსილვანიის შტატში მხარდამჭერებთან შეხვედრის დროს მომხდარი სროლის შედეგად დაშავდა. შეხვედრის ერთ-ერთი მონაწილე დაიღუპა, ორი მონაწილე კი - მძიმედ დაშავდა. დაღუპულია თავად შეიარაღებული პირიც, რომელიც აშშ-ის საიდუმლო სამსახურის თანამშრომლებმა გაანეიტრალეს.
დონალდ ტრამპი: „რესპუბლიკელების“ ყრილობაზე ახლა სულ სხვა გამოსვლა მექნება - ეს არის ქვეყნის გაერთიანების შანსი
გამოძიების ფედერალური ბიუროს (FBI) ვაშინგტონის შტაბბინის ანტიტერორისტული განყოფილების დირექტორის თანაშემწე, ბობი უელსი აცხადებს, რომ დონალდ ტრამპის წინასაარჩევნო შეხვედრაზე მომხდარ სროლას FBI მკვლელობის მცდელობის მუხლით იძიებს, თუმცა მას პოტენციურ შიდა ტერორისტულ თავდასხმადაც განიხილავს. FBI-ის ინფორმაციით, პირი, რომელმაც პენსილვანიაში, დონალდ ტრამპის წინასაარჩევნო შეხვედრის დროს სროლა განახორციელა, მარტო მოქმედებდა და რომ ჯერ კიდევ აქტიურად იძიებენ მის ისტორიას - მათ შორის მუშაობენ მის ტელეფონზე წვდომისთვის. ”ვმუშაობთ ტელეფონზე წვდომისთვის. ტელეფონი ჩვენს ლაბორატორიაში გავგზავნეთ“, - განაცხადა FBI-ის სპეციალურმა აგენტმა, კევინ როჟეკმა. მისი თქმით, მსროლელის ოჯახი გამოძიებასთან თანამშრომლობს. როჟეკმა დაადასტურა, რომ სროლა AR სტილის შაშხანით განხორციელდა, რომელიც კანონიერად იყო შეძენილი. FBI-ის ინფორმაციით, თომას მეთიუ კრუკსის სახლში, რომელმაც დონალდ ტრამპს ესროლა, საეჭვო მოწყობილობა აღმოაჩინეს. FBI-მ მანამდე განაცხადა, რომ მეთიუ კრუკსის ავტომობილში სავარაუდო ასაფეთქებელი მოწყობილობა აღმოაჩინეს. სპეციალისტებმა ორივე მოწყობილობა უსაფრთხოდ გამოიტანეს და ამჟამად ლაბორატორიაში გამოკვლევა უტარდება. გამოძიების ფედერალური ბიუროს ინფორმაციით, სროლის მოტივი, ჯერჯერობით, არ დაუდგენია, მაგრამ მუშაობს მოვლენების თანმიმდევრობის და იმის დასადგენად, თუ სად გადაადგილდებოდა მსროლელი, ვიდრე მან გაისროლა. ტრამპი მკვლელობის მცდელობის გადარჩენის შემდეგ რესპუბლიკელების ყრილობაზე, მილუოკიში გაემგზავრა, სადაც რესპუბლიკელები მას ოფიციალურად საპრეზიდენტო კანდიდატად დაასახელებენ. პრეზიდენტმა ჯო ბაიდენმა განაცხადა, რომ მან მოითხოვა შეისწავლონ, თუ როგორ მოახერხა 20 წლის კაცმა, რომელსაც AR-15 ტიპის შაშხანით გადაადგილება და აქციასთან საკმარისად მიახლოება, რომ სახურავიდან ესროლა ტრამპისთვის, რომელსაც როგორც ყოფილ პრეზიდენტს გამოყოფილი აქვს უვადო დაცვა აშშ-ის საიდუმლო სამსახურის მიერ. მსოფლიო ლიდერები ტრამპის წინასაარჩევნო შეხვედრაზე მომხდარ სროლას ეხმაურებიან აშშ-ის 45-ე პრეზიდენტი აცხადებს, რომ “რესპუბლიკელების“ ყრილობაზე წარმოსათქმელი სიტყვა მასზე განხორციელებული თავდასხმის შემდეგ მთლიანად გადაწერა და ის ახლა პრეზიდენტ ჯო ბაიდენის კრიტიკის ნაცვლად, ერთიანობის აუცილებლობაზეა ორიენტირებული. აშშ-ის ყოფილმა პრეზიდენტმა ის მომენტი აღწერა, როდესაც პენსილვანიაში შეკრებილ მხარდამჭერებს შეხედა მას შემდეგ, რაც გააცნობიერა, რომ ესროლეს. „ენერგია, რომელიც იმ მომენტში იქ მყოფი ხალხისგან მოდიოდა; ძნელია იმის აღწერა, როგორი იყო ეს გრძნობა, მაგრამ ვიცოდი, რომ მსოფლიო უყურებდა. ვიცოდი, რომ ისტორია ამას განსჯიდა და ვიცოდი, მათთვის უნდა შემეტყობინებინა, რომ კარგად ვართ,“ - აღნიშნა ტრაპმა.
მილერი: პრეზიდენტმა ამერიკულ საზოგადოებას სთხოვა, თავი შეეკავებინათ სპეკულაციისგან, იმავე მიმართვას უცხო ქვეყნებზეც გავავრცელებდი
„პრეზიდენტმა ამერიკულ საზოგადოებას სთხოვა, სპეკულაციისგან თავი შეეკავებინათ, იმავე მიმართვას უცხო ქვეყნებზეც გავავრცელებდი,“ შესაბამისი განცხადება აშშ-ის სახელმწიფო დეპარტამენტის პრესსპიკერმა მეთიუ მილერმა დონალდ ტრამპის მკვლელობის მცდელობასთან დაკავშირებულ საერთაშორისო გამოხმაურებაზე შეკითხვების საპასუხოდ გააკეთა. მილერი საქართველოს პრემიერ-მინისტრის კომენტარს გამოეხმაურა, რომელშიც ნათქვამია, რომ „გლობალური ომის პარტია მეთოდებს არ ცვლის.“ „არც კი ვიცი, ეს რას ნიშნავს. სამართალდამცავმა ორგანოებმა ამ გამოძიების შესახებ ისაუბრეს, იმის შესახებ რაც იციან და რაც არ იციან. რამდენადაც მესმის, ისინი გამოაქვეყნებენ, რაც გახდება ცნობილი გამოძიების მიმდინარეობისას. ისევე, როგორც პრეზიდენტმა ოვალურ კაბინეტში სიტყვით გამოსვლისას სთხოვა ამერიკულ საზოგადოებას, თავი შეეკავებინათ სპეკულაციისგან, არ გაეკეთებინათ უპასუხისმგებლო განცხადებები, ფაქტების გაგებამდე. ვფიქრობ, იმავე მიმართვას უცხო ქვეყნებზეც გავავრცელებდი,“ - განაცხადა მეთიუ მილერმა. მეთიუ მილერი კრემლის განცხადებასაც გამოეხმაურა, რომლის მიხედვითაც, „დონალდ ტრამპის მკვლელობის მცდელობა ამჟამინდელი ადმინისტრაციის მიერ მის ირგვლივ შექმნილმა ატმოსფერომ გამოიწვია.“ „ეს კრემლის მხრიდან წარმოუდგენლად უპასუხისმგებლო კომენტარებია, უპასუხისმგებლო კომენტარების სერიის ნაწილია, რომელსაც ჩვენ ვხედავთ და, რა თქმა უნდა, ისინი სიმართლეს არ შეესაბამება,“ - აღნიშნა აშშ-ის სახელმწიფო დეპარტამენტის პრესსპიკერმა. ცნობისთვის, საქართველოს პრემიერ-მინისტრი ირაკლი კობახიძე აშშ-ის ყოფილ პრეზიდენტზე, დონალდ ტრამპზე თავდასხმას გამოეხმაურა და ამ კონტექსტში „გლობალური ომის პარტია“ ახსენა. კობახიძემ სოციალურ ქსელში დაწერა: „გლობალური ომის პარტია მეთოდებს არ ცვლის. XXI საუკუნეში ლიბერალური ფაშიზმი, რადიკალიზმი, პოლარიზაცია, სიძულვილი და პოლიტიკოსებზე სისხლიანი თავდასხმები ამერიკაში თუ ევროპაში ჩვეულებრივ მოვლენად აქციეს. სოლიდარობას ვუცხადებ და ჯანმრთელობას ვუსურვებ დონალდ ტრამპს.“ დონალდ ტრამპი: „რესპუბლიკელების“ ყრილობაზე ახლა სულ სხვა გამოსვლა მექნება - ეს არის ქვეყნის გაერთიანების შანსი
„რესპუბლიკურმა პარტიამ“ დონალდ ტრამპი პრეზიდენტობის კანდიდატად ოფიციალურად დაასახელა
ვისკონსინის შტატის ქალაქ მილუოკიში მიმდინარე „რესპუბლიკური პარტიის“ ეროვნულ ყრილობაზე დონალდ ტრამპმა დელეგატთა ხმების საჭირო რაოდენობა მიიღო და პარტიის პრეზიდენტობის კანდიდატი ოფიციალურად გახდა. „რესპუბლიკურმა პარტიამ“ დონალდ ტრამპი პრეზიდენტობის კანდიდატად ოფიციალურად დაასახელა. ამასთან, „რესპუბლიკური პარტიის“ პრეზიდენტობის კანდიდატმა, დონალდ ტრამპმა ვიცე-პრეზიდენტობის კანდიდატად 39 წლის „რესპუბლიკელი“ სენატორი ოჰაიოდან, ჯეი დი ვანსი დაასახელა. დონალდ ტრამპი: „რესპუბლიკელების“ ყრილობაზე ახლა სულ სხვა გამოსვლა მექნება - ეს არის ქვეყნის გაერთიანების შანსი
აშშ-ის საიდუმლო სამსახურის დირექტორი: ჩვენი მისია ქვეყნის ლიდერების დაცვაა, ეს ვერ შევძელით - ნებისმიერ შეცდომაზე სრულ პასუხისმგებლობას ვიღებ
აშშ-ის საიდუმლო სამსახურის დირექტორმა კიმბერლი ჩიტლიმ განაცხადა, რომ აშშ-ის საიდუმლო სამსახურმა დონალდ ტრამპის დაცვის მისია ვერ შეასრულა. კიბერლი ჩიტლის თქმით, რომელიც აშშ-ის წარმომადგენელთა პალატის ზედამხედველობის კომიტეტის კითხვებს პასუხობდა, ის ყველაფერს გააკეთებს იმისთვის, რომ 13 ივლისის მსგავსი ინციდენტი აღარ განმეორდეს. „საიდუმლო სამსახურის მისიას ჩვენი ქვეყნის ლიდერების დაცვა წარმოადგენს. 13 ივლისს ჩვენ ეს ვერ შევძელით. მე, როგორც აშშ-ის საიდუმლო სამსახურის დირექტორი, უსაფრთხოებასთან დაკავშირებულ ნებისმიერ შეცდომაზე სრულ პასუხისმგებლობას ვიღებ,“ - აღნიშნა კიბერლი ჩიტლიმ. ცნობისთვის, დონალდ ტრამპზე განხორციელებული თავდასხმის შემდეგ „რესპუბლიკელმა“ კონგრესმენებმა აშშ-ის საიდუმლო სამსახურის დირექტორის გადადგომა მოითხოვეს, თუმცა კიმბერლი ჩიტლიმ განაცხადა, რომ თანამდებობის დატოვებას არ აპირებს.
