ისრაელის პრეზიდენტი არაბთა გაერთიანებულ საამიროებს პირველი ვიზიტით ეწვია

ისრაელის პრეზიდენტი ისააკ ჰერცოგი არაბთა გაერთიანებულ საამიროებში იმყოფება. „არაბთა გაერთიანებულ საამიროებში პრინცმა შეიხ მუჰამედ ბინ ზაიდმა პერსონალურად მიმიწვია. მე მადლიერი ვარ მისი გამბედაობით, ისრაელთან სამშვიდობო შეთანხმების გაფორმებისა და მთელ რეგიონში მშვიდობის დამყარების გზავნილისთვის, რადგან რეგიონის ხალხს სხვა ალერნატივა არ აქვს“, -განაცხადა ისააკ ჰერცოგმა.

ერდოღანმა კიევში გამგზავრების წინ, თურქეთში ვლადიმერ პუტინის ვიზიტის დეტალებზე ისაუბრა

უკრაინაში გამგზავრების წინ, თურქეთის რეზიდენტმა რეჯეფ თაიფ ერდოღანმა, თურქეთში რუსეთის ლიდერის ვიზიტზე ისაუბრა. ჟურნალისტებთან საუბრისას ერდოღანმა აღიშნა, რომ რუსეთის პრეზიდენტი ვლადიმერ პუტინი თურქეთს ჩინეთში ვიზიტის შემდეგ ეწვევა. პუტინის ვიზიტი 3 თებერვალს არის დაგეგმილი ჩინეთში, სადაც ზამთრის ოლიმპიური თამაშები 4-დან 20 თებერვლამდე უნდა გაიმართოს. რაც შეეხება უკრაინის გარშემო შექმნილ ვითარებას, ერდოღანის თქმით, თურქეთი მჭიდროდ ადევნებს თვალს მოვლენებს. „ყველა პლატფორმაზე ჩვენ ვაცხადებთ თურქეთის მხარდაჭერას უკრაინის ტერიტორიული მთლიანობისა და სუვერენიტეტის მიმართ“, - აღნიშნა თურქეთის ლიდერმა. ერდოღანმა ყველა მხარეს მოუწოდა, გამოიჩინონ თავშეკავება და დიალოგში ჩაერთონ რეგიონში მშვიდობის უზრუნველსაყოფად. ერდოღანი უკრაინაში ოფიციალური ვიზიტის ფარგლებში, დაესწრება ორმხრივი მაღალი დონის სტრატეგიული საბჭოს მე-10 შეხვედრას. ის და მისი უკრაინელი კოლეგა, ვოლოდიმირ ზელენსკი, სავარაუდოდ, ხელს მოაწერენ სხვადასხვა შეთანხმებას და ერთობლივ პრესკონფერენციას გამართვენ.  პრეზიდენტმა ერდოღანმა 3 თებერვალს ასევე განაცხადა, რომ ისრაელის პრეზიდენტი ისააკ ჰერცოგი ოფიციალური თურქეთს ვიზიტით მარტში ეწვევა. ასევე წაიკითხეთ: ისრაელის პრეზიდენტი თურქეთს ეწვევა მედიის ცნობით, პუტინი თურქეთს შესაძლოა, თებერვლის მეორე ნახევარში ეწვიოს

უცხოური მედია: ისრაელის სამხედრო ავიაციამ სირიის სარადარო და საზენიტო ბატარეები დაბომბა

ისრაელის სამხედრო ავიაციამ სირიის სარადარო და საზენიტო ბატარეები დაბომბა. ისრაელის თავდაცვის ძალების ინფორმაციით, ეს იყო პასუხი სირიის მხრიდან ისრაელის ტერიტორიის მიმართულებით რაკეტის სროლისთვის. მათივე ცნობით, ავიაიერიშების შედეგად სირიის საჰაერო თავდაცვის სისტემის რამდენიმე ბატარეა განადგურდა. ამასთან, ისრაელის მედია წერს, რომ სირიის მხრიდან ნასროლი რაკეტა ისრაელის ჩრდილოეთით, ჰაერში აფეთქდა და ნამსხვრევებმა დასახლებულ პუნქტ ჰომეშის მახლობლად მცირე ხანძარი გააჩინა.

ისრაელში "მწვანე პასპორტის" მოთხოვნის ვალდებულება გაუქმდა

ისრაელში "მწვანე პასპორტიs" მოთხოვნის ვალდებულება გაუქმდა. ამის შესახებ Reuters-ი წერს. „ტალღა შესუსტებულია”, - განაცხადა ისრაელის პრემიერ-მინისტრმა ნაფტალი ბენეტმა და განმარტა, რომ “მწვანე პასპორტის“ მოთხოვნა მთლიანად უქმდება. ამასთან, ისრაელში პანდემიის დაწყების დროიდან კორონავირუსის დაახლოებით 3.5 მილიონი შემთხვევა გამოვლინდა და 9 700-ზე მეტი ადამიანი დაიღუპა. ცნობისთვის, ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.

მოსკოვში პუტინთან მოლაპარაკებების შემდეგ, ისრაელის პრემიერი გერმანიაში ოლაფ შოლცთან შესახვედრად გაემგზავრა

ისრაელის პრემიერ-მინისტრ ნაფტალი ბენეტი რუსეთიდან გერმანიაში გაფრინდა. იუწყება ისრაელის მედია. ნაფტალი ბენეტი ვლადიმერ პუტინთან მოლაპარაკებების შემდეგ მოსკოვიდან გერმანიაში გაფრინდა. ბენენტი გერმანიის კანცლერ ოლაფ შულცს შეხვდება. პუტინთან შეხვედრა სამ საათზე მეტხანს გაგრძელდა. იმ ფონზე, რომ აშშ-ის ახლო მოკავშირე ისრაელმა დაგმო რუსეთის შეჭრა უკრაინაში, კიევს სოლიდარობა გამოუცხადა და ჰუმანიტარული დახმარება გაუგზავნა, ისრაელი რუსეთსა და უკრაინას შუამავლის როლს სთავაზობს. ისრაელის პრემიერის სპიკერის თქმით, კრიზისის განმუხტვის იმედით, ისრაელი მოსკოვთან კავშირზე რჩება. აღსანიშნავია, რომ ამ ფრენით ბენტმა შაბათი დაარღვია, თუმცა სპიკერის თქმით, ამას იუდაიზმი დასაშვებს ხდის, როცა მიზანი ადამიანებისთვის სიცოცხლის შენარჩუნებაა. ისრაელის პრემიერ-მინისტრი ნაფტალი ბენეტი მოსკოვში მოულოდნელად ჩავიდა და პუტინს უკრაინაში ომის განსახილველად შეხვდა

ისრაელის პრემიერ-მინისტრი ნაფტალი ბენეტი მოსკოვში მოულოდნელად ჩავიდა და პუტინს უკრაინაში ომის განსახილველად შეხვდა

ისრაელის პრემიერ-მინისტრი ნაფტალი ბენეტი მოსკოვში ჩავიდა და პუტინს უკრაინაში ომის განსახილველად შეხვდა. იმ ფონზე, რომ აშშ-ის ახლო მოკავშირე ისრაელმა დაგმო რუსეთის შეჭრა უკრაინაში, კიევს სოლიდარობა გამოუცხადა და ჰუმანიტარული დახმარება გაუგზავნა, ისრაელს რუსეთსა და უკრაინას შორის შუამავლის როლის შესრულება სურს. ისრაელის პრემიერის სპიკერის თქმით, კრიზისის განმუხტვის იმედით, ისრაელი მოსკოვთან კავშირზე რჩება. აღსანიშნავია, რომ ამ ფრენით ბენტმა შაბათი დაარღვია, თუმცა სპიკერის თქმით, ამას იუდაიზმი დასაშვებს ხდის, როცა მიზანი ადამიანებისთვის სიცოცხლის შენარჩუნებაა. ებრაელი ერის რელიგიის თანახმად, ყოველკვირეულ სადღესასწაულო დღედ მიჩნეულია შაბათი. ის აღინიშნება სანთლების დანთებით, სადღესასწაული ტრაპეზით. შაბათს იკრძალება ყოველგვარი შრომა, ცეცხლის დანთება, ტრანსპორტით მგზავრობა.

ნაფტალი ბენეტი: ისრაელი შეეცდება მედიაციას უკრაინასა და რუსეთს შორის მაშინაც კი, თუ წარმატება ნაკლებად სავარაუდოა

ისრაელი გააგრძელებს რუსეთსა და უკრაინას შორის მედიაციის ძალისხმევას მაშინაც კი, თუ წარმატება ნაკლებად სავარაუდოა, განაცხადა პრემიერ-მინისტრმა ნაფტალი ბენეტმა კვირას რუსეთის პრეზიდენტ ვლადიმერ პუტინთან მოულოდნელი მოლაპარაკებებიდან დაბრუნების შემდეგ. უკრაინამ შუამავლის როლის შესრულება უკრაინამ სთხოვა. ბენეტის ოფისმა განაცხადა, რომ უკრაინის პრეზიდენტ ვლადიმირ ზელენსკის სამჯერ ესაუბრა. „იმ დროს, როდესაც თუნდაც მცირე შანსი არსებობს და ჩვენ გვაქვს წვდომა ყველა მხარესთან, მე მიმაჩნია, ჩვენი ვალია, მცდელობა არ დავაკლოთ“, - განაცხადა ისრაელის პრემიერმა. ისრაელმა დაგმო რუსეთის შეჭრა უკრაინაში, სოლიდარობა გამოუცხადა კიევს და გაუგზავნა ჰუმანიტარული დახმარება. მაგრამ ბენეტმა არ დააკმაყოფილა უკრაინის თხოვნა სამხედრო დახმარების შესახებ და ღია დატოვა არხები რუსეთთან, რომელთანაც ისრაელი კოორდინაციას უწევს თავის ოპერაციებს სირიაში, ირანის განლაგების წინააღმდეგ. ვინ ახლდა თან ნაფტალი ბენეტს რუსეთში - ისრაელის პრემიერის მოულოდნელი ვიზიტი მოსკოვსა და ბერლინში    

ისრაელის ავიაკომპანია განმარტავს, რომ კომპანიამ რუსული Mir-ის მეშვეობით გადახდები 28 თებერვალს შეაჩერა

ისრაელის ავიაკომპანია El Al-ი უკრაინის საგარეო საქმეთა მინისტრის განცხადებას პასუხობს იმის შესახებ, რომ გადახდებს რუსული საბანკო სისტემა „Mir“-ის მეშვეობით უშვებს, რითაც გვერდს უვლის რუსეთის წინააღმდეგ დაწესებულ საერთაშორისო სანქციებს. კომპანიის განმარტებით, Mir-ის მეშვეობით გადახდები 28 თებერვალს შეაჩერა.„სამწუხაროა, რომ შეცდომაში შემყვან „ტვიტამდე“ ჩვენთან ფაქტი არ გადამოწმებულა, ფაქტები კი სრულიად განსხვავებულია“, - აცხადებენ ავიაკომპანიაში.მისივე თანახმად, კომპანიამ განახორციელა ჰუმანიტარული ფრენები უკრაინაში, ასევე, ხელი შეუწყო ლტოლვილების ისრაელში  გადაყვანას. ისრაელმა დაგმო რუსეთის შეჭრა უკრაინაში, სოლიდარობა გამოუცხადა კიევს და გაუგზავნა ჰუმანიტარული დახმარება. მაგრამ  ქვეყნის პრემიერმა ბენეტმა არ დააკმაყოფილა უკრაინის თხოვნა სამხედრო დახმარების შესახებ და ღია დატოვა არხები რუსეთთან, რომელთანაც ისრაელი კოორდინაციას უწევს თავის ოპერაციებს სირიაში. დმიტრო კულება: ისრაელის ავიახაზები რუსული საბანკო სისტემა „მირ“-ით უშვებს გადახდებს, ეს ამორალურია

ვოლოდიმირ ზელენსკიმ ისრაელის პრემიერთან სატელეფონო საუბრისას „ომის დასრულების გზები“ განიხილა

უკრაინის პრეზიდენტი ვოლოდიმირ ზელენსკიმ ისრაელის პრემიერ-მინისტრ ნაფტალი ბენეტის მედიაციაში ძალისხმევისთვის მადლობა გადაუხადა. ამის შესახებ ზელენსკიმ სოციალურ ქსელში დაწერა. „ვესაუბრე ნაფტალი ბენეტს. მადლობა გადავუხადე ისრაელის მედიაციის ძალისხმევისთვის. განვიხილეთ ომისა და ძალადობის დასრულების გზები“, – წერს ზელენსკი.    

ისრაელის პრეზიდენტი თურქეთში ოფიციალური ვიზიტით იმყოფება

თურქეთში ისრაელის პრეზიდენტის ოფიციალური ვიზიტი დაიწყო. ორდღიანი სახელმწიფო ვიზიტის ფარგლებში, ჰერცოგი თურქეთის პრეზიდენტს შეხვდება, რის შემდეგაც ერთობლივ პრესკონფერენციას გამართავენ. თურქული მედია წერს, რომ მრავალი წლის შემდეგ, ისრაელის სახელმწიფოს მეთაურის პირველი ვიზიტი თურქეთთან ურთიერთობების გაუმჯობესებისკენ გადადგმულ ნაბიჯად განიხილება.

ისრაელში უკრაინის ელჩი: ძალიან ცოტა ნაბიჯს ვხედავთ, ისრაელის მთავრობისგან მხარდაჭერის კუთხით

ძალიან ცოტა ნაბიჯს ვხედავთ ისრაელის მთავრობისგან მხარდაჭერის კუთხით, აგრესორის წინააღმდეგ სანქციების დაწესების კუთხით, - ამის შესახებ ისრაელში უკრაინის ელჩმა, ევგენი კორნიიჩუკმა განაცხადა. „ჩვენ ძალიან ცოტა ნაბიჯს ვხედავთ ისრაელის მთავრობისგან მხარდაჭერის კუთხით, აგრესორის წინააღმდეგ სანქციების დაწესების კუთხით, ჩვენი სამხედრო და თავდაცვითი საჭიროებების თვალსაზრისით და მათ იციან ამის შესახებ. დრო იწურება და სამწუხაროდ, დრო ჩვენს სასარგებლოდ არ მუშაობს. სულ ეს არის, რაც შემიძლია გითხრათ“, - აღნიშნა ისრაელში უკრაინის ელჩმა. ასევე წაიკითხეთ: ისრაელის პრემიერ-მინისტრი ნაფტალი ბენეტი მოსკოვში მოულოდნელად ჩავიდა და პუტინს უკრაინაში ომის განსახილველად შეხვდა

ისრაელის პრემიერ-მინისტრი თანახმაა კიევში ჩავიდეს

ისრაელის პრემიერ-მინისტრი ნაფტალი ბენეტი თანახმაა კიევში ჩავიდეს, თუ უკრაინას და რუსეთს მართლაც სურთ ცეცხლის შეწყვეტა და მისი ვიზიტი შეთანხმების მიღწევას დაეხმარება. ამის შესახებ წერს ისრაელის ინგლისურენოვანი გამოცემა Ynet-ი. გამოცემის თანახმად, ისრაელის პრემიერ-მინისტრის ოფისმა უსაფრთხოების სამსახურს მიმართა, მიიღოს შესაბამისი ზომები უახლოეს ხანში, კიევში პრემიერ-მინისტრ ბენეტის ვიზიტის უსაფრთხოების უზრუნველსაყოფად. ამასთან, როგორც Ynet-ი წერს, ისრაელის უსაფრთხოების სამსახურის ზოგიერთი თანამშრომელი შიშობს, რომ აქტიური საბრძოლო მოქმედებების ზონაში პრემიერის ჩასვლა სარისკოა.

მიხეილ ჩხენკელმა ისრაელის დელეგაციას უმასპინძლა

საქართველოს განათლებისა და მეცნიერების მინისტრმა, მიხეილ ჩხენკელმა ისრაელის დელეგაციას უმასპინძლა, რომელსაც ისრაელის საგარეო საქმეთა სამინისტროს ყოფილი გენერალური დირექტორი ნისიმ ბენ შიტრიტი ხელმძღვანელობდა. განათლების სამინისტროს ცნობით, შეხვედრას ასევე ესწრებოდა ისრაელის ელჩი საქართველოში რან გიდორი. უწყების ინფორმაციით, შეხვედრაზე მხარეებმა სტუდენტების უკრაინიდან საქართველოს უმაღლეს საგანმანათლებლო დაწესებულებებში მობილობის დეტალები განიხილეს. განათლების სამინისტროში აცხადებენ, რომ საქმე ეხება ჯანდაცვის მიმართულების სტუდენტებს, რომლებიც ისრაელის მოქალაქეები არიან, 2022 წლის 24 თებერვალს უკრაინაში დაწყებული საომარი მოქმედებების შედეგად ვერ აგრძელებენ სწავლას უკრაინის უმაღლეს საგანმანათლებლო დაწესებულებებში და გამოხატავენ სურვილს, სწავლა გააგრძელონ საქართველოში. მიხეილ ჩხენკელმა აღნიშნა, რომ საქართველოს პრემიერ-მინისტრის ირაკლი ღარიბაშვილის მხარდაჭერით, ქართული მხარე მზად არის, მაქსიმალურად შეუწყოს ხელი ისრაელის მოქალაქე სტუდენტებს, რათა მათ დროულად შეძლონ სწავლის გაგრძელება საქართველოს უნივერსიტეტებში. მინისტრმა ხაზი გაუსვა, რომ საქართველოს უმაღლესი საგანმანათლებლო დაწესებულებები საერთაშორისო სტუდენტებს სთავაზობს სამედიცინო განათლების მსოფლიო ფედერაციის (WFME) მიერ აღიარებულ ინგლისურენოვან მედიცინის პროგრამებს, ასევე ფარმაციისა და სტომატოლოგიის ინგლისურენოვან საგანმანათლებლო პროგრამებს. შესაბამისად, მათ აქვთ უმაღლესი საერთაშორისო სტანდარტი. თავის მხრივ, ისრაელის მხარემ მადლობა გადაუხადა საქართველოს მთავრობას და პირადად პრემიერ-მინისტრს ირაკლი ღარიბაშვილს მხარდაჭერისა და თანადგომისათვის. როგორც ნისიმ ბენ შიტრიტმა აღნიშნა, ეს არის თანამშრომლობის კარგი დასაწყისი ებრაელი სტუდენტების საქართველოში სწავლის მიმართულებით, რომელიც მომავალში კიდევ უფრო გაფართოვდება. ისრაელის ელჩმა საქართველოში რან გიდორმა ხაზი გაუსვა, რომ ამ ნაბიჯით – საერთაშორისო სტუდენტების მოზიდვის კუთხით, საქართველო რეგიონულ ჰაბად ყალიბდება. „მნიშვნელოვანია, რომ განათლებისა და მეცნიერების სამინისტრო მაქსიმალურად შეუწყობს ხელს მობილობის შესაბამისი პროცედურების დაჩქარებული წესით ადმინისტრირებასა და სტუდენტების დროულ ჩარიცხვას შესაბამის უმაღლეს საგანმანათლებლო დაწესებულებებში“, – აცხადებენ განათლების სამინისტროში.

Reuters: შეიარაღებულმა თავდამსხმელმა თელ-ავივის გარეუბანში სულ მცირე 5 ადამიანი მოკლა

ისრაელის სასწრაფო დახმარების სამსახურის ცნობით, შეიარაღებულმა პირმა თელ-ავივის გარეუბანში სანამ თავად დაჭრიდნენ სასიკვდილოდ სულ მცირე ხუთი ადამიანი მოკლა. ამის შესახებ Reuters წერს.  ისრაელის ტელევიზიებში გავრცელებულ ვიდეოში ჩანს შავებში ჩაცმულ კაცი, ცეცხლსასროლი იარაღით, რომელიც ხალხს იარაღს უმიზნებს. კადრები გადაღებულია ებრაულ ულტრამართლმადიდებლურ ქალაქში. მედიის ცნობით,  თავდამსხმელი იყო პალესტინელი, ქალაქ ჯენინის მახლობლად მდებარე სოფლიდან. გასულ კვირაში არაბი თავდამსხმელების მიერ მოკლული ებრაელთა რიცხვი 11-მდე გაზარდა. 

იერუსალიმში, ებრაელთა და მუსლიმთა წმინდა ადგილას, შეტაკების დროს 300 პალესტინელი დააკავეს და 150 კი დაშავდა

იერუსალიმში, „ტაძრის მთაზე,“ ებრაელთა და მუსლიმთა წმინდა ადგილას, შეტაკების დროს 300 პალესტინელი დააკავეს და 150 დაშავდა. გავრცელებულ ვიდეოჩანაწერებში ჩანს, როგორ გაფანტა ისინი პოლიციამ ცრემლმდენი გაზის, დამაბრმავებელი ყუმბარების და ხელკეტების გამოყენებით. ამასთან, შეტაკების შედეგად სამი ისრაელელი პოლიციელიც დაშავდა.  ცნობისთვის, მასობრივი არეულობა დილის ლოცვის დროს დაიწყო. ისრაელის მედიის თანახმად, ასეულობით არაბული წარმოშობის პირმა პალესტინელთა ავტონომიის და ჰამასის დროშებით, იერუსალიმის ქუჩებში გაიარა, შემდეგ კი ქვები დაუშინეს მლოცველებს, რომლებიც ებრაელთა წმინდა ადგილას, „გოდების კედელთან“ ლოცულობდნენ.

იერუსალიმში, ისრაელის პოლიციასთან შეტაკებისას სულ მცირე 31 პალესტინელი დაშავდა

იერუსალიმში, ალ-აქსას მეჩეთთან ისრაელის პოლიციასთან შეტაკებისას სულ მცირე 31 პალესტინელი დაშავდა. როგორც ცნობილია, საავადმყოფოში 14 ადამიანი გადაიყვანეს, მათგან ორის მდგომარეობა მძიმეა. "პოლიცია მას შემდეგ ჩაერია, რაც ასობით პალესტინელმა ქვებისა და შაშხანების სროლა დაიწყო და დასავლეთის კედელს მიუახლოვდნენ, სადაც იმ დროს ებრაელების ღვთისმსახურება მიმდინარეობდა", - ვკითხულობთ Reuters-ის მიერ გავრცელებულ ინფორმაციაში.  

ისრაელი მოსკოვისგან ბოდიშის მოხდას ითხოვს

ისრაელმა დაგმო რუსეთის საგარეო საქმეთა მინისტრ სერგეი ლავროვის განცხადება იმის შესახებ, რომ ადოლფ ჰიტლერს ებრაული წარმომავლობა ჰქონდა. ისრაელი ლავროვს ანტისემიტიზმის გავრცელებასა და ჰოლოკოსტის დაკნინებაში ადანაშაულებს. „ასეთი ტყუილები მიზნად ისახავს თავად ებრაელების დადანაშაულებას ისტორიაში ყველაზე საზარელ დანაშაულებში, რაც მათ წინააღმდეგ ჩაიდინეს“, - აღნიშნა ისრაელის პრემიერ-მინისტრმა ნაფტალი ბენეტმა გავრცელებულ განცხადებაში. რუსეთის საელჩოსა და თავად ლავროვის მხრიდან კომენტარი არ გაკეთებულა. იტალიურ ტელეარხ Rete 4-თან ინტერვიუში, ლავროვს ჰკითხეს, როგორ შეუძლია, რუსეთს თქვას, რომ უკრაინის „დენაციფიკაცია“ უნდა განახორციელოს, როცა ქვეყნის პრეზიდენტი, ვოლოდიმირ ზელენსკი ებრაელია. ლავროვმა უპასუხა, რომ „ჰიტლერსაც ებრაული წარმომავლობა ჰქონდა, ასე რომ, ეს არაფერს ნიშნავს“.  

ისრაელი უკრაინისთვის თავდაცვის სისტემების მიწოდების შესაძლებლობას განიხილავს - მედია

ისრაელის ხელისუფლება უკრაინისთვის დახმარების მიწოდების შესაძლო გაზრდას განიხილავს, მათ შორის იგულისხმება თავდაცვის სისტემების მიწოდება, იტყობინება გაზეთი Haaretz-ი.  „ამ საკითხზე დისკუსიების დროს, ოფიციალური პირების უმეტესობა მხარს უჭერს იმ ვარიანტს, რომლითაც ისრაელი გაზრდის სამხედრო და სამოქალაქო ტვირთების მოცულობას უკრაინისთვის. უახლოეს დღეებში მოსალოდნელია დამატებითი დისკუსიები, რომლის დროსაც ისინი განიხილავენ იმ ტვირთის ჩამონათვალს, რაც შეიძლება, უკრაინაში გაგზავნოს. ", - წერს გაზეთი. ნაფტალი ბენეტი: ისრაელი შეეცდება მედიაციას უკრაინასა და რუსეთს შორის მაშინაც კი, თუ წარმატება ნაკლებად სავარაუდოა ამავდროულად, როგორც ერთ-ერთმა წყარომ ანონიმურობის პირობით განაცხადა, უკრაინის მხარდაჭერის ერთ-ერთი მიზეზი, რომელიც გაამჟღავნდა მთავრობის სხდომაზე, იმის გააზრებაა, რომ აშშ და ევროპის სხვადასხვა ქვეყანა ისრაელისგან ელის მკაფიო პოზიციას, რომელ მხარეს იკავებს უკრაინის საკითხის გარშემო. გაზეთი აღნიშნავს, რომ ისრაელის მხარდაჭერა უკრაინისადმი ფაქტობრივად, უფრო დეკლარაციული ხასიათის იქნება და არ მოიცავს ტვირთის მნიშვნელოვან რაოდენობას, ნაწილობრივ იმიტომ, რომ აშშ და ევროპის ქვეყნები უკვე აწვდიან უკრაინას იმაზე მეტ დახმარებას, ვიდრე ეს ისრაელს შეუძლია". ასევე, ისრაელის შესაბამის ოფიციალურ პირებს შორის არის კონსენსუსი, რომ ყოველ შემთხვევაში, ამ ეტაპზე უკრაინის არმია არ მიიღებს საზენიტო სისტემებს, თანამედროვე იარაღს, შეტევითი იარაღს“. სამაგიეროდ, ამ დროისთვის საუბარია „თავდაცვითი სისტემების მიწოდებაზე, პერსონალურ საბრძოლო აღჭურვილობასა და გამაფრთხილებელ სისტემებზე, რომლებიც შეიძლება, გაიგზავნოს რუსეთთან კრიზისის გამოწვევის გარეშე“, - წერს Haaretz. გაზეთი იხსენებს, რომ მანამდე ისრაელის თავდაცვის სამინისტრომ უკრაინის არმიისთვის ჯავშანტექნიკის და ჩაფხუტების მიწოდება დაამტკიცა. გარდა ამისა, ისრაელმა უკრაინას მიაწოდა 100 ტონა ჰუმანიტარული დახმარება, მათ შორის წყლის გამწმენდი სისტემები, სამედიცინო აღჭურვილობა და სხვა დახმარება. ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო. 12 აპრილს, აშშ-ის პრეზიდენტმა ჯო ბაიდენმა რუსეთის პრეზიდენტი ვლადიმერ პუტინი გენოციდში დაადანაშაულა. 14 აპრილს უკრაინის უმაღლესმა რადამ რუსეთის შეიარაღებული ძალების მოქმედებები უკრაინელი ხალხის წინააღმდეგ გენოციდად აღიარა. 19 აპრილს, რუსეთმა აღმოსავლეთ უკრაინაში აქტიური იერიში დაიწყო. რუსეთმა თავისი საომარი მოქმედებების ძირითადი აქცენტი აღმოსავლეთ უკრაინაში გადაიტანა. 21 აპრილს, ლატვიისა და ესტონეთის პარლამენტებმა უკრაინაში რუსეთის ქმედებები გენოციდად აღიარეს. 28 აპრილს, კანადის პარლამენტმა უკრაინაში რუსეთის ქმედებები გენოციდად აღიარა. რუსეთის ძალებმა 2022 წლის 4-დან 31 მარტამდე უკრაინის დედაქალაქ კიევიდან ჩრდილო-დასავლეთით 30 კილომეტრში მდებარე ქალაქ ბუჩის ოკუპაციის დროს ომის აშკარა დანაშაულები ჩაიდინეს, ნათქვამია Human Rights Watch-ის 21 აპრილს გამოქვეყნებულ დეტალურ ანგარიშში. ორგანიზაციამ ომის დანაშაულის და კაცობრიობის წინააღმდეგ პოტენციური დანაშულის მტკიცებულებები შეაგროვა. დასავლეთი რუსეთს მძიმე სანქციებს უწესებს და უკრაინას სამხედრო და ეკონომიკურ დახმარებას უწევს.  

ისრაელი: პუტინმა პრემიერ-მინისტრ ბენეტს ლავროვის კომენტარების გამო ბოდიში მოუხადა

ისრაელის პრემიერ-მინისტრის ნაფტალი ბენეტის ოფისმა განაცხადა, რომ რუსეთის პრეზიდენტმა ვლადიმერ პუტინმა ბოდიში მოიხადა იმ ანტისემიტური კომენტარებისთვის, რომლებიც რუსეთის საგარეო საქმეთა მინისტრმა სერგეი ლავროვმა ამ კვირის დასაწყისში გააკეთა. ისრაელი მოსკოვისგან ბოდიშის მოხდას ითხოვს „პრემიერმა მიიღო პრეზიდენტ პუტინის ბოდიში ლავროვის კომენტარების გამო და მადლობა გადაუხადა მას ებრაელი ხალხისა და ჰოლოკოსტის ხსოვნისადმი პრეზიდენტის დამოკიდებულების გარკვევით გამოხატვისთვის“, - ნათქვამია ბენეტის ოფისში ოფიციალურ განცხადებაში. ცნობისთვის, 2 მაისს, ისრაელმა დაგმო რუსეთის საგარეო საქმეთა მინისტრ სერგეი ლავროვის განცხადება იმის შესახებ, რომ ადოლფ ჰიტლერს ებრაული წარმომავლობა ჰქონდა. ისრაელმა ლავროვი ანტისემიტიზმის გავრცელებასა და ჰოლოკოსტის დაკნინებაში დაადანაშაულა. ისრაელმა რუსეთის ელჩიც დაიბარა. „ასეთი ტყუილები მიზნად ისახავს თავად ებრაელების დადანაშაულებას ისტორიაში ყველაზე საზარელ დანაშაულებში, რაც მათ წინააღმდეგ ჩაიდინეს“, - აღნიშნა ისრაელის პრემიერ-მინისტრმა ნაფტალი ბენეტმა 2 მაისს გავრცელებულ განცხადებაში. მანამდე, იტალიურ ტელეარხ Rete 4-თან ინტერვიუში, ლავროვს ჰკითხეს, როგორ შეუძლია, რუსეთს თქვას, რომ უკრაინის „დენაციფიკაცია“ უნდა განახორციელოს, როცა ქვეყნის პრეზიდენტი, ვოლოდიმირ ზელენსკი ებრაელია. ლავროვმა უპასუხა, რომ „ჰიტლერსაც ებრაული წარმომავლობა ჰქონდა, ასე რომ, ეს არაფერს ნიშნავს“.  

ისრაელის ქალაქ ელადში ტერაქტის შედეგად სამი ადამიანი მოკლეს, არიან დაჭრილებიც

ისრაელის ქალაქ ელადში ტერაქტის შედეგად სამი ადამიანი მოკლეს, არიან დაჭრილებიც. როგორც მედია იუწყება, დანებითა და ნაჯაცებით შეიარაღებული ორი ბოროტმოქმედი ერთ-ერთ პარკში გამვლელებს დაესხა თავს. ამ ეტაპზე დამნაშავეების სამძებრო ოპერაცია მიმდინარეობს. პოლიციას მოწყობილი აქვს ბლოკ საგუშაგოები და მანქანებს აჩერებს. თავდასხმა ისრაელის დამოუკიდებლობის დღეს მოხდა. მომხდარის გამო პოლიციამ მოუწოდა მოქალაქეებს, სახლიდან გასვლას მოერიდონ.  