ტრამპზე თავდასხმის შემდეგ, აშშ-ის საიდუმლო სამსახურის ხელმძღვანელი კიმბერლი ჩიტლი გადადგა
აშშ-ის საიდუმლო სამსახურის დირექტორმა კიმბერლი ჩიტლიმ გადადგომის შესახებ განაცხადა. BBC-ის ცნობით, პერსონალისადმი მიწერილ წერილში, ჩიტლი აღნიშნავს, რომ ის ყოველთვის "სამსახურის საჭიროებებს აყენებდა პირველ ადგილზე" და რომ გაუჭირდა ამ მძიმე გადაწყვეტილების მიღება. პრეზიდენტმა ჯო ბაიდენმა განცხადებაში მიუთითა, რომ ათწლეულების განმავლობაში ჩიტლის საჯარო სამსახურისთვის მადლიერია. ბაიდენმა განმარტა, რომ მალე ახალ დირექტორს დანიშნავს. აშშ-ის საიდუმლო სამსახურის ხელმძღვანელმა, კიმბერლი ჩიტლიმ გადადგომის აშშ-ის წარმომადგენელთა პალატის ზედამხედველობის კომიტეტის მოსმენიდან მეორე დღეს გამოაცხადა, რომელზეც კომიტეტის წევრებმა 13 ივლისს ტრამპზე მომხდარი თავდასხმის დროს საიდუმლო სამსახურის ქმედებები გააკრიტიკეს. მაშინ აშშ-ის საიდუმლო სამსახურის ხელმძღვანელმა უარი განაცხადა გადადგომაზე და განმარტა რომ ის ყველა კვალიფიციური ადამიანია ამ თანამდებობისთვის. კონგრესმენები აშშ-ის საიდუმლო სამსახურის დირექტორს 22 ივლისს ოთხ-ნახევარ საათზე მეტი ხნის განმავლობაში უსვამდნენ მწვავე შეკითხვებს. თავის გამოსვლაში ჩიტლიმ 13 ივლისს მომხდარ თავდასხმას უწოდა „საიდუმლო სამსახურის ყველაზე მნიშვნელოვანი ოპერატიული წარუმატებლობა ბოლო ათწლეულებში“ და ეს ინციდენტი შეადარა აშშ-ის პრეზიდენტ რონალდ რეიგანის მკვლელობის მცდელობას 1981 წელს. ცნობისთვის, აშშ-ის საიდუმლო სამსახური პასუხისმგებელია პრეზიდენტის, ვიცე-პრეზიდენტის, მათი ოჯახის წევრებისა და მთავარი საპრეზიდენტო კანდიდატების უსაფრთხოებაზე. ჩიტლი საიდუმლო სამსახურის ხელმძღვანელად 2022 წელს დანიშნა. მან მანამდე 27 წელი იმუშავა სააგენტოში სხვადასხვა ამპლუაში. აშშ-ის საიდუმლო სამსახურის დირექტორი: ჩვენი მისია ქვეყნის ლიდერების დაცვაა, ეს ვერ შევძელით - ნებისმიერ შეცდომაზე სრულ პასუხისმგებლობას ვიღებ
ისტორიული დებატები ჰარისსა და ტრამპს შორის -პრეზიდენტობის კანდიდატების მთავარი გზავნილები
ფილადელფიაში, პენსილვანიის შტატში, ამერიკის შეერთებული შტატების საპრეზიდენტო კანდიდატებს, დემოკრატ ვიცე-პრეზიდენტ კამალა ჰარისსა და ყოფილ რესპუბლიკელ პრეზიდენტ დონალდ ტრამპს შორის საპრეზიდენტო დებატები შედგა. 90 წუთი 2 სარეკლამო ჭრით, 2 წუთი საპასუხოდ და 1 წუთი პასუხზე რეაგირებისთვის, კანდიდატებმა არ იცოდნენ კითხვები, რომლებზეც უნდა ეპასუხათ - ასეთი იყო დებატების წესები. აუდიტორიაში მაყურებლები არ ისხდნენ. დებატები ტელეკომპანია ABC-ის ეთერში გადაიცემოდა და ის დევიდ მუირს და ლინდსი დეივისს მიჰყავდათ. დებატები კანდიდატებმა ხელის ჩამორთმევით დაიწყეს. ჰარისმა განაცხადა, რომ ხალხი ტრამპთან შეხვედრებს ადრე ტოვებს "დაღლილობისა და მოწყენილობის გამო." BBC-ს ცნობით, გამოკითხვები ცხადყოფს, რომ ჰარისმა დებატები მოიგო, მაგრამ ტრამპის შეფასებით, რომ ჰარისმა "ძალიან ცუდად წააგო." ეს არ არის ამერიკის ისტორიაში პირველი დებატები, როდესაც მოქმედი ვიცე-პრეზიდენტი საპრეზიდენტო დებატებში მონაწილეობს, თუმცა ესაა პირველი დებატები, როდესაც საპრეზიდენტო დებატებში ქალი ვიცე-პრეზიდენტი მონაწილეობს. ეს 2024 წლის საპრეზიდენტო საარჩევნო პროცესში მეორე საპრეზიდენტო დებატებია. პირველი დებატები მოქმედ პრეზიდენტ ჯო ბაიდენსა და ყოფილ პრეზიდენტ დონალდ ტრამპს შორის შედგა. მას შემდეგ, რაც ბაიდენმა ივლისში საპრეზიდენტო რბოლაში მონაწილეობაზე უარი განაცხადა, კამპანიაში კამალა ჰარისი ჩაერთო. დებატების დროს, კამალა ჰარისი ხშირად იმეორებდა კამპანიის გზავნილს, რომ წარსულში დაბრუნება არ სურს, რომ დროა, ქვეყანა წინ წავიდეს და რომ ქვეყანაში სიახლეების დროა. დონალდ ტრამპი კი, ყველაზე ხშირად საიმიგრაციო საკითხებს უსვამდა ხაზს და საზღვრის უსაფრთხოებაზე საუბრობდა. ეკონომიკა და საყოფაცხოვრებო ხარჯები გამოკითხვების მიხედვით, ეკონომიკა და საყოფაცხოვრებო ხარჯები იმ უმნიშვნელოვანეს საკითხებს შორისაა, რომელიც ამერიკელ ამომრჩევლებს ყველაზე მეტად აწუხებთ. კამალა ჰარისმა ხაზი გაუსვა თავის წარმომავლობას და იმას, რომ თავად საშუალო კლასის წარმომადგენლების ოჯახში გაიზარდა. შესაბამისად, მან აღნიშნა, რომ კარგად ესმის ამ ფენის გამოწვევები და აპირებს, სწორედ მათი ცხოვრების გაუმჯობესებაზე იზრუნოს. პრეზიდენტმა ტრამპმა კი, განაცხადა, რომ ქვეყანაში ეკონომიკის გაუარესების ერთ-ერთი უმნიშვნელოვანესი ფაქტორი არალეგალური იმიგრაციაა, რომ უკანონო იმიგრანტები ამერიკის ეკონომიკას ძირს უთხრიან, სამუშაოს ართმევენ რიგით ამერიკელებს და რომ ის სწორედ ამ საკითხის მოგვარებას აპირებს. ტრამპმა ასევე პირობა დადო, რომ გადასახადებს შეამცირებს. აბორტის უფლება აბორტის უფლება ბოლო პერიოდში ამერიკაში ერთ-ერთი მწვავე საკითხი გახდა. 2022 წელს, უზენაესმა სასამართლომ გააუქმა „რო ვეიდის წინააღმდეგ“ - ისტორიული სასამართლო გადაწყვეტილება, რომელიც ამერიკაში ქალებს აბორტის კონსტიტუციურ უფლებას აძლევდა. ამის შემდეგ, შტატებს მიეცა უფლება, თავად გადაწყვიტონ, დაუშვან თუ არა აბორტი. ტრამპმა განაცხადა, რომ ეთანხმება ამ გადაწყვეტილებას და რომ ექვსმა მოსამართლემ, რომელმაც ხმა დაუჭირა ამ გადაწყვეტილებას, სწორი ნაბიჯი გადადგა. ექვსიდან სამი მოსამართლე უზენაეს სასამართლოში, მისი დანიშნულია. ტრამპის თქმით, ის აბორტის ეროვნულ დონეზე აკრძალვის შემოღებას არ აპირებს იმ შემთხვევაში, თუ ის პრეზიდენტი გახდება. მისი თქმით, ამის აუცილებლობა არ არსებობს, რადგან შტატები ამ საკითხს უკვე თავად აგვარებენ. ვიცე-პრეზიდენტი კამალა ჰარისი აბორტის უფლების მომხრეა. ის ეწინააღმდეგება უზენაესი სასამართლოს გადაწყვეტილებას და ამბობს, რომ არავინ უნდა ეუბნებოდეს ქალებს, თუ როგორ მოექცნენ საკუთარ სხეულს. მან რამდენიმე მძიმე მაგალითი მოიყვანა, როდესაც ქალებს, აბორტის აკრძალვის გამო, ჯანმრთელობის პრობლემები შეექმნათ. ვიცე-პრეზიდენტის თქმით, გაპრეზიდენტის შემთხვევაში, ის კვლავ აამოქმედებს უზენაესი სასამართლოს მიერ გაუქმებულ გადაწყვეტილებას. უკანონო იმიგრაცია და საზღვრის დაცვა იმიგრაციის და საზღვრის კვეთის თემაზე, დემოკრატები და რესპუბლიკელები უკვე დიდი ხანია ვერ თანხმდებიან. კანონპროექტი, რომელიც რამდენიმე თვის წინ ამერიკის კონგრესში იყო წარდგენილი და რომელსაც საზღვრის არალეგალური კვეთის, მათ შორის, საზღვარზე ფენტანილის და იარაღის არალეგალური გადატანის საკითხი უნდა მოეგვარებინა, რესპუბლიკური პარტიის წევრების ნაწილმა დაბლოკა. გავრცელებული ინფორმაციით, ეს დონალდ ტრამპის ჩარევით მოხდა. ამაზე დებატებზე თავად კამალა ჰარისმაც ისაუბრა. ჰარისმა ტრამპი საზღვარზე არსებული მძიმე მდგომარეობის სათავისოდ გამოყენებაში დაადანაშაულა და თქვა, რომ ამ კანონპროექტის დაბლოკვით, ტრამპი საკუთარ ამომრჩევლებთან ქულებს იწერს, მან პრობლემის მოგვარებას არჩია, ეს საკითხი საარჩევნო პლატფორმის ნაწილად ექცია. ტრაპის თქმით კი, დემოკრატები კრიმინალებს და დამნაშავეებს ამერიკის საზღვრის კვეთის უფლებას აძლევენ და ეს ქვეყანას ვნებს. ტრამპი დებატების დროს, ასევე ამტკიცებდა, რომ მაშინ, როდესაც მთელ მსოფლიოში დამნაშავეობის დონე დაბლა იწევს, ამერიკაში პირიქით, მატულობს. თუმცა, მოდერატორმა იქვე შენიშნა, რომ ამერიკის ფედერალური გამოძიების ბიუროს მონაცემებით, ეს ინფორმაცია სწორი არაა და ამერიკაში კრიმინალის დონე კლებულობს. საიმიგრაციო საკითხებზე საუბრისას, კამალა ჰარისმა ტრამპს მოუწოდა, არ ესაუბრა იმიგრანტების სავარაუდო კრიმინალურ საქმეებზე, როდესაც, მას თავად აქვს რამდენიმე ათეული ბრალი წაყენებული. ტრამპი მის წინააღმდეგ წარმოებულ და დაწყებულ სასამართლო საქმეებსა და განხილვებს ძალაუფლების იარაღად გამოყენებას უწოდებს. მის წინააღმდეგ მიმდინარე პროცესებს ტრამპი "კუდიანებზე ნადირობად" თვლის და ამბობს, რომ ჯო ბაიდენის ადმინისტრაცია სასამართლოს თავისი პოლიტიკური ოპონენტის წინააღმდეგ საბრძოლველად იყენებს. კაპიტოლიუმზე თავდასხმა ტრამპი უარყოფს თავის ჩართულობას 2021 წლის 6 იანვარს, ვაშინგტონში, მის მომხრეთა კაპიტოლიუმში შეჭრის საქმეში. მის წინააღმდეგ ამის გამო სასამართლო საქმეც მიმდინარეობს. ტრამპმა დებატების დროს თქვა, რომ თავის სიტყვით გამოსვლაში, მოქალაქეებს მოუწოდა, „მშვიდობიანად და პატრიოტულად“ მოქცეულიყვნენ. შეკითხვაზე, ნანობს თუ არა 6 იანვარს თავის საქციელს, ტრამპმა თქვა: „მე არაფერი გამიკეთებია“. მან აღნიშნა, რომ უსაფრთხოებაზე პასუხი კანონმდებელ ნენსი პელოსის და ვაშინგტონის მერს უნდა მოეთხოვოთ. შეკითხვას, აღიარებს თუ არა, რომ მან გასული საპრეზიდენტო არჩევნები წააგო, დონალდ ტრამპმა უპასუხა, რომ ის დღემდე თვლის, რომ არჩევნები სწორად არ ჩატარდა. ისრაელ - „ჰამასის“ ომი „ისრაელს აქვს თავდაცვის უფლება. მაგრამ როგორ გააკეთებს ამას, მნიშვნელობა აქვს,“ - თქვა კამალა ჰარისმა. ვიცე-პრეზიდენტმა განაცხადა, რომ ის და მოქმედი ადმინისტრაცია განაგრძობენ მუშაობას იმისთვის, რომ ომი დასრულდეს, რომ ორი სახელმწიფოს თანაცხოვრების გამოსავალი არსებობდეს. ჰარისი ამბობს, რომ ისრაელს ყოველთვის მისცემს თავდაცვის საშუალებას, მაგრამ აუცილებელია ღაზის მოსახლეობის უფლებების დაცვა და ღაზის თავიდან აშენებაც. „მე რომ პრეზიდენტი ვყოფილიყავი, ეს არასდროს მოხდებოდა,“ - განაცხადა ტრამპმა. მან კიდევ ერთხელ გაიმეორა თავისი მტკიცება იმასთან დაკავშირებით, რომ ის არც უკრაინაში ომს არ დაუშვებდა. ტრამპი ამტკიცებდა, თითქოს, ვიცე-პრეზიდენტ კამალა ჰარისს სძულს ისრაელი და ამავდროულად, არაბი მოსახლებაც, რასაც ჰარისმა ტრამპის მხრიდან ნათქვამი ტყუილი და სიმართლიდან ყურადღების გადატანის მცდელობა უწოდა. რუსეთ-უკრაინის ომი „მე ომის შეწყვეტა მინდა, სიცოცხლეების გადარჩენა,“ - ასე უპასუხა დონალდ ტრამპმა შეკითხვას, სურს, თუ არა, რომ ომი უკრაინამ მოიგოს. ტრამპმა გაიმეორა თავისი ცნობილი ფრაზა იმასთან დაკავშირებით, რომ ომის დასრულება შეუძლია, რომ კარგად იცნობს, როგორც ვლადიმერ პუტინს, ისე ვოლოდიმირ ზელენსკის და რომ მას მოლაპარაკების შესაძლებლობა აქვს. კამალა ჰარისმა კი, კიდევ ერთხელ გაუსვა ხაზი იმ ამერიკულ სამხედრო დახმარებას, რომელიც უკრაინამ შეერთებული შტატებისგან მიიღო და თქვა, რომ ომის დროს ამერიკის პრეზიდენტი რომ ტრამპი ყოფილიყო, პუტინი ახლა უკვე კიევში იჯდებოდა. კანდიდატებმა ასევე ისაუბრეს ავღანეთის თემაზე, ქვეყნიდან ამერიკისა და NATO-ს ჯარების გამოყვანაზე, ასევე რასობრივ პრობლემებზე, ჯანდაცვის საკითხებზე და კლიმატის ცვლილების თემაზე. დებატები საპრეზიდენტო კანდიდატთა დასკვნითი მიმართვით დასრულდა, რომელშიც მათ საკუთარი საარჩევნო კამპანიის მთავარი გზავნილები გაიმეორეს. წყარო
ზელენსკი აცხადებს, რომ ტრამპი უკრაინას მხარდაჭერას დაჰპირდა რუსეთთან ომში
უკრაინის პრეზიდენტი, ვოლოდიმირ ზელენსკი, Fox News-თან ინტერვიუში ამბობს, რომ დონალდ ტრამპისგან მიიღო "ძალიან პირდაპირი ინფორმაცია“, რომ აშშ-ის ექსპრეზიდენტი უკრაინას დაუჭერს მხარს რუსეთთან ომში, თუკი მას ნოემბერში კვლავ პრეზიდენტად აირჩევენ. ზელენსკიმ, რომელიც შეერთებულ შტატებში, გაეროს გენერალურ ასამბლეაზე იმყოფებოდა, ტრამპს უკრაინის „გამარჯვების გეგმა“ პარასკევს, დახურულ შეხვედრის დროს წარუდგინა, მას შემდეგ რაც რესპუბლიკური პარტიის საპრეზიდენტო კანდიდატმა განაცხადა, რომ იმუშავებს როგორც უკრაინასთან, ასევე რუსეთთან, რათა მათი კონფლიქტი დასრულდეს. "არ ვიცი რა იქნება არჩევნების შემდეგ და ვინ იქნება პრეზიდენტი. ... მაგრამ დონალდ ტრამპისგან მაქვს ძალიან პირდაპირი ინფორმაცია, რომ ის ჩვენს მხარეს იქნება, რომ ის უკრაინას დაუჭერს მხარს," - განაცხადა ზელენსკიმ ტრამპთან დახურულ კარს მიღმა შეხვედრის შემდეგ. ზელენსკიმ, რომელიც ასევე შეხვდა აშშ-ს ვიცე-პრეზიდენტს და დემოკრატიული პარტიის საპრეზიდენტო კანდიდატს კამალა ჰარისს და პრეზიდენტ ჯო ბაიდენს, განაცხადა, რომ არ უჭერს მხარს არცერთ მხარეს აშშ-ის არჩევნებში. „არ მინდა არჩევნებში ჩართვა. წერტილი. არ მინდა, დავკარგო ამერიკელების ესა თუ ის ნაწილი,“ განუცხადა ზელენსკიმ Fox News-ს. აშშ-ის პრეზიდენტობის კანდიდატმა დონალდ ტრამპმა განაცხადა, რომ ის უკრაინისთვის" სამართლიან მშვიდობას“ ემხრობა. თუმცა თავი შეიკავა დაკონკრეტებისგან, თუ რუსეთსა და უკრაინას შორის ომის დასრულების შესახებ როგორ შეთანხმებას მიიჩნევს სამართლიანად. „ჩვენ ორივეს გვინდა, რომ ეს დასრულდეს და ორივეს გვინდა სამართლიანი შეთანხმება. ის სამართლიანი უნდა იყოს. და მე ვფიქრობ, რომ საჭირო დროს ეს მოხდება", - განაცხადა შეხვედრის დასრულების შემდეგ დონალდ ტრამპმა. პარასკევს დონალდ ტრამპი უკრაინის პრეზიდენტ ვოლოდიმირ ზელენსკის „ტრამპ ტაუერში“ შეხვდა. შეხვედრა დაახლოებით 40 წუთს გაგრძელდა. თავის მხრივ, ვოლოდიმირ ზელენსკი მიიჩნევს, რომ საჭიროა ზეწოლა რუსეთის პრეზიდენტ ვლადიმირ პუტინზე. „ჩვენ ყველაფერი უნდა გავაკეთოთ იმისათვის, რომ მასზე ზეწოლა მოვახდინოთ, რომ ეს ომი შევაჩეროთ. ის (ომი) ჩვენს ტერიტორიაზეა. ყველაზე მნიშვნელოვანია, რომ ეს გვესმოდეს. ის ჩვენს ტერიტორიაზეა," - განაცხადა უკრაინის პრეზიდენტმა.
ზურაბიშვილმა ტრამპს არჩევნებში გამარჯვება მიულოცა: ძლიერი აშშ საჭიროა, როგორც არასდროს
საქართველოს პრეზიდენტმა სალომე ზურაბიშვილმა დონალდ ტრამპს აშშ-ის პრეზიდენტად არჩევა მიულოცა. სალომე ზურაბიშვილი სოციალურ ქსელ X-ში გამოქვეყნებულ პოსტში წერს, რომ საქართველოსთვის ძლიერი აშშ-ის მხარდაჭერა ახლა მნიშვნელოვანია ისე, როგორც არასდროს. „გილოცავთ არჩევას, ბატონო პრეზიდენტო დონალდ ტრამპ. ძლიერი აშშ, ჩვენი სტრატეგიული პარტნიორი და მეგობარი 33 წლის განმავლობაში, ახლა უფრო მეტად საჭიროა, ვიდრე ოდესმე, ჩვენი ევროატლანტიკური ინტეგრაციის მხარდაჭერად, რეგიონული უსაფრთხოების და სტაბილურობის გასაძლიერებლად და ჩვენი თავისუფლების და დამოუკიდებლობის დასაცავად," - წერს სალომე ზურაბიშვილი. დონალდ ტრამპს მსოფლიო ლიდერები გამარჯვებას უკვე ულოცავენ. ამ დროისთვის ტრამპს საარჩევნო კოლეგიის 277 ხმა აქვს, რაც გამარჯვებისთვის უკვე საკმარისია. კამალა ჰარისს ამ დროისთვის 224 ხმა აქვს. ტრამპმა 2024 წლის საპრეზიდენტო არჩევნებში გამარჯვება გამოაცხადა. „ამერიკამ მოგვცა უპრეცედენტო და ძლიერი მანდატი,“ – განაცხადა მან ოთხშაბათ დილით პალმ-ბიჩის საკონვენციო ცენტრში, სადაც მხარდამჭერები ოვაციებით შეხვდნენ. მის გვერდით იდგნენ ვიცე-პრეზიდენტობის კანდიდატი, სენატორი ჯეი.დი. ვენსი, რესპუბლიკელი ლიდერები და ტრამპის ოჯახის წევრები. "ყოველდღე, ყოველი ამოსუნთქვისას, თქვენთვის ვიბრძოლებ," მიმართა ტრამპმა ფლორიდაში შეკრებილ ამომრჩევლებს. რესპუბლიკურმა პარტიამ ამერიკის სენატში უმრავლესობა მოიპოვა, პარტია ლიდერობს წარმომადგენელთა პალატაშიც.
ამერიკა 47-ე პრეზიდენტს ირჩევს
დღეს ამერიკის შეერთებულ შტატებში საპრეზიდენტო არჩევნებია. კენჭისყრა უკვე დაიწყო - მჭიდრო რბოლაში დონალდ ტრამპი და კამალა ჰარისი იბრძვიან. ყველა წინასწარი გამოკითხვა აჩვენებს, რომ კანდიდატებს შორის დიდი უპირატესობა არცერთს არ აქვს და რიგ შემთვევაში, მათ მიმართ მხარდაჭერა თანაბარიც არის. ახალი პრეზიდენტის არჩევას და საბოლოო შედეგების გამოვლენას შესაძლოა, რამდენიმე დღე დასჭირდეს. ნაადრევი ხმის მიცემის უფლებით 76 მილიონზე მეტმა ამომრჩეველმა უკვე ისარგებლა. 2024 წლის არჩევნებისთვის შეერთებულ შტატებში რეგისტრირებულ ამომრჩეველთა რიცხვი 161 მილიონს აჭარბებს. წინა, 2020 წლის არჩევნებში მონაწილეობა 155 მილიონზე მეტმა ამერიკელმა მიიღო. არჩევნების წინ ტრამპი და ჰარისი კვლავ ე.წ. მერყევ შტატებში ჩავიდნენ. დემოკრატიული და რესპუბლიკური კამპანიების მიზანი ამომრჩეველთა იმ ნაწილს მიმხრობაა, ვისაც გადაწყვეტილება ჯერ არ მიუღია, ხმა ადრეულ არჩევნებზე ჯერ არ მიუცია და შესაძლოა, 5 ნოემბრის საყოველთაო კენჭისყრაზე წასვლაზეც ყოყმანობდეს. დემოკრატთა კანდიდატი კამალა ჰარისი, კვირას, მიჩიგანის შტატში ჩავიდა, შვიდი შტატიდან ერთ-ერთში, სადაც გამოკითხვების მიხედვით, მისი და ტრამპის პოპოულარობის მაჩვენებლები ერთმანეთთან ძალზე ახლოსაა და შესაბამისად, მოსალოდნელი შედეგი გაურკვეველი რჩება. პოლიტოლოგთა ანალიზის მიხედვით, ის კანდიდატი, რომელიც ამ შვიდიდან ოთხს ან მეტს მოიგებს, ქვეყნის მომავალი პრეზიდენტი იქნება. დონალდ ტრამპი, კვირას საარჩევნო კამპანიას პენსილვანიის შტატში შეუდგა, საიდანაც შემდეგ ჩრდილოეთ კაროლინისკენ გაემართა. ორივე შტატი ე.წ. მერყევ შტატთა შვიდეულში შედის. ტრადიციის მიხედვით, რომელიც სათავეს 1960 წლიდან იღებს, დიქსვილ ნოტჩის დასახლებაში საარჩევნო უბანი შუაღამისას გაიხსნა. დასახლებაში ხმა ექვსმა ამომრჩეველმა მისცა. ოთხმა „რესპუბლიკელმა“ და ორმა „დამოუკიდებელმა“. „დემოკრატიული პარტიისა“ და „რესპუბლიკური პარტიის“ პრეზიდენტობის კანდიდატებმა, კამალა ჰარისმა და დონალდ ტრამპმა სამ-სამი ხმა მიიღეს. კანდიდატების დაპირებები დემოკრატიული პარტიის კანდიდატმა კამალა ჰარისმა, 29 ოქტომბრის შემაჯამებელი გამოსვლისთვის თეთრი სახლის მიმდებარე ტერიტორია შეარჩია. რესპუბლიკელთა ნომინანტმა დონალდ ტრამპმა კი, წინასაარჩევნო შეხვედრა პენსილვანიაში გამართა. ჰარისი, რომელიც მხარს უჭერს აბორტის უფლებებს, პირობას დებს, რომ ოჯახებისთვის საკვებისა და საცხოვრებლის ხარჯებს შეამცირებს. დონალდ ტრამპის განცხადებით, არალეგალური მიგრაციის კრიზისს საზღვრის დაკეტვით, კედლის მშენებლობის დასრულებით და ამერიკის ისტორიაში ყველაზე დიდი დეპორტაციის ოპერაციით მოაგვარებს. ტრამპმა განაცხადა, რომ პრეზიდენტად არჩევის შემთხვევაში, შესაძლოა, არალეგალური მიგრაციის გამო ტარიფები დააწესოს იმ ქვეყნებისთვის, მათ შორის ჩინეთისთვის, რომლებიც თავიანთი ტერიტორიიდან აშშ-ში ემიგრანტების ნაკადს არ ზღუდავენ. ტრამპის და ჰარისის საგარეო პოლიტიკის პრიორიტეტები ვიცე-პრეზიდენტი ჰარისი ამბობს, რომ სჯერა შეერთებულმა შტატებმა კონფლიქტების მართვისთვის ალიანსები უნდა აშენოს. ყოფილი პრეზიდენტი ტრამპი ამბობს, რომ ძლიერების ჩვენებას და მის არაპროგნოზირებად ბუნებას შეუძლია, ომები იქამდე შეაჩეროს, ვიდრე ისინი დაიწყება. რუსეთის ჩარევის საფრთხე ამერიკის შეერთებული შტატების სადაზვერვო სააგენტოები აცხადებენ, რომ არჩევნების დღეს და მომდევნო კვირებში რუსეთის ჩარევის საფრთხე არსებობს. აშშ-ის სადაზვერვო საზოგადოება აცხადებს, რომ ეს მცდელობები ძალადობის წაქეზების საფრთხეს ქმნის, მათ შორის, საარჩევნო მოხელეების წინააღმდეგ. აშშ-ის სადაზვერვო საზოგადოების ინფორმაციით, რუსეთის გავლენის აქტორებმა გამოაქვეყნეს სტატია, რომელშიც ყალბად ამტკიცებენ, რომ აშშ-ის ოფიციალური პირები სხვადასხვა შტატებში გეგმავენ არჩევნების გაყალბების ორგანიზებას სხვადასხვა ტაქტიკის გამოყენებით, როგორიცაა - ბიულეტენების ჩაყრა და კიბერშეტევები. „რუსეთის გავლენის აქტორებმა ასევე შექმნეს ვიდეო, რომელიც ყალბად ასახავდა ინტერვიუს პირთან, რომელიც ირწმუნებოდა, რომ არიზონაში არჩევნები ყალბდება, მათ შორის, ყალბი ბიულეტენების შექმნით და ამომრჩეველთა სიების შეცვლით ვიცე-პრეზიდენტ კამალა ჰარისის სასარგებლოდ. არიზონას სახელმწიფო მდივანმა უკვე უარყო ვიდეოში გამოთქმული ბრალდება და განაცხადა, რომ ეს სიყალბეა,“ - აღნიშნულია განცხადებაში. აშშ-ის სადაზვერვო საზოგადოების ცნობით, აშშ-ის არჩევნებისთვის უცხოური გავლენის მნიშვნელოვან საფრთხედ რჩება ირანიც. არჩევნების შედეგი ისტორიული იქნება იმის მიუხედავად, თუ რომელი კანდიდატი გაიმარჯვებს - რატომ? ტრამპის გამარჯვების შემთხვევაში, ის იქნება პირველი ხანდაზმული პრეზიდენტი (78 წლის), რომელიც თეთრ სახლს დაიკავებს. პირველი პრეზიდენტი, რომელიც ორჯერ იყო იმპიჩმენტზე წარდგენილი და პირველი პრეზიდენტი, რომლის წინააღმდეგაც სისხლის სამართლის საქმეა აღძრული. გამარჯვების შემთხვევაში, დემოკრატი გრუვერ კლივლენდის შემდეგ, ტრამპი ამერიკის ისტორიაში მეორე პრეზიდენტი იქნება, რომელიც თეთრ სახლს ერთი ვადის გამოტოვებით, მეორედ დაიკავებს. დემოკრატმა გრუვერ კლივლენდმა 1884 წელს მოიგო არჩევნები, 4 წელიწადში წააგო და იგივე ოპონენტთან, 1892 წელს არჩევნებში ისევ გაიმარჯვა. 130 წელზე მეტია, ამერიკაში მსგავსი პრეცედენტი არ ყოფილა. კამალა ჰარისის შემთხვევაში, ის იქნება პირველი ქალი პრეზიდენტი, ასევე, პირველი შავკანიანი ქალი პრეზიდენტი და სამხრეთ აზიური წარმოშობის. შეერთებულ შტატებში პრეზიდენტის ბედს მარტივი უმრავლესობის ხმები არ წყვეტს. გამარჯვებულს 538 ელექტორისგან შემდგარი საარჩევნო კოლეგია გამოავლენს. ყოველ შტატს, მოსახლეობის რაოდენობის მიხედვით, ელექტორების განსაზღვრული რაოდენობა ჰყავს. ამერიკის მომავალ პრეზიდენტს ჯამში 270 ელექტორის ხმის დაგროვება სჭირდება. გამარჯვებული კანდიდატი ამერიკის 47-ე პრეზიდენტი გახდება და 4-წლიანი ვადით თეთრ სახლში საქმიანობას, მომავალი წლის 20 იანვარს შეუდგება.