ისრაელი აეროპორტში სავალდებულო PCR ტესტირებას აუქმებს

ისრაელში შესულ მოგზაურებს 20 მაისიდან აეროპორტში კორონავირუსის სავალდებულო ტესტირების ჩატარება აღარ მოუწევთ, იტყობინება Reuters-ი ჯანდაცვის სამინისტროზე დაყრდნობით. ჯანდაცვის დეპარტამენტმა ტესტირების მოთხოვნის გაუქმების მიზეზად შემთხვევათა რაოდენობის სტაბილური შემცირება დაასახელა. მოქმედი რეგულაციების თანახმად, ყველა, ვინც ბენ გურიონის აეროპორტში ჩაფრინდება, უნდა გაიაროს ტესტირება, რომლის საფასურიც მოგზაურებმა თავად უნდა გადაიხადონ. ტესტირების შემდეგ კი, 24 საათის განმავლობაში კარანტინში უნდა იყვნენ, ვიდრე შედეგებს არ მიიღებენ. გარდა ამისა, სამშაბათიდან ისრაელში ჩასულებს საშუალება ექნებათ, გამგზავრებამდე გაიკეთონ ანტიგენის ტესტი PCR ტესტის ნაცვლად, ნათქვამია ჯანდაცვის სამინისტროს განცხადებაში.  

ისრაელის საელჩომ უკრაინის დედაქალაქში მუშაობა ოფიციალურად განაახლა

ისრაელის საელჩომ უკრაინის დედაქალაქში კიევში მუშაობა ოფიციალურად განაახლა. უკრაინის საგარეო საქმეთა სამინისტროს ინფორმაციით, 14 მაისის მდგომარეობით, კიევში 40-მდე დიპლომატიურმა წარმომადგენლობამ განაახლა მუშაობა. შეგახსენებთ, რომ უკრაინაში რუსეთის შეჭრის შემდეგ, უცხო ქვეყნების უმეტესობამ საკუთარი დიპლომატები დროებით ქვეყნიდან გაიყვანა. ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო. 12 აპრილს, აშშ-ის პრეზიდენტმა ჯო ბაიდენმა რუსეთის პრეზიდენტი ვლადიმერ პუტინი გენოციდში დაადანაშაულა. 14 აპრილს უკრაინის უმაღლესმა რადამ რუსეთის შეიარაღებული ძალების მოქმედებები უკრაინელი ხალხის წინააღმდეგ გენოციდად აღიარა. 19 აპრილს, რუსეთმა აღმოსავლეთ უკრაინაში აქტიური იერიში დაიწყო.  21 აპრილს, ლატვიისა და ესტონეთის პარლამენტებმა უკრაინაში რუსეთის ქმედებები გენოციდად აღიარეს. 28 აპრილს, კანადის პარლამენტმა უკრაინაში რუსეთის ქმედებები გენოციდად აღიარა. რუსეთის ძალებმა 2022 წლის 4-დან 31 მარტამდე უკრაინის დედაქალაქ კიევიდან ჩრდილო-დასავლეთით 30 კილომეტრში მდებარე ქალაქ ბუჩის ოკუპაციის დროს ომის აშკარა დანაშაულები ჩაიდინეს, ნათქვამია Human Rights Watch-ის 21 აპრილს გამოქვეყნებულ დეტალურ ანგარიშში. ორგანიზაციამ ომის დანაშაულის და კაცობრიობის წინააღმდეგ პოტენციური დანაშულის მტკიცებულებები შეაგროვა. დასავლეთი რუსეთს მძიმე სანქციებს უწესებს და უკრაინას სამხედრო და ეკონომიკურ დახმარებას უწევს.  

ისრაელმა უკრაინას 2000 ჩაფხუტი და 500 დამცავი ჟილეტი გადასცა

"ისრაელმა 2000 ჩაფხუტი და 500 დამცავი ჟილეტი უკრაინის საგანგებო და სამოქალაქო ორგანიზაციებს გადასცა", -  ამის შესახებ ინფორმაციას ისრაელის თავდაცვის სამინისტრო ავრცელებს.  Sky News-ის ცნობით, ისრაელმა დაგმო რუსეთის შეჭრა უკრაინაში, თუმცა მხოლოდ მხოლოდ ჰუმანიტარული დახმარებით შემოიფარგლა. ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო. 12 აპრილს, აშშ-ის პრეზიდენტმა ჯო ბაიდენმა რუსეთის პრეზიდენტი ვლადიმერ პუტინი გენოციდში დაადანაშაულა. 14 აპრილს უკრაინის უმაღლესმა რადამ რუსეთის შეიარაღებული ძალების მოქმედებები უკრაინელი ხალხის წინააღმდეგ გენოციდად აღიარა. 19 აპრილს, რუსეთმა აღმოსავლეთ უკრაინაში აქტიური იერიში დაიწყო.  21 აპრილს, ლატვიისა და ესტონეთის პარლამენტებმა უკრაინაში რუსეთის ქმედებები გენოციდად აღიარეს. 28 აპრილს, კანადის პარლამენტმა უკრაინაში რუსეთის ქმედებები გენოციდად აღიარა. რუსეთის ძალებმა 2022 წლის 4-დან 31 მარტამდე უკრაინის დედაქალაქ კიევიდან ჩრდილო-დასავლეთით 30 კილომეტრში მდებარე ქალაქ ბუჩის ოკუპაციის დროს ომის აშკარა დანაშაულები ჩაიდინეს, ნათქვამია Human Rights Watch-ის 21 აპრილს გამოქვეყნებულ დეტალურ ანგარიშში. ორგანიზაციამ ომის დანაშაულის და კაცობრიობის წინააღმდეგ პოტენციური დანაშულის მტკიცებულებები შეაგროვა. დასავლეთი რუსეთს მძიმე სანქციებს უწესებს და უკრაინას სამხედრო და ეკონომიკურ დახმარებას უწევს. ასევე წაიკითხეთ: ისრაელის პრემიერ-მინისტრი ნაფტალი ბენეტი მოსკოვში მოულოდნელად ჩავიდა და პუტინს უკრაინაში ომის განსახილველად შეხვდა  

მევლუთ ჩავუშოღლუ პალესტინის შემდეგ ისრაელში ჩავა

თურქეთის საგარეო საქმეთა მინისტრის მევლუთ ჩავუშოღლუს ვიზიტი ისრაელში მნიშვნელოვანია ანკარასა და თელ-ავივის დაახლოების თვალსაზრისით. ამის შესახებ „ანადოლუს“ ისრაელის საგარეო საქმეთა სამინისტროს სპიკერმა ლიორ ჰაიატმა განუცხადა. „ჩავუშოღლუს ვიზიტი მართლაც მნიშვნელოვანია, როგორც ორი ქვეყნის დაახლოების პროცესის ნაწილი“, - განაცხადა ჰაიატმა. თურქეთის საგარეო საქმეთა მინისტრი მევლუთ ჩავუშოღლუ სამშაბათს ჩავიდა რამალაში პალესტინაში ოფიციალური ვიზიტის ფარგლებში, სადაც შეხვდა თავის პალესტინელ კოლეგას რიად ალ-მალიკის. ოთხშაბათს, 25 მაისს დაგეგმილია მევლუთ ჩავუშოღლუს შეხვედრა ისრაელის საგარეო საქმეთა მინისტრთან იაირ ლაპიდთან ვიწრო და გაფართოებულ ფორმატში. 

მევლუთ ჩავუშოღლუ: პალესტინის მხარდაჭერა და ანკარის ურთიერთობა თელ-ავივთან, ორი განსხვავებული საკითხია

თურქეთი განაგრძობს პალესტინელი ძმების მხარდაჭერას, დამოუკიდებელი და სუვერენული სახელმწიფოს შესაქმნისთვის დაწყებულ ბრძოლაში. ამის შესახებ თურქეთის საგარეო საქმეთა მინისტრმა მევლუთ ჩავუშოღლუმ დღეს რამალაში პალესტინელ კოლეგასთან რიად ალ-მალიკისთან შეხვედრის შემდეგ განაცხადა. ჩავუშოღლუმ აღნიშნა, რომ ანკარას პოზიცია პალესტინა-ისრაელის კონფლიქტთან დაკავშირებით ცნობილია. თურქეთი განსაკუთრებულ მნიშვნელობას ანიჭებს პალესტინელების მემარჯვენე ბრძოლას. „ამ მიმართულებით ჩვენ მხარდამხარ ვმუშაობთ“, - განაცხადა მინისტრმა. მან აღნიშნა, რომ თურქეთში საზოგადოების ყველა სექტორი მგრძნობიარეა. „ჩვენი ქვეყნის ყველა პოლიტიკური პარტია თანაბრად უჭერს მხარს თურქეთის ხელისუფლების პოზიციას პალესტინასთან დაკავშირებით. ჩვენ განვაგრძობთ ჩვენი პალესტინელი ძმების მხარდაჭერას დამოუკიდებელი და სუვერენული სახელმწიფოს შექმნისთვის დაწყებულ ბრძოლაში“, - განაცხადა ჩავუშოღლუმ. მევლუთ ჩავუშოღლუ პალესტინის შემდეგ ისრაელში ჩავა მისი თქმით, ისრაელის ცალმხრივი ნაბიჯები, უკანონო ებრაული დასახლებების მშენებლობა და პალესტინელების სახლებიდან იძულებითი გამოსახლება არის რეგიონში მშვიდობისთვის მიყენებული დარტყმა. „საერთაშორისო სამართლის თანახმად, მნიშვნელოვანია პალესტინის სახელმწიფოს დამოუკიდებლობის აღიარება 1967 წლის საზღვრებში აღმოსავლეთ იერუსალიმის დედაქალაქის ფარგლებში. ეს საკითხი უნდა გადაწყდეს „ორი სახელმწიფო ორი ხალხისთვის“ პრინციპით. ეს არის პალესტინის საკითხის გადაჭრის ერთადერთი გზა. თურქეთი განაგრძობს სამშვიდობო პროცესში წვლილის შეტანას“, - აღნიშნა მინისტრმა. ჩავუშოღლუმ გაიხსენა, რომ ოკუპირებულ აღმოსავლეთ იერუსალიმში, ალ-აქსას მეჩეთში განვითარებულმა მოვლენებმა ყველა მუსლიმის გული შეძრა. მისი თქმით, ალ-აქსას მეჩეთის განსაკუთრებული სტატუსისა და ხელშეუხებლობის შენარჩუნება მნიშვნელოვანია ყველა მუსლიმისთვის. „არ უნდა დაგვავიწყდეს, რომ ეს არის იერუსალიმის ისლამური ფონდების იურისდიქცია, რომელიც ვრცელდება ალ-აქსაზე. ჩვენ გავაგრძელებთ ძალისხმევას ამ მიმართულებით“, - განაცხადა მან. მისი თქმით, თურქეთი ისრაელთან დიალოგს უწყობს ხელს, თუმცა თანხმდება პოზიციაზე პალესტინასთან. „პალესტინის ბრძოლის მხარდაჭერა და ანკარას ურთიერთობა თელ-ავივთან ორი სრულიად განსხვავებული საკითხია“, - განაცხადა ჩავუშოღლუმ. ოთხშაბათს, 25 მაისს დაგეგმილია მევლუთ ჩავუშოღლუს მოლაპარაკებები ისრაელის საგარეო საქმეთა მინისტრთან იაირ ლაპიდთან ვიწრო და გაფართოებულ ფორმატში.

ისრაელის პრეზიდენტი: ჩვენს სახელმწიფოებს განსაკუთრებული ურთიერთობები აკავშირებთ, ისრაელი და საქართველო ახლოს არიან ერთმანეთთან

მოხარული ვარ, მოგილოცოთ დამოუკიდებლობის დღე ისრაელის პრეზიდენტების სასახლიდან. ჩვენს სახელმწიფოებს განსაკუთრებული ურთიერთობები აკავშირებთ. ეს არის თბილი, სტაბილური კავშირი, რომელიც სხვადასხვა დარგში საამაყო პარტნიორობას მოიცავს, – ამის შესახებ საქართველოს დამოუკიდებლობის დღესთან დაკავშირებით ისრაელის პრეზიდენტის ისააკ ჰერცოგის მილოცვაშია ნათქვამი. „ჩემო მეგობარო პატივცემულო ელჩო, ძვირფასო ლაშა, მეგობრებო, მოხარული ვარ, მოგილოცოთ დამოუკიდებლობის დღე ისრაელის პრეზიდენტების სასახლიდან. ჩვენს სახელმწიფოებს განსაკუთრებული ურთიერთობები აკავშირებთ. ეს არის თბილი, სტაბილური კავშირი, რომელიც სხვადასხვა დარგში საამაყო პარტნიორობას მოიცავს. ეს არ არის მხოლოდ მთავრობებსა და პარლამენტებს შორის დიპლომატიური ურთიერთობები, ეს არის ახლო პირადი ურთიერთობების მთელი წყობა კულტურებს და ხალხებს შორის ათასწლოვანი წარსულით და რა თქმა უნდა, საქართველოში ებრაული თემის ცხოვრების არაჩვეულებრივი ისტორია. ისრაელი და საქართველო გვანან ერთმანეთს და ახლოს არიან ერთმანეთთან. ჩვენი ორივე ქვეყანა გზაჯვარედინებზე არიან განლაგებული – გეოგრაფიულ გზებზე, რომლებიც იშლებიან კონტინენტებს, მთებსა და მდინარეებს შორის. მეტიც, რელიგიურ, კულტურულ და ისტორიის გზაჯვარედინებზე. ძველსა და ახალს შორის, მემკვიდრეობასა და განახლებას შორის. ჩვენს ხალხებს შორის არნახულად კარგი და ემოციური გადაკვეთა პრეზიდენტების სასახლიდან არც ისე შორს, ჯვრის ველზე, ჯვრის მონასტერში შედგა, როდესაც საქართველოს ცნობილი პოეტი შოთა რუსთაველი, რომლის პოემის დიდი თაყვანისმცემელი ვარ, მოვიდა იერუსალიმში, ჯვრის მონასტერში, რომელიც აქ, ისრაელის პრეზიდენტების სასახლესთან ახლოს მდებარეობს. შოთა რუსთაველის და წმინდა მიწის ერთმანეთთან შეხვედრის შედეგი ყოველი ჩვენგანისთვის ცნობილია „ვეფხისტყაოსანით“. შესანიშნავი პოემა, ხელოვნების ნიმუში და მთელი მსოფლიოს კულტურული მონაპოვარი შეიქმნა აქ, ამ მიწაზე. ისე, რომ გზაჯვარედინისკენ მომამვალმა ერთმა მოსახვევმა ასე მოიყვანა გამორჩეული ქარველი პოეტი ისრაელში და მსოფლიო კულტურა განსაცვიფრებელ სიმაღლეებზე. ჩვენ დღესაც ვართ გზაჯვარედინებზე და ამჯერად ჩვენი ორივე ერი ერთად მიუყვება გზას საერთო ბილიკზე. ჩვენს სახელმწიფოებს შორის ურთიერთობებმა ფესვები გაიდგა და ბევრი შედეგი გამოიღო. მათ შორის, თითქმის 3 000-წლიანი საერთო ისტორია, ქართველების არაჩვეულებრივი თემი ისრაელში, როგორც უკვე ვახსენე და ებრაელთა წარმატებული თემი საქართველოში“, – განაცხადა ისრაელის ელჩმა. დღეს, 26 მაისს საქართველო დამოუკიდებლობის დღეს აღნიშნავს. ეროვნული საბჭოს დადგენილებით, 1918 წლის 26 მაისს საქართველო დამოუკიდებელ რესპუბლიკად გამოცხადდა. რესპუბლიკის თავმჯდომარედ ნოე ჟორდანია აირჩიეს. 1918 წლის 26 მაისს მიიღეს „საქართველოს სახელმწიფოებრივი დამოუკიდებლობის აქტი“. საქართველოს დემოკრატიულმა რესპუბლიკამ, რომლის დამოუკიდებლობა ევროპის წამყვანმა ქვეყნებმა ცნეს, არსებობა არასრული სამი წლის თავზე, საბჭოთა რუსეთის მიერ განხორციელებული ოკუპაციის შემდეგ შეწყვიტა. საქართველომ დამოუკიდებლობის აღდგენა 70 წლის შემდეგ, 1991 წლის 9 აპრილს, შეძლო. ასევე წაიკითხეთ: საქართველოს დამოუკიდებლობის დღესთან დაკავშირებით 15 ქალაქში სამხედრო ტექნიკა გამოიფინება, დაგეგმილია საჰაერო კომპონენტის ჩვენებაც ილია დარჩიაშვილი: მტკიცედ ვადგავართ საქართველოს განვითარების ევროპულ გზას და დარწმუნებული ვართ წარმატებაში ენტონი ბლინკენი საქართველოს დამოუკიდებლობის დღეს ულოცავს  

ირაკლი ღარიბაშვილი ისრაელს ეწვევა

საქართველოს პრემიერ-მინისტრი ირაკლი ღარიბაშვილი ისრაელის სახელმწიფოს ეწვევა. ამის შესახებ ინფორმაციას მთავრობის ადმინისტრაციის პრესსამსახური ავრცელებს. მათივე ცნობით, მთავრობის მეთაურის ვიზიტი ისრაელის სახელმწიფოში ოფიციალურად 30 მაისს, ისრაელის სახელმწიფოს პრემიერ-მინისტრ ნაფტალი ბენეტთან შეხვედრით დაიწყება. გარდა ამისა, დაგეგმილია სხვა მაღალი დონის შეხვედრები. ვიზიტის ფარგლებში, ირაკლი ღარიბაშვილი გვირგვინით შეამკობს ჰოლოკოსტის მსხვერპლთა მემორიალს. საქართველოს მთავრობის მეთაურს საპატრიარქოში უმასპინძლებს იერუსალიმის პატრიარქი თეოფილოს III.

ღარიბაშვილი ნატფალი ბენეტთან შეხვედრაზე: შევთანხმდით, რომ მზარდ თანამშრომლობას კიდევ უფრო განვავითარებთ აუთვისებელი პოტენციალის სრული გამოყენების მიზნით

„ისრაელის სახელმწიფოს პრემიერ-მინისტრ ნაფტალი ბენეტთან კარგი შეხვედრა მქონდა, ჩვენს ორ ქვეყანას შორის 26-საუკუნოვანი მეგობრობა საამაყოა ჩვენი მოძმე ერების საერთო ისტორიაში“, - ამ შეფასებით, საქართველოს პრემიერ-მინისტრი ირაკლი ღარიბაშვილი ისრაელის სახელმწიფოს პრემიერ-მინისტრ ნაფტალი ბენეტთან შეხვედრას სოციალურ ქსელ Twitter-ზე საკუთარ გვერდზე ეხმაურება. ირაკლი ღარიბაშვილმა და ისრაელის პრემირმა თავდაცვისა და უსაფრთხოების სფეროში თანამშრომლობის გაფართოების პერსპექტივები განიხილეს ღარიბაშვილი აღნიშნავს, რომ შეხვედრისას მხარეები თანამშრომლობის კიდევ უფრო განვითარებაზე შეთანხმდნენ, რათა სრულად იყოს ათვისებული არსებული პოტენციალი. „ისრაელში ჩემი ოფიციალური ვიზიტი დაიწყო. დღეს მქონდა ისრაელის სახელმწიფოს პრემიერ-მინისტრ ნაფტალი ბენეტთან შეხვედრის პატივი. ჩვენს ორ ქვეყანას შორის 26-საუკუნოვანი მეგობრობა საამაყოა ჩვენი მოძმე ერების საერთო ისტორიაში. შევთანხმდით, რომ მზარდ თანამშრომლობას კიდევ უფრო განვავითარებთ აუთვისებელი პოტენციალის სრული გამოყენების მიზნით“, - აღნიშნავს ირაკლი ღარიბაშვილი.  

რა საკითხები განიხილა ირაკლი ღარიბაშვილმა ისრაელში გამართულ შეხვედრებზე

საქართველოს პრემიერ-მინისტრი ირაკლი ღარიბაშვილი ისრაელში ვიზიტით იმყოფება. ვიზიტი ისრაელის სახელმწიფოში ოფიციალურად 30 მაისს, ისრაელის სახელმწიფოს პრემიერ-მინისტრ ნაფტალი ბენეტთან შეხვედრით დაიწყო.  პრემიერ-მინისტრი ასევე შეხვდა საგარეო საქმეთა მინისტრ და ალტერნატიულ პრემიერ-მინისტრ იაირ ლაპიდს და სახელმწიფოს ქნესეთის თავმჯდომარეს მიკი ლევის. ბენეტი ირაკლი ღარიბაშვილთან შეხვედრაზე: მეგობრული და ნაყოფიერი საუბარი გვქონდა ისრაელსა და საქართველოს შორის ერთობლივი შესაძლებლობების ათვისების შესახებ ლავისთან საუბრის ძირითადი თემები იყო ორი ქვეყნის ურთიერთობების განვითარების კუთხით არსებული პოზიტიური დინამიკა და წარმატებული თანამშრომლობა სხვადასხვა სფეროში, მათ შორის საკანონმდებლო ორგანოებს შორის. ხაზი გაესვა პარტნიორობის შემდგომი გაღრმავების მნიშვნელობას, როგორც ორმხრივ, ისე მრავალმხრივ ფორმატებში, ასევე, უსაფრთხოების კუთხით არსებულ გამოწვევებს. აღინიშნა, რომ ორმხრივი კავშირების კიდევ უფრო გაძლიერებისთვის მნიშვნელოვანი საფუძველია დიპლომატიური ურთიერთობების 30 წლის იუბილე, რომელიც პირველ ივნისს აღინიშნება. მთავრობის მეთაურმა აღნიშნა, რომ საქართველოს ხელისუფლება აფასებს ისრაელის სახელმწიფოს მტკიცე და ურყევ პოზიციას საქართველოს ტერიტორიული მთლიანობისა და სუვერენიტეტის მხარდაჭერის კუთხით. ისრაელის სახელმწიფოს ქნესეთში შეხვედრის დაწყებამდე, მთავრობის მეთაურმა გვირგვინით შეამკო დაღუპულ ჯარისკაცთა მემორიალი, ასევე საპატიო სტუმართა წიგნში სამახსოვრო ჩანაწერი გააკეთა. ირაკლი ღარიბაშვილმა და ისრაელის პრემირმა თავდაცვისა და უსაფრთხოების სფეროში თანამშრომლობის გაფართოების პერსპექტივები განიხილეს ღარიბაშვილი ნატფალი ბენეტთან შეხვედრაზე: შევთანხმდით, რომ მზარდ თანამშრომლობას კიდევ უფრო განვავითარებთ აუთვისებელი პოტენციალის სრული გამოყენების მიზნით პრემიერ-მინისტრმა, ისრაელის სახელმწიფოში ვიზიტის ფარგლებში, დელეგაციის წევრებთან ერთად, ჰოლოკოსტის მსხვერპლთა ხსოვნას პატივი მიაგო. ისრაელის სახელმწიფოში ვიზიტის ფარგლებში, დელეგაციის წევრებთან ერთად „იად ვაშემ”-ში იმყოფებოდა. ირაკლი ღარიბაშვილმა მუზეუმი დაათვალიერა, ჰოლოკოსტის მსხვერპლთა მემორიალი გვირგვინით შეამკო და სამახსოვრო წიგნში ჩანაწერი დატოვა. იაირ ლაპიდთან შეხვედრისას ხაზგასმით აღინიშნა, რომ ორ ქვეყანას შორის არსებული მეგობრობა სამაგალითოა და 30-წლიანი დიპლომატიური ურთიერთობები ამის ნათელი დადასტურებაა. გამოითქვა ორმხრივი მზადყოფნა სხვადასხვა სფეროში წარმატებული თანამშრომლობის კიდევ უფრო გაღრმავებისთვის.    ირაკლი ღარიბაშვილმა და იაირ ლაპიდმა ასევე ისაუბრეს უსაფრთხოების კუთხით არსებულ გამოწვევებსა და მრავალმხრივ ფორმატებში თანამშრომლობის შემდგომ გააქტიურებაზე.  ისრაელის სახელმწიფოს საგარეო საქმეთა მინისტრმა ირაკლი ღარიბაშვილს კიდევ ერთხელ დაუდასტურა საქართველოს ტერიტორიული მთლიანობისა და სუვერენიტეტის მხარდაჭერის კუთხით ისრაელის სახელმწიფოს ურყევი პოზიცია.  ისრაელის სახელმწიფოს ალტერნატიული პრემიერ-მინისტრი, საგარეო საქმეთა მინისტრი იაირ ლაპიდი საქართველოს პრემიერ-მინისტრ ირაკლი ღარიბაშვილთან შეხვედრას სოციალურ ქსელ Twitter-ზე გამოეხმაურა. „საქართველოს პრემიერ-მინისტრ ირაკლი ღარიბაშვილის ხელმძღვანელობით ქართულ დელეგაციას შევხვდი, რომლის შემადგენლობაშიც შედიან საგარეო საქმეთა მინისტრი ილია დარჩიაშვილი და თავდაცვის მინისტრი ჯუანშერ ბურჭულაძე. წელს ჩვენი ქვეყნები დიპლომატიური ურთიერთობების დამყარებიდან 30 წლის იუბილეს აღნიშნავენ. შევთანხმდით, რომ ერთობლივ მუშაობას გავაგრძელებთ ვაჭრობისა და ტურიზმის სექტორებში კავშირების გასაღრმავებლად”, - აღნიშნავს იაირ ლაპიდი. აღნიშნულ ორ შეხვედრას საქართველოს საგარეო საქმეთა მინისტრი ილია დარჩიაშვილი, თავდაცვის მინისტრი ჯუანშერ ბურჭულაძე, სახელწიფო უსაფრთხოების სამსახურის უფროსი გრიგოლ ლილუაშვილი, საქართველოს საგანგებო და სრულუფლებიანი ელჩი ისრაელის სახელმწიფოში ლაშა ჟვანია და მთავრობის ადმინისტრაციის უფროსი რევაზ ჯაველიძე დაესწრნენ. საგარეო საქმეთა მინისტრ ილია დარჩიაშვილის შეფასებით, პრემიერ-მინისტრის ვიზიტი ისრაელში ნამდვილად გამოაჩენს ახალ შესაძლებლობებს, რაც ახალ იმპულსს მისცემს ორმხრივ ურთიერთობებს.  

ევროკომისიის ხელმძღვანელი, ისრაელთან ეგვიპტის გავლით ევროპისთვის თხევადი გაზის მიწოდების საკითხს განიხილავს

ევროკომისიის ხელმძღვანელი ურსულა ფონ დერ ლაიენი ისრაელის ხელისუფლებასთან ევროპისთვის გაზის მიწოდების საკითხს განიხილავს. ევროკომისიის ხელმძღვანელი ამ საკითხზე ისრაელის ენერგეტიკის მინისტრ კარინ ელჰარარს შეხვდა. ინფორმაციას ენერგეტიკის მინისტრი Twitter-ზე ავრცელებს. მინისტრის განცხადებით, ევროპისთვის გაზის მიწოდების საკითხზე სამუშაო ჯგუფების ფორმირება მარტში დასრულდა. ისრაელის მედიის ცნობით, ევროკავშირი სამმხრივი ენერგოხელშეკრულების გაფორმებას გეგმავს, რომლის თანახმადაც ისრაელიდან თხევადი გაზი ეგვიპტის გავლით ევროპას მიეწოდება. ცნობილია, რომ ისრაელი თხევადი აირის მოპოვებას ახალი საბადოების ხარჯზე 40 მილიარდ კუბურ მეტრამდე გაზრდის. ურსულა ფონ დერ ლაიენი ისრაელსა და პალესტინაში ორდღიანი ვიზიტით ჩავიდა. ევროკომისიის ხელმძღვანელი ისრაელის საგარეო საქმეთა მინისტრ იარომ ლაპიდომს შეხვდება. ასევე დაგეგმილია შეხვედრა ისრაელისა და პალესტინის პრემიერ-მინისტრებთან. შემდეგ ურსულა ფინ დერ ლაიენი კაიროში გაემგზავრება.  

ისრაელი და ეგვიპტე ევროკავშირის ქვეყნებს გაზს მიაწვდიან

ევროკავშირს ისრაელსა და ეგვიპტეს შორის ევროპისთვის თხევადი გაზის მიწოდებაზე ხელშეკრულება გაფორმდა. გაზს ისრაელში მოიპოვებენ, ეგვიპტეს კი მისი გათხევადებისა და ექსპორტისთვის აუცილებელი სიმძლავრეები აქვს. თავის მხრივ, ევროკავშირი ისრაელსა და ეგვიპტეს დაეხმარება, გაზარდონ ბუნებრივი აირის მოპოვება და თავიანთ ტერიტორიულ წყლებში გაზის ახალი საბადოების სადაზვერვო სამუშაოები აწარმოონ. ევროკომისიის პრეზიდენტმა ურსულა ფონ დერ ლაიენმა განაცხადა, რომ ევროკავშირში გაზის იმპორტის ახალი შეთანხმებები ხელს შეუწყობს რუსეთის ენერგომატარებლებზე დამოკიდებულების დაძლევას. ევროკომისიის ხელმძღვანელი, ისრაელთან ეგვიპტის გავლით ევროპისთვის თხევადი გაზის მიწოდების საკითხს განიხილავს უკანასკნელი მონაცემებით, რუსეთის გაზი ევროკავშირის მიერ იმპორტირებული მთელი გაზის 40%-ს შეადგენს. უკრაინაში რუსეთის შეჭრის შემდეგ ევროკავშირის მიერ დაწესებული სანქციები მოითხოვს გაზის იმპორტის ახალი წყაროების მოძიებას. ცნობისათვის, ხმელთაშუა ზღვაში, ისრაელის ტერიტორიულ წყლებში, გაზის ორი მოქმედი საბადოა, რომელთა სიმძლავრე, ექსპერტების შეფასებით, 690 მილიარდი კუბური მეტრია. კიდევ ერთი საბადო ათვისების პროცესშია. შეთანხმების პირობებით, ისრაელის გაზი ჩავა ეგვიპტეში, გასათხევადებელ ტერმინალამდე, საიდანაც გათხევადებულ აირს ტანკერებით ევროპაში გადაიტანენ.  

ილია დარჩიაშვილმა რან გიდორთან გამოსამშვიდობებელი შეხვედრა გამართა

საქართველოს საგარეო საქმეთა მინისტრს, ილია დარჩიაშვილსა და ისრაელის სახელმწიფოს საგანგებო და სრულუფლებიან ელჩს, რან გიდორს შორის, რომელიც საქართველოში თავის მისიას ასრულებს გამოსამშვიდობებელი შეხვედრა გაიმართა, - ამის შესახებ ინფორმაციას საგარეო საქმეთა სამინისტრო ავრცელებს. მათივე ინფორმაციით, შეხვედრის ფარგლებში, განიხილეს ორ ქვეყანას შორის არსებული პარტნიორობის აქტუალური საკითხები და სამომავლო თანამშრომლობის პრიორიტეტები. საუბარი ასევე შეეხო თანამშრომლობას საერთაშორისო ორგანიზაციების ფარგლებში. კმაყოფილებით აღინიშნა, რომ საქართველოსა და ისრაელის ურთიერთობები დინამიკურად ვითარდება როგორც ორმხრივ, ისე მრავალმხრივ ფორმატებში. ხაზი გაესვა საქართველოს პრემიერ-მინისტრის განხორციელებულ ოფიციალურ ვიზიტს ისრაელში და მის მნიშვნელობას. ისრაელის ელჩმა მადლობა გადაუხადა მინისტრს ნაყოფიერი თანამშრომლობისთვის და კიდევ ერთხელ დაადასტურა ისრაელის მტკიცე მხარდაჭერა საქართველოს სუვერენიტეტისა და ტერიტორიული მთლიანობის მიმართ. ილია დარჩიაშვილმა თავის მხრივ მადლობა გადაუხადა ელჩ რან გიდორს საქართველოში გაწეული მუშაობისთვის და წარმატება უსურვა მომავალ საქმიანობაში.  