ევროპელი ლიდერები ტრამპს გამარჯვებას ულოცავენ
ევროპელი ლიდერები დონალდ ტრამპს არჩევნებში გამარჯვებას ულოცავენ. ამ დროისთვის ამერიკის პრეზიდენტად არჩევა ტრამპა შემდეგი ლიდერებისგან მიიღო: NATO-ს გენერალური მდივანი: ახლახან დონალდ ტრამპს აშშ-ის პრეზიდენტად არჩევა მივულოცე. მისი ხელმძღვანელობა ჩვენი ალიანსის სიძლიერის შენარჩუნების საკვანძო ნაწილი იქნება. მოუთმენლად ველი მასთან ერთად კიდევ მუშაობას, რათა სიძლიერისა და NATO-ს მეშვეობით მშვიდობას ხელი შევუწყოთ. საფრანგეთის პრეზიდენტი ემანუელ მაკრონი: პრეზიდენტო დონალდ ტრამპ, გილოცავთ. მზად ვარ ვიმუშაოთ ერთად ისე, როგორც ამას ოთხი წლის განმავლობაში ვაკეთებდით, თქვენი და ჩემი რწმენით, პატივისცემითა და ამბიციით, მეტი მშვიდობისა და კეთილდღეობისთვის. ავსტრიის კანცლერი კარლ ნეჰამერი: ვულოცავ დონალდ ტრამპს არჩევნებში გამარჯვებას. შეერთებული შტატები მნიშვნელოვანი სტრატეგიული პარტნიორია ავსტრიისთვის. ჩვენ მოუთმენლად მოველით ჩვენი ტრანსატლანტიკური ურთიერთობების შემდგომ გაფართოებასა და განმტკიცებას გლობალური გამოწვევების ერთად, წარმატებით გადაჭრისთვის. გერმანიის კანცლერი ოლაფ შოლცი: დონალდ ტრამპს აშშ-ის პრეზიდენტად არჩევას ვულოცავ. გერმანიასა და ამერიკის შეერთებულ შტატებს წარმატებული თანამშრომლობის ხანგრძლივი ისტორია აქვთ, რაც ოკეანის ორივე მხარეს კეთილდღეობასა და თავისუფლებას ხელს უწყობს. ჩვენ ამის გაკეთებას ჩვენი მოქალაქეების საკეთილდღეოდ გავაგრძელებთ. ევროპული საბჭოს პრეზიდენტი შარლ მიშელი: არჩეულ პრეზიდენტს, დონალდ ტრამპს ვულოცავ! ევროკავშირსა და აშშ-ს მტკიცე და ისტორიული ალიანსი აკავშირებს. როგორც მოკავშირეები და მეგობრები, ევროკავშირი მოუთმენლად ელის ჩვენი კონსტრუქციული თანამშრომლობის გაგრძელებას. ევროკავშირი სტრატეგიული დღის წესრიგის შესაბამისად თავის კურსს გააგრძელებს, როგორც ძლიერი, ერთიანი, კონკურენტუნარიანი და სუვერენული პარტნიორი და წესებზე დაფუძნებულ მრავალმხრივ სისტემას დაიცავს. ევროპარლამენტის პრეზიდენტი რობერტა მეცოლამა: ევროპა მზადაა, უპრეცედენტო გეოპოლიტიკურ გამოწვევებთან გამკლავების მიზნით ითანამშრომლოს. შევინარჩუნოთ ძლიერი ტრანსატლანტიკური კავშირები, რომლებიც დაფუძნებულია ჩვენს საერთო ღირებულებებზე, თავისუფლებაზე, ადამიანის უფლებებზე, დემოკრატიასა და ღია ბაზრებზე. ევროკომისიის პრეზიდენტი ურსულა ფონ დერ ლაიენი: დონალდ ტრამპს გულთბილად ვულოცავ. ევროკავშირი და აშშ უფრო მეტი არიან, ვიდრე მოკავშირეები. ჩვენ ჩვენს ხალხებს შორის ჭეშმარიტი პარტნიორობა გვაკავშირებს, რომელიც 800 მილიონ მოქალაქეს აერთიანებს. მოდით, ერთად ვიმუშაოთ ძლიერი ტრანსატლანტიკური დღის წესრიგისთვის, რომელსაც მათთვის სარგებელი მოაქვს. უკრაინის პრეზიდენტი ვოლოდიმირ ზელენსკი: ვულოცავ დონალდ ტრამპს შთამბეჭდავ გამარჯვებას არჩევნებში! მახსენდება ჩვენი შესანიშნავი შეხვედრა სექტემბერში, როდესაც დეტალურად განვიხილეთ უკრაინა-აშშ-ის სტრატეგიული პარტნიორობა, გამარჯვების გეგმა და უკრაინის წინააღმდეგ რუსეთის აგრესიის დასრულების გზები. ვაფასებ პრეზიდენტ ტრამპის ერთგულებას „მშვიდობა ძალის მეშვეობით“ მიდგომისადმი გლობალურ საკითხებში. ეს სწორედ ის პრინციპია, რომელსაც პრაქტიკულად შეუძლია უკრაინაში სამართლიანი მშვიდობის მოახლოება. იმედი მაქვს, ჩვენ ამას ერთად განვახორციელებთ. მოუთმენლად ველოდებით ძლიერი ამერიკის ეპოქას პრეზიდენტ ტრამპის გადამწყვეტი ხელმძღვანელობით. ჩვენ ვეყრდნობით უკრაინისადმი შეერთებული შტატების განგრძობად ძლიერ ორპარტიულ მხარდაჭერას. დაინტერესებულები ვართ, განვავითაროთ ორმხრივად სასარგებლო პოლიტიკური და ეკონომიკური თანამშრომლობა, რომელიც სასარგებლო იქნება ჩვენი ორივე ერისთვის. უკრაინა, როგორც ევროპის ერთ-ერთი უძლიერესი სამხედრო ძალა, ერთგულია ევროპასა და ტრანსატლანტიკურ საზოგადოებაში გრძელვადიანი მშვიდობისა და უსაფრთხოების უზრუნველყოფის, ჩვენი მოკავშირეების მხარდაჭერით. მოუთმენლად ველოდები, რომ პრეზიდენტ ტრამპს პირადად მივულოცო და განვიხილო უკრაინის აშშ-სთან სტრატეგიული პარტნიორობის გაძლიერების გზები. ტრამპს გამარჯვება თურქეთის პრეზიდენტმა, რეჯეფ თაიფ ერდოღანმაც მიულოცა და იმედი გამოთქვა, რომ „დონალდ ტრამპი ომებს დაასრულებს.“ „იმედი მაქვს, რომ თურქეთსა და ამერიკის შეერთებულ შტატებს შორის ურთიერთობები გაძლიერდება, რომ რეგიონული და გლობალური კრიზისები და ომები, განსაკუთრებით პალესტინის საკითხი და რუსეთ-უკრაინის ომი, დასრულდება,“ - წერს ერდოღანი სოციალურ ქსელში. დემოკრატი გრუვერ კლივლენდის შემდეგ, ტრამპი ამერიკის ისტორიაში მეორე პრეზიდენტი იქნება, რომელიც თეთრ სახლს ერთი ვადის გამოტოვებით, მეორედ დაიკავებს.
რესპუბლიკელი დონალდ ტრამპი ამერიკის არჩეული პრეზიდენტია
რესპუბლიკელი დონალდ ტრამპი ამერიკის არჩეული პრეზიდენტია. საარჩევნო კოლეგიაში მას 277 ხმა აქვს, გამარჯვების მოსაპოვებლად 270 ხმა იყო საკმარისი. არჩევნების შედეგი ისტორიულია - ტრამპი ორჯერ იყო იმპიჩმენტზე წარდგენილი, ის პირველი პრეზიდენტია, რომლის წინააღმდეგაც სისხლის სამართლის საქმეა აღძრული. ტრამპი იქნება პირველი ხანდაზმული პრეზიდენტი (78 წლის), რომელიც თეთრ სახლს დაიკავებს. „ამერიკამ მოგვცა უპრეცედენტო და ძლიერი მანდატი,“ – განაცხადა ტრამპმა ოთხშაბათ დილით ფლორიდაში, პალმ-ბიჩის საკონვენციო ცენტრში შეკრებილ მხარდამჭერებთან. დემოკრატი გრუვერ კლივლენდის შემდეგ, ტრამპი ამერიკის ისტორიაში მეორე პრეზიდენტი იქნება, რომელიც თეთრ სახლს ერთი ვადის გამოტოვებით, მეორედ დაიკავებს.
ტრამპმა გაეროში აშშ-ის ელჩობის კანდიდატად ელის სტეფანიკი შეარჩია
ამერიკის არჩეულმა პრეზიდენტმა დონალდ ტრამპმა, გაეროში ელჩის პოზიციაზე რესპუბლიკელი კონგრესმენი ელის სტეფანიკი შეარჩია. „მაქვს პატივი, წარვადგინო თავმჯდომარე ელის სტეფანიკი ჩემს კაბინეტში, გაეროში ამერიკის ელჩის პოზიციაზე. ელისი არის "ამერიკა უპირველეს ყოვლისა" იდეის წარმოუდგენლად ძლიერი, მტკიცე და ჭკვიანი მებრძოლი," - აღნიშნა ტრამპმა გავრცელებულ განცხადებაში. სტეფანიკი კონგრესში ნიუ-იორკის რესპუბლიკელი წარმომადგენელი და წარმომადგენელთა პალატის რესპუბლიკელთა კონფერენციის თავმჯდომარეა. ის არჩეული პრეზიდენტის ერთგული და მტკიცე მხარდამჭერია. მას ნომინაციის შესახებ კომენტარი ჯერ არ გაუკეთებია. გასულ უქმეებზე, შაბათს, დონალდ ტრამპმა თქვა, რომ მისი ყოფილი რესპუბლიკელი მეტოქე - ნიკი ჰეილი და ყოფილი სახელმწიფო მდივანი მაიკ პომპეო, მისი მომავალი ადმინისტრაციის წევრები არ იქნებიან. ჰეილი ტრამპის ადმინისტრაციის ელჩი იყო გაეროში, მოგვიანებით ის საპრეზიდენტო ნომინაციის მოსაპოვებლად იბრძოდა და ყოფილ პრეზიდენტს აკრიტიკებდა, თუმცა შემდეგ მარათონს გამოეთიშა და დონალდ ტრამპს დაუჭირა მხარი. სტეფანიკი 40 წლის კანონმდებელია, წარმომადგენელთა პალატაში ყოფილი პრეზიდენტის ერთ-ერთი გულმხურვალე მხარდამჭერი. რესპუბლიკელთა კონვენციამდე, მისი კანდიდატურა ვიცე-პრეზიდენტობის შესაძლო ვარიანტადაც განიხილებოდა. ჰარვარდის უნივერსიტეტის კურსდამთავრებული და ჯორჯ ბუშ უმცროსის ადმინისტრაციის თანამშრომელი შიდა პოლიტიკის მიმართულებით, 2014 წელს ყველაზე ახალგაზრდა ქალი გახდა, ვინც ოდესმე კონგრესის წარმომადგენლთა პალატაში აურჩევიათ. ის ამ დროს 30 წლის იყო, მოგვიანებით კი პალატის ლიდერების პოზიციებზეც ერთ-ერთი ყველაზე ახალგაზრდა წარმომადგენელი გახდა. ის, პირველი წლების განმავლობაში, უფრო ზომიერ კონსერვატორად მიიჩნეოდა. თუმცა, მოგვიანებით იმიჯი შეიცვალა და მოძრაობის - "გავხადოთ ამერიკა ისევ დიდებული" - მტკიცე მხარდამჭერი გახდა და რესპუბლიკელთა რიგებში დაწინაურდა კიდეც. ის ყოფილი პრეზიდენტის თავიდან არჩევას მხარს უჭერდა მანამდეც, სანამ დონალდ ტრამპმა წინასაარჩევნო კამპანია დაიწყო და პრაიმერების დროსაც აქტიურად გულშემატკივრობდა. არჩეულ პრეზიდენტს ის აქტიურად იცავდა იმპიჩმენტთან დაკავშირებული გამოძიებებისას და სხვა სასამართლო საქმეებზეც მის მხარდამჭერ განცხადებებს აკეთებდა.