ბენეტი: ისრაელმა და თურქეთმა ტერორისტული თავდასხმა აღკვეთეს

პრემიერ-მინისტრმა ნაფტალი ბენეტმა ორშაბათს განაცხადა, რომ ისრაელისა და თურქეთის უშიშროების წარმომადგენლები თურქეთში ისრაელის მოქალაქეებზე ტერორისტული თავდასხმების აღსაკვეთად ერთად მუშაობდნენ. მისი თქმით, ოპერატიულმა ძალისხმევამ თურქეთის უსაფრთხოების ძალებთან ერთად, შედეგი გამოიღო. „ბოლო დღეებში, ისრაელ-თურქეთის ერთობლივი ძალისხმევით, ჩვენ ჩავახშეთ არაერთი თავდასხმა და თურქეთის მიწაზე რამდენიმე ტერორისტიც დააკავეს“, - აღნიშნა ისრაელის პრემიერმა. მას თავდასხმების, დაკავებულთა რაოდენობის ან ტერორისტების შესახებ დეტალები არ დაუკონკრეტებია.

ისრაელში სავარაუდოდ, ვადამდელი საპარლამენტო არჩევნები გაიმართება

ისრაელის მმართველმა კოალიციამ გამოაცხადა, რომ მომავალ კვირას პარლამენტს, ქნესეტს დაითხოვს, რაც იმას ნიშნავს, რომ მთავრობა დაიშლება და ქვეყანაში სამი წლის განმავლობაში,  არჩევნები უკვე მეხუთედ ჩატარდება.  პრემიერ-მინისტრის, ნაფტალი ბენეტის ოფისის მიერ  გავრცელებულ განცხადებაში ნათქვამია, რომ კოალიციის სტაბილიზაციის მცდელობები ამოწურულია და მისი მთავრობა, რომელიც რვა იდეოლოგიურად განსხვავებული პარტიისგან შედგება, პარლამენტის დათხოვნის მიზნით, კანონპროექტს მომავალ კვირას წარადგენენ.  თუ პარლამენტი დოკუმენტს დაამტკიცებს, ახალი არჩევნები დაინიშნება და ვადამდელ არჩევნებამდე პრემიერ-მინისტრის მოვალეობას საგარეო საქმეთა მინისტრი იაირ ლაპიდი შეარულებს.  

უკრაინამ შესაძლოა, ისრაელთან უვიზო მიმოსვლა შეაჩეროს

უკრაინის საგარეო საქმეთა სამინისტრო და პრეზიდენტის ადმინისტრაცია განიხილავენ ისრაელის მოქალაქეებისთვის უვიზო მიმოსვლის შეჩერებას. ამის შესახებ ისრაელში უკრაინის ელჩმა ევგენ კორნიიჩუკმა განაცხადა. დიპლომატის თქმით, ეს გამოწვეულია იმ შეზღუდვით, რომელსაც ისრაელი უკრაინელ ლტოლვილებს უწესებს. გარდა ამისა, ისრაელში შესვლის მსურველი უკრაინის მოქალაქეებისთვის ელექტრონული ვიზები დაინერგა. „რუსეთის მოქალაქეები შედიან ისრაელში შეზღუდვების გარეშე. ასევე - ბელორუსის მოქალაქეებიც, ხოლო უკრაინის მოქალაქეებს ეს ელექტრონული ვიზები აქვთ. მეუბნებიან ჩვენი საგარეო საქმეთა სამინისტროდან და უკრაინის პრეზიდენტის ოფისიდან, რომ ეს მიუღებელია. ჩვენ ახლა განვიხილავთ, უნდა შევაჩეროთ თუ არა უვიზო მიმოსვლა ისრაელელებისთვის საპასუხოდ“, - განაცხადა კორნიიჩუკმა. ელჩის თქმით, ისრაელის ხელისუფლების ასეთი დამოკიდებულების გამო ბოლო პერიოდში ისრაელიდან უკრაინელების სერიოზული გადინება მოხდა.  

დეპუტატებმა, ისრაელის ქნესეთის დაშლა პირველი მოსმენით დაამტკიცეს

ისრაელის დეპუტატებმა, პირველი მოსმენით დაამტკიცეს კანონპროექტი პარლამენტის (ქნესეთი) დათხოვნის შესახებ. ისრაელში სავარაუდოდ, ვადამდელი საპარლამენტო არჩევნები გაიმართება კენჭისყრაში მონაწილე 53-ვე დეპუტატმა მხარი დაუჭირა უმაღლესი საკანონმდებლო ორგანოს დათხოვნას. კანონპროექტის მეორე და მესამე მოსმენით განხილვა ოთხშაბათს, 29 ივნისს არის დაგეგმილი. ორშაბათს, 20 ივნისს, ისრაელის პრემიერ-მინისტრმა ნაფტალი ბენეტმა და საგარეო საქმეთა მინისტრმა იაირ ლაპიდმა პარლამენტის დათხოვნა და ვადამდელი არჩევნების ჩატარება გადაწყვიტეს. თუ პარლამენტი კოალიციური მთავრობის გადაწყვეტილებას დაამტკიცებს, ისრაელი საპარლამენტო არჩევნებს ბოლო 3,5 წლის განმავლობაში მეხუთედ ჩაატარებს. პოლიტიკური შეთანხმების თანახმად, ვადამდელ არჩევნებამდე მინისტრთა კაბინეტს საგარეო საქმეთა მინისტრი იაირ ლაპიდი უხელმძღვანელებს.  

ნაფტალი ბენეტმა პოლიტიკიდან წასვლა გადაწყვიტა - მედია

პრემიერ-მინისტრმა ნაფტალი ბენეტმა გადაწყვიტა, მომავალ არჩევნებში მონაწილეობა არ მიიღოს. ამის შესახებ ბენეტმა პარტიის წევრებს უკვე აცნობა. იუწყება Timesofisrael-ი სპიკერის განცხადებაზე დაყრდნობით. ისრაელში ახალი არჩევნები ჩატარდება, რის შემდეგაც ისრაელის პრემიერ-მინისტრი სავარაუდოდ, პოლიტიკას დატოვებს. ისრაელში სავარაუდოდ, ვადამდელი საპარლამენტო არჩევნები გაიმართება 20 ივნისს, ისრაელის პრემიერ-მინისტრმა ნაფტალი ბენეტმა და საგარეო საქმეთა მინისტრმა იაირ ლაპიდმა პარლამენტის დათხოვნა და ვადამდელი არჩევნების ჩატარება გადაწყვიტეს. თუ პარლამენტი კოალიციური მთავრობის გადაწყვეტილებას დაამტკიცებს, ისრაელი საპარლამენტო არჩევნებს ბოლო 3,5 წლის განმავლობაში მეხუთედ ჩაატარებს. პოლიტიკური შეთანხმების თანახმად, ვადამდელ არჩევნებამდე მინისტრთა კაბინეტს საგარეო საქმეთა მინისტრი იაირ ლაპიდი უხელმძღვანელებს. ისრაელის დეპუტატებმა პარლამენტის (ქნესეთი) დათხოვნის შესახებ კანონპროექტი  პირველი მოსმენით დაამტკიცეს. მანამდე, ისრაელის მთავრობა მმართველი კოალიციის ორგანიზატორმა, იდით სილმანმა დატოვა. შედეგად, კოალიციამ ქნესეთში  უმრავლესობა დაკარგა. კიდევ ერთი დეპუტატის წასვლის შემდეგ კი კოალიცია უმცირესობაში აღმოჩნდა.  

ისრაელის პარლამენტი დაიშალა, პრემიერ-მინისტრის პოსტს იაირ ლაპიდი დაიკავებს

ქნესეთმა პარლამენტის დაშლას და მომდევნო არჩევნების ნოემბერში ჩატარებას მხარი დაუჭირა. პრემიერ-მინისტრმა ნაფტალი ბენეტმა გადაწყვიტა, მომავალ არჩევნებში მონაწილეობა არ მიიღოს. ამის შესახებ ბენეტმა პარტიის წევრებს უკვე აცნობა. იუწყება Timesofisrael-ი სპიკერის განცხადებაზე დაყრდნობით. მმართველი კოალიციის შეთანხმების შესაბამისად, ამ პოსტს იაირ ლაპიდი დაიკავებს. ისრაელში ახალი არჩევნები ჩატარდება, რის შემდეგაც ისრაელის პრემიერ-მინისტრი სავარაუდოდ, პოლიტიკას დატოვებს. ისრაელში სავარაუდოდ, ვადამდელი საპარლამენტო არჩევნები გაიმართება 20 ივნისს, ისრაელის პრემიერ-მინისტრმა ნაფტალი ბენეტმა და საგარეო საქმეთა მინისტრმა იაირ ლაპიდმა პარლამენტის დათხოვნა და ვადამდელი არჩევნების ჩატარება გადაწყვიტეს. თუ პარლამენტი კოალიციური მთავრობის გადაწყვეტილებას დაამტკიცებს, ისრაელი საპარლამენტო არჩევნებს ბოლო 3,5 წლის განმავლობაში მეხუთედ ჩაატარებს. პოლიტიკური შეთანხმების თანახმად, ვადამდელ არჩევნებამდე მინისტრთა კაბინეტს საგარეო საქმეთა მინისტრი იაირ ლაპიდი უხელმძღვანელებს. ისრაელის დეპუტატებმა პარლამენტის (ქნესეთი) დათხოვნის შესახებ კანონპროექტი  პირველი მოსმენით დაამტკიცეს. მანამდე, ისრაელის მთავრობა მმართველი კოალიციის ორგანიზატორმა, იდით სილმანმა დატოვა. შედეგად, კოალიციამ ქნესეთში  უმრავლესობა დაკარგა. კიდევ ერთი დეპუტატის წასვლის შემდეგ კი კოალიცია უმცირესობაში აღმოჩნდა.

ისრაელს ახალი პრემიერ-მინისტრი ჰყავს

ისრაელს ახალი პრემიერ-მინისტრი ჰყავს. ყოფილი საგარეო საქმეთა მინისტრი იაირ ლაპიდი თანამდებობას დროებით დაიკავებს, მანამდე სანამ ვადამდელი საპარლამენტო არჩევნები არ გაიმართება. თავად ისრაელის ყოფილმა პრემიერ-მინისტრმა ნაფტალი ბენეტმა განაცხადა, რომ მომდევნო არჩევნებში კენჭს აღარ იყრის. ბოლო ოთხ წელიწადში რიგით მეოთხე ვადამდელი არჩევნები ისრაელში მას შემდეგ დაინიშნა, რაც მოქმედი კოალიციური მთავრობა, რომელსაც პრემიერ-მინისტრი ნაფტალი ბენეტი ხელმძღვანელობდა, დაიშალა. ცნობისთვის, ისრაელში  პირველ ნოემბერს ისრაელში ვადამდელი საპარლამენტო არჩევნები გაიმართება. ამავე თემაზე ისრაელის პარლამენტი დაიშალა, პრემიერ-მინისტრის პოსტს იაირ ლაპიდი დაიკავებს  

ზელენსკი: მივესალმები ისრაელის სასამართლოს გადაწყვეტილებას, რომელიც ავალდებულებს მთავრობას, გააუქმოს ნებისმიერი დამატებითი შეზღუდვა უკრაინის მოქალაქეებისთვის

პრეზიდენტი ვოლოდიმირ ზელენსკი მიესალმა ისრაელის უზენაესი სასამართლოს ბოლო გადაწყვეტილებას, რომელიც ავალდებულებს მთავრობას, გააუქმოს შეზღუდვები, რომლებიც უკრაინის მოქალაქეებისთვის ქვეყანაში შესვლაზე დაწესდა. ამის შესახებ ზელენსკიმ Twitter-ზე განაცხადა. „მივესალმები ისრაელის სახელმწიფოს უზენაესი სასამართლოს გადაწყვეტილებას, რომელიც ავალდებულებს ისრაელის მთავრობას, გააუქმოს ნებისმიერი დამატებითი შეზღუდვა უკრაინის მოქალაქეებისთვის. კანონის უზენაესობა და ადამიანის უფლებების პატივისცემა არის ზუსტად ის, რაც გამოარჩევს ჭეშმარიტ, განვითარებულ დემოკრატიას!", - წერს ზელენსკი.  

ისრაელმა მაროკოს სამხედრო წვრთნებში პირველად მიიღო მონაწილეობა

ისრაელის სამხედრო დამკვირვებლებმა მაროკოში გამართულ წვრთნებში პირველად მიიღეს მონაწილეობა. ამის შესახებ ისრაელის თავდაცვის სამინისტრომ განაცხადა და განმარტა, რომ ნაბიჯი ურთიერთობის გაუმჯობესების მანიშნებელია. „სამი დამკვირვებლის ყოფნა წვრთნებზე - „აფრიკული ლომი 2022“, რომელშიც ასევე მონაწილეობდნენ აშშ-ის ძალები, მოჰყვა მაროკოს ანტიტერორისტული დანაყოფის მონაწილეობას ისრაელში მრავალეროვნულ წვრთნებში, რომლებიც გასულ წელს ჩატარდა“, - განაცხადა თავდაცვის სამინისტრომ. ეს იყო პირველი შემთხვევა, როდესაც ისრაელმა მონაწილეობა მიიღო საერთაშორისო სამხედრო წვრთნებში ჩრდილოეთ აფრიკის ქვეყანაში. მაროკოს მიერ გავრცელებული ოფიციალური ინფორმაციით, 20-30 ივნისს ჩატარებულ სამხედრო წვრთნებში ათი ქვეყნის ძალები მონაწილეობდნენ. არაბეთის გაერთიანებული საამიროების, ბაჰრეინისა და სუდანის შემდეგ, მაროკო მეოთხე არაბული ქვეყანაა, რომელიც ისრაელთან კავშირების ნორმალიზებას დათანხმდა.  

თურქეთთან შეთანხმების საფუძველზე, ისრაელის ავიაკომპანიები, ანკარის მიმართულებით ფრენების უფლებას მიიღებენ

თურქეთი და ისრაელი დღეს, სამოქალაქო ავიაციის სფეროში 71-წლიანი პაუზის შემდეგ, პირველ შეთანხმებას გააფორმებენ. ბოლოს, მხარეებს შორის ანალოგიური შეთანხმება, 1951 წელს გაფორმდა. „ახალი შეთანხმება, ანკარასთან ურთიერთობას გაამყარებს და ისრაელის ავიაკომპანიებს საშუალებას მისცემს, თურქეთში ავიარეისები განაახლონ“, - ნათქვამია ისრაელის მთავრობის განცხადებაში. „საავიაციო სფეროში ურთიერთობები სტრატეგიული ინსტრუმენტია, ისრაელის ეკონომიკური განვითარებისა და რეგიონში ქვეყნის პოზიციის შესანარჩუნებლად“, - აცხადებს ისრაელის ტრანსპორტის სამინისტროს ხელმძღვანელი, მერავ მიქაელი.  

ისრაელმა და თურქეთმა ახალ ორმხრივ სამოქალაქო საავიაციო შეთანხმებას მოაწერეს ხელი

ისრაელმა და თურქეთმა ახალ ორმხრივ სამოქალაქო საავიაციო შეთანხმებას მოაწერეს ხელი. ეს ქვეყნებს შორის, 1951 წლის შემდეგ გაფორმებული პირველი შეთანხმებაა და საერთაშორისო მედია მას დიპლომატიური ურთიერთობების დათბობის ნაწილად განიხილავს. ინფორმაციას Reuters-ი ავრცელებს. შეთანხმება ისრაელის ავიაკომპანიებს საშუალებას აძლევს, 15-წლიანი პაუზის შემდეგ, თურქეთში ფრენები განაახლონ. ამ კვირის დასაწყისში, ისრაელმა განაცხადა, რომ ხელახლა გახსნის თავის ეკონომიკურ და სავაჭრო ოფისს თურქეთში მას შემდეგ, რაც ორივე მთავრობამ 2018 წელს, ელჩები გააძევა. ისრაელი და თურქეთი ახლა ცდილობენ, ელჩების დონეზეც აღადგინონ წარმომადგენლობა. 7 ივლისს, თურქეთის კომუნიკაციების დირექტორატმა განაცხადა, რომ ორი ქვეყნის ლიდერებმა სატელეფონო საუბრისას, ორმხრივ და რეგიონულ საკითხებზე გაცვალეს მოსაზრებები. ისააკ ჰერცოგი რეჯეფ თაიფ ერდოღანს თურქეთში, მარტში შეხვდა.

ბაიდენი ახლო აღმოსავლეთის ტურნეს 13 ივლისს დაიწყებს

თეთრმა სახლმა აშშ-ის პრეზიდენტის ჯო ბაიდენის ახლო აღმოსავლეთში პირველი მოგზაურობის თარიღები გამოაცხადა. 13-დან 16 ივლისამდე ტურნე ისრაელს, დასავლეთ სანაპიროს და საუდის არაბეთს მოიცავს. „მისი პირველი გაჩერება იქნება ისრაელი, ეს იქნება პრეზიდენტ ბაიდენის პირველი ვიზიტი ამ ქვეყანაში. ეს ხდება ისრაელში მისი პირველი ვიზიტიდან თითქმის 50 წლის შემდეგ“, - ამბობს ოფიციალური პირი მედიასთან. პრეზიდენტის ვიზიტის განრიგის შესახებ, თეთრი სახლის სპიკერმა კარინე ჟან-პიერმა განაცხადა, რომ ბაიდენი ისრაელის ლიდერებს შეხვდება, რათა ისრაელის უსაფრთხოება, კეთილდღეობა და ფართო რეგიონში მისი მზარდი ინტეგრაცია განიხილონ. ისრაელში მოლაპარაკებების შემდეგ, პრეზიდენტი დასავლეთ სანაპიროზე, პალესტინაში გაემგზავრება, რათა პრეზიდენტ მაჰმუდ აბასს და პალესტინის სხვა ოფიციალურ პირებს შეხვდეს. დასავლეთ სანაპიროზე ვიზიტის შემდეგ, ბაიდენი გაემგზავრება საუდის არაბეთში, სადაც სპარსეთის ყურის თანამშრომლობის საბჭოს სამიტს დაესწრება. ჯედაში პრეზიდენტის მოლაპარაკებებთან დაკავშირებით, ჟან-პიერმა განაცხადა, რომ ბაიდენი თავის კოლეგებთან ერთად ორმხრივ, რეგიონულ და გლობალურ საკითხებს განიხილავს.  

იაირ ლაპიდი: ბაიდენი საუდის არაბეთს „მშვიდობის გზავნილს“ გადასცემს

ისრაელის პრემიერ-მინისტრმა, იაირ ლაპიდმა განაცხადა, რომ აშშ-ის პრეზიდენტი, ჯო ბაიდენი საუდის არაბეთს „მშვიდობისა და იმედის გზავნილს" გადასცემს. „იერუსალიმიდან პრეზიდენტ ბაიდენის თვითმფრინავი საუდის არაბეთში გაფრინდება და ის ჩვენგან მშვიდობისა და იმედის გზავნილს მიიღებს“, - განაცხადა ლაპიდმა კაბინეტის ყოველკვირეული სხდომის გახსნაზე. ჯო ბაიდენის თქმით, ახლო აღმოსავლეთი ახლა უფრო სტაბილური და უსაფრთხოა, ვიდრე ტრამპის ადმინისტრაციის დროს იყო „ისრაელი მიმართავს რეგიონის ყველა ქვეყანას და მოუწოდებს მათ, დაამყარონ კავშირები ჩვენთან, დაამყარონ ურთიერთობები ჩვენთან და შეცვალონ ისტორია ჩვენი შვილებისთვის“, - აღნიშნა ლაპიდმა. ისრაელსა და საუდის არაბეთს დიპლომატიური ურთიერთობები არ აქვთ. ბაიდენი ახლო აღმოსავლეთის ტურნეს 13 ივლისს დაიწყებს პრეზიდენტ ბაიდენის ვიზიტის განრიგის შესახებ, თეთრი სახლის სპიკერმა კარინე ჟან-პიერმა განაცხადა, რომ შეერთებული შტატების პრეზიდენტი ისრაელის ლიდერებს შეხვდება, რათა ისრაელის უსაფრთხოება, კეთილდღეობა და ფართო რეგიონში მისი მზარდი ინტეგრაცია განიხილონ. ჯო ბაიდენი: ახლო აღმოსავლეთში ჩემი გამგზავრებით, ამერიკის ჩართულობის „ახალი და უფრო წარმატებული“ ეტაპი დაიწყება ისრაელში მოლაპარაკებების შემდეგ, პრეზიდენტი დასავლეთ სანაპიროზე, პალესტინაში გაემგზავრება, რათა პრეზიდენტ მაჰმუდ აბასს და პალესტინის სხვა ოფიციალურ პირებს შეხვდეს. დასავლეთ სანაპიროზე ვიზიტის შემდეგ, ბაიდენი გაემგზავრება საუდის არაბეთში, სადაც სპარსეთის ყურის თანამშრომლობის საბჭოს სამიტს დაესწრება. ჯედაში პრეზიდენტის მოლაპარაკებებთან დაკავშირებით, ჟან-პიერმა განაცხადა, რომ ბაიდენი თავის კოლეგებთან ერთად ორმხრივ, რეგიონულ და გლობალურ საკითხებს განიხილავს.

ჯო ბაიდენის თქმით, ახლო აღმოსავლეთი ახლა უფრო სტაბილური და უსაფრთხოა, ვიდრე ტრამპის ადმინისტრაციის დროს იყო

აშშ-ის პრეზიდენტმა, ჯო ბაიდენმა განაცხადა, რომ ის იქნება პირველი ამერიკელი პრეზიდენტი, რომელიც ისრაელიდან პირდაპირ საუდის არაბეთში ჩაფრინდება. ბაიდენის თქმით, ხსენებულ ქვეყნებს ოფიციალური ვიზიტით ეწვევა, რაც ისრაელსა და არაბულ სამყაროს შორის ურთიერთობების დათბობის „მცირე სიმბოლოს“ წარმოადგენს.  Washington Post-ის სტატიაში სათაურით - „რატომ მივდივარ საუდის არაბეთში“, ბაიდენი ამბობს, რომ ის ისრაელიდან ჯედაში (საუდის არაბეთი) გაემგზავრება, სადაც „შეიკრიბებიან ლიდერები მთელი რეგიონიდან და მიუთითებენ უფრო სტაბილური და ინტეგრირებული ახლო აღმოსავლეთის შესაძლებლობაზე, სადაც შეერთებული შტატები უკიდურესად მნიშვნელოვანი ლიდერის როლს თამაშობს“. აშშ-ის ლიდერმა აღნიშნა, რომ ახლო აღმოსავლეთი, რომელსაც ამ კვირაში ეწვევა, „უფრო სტაბილური და უსაფრთხოა იმასთან შედარებით, რაც მისმა ადმინისტრაციამ მემკვიდრეობით მიიღო, 18 თვის წინ“. ბაიდენმა თქვა, რომ დონალდ ტრამპის ადმინისტრაციის დროს გაიზარდა თავდასხმები აშშ-ის ჯარისკაცებსა და დიპლომატებზე რეგიონში, იემენში ომი გამწვავდა. ბაიდენმა ასევე ახსენა ირანის ბირთვული პროგრამა. ბაიდენი ახლო აღმოსავლეთის ტურნეს 13 ივლისს დაიწყებს პრეზიდენტ ბაიდენის ვიზიტის განრიგის შესახებ, თეთრი სახლის სპიკერმა კარინე ჟან-პიერმა განაცხადა, რომ შეერთებული შტატების პრეზიდენტი ისრაელის ლიდერებს შეხვდება, რათა ისრაელის უსაფრთხოება, კეთილდღეობა და ფართო რეგიონში მისი მზარდი ინტეგრაცია განიხილონ. ისრაელში მოლაპარაკებების შემდეგ, პრეზიდენტი დასავლეთ სანაპიროზე, პალესტინაში გაემგზავრება, რათა პრეზიდენტ მაჰმუდ აბასს და პალესტინის სხვა ოფიციალურ პირებს შეხვდეს. დასავლეთ სანაპიროზე ვიზიტის შემდეგ, ბაიდენი გაემგზავრება საუდის არაბეთში, სადაც სპარსეთის ყურის თანამშრომლობის საბჭოს სამიტს დაესწრება. ჯედაში პრეზიდენტის მოლაპარაკებებთან დაკავშირებით, ჟან-პიერმა განაცხადა, რომ ბაიდენი თავის კოლეგებთან ერთად ორმხრივ, რეგიონულ და გლობალურ საკითხებს განიხილავს.

ერდოღანმა და ლაპიდმა თურქეთ-ისრაელს შორის ორმხრივი ურთიერთობების გაუმჯობესებაზე ისაუბრეს

პრემიერ-მინისტრი იაირ ლაპიდი თურქეთის პრეზიდენტ რეჯეფ თაიფ ერდოღანს ესაუბრა. ისრაელის პრემიერის ოფისის ცნობით, პრეზიდენტმა ერდოღანმა პრემიერ-მინისტრ ლაპიდს მიულოცა და წარმატებები უსურვა ახალ თანამდებობაზე. მედიის ცნობით, ლაპიდმა პრემიერად დანიშვნის შემდეგ, პირველი სატელეფონო საუბარი გამართა. პრემიერ-მინისტრმა ლაპიდმა ტერორისტული თავდასხმების აღკვეთის მიზნით ქვეყნებს შორის თანამშრომლობისთვის მადლობა გადაუხადა. ორივე ლიდერმა ხაზი გაუსვა, რომ ისრაელ-თურქეთის ურთიერთობებს დიდი მნიშვნელობა აქვს ახლო აღმოსავლეთში უსაფრთხოების, ეკონომიკისა და სტაბილურობისთვის. 2022-07-08 ისრაელმა და თურქეთმა ახალ ორმხრივ სამოქალაქო საავიაციო შეთანხმებას მოაწერეს ხელი მხარეებმა დადებითად შეაფასეს სამოქალაქო ავიაციის ახალი შეთანხმება, რომელიც მათ ქვეყნებს შორის რამდენიმე დღის წინ გაფორმდა და ორმხრივი ურთიერთობების დამატებითი გაუმჯობესების იმედი გამოთქვეს.    

ისრაელი უკრაინაში თავდაცვითი საშუალებების ახალ პარტიას გაგზავნის

ისრაელის თავდაცვის მინისტრმა ბენი განცმა უკრაინისთვის თავდაცვის აღჭურვილობის ახალი პარტიის მიწოდება დაამტკიცა. საუბარია 1500 ჩაფხუტზე, 1500 ქურთუკზე, ასობით დამცავ მოწყობილობაზე, ათას გაზის ნიღაბსა და ქიმიური დამცავ კოსტიუმებზე. თავდაცვის სამინისტროში აცხადებენ, რომ მთელი ეს ტექნიკა უკრაინის სამაშველო სამსახურს უახლოეს კვირებში გადაეცემა. ხანგრძლივი უარის შემდეგ, აპრილში, განცმა პირველად დაამტკიცა 2000 ჩაფხუტისა და 500 ქურთუკის მიწოდება უკრაინისთვის. Timesofisrael-ი წერს, რომ ეს ნაბიჯი მას შემდეგ გადაიდგა, რაც კიევის გარეუბანში, ბუჩაში, რუსეთის ძალების მიერ ჩადენილი მშვიდობიანი მოსახლეობის მასობრივი მკვლელობების და სხვა სისასტიკეების შესახებ გავრცელდა ინფორმაცია. იმ დროს, საგარეო საქმეთა მინისტრმა იაირ ლაპიდმა, რომელიც ახლა ასევე პრემიერ-მინისტრია, აშკარად დაადანაშაულა რუსეთი ომის დანაშაულებში, რაც მოსკოვის წინააღმდეგ ისრაელის უმაღლესი ოფიციალური პირის ყველაზე მწვავე კომენტარი იყო. ისრაელსა და რუსეთს შორის ურთიერთობა კიდევ უფრო დაიძაბა რუსეთის საგარეო საქმეთა მინისტრის, სერგეი ლავროვის განცხადების შემდეგ, რომლის თანახმად, ადოლფ ჰიტლერს ებრაული წარმომავლობა ჰქონდა . იტალიურ ტელეარხ Rete 4-თან ინტერვიუში, ლავროვს ჰკითხეს, როგორ შეუძლია, რუსეთს თქვას, რომ უკრაინის „დენაციფიკაცია“ უნდა განახორციელოს, როცა ქვეყნის პრეზიდენტი, ვოლოდიმირ ზელენსკი ებრაელია. ლავროვმა უპასუხა, რომ „ჰიტლერსაც ებრაული წარმომავლობა ჰქონდა, ასე რომ, ეს არაფერს ნიშნავს“. მიუხედავად იმისა, რომ იერუსალიმმა გარკვეულწილად შეცვალა თავისი ტონი, ჯერჯერობით, უკრაინისთვის სამხედრო ძალისხმევაში წვლილის შეტანაზე უარს ამბობს. ისრაელმა უკრაინას 100 ტონა ჰუმანიტარული დახმარება გაუგზავნა, ასევე, დასავლეთ უკრაინაში საველე ჰოსპიტალი მოაწყო.

ისრაელი და საბერძნეთი ერთობლივ სამხედრო წვრთნებს ატარებენ

ისრაელისა და საბერძნეთის სამხედრო თვითმფრინავებმა ერთობლივი საჰაერო წვრთნები გამართეს. თურქული მედია წერს, რომ საჰაერო წვრთნები ხელს უწყობს ბრძოლებისთვის მზადყოფნის გაზრდას სხვადასხვა სცენარში, ასევე, აძლიერებს ურთიერთობას ისრაელისა და საბერძნეთის საჰაერო ძალებს შორის. სწავლება წარმოადგენს მნიშვნელოვან ეტაპს ისრაელის სახელმწიფოსა და საბერძნეთს შორის სტრატეგიული და საერთაშორისო თანამშრომლობის განმტკიცებაში. სწავლება ასევე ხელს უწყობს სამხედროების სხვადასხვა საბრძოლო შესაძლებლობის და მათი კომპეტენციის განვითარებას შესაძლო საბრძოლო სცენარებში“, - ნათქვამია ისრაელის თავდაცვის უწყების ოფიციალურ განცხადებაში.  

ჯო ბაიდენი ისრაელის პრემიერ-მინისტრს იურუსალიმში შეხვდა

აშშ-ის პრეზიდენტი, ჯო ბაიდენი, ოფიციალური ვიზიტის ფარგლებში ისრაელში დღეს, ქვეყნის პრემიერ-მინისტრს, იაირ ლაპიდს შეხვდა. ინფორმაციას ისრაელის მთავრობის პრესსამსახური ავრცელებს. მათი ცნობით, შეხვედრა იერუსალიმში, ერთ-ერთ სასტუმროში შედგა.  ჯო ბაიდენი ისრაელში ჩავიდა მოლაპარაკების დასრულების შემდეგ, მხარეები ერთობლივ პრესკონფერენციას გეგმავენ.  ჯო ბაიდენი ისრაელში ვიზიტის ფარგლებში ქვეყნის პრეზიდენტს შეხვდა. გარდა ამისა, დაგეგმილია შეხვედრა ისრაელის ოპოზიციის ლიდერ ბენიამინ ნეთანიაჰუსთან.  