ეროვნული უსაფრთხოების საკითხებში ტრამპის მრჩეველი მაიკ უოლცი იქნება
დონალდ ტრამპმა ეროვნული უსაფრთხოების საკითხებში მრჩევლად რესპუბლიკელი მაიკ უოლცი აირჩია. აშშ-ის ახლად არჩეულმა პრეზიდენტმა საკუთარ პლატფორმა Truth Social-ზე დაადასტურა, რომ ეროვნული უსაფრთხოების საკითხებში მრჩევლად კონგრესმენ მაიკ ვოლცს დანიშნავს. „მაიკი პირველი მწვანე ბერეტია [აშშ-ის სპეცდანიშნულების ძალები], რომელიც კონგრესში აირჩიეს და მანამდე თეთრ სახლსა და პენტაგონში მსახურობდა," - წერს ტრამპი. მაიკ უოლცი აშშ-ის არმიის სპეცრაზმის, „მწვანე ბერეტების“ ვეტერანია, იგი მსახურობდა ავღანეთში, ახლო აღმოსავლეთსა და აფრიკაში. 2019 წლიდან მაიკ უოლცი წარმოადგენს კონგრესის ოლქს პალატაში, სადაც არის შეიარაღებული ძალების, საგარეო საქმეთა და დაზვერვის კომიტეტების წევრი. 4 ნოემბერს NPR-თან ინტერვიუში მაიკ უოლცმა განაცხადა, რომ შეერთებულ შტატებს აქვს „ბერკეტები“, რათა რუსეთის პრეზიდენტი ვლადიმერ პუტინი მოლაპარაკებების მაგიდასთან მიიყვანოს ომის დიპლომატიური გზებით დასასრულებლად. 2022 წელს ვოლცმა უკრაინისთვის "ლენდ-ლიზის" ამოქმედებას დაუჭირა მხარი. უოლცი 2022 წელს ბაიდენის ადმინისტრაციას მოუწოდებდა, მიეწოდებინა მეტი ამუნიცია და შეიარაღება კიევისთვის, რათა უკრაინელებს აეძულებინათ, რუსები უკან დაეხიათ. უოლცი დონალდ ტრამპის მხარდამჭერია და ის წლების განმავლობაში ეროვნულ გვარდიაში მსახურობდა. მას აქვს პოლკოვნიკის წოდება. საკანონმდებლო ორგანოში საქმიანობის დროს უოლცი ხშირად აკრიტიკებდა ჩინეთს და საუბრობდა მზარდ საფრთხეებზე აზიაში. მისი აზრით ამერიკის შეერთებული შტატები მზად უნდა იყოს რეგიონში პოტენციური კონფლიქტისთვის. იმისათვის, რომ უოლცმა ტრამპის ადმინისტრაციაში ეროვნული უსაფრთხოების მრჩევლის თანამდებობა დაიკავოს, მას სენატის მხარდაჭერა არ სჭირდება. ამ დროისთვის, ამერიკის არჩეული პრეზიდენტი დონალდ ტრამპი არ საუბრობს დეტალებზე მისი კაბინეტის შესახებ. უშუალოდ მის მიერ ცნობილი გახდა, რომ პრეზიდენტის აპარატს, პირველად ქალი სიუზი უაილსი უხელმძღვანელებს. უაილსი ტრამპის კამპანიის ხელმძღვანელი იყო. ასევე ცნობილია, რომ დონალდ ტრამპის ადმინისტრაციაში "საზღვრით მეფე" ტომ ჰომენი იქნება. არსებობს მოლოდინი, რომ 13 ნოემბერს, როცა დონალდ ტრამპი 2021 წლის შემდეგ პირველად გამოჩნდება თეთრ სახლში, როდესაც მას პრეზიდენტი ბაიდენი მიიღებს. დამატებითი დეტალები გახდება ცნობილი, იმის შესახებ თუ როგორ დაკომპლექტდება მისი ახალი კაბინეტი.
ვინ რა პოზიციას დაიკავებს ტრამპის ადმინისტრაციაში
აშშ-ის არჩეულმა პრეზიდენტმა, რესპუბლიკელმა დონალდ ტრამპმა 12 ნოემბერს დაასახელა რამდენიმე კანდიდატი, რომლებიც ახალ ადმინისტრაციაში თანამდებობებს დაიკავებენ. თავდაცვის მდივნის პოსტზე წარდგენილია ტელეკომპანია Fox News-ის წამყვანი, ყოფილი სამხედრო პიტ ჰეგსეთი. დონალდ ტრამპმა განაცხადა, რომ მკაცრი და ჭკვიანი ჰეგსეთის ხელმძღვანელობით არმია ისევ დიადი გახდება და ამერიკა უკან არასდროს დაიხევს. პენტაგონის ერთ-ერთმა წარმომადგენელმა ტელეკომპანია CNN-ს განუცხადა, რომ „ყველა შოკირებულია.“ დონალდ ტრამპმა ცენტრალური სადაზვერვო სააგენტოს (CIA) დირექტორის თანამდებობაზე ჯონ რეტკლიფის კანდიდატურა დაასახელა. ის 2020-2021 წლებში ეროვნული დაზვერვის სამსახურს ხელმძღვანელობდა. 2020 წლის საპრეზიდენტო არჩევნების კამპანიის დროს დემოკრატები რეტკლიფს ბრალს სდებდნენ ტრამპის სასარგებლოდ საიდუმლო ინფორმაციის გაცემაში, პოლიტიკური ოპონენტების წინააღმდეგ გამოყენების მიზნით. რეტკლიფის წარდგენისას ტრამპმა განაცხადა, რომ ის ყოველთვის იყო სიმართლისა და პატიოსნებისთვის მებრძოლი. ჰეგსეთის და რეტკლიფის კანდიდატურებს მხარი უნდა დაუჭიროს სენატმა, სადაც ნოემბრის არჩევნების შედეგად რესპუბლიკელებმა უმრავლესობა დაიბრუნეს. დონალდ ტრამპის გადაწყვეტილებით იქმნება ახალი, ე.წ. მთავრობის ეფექტიანობის დეპარტამენტი, რომელსაც ტრამპის აქტიური მხარდამჭერები, კომპანიების, Tesla-ს და SpaceX-ის მფლობელი, მილიარდერი ილონ მასკი და კონსერვატორი ბიზნესმენი ვივეკ რამასვამი უხელმძღვანელებენ. ვივეკ რამასვამი 2024 წლის არჩევნებში პრეზიდენტად კენჭისყრას გეგმავდა, თუმცა იანვარში გამოაცხადა, რომ უარს ამბობდა ტრამპის სასარგებლოდ. დონალდ ტრამპმა განაცხადა, რომ „ეს ორი შესანიშნავი ამერიკელი გზას გაკვალავს სამთავრობო ბიუროკრატიის ლიკვიდაციის, ზედმეტი რეგულაციების შემცირებისა და ფედერალური სააგენტოების რესტრუქტურიზაციისკენ.“ რაც შეეხება კიდევ ერთ პოზიციას, ტრამპა განაცხადა, რომ ახლო აღმოსავლეთში მის სპეციალურ წარმომადგენლად, უძრავი ქონების დეველოპერი და კამპანიის დონორი სტივ ვიტკოფი შეარჩია. ასევე ცნობილია, რომ ტრამპში ისრაელში ამერიკის ელჩად არკანზასის ყოფილ გუბერნატორ მაიკ ჰაკაბის დანიშნავს, რომელიც ისრაელის მტკიცე მხარდამჭერად მიიჩნევა. ახალი დეპარტამენტი თეთრ სახლთან ითანამშრომლებს და თავის სამუშაოს 2026 წლის ივლისამდე დაასრულებს. არჩევნებში კამალა ჰარისის დამარცხების შემდეგ, დონალდ ტრამპის ინაუგურაცია 2025 წლის 20 იანვარს გაიმართება. დღეს მას ბაიდენი თეთრ სახლში მიიიღებს. ეროვნული უსაფრთხოების საკითხებში ტრამპის მრჩეველი მაიკ უოლცი იქნება
ტრამპმა სახელმწიფო მდივნის პოსტზე მარკო რუბიო წარადგინა
აშშ-ის არჩეულმა პრეზიდენტმა, დონალდ ტრამპმა ფლორიდის შტატიდან რესპუბლიკელი სენატორი, მარკო რუბიო სახელმწიფო მდივნის პოსტზე წარადგინა. „რუბიო "იქნება ჩვენი ქვეყნის ძლიერი დამცველი, ჩვენი მოკავშირეების ნამდვილი მეგობარი და უშიშარი მებრძოლი, რომელიც არასდროს დაიხევს უკან ჩვენს მეტოქეებთან", - ამბობს ტრამპი 13 ნოემბერს გავრცელებულ განცხადებაში. მარკო რუბიო სენატის სადაზვერვო კომიტეტის ხელმძღვანელის მოადგილე და სენატის საერთაშორისო ურთიერთობების კომიტეტის წევრია. მარკო რუბიო ჩინეთისა და ირანისადმი მკაცრი პოზიციით გამოირჩევა. რუბიო პლატფორმაზე X წერს, რომ მისთვის პატივია პრეზიდენტ ტრამპის მხრიდან გამოცხადებული ნდობა და აღნიშნავს, რომ ყოველდღიურად იმუშავებს ტრამპის საგარეო პოლიტიკის პროგრამის განსახორციელებლად. „ტრამპის ლიდერობის პირობებში "ჩვენ მოვიტანთ მშვიდობას სიძლიერით და ამერიკელების და ამერიკის ინტერესებს ყოველთვის ყველაფერზე წინ დავაყენებთ," - წერს მარკო რუბიო. რუბიოს კანდიდატურის დამტკიცებას სენატის თანხმობა დასჭირდება. ახალ კონგრესში რესპუბლიკელებს უმრავლესობა ექნებათ. რუბიოს ბოლო პერიოდის ინტერვიუებში არაერთხელ უთქვამს, რომ უკრაინაში ომის დასრულების გზად მიიჩნევს მოლაპარაკებას, რომლისთვისაც კიევს უნდა ჰქონდეს ზემოქმედების რაც შეიძლება მეტი ბერკეტი. 2024 წლის თებერვალში მარკო რუბიო იყო იმ რესპუბლიკელ სენატორებს შორის, რომლებმაც მხარი არ დაუჭირეს უკრაინისთვის 60 მილიარდი დოლარის სამხედრო დახმარების გაწევას. „ვფიქრობ, უკრაინელები წარმოუდგენლად მამაცები და ძლიერები იყვნენ, რათა წინ აღდგომოდნენ რუსეთს,“ - განაცხადა რუბიომ 6 ნოემბერს. „მაგრამ, ბოლოს და ბოლოს, რასაც ჩვენ აქ ვაფინანსებთ, არის ჩიხში მყოფი ომი და ის უნდა დასრულდეს, თორემ ქვეყანა 100 წლით უკან დაბრუნდება,“ აღნიშნა რუბიომ. „მე კომფორტულად ვიგრძნობდი თავს იმ შეთანხმებით, რომელიც დაასრულებს ამ საომარ მოქმედებებს და რომელიც, ვფიქრობ, ხელსაყრელია უკრაინისთვის, რაც იმას ნიშნავს, რომ მათ აქვთ საკუთარი სუვერენიტეტი, რომ არ გახდნენ სატელიტური სახელმწიფო ან მარიონეტული სახელმწიფო, რომელიც მუდმივად მძევლად არის აყვანილი რუსების მიერ. მე არ ვაპირებ რაიმე შეთანხმების წინასწარ განხილვას,“ ციტირებს მის კომენტარს უკრაინული მედია.