იაირ ლაპიდი ჯო ბაიდენს: ირანს ბირთვული იარაღის მიღებისგან დიპლომატია ვერ შეაჩერებს

ისრაელის პრემიერ-მინისტრმა, იაირ ლაპიდმა, აშშ-ის პრეზიდენტთან, ჯო ბაიდენთან ერთად გამართულ პრესკონფერენციაზე განაცხადა, რომ დიპლომატია ვერ შეაჩერებს ირანს ბირთვული იარაღის მოპოვებისგან „სიტყვები არ შეაჩერებს მათ, ბატონო პრეზიდენტო. დიპლომატია არ შეაჩერებს მათ. ერთადერთი, რაც შეაჩერებს ირანს, არის იმის ცოდნა, რომ თუ ისინი განაგრძობენ ბირთვული პროგრამის განვითარებას, თავისუფალი სამყარო გამოიყენებს ძალას. მათი შეჩერების ერთადერთი გზა, მაგიდაზე სანდო სამხედრო საფრთხის დადებაა“, - განაცხადა ისრაელის პრემიერ-მინისტრმა. თავის მხრივ, ჯო ბაიდენი არ დაეთანხმა ლაპიდის ამ მოსაზრებას და განაცხადა, დიპლომატია საუკეთესო გზად რჩება. მისივე განცხადებით, აშშ არ დაუშვებს ირანის მიერ ატომური იარაღის მოპოვებას. აშშ-ის პრეზიდენტმა, ჯო ბაიდენმა და ისრაელის პრემიერ-მინისტრმა იაირ ლაპიდმა ერთობლივი სტრატეგიული დეკლარაცია გააფორმეს, რომელშიც აშშ პირობას დებს, რომ „ეროვნული ძალის ყველა ელემენტს“ გამოიყენებს, რათა ირანის მიერ ბირთვული იარაღის მოპოვება თავიდან აიცილოს. ჯო ბაიდენი: ახლო აღმოსავლეთში ჩემი გამგზავრებით, ამერიკის ჩართულობის „ახალი და უფრო წარმატებული“ ეტაპი დაიწყება

საუდის არაბეთმა ისრაელის ავიაკომპანიებს ცა გაუხსნა

საუდის არაბეთში ისრაელის ავიაკომპანებისთვის ცის გახსნის გადაწყვეტილება აშშ-ის პრეზიდენტის ჯო ბაიდენის ერ-რიადში ვიზიტის წინ მიიღეს. საუდის არაბეთის სამოქალაქო ავიაციის ადმინისტრაციამ 15 ივლისს გამოაცხადა, რომ სამეფოს საჰაერო სივრცე "ღია ნებისმიერი ავიაკომპანიისთვის, რომელიც აკმაყოფილებს ხელისუფლების მოთხოვნებს". მოხსენებაში აღნიშნულია, რომ გადაწყვეტილება ერ-რიადმა 1944 წლის ჩიკაგოს კონვენციის საფუძველზე მიიღო, რომელიც სამოქალაქო ავიაკომპანიების დისკრიმინაციის აკრძალვას ითვალისწინებს. „ჯო ბაიდენი მიესალმება საუდის არაბეთის ხელისუფლების ისტორიულ გადაწყვეტილებას საჰაერო სივრცის გახსნის შესახებ ყველა სამოქალაქო გადამზიდავისთვის, მათ შორის ისრაელისთვის“, - განაცხადა აშშ-ის პრეზიდენტის მრჩეველმა ჯეიკ სალივანმა. თეთრი სახლის ხელმძღვანელი ახლო აღმოსავლეთის ტურის ფარგლებში ისრაელსა და პალესტინას ეწვია და საუდის არაბეთში მოგზაურობას გეგმავს.  

იაირ ლაპიდი რუსეთს აფრთხილებს

ისრაელის პრემიერი ლაპიდი, რომელიც ასევე იკავებს საგარეო საქმეთა მინისტრის თანამდებობას, დელეგაციას გზავნის მოსკოვში. დელეგაციაში იქნებიან პრემიერ-მინისტრის აპარატის, ეროვნული უშიშროების საბჭოს, საგარეო საქმეთა სამინისტროს, იუსტიციის სამინისტროს და იმიგრაციის სამინისტროს წარმომადგენლები. მას უხელმძღვანელებს საგარეო საქმეთა სამინისტროს გენერალური დირექტორი ალონ უშპიზი. „პრემიერმა ლაპიდმა განაცხადა, რომ რუსეთთან კავშირები მნიშვნელოვანია ისრაელისთვის. ებრაული თემის საქმიანობა რუსეთში მნიშვნელოვანია და ის მონაწილეობს ყველა დიპლომატიურ დისკუსიაში მოსკოვის ადმინისტრაციასთან“, - ნათქვამია პრემიერის ოფისის განცხადებაში. ამასთან, მისივე შეფასებით, „ებრაული სააგენტოს ოფისების დახურვა იქნება მძიმე მოვლენა, რომელიც გავლენას მოახდენს ამ კავშირებზე“. ლაპიდის განმარტებით, დელეგაცია მზად იქნება მოსკოვში წასასვლელად, როგორც კი „მოლაპარაკებებზე რუსეთის თანხმობას მიიღებს“. გასულ კვირას, რუსეთის იუსტიციის სამინისტრომ ებრაული სააგენტოს საქმიანობის „დაშლის“ შესახებ ოფიციალურად მოუწოდა, მიზეზად კი, ორგანიზაციის მიერ „ადგილობრივი კანონების დარღვევა“ დაასახელა. თუმცა Timesofisrael-ის ცნობით, ისრაელი თვლის, რომ ეს ნაბიჯები არა სამართლებრივ საკითხებს, არამედ, უკრაინის მხარდაჭერისთვის მოსკოვის მიერ იერუსალიმის წინააღმდეგ შურისძიებას უკავშირდება.  ინფორმაციისთვის, ებრაულ სააგენტოს, რომელიც ისრაელის მთავრობის არაოფიციალურ ნაწილს წარმოადგენს, ისრაელში იმიგრაციის ზედამხედველობა და წახალისება ევალება. ისრაელში ემიგრაციის მსურველებმა განაცხადები სწორედ ებრაული სააგენტოს მეშვეობით უნდა წარადგინონ. ორგანიზაცია ასევე აწარმოებს საგანმანათლებლო პროგრამებსა და სხვა აქტივობებს.  

ისრაელის ავიაკომპანია Arkia საქართველოში ახალ მიმართულებას ამატებს

ისრაელის ავიაკომპანია Arkia საქართველოში ახალ მიმართულებას ამატებს და მრავალჯერად ჩარტერულ ფრენებს ეილათი - ბათუმი - ეილათის საჰაერო ხაზზე შეასრულებს. რეისები ეილათსა და ბათუმს შორის 7 აგვისტოდან 29 აგვისტოს ჩათვლით, კვირაში 2 სიხშირით, ყოველ ორშაბათს და პარასკევს განხორციელდება. ინფორმაციას ეკონომიკის სამინისტრო ავრცელებს. ეკონომიკისა და მდგრადი განვითარების მინისტრის მოადგილე მარიამ ქვრივიშვილი დადებითად აფასებს ამ გადაწყვეტილებას და აღნიშნავს, რომ ისრაელიდან ახალი მიმართულების დამატება ხელს შეუწყობს ამ ქვეყნიდან ტურისტული ნაკადების ზრდას, განსაკუთრებით, მიმდინარე ზაფხულის სეზონზე. „ისრაელი განსაკუთრებულად მნიშვნელოვანი ტურისტული ბაზარია, რომელიც მზარდია. ჩვენ აქტიურად ვმუშაობთ იმისთვის, რათა მეტი ტურისტი მოვიზიდოთ ისრაელიდან,“ - განაცხადა მინისტრის მოადგილემ. საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტომ ავიაკომპანიას აღნიშნული მიმართულებებით ოპერირების ნებართვა უკვე მიანიჭა.  

დაძაბულობის ფონზე, იაირ ლაპიდი ამბობს, რომ ისრაელი ყოველთვის ღიაა რუსეთთან დიალოგისთვის

რუსეთში ებრაული სააგენტოს საქმიანობასთან დაკავშირებით მიმდინარე დავის ფონზე, ისრაელის პრემიერ-მინისტრმა განაცხადა, რომ მოსკოვისა და იერუსალიმის ურთიერთობები „მემკვიდრეობას, უწყვეტ კავშირსა და ორმხრივ ინტერესებს ეფუძნება. ინფორმაციას The Times of Israe-ი ავრცელებს. ლაპიდი ამბობს, რომ თუ „სამართლებრივი საკითხები წამოიჭრება რუსეთში ებრაული სააგენტოს მნიშვნელოვან საქმიანობასთან დაკავშირებით, ისრაელი, როგორც ყოველთვის, მზადაა, დიალოგში ჩაერთოს. იაირ ლაპიდი რუსეთს აფრთხილებს ლაპიდის ოფისში აცხადებენ, რომ ისრაელის ლიდერმა კომენტარი კრემლის პრესსპიკერის, განცხადების საპასუხოდ გააკეთა, რომლის თანახმად, დიმიტრი პესკოვმა თქვა, რომ ებრაულ სააგენტოსთან დაკავშირებით ვითარება არ უნდა იყოს პოლიტიზებული. გასულ კვირას, რუსეთის იუსტიციის სამინისტრომ ებრაული სააგენტოს საქმიანობის „დაშლის“ შესახებ ოფიციალურად მოუწოდა, მიზეზად კი, ორგანიზაციის მიერ „ადგილობრივი კანონების დარღვევა“ დაასახელა. თუმცა Timesofisrael-ის ცნობით, ისრაელი თვლის, რომ ეს ნაბიჯები არა სამართლებრივ საკითხებს, არამედ, უკრაინის მხარდაჭერისთვის მოსკოვის მიერ იერუსალიმის წინააღმდეგ შურისძიებას უკავშირდება.  „პრემიერმა ლაპიდმა განაცხადა, რომ რუსეთთან კავშირები მნიშვნელოვანია ისრაელისთვის. ებრაული თემის საქმიანობა რუსეთში მნიშვნელოვანია და ის მონაწილეობს ყველა დიპლომატიურ დისკუსიაში მოსკოვის ადმინისტრაციასთან“, - ნათქვამი იყო პრემიერის ოფისის განცხადებაში. ამასთან, მისივე შეფასებით, „ებრაული სააგენტოს ოფისების დახურვა იქნება მძიმე მოვლენა, რომელიც გავლენას მოახდენს ამ კავშირებზე“. ლაპიდის განმარტებით, დელეგაცია მზად იქნება მოსკოვში წასასვლელად, როგორც კი „მოლაპარაკებებზე რუსეთის თანხმობას მიიღებს“. ინფორმაციისთვის, ებრაულ სააგენტოს, რომელიც ისრაელის მთავრობის არაოფიციალურ ნაწილს წარმოადგენს, ისრაელში იმიგრაციის ზედამხედველობა და წახალისება ევალება. ისრაელში ემიგრაციის მსურველებმა განაცხადები სწორედ ებრაული სააგენტოს მეშვეობით უნდა წარადგინონ. ორგანიზაცია ასევე აწარმოებს საგანმანათლებლო პროგრამებსა და სხვა აქტივობებს.

ისრაელში მცხოვრებ საქართველოს მოქალაქეებს საელჩო აფრთხილებს

ისრაელში საქართველოს საელჩო ქვეყანაში მცხოვრები საქართველოს მოქალაქეების საყურადღებოდ განცხადებას ავრცელებს. ისრაელის ქალაქებში საჰაერო განგაშის ხმა ისმის. ღაზის სექტორიდან 100-ზე მეტი რაკეტა გაისროლეს „6 აგვისტოს, შაბათს, 20:00 საათამდე იმოქმედებს შემდეგი შეზღუდვები (ვადის გაგრძელების შემთხვევაში, დამატებით გაცნობებთ): ღაზის სექტორთან 80კმ-ის რადიუსში მცხოვრებთათვის: ნებადართულია ღონისძიებები და შეკრებები არა უმეტეს 10 ადამიანისა ღია სივრცეში და არა უმეტეს 50 ადამიანისა – დახურულ სივრცეში. სასწავლო პროცესი საგანმანათლებლო დაწესებულებებში, საბავშვო ბაღებში და საზაფხულო ბანაკებში არ განხორციელდება.სამუშაო ადგილებზე ყოფნა მხოლოდ იმ დაწესებულებებშია ნებადართული, სადაც თავშესაფრებია. უსაფრთხოების იგივე ნორმები მოქმედებს ცენტრალურ და დასავლეთ ნეგევის მიმდებარედ მცხოვრებთათვის. განსხვავდება მხოლოდ დახურულ სივრცეში შეკრების პირობა: ნებადართულია 100 ადამიანი. შეცვლილია აფრენის და დაფრენის გრაფიკი ბენ-გურიონის საერთაშორისო აეროპორტში. საჯარო თავშესაფრები გახსნილია ისრაელის სამხრეთით მდებარე ქალაქებში – აშდოდი, შდეროთი, ბერშევა და ასევე, რამდენიმე ცენტრალურ ქალაქში. გთხოვთ, გაითვალისწინოთ და დაიცვათ აღნიშნული უსაფრთხოების ნორმები“, – ნათქვამია საქართველოს საელჩოს მიერ გავრცელებულ გაფრთხილებაში. BBC-ის ცნობით, სულ მცირე 10 ადამიანი დაიღუპა ღაზის სექტორში ისრაელის საჰაერო თავდასხმის შედეგად, მათ შორის არის პალესტინური „ისლამური ჯიჰადის“ მაღალი რანგის მეთაური. ისრაელის პრემიერ-მინისტრმა განაცხადა, რომ ოპერაცია პალესტინული „ისლამური ჯიჰადისგან“ (PIJ) მომდინარე საფრთხეს მოჰყვა და იქამდე გაგრძელდება, ვიდრე ეს საჭირო იქნება. 

ისრაელის ქალაქებში საჰაერო განგაშის ხმა ისმის. ღაზის სექტორიდან 100-ზე მეტი რაკეტა გაისროლეს - მედია

სულ მცირე 10 ადამიანი დაიღუპა ღაზის სექტორში ისრაელის საჰაერო თავდასხმის შედეგად, მათ შორის არის პალესტინური „ისლამური ჯიჰადის“ მაღალი რანგის მეთაური. ტაისირ ჯაბარის სახელს არაერთ ტერორისტულ თავდასხმასა და ისრაელის ტერიტორიაზე სარაკეტო იერიშებს უკავშირებდნენ. დაჭრილია 40-მდე ადამიანი. ინფორმაციას BBC ავრცელებს. მისივე თანახმად, PIJ-მა საპასუხოდ, ისრაელის მომართულებით 100-ზე მეტი რაკეტა გაისროლა. ისრაელის მედიასაშაულებების ცნობით, ქვეყნის პრემიერ-მინისტრმა განაცხადა, რომ ოპერაცია პალესტინური „ისლამური ჯიჰადისგან“ (PIJ) მომდინარე საფრთხეს მოჰყვა. ამასთან, ისრაელის თავდაცვის მინისტრმა საჭიროების შემთხვევაში 25 000-მდე რეზერვისტის გამოძახების შესახებ გეგმა დაამტკიცა. პრემიერ-მინისტრ იაირ ლაპიდის თქმით, ოპერაცია იმდენ ხანს გაგრძელდება, რამდენ ხანსაც საჭირო იქნება. ვითარების გამწვევებას წინ უძღოდა იორდანის დასავლეთ სანაპიროს ტერიტორიაზე პალესტინური „ისლამური ჯიჰადის" ერთ-ერთი ლიდერის, ბასამ ალ-საადის დაკავება. გავრცელებული ინფორმაციით, მის დაკავებას პალესტინისა და ისრაელის პოლიციას შორის შეტაკება და მსხვერპლი მოჰყვა.  

ღაზას სექტორში, ისრაელის საჰაერო თავდასხმების შედეგად, სულ მცირე 10 ადამიანი, მათ შორის პალესტინის მებრძოლთა ჯგუფის უმაღლესი მეთაური დაიღუპა. ამის შესახებ ინფორმაცია მედიაში ვრცელდება. ამასთან, დაშავებულია ათობით ადამიანი.  ისრაელის ქალაქებში საჰაერო განგაშის ხმა ისმის. ღაზის სექტორიდან 100-ზე მეტი რაკეტა გაისროლეს - მედია ისრაელის მედიასაშაულებების ცნობით, ქვეყნის პრემიერ-მინისტრმა განაცხადა, რომ ოპერაცია პალესტინური „ისლამური ჯიჰადისგან“ (PIJ) მომდინარე საფრთხეს მოჰყვა. ამასთან, ისრაელის თავდაცვის მინისტრმა საჭიროების შემთხვევაში 25 000-მდე რეზერვისტის გამოძახების შესახებ გეგმა დაამტკიცა. პრემიერ-მინისტრ იაირ ლაპიდის თქმით, ოპერაცია იმდენ ხანს გაგრძელდება, რამდენ ხანსაც საჭირო იქნება. ვითარების გამწვევებას წინ უძღოდა იორდანის დასავლეთ სანაპიროს ტერიტორიაზე პალესტინური „ისლამური ჯიჰადის" ერთ-ერთი ლიდერის, ბასამ ალ-საადის დაკავება. გავრცელებული ინფორმაციით, მის დაკავებას პალესტინისა და ისრაელის პოლიციას შორის შეტაკება და მსხვერპლი მოჰყვა.  

ისრაელის არმია ღაზას სექტორზე იერიშებს განაგრძობს

ისრაელის თავდაცვის არმიამ (ცახალ) ღაზას სექტორში 7 სამიზნეზე იერიშის მიტანის შესახებ, 6 აგვისტოს დილიდან განაცხადა.  თავდაცვის არმიის განცხადებაში ნათქვამია, რომ იერიში ისლამური ჯიჰადის ტერორისტული დაჯგუფების წინააღმდეგ, ავიაციის, ტანკებისა და შვეულმფრენების გამოყენებით განხორციელდება.  ისრაელის ქალაქებში საჰაერო განგაშის ხმა ისმის. ღაზის სექტორიდან 100-ზე მეტი რაკეტა გაისროლეს - მედია  ისრაელის სამხედროების ნასროლი რაკეტით სამი საცხოვრებელი კორპუსი აფეთქდა, რომელთაგან ერთი მთლიანად განადგურდა. პალესტინის ჯანდაცვის სამინისტროს განცხადებით, 15 ადამიანი დაიღუპა და სულ მცირე 125 დაიჭრა. თავის მხრივ, პალესტინამ ისრაელის მიმართულებით მომხდარზე საპასუხოდ სულ მცირე 160 რაკეტა გაისროლა. ისრაელის მხარეს მსხვერპლი არ დაფიქსირებულა. რაკეტები ისრაელის საჰაერო თავდაცვის სისტემა „რკინის გუმბათმა“ შეაჩერა.  ცნობისთვის, ვითარების გამწვევებას წინ უძღოდა იორდანის დასავლეთ სანაპიროს ტერიტორიაზე პალესტინური „ისლამური ჯიჰადის" ერთ-ერთი ლიდერის, ბასამ ალ-საადის დაკავება. გავრცელებული ინფორმაციით, მის დაკავებას პალესტინისა და ისრაელის პოლიციას შორის შეტაკება და მსხვერპლი მოჰყვა.  

ისრაელმა და „ისლამურმა ჯიჰადმა“ ცეცხლის შეწყვეტის შესახებ განაცხადეს

ისრაელი და პალესტინური დაჯგუფება „ისლამური ჯიჰადი“ ცეცხლის ორმხრივად შეწყვეტაზე შეთანხმდნენ. ზავის რეჟიმი ძალაში 7 აგვისტოს ადგილობრივი დროით 23:30 შევიდა. The Jerusalem Post-ის ცნობით, შეთანხმების ძალაში შესვლიდან 8 წუთის შემდეგ, ღაზის სექტორიდან, სამხრეთ ისრაელის მიმართულებით სარაკეტო იერიში განხორციელდა. ამის შემდეგ სროლა შეწყდა და ღამემ მშვიდ ვითარებაში ჩაიარა.  „ისლამური ჯიჰადის“ გენერალური მდივანი ზიად ალ-ნახალე აცხადებს, რომ სროლის შეწყვეტის წინაპირობაა ისრაელის ციხეებიდან დაჯგუფების ორი წევრის გათავისუფლება. მისი თქმით, სროლები გაგრძელდება, თუ ისრაელი შეთანხმების თავის ნაწილს არ შეასრულებს.  ისრაელი 5 აგვისტოდან, ღაზის სექტორში ოპერაცია „განთიადს“ ახორციელებდა, რომლის მიზანიც იყო „ისლამური ჯიჰადის“ ლიდერების განადგურება. ისრაელის საჰაერო იერიშების შედეგად ღაზას სექტორში 41 ადამიანი დაიღუპა, ხოლო 300-მდე დაიჭრა. ისრაელის ხელისუფლების ცნობით მოკლულია 15 ტერორისტი.  ამასთან, „ისლამური ჯიჰადის“წარმომადგენლებმა ისრაელის მიმართულებით 100-მდე რაკეტა გაუშვეს. უმეტესობა ისრაელის თავდაცვითმა სისტემა „რკინის ფარდამ“ გაანეიტრალა. ისრაელის მხარეს მსხვერპლი არ არის.    

Reuters: ისრაელმა სირიაში, რუსეთის მთავარი ბაზის სიახლოვეს სარაკეტო იერიშები მიიტანა

ისრაელმა სირიაში, ირანულ სამხედრო ობიექტებზე, რუსეთის მთავარი ბაზის სიახლოვეს სარაკეტო იერიშები მიიტანა. ინფორმაციას Reuters-ი ავრცელებს.  სააგენტო სირიელ სამხედროებზე დაყრდნობით წერს, რომ დარტყმების სამიზნეს წარმოადგენდა ირანული რადიკალური დაჯგუფება „ჰეზბოლას“ გავლენის ქვეშ მყოფი ჩრდილო-აღმოსავლეთ შემოგარენი. Reuters-ი აღნიშნავს, რომ ისრაელმა ბოლო წლებში ირანულ სამიზნეებზე ასობით დარტყმა განახორციელა, მაგრამ ამ დრომდე თავს არიდებდა რუსეთის მთავარი ბაზის სიახლოვეს სარაკეტო იერიშებს. დარტყმები ქალაქ ტარტუსში განხორციელდა, სადაც რუსული საზღვაო ძალების ბაზა მდებარეობს. მოსკოვის მთავარი საჰაერო ბაზა ასევე მდებარეობს ლატაკიის პროვინციაში. ისრაელსა და რუსეთ შორის დაძაბულობა ებრაული სააგენტოს საკითხის გარშემო გაიზარდა.  

იაირ ლაპიდი: ჩვენ განვაგრძობთ ისრაელის საერთაშორისო პოზიციების გაძლიერებას

თურქეთთან დიპლომატიური ურთიერთობის აღდგენისადმი მიძღვნილ განცხადებაში, ისრაელის პრემიერი და საგარეო საქმეთა მინისტრი იაირ ლაპიდი ამბობს, რომ ისრაელი განაგრძობს საერთაშორისო პოზიციების განმტკიცებას. მისივე თქმით, ურთიერთობების გაუმჯობესება ხელს შეუწყობს ორ ხალხს შორის კავშირების გაღრმავებას, ეკონომიკური, სავაჭრო და კულტურული კავშირების გაფართოებას და რეგიონული სტაბილურობის განმტკიცებას. ისრაელის პრემიერ-მინისტრის ადმინისტრაციის განცხადებაში აღნიშნულია, რომ დიპლომატიური ურთიერთობების სრულად აღდგენის შესახებ გადაწყვეტილება პრემიერ-მინისტრ იაირ ლაპიდსა და თურქეთის პრეზიდენტ რეჯეპ თაიპ ერდოღანის ბოლო სატელეფონო საუბრის შემდეგ მიიღეს. ისრაელი და თურქეთი დიპლომატიური ურთიერთობების სრულად აღდგენაზე შეთანხმდნენ „თურქეთთან ურთიერთობების განახლება მნიშვნელოვანი აქტივია რეგიონული სტაბილურობისთვის და ძალიან მნიშვნელოვანი ეკონომიკური აქტივია ისრაელის მოქალაქეებისთვის. ჩვენ გავაგრძელებთ მოქმედებას და ისრაელის საერთაშორისო პოზიციების გაძლიერებას მსოფლიოში“, - ციტირებს ადმინისტრაცია იაირ ლაპიდის სიტყვებს.  

ისრაელს საქართველოში ახალი ელჩი ჰყავს

ისრაელის ახლად დანიშნული ელჩი ჰადას მეიცადი საქართველოშია. მან ამ თანამდებობაზე რან გიდორი შეცვალა, რომელსაც ვადა ამოეწურა. „ჩემთვის დიდი პატივია და უაღრესად მოხარული ვარ, შევუდგე საქმიანობას საქართველოში ისრაელის ახლად დანიშნული ელჩის რანგში. ისრაელსა და საქართველოს მეგობრობისა და დიპლომატიური კავშირების მდიდარი ისტორია აქვთ. მოუთმენლად ველი, საკუთარი წვლილი შევიტანო ჩვენი მჭიდრო ურთიერთობების შემდგომ გაღრმავებაში და ასევე, უკეთ გავიცნო ეს მშვენიერი ქვეყნა“, - აცხადებს ისრაელის ახლად დანიშნული ელჩი საქართველოში, ჰადას მეიცადი, რომლის კომენტარს საელჩო ავრცელებს. ჰადას მეიცადს გაეროში ისრაელის მისიაში პოლიტიკური მრჩევლის პოზიცია ეკავა.  

ზელენსკი იაირ ლაპიდთან საუბრის შემდეგ: იმედი მაქვს, ისრაელი რუსეთის წინააღმდეგ სანქციებს შეუერთდება

უკრაინის პრეზიდენტი ვოლოდიმირ ზელენსკი ისრაელის პრემიერ-მინისტრს ესაუბრა. იაირ ლაპიდთან პირველი სატელეფონო საუბრის შემდეგ, ზელენსკიმ იმედი გამოთქვა, რომ ისრაელი რუსეთის წინააღმდეგ სანქციებს შეუერთდება. „იმედი მაქვს რომ მისი ქვეყანა შეუერთდება რუსეთის წინააღმდეგ სანქციებს და უკრაინას უზრუნველყოფს პრაქტიკული დახმარებით რუსეთის ფედერაციის აგრესიის წინააღმდეგ საბრძოლველად“, - დაწერა ზელენსკიმ Twitter-ზე.  

ისრაელი აშშ-სგან, საწვავით მომმარაგებელი Boeing KC-46-ის ოთხ თვითმფრინავს შეისყიდის

ისრაელი აშშ-სგან 927 მილიონის ღირებულების საწვავით მომმარაგებელი Boeing KC-46-ის 4 თვითმფრინავს შეისყიდის. Reuters-ს ცნობით, ამის შესახებ ისრაელის მთავრობამ და აშშ-ის თავდაცვის კონტრაქტორმა განაცხადეს. პირველი თვითმფრინავების მიწოდება 2025 წელს იგეგმება.  

ისრაელმა თურქეთთან ფრენების აღდგენაზე შეთანხმება დაამტკიცა

ისრაელის მთავრობამ თურქეთთან ფრენების აღდგენის შესახებ შეთანხმების პროექტი დაამტკიცა. ამის შესახებ პრემიერ-მინისტრმა იაირ ლაპიდმა თავის Twitter-ზე განაცხადა. თურქეთთან შეთანხმების საფუძველზე, ისრაელის ავიაკომპანიები, ანკარის მიმართულებით ფრენების უფლებას მიიღებენ „მთავრობამ დაამტკიცა შეთანხმება თურქეთსა და ისრაელს შორის საჰაერო კომუნიკაციის დამყარების შესახებ“, - წერს პრემიერ-მინისტრი. მისი თქმით, დოკუმენტის ძალაში შესვლით ისრაელის ავიაკომპანიები სტამბოლიდან და თურქეთის სხვა მიმართულებებიდან ფრენებს განაახლებენ. 17 აგვისტოს თურქეთმა და ისრაელმა დიპლომატიური ურთიერთობების სრულად აღდგენისა და ორი ქვეყნის ელჩებისა და გენერალური კონსულების დაბრუნების შესახებ განაცხადეს. ასევე ანკარამ და თელ-ავივმა ავიაციის სფეროში თანამშრომლობის შესახებ შეთანხმებას მოაწერეს ხელი.  „თურქეთის ავიახაზები“ამჟამად ახორციელებენ ფრენებს ისრაელში.  

მედია: ისრაელის სამხედრო ავიაციამ სირიაში აეროპორტი დაბომბა

ისრაელის სამხედრო ავიაციამ სირიის ქალაქ ალეპოს აეროპორტი დაბომბა. როგორც ცნობილია, დაბომბვის შედეგად დაზიანებულია აეროპორტის ასაფრენი ბილიკი და რადიო ნავიგაციის სისტემა.  სირიის სამთავრობო მედიის ინფორმაციით, ისრაელის ავიაიერიშების გამო, ალეპოს აეროპორტმა მუშაობა მიმდინარე კვირაში უკვე მეორედ შეაჩერა. "ისრაელი „ცეცხლს ეთამაშება“ და ფართო კონფლიქტის რისკებს აჩენს", - აცხადებენ სირიის მთავრობის წარმომადგენლები.  

ისრაელისა და საქართველოს იუსტიციის სამინისტროებს შორის სახელმწიფო სერვისების დიგიტალიზაციის შესახებ ერთობლივი დეკლარაცია გაფორმდა

ისრაელისა და საქართველოს იუსტიციის სამინისტროებს შორის სახელმწიფო სერვისების დიგიტალიზაციის შესახებ ერთობლივი დეკლარაცია გაფორმდა. დოკუმენტს ხელი მოაწერეს საქართველოს იუსტიციის მინისტრმა რატი ბრეგაძემ და ისრაელის ვიცე-პრემიერმა და იუსტიციის მინისტრმა გიდეონ საარმა. საქართველოს იუსტიციის სამინისტროს ცნობით, დეკლარაცია წარმოადგენს მხარეებს შორის 2021 წლის ოქტომბერში გაფორმებული მემორანდუმის გაგრძელებას და ითვალისწინებს ისეთ საკითხებში თანამშრომლობას, როგორიცაა: საჯარო სერვისების ხელმისაწვდომობა, ბიზნესისა და მიწის რეგისტრაცია, სანოტარო სერვისები, ელექტრონული აპოსტილი და სხვა. დოკუმენტის ხელმოწერამდე მხარეებს შორის შეხვედრა გაიმართა. როგორც რატი ბრეგაძემ აღნიშნა, საჯარო სერვისების დიგიტალიზაციის შესახებ დეკლარაციის ხელმოწერა, დაგეგმილი სემინარები და ერთობლივი ღონისძიებები გასული წლის ოქტომბერში ხელმოწერილი მემორანდუმის სწრაფი და ეფექტიანი შესრულების ნათელი მაგალითია. რატი ბრეგაძემ კოლეგას სერვისების მიწოდების სფეროში ბოლო დროს განხორციელებული სიახლეების შესახებაც მიაწოდა ინფორმაცია. აღინიშნა, რომ სოფლად მცხოვრები მოსახლეობისთვის უკვე ფუნქციონირებს რვა მობილური იუსტიციის სახლი და წლის ბოლომდე მისი რიცხვი ოცამდე გაიზრდება. მინისტრის თქმით, მიმდინარეობს მუშაობა მობილურ აპლიკაცია JustApp-ზე, რომელიც მომხმარებელს საშუალებას მისცემს, ყველა სერვისი ონლაინ მიიღოს. შეხვედრაზე ქართულმა მხარემ ისრაელელ მეცნიერებს ჟურნალ „იუსტიციაში“ სტატიების გამოქვეყნებაც შესთავაზა. შეხვედრას იუსტიციის მინისტრის პირველი მოადგილე თამარ ტყეშელაშვილი, მოადგილეები ბექა ძამაშვილი, ბუბა ლომუაშვილი, თორნიკე ჭეიშვილი და ერეკლე ღვინიანიძე, ასევე, საქართველოში ისრაელის ელჩი ჰადას მეიცადი ესწრებოდნენ.  

ისრაელი მზადაა, მობილიზაციის გამოცხადების შემდეგ, რუსეთიდან რეპარტრიაციის უფლების მქონე მოქალაქეები მიიღოს

ისრაელის პრემიერ-მინისტრმა იაირ ლაპიდმა და ისრაელის ავიაკომპანიის El-Al-ის ხელმძღვანელმა შლომი ამ შალომმა, რუსეთიდან ისრაელში ფრენების რაოდენობის შესაძლო, გაზრდაზე კონსულტაციები გამართეს.  მედიის ცნობით, კონსულტაციების მიზანია რუსეთის მოქალაქეების შემოყვანა, რომლებსაც ისრაელში რეპატრიაციის უფლება აქვთ და სურვილი აქვთ პუტინის მიერ გამოცხადებულ „ნაწილობრივ მობილიზაციას“ თავი აარიდონ.  ისრაელი ერთ-ერთია იმ მცირერიცხოვან ქვეყნებს შორის, რომელიც, საერთაშორისო ანტირუსული სანქციების შემოღების შემდეგ, რუსეთთან საჰაერო კავშირებს ინარჩუნებს.  ისრაელის საგარეო საქმეთა სამინისტროს გენერალურმა დირექტორმა ალონ უშპიზმა განაცხადა, რომ მთავრობის ბრძანებით ქვეყანაში რეპატრიანტთა ახალი ტალღის ჩასვლისთვის მზადება დაიწყო. „პრემიერმა და საგარეო საქმეთა მინისტრმა იაირ ლაპიდმა დაგვავალა რუსეთიდან ახალი ემიგრანტების მიღება. ეს მოითხოვს შეფასებას მრავალ დონეზე, საჰაერო მოგზაურობიდან დაწყებული ვიზებით და ქვეყანაში მიღებამდე. ჩვენ მჭიდროდ ვთანამშრომლობთ სხვა სამინისტროებთან, ჩვენს საელჩოსთან რუსეთში და რა თქმა უნდა El-Al- თან“, - თქვა უშპიზმა. 21 სექტემბერს რუსეთის პრეზიდენტმა, ვლადიმერ პუტინმა, ნაწილობრივი მობილიზაცია გამოაცხადა.  რუსეთის თავდაცვის მინისტრის ცნობით, მობილიზაცია 300 000 რეზერვისტს შეეხება.    

ისრაელის მედია: უკრაინამ დრონების სათვალთვალო სისტემები მიიღო

ისრაელის გამოცემა Zman Yisrael იტყობინება, რომ უკრაინამ, სავარაუდოდ, ისრაელის დრონების სათვალთვალო სისტემები მიიღო. საჰაერო ძალების სარდლობა: უკრაინელმა სამხედროებმა ირანული დრონები გაანადგურეს გამოცემის წყაროს თქმით, ამ სისტემების გაყიდვები პოლონეთის გავლით ხორციელდება, რადგან ისრაელს უკრაინისთვის თანამედროვე იარაღის მიყიდვა აკრძალული აქვს. ისრაელი ანტიდრონების სისტემებს ღაზას, ლიბანისა და სირიის უპილოტო საფრენი აპარატების აღმოსაჩენად იყენებს.  „როგორც ჩანს, მთავრობა თვალს ხუჭავს გაყიდვაზე და გადაწყვეტილი აქვს დაარღვიოს გარიგება მოწინავე თავდაცვის ტექნოლოგიების მიწოდებაზე, რომლის ექსპორტიც კიევში, ისრაელის თავდაცვის სამინისტრომ კომპანიებს აუკრძალა“, -წერს ისრაელის მედია.  გამოცემის თანახმად, ამ სისტემების ექსპორტის კომპანიამ თავდაცვის სამინისტროს განუცხადა, რომ გაყიდვა განხორციელდა პოლონეთში და, როგორც ჩანს, არ იცოდა, რომ ვარშავა შუამავალის ფუნქციას ასრულებდა კიევში იარაღის გადასატანად.   ისრაელი ერთ-ერთი მსოფლიო ლიდერია ანტიდრონის სისტემების დიზაინსა და წარმოებაში. ამ ტექნოლოგიების წარმოებაში მინიმუმ ექვსი კომპანიაა ჩართული, მათ შორის: IAI, Elbit Systems, MCTECH, Avnon Group და Spear-ი.   

ვოლოდიმირ ზელენსკი: ომის დაწყების შემდეგ, ისრაელს უკრაინისთვის არანაირი დახმარება არ აღმოუჩენია

უკრაინის პრეზიდენტმა ვოლოდიმირ ზელენსკიმ გამოცემა Ouest France-სთან ინტერვიუში განაცხადა, რომ რუსეთთან ფართომასშტაბიანი ომის დაწყების შემდეგ, ისრაელს უკრაინისთვის არანაირი დახმარება არ აღმოუჩენია. ამავე დროს, ქვეყანამ იარაღის ექსპორტი განახორციელა სხვა სახელმწიფოებში. მე შოკირებული ვარ, არ მესმის. ისრაელმა არაფერი მოგვცა, არაფერი, ნული … მე მესმის, რომ მათ უნდა დაიცვან თავიანთი მიწა, თუმცა მე მივიღე ინფორმაცია იმის შესახებ, რომ ისრაელი თავისი შეიარაღების ექსპორტს სხვა ქვეყნებში ახორციელებს“, - განაცხადა ვოლოდიმირ ზელენსკიმ. ამასთან, ზელენსკიმ განმარტა, რომ ის არ ადანაშაულებს ქვეყნის ლიდერებს. „მე ფაქტებზე ვსაუბრობ: იყო დისკუსია ისრაელის ხელმძღვანელობასთან და ეს არ დაეხმარა უკრაინას“, - განაცხადა უკრაინის პრეზიდენტმა და აღნიშნა, რომ ისრაელზე რუსეთის გავლენა შესამჩნევია.       

უკრაინა ისრაელს მოუწოდებს, რუსული აგრესიისგან თავის დაცვაში დაეხმაროს

უკრაინა ისრაელს, რუსეთის აგრესიის წინააღმდეგ ბრძოლაში დახმარებას სთხოვს. ამის შესახებ უკრაინის პრეზიდენტის ოფისის ხელმძღვანელმა ანდრი ერმაკმა განაცხადა. მისი თქმით, ისრაელი უნდა გახდეს უკრაინის საიმედო პარტნიორი ტერორიზმთან ბრძოლაში და დროა, გაწყვიტოს კავშირი მზაკვრულ და ბარბაროსულ რუსულ სახელმწიფოსთან. „რუსული პროპაგანდითა და დეზინფორმაციით გაჯერებულ სამყაროში, რამდენიმე უდავო ჭეშმარიტება არსებობს. ერთი რამ ნათელია. ისრაელი და უკრაინა ერთნაირ ომში იბრძვიან, ეს არის ომი ტერორისტების წინააღმდეგ. ვოლოდიმირ ზელენსკი: ომის დაწყების შემდეგ, ისრაელს უკრაინისთვის არანაირი დახმარება არ აღმოუჩენია უკრაინას სჭირდება მოკავშირეები, რომლებსაც შეეძლებათ და სურთ, გაიზიარონ ჩვენი ტვირთი, რადგან მათ იციან თავისუფლებისა და მშვიდობის ნამდვილი ფასი. როდესაც ებრაელები მთელ მსოფლიოში ფიქრობენ გასულ წელზე, მოგზაურობებზე, ნაკლოვანებებსა და ზრდაზე, ჩვენ მოვუწოდებთ ისრაელს, ასევე დაფიქრდეს და მეტი გააკეთოს, რათა დაეხმაროს უკრაინას მისი ცხოვრების წესის და ღირებულებების დასაცავად“, - განაცხადა ანდრი ერმაკმა.  

ისრაელი მძიმედ დაჭრილი უკრაინელი ჯარისკაცების მკურნალობას უზრუნველყოფს

მძიმედ დაჭრილ უკრაინელ ჯარისკაცებს ისრაელში უმკურნალებენ. ამის შესახებ ისრაელის ელჩმა უკრაინაში, მაიკლ ბროდსკიმ განაცხადა. „ისრაელი მიიღებს 20 უკრაინელ ჯარისკაცს, რომლებიც საომარი მოქმედებების დროს მძიმედ დაიჭრნენ“, - განაცხადა ელჩმა. ვოლოდიმირ ზელენსკი: ომის დაწყების შემდეგ, ისრაელს უკრაინისთვის არანაირი დახმარება არ აღმოუჩენია დაჭრილი ჯარისკაცების ტრანსპორტირებას უკრაინულ მხარესთან კოორდინაციით, ისრაელის საელჩო მოახდენს.  

ისრაელი, რუსეთის მიერ უკრაინის რეგიონების ანექსიას არ ცნობს

ისრაელი არ ცნობს რუსეთის მიერ უკრაინის ოთხი რეგიონის ანექსიას. ამის შესახებ ისრაელის საგარეო საქმეთა სამინისტროს განცხადებაშია ნათქვამი, რომელიც Twitter-ზე გამოქვეყნდა. „ისრაელი მხარს უჭერს უკრაინის სუვერენიტეტსა და ტერიტორიულ მთლიანობას. ჩვენ არ ვაღიარებთ რუსეთის მიერ ოთხი რეგიონის ანექსიას", - აცხადებენ ისრაელის საგარეო საქმეთა სამინისტროში. დღეს რუსეთის პრეზიდენტმა ვლადიმერ პუტინმა, უკრაინის ტერიტორიების ანექსია გააფორმა. უკრაინის და მისი დასავლელი პარტნიორების ცნობით, დონეცკის, ლუგანსკის, ხერსონისა და ზაპოროჟიეს ოლქებში, ოკუპირებული ტერიტორიების მცხოვრებლები, აიძულეს რუსეთთან შეერთების ყალბ რეფერენდუმებზე მიეცათ ხმა. მის შედეგებს საერთაშორისო საზოგადოება არ ცნობს.  

ევროკავშირი და ისრაელი 2012 წლის შემდეგ პირველ მაღალი დონის მოლაპარაკებებს მართავენ

ევროკავშირმა და ისრაელმა ბოლო ათწლეულის განმავლობაში მაღალი დონის მოლაპარაკებები პირველად გამართეს. საგარეო და უსაფრთხოების საკითხებში ევროკავშირის უმაღლესმა წარმომადგენელმა ჯოზეფ ბორელმა ორი სახელმწიფოს ინიციატივის მხარდაჭერისთვის შეაქო იაირ ლაპიდი, თუმცა აღნიშნა, რომ პალესტინის ტერიტორიებზე ვითარება შემაშფოთებელია. მედიის ცნობით, ევროკავშირი ზეწოლას განახორციელებს ისრაელზე შეჩერებული სამშვიდობო ძალისხმევისა და პალესტინურ ტერიტორიებზე არსებული ვითარების გამო. „ჩვენ გულწრფელად და ღიად განვიხილავთ ზოგიერთ სფეციფიკურ საკითხს, რომლებიც ჩვენი ერთობლივი შეშფოთების საგანია, ვგულისხმობ ვითარებას პალესტინურ ტერიტორიებზე და ახლო აღმოსავლეთის სამშვიდობო პროცესს, რომელიც შეჩერებულია“, - განაცხადა ჯოზეფ ბორელმა. „ჩვენ გვინდა პოლიტიკური პროცესის განახლება, რომელსაც შეუძლია, ყოვლისმომცველი რეგიონული მშვიდობა გამოიწვიოს“, - განაცხადა ბორელმა.

თურქეთმა ისრაელში ახალი ელჩი დანიშნა

თურქეთმა ისრაელში თავის ახალ ელჩად საკირ ოზკან ტორუნლარი დანიშნა მას შემდეგ, რაც გასულ თვეში, ქვეყნებმა დიპლომატიური ურთიერთობების აღდგენა გადაწყვიტეს. ინფორმაციას Associated Press-ი ავრცელებს. ტორუნლარი, მრავალწლიანი გამოცდილების მქონე პროფესიონალი დიპლომატი, 2010 წლიდან 2013 წლამდე იერუსალიმში თურქეთის გენერალური კონსული იყო. პალესტინის პრეზიდენტმა მაჰმუდ აბასმა 2013 წელს ტორუნლარი იერუსალიმის ვარსკვლავის ორდენით დააჯილდოვა პალესტინა-თურქეთის ურთიერთობებში შეტანილი წვლილისთვის. ტორუნლარი ასევე იყო ელჩი პალესტინაში. 21 სექტემბერს, თურქეთისა და ისრაელის ლიდერებმა 2008 წლის შემდეგ პირველი შეხვედრა გამართეს. ისრაელი და თურქეთი დიპლომატიური ურთიერთობების სრულად აღდგენაზე მიდმინარე წლის აგვისტოში შეთანხმდნენ.  

იაირ ლაპიდი: მტკიცედ ვგმობ რუსეთის თავდასხმებს კიევსა და უკრაინის სხვა ქალაქებზე

ისრაელის პრემიერ-მინისტრმა იაირ ლაპიდმა, დაგმო რუსეთის მასიური სარაკეტო თავდასხმები უკრაინის ქალაქებზე, რომელსაც მშვიდობიანი მოსახლეობა ემსხვერპლა. „მტკიცედ ვგმობ რუსეთის თავდასხმებს კიევსა და უკრაინის სხვა ქალაქებში მშვიდობიანი მოსახლეობის წინააღმდეგ. გულწრფელ თანაგრძნობას ვუცხადებ დაღუპულთა ოჯახებს და უკრაინელ ხალხს", - დაწერა ლაპიდმა Twitter-ზე. 10 ოქტომბრის დილიდან, რუსეთს მასიურად მიაქვს სარაკეტო იერიში უკრაინაზე. კიევზე სარაკეტო თავდასხმას მსხვერპლი მოჰყვა. უკრაინის საჰაერო ძალების ცნობით, რუსმა სამხედროებმა უკრაინის ტერიტორიაზე სულ მცირე 83 რაკეტა ისროლეს. ვოლოდიმირ ზელენსკი: რუსეთის ძალებს უკრაინაში ორი სამიზნე აქვთ - ენერგოობიექტები და ადამიანები. ეს ტერორიზმია ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო. 12 აპრილს, აშშ-ის პრეზიდენტმა ჯო ბაიდენმა რუსეთის პრეზიდენტი ვლადიმერ პუტინი გენოციდში დაადანაშაულა.  რუსეთის ძალებმა 2022 წლის 4-დან 31 მარტამდე უკრაინის დედაქალაქ კიევიდან ჩრდილო-დასავლეთით 30 კილომეტრში მდებარე ქალაქ ბუჩის ოკუპაციის დროს ომის აშკარა დანაშაულები ჩაიდინეს, ნათქვამია Human Rights Watch-ის 21 აპრილს გამოქვეყნებულ დეტალურ ანგარიშში. ორგანიზაციამ ომის დანაშაულის და კაცობრიობის წინააღმდეგ პოტენციური დანაშულის მტკიცებულებები შეაგროვა. ომის დანაშაულში ბრალდებული პირველ რუსი ჯარისკაცს უკრაინის სასამართლომ სამუდამო პატიმრობა მიუსაჯა. 31 მაისს, კიდევ ორ რუს ჯარისკაცს უკრაინის სასამართლომ ომის დანაშაულისთვის 11 წლით თავისუფლების აღკვეთა მიუსაჯა. „რუსეთის საჰაერო თავდასხმა უკრაინის ქალაქ მარიუპოლის თეატრზე, სადაც ასობით მშვიდობიანი მოქალაქე აფარებდა თავს, ომის აშკარა დანაშაულია", - განაცხადა უფლებადამცველმა ორგანიზაცია Amnesty International-მა 30 ივნისს, როდესაც მრავალი გადარჩენილი ადამიანი გამოკითხა და ვრცელი ციფრული მტკიცებულება შეაგროვა. 23 ივლისს, Human Rights Watch-მა რუსეთის მიერ ოკუპირებულ სამხრეთ უკრაინის ტერიტორიაზე ადამიანების გატაცებისა და წამების შესახებ ანგარიში გამოაქვეყნა. Human Rights Watch-ის მიერ სექტემბრის დასაწყისში გამოქვეყნებული ანგარიშის მიხედვით, უკრაინელები იძულებით გადაჰყავთ რუსეთში ან რუსეთის მიერ უკრაინის ოკუპირებულ ტერიტორიებზე. გაეროს ექსპერტთა ჯგუფმა, 23 სექტემბერს წარმოადგინა პირველადი შედეგები გამოძიების, რომელიც კიევში, ჩერნიგოვში, ხარკოვსა და სუმის ოლქებში ჩატარდა. 14 სექტემბრის მონაცემებით, უკრაინის ხელისუფლებამ განაცხადა, რომ უკრაინის შეიარაღებულმა ძალებმა კონტრშეტევის დროს, დაახლოებით 6000 კვ. კმ. დაიბრუნეს. რუსეთის კონტროლის ქვეშ მყოფი სამხრეთ რეგიონის გასათავისუფლებლად მთავარი კონტრშეტევის მოლოდინი ივლისის დასაწყისიდან გაჩნდა, როდესაც თავდაცვის მინისტრი, ოლექსი რეზნიკოვი ამბობდა, რომ პრეზიდენტმა ვოლოდიმირ ზელენსკიმ ოკუპირებული სამხრეთის გათავისუფლების ბრძანება გასცა. უკრაინა აცხადებს, რომ დეოკუპაციის მიზნით, კონტრშეტევებს განაგრძობს. AP: გაეროს ექსპერტებმა, უკრაინაში რუსეთის სამხედრო დანაშაულების შესახებ მტკიცებულებები მოიპოვეს დასავლეთი რუსეთს მძიმე სანქციებს უწესებს და უკრაინას სამხედრო და ეკონომიკურ დახმარებას უწევს.  

ისრაელის ოფიციალური პირი: დროა, ისრაელმა უკრაინას სამხედრო დახმარება მიაწოდოს

ირანული ბალისტიკური რაკეტების რუსეთისთვის მიწოდება, ისრაელს უკრაინისთვის სამხედრო დახმარების მიწოდებისკენ უბიძგებს, ამ შინაარსის განცხადებას ისრაელის დიასპორის საქმეთა მინისტრი ნაჩმან შაი აკეთებს. „დღეს დილით გავრცელდა ინფორმაცია, რომ ირანი რუსეთს ბალისტიკურ რაკეტებს გადასცემს. ეჭვგარეშეა, სად უნდა დადგეს ისრაელი ამ სისხლიან კონფლიქტში. დადგა დრო, რომ უკრაინამ ასევე მიიღოს სამხედრო დახმარება, ისევე როგორც აშშ და NATO-ს ქვეყნები აწვდიან“, - წერს მინისტრი. ცნობისთვის, ისრაელი ამ დრომდე უარს ამბობდა უკრაინისთვის სამხედრო დახმარების გაწევაზე. The Washington Post-ი აშშ-ისა და მისი მოკავშირე ქვეყნების ოფიციალურ პირებზე დაყრდნობით იუწყება, რომ ირანი რუსეთისთვის მისაწოდებლად Fateh-110-ისა და Zofaghar-ის ტიპის რაკეტების პირველ პარტიას ამზადებს. Fateh-110 და Zofaghar მოკლე დისტანციის ბალისტიკური რაკეტებია, რომლებსაც შეუძლიათ, სამიზნეებს 300 და 700 კილომეტრის მანძილზე მიაყენონ დარტყმა. როგორც უკრაინის, ასევე გაერთიანებული სამეფოს თავდაცვის სამინისტროების ცნობით, რუსეთს ეწურება ბალისტიკური და ფრთოსანი რაკეტების საკუთარი მარაგი და მოსკოვმა უკვე იყიდა ასობით ირანული კამიკაძე-დრონი. 11 ოქტომბერს პრეზიდენტმა ზელენსკიმ განაცხადა, რომ რუსეთმა უკრაინაში ომისთვის ირანისგან 2400 კამიკაძე-დრონი შეუკვეთა. უკრაინის სამხედროები ყოველდღიურად ავრცელებენ ინფორმაციას ირანული წარმოების დრონების ჩამოგდების შესახებ. შეერთებულმა შტატებმა ოთხ ირანულ კომპანიას და ერთ ფიზიკურ პირს ირანული დრონების შემუშავებისა და რუსეთში გაგზავნისთვის სანქციები დაუწესა. Reuters-ის ცნობით, ევროკავშირის მინისტრები ასევე განიხილავენ ირანის წინააღმდეგ სანქციებს რუსეთისთვის დრონების მიწოდების გამო. ირანმა თავის მხრივ, უარყო რუსეთისთვის იარაღის მიწოდება.

ისრაელი უკრაინას შეირაღებას არ მიაწვდის, თუმცა ავიადარტყმების შესახებ გამაფრთხილებელი სისტემებით დაეხმარება

ისრაელის თავდაცვის მინისტრმა ბენი განცმა განაცხადა, რომ ისრაელი უკრაინას შეიარაღებას არ გადასცემს, თუმცა ავიადარტყმების შესახებ გამაფრთხილებელი სისტემების შექმნით დაეხმარება. მინისტრის განმარტებით, ისრაელის დახმარება ჰუმანიტარული დახმარებით, სამედიცინო საშუალებებითა და დამცავი აღჭურვილობით შემოიფარგლება. „მინდა ხაზი გავუსვა, რომ ისრაელი, რიგი ოპერატიული მოსაზრებების გამო, არ გადასცემს უკრაინას შეიარაღების სისტემებს. ჩვენ გავაგრძელებთ უკრაინის მხარდაჭერას საკუთარი შეზღუდვების ფარგლებში, როგორც ადრე ვაკეთებდით ამას. დახმარებისა და დამცავი აღჭურვილობის გაფართოებული გადაცემის ფარგლებში, უკრაინის წარმომადგენლებთან საუბრის შემდეგ, ჩვენ მოვითხოვეთ მონაცემები, რომლებიც საშუალებას მოგვცემს, დაგვეხმაროს საჰაერო და სხვა საფრთხის გამაფრთხილებელი სისტემის შექმნასა და შენარჩუნებაში, ისეთივე სისტემის, როგორიც ისრაელშია”, - აღნიშნა თავდაცვის მინისტრმა. უკრაინა ოფიციალურად სთხოვს ისრაელს, რომ საჰაერო თავდაცვის სისტემები გადასცეს ისრაელის ოფიციალური პირი: დროა, ისრაელმა უკრაინას სამხედრო დახმარება მიაწოდოს მისივე თქმით, ამ სისტემის უპირატესობა მშვიდობიანი მოსახლეობის სიცოცხლის გადასარჩენააა. მოქალაქეები ისრაელში ავიადარტყმების შესახებ გაფრთხილებებს იღებენ სირენების, ტელეფონებზე სიგნალების, ტელევიზიასა და რადიოში შეტყობინებების საშუალებით. როგორც უკრაინის, ასევე გაერთიანებული სამეფოს თავდაცვის სამინისტროების ცნობით, რუსეთს ეწურება ბალისტიკური და ფრთოსანი რაკეტების საკუთარი მარაგი და მოსკოვმა უკვე იყიდა ასობით ირანული კამიკაძე-დრონი. 11 ოქტომბერს პრეზიდენტმა ზელენსკიმ განაცხადა, რომ რუსეთმა უკრაინაში ომისთვის ირანისგან 2400 კამიკაძე-დრონი შეუკვეთა. უკრაინის სამხედროები ყოველდღიურად ავრცელებენ ინფორმაციას ირანული წარმოების დრონების ჩამოგდების შესახებ. შეერთებულმა შტატებმა ოთხ ირანულ კომპანიას და ერთ ფიზიკურ პირს ირანული დრონების შემუშავებისა და რუსეთში გაგზავნისთვის სანქციები დაუწესა.

უკრაინა ოფიციალურად სთხოვს ისრაელს, რომ საჰაერო თავდაცვის სისტემები გადასცეს

უკრაინის საგარეო საქმეთა მინისტრის, დმიტრო კულებას განცხადებით, უკრაინა ისრაელს საჰაერო თავდაცვის სისტემების სწრაფად გადაცემის მოთხოვნით, ოფიციალურ ნოტას გაუგზავნის.  ისრაელის ოფიციალური პირი: დროა, ისრაელმა უკრაინას სამხედრო დახმარება მიაწოდოს „დღეს უკრაინა გაუგზავნის ოფიციალურ ნოტას ისრაელის მთავრობას თხოვნით, სასწრაფოდ მიაწოდოს უკრაინას საჰაერო თავდაცვის სისტემები და დაიწყოს მაღალი ხარისხის თანამშრომლობა უკრაინის მიერ შესაბამისი ტექნოლოგიების შეძენასთან დაკავშირებით. თქვენ იცით, რომ ირანი არის წითელი ხაზი ისრაელისთვის. მას შემდეგ, რაც ირანი არსებითად გახდა უშუალო თანამონაწილე უკრაინის წინააღმდეგ აგრესიის, ვფიქრობ, ისრაელში ნებისმიერს, ვინც ჯერ კიდევ ყოყმანობს, დაეხმაროს უკრაინას თუ არა, ეს ყოყმანი უნდა შეწყვიტოს და ჩვენ ვიმუშავებთ ამაზე ჩვენს ისრაელელ პარტნიორებთან ერთად“, - აღნიშნა კულებამ. კულებას თქმით, თუ ისრაელი ნამდვილად თანმიმდევრულია თავის პოლიტიკაში ირანის დესტრუქციულ ქმედებებთან დაკავშირებით, დროა, უკრაინის მხარე ღიად დაიჭიროს.  როგორც უკრაინის, ასევე გაერთიანებული სამეფოს თავდაცვის სამინისტროების ცნობით, რუსეთს ეწურება ბალისტიკური და ფრთოსანი რაკეტების საკუთარი მარაგი და მოსკოვმა უკვე იყიდა ასობით ირანული კამიკაძე-დრონი. 11 ოქტომბერს პრეზიდენტმა ზელენსკიმ განაცხადა, რომ რუსეთმა უკრაინაში ომისთვის ირანისგან 2400 კამიკაძე-დრონი შეუკვეთა. უკრაინის სამხედროები ყოველდღიურად ავრცელებენ ინფორმაციას ირანული წარმოების დრონების ჩამოგდების შესახებ. შეერთებულმა შტატებმა ოთხ ირანულ კომპანიას და ერთ ფიზიკურ პირს ირანული დრონების შემუშავებისა და რუსეთში გაგზავნისთვის სანქციები დაუწესა.  

ნეთანიაჰუ პირობას დებს, რომ ისრაელის პრემიერად არჩევის შემთხვევაში, უკრაინისთვის იარაღის მიწოდებას განიხილავს

ისრაელის ოპოზიციური პარტიის „ლიკუდის“ ლიდერი, რომელიც მომავალი საპარლამენტო არჩევნების ფავორიტია, ბენიამინ ნეთანიაჰუ, პრემიერ-მინისტრად არჩევის შემთხვევაში, მზადაა უკრაინისთვის იარაღის მიწოდებასთან დაკავშირებით, მთავრობის პოლიტიკას გადახედოს.  ისრაელი უკრაინას შეირაღებას არ მიაწვდის, თუმცა ავიადარტყმების შესახებ გამაფრთხილებელი სისტემებით დაეხმარება ამის შესახებ მან Fox News Sunday-თან ინტერვიუში განაცხადა, იუწყება Ukrinform ისრაელის ეროვნულ ამბებზე დაყრდნობით. „ლიკუდის“ ლიდერმა უარყო შეფასება, რომ ისრაელი „რუსეთის მხარესაა“ და თქვა, რომ პრემიერ-მინისტრად არჩევის შემთხვევაში მას შეუძლია კიევისთვის იარაღის გადაცემის საკითხზე, მთავრობის პოზიცია შეცვალოს.  „ეს არაა იოლი საკითხი, მაგრამ გადასაწყვეტი საკითხია და არჩევის შემთხვევაში ამას გავაკეთებ“, - განაცხადა ნეთანიაჰუმ.  უკრაინა ოფიციალურად სთხოვს ისრაელს, რომ საჰაერო თავდაცვის სისტემები გადასცეს ისრაელის ოფიციალური პირი: დროა, ისრაელმა უკრაინას სამხედრო დახმარება მიაწოდოს  

ვოლოდიმირ ზელენსკი ისრაელს მოუწოდებს, ჩამოყალიბდნენ, ვის უჭერენ მხარს, უკრაინას თუ რუსეთს

ვოლოდიმირ ზელენსკი ისრაელს მოუწოდებს, ჩამოყალიბდნენ, ვის უჭერენ მხარს, უკრაინას თუ რუსეთს. ნეთანიაჰუ პირობას დებს, რომ ისრაელის პრემიერად არჩევის შემთხვევაში, უკრაინისთვის იარაღის მიწოდებას განიხილავს ამის შესახებ უკრაინის პრეზიდენტმა, Haaretz-ის დემოკრატიის სამიტის მონაწილეების წინაშე სიტყვით გამოსვლისას განაცახდა.  „გულწრფელად მადლობას გიხდით (ისრაელს) დემოკრატიის ჯილდოსთვის, მაგრამ დადგა დრო, რომ თქვენმა სახელმწიფომ აირჩიოს ვისთან ერთად ხართ? დემოკრატიულ სამყაროსთან, რომელიც ებრძვის ეგზისტენციალურ საფრთხეს? ან მათთან, ვინც თვალს ხუჭავს რუსულ ტერორზე მაშინაც კი, როდესაც ტერორის გაგრძელების ფასი გლობალური უსაფრთხოების სრული განადგურებაა“, - განაცხადა ზელენსკიმ.  ისრაელი უკრაინას შეირაღებას არ მიაწვდის, თუმცა ავიადარტყმების შესახებ გამაფრთხილებელი სისტემებით დაეხმარება უკრაინის პრეზიდენტი იმედოვნებს, რომ ისრაელი მის კითხვაზე სამართლიან პასუხს გასცემს, რადგან ეს ეხება არა პოლიტიკას, არამედ ღირებულებებს. ისრაელის პრემიერმა დმიტრო კულებას განუცხადა, რომ ირანსა და რუსეთს შორის სამხედრო კავშირებით შეშფოთებულია ზელენსკის თქმით, რიგი პარტნიორები უკვე ეხმარებიან ან შეუძლიათ დაეხმარონ უკრაინას საჰაერო სივრცის დაცვაში, მაგრამ ისრაელი ამ პარტნიორებს შორის არ არის. ზელენსკიმ დასძინა, რომ უკრაინა ისრაელს დახმარებას 2014 წლიდან სთხოვს. მან აღნიშნა, რომ უკრაინელები არ დათმობენ ბრძოლას, რადგან მათ „მარტივი და გასაგები რამ სურთ: გაათავისუფლონ თავისი მიწა, უზრუნველყონ ხალხის უსაფრთხოება და მშვიდობა მისცენ უკრაინელებს“. უკრაინა ოფიციალურად სთხოვს ისრაელს, რომ საჰაერო თავდაცვის სისტემები გადასცეს ისრაელის ოფიციალური პირი: დროა, ისრაელმა უკრაინას სამხედრო დახმარება მიაწოდოს  

უკრაინა და ისრაელი თავდაცვის სფეროში თანამშრომლობის საკითხებს განიხილავენ

უკრაინის თავდაცვის მინისტრმა ოლექსი რეზნიკოვმა ისრაელის კოლეგა ბენი განცთან საუბრისას ორმხრივი თანამშრომლობის განვითარების გზები განიხილა. ამის შესახებ უკრაინის თავდაცვის სამინისტროს მიერ გავრცელებულ ინფორმაციაშია ნათქვამი. „სატელეფონო საუბარი მქონდა ისრაელის თავდაცვის მინისტრ ბენი განცთან. განვიხილეთ უკრაინაში უსაფრთხოების ვითარება, ასევე ჩვენი ორმხრივი თანამშრომლობის შემდგომი განვითარების გზები", - განაცხადა რეზნიკოვმა. მინისტრებმა ასევე განიხილეს ჰუმანიტარული და სამედიცინო დახმარების გაწევის საკითხი. რუსეთის სრულმასშტაბიანი შეჭრის შემდეგ, კიევმა არაერთხელ სთხოვა თელ-ავივს თავდაცვითი იარაღის, განსაკუთრებით საჰაერო თავდაცვის სისტემების მიწოდება. 16 ოქტომბერს, ისრაელის ისრაელის დიასპორის მინისტრმა განაცხადა, რომ დროა, ისრაელმა უკრაინას სამხედრო დახმარება მიაწოდოს. თავის მხრივ, ქვეყნის თავდაცვის მინისტრმა 19 ოქტომბერს დააფიქსირა პოზიცია, რომ ისრაელი უკრაინას შეირაღებას არ მიაწვდის, თუმცა ავიადარტყმების შესახებ გამაფრთხილებელი სისტემებით დაეხმარება. უკრაინა ოფიციალურად სთხოვს ისრაელს, რომ საჰაერო თავდაცვის სისტემები გადასცეს მოგვიანებით, ისრაელის პრემიერმა დმიტრო კულებას სატელეფონო საუბრისას განუცხადა, რომ ირანსა და რუსეთს შორის სამხედრო კავშირებით შეშფოთებულია. უკრაინის პრეზიდენტმა ვოლოდიმირ ზელენსკიმ ისრაელს 24 ოქტომბერს მოუწოდა, ჩამოყალიბდეს, ვის უჭერენ მხარს, უკრაინას თუ რუსეთს. მისი განმარტებით, კიევი ისრაელს დახმარებას 2014 წლიდან სთხოვს.