დონალდ ტრამპმა ჯანდაცვის მდივნის პოსტზე რობერტ კენედი შეარჩია
ამერიკის არჩეულმა პრეზიდენტმა დონალდ ტრამპმა ხუთშაბათს, 15 ნოემბერს, განაცხადა, რომ რობერტ კენედის ჯანდაცვისა და ადამიანური სერვისების მდივნობის კანდიდატად ასახელებს. მისი წარდგენისას, დონალდ ტრამპმა განაცხადა, რომ დიდი ხანია, რაც ამერიკელებს აზარალებენ მედიკამენტების მწარმოებელი კომპანიები, ინდუსტრიები, რომლებიც საზოგადოებრივ ჯანდაცვასთან დაკავშირებულ მცდარ ინფორმაციას ავრცელებდნენ და რომ კენედის ლიდერობით ჯანდაცვის დეპარტამენტი შეძლებს დაამარცხოს "ქრონიკული დაავადებების პანდემია" და ამერიკა კვლავ "დიდებული და ჯანმრთელი" გახადოს. არჩეული პრეზიდენტის თქმით, კენედის პრიორიტეტებს შორის იქნება მედიკამენტები, საკვებზე დამოკიდებულების გამომწვევი ნივთიერებების პრობლემა და საკვებ პროდუქტში ქიმიური ელემენტების შემცველობა. ჯანდაცვისა და ადამიანური რესურსების დეპარტამენტი ზედამხედველობს არაერთ მიმართულებას, მათ შორის, პრეპარატების, ვაქცინების, სურსათის უსაფრთხოების და სამედიცინო კვლევების საკითხებს, ასევე ჯანდაცვის სახელმწიფო პროგრამებს. საზოგადოებრივი ჯანდაცვის ზოგიერთ სპეციალისტს აშფოთებს კენედის კრიტიკული დამოკიდებულება ვაქცინების მიმართ, რომელსაც ის კოვიდ-პანდემიის დროს გამოხატავდა. რობერტ კენედი ამერიკის ყოფილი გენერალური პროკურორის ვაჟი და პრეზიდენტ ჯონ ფიცჯერალდ კენედის ძმისშვილია. გასულ წელს ის პრეზიდენტ ჯო ბაიდენს უწევდა კონკურენციას და საპრეზიდენტო კამპანიას დამოუკიდებელი კანდიდატის რანგში აწარმოებდა. შემდეგ კი, მხარი დონალდ ტრამპს დაუჭირა და კანდიდატურა მოხსნა. დონალდ ტრამპმა ხუთშაბათს კიდევ ერთი კანდიდატი დაასახელა - დაგ კოლინსი, ჯორჯიის ყოფილი კონგრესმენი ვეტერანთა საკითხების მდივნობის კანდიდატია. კოლინსი ამერიკის საჰაერო სარეზერვო ძალების კაპელანია და კონგრესის წევრი იყო 2013-2021 წლებში. ის დონალდ ტრამპს პირველი საიმპიჩმენტო პროცესისას აქტიურად იცავდა.
თეთრი სახლის პრესსპიკერის თანამდებობას კეროლაინ ლივიტი დაიკავებს
დონალდ ტრამპი თეთრი სახლის პრესსპიკერის თანამდებობაზე კეროლაინ ლივიტს დანიშნავს. „კეროლაინი ჭკვიანია, ძლიერია და დაამტკიცა, რომ ძალიან ეფექტიანი კომუნიკატორია,“ - განაცხადა დონალდ ტრამპმა. 27 წლის კეროლაინ ლივიტი, რომელიც დონალდ ტრამპის საარჩევნო კამპანიის პრესმდივანი იყო, აშშ-ის ისტორიაში თეთრი სახლის ყველაზე ახალგაზრდა პრესსპიკერი იქნება. ამ დრომდე ყველაზე ახალგაზრდა პრესმდივანი იყო რონ ზიგლერი, რომელმაც თანამდებობა 29 წლის ასაკში, რიჩარდ ნიქსონის პრეზიდენტობის დროს დაიკავა. დონალდ ტრამპის ადმინისტრაციაში თეთრი სახლის კომუნიკაციების დირექტორის თანამდებობას სტივენ ჩუნი დაიკავებს, რომელიც დონალდ ტრამპის საპრეზიდენტო კამპანიის პრესსპიკერი იყო.
რაზე ისაუბრეს NATO-ს გენერალურმა მდივანმა და დონალდ ტრამპმა ფლორიდაში გამართულ შეხვედრაზე
NATO-ს გენერალურმა მდივანმა მარკ რუტემ აშშ-ის არჩეულ პრეზიდენტ დონალდ ტრამპთან შეხვედრა ფლორიდაში გამართა. NATO-ს პრესსამსახურის ცნობით, მხარეებმა სამხედრო ალიანსის წინაშე მდგარი გლობალური უსაფრთხოების საკითხები განიხილეს. საუბრის სხვა დეტალები უცნობია. სააგენტო "ფრანს პრესი წერს, რომ რუტემ ამერიკის საპრეზიდენტო არჩევნების შემდეგ გამოთქვა არჩეულ პრეზიდენტ დონალდ ტრამპთან შეხვედრის სურვილი, ჩრდილოეთ კორეასა და რუსეთს შორის დაახლოების მზარდი საფრთხის შესახებ სასაუბროდ. თავის პირველ საპრეზიდენტო ვადაში ტრამპმა ევროპა თავდაცვის არასაკმარისი ხარჯების გამო გააკრიტიკა და ეჭვქვეშ დააყენა სამართლიანი ტრანსატლანტიკური თანამშრომლობის ფარგლები, რამაც გამოიწვია დაძაბულობა ევროპელ მოკავშირეებს შორის. მოკავშირეები ხაზს უსვამენ, რომ კიევის დახმარება არის მთავარი ფაქტორი როგორც ევროპის, ასევე შეერთებული შტატების უსაფრთხოებისთვის.
რას ნიშნავს ტრამპის გამარჯვება უკრაინისთვის, ახლო აღმოსავლეთისთვის და ჩინეთისთვის
რას ნიშნავს ტრამპის გამარჯვება უკრაინისთვის, ახლო აღმოსავლეთისთვის და ჩინეთისთვის - ამ თემას BBC-მ სტატია მიუძღვნა, რომელშიც წერს, რომ დონალდ ტრამპის თეთრ სახლში დაბრუნება სავარაუდოდ, აშშ-ის საგარეო პოლიტიკის ცვლილებას, მრავალ ფრონტზე, პოტენციურად რადიკალურ ძვრებს გამოიწვევს, რადგან მსოფლიო ნაწილები ომისა და გაურკვევლობის წინაშეა. ბრიტანული მედია იხსენებს, რომ თავისი კამპანიის დროს ტრამპმა ფართო პოლიტიკური დაპირებები გასცა, თუმცა ხშირად ის კონკრეტულ დეტალებზე არ საუბრობდა და ეფუძნებოდა არაინტერვენციონიზმისა და სავაჭრო პროტექციონიზმის პრინციპებს ან როგორც ის ამბობს - პრინციპს - „ამერიკა უპირველეს ყოვლისა.“ „ომების დაწყებას არ ვაპირებ, მე მათ დასრულებას ვაპირებ,“ გაიმაორე დონალდ ტრამპმა აშშ-ის საპრეზიდენტო არჩევნებში გამარჯვების შემდეგ, მხარდამჭერების წინაშე სიტყვით გამოსვლისას. „ჩვენ ომები არ გვქონია, ოთხი წლის განმავლობაში ომები არ გვქონია. გარდა იმისა, როცა ჩვენ ე.წ. ისლამური სახელმწიფო დავამარცხეთ,“ - განაცხადა დონალდ ტრამპმა. რუსეთი, უკრაინა და NATO კამპანიის დროს ტრამპმა არაერთხელ განაცხადა, რომ მას შეეძლო ომის დასრულება რუსეთსა და უკრაინას შორის „ერთ დღეში“. კითხვაზე - თუ როგორ, მან დეტალები არ დააკონკრეტა. ტრამპისდროინდელი ეროვნული უსაფრთხოების ყოფილი ხელმძღვანელების მიერ მაისში დაწერილ კვლევით ნაშრომში ნათქვამია, რომ შეერთებულმა შტატებმა უნდა გააგრძელოს იარაღის მიწოდება უკრაინაში, მაგრამ მხარდაჭერა რუსეთთან კიევის სამშვიდობო მოლაპარაკებების დაწყების პირობა განაპირობებს. ტრამპის დემოკრატი ოპონენტები, რომლებიც მას რუსეთის პრეზიდენტ ვლადიმერ პუტინისთვის კომფორტის უზრუნველყოფაში ადანაშაულებენ, აცხადებენ, რომ მისი მიდგომა უკრაინის დათმობას უტოლდება, რაც მთელ ევროპას საფრთხეს შეუქმნის. ტრამპი მუდმივად ამბობდა, რომ მისი პრიორიტეტია ომის დასრულება და აშშ-ის რესურსების გადინების შეჩერება. გაურკვეველია, რამდენად ასახავს ყოფილი მრჩეველთა ნაშრომი ტრამპის აზრებს, მაგრამ, სავარაუდოდ, ის გვთავაზობს სახელმძღვანელოს, თუ რა სახის რჩევებს მიიღებს 47-ე პრეზიდენტი. მისი მიდგომა „ამერიკა უპირველეს ყოვლისა“ ასევე ვრცელდება NATO-ს მომავლის სტრატეგიულ საკითხზე - ტრანსატლანტიკურ სამხედრო ალიანსზე, რომელიც მეორე მსოფლიო ომის შემდეგ, თავდაპირველად, შეიქმნა, როგორც საბჭოთა კავშირის წინააღმდეგ საყრდენი. NATO ახლა 32 ქვეყანას აერთიანებს და ტრამპი დიდი ხანია, ამ ალიანსს სკეპტიკურად უყურებს. რეალურად, გამოიყვანს თუ არა შეერთებულ შტატებს NATO-დან, რაც თითქმის ერთი საუკუნის განმავლობაში, ტრანსატლანტიკურ თავდაცვის ურთიერთობებში ყველაზე მნიშვნელოვან ცვლილებას ნიშნავს, დებატების საგნად რჩება. მისი ზოგიერთი მოკავშირე ვარაუდობს, რომ ტრამპის მკაცრი ხაზი მხოლოდ მოლაპარაკების ტაქტიკაა, რათა წევრებმა ალიანსის თავდაცვის ხარჯების თაობაზე მითითებები შეასრულონ. მაგრამ რეალობა ისაა, რომ NATO-ს ლიდერები სერიოზულად შეშფოთდებიან იმაზე, თუ რას ნიშნავს მისი გამარჯვება ალიანსის მომავლისთვის და როგორ აღიქმება მისი შემაკავებელი ეფექტი მტრულად განწყობილი ლიდერების მიერ. ახლო აღმოსავლეთი ისევე როგორც უკრაინაში, ტრამპი ახლო აღმოსავლეთში „მშვიდობის“ დამყარებას აანონსებს - ამბობს, რომ დაასრულებს ისრაელ-ჰამასის ომს ღაზის სექტორში და ისრაელ-ჰეზბოლას ომს ლიბანში, მაგრამ არ უთქვამს - როგორ. მან არაერთხელ თქვა, ის რომ ყოფილიყო ხელისუფლებაში და არა ჯო ბაიდენი, „ჰამასი“ ვერ დაესხმებოდა თავს ისრაელს მისი „მაქსიმალური ზეწოლის“ პოლიტიკის გამო ირანზე, რომელიც ხსენებულ დაჯგუფებას აფინანსებს. ზოგადად, სავარაუდოა, რომ ტრამპი შეეცდება, დაუბრუნდეს პოლიტიკას, რომლის მიხედვითაც, მისმა ადმინისტრაციამ აშშ ირანის ბირთვული შეთანხმებიდან გამოიყვანა, ირანის წინააღმდეგ გამოიყენა უფრო დიდი სანქციები და მოკლა გენერალი ყასემ სოლეიმანი - ირანის ყველაზე ძლიერი სამხედრო მეთაური. თეთრ სახლში ტრამპმა მტკიცე პრო-ისრაელური პოლიტიკა გაატარა, იერუსალიმი ისრაელის დედაქალაქად აღიარა და თელ-ავივიდან იქ აშშ-ის საელჩო გადაიტანა - ამ ნაბიჯმა გააძლიერა ტრამპის ქრისტიანულ ევანგელისტური ნაწილი - რესპუბლიკელ ამომრჩეველთა ძირითადი ჯგუფი. ისრაელის პრემიერ-მინისტრმა ბენიამინ ნეთანიაჰუმ ტრამპს უწოდა "საუკეთესო მეგობარი, რომელიც ისრაელს ოდესმე ჰყოლია თეთრ სახლში". მაგრამ კრიტიკოსები ამტკიცებენ, რომ მის პოლიტიკას დესტაბილიზაციის ეფექტი ჰქონდა რეგიონზე. პალესტინელებმა ბოიკოტი გამოუცხადეს ტრამპის ადმინისტრაციას იმის გამო, რომ ვაშინგტონმა უარი თქვა იერუსალიმზე - ქალაქი, რომელიც პალესტინელებისთვის ეროვნული და რელიგიური ცხოვრების ისტორიულ ცენტრს ქმნის. ისინი კიდევ უფრო იზოლირებულნი დარჩნენ, როდესაც ტრამპმა შუამავლობით დადო ეგრეთ წოდებული „აბრაამის შეთანხმება“, რაც იყოს ისტორიული შეთანხმება ისრაელსა და რამდენიმე არაბულ და მუსულმანურ ქვეყანას შორის დიპლომატიური კავშირების ნორმალიზებისთვის. მათ ეს გააკეთეს ისე, რომ ისრაელს არ უნდა მიეღო მომავალი დამოუკიდებელი პალესტინის სახელმწიფო მის გვერდით - ე.