ზელენსკიმ ისრაელთან, ირანული დრონების საკითხზე, თანამშრომლობის დეტალები გაასაჯაროვა

უკრაინის პრეზიდენტის ვოლოდიმირ ზელენსკის თქმით, უკრაინა ისრაელთან ირანულ დრონების საკითხეზე თანამშრომლობს. ამის შესახებ მან კიევში გვინეა-ბისაუს პრეზიდენტთან გამართულ ერთობლივ ბრიფინგზე განაცხადა. მისივე თქმით, ისრაელთან ირანული უპილოტო თვითმფრინავების შესახებ მონაცემების მიწოდების საკითხზე თანამშრომლობა „რამდენიმე დღის წინ დაიწყო". „ისრაელის დაზვერვის მონაცემები ადასტურებს, რომ რუსეთმა უკრაინის წინააღმდეგ 400-ზე მეტი ირანული უპილოტო თვითმფრინავი გამოიყენა“, - თქვა ზელენსკიმ. „ჩვენ ისრაელთან თანამშრომლობის დასაწყისში ვართ. ეს არის პოზიტიური გზა ისრაელისგან. მადლობელი ვარ ამისთვის", - დასძინა პრეზიდენტმა. ამავდროულად, ზელენსკის თქმით, მას ისრაელისგან უფრო მეტი მხარდაჭერის იმედი აქვს. „ისრაელმა იცის რა არის ომი. გვჯერა, რომ ისრაელი უფრო მეტად უნდა დაუჭერს მხარს უკრაინას“, - აღნიშნა ზელენსკიმ. შეგახსენებთ, რომ, ისრაელის პრეზიდენტმა იცხაკ ჰერცოგმა, ვაშინგტონში ვიზიტისას, აშშ-ის პრეზიდენტ ჯო ბაიდენს სადაზვერვო მონაცემები წარუდგინა, რითაც დასტურდება, რომ რუსეთმა უკრაინაში ირანული „კამიკაძე-დრონები“ განათავსა. ირანი უარყოფს, რომ მოსკოვს დრონები მიაწოდა. თავის მხრივ, კრემლსაც არ უღიარებია ეს ფაქტი. ინფორმაცია, რომ ირანი რუსეთისთვის დრონების მიწოდებას აპირებდა, თავდაპირველად, აშშ-მა გაავრცელა. უკრაინის პრეზიდენტის თქმით, გასული თვის განმავლობაში უკრაინამ 233 ირანული დრონი გაანადგურა. უკრაინამ დასავლეთს საჰაერო თავდაცვის სისტემების დაუყოვნებლით მიწოდებისკენ მოუწოდა. კიევი ასეთ სისტემებს პარტნიორებისგან უკვე იღებს. რუსეთი უკრაინაში 24 თებერვალს შეიჭრა და ამ დრომდე აწარმოებს სრულმასშტაბიან ომს. დასავლეთმა არაერთხელ დაფიქსირა, რომ ის მზადაა, კიევს გრძელვადიან პერსპექტივაში დაეხმაროს. ახლა კი, კიევზე რუსეთის მასიური სარაკეტო იერიშების შემდეგ, უკრაინის საჰაერო თავდაცვის უზრუნველყოფას აცხადებს პრიორიტეტად. 20 ოქტომბერს, ევროკავშირმა და დიდმა ბრიტანეთმა, რუსეთისთვის დრონების მიწოდების გამო, ირანის წინააღმდეგ სანქციები დააწესეს.  

ისრაელში 2019 წლის შემდეგ, მეხუთე საპარლამენტო არჩევნები იმართება

ისრაელში ბოლო ოთხ წელიწადში მეხუთე საპარლამენტო არჩევნები ტარდება. საერთაშორისო მედიის ცნობით, შესაძლოა, ისრაელის ყოფილი პრემიერ-მინისტრის, ბენიამინ ნეთანიაჰუს მემარჯვენე პარტია „ლიკუდი“ საკანონმდებლო ორგანოში ისევს უდიდესი პარტია გახდეს. ბოლო გამოკითხვებით, პარტია 120-ადგილიანი ქნესეთში უმრავლესობის მოპოვებისთვის საჭირო 61 მანდატის მოპოვებას ვერ შეძლებს. მთავრობის ფორმირებისთვის საჭირო მანდატების მოპოვებას ვერც მემარცხენე-ცენტრისტული ბლოკი მოახერხებს. ასეთ შემთხვევაში ისრაელში პოლიტიკური ჩიხი გაგრძელდება და გაზაფხულზე, შესაძლოა, მეექვსე არჩევნების ჩატარებაც გახდეს საჭირო.  

ეგზიტპოლების მიხედვით, ისრაელის საპარლამენტო არჩევნებში ბენიამინ ნეთანიაჰუს ბლოკი იმარჯვებს

ეგზიტპოლების მიხედვით, ისრაელის ვადამდელ საპარლამენტო არჩევნებში ყოფილი პრემიერ-მინისტრის, ბენიამინ ნეთანიაჰუს ბლოკი იმარჯვებს. ინფორმაციას The times of Israel-ი ავრცელებს. ისრაელში 2019 წლის შემდეგ, მეხუთე საპარლამენტო არჩევნები იმართება მოსალოდნელია, რომ ბენიამინ ნეთანიაჰუს პარტია „ლიკუდი“ 120-ადგილიან პარლამენტში 30 მანდატს მიიღებს, მემარჯვენე ბლოკი - 62 მანდატს, რაც საკმარისია სამთავრობო კოალიციის შესაქმნელად. აქტივისტები არჩევნების შედეგების აღსანიშნავად იკრიბებიან.

ისრაელის საპარლამენტო არჩევნებში ნეთანიაჰუს ბლოკი სავარაუდოდ, 62 ადგილს მიიღებს

ისრაელში გამართულ საპარლამენტო არჩევნებში საარჩევნო კომისიის წინასწარი შედეგებით პარტია „ლიკუდი“ ლიდერობს, რომელსაც ისრაელის ყოფილი პრემიერ-მინისტრი ბენიამინ ნეთანიაჰუ ხელმძღვანელობს.  ეგზიტპოლების მიხედვით, ისრაელის საპარლამენტო არჩევნებში ბენიამინ ნეთანიაჰუს ბლოკი იმარჯვებს წინასწარი მონაცემებით, ნეთანიაჰუს ბლოკი, ქნესეტში (პარლამენტში) მთავრობის ფორმირებისთვის საჭირო 120 ადგილიდან 62 ადგილს იღებს.  ქვეყნის მასშტაბით საარჩევნო უბნებმა ადგილობრივი დროით 22:00 საათზე დაიხურა. ისრაელში 2019 წლის შემდეგ, მეხუთე საპარლამენტო არჩევნები იმართება ეს ისრაელში ბოლო სამნახევარი წლის განმავლობაში, მეხუთე საპარლამენტო არჩევნებია.  თავად „ლიკუდს“ სავარაუდოდ, 31 მანდატი ექნება. ნეთანიაჰუს პარტიულ ბლოკში შედის რელიგიური „სიონისტების პარტია“, ულტრამართლმადიდებლური პარტიების ერთიანი სია Yahadut HaTorah-ი და ულტრარელიგიური Shas-ი. ისრაელის მოქმედი პრემიერ-მინისტრის იაირ ლაპიდის პარტია Yesh Atid-მა ეგზიტპოლის მიხედვით პარლამენტში 24 ადგილი მოიპოვა.  

პრემიერ-მინისტრი ისრაელის ელჩს შეხვდა

საქართველოს პრემიერ-მინისტრი, ირაკლი ღარიბაშვილი ისრაელის სახელმწიფოს ახლადდანიშნულ საგანგებო და სრულუფლებიან ელჩს, ჰადას მეიცადს შეხვდა. მთავრობის ადმინისტრაციის ინფორმაცით, მთავრობის მეთაურმა დიპლომატს ისრაელში საპარლამენტო არჩევნების წარმატებით ჩატარება მიულოცა და ისრაელის ახალი მთავრობის ფორმირების შემდეგ მჭიდრო თანამშრომლობის გაგრძელების იმედი გამოთქვა. „მხარეებმა ისაუბრეს ორ ქვეყანას შორის არსებულ მრავალსაუკუნოვან კავშირებსა და სამომავლო პრიორიტეტებზე. ყურადღება დაეთმო ტურიზმს და სავაჭრო-ეკონომიკური ურთიერთობების მიმართულებით არსებული პოტენციალის სრულად ათვისების მნიშვნელობას. აგრეთვე, აღინიშნა ნაყოფიერი თანამშრომლობა ორი ქვეყნის დარგობრივ სამინისტროებსა და პარლამენტებს შორის, მათ შორის, ყურადღება დაეთმო იმ ფაქტს, რომ ბოლო წლების განმავლობაში ქვეყნებს შორის ხელი მოეწერა არაერთ მნიშვნელოვან, ორმხრივ შეთანხმებას. საუბარი შეეხო იმ ფაქტს, რომ წელს საქართველოსა და ისრაელს შორის დიპლომატიური ურთიერთობების დამყარების 30 წლისთავი აღინიშნება. ირაკლი ღარიბაშვილნა ჰადას მეიცადს წარმატება უსურვა და სამომავლო თანამშრომლობის მზადყოფნა დაადასტურა”, - აღნიშნულია ინფორმაციაში.  

ზელენსკი იმედოვნებს, რომ ისრაელის ახალ მთავრობასთან თანამშრომლობით, უკრაინა-ისრაელის ურთიერთობებში ახალი თავი გაიხსნება

უკრაინის პრეზიდენტმა ვოლოდიმირ ზელენსკიმ ბენიამინ ნეთანიაჰუს ისრაელის საპარლამენტო არჩევნებში გამარჯვება მიულოცა და უკრაინა-ისრაელის ურთიერთობებში ახალი თავის გახსნის იმედი გამოთქვა. ამის შესახებ ზელენსკიმ Twitter-ზე დაწერა. „ვულოცავ ბენიამინ ნეთანიაჰუს არჩევნებში გამარჯვებას. ყოველთვის მნიშვნელოვანია რეალური დემოკრატიის ხილვა მოქმედებაში. უკრაინა და ისრაელი იზიარებენ საერთო ღირებულებებს და გამოწვევებს, რომლებიც ახლა ეფექტიან თანამშრომლობას მოითხოვს. ისრაელის საპარლამენტო არჩევნებში ნეთანიაჰუს ბლოკი სავარაუდოდ, 62 ადგილს მიიღებს ჩვენ ვიმედოვნებთ, რომ გავხსნით ახალ თავს ისრაელის ახალ მთავრობასთან თანამშრომლობით, უკრაინისა და ისრაელის საკეთილდღეოდ!“, - განაცხადა ზელენსკიმ. 16 ოქტომბერს, ისრაელის ისრაელის დიასპორის მინისტრმა განაცხადა, რომ დროა, ისრაელმა უკრაინას სამხედრო დახმარება მიაწოდოს. თავის მხრივ, ქვეყნის თავდაცვის მინისტრმა 19 ოქტომბერს დააფიქსირა პოზიცია, რომ ისრაელი უკრაინას შეირაღებას არ მიაწვდის, თუმცა ავიადარტყმების შესახებ გამაფრთხილებელი სისტემებით დაეხმარება. უკრაინა ოფიციალურად სთხოვს ისრაელს, რომ საჰაერო თავდაცვის სისტემები გადასცეს მოგვიანებით, ისრაელის პრემიერმა დმიტრო კულებას სატელეფონო საუბრისას განუცხადა, რომ ირანსა და რუსეთს შორის სამხედრო კავშირებით შეშფოთებულია. უკრაინის პრეზიდენტმა ვოლოდიმირ ზელენსკიმ ისრაელს 24 ოქტომბერს მოუწოდა, ჩამოყალიბდეს, ვის უჭერენ მხარს, უკრაინას თუ რუსეთს. მისი განმარტებით, კიევი ისრაელს დახმარებას 2014 წლიდან სთხოვს.

ირაკლი ღარიბაშვილი: საქართველოსა და ისრაელის ურთიერთობა მომავალში კიდევ უფრო გაძლიერდება

საქართველოს პრემიერ-მინისტრი, ირაკლი ღარიბაშვილი ბენიამინ ნეთანიაჰუს არჩევნებში გამარჯვებას ულოცავს. როგორც მთავრობის მეთაური ტვიტერზე წერს, საქართველოსა და ისრაელის ურთიერთობა მომავალში კიდევ უფრო გაძლიერდება. „ბოლოდროინდელ არჩევნებში გამარჯვებას ვულოცავ ბენიამინ ნეთანიაჰუს! ვუსურვებ მას ყოველივე საუკეთესოს და დიდ წარმატებას ახალი ვადით ისრაელის მსახურებისას. ჩვენ მეგობრობას ღრმად არის გადგმული ფესვები წარსულში და ახლაც მტკიცედ გვაქვს გადაწყვეტილი, რომ კიდევ უფრო გავაძლიეროთ ურთიერთხელსაყრელი თანამშრომლობა ისრაელსა და საქართველოს შორის“, - აღნიშნავს პრემიერი. ისრაელის საპარლამენტო არჩევნებში ნეთანიაჰუს ბლოკი სავარაუდოდ, 62 ადგილს მიიღებს  

ისრაელის პრემიერ-მინისტრმა, ბენიამინ ნეთანიაჰუს არჩევნებში გამარჯვება მიულოცა

ისრაელის პრემიერ-მინისტრმა იაირ ლაპიდმა, რომელიც იეშ ატიდის პარტიას ხელმძღვანელობს, არჩევნებში დამარცხება აღიარა.  ისრაელის საპარლამენტო არჩევნებში ნეთანიაჰუს ბლოკი სავარაუდოდ, 62 ადგილს მიიღებს ლაპიდმა მილოცვა გაუგზავნა ბენიამინ ნეთანიაჰუს, რომელიც „ლიკუდის“ პარტიას ხელმძღვანელობს. იაირ ლაპიდმა „ლიკუდის“ პარტიის ხელმძღვანელს არჩევნებში გამარჯვება მიულოცა და განაცხადა, რომ „ისრაელის სახელმწიფო ყველა პოლიტიკურ მოსაზრებაზე მაღლა დგას". ისრაელში 2019 წლის შემდეგ, მეხუთე საპარლამენტო არჩევნები იმართება მემარჯვენე პარტიების ბლოკს, რომელსაც ყოფილი პრემიერ-მინისტრი ბენიამინ ნეთანიაჰუ ხელმძღვანელობს, ქნესეთის 120-დან 64 ადგილის მიღება შეუძლია.  ამ დროისთვის ხმების 99% დათვლილია. კენჭისყრის საბოლოო შედეგები, როგორც მოსალოდნელი იყო, 4 ნოემბერს გამოქვეყნდება.  

ზურაბ აზარაშვილმა ელჩთან ისრაელში საქართველოს მოქალაქეთა დროებითი დასაქმების საკითხი განიხილა

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ზურაბ აზარაშვილი საქართველოში ისრაელის ელჩს, ჰადას ესტერ მეიცადს შეხვდა. ინფორმაციას საქართველოს ჯანდაცვის სამინისტროს პრესსამსახური ავრცელებს. მხარეებმა ორმხრივი თანამშრომლობის საკითხები და სამომავლო გეგმები განიხილეს. ისაუბრეს რეფერალური მომსახურების პროგრამის ფარგლებში საქართველოდან ისრაელში წასული პაციენტების მკურნალობაზე, გადაუდებელი მდგომარეობის დროს ეფექტიანი დახმარების სისტემის დანერგვასა და საქართველოში მაღალტექნოლოგიური ჩარევების დანერგვისთვის ადამიანური რესურსების გადამზადების შესაძლებლობებზე. შეხვედრაზე მხარეები შეთანხმდნენ, რომ ისრაელი აქტიურად დაეხმარება საქართველოს, ბავშვთა ონკოლოგიური სახელმწიფო კლინიკის მოწყობასა და მკურნალობის ტაქტიკის შემუშავებაში. განიხილეს ისრაელის სახელმწიფოში, შრომის ბაზრის სხვადასხვა სექტორში, საქართველოს მოქალაქეთა დროებითი დასაქმების შესაძლებლობების გაზრდის საკითხიც. ისრაელის ახლად დანიშნულმა ელჩმა ჯანდაცვის სამინისტროში მიმდინარე რეფორმების მიმართ მხარდაჭერა და თანამშრომლობის კიდევ უფრო გაღრმავებისთვის მზადყოფნა გამოხატა.  

არაბთა გაერთიანებული საამიროები, იორდანია და ისრაელი ერთობლივ ენერგეტიკულ პროექტს იწყებენ

გაეროს კლიმატის ცვლილების ჩარჩო კონვენციის 27-ე კონფერენციაზე, რომელიც შარმ-ელ-შეიხში 6-დან 18 ნოემბრის ჩათვლით მიმდინარეობს, არაბთა გაერთიანებულ საამიროებს, იორდანიასა და ისრაელს შორის ურთიერთგაგების მემორანდუმი გაფორმდა.  მხარეებს შორის გაფორმებული ურთიერთშეთანხმების მემორანდუმის თანახმად, ისრაელი იორდანიაში ჰაშიმიტური სამეფოს ელექტროსადგურიდან, მზის ენერგიის შეძენას გეგმავს. სადგურის მშენებლობას ემირატების კომპანია აფინანსებს. იორდანია, თავის მხრივ, ისრაელიდან წყალს ხმელთაშუა ზღვის გამწმენდი ქარხნიდან შეისყიდის. შეგახსენებთ, რომ ეს არის ყველაზე დიდი თანამშრომლობა ისრაელსა და იორდანიას შორის 1994 წლის სემდეგ, როდესაც ორ სახელმწიფოს შორის სამშვიდობო ხელშეკრულება დაიდო.  

თურქეთმა ისრაელში, ბოლო ოთხი წლის განმავლობაში ელჩი პირველად დანიშნა

2018 წლის შემდეგ პირველად, თურქეთის პრეზიდენტმა ისრაელში ელჩი დანიშნა. ისრაელმა და თურქეთმა ახალ ორმხრივ სამოქალაქო საავიაციო შეთანხმებას მოაწერეს ხელი როგორც მედია წერს, ესაა გამოცდილი თურქი დიპლომატი საკირ ოზქან ტორუნლარი, რომელიც 2010 წლიდან 2014 წლამდე იერუსალიმში გენერალურ კონსულად მუშაობდა.  თურქეთსა და ისრაელს შორის ურთიერთობა მას შემდეგ გაუარესდა, რაც თურქეთის პრეზიდენტმა რეჯეფ თაიფ ერდოღანმა, ბენიამინ ნეთანიაჰუს პრემიერ-მინისტრობის დროს, პალესტინელების მიმართ თელ-ავივის პოლიტიკა გააკრიტიკა.  2018 წლის მაისში ანკარამ გაიწვია თავისი ელჩი ისრაელში და ღაზას სექტორის საზღვარზე, ისრაელის არმიის მიერ ათობით პალესტინელის მკვლელობის გამო ისრაელის საელჩოს ხელმძღვანელი გააძევა.  საპასუხოდ ისრაელმა იერუსალიმში თურქეთის კონსული გააძევა. აღსანიშნავია, რომ თურქეთმა და ისრაელმა ელჩები გაცვალეს ექვსწლიანი პაუზის შემდეგ მხოლოდ წელიწადნახევრის წინ. მანამდე ქვეყნებმა დიპლომატიური ურთიერთობები 2010 წელს, თავისუფლების ფლოტილიასთან მომხდარი ინციდენტის შემდეგ გაწყვიტეს. თუმცა, ირანის აღზევების ფონზე, ქვეყნებს შორის ურთიერთობა ბოლო თვეებში გაუმჯობესდა, რადგან ორივე ქვეყანა - თურქეთიც და ისრაელიც, ირანს, რეგიონულ საფრთხედ მიიჩნევენ. მარტში ისრაელის პრეზიდენტი იცჰაკ ჰერცოგი ეწვია ანკარას და ერდოღანს შეხვდა, ხოლო თურქეთის საგარეო საქმეთა მინისტრი მევლუთ ჩავუშოღლუ მაისში ბერლინს ეწვია. ივნისში ისრაელმა და თურქეთმა ოფიციალურად განაცხადეს სრული დიპლომატიური ურთიერთობების აღდგენის შესახებ. სექტემბერში თელ-ავივმა ანკარაში დიპლომატიური მისიის ხელმძღვანელი დანიშნა.  

ბენიამინ ნეთანიაჰუს ისრაელის მთავრობის ფორმირება ოფიციალურად დაევალა

ისრაელის მედიის ცნობით, კვირას, ისრაელის ოპოზიციის ლიდერს ბენიამინ ნეთანიაჰუს მომავალი მთავრობის ფორმირება ოფიციალურად დაევალა. ნეთანიაჰუმ მთავრობის შექმნის მანდატი პრეზიდენტ ისააკ ჰერცოგთან შეხვედრის შემდეგ მიიღო, რომელმაც პოლიტიკური პარტიების ლიდერებთან სამდღიანი კონსულტაციები დაასრულა. ყოფილმა პრემიერ-მინისტრმა ნეთანიაჰუმ და მისმა მემარჯვენე ბლოკმა 120-ადგილიან ქნესეთში (ისრაელის პარლამენტი) 64 მანდატი მოიპოვეს, რამაც მას სრული უმრავლესობა მოაპოვებინა მთავრობის შესაქმნელად.  

ისრაელის საელჩო სუს-ს „ტერორისტული თავდასხმის“ მცდელობის აღკვეთისთვის მადლობას უხდის

ისრაელის საელჩო მისი ქვეყნის მოქალაქის მკვლელობის მცდელობის აღკვეთისთვის, სახელმწიფო უსაფრთხოების სამსახურს მადლობას უხდის. სუს-ი: ისრაელის მოქალაქის მკვლელობის მცდელობა აღკვეთილია საქართველოს სახელმწიფო უსაფრთხოების სამსახურის დღევანდელ განცხადებაში აღნიშნულ პრევენციულ ღონისძიებთან დაკავშირებით, რომელთა შედეგად აღკვეთილ იქნა ისრაელის მოქალაქეზე თავდასხმა, ისრაელის საელჩოს სურს, მადლობა გადაუხადოს სახელმწიფო უსაფრთხოების სამსახურს მათი პროფესიონალური და მტკიცე ძალისხმევისთვის, რათა უზრუნველეყოთ ისრაელის მოქალაქის უსაფრთხოება. ჩვენ მოწმენი ვართ, თუ როგორ აგრძელებს ირანი თავის მავნე, დამღუპველ საქმიანობას და ტერორისტული თავდასხმების მცდელობებს არამხოლოდ ახლო აღმოსავლეთში, არამედ მთელ მსოფლიოში, ახლა უკვე საქართველოშიც. ჩვენ გულითადად ვაფასებთ ადგილობრივი ხელისუფლების მიერ განხორციელებულ მნიშვნელოვან და გადამწყვეტ მოქმედებებს“, - ნათქვამია საელჩოს განცხადებაში. რადიო თავისუფლება წყაროზე დაყრდნობით წერს, რომ ადამიანი, რომლის მოკვლასაც სავარაუდოდ, საქართველო-ირანისა და პაკისტანის მოქალაქეების ჯგუფი გეგმავდა, იციკ მოშეა - საქართველო-ისრაელის სავაჭრო პალატის პრეზიდენტი.

საფრანგეთმა უკრაინას, საარტილერიო და ზალპური ცეცხლის რეაქტიული სარაკეტო სისტემა MLRS-ი გადასცა

საფრანგეთმა უკრაინას, თამედროვე საარტილერიო და ზალპური ცეცხლის რეაქტიული სარაკეტო სისტემა MLRS-ი გადასცა.  საფრანგეთმა უკრაინას Airbus ვერტმფრენები გადასცა ამის შესახებ, უკრაინის თავდაცვის მინისტრმა Twitter-ზე დაწერა.  შეგახსენებთ, რომ ადრე საფრანგეთმა უკრაინას თამედროვე საარტილერიო და ზალპური ცეცხლის რეაქტიული ორი ერთეული სარაკეტო სისტემა  MLRS LRU (MLRS M270-ის ფრანგული მოდერნიზაცია) გადასცა.   

ისრაელის პრეზიდენტი ისააკ ჰერცოგი ბაჰრეინში ისტორიულ ვიზიტს იწყებს

ისრაელის პრეზიდენტი ისააკ ჰერცოგი ბაჰრეინში ორდღიანი ვიზიტით გაემგზავრა, იუწყება The Times of Israel-ი. გამგზავრებამდე ჰერცოგმა განცხადა რომ მოგზაურობა „რეგიონში მშვიდობის გზავნილია". „კიდევ ერთი ისტორიული ნაბიჯი ისრაელსა და არაბულ სახელმწიფოებს შორის ურთიერთობაში, რომლებმაც ხელი მოაწერეს აბრაამის შეთანხმებას, იმ იმედით, რომ უფრო და უფრო მეტი ქვეყანა შეძლებს, შეუერთდეს ისრაელის სახელმწიფოსთან მშვიდობის წრეს“, - განაცხადა ჰერცოგმა. ჰერცოგს და მის მეუღლეს აერპორტში, ბაჰრეინის საგარეო საქმეთა მინისტრი აბდულატიფ ბინ რაშიდ ალ-ზაიანი და ბაჰრეინის ელჩი ისრაელში ხალედ იუსიფ ალ-ჯალაჰმა მიესალმნენ. ორშაბათს, ისრაელის პრეზიდენტი აბუ დაბიში გაემგზავრება, სადაც კოლეგა მოჰამედ ბინ ზაიდ ალ ნაჰიანს შეხვდება. ჰერცოგი ასევე დაესწრება კოსმოსური კვლევის პოლიტიკის შესახებ  ფორუმს, რომელსაც ასევე დაესწრება ინდოეთის პრემიერ მინისტრი ნარენდრა მოდი. 2020 წელს, არაბთა გაერთიანებული საემიროები, ბაჰრეინი და მაროკო გახდნენ პირველი არაბული სახელმწიფოები ათწლეულების განმავლობაში, რომლებმაც მოახდინეს ურთიერთობების ნორმალიზება ისრაელთან, მოლაპარაკებების შემდეგ, რომელსაც ხელმძღვანელობდა აშშ-ს ყოფილი პრეზიდენტის, დონალდ ტრამპის ადმინისტრაცია.  

მედია: ევროპოლისა და ისრაელის პოლიციის თანამშრომლობის შესახებ შეთანხმება, შესაძლოა, ჩაიშალოს

ევროკავშირისა (ევროპოლი) და ისრაელის პოლიციის თანამშრომლობის შესახებ შეთანხმება, რომლის მომზადებასაც 5 წელი დასჭირდა, შესაძლოა, ჩაიშალოს.  ამის მიზეზია, იუდეასა და სამარიას წინააღმდეგობა, რაც მხარეებს შორის მონაცემთა გაცვლას უკავშირდება. ამის შესახებ Haaretz იტყობინება. ევროკომისიამ გამოაცხადა, რომ უნდა განაახლოს მოლაპარაკებები ოკუპირებულ ტერიტორიებზე შეთანხმების შეუსაბამობის გასარკვევად. რამაც შესაძლოა, ევროკომისიასა და ისრაელის ახალ მთავრობაში ულტრამემარჯვენე ელემენტებს შორის განხეთქილება გამოიწვიოს. ცნობილია, რომ 2018 წელს ისრაელმა ევროპოლთან ტრანსსასაზღვრო დანაშაულის წინააღმდეგ ბრძოლის მიზნით, სამუშაო შეთანხმებას მოაწერა ხელი. შეთანხმების გაფართოებაზე, მახარეები 2022 წლის სექტემბერში შეთანხმდნენ, თუმცა დოკუმენტი ჯერ არ არის ხელმოწერილი და რატიფიცირებული.  ამ შეთანხმების რატიფიცირების შედეგად, ინფორმაციის გაცვლა რასის, ეთნიკური წარმომავლობის, რელიგიური და პოლიტიკური შეხედულებების და თუნდაც სექსუალური ორიენტაციის შესახებ შესაძლებელი გახდება, რას სამართალდამცველებს „სერიოზულ დანაშაულთან და ტერორიზმთან" ბრძოლაში დაეხმარებათ.  ისრაელის წარმომადგენელი ევროკავშირში, ჩაიმ რეგევი, მხარეებს შორის სექტემბრში მიღწეულ შეთანხმებას, როგორც „საეტაპოს“ მიესალმა, „მაგრამ ევროსაბჭოს იურიდიული სამსახურის იურიდიული მოსაზრება და წევრი ქვეყნების მზარდი წინააღმდეგობა, საბოლოო შეთანხმებას სულ უფრო ნაკლებად სავარაუდოს ხდის“,- წერს მედია. შვედი ევროპარლამენტარი ევინ ინსირი ამტკიცებს, რომ 27 წევრი ქვეყნიდან მინიმუმ 13-ს მისი მონაცემების (სავარაუდოდ, ოკუპირებულ პალესტინის ტერიტორიებზე) გამოყენებაზე „მკაცრი რეაქცია“ ჰქონდა.   ევროკავშირის კომისიის სამართალდამცავი თანამშრომლობის ხელმძღვანელმა, რობ როზენბურგმა განაცხადა, რომ ისრაელის ელჩს ევროკავშირში გაეგზავნა წერილი მოლაპარაკებების მეხუთე რაუნდის დასაწყებად, მაგრამ ახალი მთავრობის წარმომადგენლები შესაძლოა, ნაკლებად კეთილგანწყობილი იყვნენ, ვიდრე მათი წინამორბედები.  

ელჩი უკრაინის სამხედრო დახმარებაზე: ისრაელს აქვს საკუთარი „წითელი ხაზები“ ახლო აღმოსავლეთში მის უსაფრთხოებასთან დაკავშირებით

ბოლო რამდენიმე კვირის განმავლობაში, უკრაინის რუსეთის წინააღმდეგ ბრძოლაში ისრაელის მხარდაჭერის საკითხი კვლავ ყურადღების ცენტრში მოექცა. მრავალთვიანი გაურკვევლობისა და დუმილის შემდეგ, მედიაში გავრცელებული ცნობებით, ისრაელმა რუსეთის დამანგრეველი სისასტიკისა და ირანთან მისი ახალი ალიანსის ფონზე, ფარულად წამოიწყო პირველი ნაბიჯების გადადგმა კიევის თავდაცვის ტექნოლოგიებით უზრუნველყოფის მიზნით. ოფიციალური იერუსალიმი ამას საჯაროდ არ ადასტურებს. უკრაინაში ისრაელის ელჩის, მაიკლ ბროდსკის თქმით, უკრაინა საკმაოდ ფართო საზოგადოებრივი მხარდაჭერით სარგებლობს ისრაელის საზოგადოებაში. ბროდსკის თქმით, ისრაელში ბევრი ადამიანი დიდ ძალისხმევას სწევს კიევისთვის ჰუმანიტარული დახმარების მიზნით, მაგრამ როდესაც საქმე ეხება სამხედრო მხარდაჭერას, სიტუაცია ბევრად უფრო რთულია, რადგან ისრაელს აქვს საკუთარი „წითელი ხაზები“ ახლო აღმოსავლეთში მის უსაფრთხოებასთან დაკავშირებით. „უფრო მეტიც, კიევის მხარდაჭერა, ისრაელში საფრთხის ქვეშ დადგა მას შემდეგ, რაც უკრაინამ ცოტა ხნის წინ მხარი დაუჭირა გაეროს რამდენიმე რეზოლუციას, რომელიც პალესტინის ავტონომიასთან დავის გამო, ისრაელს გმობს.  ისრაელ-პალესტინის კონფლიქტის მრავალი ათწლეულის განმავლობაში, უკრაინა აღიარებს პალესტინის ავტონომიას დამოუკიდებელ ერად და აქვს მასთან დიპლომატიური კავშირები“, - წერს უკრაინული მედია. ბროდსკის აზრით, „რუსული ლობის“ ეფექტი ძალიან გაზვიადებულია, როცა საქმე ისრაელს ეხება.   „რუსულენოვანი მოსახლეობა ისრაელში სხვადასხვა ქვეყნიდან ჩამოვიდა. სხვათა შორის, ისრაელში უფრო მეტი უკრაინული წარმოშობის ხალხია, ვიდრე რუსი. ასე რომ, ყველას ერთი ქოლგის ქვეშ არ უნდა მოვუყაროთ თავი“, - ამბობს ელჩი kyivindependent-თან ინტერვიუში.   მისივე თქმით, „რუსი ისრაელელები სულაც არ უჭერენ მხარს რუსეთს”.   ყველა გამოკითხვისა და ჩემი პირადი დაკვირვების მიხედვით, ისრაელელების დიდი უმრავლესობა მხარს უჭერს და თანაუგრძნობს უკრაინას. ბევრს ჰყავს აქ ნათესავები და მეგობრები და ასეთი კავშირი არასოდეს წყდება და ხალხი ყველაფერს აკეთებს იმისათვის, რომ უკრაინას რითიც შეუძლია, დაეხმაროს“, - აღნიშნავს მაიკლ ბროდსკი.

The Jerusalem Post: ისრაელმა ქვეყნის ისტორიაში ყველაზე მემარჯვენე მთავრობა ჩამოაყალიბა

ისრაელის ახალმა პრემიერ-მინისტრმა ბენიამინ ნეთანიაჰუმ, ქვეყნის მინისტრთა ახალი კაბინეტის ფორმირების შესახებ, პრეზიდენტ ისააკ ჰერცოგის მიერ დადგენილ ვადამდე რამდენიმე წუთით ადრე გამოაცხადა. ამის შესახებ Jerusalem Post-ი წერს. „გასულ არჩევნებში მიღებული უზარმაზარი საზოგადოების მხარდაჭერის წყალობით, მე შევძელი შემექმნა მთავრობა, რომელიც იმუშავებს ისრაელის ყველა მოქალაქის სასარგებლოდ“, - დაწერა ნეთანიაჰუმ ტვიტერზე. გაზეთის ცნობით, ახალ მთავრობაში შედიან ისეთი პარტიებისა და კოალიციების წარმომადგენლები, როგორებიცაა „ლიკუდი“, „რელიგიური სიონიზმი“, „შასი“, „იაჰადუტ ჰა-ტორა“, „ოცმა იეჰუდიტი“ და „ნოამი“. „ამრიგად, ახალი მთავრობა, იქნება ყველაზე მემარჯვენე ისრაელის ისტორიაში“,- აღნიშნავს BBC. ვარაუდობენ, რომ მომავალ კვირას ისრაელის პარლამენტის სხდომა გაიმართება, სადაც ახალი მთავრობის ძირითადი პრინციპები გახდება ცნობილი და მინისტრთა კაბინეტის შემადგენლობა დასახელდება. ამის შემდეგ უნდა მოხდეს კენჭისყრა და თუ პარლამენტი ახალ მთავრობას დაამტკიცებს, ის ოფიციალურად დაიწყებს მუშაობას. „ლიკუდის“ ლიდერი ბენიამინ ნეთანიაჰუ ისრაელის მთავრობას 15 წელზე მეტი ხნის განმავლობაში ხელმძღვანელობდა. მან პრემიერ-მინისტრის პოსტი 2021 წელს დატოვა. 2022 წლის ნოემბრის დასაწყისში ნეთანიაჰუმ გაიმარჯვა ვადამდელ საპარლამენტო არჩევნებში წინა მმართველი კოალიციის დაშლის შემდეგ. მომავალ პრემიერ-მინისტრს ახალი მთავრობა 11 დეკემბრისთვის უნდა ჩამოეყალიბებინა, თუმცა, როდესაც მან ეს ვადა ვერ დაიცვა, ქვეყნის პრეზიდენტმა იცხაკ ჰერცოგმა მას კიდევ ათი დღე მისცა. ისრაელის კანონმდებლობის შესაბამისად, თუ კანდიდატი ვერ ჩამოაყალიბებს მთავრობას დადგენილ ვადაში, პრეზიდენტს შეუძლია ეს დავალება სხვა კანდიდატს მიანდოს.  

ისრაელის დაზვერვა: ირანი რუსეთისთვის მოწინავე იარაღის მიწოდებას გაზრდის

ისრაელის დაზვერვის (მოსადის) დირექტორი დევიდ ბარნეა ამბობს, რომ ირანი, რუსეთში მოწინავე ტიპის იარაღის მიწოდების გასაფართოებლად ემზადება. მან თავისი გამოსვლის ცალკეული ნაწილი მიუძღვნა ირანის მცდელობებს, გააძლიეროს თავისი ბირთვული პოტენციალი. „ჩვენ სხვადასხვა არხით ვიუწყებით ირანის განზრახვების შესახებ, გააფართოოს მისი ბირთვული პროექტი და ურანის გამდიდრება, ისევე როგორც ირანის რეჟიმის განზრახვა, გააძლიეროს თავდასხმები ისრაელის მეგობრულ ქვეყნებზე რეგიონში“, - განაცხადა ისრაელის დაზვერვის ხელმძღვანელმა. ცნობისათვის, 22 დეკემბერს, სატელეფონო საუბარი შედგა ლიკუდის ლიდერ ბენიამინ ნეთანიაჰუსა და რუსეთის პრეზიდენტ ვლადიმერ პუტინს შორის. ისრაელის ლიდერმა შეშფოთება გამოთქვა რუსეთსა და ირანს შორის კავშირების გაძლიერების გამო, მათ შორის სირიის მიმართულებით. უკრაინის უშიშროების საბჭოს მდივანმა, ოლექსი დანილოვმა განაცხადა, რომ უკრაინას ირანის მიერ რუსეთის ფედერაციისთვის დრონების მიწოდების შესახებ სრული ინფორმაცია აქვს.  

პუტინის ყოფილმა თანაშემწემ ანატოლი ჩუბაისმა ისრაელის მოქალაქეობა მიიღო

ანატოლი ჩუბაისი, პუტინის ყოფილი თანაშემწე და „როსნანოს“ ყოფილი ხელმძღვანელი, სულ უფრო ხშირად სტუმრობს ისრაელს, წერს We Can Explain Telegram არხი. ანატოლი ჩუბაისი ჰოსპიტალიზებულია - Reuters-ი მან და მისმა მეუღლემ გაზაფხულზე ისრაელის მოქალაქეობა მიიღეს და შედეგად ევროპაში უვიზოდ მოგზაურობა შეუძლიათ, - განმარტავს ჩუბაისის მეგობარი. ინტერნეტით გავრცელდა „როსნანოს“ ყოფილი ხელმძღვანელის და პუტინის ყოფილი თანაშემწის ანატოლი ჩუბაისის ფოტო თელ-ავივში. Bloomberg: ანატოლი ჩუბაისმა თანამდებობა დატოვა და რუსეთიდან გაემგზავრა ჩუბაისმა ახსნა-განმარტების გარეშე პუტინის სპეციალური წარმომადგენლის პოსტი 2022 წლის მარტის ბოლოს დატოვა. გავრცელებული ინფორმაციით, ის თურქეთში, იტალიასა და კვიპროსში იმყოფებოდა. მაისში ის და მისი მეუღლე დუნია სმირნოვა ისრაელში შენიშნეს.  

გენშტაბის ხელმძღვანელის თქმით, საჭიროების შემთხვევაში, ისრაელის არმია მზადაა, ირანის ბირთვული პროგრამის წინააღმდეგ იმოქმედოს

ისრაელის არმიის მეთაურმა ავივ კოჩავიმ განაცხადა, რომ არმიის მზადყოფნის დონე ირანის ბირთვულ ობიექტებზე თავდასხმებისთვის, გაუმჯობესდა. მისი თქმით, თუ არმიას დაევალება, იმოქმედოს ირანის ბირთვული პროგრამის წინააღმდეგ, „ის დაკისრებულ მისიას შეასრულებს“. ქოჩავის თქმით, ირანი სირიაში ასობით რაკეტის განთავსებას ცდილობს. ისრაელი ხშირად ადანაშაულებს თეირანს სირიაში მიმდინარე კონფლიქტის გამოყენებაში, სადაც ირანი მმართველ ასადის რეჟიმს მხარს უჭერს. არმიის მეთაურმა აღნიშნა, რომ ისრაელმა სირიაში „მეორე ჰეზბოლას დაარსების შესახებ, ირანის მიზნის ჩაშლა მოახერხა.

ბენი განცი: ისრაელს ირანის ბირთვულ ობიექტებზე შესაძლო თავდასხმა ორ-სამ წელიწადში შეეძლება

ისრაელს ირანის ბირთვულ ობიექტებზე თავდასხმა ორ-სამ წელიწადში შეეძლება. ამის შესახებ თავდაცვის მინისტრმა ბენი განცმა საჰაერო ძალების კურსანტებთან შეხვედრაზე, სიტყვით გამოსვლისას განაცხადა. „თქვენ შეგიძლიათ, ორ-სამ წელიწადში გადაკვეთოთ ცა აღმოსავლეთით და ირანის ბირთვულ ობიექტებზე თავდასხმაში მონაწილეობა მიიღოთ, რისთვისაც ჩვენ ვემზადებით“, - ციტირებს Reuters-ი ბენი განცს. ისრაელის სამხედრო დაზვერვის 2023 წლის პროგნოზის მიხედვით, ირანი ბირთვულ სფეროში შენელებული პროგრესის ამჟამინდელ გზას გააგრძელებს. ირანისგან განსხვავებით, ისრაელი 1970 წლის ბირთვული იარაღის გაუვრცელებლობის ხელშეკრულების ხელმომწერი არ არის. დოკუმენტი ბირთვული იარაღის დათმობის სანაცვლოდ, ბირთვულ ტექნოლოგიაზე მშვიდობიანი მიზნებით წვდომას უზრუნველყოფს.

ბენიამინ ნათანიაჰუ ისრაელის პრემიერ-მინისტრი კიდევ ერთხელ გახდა

დღეს, 29 დეკემბერს, ბენიამინ ნეთანიაჰუ, ისრაელის პრემიერ-მინისტრი მეექვსე ვადით ოფიციალურად გახდა. ბენიამინ ნეთანიაჰუს ისრაელის მთავრობის ფორმირება ოფიციალურად დაევალა ნეთანიაჰუმ ფიცი დადო და პრემიერ-მინისტრის პოსტი მეექვსე ვადით დაიკავა. მისმა წინამორბედმა იაირ ლაპიდმა პლენუმი მასთან ხელის ჩამორთმევის გარეშე დატოვა.  ნეთანიაჰუმ თავისი ახალი მთავრობის სამი მთავარი პრიორიტეტი დაასახელა: ირანის ბირთვული პროგრამის შეწყვეტა; სახელმწიფო ინფრასტრუქტურის განვითარება - აქცენტი ე.წ. პერიფერიის ქვეყნის ცენტრთან გაერთიანებაზე; ისრაელში შიდა უსაფრთხოებისა და მმართველობის აღდგენა. შეგახსენებთ, რომ მანამდე ნეთანიაჰუმ განაცხადა, რომ წარმატებით შექმნა ახალი კოალიცია და მისი ხელისუფლებაში დაბრუნებისთვის საფუძველს ამზადებდა.  ბენიამინ ნეთანიაჰუმ და მისმა მემარჯვენე ბლოკმა 120-ადგილიან ქნესეთში (ისრაელის პარლამენტი) 64 მანდატი მოიპოვეს, რამაც მას მთავრობის შესაქმნელად სრული უმრავლესობა მოაპოვებინა.   

მოსკოვის ყოფილმა მთავარმა რაბინმა ებრაელებს რუსეთის დატოვებისკენ მოუწოდა

მოსკოვის ყოფილმა მთავარმა რაბინმა პინჩას გოლდშმიდტმა Guardian-ს განუცხადა, რომ ებრაელებმა უნდა დატოვონ რუსეთი მანამ, სანამ მათ „განტევების ვაცად“ აქ აქცევენ უკრაინის ომით გამოწვეული გაჭირვებისთვის. „როდესაც რუსეთის ისტორიას ვიხსენებთ, ვხედავთ, რომ როდესაც პოლიტიკურ სისტემას საფრთხე ემუქრებოდა, ხელისუფლება ცდილობდა მასების რისხვა და უკმაყოფილება ებრაულ თემზე გადაეტანა. ჩვენ ეს ვნახეთ მეფის დროს და სტალინური რეჟიმის დასასრულს“, - განაცხადა მოსკოვის ყოფილმა მთავარმა რაბინმა პინჩას გოლდშმიდტმა.  მისივე თქმით, რუსეთში ანტისემიტიზმის ზრდაა იმ ფონზე, როდესაც რუსეთი უბრუნდება ახალი ტიპის საბჭოთა კავშირს, სადაც ეტაპობრივად ეშვება რკინის ფარდა. „ამიტომ მე ვფიქრობ, რომ რუსი ებრაელებისათვის საუკეთესო ვარიანტი ქვეყნიდან წასვლაა“, - განაცხადა მოსკოვის ყოფილმა მთავარმა რაბინმა. გოლდშმიდტმა ასევე აღნიშნა, რომ უკრაინის ებრაული თემის უმეტესობა გაემგზავრა გერმანიაში, ავსტრიასა და რუმინეთში. მოსკოვის მთავარმა რაბინმა პინჩას გოლდშმიდტმა, თანამდებობა 2022 წლის ივლისში კონტრაქტის ვადის ამოწურვის შემდეგ დატოვა. ივნისის დასაწყისში, მისმა რძალმა, ავიტალ ჩიჟიკ-გოლდშმიდტმა განაცხადა, რომ რაბინმა დატოვა რუსეთი მას შემდეგ, რაც მასზე „ხელისუფლებამ ზეწოლა სცადა". ჩიჟიკ-გოლდშმიდტის თქმით, მან უარი თქვა საჯაროდ დაეჭირა მხარი რუსეთის ჯარების უკრაინაში შესვლისთვის. ნოემბრის შუა რიცხვებში ისრაელის ელჩმა რუსეთში ალექსანდრე ბენ ზვიმ RTVI-ს განუცხადა, რომ 2022 წლის დასაწყისიდან დაახლოებით 40 000 რუსი გაემგზავრა ისრაელში მოქალაქეობის ან მუდმივი ბინადრობის ვიზის მისაღებად.  

ისრაელი TANAP-ისა და TAP-ის საშუალებით, ევროპაში გაზის ექსპორტს განიხილავს

ისრაელი, ევროპაში გაზის ექსპორტს TANAP-ის (Trans-Anatolian Gas Pipeline) და TAP-ის (Trans-Adriatic Gas Pipeline) მეშვეობით განიხილავს. ამის შესახებ ისრაელის ელჩმა აზერბაიჯანში ჯორჯ დიკმა Report-თან ინტერვიუში განაცხადა. არაბთა გაერთიანებული საამიროები, იორდანია და ისრაელი ერთობლივ ენერგეტიკულ პროექტს იწყებენ „ჩვენ არ შემოგვაქვს გაზი აზერბაიჯანიდან. ამავდროულად, თანამშრომლობის კიდევ ერთი სფერო, რომელსაც განვიხილავთ, არის ჩვენი გაზის ექსპორტი ევროპაში, რომელსაც დღეს ეს ძალიან სჭირდება. არსებობს იდეები გაზის გათხევადების შესახებ, ეგვიპტის გავლით გაზსადენის მშენებლობა, საბერძნეთისა და იტალიის გავლით გაზსადენის მშენებლობა, ისევე თურქეთის გავლით ბუნებრივი აირის მიწოდების ვარიანტი. ჩვენ შეგვიძლია დავუკავშირდეთ, მაგალითად, TANAP-ისა და TAP-ის მილსადენებს. ვნახოთ, რა სტრატეგიას აირჩევს ისრაელის ახალი მთავრობა“, - განაცხადა ელჩმა.  

ნეთანიაჰუს ახალმა მთავრობამ გამოაქვეყნა გეგმა, რომელიც პარლამენტს უზენაესი სასამართლოს ზოგიერთი გადაწყვეტილების გაუქმების შესაძლებლობას მისცემს

ისრაელის პრემიერ-მინისტრ ბენიამინ ნეთანიაჰუს ახალმა მთავრობამ გამოაქვეყნა გეგმა, რომელიც პარლამენტს საშუალებას მისცემს, გააუქმოს უზენაესი სასამართლოს ზოგიერთი გადაწყვეტილება და ასევე, მთავრობას მეტი უფლება მისცეს. იუსტიციის მინისტრის თქმით, ეს ზომები შეცვლის მოსამართლეთა დანიშვნის ფორმას, რომლითაც ქნესეთს კონტროლი, მთავრობას კი - მეტი უფლებამოსილება მიენიჭება იმ კომიტეტზე, რომელიც მოსამართლეებს ირჩევს. „ეს რეფორმები გააძლიერებს სასამართლო სისტემას და აღადგენს ხალხის ნდობას მის მიმართ. ხალხი, რომელიც ჩვენ არ აგვირჩევია, ჩვენ ნაცვლად წყვეტს. ეს დემოკრატია არ არის“, - იარივ ლევინმა.  

ისრაელის უშიშროების მინისტრმა პალესტინელების დროშის საჯაროდ გამოტანა აკრძალა

ისრაელის ეროვნული უშიშროების მინისტრმა, იტამარ ბენ-გვირმა პოლიციას უბრძანა, საზოგადოებრივ ადგილებში პალესტინის დროშების გამოტანა აკრძალოს. ამის შესახებ The Guardian-ი წერს.  ბენ-გვირმა ეს გადაწყვეტილება მას შემდეგ მიიღო, რაც პალესტინელი პატიმარი, კარიმ იუნისი 40-წლიანი პატიმრობის შემდეგ გაათავისუფლეს. მას ჩრდილოეთ ისრაელში, მშობლიურ სოფელ არაში, პალესტინის დროშების ფრიალით მიესალმნენ. „დღეს მივმართე ისრაელის პოლიციას, საჯაროდ აღასრულოს „პალესტინელთა გათავისუფლების ორგანიზაციის“ ნებისმიერი დროშის გამოჩენის აკრძალვა, რომელიც - ტერორისტულ ორგანიზაციასთან იდენტიფიკაციას აჩვენებს და აღკვეთოს ისრაელის სახელმწიფოს წინააღმდეგ ნებისმიერი წამქეზებლური ქმედება“, - დაწერა ბენ-გვირმა Twitter-ზე. როგორც The Guardoan-ი წერს, ისრაელი ოდესღაც პალესტინის დროშად მიიჩნია მებრძოლი დაჯგუფების დროშა. მას შემდეგ, რაც ისრაელმა და პალესტინელებმა მოაწერეს ხელი შუალედური სამშვიდობო შეთანხმებების სერიას, რომელიც ცნობილია როგორც ოსლოს შეთანხმება, დროშა პალესტინის ხელისუფლების დროშად აღიარეს, რომელიც ღაზისა და დასავლეთ სანაპიროს ნაწილების ადმინისტრირებისთვის შეიქმნა.

აშშ ისრაელში თავისი მარაგებიდან აგზავნის საბრძოლო მასალას - NYT

შეერთებული შტატები ისრაელში თავისი საბრძოლო მასალის არსენალს უკრაინის არმიისთვის საარტილერიო ჭურვების მისაწოდებლად იყენებს. გაზეთ New York Times-ის ცნობით, აშშ-ის ისრაელში საბრძოლო მასალის მნიშვნელოვანი რაოდენობა აქვს მარაგში. გამოცემის ინფორმაციით, საუბარია შეიერაღებაზე, რომელიც განკუთვნილია აშშ-ის არმიის მიერ ახლო აღმოსავლეთში შესაძლო ოპერაციების დროს გამოსაყენებლად. გარდა ამისა, ამ არსენალის გამოყენება საგანგებო ვითარებაში ისრაელსაც შეუძლია.  

პენტაგონმა დაადასტურა, რომ უკრაინისთვის შეიარაღების სწრაფად მიწოდების მიზნით, ისრაელსა და სამხრეთ კორეაში თავის მარაგებს იყენებს

უკრაინისთვის საბრძოლო მასალისა და აღჭურვილობის რაც შეიძლება სწრაფად მიწოდების მიზნით, შეერთებული შტატები ისრაელსა და სამხრეთ კორეაში თავის მარაგებს იყენებს. ამის შესახებ პენტაგონის წარმომადგენელმა ბრიფინგზე განაცხადა. აშშ ისრაელში თავისი მარაგებიდან აგზავნის საბრძოლო მასალას - NYT მისივე განმარტებით, ეს გარემოება თავად აშშ-ის თავდაცვის შესაძლებლობებზე გავლენას არ მოახდენს. შეერთებული შტატები ისრაელში თავისი საბრძოლო მასალის არსენალს უკრაინის არმიისთვის საარტილერიო ჭურვების მისაწოდებლად იყენებს. გაზეთმა New York Times-მა 18 იანვარს გაავრცელა ინფორმაცია, რომ შეერთებული შტატები ისრაელში თავისი საბრძოლო მასალის არსენალს უკრაინის არმიისთვის საარტილერიო ჭურვების მისაწოდებლად იყენებს. გამოცემის ინფორმაციით, საუბარია შეიერაღებაზე, რომელიც განკუთვნილია აშშ-ის არმიის მიერ ახლო აღმოსავლეთში შესაძლო ოპერაციების დროს გამოსაყენებლად. გარდა ამისა, ამ არსენალის გამოყენება საგანგებო ვითარებაში ისრაელსაც შეუძლია.

ისრაელის ახლად დანიშნული საგარეო საქმეთა მინისტრი კიევს ეწვევა - მედია

ისრაელის ახლად დანიშნული საგარეო საქმეთა მინისტრი ელი კოენი კიევს მისი უკრაინელი კოლეგის დიმიტრო კულებას მიწვევით ეწვევა, იტყობინება The Times of Israel-ი წყაროებზე დაყრდნობით. ინფორმაცია კულებასა და კოენს შორის 19 იანვარს სატელეფონო საუბრის შემდეგ გავრცელდა. კოენი გახდება ისრაელის ყველაზე მაღალი თანამდებობის პირი, რომელიც უკრაინას რუსეთის სრულმასშტაბიანი შეჭრის დაწყების შემდეგ ეწვია. „ჩვენს პირველ სატელეფონო საუბარში, მე და ელი კოენმა განვიხილეთ საერთაშორისო ორგანიზაციების ფარგლებში თანამშრომლობა, უსაფრთხოების საერთო საფრთხეების წინააღმდეგ ბრძოლის გზები. მინისტრმა კოენმა დაგმო რუსული აგრესია უკრაინის წინააღმდეგ დაადასტურა ისრაელის გეგმები ჰუმანიტარული დახმარებისა და დახმარების სხვა სფეროებში გაძლიერების შესახებ“. კოენი ასევე დაგვპირდა ორ თვეში კიევში ისრაელის საელჩოს გახსნას“, - განაცხადა კულებამ.  თავდაცვის მინისტრმა ოლექსი რეზნიკოვმა 18 იანვარს განაცხადა, რომ უკრაინა წარუმატებლად ცდილობდა, დაერწმუნებინა ისრაელი, ნეიტრალიტეტზე ეთქვა უარი.  

ისრაელი კავკასიასთან და ცენტრალურ აზიასთან კავშირების გაძლიერებას ცდილობს - მედია

ისრაელი კავკასიასთან და ცენტრალურ აზიასთან კავშირების გაძლიერებას ცდილობს. შესაბამის სტატიას ისრაელის მედია აქვეყნებს. როგორც Times of Israel-ი წერს, მიუხედავად იმისა, რომ ისრაელი ცენტრალურ აზიასა და კავკასიაში მთავარი მოთამაშე არ არის, იერუსალიმი თვლის, რომ არსებობს უნიკალური სარგებელი, რომლითაც მას მოკავშირეების უზრუნველყოფა შეუძლია. საუბარია მოკავშირეებზე, რომლებიც ისრაელის ინტერესებს შეესაბამებიან.  „შესაძლოა, ამ ძალისხმევის ყველაზე აშკარა ნიშანია ძალიან კარგი ურთიერთობა აზერბაიჯანთან, რომელიც რუსეთს, საქართველოს, სომხეთს და ისრაელისთვის გადამწყვეტი მნიშვნელობის მქონე ირანს ესაზღვრება. ირანს, თურქეთს, რუსეთს, ჩინეთსა და ინდოეთის სუბკონტინეტს შორის მოქცეული ენერგიით მდიდარი რეგიონები საკვანძო მნიშვნელობის გეოგრაფიულ გზაჯვარედინზე  დგას, რომელიც ევროპასა და ახლო აღმოსავლეთს შორეულ აღმოსავლეთთან აკავშირებს“, - წერს გამოცემა. The Times of Israel-თან საუბარში, აზერბაიჯანის საპარლამენტთაშორისო მეგობრობის ჯგუფის წევრი, პარლამენტარი რამინ მამედოვი ამბობს: „ჩვენ უნდა გაეთვალისწინებინა რისკები, რომლებიც შეიძლება რეგიონული ძალების და სხვა ქვეყნების მხრიდან მომდინარეობდეს“. „დღეს, იმედია, აზერბაიჯანის სუვერენიტეტისთვის მთავარი საფრთხე წარსულში დარჩა“. ირანი, სადაც მილიონობით ეთნიკური აზერბაიჯანელი ცხოვრობს, დიდი ხანია, თავის პატარა ჩრდილოელ მეზობელს მის ტერიტორიაზე სეპარატისტული განწყობების გაღვივებაში ადანაშაულებს.  თუმცა მამედოვი აღნიშნავს, რომ ბაქო ისრაელთან კავშირების გაღრმავების საკითხის განხილვისას, ირანის პოზიციას აღარ ითვალისწინებს. „ისრაელი აზერბაიჯანისთვის იარაღის ერთ-ერთი წამყვანი მიმწოდებელია. სტოკჰოლმის საერთაშორისო მშვიდობის კვლევის ინსტიტუტის მონაცემებით, ისრაელმა 2016-2020 წლებში ბაქოს ძირითადი იარაღის იმპორტის 69 პროცენტი უზრუნველყო, რაც ამ პერიოდში იერუსალიმის იარაღის ექსპორტის 17%-ს შეადგენს. აზერბაიჯანის მდებარეობა მას ისრაელისთვის მიმზიდველ მოკავშირედ აქცევს. ბაქო, სავარაუდოდ, ისრაელს უფლებას აძლევს, გამოიყენოს ბაზები მის მიწაზე, რათა ირანის თავზე სადაზვერვო ფრენები განახორციელოს. იმ შემთხვევაში, თუ ისრაელი ირანის რეაქტორებსა და ქარხნებზე საჰაერო დარტყმების განხორციელებას გადაწყვეტს, აზერბაიჯანულ ბაზებზე წვდომა ამ ამოცანას ბევრად უფრო განხორციელებადს გახდის. ოქტომბერში თავდაცვის მაშინდელი მინისტრი ბენი განცი ოფიციალური ვიზიტით ეწვია აზერბაიჯანს, სადაც თავის აზერბაიჯანელ კოლეგას ზაქირ ჰასანოვს და ქვეყნის პრეზიდენტს ილჰამ ალიევს შეხვდა“, - წერს Times of Israel-ი.

აშშ-მ და ისრაელმა ისტორიაში ყველაზე მასშტაბური სამხედრო წვრთნები დაიწყეს - CNN

ამერიკის შეერთებულმა შეერთებულმა შტატებმა და ისრაელმა ყველაზე მასშტაბური სამხედრო წვრთნები დაიწყეს, რაც მკაფიო სიგნალს უგზავნის ირანს და ხაზს უსვამს მათი ალიანსის სიძლიერეს. ამის შესახებ CNN წერს. პენტაგონის ცნობით, წვრთნაში 6500-მდე ამერიკელი და 1100-მდე ისრაელელი სამხედრო მოსამსახურე მონაწილეობს. Juniper Oak - ში მოიერიშე თვითმფრინავებთან, ბომბდამშენებთან და საწვავის შემავსებელი თვითმფრინავებთან ერთად, 100 ამერიკული თვითმფრინავი ჩაერთვება. წვრთნებში ისრაელის 42 თვითმფრინავი მონაწილეობს. სწავლებაში ავიამზიდ USS George H. W. Bush-ის გადამზიდავი დამრტყმელი ჯგუფი ასევე მიიღებს მონაწილეობას.   

მედია: იერუსალიმში სინაგოგასთან ტერაქტი მოხდა

იერუსალიმში, სინაგოგასთან სროლის შედეგადა შვიდი ადამიანი დაიღუპა და 10 დაშავდა. ამის შესახებ The Jerusalem Post (JP) იუწყება. Ynetnews სხვა მონაცემებს ასახელებს. გამოცემის ცნობით, დაიღუპა რვა ადამიანი და დაშავდა 12. JP წერს, რომ თავდამსხმელი პოლიციამ დანაშაულის ადგილიდან გაქცევის მცდელობისას მოკლა. მისი პიროვნების შესახებ ჯერ არაფერია ცნობილი. ისრაელის მედია მომხდარს ტერაქტს უწოდებს.  

ისრაელი იარაღის ტარებაზე რეგულაციებს ამარტივებს

პალესტინელების თავდასხმის საპასუხოდ, ისრაელის უსაფრთხოების კაბინეტმა დაამტკიცა ზომები, რომლის თანახმად, ისრაელელებს იარაღის ტარების უფლება გაუმარტივდებათ. ახალი ზომები ასევე ითვალისწინებს თავდამსხმელის ოჯახის წევრებისთვის ბინადრობის და სოციალური დაცვის უფლების ჩამორთმევას. მინისტრთა კაბინეტი ზომებთან დაკავშირებით დღეს იმსჯელებს. ისრაელის არმიამ განაცხადა, რომ „ოკუპირებულ დასავლეთ სანაპიროზე, ჯარების რაოდენობას გააძლიერებს“. „როდესაც მშვიდობიანი მოქალაქეებს აქვთ იარაღი, მათ შეუძლიათ, დაიცვან თავი”, - განუცხადა ეროვნული უსაფრთხოების მინისტრმა იტამარ ბენ-გვირმა იერუსალიმის საავადმყოფოსთან შეკრებილ მედიას. 27 და 28 იანვარს იერუსალიმში ორი თავდასხმა მოხდა. შეიარაღებულმა პირმა აღმოსავლეთ იერუსალიმში, სინაგოგასთან ცეცხლი გაუხსნა გამვლელებს, რასაც შვიდი ადამიანის სიცოცხლე ემსხვერპლა. თავდამსხმელი ლიკვიდირებულია. 28 იანვარს კი, 13 წლის მოზარდმა ორი ადამიანი დაჭრა. საპასუხო ცეცხლით გაანეიტრალეს. ის საავადმყოფოშია გადაყვანილი.  

რა საკითხები განიხილა ენტონი ბლინკენმა ისრაელში გამართულ შეხვედრებზე

აშშ-ის სახელმწიფო მდივანი ენტონი ბლინკენი ისრაელში შეხვედრებს მართავს. ამერიკელი დიპლომატი უკვე შეხვდა ქვეყნის პრეზიდენტს ისააკ ჰერცოგს. „ისააკ ჰერცოგთან შეხვედრაზე განვიხილეთ აშშ-ისრაელის ძლიერი ურთიერთობა და ჩვენი ერთგულება ისრაელის დემოკრატიისა და უსაფრთხოების მიმართ. ჩვენ ასევე ვისაუბრეთ ირანზე, დასავლეთ სანაპიროზე“, - წერს ბლინკენი Twitter-ზე. აშშ-ის სახელმწიფო მდივანმა ასევე გამართა მოლაპარაკება ისრაელის თავდაცვის მინისტრთან. „იოავ გალანტთან შეხვედრისას განვიხილეთ აშშ-ის ვალდებულება ისრაელის უსაფრთხოების მიმართ, ირანის საფრთხე და უსაფრთხოების ვითარება დასავლეთ სანაპიროზე“, - აღნიშნა ბლინკენმა Twitter-ზე განთავსებულ პოსტში. ამერიკელმა დიპლომატმა ისრაელის პრემიერ ბენიამინ ნეთანიაჰუსთან შეხვედრის შესახებ საუბრისას აღნიშნა, რომ აშშ-ს აქვს მტკიცე ვალდებულება ისრაელის უსაფრთხოების მიმართ.  „მოუთმენლად ველით პრემიერ-მინისტრთან მუშაობას იმ ინტერესებისა და ღირებულებების მხარდასაჭერად, რომლებსაც ჩვენი ერები დიდი ხანია, იზიარებენ“, - აცხადებს ენტონი ბლინკენი. პირველ თებერვალს გავრცელებული ბოლო ინფორმაცია, რომელიც ისრაელში ბლინკენის შეხვედრას ასახავს, ცოტა ხნის წინ გავრცელდა. ბლინკენი ნეთანიაჰუს წინამორბედს შეხვდა.  „ოპოზიციის ლიდერს იაირ ლაპიდს შევხვდი. ხაზი გავუსვი აშშ-ისრაელის მტკიცე ურთიერთობებს, ჩვენს ერთგულებას ისრაელის დემოკრატიისა და უსაფრთხოებისა და შემდგომი რეგიონალური ინტეგრაციის მიმართ. ჩვენასევე განვიხილეთ დასავლეთ სანაპიროზე სიტუაციის დეესკალაციის გადაუდებელი აუცილებლობა“, - წერია Twitter-ზე ბლინკენის სახელით განთავსებულ ინფორმაციაში.