წ. ორი სახელმწიფოს გადაწყვეტა - ადრე არაბული ქვეყნების პირობა ასეთი რეგიონული გარიგებისთვის. ისრაელის აღიარების სანაცვლოდ, ჩართულ ქვეყნებს მოწინავე ამერიკულ იარაღზე მიეცათ წვდომა. ტრამპმა კამპანიის დროს განაცხადა, რომ მას სურს ღაზის სექტორში ომის დასრულება. მას ჰქონდა რთული, ზოგჯერ დისფუნქციური ურთიერთობა ნეთანიაჰუსთან, მაგრამ რა თქმა უნდა, აქვს მასზე ზეწოლის უნარი. მას ასევე აქვს ძლიერი ურთიერთობების ისტორია არაბული ძირითადი ქვეყნების ლიდერებთან, რომლებსაც აქვთ კონტაქტები „ჰამასთან.“ გაურკვეველია, როგორ აპირებს ის პოზიციონირებას, როდესაც ისრაელის ხელმძღვანელობისადმი ძლიერი მხარდაჭერის გამოხატვის სურვილი და ამავე დროს, ომის დასრულების სურვილი აქვს. ტრამპის მოკავშირეები ხშირად მიუთითებდნენ მის არაპროგნოზირებადობაზე და ამას დიპლომატიურ აქტივადაც განიხილავდნენ, მაგრამ უაღრესად სადავო და არასტაბილურ ახლო აღმოსავლეთში, უკვე ისტორიული მასშტაბის კრიზისის შუაგულში, რთულია პროგნოზი, თუ როგორ შესრულდება ტრამპის გაცხადებული მიზნები. მას მოუწევს, გადაწყვიტოს, თუ როგორ ან წასწიოს თუ არა წინ ბაიდენის ადმინისტრაციის მიერ დაწყებული შეფერხებული დიპლომატიური პროცესი, რათა მიაღწიოს ცეცხლის შეწყვეტას ღაზის სექტორში, „ჰამასის“ მიერ დაკავებული მძევლების გათავისუფლების სანაცვლოდ. ჩინეთი და ვაჭრობა ამერიკის მიდგომა ჩინეთისადმი მისი საგარეო პოლიტიკის ყველაზე სტრატეგიულად მნიშვნელოვანი სფეროა, რაც ყველაზე დიდ გავლენას ახდენს გლობალურ უსაფრთხოებასა და ვაჭრობაზე. როდესაც ის თანამდებობაზე იყო, ტრამპმა ჩინეთს "სტრატეგიული კონკურენტი" უწოდა და აშში-ში ზოგიერთ ჩინურ იმპორტზე ტარიფები დააწესა. ამას პეკინის მიერ ამერიკულ იმპორტზე ტარიფების დაწესება მოჰყვა. სავაჭრო დავის დეესკალაციის მცდელობები იყო, მაგრამ კოვიდპანდემიამ ეს შესაძლებლობაც გააქრო და ურთიერთობები გაუარესდა, რადგან ყოფილმა პრეზიდენტმა კოვიდს „ჩინური ვირუსი“ უწოდა. მიუხედავად იმისა, რომ ბაიდენის ადმინისტრაცია აცხადებდა, რომ უფრო პასუხისმგებლიანი მიდგომა ჰქონდა ჩინეთის პოლიტიკის მიმართ, მან, ფაქტობრივად, იმპორტზე, ტრამპის ეპოქის დროინდელი ბევრი ტარიფი შეინარჩუნა. ტრამპმა თავის დროზე, შეაქო ჩინეთის პრეზიდენტი სი ძინპინი, როგორც "ბრწყინვალე," "საშიში" და უაღრესად ეფექტური ლიდერი, რომელიც 1.4 მილიარდ ადამიანს "რკინის მუშტით" აკონტროლებს - ამის გამო, ტრამპის ოპონენტების ნაწილი "დიქტატორებით ტრამპის აღფრთოვანებაზე“ საუბრობდა. როგორც ჩანს, ტრამპი სავარაუდოდ, უარს იტყვის ბაიდენის ადმინისტრაციის მიდგომაზე - აეშენებინა აშშ-ის უფრო ძლიერი პარტნიორობა უსაფრთხოების სფეროში სხვა რეგიონულ ქვეყნებთან, ჩინეთის შეკავების მიზნით. ამერიკის შეერთებულმა შტატებმა შეინარჩუნა სამხედრო დახმარება ტაივანისთვის, რომელსაც ჩინეთი განიხილავს სეპარატისტულ პროვინციად, რომელიც საბოლოოდ, პეკინის კონტროლის ქვეშ იქნება. ტრამპმა ოქტომბერში განაცხადა, რომ თუ ის თეთრ სახლში დაბრუნდებოდა, მას ტაივანის საკითხზე არ მოუწევდა სამხედრო ძალის გამოყენება ჩინეთის ბლოკადის აღსაკვეთად, რადგან თუ ეს მოხდა, ის დააწესებდა დამანგრეველ ტარიფებს ჩინურ იმპორტზე და ეს სი ძინპინისთვისაც ცნობილი ფაქტია.
სასამართლომ ტრამპის წინააღმდეგ არჩევნებში ჩარევის ბრალდებით აღძრული საქმე დახურა
აშშ-ის სასამართლომ დახურა არჩეული პრეზიდენტის დონალდ ტრამპის წინააღმდეგ აღძრული სისხლის სამართლის საქმე 2020 წლის საპრეზიდენტო არჩევნებში ჩარევასთან დაკავშირებით. მოსამართლე ტანია ჩუტკანმა სასწრაფოდ დააკმაყოფილა სპეციალური პროკურორის, ჯეკ სმიტის შუამდგომლობა საქმის განხილვის შეწყვეტის შესახებ. სმიტმა ანალოგიურად მოითხოვა ტრამპის წინააღმდეგ სისხლის სამართლის ბრალდებების მოხსნა ფლორიდაში, სადაც ყოფილი პრეზიდენტი ბრალდებულია 2021 წელს საიდუმლო დოკუმენტების არასათანადო გამოყენებაში. სპეციალურმა პროკურორმა გადაწყვეტილება იმით დაასაბუთა, რომ მართალია, ბრალდების პოზიცია არ შეცვლილა, მაგრამ შეიცვალა გარემოებები და იუსტიციის სამინისტროს პოზიციაა, რომ კონსტიტუციის შესაბამისად, საქმე უნდა დაიხუროს, სანამ ტრამპი ოფიციალურად დაიკავებს პრეზიდენტის თანამდებობას. ტელეკომპანია CNN-ის ცნობით, საქმეების დახურვის შესახებ მოსამართლის დადგენილებაში ხაზგასმულია, რომ იმუნიტეტი დროებითია და ამოიწურება პრეზიდენტის მიერ თანამდებობის დატოვების შემდეგ. სპეციალური პროკურორი ჯეკ სმიტი ხელმძღვანელობდა დონალდ ტრამპის წინააღმდეგ აღძრული სისხლის სამართლის ორი საქმის გამოძიებას. ერთი ეხებოდა ტრამპის მიერ 2020 წლის საპრეზიდენტო არჩევნების შედეგების გაუქმების მცდელობას, ხოლო მეორე - საიდუმლო დოკუმენტებთან მოპყრობის წესის დარღვევას. დონალდ ტრამპი, რომელიც სისხლისსამართლებრივ დევნას პოლიტიკურად მოტივირებულს უწოდებდა, საარჩევნო კამპანიის პერიოდში აცხადებდა, რომ თეთრ სახლში დაბრუნების შემდეგ სპეცპროკურორ ჯეკ სმიტს თანამდებობიდან გაათავისუფლებს. ამერიკული მედიის ცნობით, სმიტი გადადგომას თავად აპირებს. 78 წლის რესპუბლიკელი ექსპრეზიდენტი დონალდ ტრამპი თეთრ სახლში ბრუნდება მას შემდეგ, რაც 2024 წლის 5 ნოემბრის საპრეზიდენტო არჩევნებში დაამარცხა დემოკრატი ვიცე-პრეზიდენტი კამალა ჰარისი. ტრამპის ინაუგურაცია 2025 წლის 20 იანვარს გაიმართება.
ტრამპმა გადამდგარი გენერალი კით კელოგი უკრაინის საკითხებში წარმომადგენლად დაასახელა
აშშ-ის არჩეულმა პრეზიდენტმა დონალდ ტრამპმა გადამდგარი გენერალ-ლეიტენანტი კით კელოგი უკრაინის საკითხებში წარმომადგენლად დაასახელა. მანამდე კელოგმა ტრამპს წარუდგინა უკრაინაში ომის დასრულების გეგმა. კელოგი ტრამპის პრეზიდენტობის პირველ ვადაში, 2017-2021 წლებში თეთრი სახლის უშიშროების საბჭოს აპარატის ხელმძღვანელი და ამავდროულად, მაშინდელი ვიცე-პრეზიდენტის მაიკ პენსის მრჩეველი იყო უშიშროების საკითხებში. „კითს აქვს გამორჩეული სამხედრო და ბიზნეს კარიერა, მას, მათ შორის, უმსახურია ეროვნული უშიშროების ძალიან საფრთხილო პოზიციებზე, ჩემს პირველ ადმინისტრაციაში," - წერს ტრამპი. სააგენტო Reuters-ი ივნისში იუწყებოდა, რომ კელოგის მიერ შემუშავებული გეგმა ითვალისწინებს უკრაინის ფრონტის ხაზების გაყინვას და ზეწოლას კიევსა და მოსკოვზე, მოლაპარაკების მაგიდასთან დასასხდომად. ამასთან, სააგენტო წერს, რომ კელოგი გამოდიოდა იდეით უკრაინელებისთვის ეთქვათ, რომ მოლაპარაკების მაგიდასთან არდასხდომის შემთხვევაში მათ შეუწყდებოდათ აშშ-ის დახმარება, ხოლო პუტინისთვის ეთქვათ, რომ მოლაპარაკებაზე უარის შემთხვევაში აშშ უკრაინას მისცემდა "ყველაფერს, რათ მათ სჭირდებათ თქვენს გასანადგურებლად ბრძოლის ველზე." „უკრაინის NATO-ში გაწევრიანების საკითხი დღის წესრიგიდან ხანგრძლივი ვადით მოიხსნებოდა. უკრაინას შესთავაზებდნენ უსაფრთხოების გარანტიებს, რომლებიც მოიცავს მის "კბილებამდე შეიარაღებას," - წერდა Reuters-ი. გეგმა მოიცავს ცეცხლის შეწყვეტას, რომელიც დაეფუძნება სამშვიდობო მოლაპარაკების პერიოდში არსებულ ფრონტის ხაზებს, რასაც, სავარაუდოდ, თავიდანვე წინაღობა შეექმნება, რადგან ეს სიტუაცია არცერთ მხარეს არ დააკმაყოფილებს. ბაიდენის ადმინისტრაციამ დაადასტურა, რომ ვაშინგტონმა უკრაინას რუსეთზე ATACMS-ის რაკეტებით დარტყმის ნება დართო
კობახიძე აშშ-ის ნაბიჯებზე: დროებითი მოვლენაა, როგორც იტყვის ტრამპი, იქნება ისე
„ეს არის ისეთი დროებითი მოვლენაა, როგორც სალომე ზურაბიშვილი,“ ასე უპასუხა პრემიერმა ირაკლი კობახიძემ ამერიკის შეერთებული შტატების მხრიდან საქართველოსთან სტრატეგიული პარტნიორობის შეჩერების გადაწყვეტილებაზე შეკითხვას. ის ამბობს, რომ ჯერ კიდევ მოქმედი ადმინისტრაცია ცდილობს, რომ მაქსიმალურად მძიმე მემკვიდრეობა დაუტოვოს ახალ ადმინისტრაციას. „თქვენ ხედავთ, რომ ჯერ კიდევ მოქმედი ადმინისტრაცია ცდილობს, რომ მაქსიმალურად მძიმე მემკვიდრეობა დაუტოვოს ახალ ადმინისტრაციას. ამას აკეთებენ ისინი უკრაინასთან მიმართებით და ახლა უკვე საქართველოსთან მიმართებაში. ამას ვერ ექნება პრინციპული მნიშვნელობა, დაველოდებით ახალ ადმინისტრაციას და ახალ ადმინისტრაციასთან ყველაფერზე ვისაუბრებთ. ეს არის ისეთი დროებითი მოვლენაა, როგორც სალომე ზურაბიშვილი,“ - აღნიშნა კობახიძემ. მან შესაბამისი შეკითხვის საპასუხოდ განაცხადა, რომ მმართველ გუნდს დონალდ ტრამპის ახალ ადმინისტრაციასთან არაპირდაპირი კომუნიკაცია ჰქონდა. ირაკლი კობახიძე არ აკონკრეტებს, თუ ვისთან შედგა არაპირდაპირი კომუნიკაცია. „ჩვენი მხრიდან იყო არაპირდაპირი კომუნიკაცია და ველოდებით პირდაპირ კომუნიკაციას. ეს არის ის, რაც შემიძლია გითხრათ. ჩვენი სურვილია, პირდაპირი კომუნიკაცია შედგეს,“ - აღნიშნა პრემიერმა. ირაკლი კობახიძეს ასევე ჰკითხეს, იცნობენ თუ არა საქართველოს ხელისუფლებისადმი ჰელსინკის კომისის ხელმძღვანელის, რესპუბლიკელი კონგრესმენის, ჯო უილსონის კრიტიკულ პოზიციას, მით უმეტეს, რომ უილსონი საგარეო ურთიერობათა კომიტეტის მომავალ თავმჯდომარედ განიხილება. პრემიერის თქმით, მმართველი გუნდისთვის მთავარია ტრამპის ადმინისტრაცია დანარჩენი ყველაფერი კი, მეორეხარისხოვანია. „როგორც იტყვის ტრამპი, იქნება ისე. მანამდე სხვა ვიღაც ამბობდა რაღაცას და იმას მიყვებოდა ჰელსინკის კომისია, რასაც იტყვის ტრამპი იქნება ისე. ამიტომ ჩვენთვის მთავარია დონალდ ტრამპთან ურთიერთობა,“ - აღნიშნა პრემიერმა. ამერიკამ საქართველოსთან სტრატეგიული პარტნიორობა შეაჩერა. ცნობისთვის, 30 ოქტომბერს, ევროკავშირის ელჩი საქართველოში პაველ ჰერჩინსკი ევროკავშირის გაფართოების შესახებ საქართველოსთან დაკავშირებული ანგარიშის გამოქვეყნების შემდეგ აცხადებდა, რომ საქართველოს მთავრობის მოქმედების კურსის გამო, ევროკავშირის ლიდერებმა საქართველოს გაწევრიანების პროცესი შეაჩერეს. ამასთან, ევროკავშირმა საქართველოს მთავრობას ხელახალი ჩართულობისკენ „მკაფიო გზა“ და საქართველოს შესაძლო წევრობისკენ „გზამკვლევი“ შესთავაზა. შეგახსენებთ, 28 ნოემბერს, პრემიერ-მინისტრმა ირაკლი კობახიძემ განაცხადა, რომ „ქართულმა ოცნებამ“ მიიღო გადაწყვეტილება, 2028 წლის ბოლომდე დღის წესრიგში არ დააყენონ ევროკავშირთან მოლაპარაკებების გახსნის საკითხი. ამასთან, 2028 წლის ბოლომდე უარს ამბობენ “ყოველგვარ საბიუჯეტო გრანტზე ევროკავშირის მხრიდან.“ მანამდე, „ქართული ოცნების“ უმრავლესობამ მთავრობას ნდობა გამოუცხადა. განცხადება კი, კობახიძემ მმართველი გუნდის ოფისში შეკრების შემდეგ გააკეთა, რასაც მოქალაქეების საპროტესტო აქცია მოჰყვა რუსთაველის გამზირზე - პარლამენტის წინ და „ქართული ოცნების“ ოფისთანაც. პრეზიდენტმა ზურაბიშვილმა საგანგებო ბრიფინგზე განაცხადა, რომ არალეგიტიმურმა ხელისუფლებამ საკუთარ მოსახლეობას ომი გამოუცხადა. ეს იყო უკვე მეორე შემთხვევა, როდესაც პრეზიდენტი განცხადებას ოპოზიციასთან ერთად აკეთებდა. პირველად, 26 ოქტომბერს გამართულ ბრიფინგზე ითქვა, რომ არჩევნები გაყალბდა. პრეზიდენტი მოგვიანებით, პარლამენტთან მიმდინარე საპროტესტო აქციაზე მივიდა. სახალხო დამცველის შეფასებით, აქციის დაშლის დაწყებით დაირღვა შეკრების თავისუფლება. იოსელიანის თქმით, შემაშფოთებელია მშვიდობიანი მომიტინგეების მიმართ არაადამიანური და დამამცირებელი მოპყრობის და მიზანმიმართული დევნის დანაშაულებრივი ქმედებები. შსს-ს განცხადებით, პარლამენტთან აქციაზე 43 პირია დაკავებული. მედიაომბუდსმენის შეფასებით, 28 და 29 ნოემბერს, ნიღბიანი სპეცრაზმელები და პოლიციელები რუსთაველზე მიზანმიმართულად ოცზე მეტ ჟურნალისტსა და ოპერატორს გაუსწორდნენ. სპეციალურმა საგამოძიებო სამსახურმა სამართალდამცველების მხრიდან აქციის მონაწილეების და მედიასაშუალების წარმომადგენლების მიმართ ძალადობით სამსახურებრივი უფლებამოსილების გადამეტების ფაქტებზე, საქართველოს სისხლის სამართლის კოდექსის 333-ე მუხლის მესამე ნაწილის ,,ბ" ქვეპუნქტით გამოძიება დაიწყო. პრემიერ-მინისტრმა პოლიციელების მხრიდან ჟურნალისტების მიმართ განხორციელებულ ქმედებებს მომიტინგეების მხრიდან „მასშტაბური ძალადობის“ შედეგი უწოდა. 29 ნოემბერს ცნობილი გახდა, რომ საქართველოს საგანგებო და სრულუფლებიანი ელჩი ბულგარეთის რესპუბლიკაში ოთარ ბერძენიშვილი თანამდებობას ტოვებს. თავის მხრივ, ჩინეთში საქართველოს საგანგებო და სრულუფლებიანი დესპანი მამუკა ციხელაშვილი იმ 100-ზე მეტ მოქმედ თანამშრომელს შორისაა, რომლებმაც ერთობლივი განცხადება გაავრცელეს ევროპული საგარეო პოლიტიკური კურსის მხარდასაჭერად. თავდაცვის სამინისტროს თანამშრომელთა ნაწილი აცხადებს, რომ „ერთგულნი რჩებიან საქართველოს კონსტიტუციის 78-ე მუხლით გაწერილი ვალდებულების.“ განათლების სამინისტროს თანამშრომელთა ნაწილი ამბობს, რომ ხელისუფლების განცხადება ეწინააღმდეგება საქართველოს კონსტიტუციის 78-ე მუხლს. საკონსტიტუციო სასამართლოს თანამშრომლების ნაწილთა შეფასებით, ევროკავშირში გაწევრების მოლაპარაკებების 2028 წლამდე დღის წესრიგიდან ამოღება მნიშვნელოვნად აზიანებს ევროინტეგრაციის პროცესს. 29 ნოემბერს, ევროკავშირის ელჩმა განაცხადა, რომ საქართველოს ხელისუფლების გადაწყვეტილება არის უკიდურესად იმედგამაცრუებელი და უკიდურესად სამწუხარო გადაწყვეტილება. თავის მხრივ, ამერიკის ელჩმა „მტკიცედ მოუწოდა „ქართულ ოცნებას“, გადახედოს საკუთარ ქმედებებს. პრეზიდენტმა 29 ნოემბრის საღამოსა და 30 ნოემბრის აქციის ღამეს განაცხადა, რომ „ძალის გამოყენებაზე პასუხისმგებელმა პირებმა პასუხი უნდა აგონ.“ მანამდე, პოლიციამ პარლამენტთან აქციაზე ისევ წყლის ჭავლი და „სპეციალური საშუალებები“ გამოიყენა. აშშ-ის ჰელსინკის კომისიის თავმჯდომარე ჯო უილსონი (რესპუბლიკური პარტია) და კონგრესმენი სტივ კოენი (დემოკრატიული პარტია) საქართველოში მიმდინარე მოვლენებთან დაკავშირებით ერთობლივ განცხადებაში, რომელიც 29 ნოემბრით არის დათარიღებული, „მკაცრად გმობენ“ მშვიდობიანი პროტესტის მონაწილეების მიმართ „უკიდურესი ძალადობის“ ფორმას.“ „ეს მთავრობა არალეგიტიმურია, ჩვენ ქართველ ხალხთან ვდგავართ,“ წერია განცხადებაში. ირაკლი კობახიძის თქმით, „გუშინდელ ძალადობრივ მიტინგზე უმთავრესი პასუხისმგებლობა ეკისრებათ ევროპელ პოლიტიკოსებს და ადგილობრივ აგენტურას, მეხუთე კოლონას.“ შს მინისტრის მოადგილე ამბობს, რომ პოლიცია იყენებს კანონით გათვალისწინებულ ყველა სპეციალურ საშუალებას. ომბუდსმენის თქმით, დაკავების დროს, ადამიანებზე ძალადობას გამართლება არ აქვს და ეს დანაშაულია - ასეთი დანაშაულები უნდა გამოიძიონ. სახალხო დამცველის შეფასებით, ეს არის რაღაც სიმხეცე, ასეთი ფორმით ადამიანებთან მოპყრობას გამართლება არ აქვს. 28 ნოემბერს საქართველოს საგარეო საქმეთა სამინისტროს თანამშრომლებმა, მათ შორის, მოქმედმა დიპლომატებმა, მთავრობის გადაწყვეტილება საჯარო, ღია წერილით გააკრიტიკეს. ელჩების თანამდებობები დატოვეს, ბულგარეთისა და ნიდერლანდების, ლიეტუვის, დიპლომატიური წარმომადგენლობების ხელმძღვანელებმა, ასევე, იტალიაში საქართველოს ელჩის მოვალეობის შემსრულებელმა თანამდებობა დატოვა. პირველ დეკემბერს, საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი, ევროკომისიის ვიცე-პრეზიდენტი კაია კალასი ამბობს, რომ მმართველი პარტიის მხრიდან მინიშნებას, ევროკავშირის მხრიდან პირდაპირი შედეგები მოჰყვება.
ტრამპი აცხადებს, რომ BRICS-ის ქვეყნები ახალ ვალუტას თუ შექმნიან, მათთვის ამერიკულ ბაზარს ჩაკეტავს
ამერიკის შეერთებული შტატების არჩეული პრეზიდენტი დონალდ ტრამპი აცხადებს, რომ „გამორიცხულია, BRICS-მა საერთაშორისო ვაჭრობაში აშშ დოლარი“ სხვა ვალუტით ჩაანაცვლოს საერთაშორისო ვაჭრობაში და ნებისმიერი ქვეყანა, რომელიც ამას ეცდება, უნდა დაემშვიდობოს ამერიკას.“ დონალდ ტრამპმა პირველ დეკემბერს X-ზე დაწერა, რომ თუკი BRICS-ის ქვეყნები ახალ ვალუტას შექმნიან, მათთვის ამერიკულ ბაზარს ჩაკეტავს. „იდეა იმის, შესახებ, რომ Brics-ის ქვეყნები ცდილობენ, დოლარს ჩამოშორდნენ, ვიდრე ჩვენ გვერდიდან ვდგავართ და ამ პროცესს მხოლოდ ვუყურებთ, უკვე დასრულებია. ჩვენ ვითხოვთ ამ ქვეყნების მიერ ვალდებულების აღებას, რომ ისინი არც ახალ ვალუტას შექმნიან და არც სხვა ვალუტის გაძლიერებით შეეცდებიან დოლარის ჩანაცვლებას, წინააღმდეგ შემთხვევაში, მათ ჩვენგან დაემუქრებათ 100%-იანი ტარიფების დაწესება, რომლის შემდეგ უარს ეტყვიან და დაემშვიდობებიან დიდებულ ამერიკულ ეკონომიკას. არ არსებობს შანსი იმისა, რომ BRICS-ი დოლარს ჩაანაცვლებს მსოფლიო ვაჭრობაში და ნებისმიერი სახელმწიფო ვინც ამას ეცდება, დაემშვიდობება ამერიკას,“ - წერს დონალდ ტრამპი სოციალურ პლატფორმა X-ზე. თუ BRICS-ის ქვეყნები ახალ ვალუტას შექმნიან, ტრამპი მათთვის ამერიკულ ბაზარს ჩაკეტავს. „ჩვენ მოვითხოვთ ამ ქვეყნებისგან, რომ მათ არც BRICS-ის ახალი ვალუტა არ შექმნან და არც სხვა რომელიმე ვალუტას დაუჭირონ მხარი უძლეველი აშშ დოლარის ნაცვლად. წინააღმდეგ შემთხვევაში, მათ დაემუქრებათ 100%-იანი ტარიფები და დამშვიდობება მოუწევთ აშშ-ის ბრწყინვალე ეკონომიკაზე წვდომასთან. ადგნენ და ვინმე სხვა „სულელი“ იპოვონ,“ - ამბობს აშშ-ის ახალი პრეზიდენტი, რომლის ინაუგურაცია 20 იანვარს იგეგმება. BRICS-ის ქვეყნები წლებიან, განიხილავენ ახალი საერთო ვალუტის შემოღებას, რათა კონკურენცია გაუწიონ ამერიკულ დოლარს საერთაშორისო ვაჭრობაში, - რათა მოხდეს საერთაშორისო ვაჭრობის „დედოლარიზაცია“, რაც, მათი ხედვით, აშშ-ის პოლიტიკური გავლენის შემცირების გზას წარმოადგენს. ალიანსი ასევე მუშაობს SWIFT-ის - ბანკთაშორისი კომუნიკაციის საერთაშორისო სისტემის - ალტერნატიულ სისტემაზე. BRICS წევრი სახელმწიფოების ინგლისური დასახელებისგან შემდგარი აბრევიატურაა. წლების განმავლობაში კლუბი აერთიანებდა სწრაფად განვითარებადი ეკონომიკის ხუთ ქვეყანას: ბრაზილია, ბრაზილია, ინდოეთი, ჩინეთი, სამხრეთ აფრიკის რესპუბლიკა. ალიანსი 2024 წლის იანვრიდან გაფართოვდა და დაემატა ეგვიპტე, ირანი, არაბთა გაერთიანებული საამიროები, საუდის არაბეთი და ეთიოპია.