ნეთანიაჰუს თქმით, ისრაელი უკრაინაში საჰაერო თავდაცვის სისტემების, მათ შორის „რკინის გუმბათის“ გაგზავნის საკითხს განიხილავს - უკრაინული მედია

ისრაელი უკრაინაში საჰაერო თავდაცვის სისტემების, მათ შორის რკინის გუმბათის სისტემის გაგზავნის საკითხს განიხილავს. Ukrinform-ის ცნობით, ამის შესახებ ისრაელის პრემიერ-მინისტრმა ბენიამინ ნეთანიაჰუმ CNN-თან ინტერვიუში განაცხადა. შესაბამის შეკითხვას მან დადებითი პასუხი გასცა. მან ასევე დაადასტურა, რომ შეერთებულმა შტატებმა ისრაელის ტერიტორიიდან უკრაინაში საარტილერიო საბრძოლო მასალის მარაგი გადაიტანა.  ნეთანიაჰუმ აღნიშნა, რომ მისი ქვეყანა ასევე ეხმარება უკრაინას ირანში იარაღის წარმოების აკრძალვით. „დეტალებში არ შევალ, მაგრამ ისრაელი გარკვეულწილად მოქმედებს ირანის მიერ უკრაინის წინააღმდეგ გამოყენებული იარაღის წარმოების წინააღმდეგ“, - განაცხადა ნეთანიაჰუმ.  

ისრაელის საგარეო საქმეთა მინისტრი კიევში ჩავიდა

ელი კოენი ისრაელის მთავრობის პირველი მაღალი თანამდებობის პირია, რომელიც უკრაინაში რუსეთის ფართომასშტაბიანი შეჭრის შემდეგი ჩავიდა. „ელი კოენი შეხვდება პრეზიდენტ ვოლოდიმირ ზელენსკის და საგარეო საქმეთა მინისტრ, დმიტრო კულებას", - ნათქვამია ისრაელის საგარეო საქმეთა სამინისტროს განცხადებაში. მედიაში 19 იანვარს გავრცელდა ინფორმაცია, რომ ისრაელის ახლად დანიშნული საგარეო საქმეთა მინისტრი ელი კოენი კიევს მისი უკრაინელი კოლეგის დიმიტრო კულებას მიწვევით ეწვეოდა. ინფორმაცია კულებასა და კოენს შორის 19 იანვარს სატელეფონო საუბრის შემდეგ გავრცელდა. „ჩვენს პირველ სატელეფონო საუბარში, მე და ელი კოენმა განვიხილეთ საერთაშორისო ორგანიზაციების ფარგლებში თანამშრომლობა, უსაფრთხოების საერთო საფრთხეების წინააღმდეგ ბრძოლის გზები. მინისტრმა კოენმა დაგმო რუსული აგრესია უკრაინის წინააღმდეგ დაადასტურა ისრაელის გეგმები ჰუმანიტარული დახმარებისა და დახმარების სხვა სფეროებში გაძლიერების შესახებ“. კოენი ასევე დაგვპირდა ორ თვეში კიევში ისრაელის საელჩოს გახსნას“, - აცხადებდა კულება.  თავდაცვის მინისტრმა ოლექსი რეზნიკოვმა 18 იანვარს განაცხადა, რომ უკრაინა წარუმატებლად ცდილობდა, დაერწმუნებინა ისრაელი, ნეიტრალიტეტზე ეთქვა უარი.  

ელი კოენი კულებასთან შეხვედრის შემდეგ: ისრაელი უკრაინას სარაკეტო თავდასხმის გამაფრთხილებელი სისტემის განვითარებაში დაეხმარება

ისრაელის საგარეო საქმეთა მინისტრმა კიევში ვიზიტისას განაცხადა, რომ ისრაელი უკრაინას სესხის გარანტიებს აძლევს და სარაკეტო თავდასხმის გამაფრთხილებელი სისტემის განვითარებაში დაეხმარება. უკრაინის საგარეო საქმეთა მინისტრ დმიტრო კულებასთან ერთსაათიანი შეხვედრის შემდეგ, ელი კოენი აცხადებს, რომ ისრაელი უზრუნველყოფს 200 მილიონ აშშ დოლარამდე სესხის გარანტიას, რომელიც უკრაინაში ჯანდაცვისა და სამოქალაქო ინფრასტრუქტურულ პროექტებს მოხმარდება. „ისრაელი, როგორც წარსულში იყო ნათქვამი, მტკიცედ სოლიდარულია უკრაინის ხალხის მიმართ  და უკრაინის სუვერენიტეტისა და ტერიტორიული მთლიანობის ერთგული (მხარდამჭერი, რედ.) რჩება “, - ამბობს კოენი. „ისრაელისთვის კარგად არის ცნობილი ჩვენი უსაფრთხოებისა და თავდაცვის საჭიროებების ჩამონათვალის შესახებ. ჩვენ დაველოდებით გადაწყვეტილებების მიღებას“, - განაცხადა თავის მხრივ დმიტრო კულებამ. ისრაელის საგარეო საქმეთა მინისტრი კიევში დღეს ჩავიდა.    

კიევში ისრაელის საელჩომ მუშაობა განაახლა

16 თებერვალს ისრაელის საგარეო საქმეთა მინისტრმა ელი კოენმა, კიევში, საელჩოში ისრაელის სახელმწიფოს დროშა აღმართა. ისრაელის სახელმწიფოს დიპლომატიურმა წარმომადგენლობამ კიევში მუშაობა სრულად განაახლა. შესაბამისი განცხადება ისრაელის საგარეო საქმეთა მინისტრმა ელი კოენმა Twitter-ზე გააკეთა. კოენის თქმით, უკრაინა ისრაელის მეგობარია და საელჩოსა და მისი თანამშრომლების შემდგომი საქმიანობა, რომლებიც მუშაობენ იქ რთულ პირობებში, ხელს შეუწყობს ორ ქვეყანას შორის ურთიერთობების განმტკიცებას. შეგახსენებთ, რომ 2023 წლის 16 თებერვალს ისრაელის საგარეო საქმეთა მინისტრი ელი კოენი კიევში პირველად ჩავიდა მას შემდეგ, რაც რუსეთმა უკრაინაში სრულმასშტაბიანი ომი დაიწყო.  

ისრაელი უკრაინის დასახმარებლად აკეთებს მაქსიმუმს, რაც შეუძლია - ელი კოენი

ისრაელი გმობს რუსეთის აგრესიულ ომს და დაეხმარება უკრაინას, მაგრამ არ უნდა დაივიწყოს რუსეთის ფედერაციაში მცხოვრები ასობით ათასი ებრაელი. ამის შესახებ ისრაელის საგარეო საქმეთა მინისტრმა ელი კოენმა ბერლინში, გერმანელ კოლეგა ანალენა ბერბოკთან შეხვედრის შემდეგ გამართულ პრესკონფერენციაზე განაცხადა. კოენის თქმით, ისრაელი „გმობს“ რუსეთის აგრესიას უკრაინის წინააღმდეგ. ამასთან, მანვე აღნიშნა, რომ ისრაელი „უნიკალურ მდგომარეობაშია", რადგან რუსეთში 600 000 ებრაელი ცხოვრობს, ამიტომ, ამ მხრივ ისრაელი სხვა ქვეყნებისგან განსხვავდება. მისივე თქმით, რეგიონში რუსეთი მნიშვნელოვანი მოთამაშეა, ამ ყველაფრის გათვალისწინებით კი, ისრაელი აკეთებს მაქსიმუმს, რაც შეუძლია. კოენმა კიევში მისი ვიზიტი გაიხსენა. ელი კოენი კულებასთან შეხვედრის შემდეგ: ისრაელი უკრაინას სარაკეტო თავდასხმის გამაფრთხილებელი სისტემის განვითარებაში დაეხმარება „ისრაელი არის უკრაინის მხარეს, უკრაინელი ხალხის მხარეს და ასეა ამ ომის პირველი დღიდან“. ისრაელი სრულად უჭერს მხარს უკრაინის ტერიტორიულ მთლიანობასა და სუვერენიტეტს. გარდა ამისა, კოენმა აღნიშნა, რომ პრეზიდენტ ზელენსკის აცნობა ისრაელის მზადყოფნის შესახებ, უკრაინას მიაწოდოს თავდასხმის გამაფრთხილებელი სისტემა. კერძოდ, მან ყურადღება გაამახვილა ირანის თემაზე, რომელიც, მისი თქმით, პრობლემად იქცა არამხოლოდ რეგიონისთვის, არამედ ევროპისა და ზოგადად, მსოფლიოსთვის. „ირანული იარაღი უკრაინაში ევროპელ მშვიდობიან მოსახლეობას კლავს. ასე რომ, უკრაინელი ხალხი და ისრაელელი ხალხი იგივე საფრთხის წინაშე დგანან. მოქმედების დროა“, - აღნიშნა ელი კოენმა.  მისივე თქმით, ახლა მაგიდაზე ორი ვარიანტია: „სანქციების გაფართოება, მაგრამ ასევე „სანდო სამხედრო ვარიანტი“. „დაზვერვის ცნობებიდან გამომდინარე, ახლა არის „სწორი დრო ამ ორ ნაბიჯზე მუშაობისთვის“. მხოლოდ ერთობლივ გადამწყვეტ ქმედებას შეუძლია რეჟიმის შეჩერება“, აღნიშნა კოენმა და მოუწოდა გერმანიას, აღიაროს ისლამური რევოლუციური გვარდია ტერორისტულ ორგანიზაციად.  

ისრაელის კომპანია Azerspace-ის თანამგზავრებს აფრიკაში გამოიყენებს

ისრაელის კომპანია Spacecom-ი ისარგებლებს Azerspace-ის თანამგზავრების შესაძლებლობებით, რათა თავისი სერვისის არეალი გააფართოოს, განსაკუთრებით აფრიკის რეგიონში, განახორციელოს პროექტები თანამგზავრული სერვისებისა და მობილური კომუნიკაციების შესახებ, იტყობინება Reportaz-ი. Azercosmos-მა და Spacecom-ის თანამგზავრის ოპერატორმა თანამშრომლობის შეთანხმებას ხელი მოაწერეს. როგორც ცნობილია, Spacecom, AMOS-ის სატელეკომუნიკაციო თანამგზავრების ოპერატორი, ახლო აღმოსავლეთში, ევროპასა და ჩრდილოეთ ამერიკაში მუშაობს. მ აღალი გამტარუნარიანობის თანამგზავრებით, Spacecom-ი მოემსახურება თავის მომხმარებლებს ტელეპორტის სერვისების გამოყენებით, რომლებიც Azercosmos-ის მთავარ სახმელეთო სადგურზე მდებარეობს.  

აშშ-მ ისრაელის ელჩი დაიბარა

დასახლებების შესახებ ისრაელის მიერ მიღებული კანონმდებლობის გამო, აშშ შეშფოთებას გამოთქვამს. ამის გამო ისრაელის ელჩი აშშ-ში, სახელმწიფო დეპარტამენტში გამოიძახეს. სპიკერის მოადგილის ვედანტ პატელის თქმით, ჰერცოგი სახელმწიფო მდივნის მოადგილეს, ვენდი შერმანს შეხვდა. „მდივნის მოადგილემ გამოხატა აშშ-ის შეშფოთება ისრაელის ქნესეთის მიერ მიღებულ კანონთან დაკავშირებით, რომელიც გააუქმებს 2005 წლის კანონის მნიშვნელოვან ასპექტებს, მათ შორის ჩრდილოეთ დასავლეთ სანაპიროზე დასახლებების შექმნის აკრძალვის შესახებ“, - განაცხადა პატელმა.  ოფიციალურმა პირებმა ასევე ხაზი გაუსვეს დაძაბულობის განმუხტვის მნიშვნელობა.  სამშაბათს, ქნესეთმა (ისრაელის პარლამენტმა) მეორე და მესამე მოსმენით მიიღო კანონპროექტი, რომელიც ისრაელელ დევნილებს დასავლეთ სანაპიროზე ოთხ დასახლებაში დასახლების უფლებას აძლევს. საერთაშორისო სამართლის მიხედვით, ოკუპირებულ ტერიტორიებზე ყველა ებრაული დასახლება უკანონოდ ითვლება.  

ისრაელის უშიშროების მინისტრის თქმით, გადაიდო სასამართლო რეფორმა, რომელმაც ქვეყანაში მასობრივი პროტესტი გამოიწვია

ისრაელის პრემიერ-მინისტრის, ბენიამინ ნეთანიაჰუს მთავრობის ძლიერი მოკავშირე ამბობს, რომ ქვეყნის მიერ შემოთავაზებული სასამართლო რეფორმა სულ მცირე რამდენიმე კვირით გადაიდო. ინფორმაციას Washington Post-ი აქვეყნებს. ეროვნული უშიშროების მინისტრი იტამარ ბენ-გვირი ამბობს, რომ ის დაეთანხმა კანონმდებლობის გაჭიანურებას, ვიდრე პარლამენტი 30 აპრილს ზაფხულის სესიაზე არ შეიკრიბება.  ამავე თემაზე წაიკითხეთ: ისრაელის მედიის ცნობით, მთავრობა შეაჩერებს სასამართლო რეფორმას, რომელმაც მასობრივი პროტესტი გამოიწვია  

ნეთანიაჰუმ დაადასტურა, რომ სასამართლო სისტემის სადავო რეფორმა გადადო

ისრაელის პრემიერ-მინისტრი ბენიამინ ნეთანიაჰუ სასამართლო რეფორმის სადავო გეგმის შესახებ პირველ განცხადებას აკეთებს მას შემდეგ, რაც ქვეყანა მასობრივმა საპროტესტო აქციებმა მოიცვა. ამის შესახებ BBC წერს. ნეთანიაჰუმ მოსახლეობისადმი სატელევიზიო მიმართვისას დაადასტურა, რომ სასამართლო სისტემის რეფორმა გადადო. გადაწყვეტილებას ის ქვეყანაში განხეთქილების თავიდან აცილებისა და ფართო კონსენსუსის მიღწევის სურვილით ხსნის. ნეთანიაჰუ ამბობს, რომ მისი მთავრობა არასოდეს დაუშვებს სამოქალაქო ომს. მისივე თქმით, ქვეყანა კრიზისის წინაშე დგას, რომელიც საფრთხეს უქმნის ეროვნულ ერთობას. „ქვეყნის წინაშე პასუხისმგებლობის გამო, გადავწყვიტე გადავდო კენჭისყრა, რათა დრო დავუთმო დისკუსიებს“, - განაცხადა ნეთანიაჰუმ. მის ამ გადაწყვეტილებას მიესალმა პრეზიდენტი ისააკ ჰერცოგი, რომელიც ნეთანიაჰუს პროექტის შეჩერებისკენ მოუწოდებდა. ამავე თემაზე წაიკითხეთ: ისრაელის უშიშროების მინისტრის თქმით, გადაიდო სასამართლო რეფორმა, რომელმაც ქვეყანაში მასობრივი პროტესტი გამოიწვია  

ისრაელში საყოველთაო გაფიცვის გამო, მსოფლიოს მასშტაბით, მათ შორის საქართველოში, საელჩოები და საკონსულოები დაიხურა

ისრაელში საყოველთაო გაფიცვის გამო, მსოფლიოს მასშტაბით, საელჩოები და საკონსულოები დაიხურა. მედიის ინფორმაციით, ისრაელელი დიპლომატები საყოველთაო გაფიცვას შეუერთდნენ. მისი მიზანია, აიძულონ ისრაელის პრემიერ-მინისტრი ბენიამინ ნეთანიაჰუ შეაჩეროს სასამართლო სისტემის რეფორმა. ისრაელში პროფკავშირების მიერ საყოველთაო გაფიცვის შესახებ განცხადების გავრცელების შემდეგ, საქართველოში ისრაელის საელჩოც დაიხურა, რაც ძალაშია შემდგომ განცხადებამდე. ამის შესახებ ინფორმაციას საქართველოში ისრაელის საელჩო Facebook-ზე ავრცელებს. შეჩერებულია საკონსულო მომსახურებაც. თუმცა ცხელი ხაზი (+995 32 2556500), გადაუდებელი შემთხვევებისთვის მუშაობას განაგრძობს. ამავე თემაზე წაიკითხეთ: ისრაელის მედიის ცნობით, მთავრობა შეაჩერებს სასამართლო რეფორმას, რომელმაც მასობრივი პროტესტი გამოიწვია  

ისრაელის მედიის ცნობით, მთავრობა შეაჩერებს სასამართლო რეფორმას, რომელმაც მასობრივი პროტესტი გამოიწვია

მთელი ისრაელის მასშტაბით მომიტინგეები ანტისამთავრობო აქციას მართავენ. მანამდე, პროტესტი ღამით გრძელდებოდა - გამთენიისას, პრეზიდენტმა ისააკ ჰერცოგმა ნეთანიაჰუს მოუწოდა, შეაჩეროს რეფორმები „ისრაელის ხალხის ერთიანობისთვის“. „უსაფრთხოება, ეკონომიკა, საზოგადოება, ყველაფერი საფრთხის ქვეშაა. ისრაელის ხალხის ერთიანობისთვის, პასუხისმგებლობისთვის, მოგიწოდებთ დაუყოვნებლივ შეაჩეროთ საკანონმდებლო პროცესი... ეს არ არის პოლიტიკის მომენტი, ეს არის ლიდერობის და პასუხისმგებლობის მომენტი“, - აღნიშნა ჰერცოგმა. პრემიერ-მინისტრი ბენიამინ ნეთანიაჰუ დიდი ზეწოლის ქვეშაა. მას სასამართლო რეფორმების გამო აკრიტიკებენ. ქვეყნის მართლმსაჯულების სისტემაში განხორციელებულმა ცვლილებებმა ისრაელის საზოგადოების თითქმის ყველა ნაწილის, მათ შორის სამხედროების აღშფოთება გამოიწვია. „კვირას საღამოს ათიათასობით გაბრაზებული ადამიანი გამოვიდა ქუჩაში მას შემდეგ, რაც ნეთანიაჰუმ გაათავისუფლა თავდაცვის მინისტრი, რომელმაც ცვლილებების შეჩერება მოითხოვა. პოლიციამ და ჯარისკაცებმა იერუსალიმში, ნეთანიაჰუს სახლის წინ შეკრებილი დემონსტრანტების წინააღმდეგ წყლის ჭავლი გამოიყენეს“, - წერს BBC. თელ-ავივის ბენ გურიონის აეროპორტიდან ფრენები შეჩერებულია მას შემდეგ, რაც მუშაკები ფართო გამოსვლების მოწოდების ფონზე გაიფიცნენ. ისრაელის მთავრობას სრული კონტოლის აღება სურს იმ კომიტეტზე, რომელიც მოსამართლეებს ნიშნავს. ნეთანიაჰუ ამბობს, რომ ცვლილებები სასამართლოს უფლებამოსილების გადამეტებას შეაჩერებს, მაგრამ კრიტიკოსები აცხადებენ, რომ ეს კორუფციას შეუწყობს ხელს. ბენიამინ ნეთანიაჰუს მიერ დაგეგმილი სატელევიზიო მიმართვა გაურვკეველი დროით გადაიდო. ისრაელის სამაუწყებლო კორპორაცია Kan-ი ავრცელებს ინფორმაციას, რომ ისრაელის პრემიერ-მინისტრმა ბენიამინ ნეთანიაჰუმ მმართველი კოალიციის ლიდერებს აცნობა, რომ შეაჩერებს სასამართლო სისტემის რეფორმირების პროცესს.  

ისრაელის საგარაეო საქმეთა მინისტრი: აზერბაიჯანი და ისრაელი ირანისგან მომდინარე საფრთხეს იზიარებენ

აზერბაიჯანი და ისრაელი ირანისგან მომდინარე საფრთხეს იზიარებენ. აზერბაიჯანული მედიის ცნობით, ამის შესახებ ისრაელის საგარეო საქმეთა მინისტრმა ელი კოენმა აზერბაიჯანელ კოლეგა ჯეიჰუნ ბაირამოვთან ერთად გამართულ პრესკონფერენციაზე განაცხადა. „ირანი ემუქრება ჩვენს რეგიონს და ქმნის არასტაბილურობას ახლო აღმოსავლეთში ტერორიზმის მხარდაჭერითა და დაფინანსებით. ჩვენ ერთად უნდა ვიმოქმედოთ ირანის წინააღმდეგ. ჩვენ არ უნდა მივცეთ ირანს საშუალება, გააფართოოს თავისი ბირთვული პოტენციალი", - აღნიშნა კოენმა. მისივე თქმით, ორ ქვეყანას პოლიტიკური და ეკონომიკური ინსტრუმენტების გამოყენებით შეუძლია მოქმედება.  28 მარტს აზერბაიჯანის საგარეო საქმეთა მინისტრი, ჯეიჰუნ ბაირამოვი ოფიციალური ვიზიტით ისრაელსა და პალესტინაში გაემგზავრა. ვიზიტის ფარგლებში, რომელიც 29 მარტიდან 30 მარტამდე გაგრძელდება, ბაირამოვი შეხვდება ორივე ქვეყნის მაღალი რანგის წარმომადგენლებს. გარდა ამისა, დაგეგმილია მისი მონაწილეობა ისრაელში აზერბაიჯანის საელჩოს გახსნის ცერემონიაში.

თელ-ავივში აზერბაიჯანის საელჩო გაიხსნა

აზერბაიჯანი ისრაელის სტრატეგიული პარტნიორია. ამის შესახებ საგარეო საქმეთა მინისტრმა ელი კოენმა თელ-ავივში აზერბაიჯანის საელჩოს გახსნისას განაცხადა. აზერბაიჯანის საელჩოს გახსნას ისრაელის საგარეო საქმეთა მინისტრი, ელი კოენი და აზერბაიჯანის საგარეო საქმეთა მინისტრი ჯეიჰუნ ბაირამოვი დაესწრნენ. იუწყება News.Az-ი. მინისტრმა ხაზგასმით აღნიშნა, რომ ისრაელში აზერბაიჯანის საელჩოს გახსნა ასახავს ორ ქვეყანას შორის არსებულ სტრატეგიულ პარტნიორობას. კოენმა საელჩოს გახსნას ახალი ეტაპი უწოდა ისრაელსა და აზერბაიჯანს შორის ურთიერთობების 30-წლიან ისტორიაში. „აზერბაიჯანი და ისრაელი რეგიონული უსაფრთხოების, ენერგეტიკის, ტურიზმის და სხვა სფეროებში თანამშრომლობენ“, - განაცხადა კოენმა. ისრაელის მთავარმა დიპლომატმა აღნიშნა, რომ აზერბაიჯანში მუსულმანურ სამყაროში ყველაზე დიდი ებრაული თემია. ისრაელში აზერბაიჯანის საელჩოს გახსნა ორ ქვეყანას შორის პარტნიორობის განვითარებისა და ორმხრივი ურთიერთობების ახალი ეტაპის დასაწყისია, განაცხადა თავის მხრივ, აზერბაიჯანის საგარეო საქმეთა მინისტრმა ჯეიჰუნ ბაირამოვმა. იერუსალიმში თავის ისრაელელ კოლეგა ელი კოენთან ერთად გამართულ პრესკონფერენციაზე ბაირამოვმა აღნიშნა, რომ რეგულარული კონტაქტები ხელს უწყობს ორ ქვეყანას შორის თანამშრომლობის გაფართოებას. უმაღლესმა დიპლომატმა ასევე დადებითად შეაფასა აზერბაიჯანსა და ისრაელს შორის საპარლამენტთაშორისო კავშირების მაღალი დონე. ბაირამოვმა აღნიშნა, რომ ორმხრივი ურთიერთობების გაფართოებაში მნიშვნელოვან როლს თამაშობს ებრაული თემი აზერბაიჯანში და აზერბაიჯანული დიასპორა ისრაელში.  

აზერბაიჯანი ისრაელთან ერთად დრონების წარმოებას განაგრძობს

აზერბაიჯანი ისრაელთან ერთად დრონებს აწარმოებს. APA-ს ცნობით, ამის შესახებ თავდაცვის მრეწველობის მინისტრმა მადათ გულიევმა აზერბაიჯანის სახელმწიფო ფიზიკური აღზრდისა და სპორტის აკადემიის სტუდენტებთან შეხვედრისას განაცხადა. მინისტრის თქმით, თანამედროვე ომებში უპილოტო იარაღი ძალიან მნიშვნელოვანია. მადათ გულიევმა ასევე აღნიშნა, რომ სამომავლოდ, თავდაცვის მრეწველობის სფეროში გამოცდილების მისაღებად, აზერბაიჯანიდან აშშ-სა და თურქეთში სტუდენტების გაგზავნას გეგმავენ.    

ისრაელის მთავრობამ „ეროვნული გვარდიის“ შექმნას მხარი დაუჭირა

ისრაელის მთავრობამ ეროვნული გვარდიის შექმნის შესახებ ულტრამემარჯვენე მინისტრის წინადადებას მხარი დაუჭირა. ბენ-გვირმა განაცხადა, რომ შენაერთი ფოკუსირებული იქნება არეულობებზე, პოლიტიკური კონკურენტები კი მას „მილიციის“ შექმნაში ადანაშაულებენ. ახალი ეროვნული გვარდიის ზუსტ უფლებამოსილებებს განსაზღვრავს კომიტეტი, რომელიც აერთიანებს ისრაელის უშიშროების ყველა უწყებას. ეს კომიტეტი რეკომენდაციებს 90 დღის განმავლობაში წარადგენს. ულტრამემარჯვენე პარტიის, „ებრაული ძალის“ თავმჯდომარემ, უშიშროების მინისტრმა ბენ-გვირმა, „ეროვნული გვარდიის“ შექმნის შესახებ მას შემდეგ განაცხადა, რაც ბენიამინ ნეთანიაჰუმ სასამართლოს სისტემის რეფორმირების წინადადების განხილვები გადადო. ამ რეფორმის გეგმას ქვეყანაში მძლავრი პროტესტი მოჰყვა.

ფინეთმა ისრაელს David's Sling-ის ტიპის თავდაცვის სისტემის შეძენის თხოვნით მიმართა

ფინეთის თავდაცვის სამინისტრომ ისრაელიდან David's Sling-ის შეძენა დაამტკიცა, რაც მას შორ მანძილზე მოქმედი ამ საჰაერო თავდაცვის სისტემის პირველ უცხოელ მომხმარებლად აქცევს. 316 მილიონი ევროს (345 მილიონი აშშ დოლარი) შეთანხმების შესახებ ინფორმაციას ვრცელდება მას შემდეგ, რაც 4 აპრილს, ჰელსინკი NATO-ს წევრი გახდა. ამის შესახებ Times of Israel-ი წერს. თავდაცვის სამინისტროს ცნობით, რაკეტსაწინააღმდეგო სისტემა მნიშვნელოვნად გააფართოებს ფინეთის სახმელეთო საჰაერო თავდაცვის შესაძლებლობების ოპერატიული დიაპაზონს. გარდა ამისა, ისრაელის წარმოების სისტემის შესყიდვა ფინეთის თავდაცვის ძალებს საშუალებას მისცემს, სამიზნეები მაღალ სიმაღლეზე შეაჩერონ. David's Sling-ი - მანამდე ცნობილი როგორც ჯადოსნური ჯოხი, არის ისრაელის თავდაცვის ძალების სამხედრო სისტემა, რომელიც ერთობლივად არის შემუშავებული ისრაელის თავდაცვის კონტრაქტორის - Rafael Advanced Defense Systems-ისა და ამერიკის მიერ.  

სარაკეტო თავდასხმის საპასუხოდ, ისრაელის სამხედროებმა ლიბანსა და ღაზის სექტორში ავიაიერიშები განახორციელეს - Reuters

ისრაელმა ღაზის სექტორში საპასუხო ავიაიერიშები განახორციელა მას შემდეგ, რაც ღაზიდან და ლიბანიდან ისრაელის ტერიტორიის მიმართულებით რაკეტები ისროლეს. მანამდე, ისრაელმა პალესტინის შეიარაღებული დაჯგუფება ჰამასი სამხრეთ ლიბანიდან ჩრდილოეთ ისრაელის მიმართულებით ათობით რაკეტის გასროლაში დაადანაშაულა. ისრაელმა განაცხადა, რომ მისმა ავიაგამანადგურებლებმა სხვადასხვა სამიზნეს დაარტყეს, მათ შორის ჰამასის გვირაბებსა და იარაღის წარმოების ობიექტებს.  

თელ-ავივში მომხდარ თავდასხმას იტალიელი ტურისტი ემსხვერპლა

ისრაელში, თელ-ავივში, ტერაქტს 1 ადამიანი ემსხვერპლა, 6 კი მძიმედ დაშავდა. რამდენიმე დაზარალებულის მდგომარეობა მძიმეა. ცნობილია, რომ დაღუპულია 36 წლის იტალიელი ტურისტი. იტალიის საგარეო საქმეთა მინისტრმა განაცხადა, რომ მოკლულია იტალიის მოქალაქე, ალესანდრო პარინი. მედიკოსების ინფორმაციით, ტურისტები არიან დაშავებული მოქალაქეებიც. შემთხვევის ადგილზე გადაღებულ კადრებში ჩანს, თუ როგორ ამოტრიალდა ავტომობილი და როგორ გაუხსნა ცეცხლი ისრაელის პოლიციის ოფიცერმა თავდამსხმელს, რომელიც ადგილზე გარდაიცვალა. ცნობისთვის, გუშინ, დასავლეთ სანაპიროზე სროლის შედეგად ორი ქალი დაიღუპა, ერთი კი - დაიჭრა. აღნიშნულ თავდასხმებამდე რამდენიმე საათით ადრე ისრაელმა სამხრეთ ლიბანსა და ღაზას სექტორში ჰამასის კუთვნილ ობიექტებზე ავიაიერიშები განახორციელა.  

„ტერორისტული თავდასხმის“ ფონზე, ნეთანიაჰუმ იოავ გალანტი თავდაცვის მინისტრის თანამდებობაზე დააბრუნა

ისრაელის პრემიერ-მინისტრმა ბენიამინ ნეთანიაჰუმ იოავ გალანტი თავდაცვის მინისტრის თანამდებობაზე დააბრუნა. ინფორმაციას Times of Israel-ი ავრცელებს. ქვეყნის ტერიტორიაზე ღაზის სექტორიდან, ლიბანიდან და სირიიდან ბოლო დღეებში განხორციელებული სარაკეტო თავდასხმების ფონზე, პრემიერ-მინისტრმა განაცხადა, რომ უთანხმოება გვერდით გადადო და თავდაცვის მინისტრთან ერთად 24 საათის განმავლობაში ყველა ფრონტზე მუშაობს. 10 აპრილს, ისრაელის მოქალაქეებისადმი სატელევიზიო მიმართვისას ბენიამინ ნეთანიაჰუმ თქვა, რომ ქვეყანა ტერორისტული თავდასხმის ქვეშაა. „ჩვენი ქვეყანა ტერორისტული თავდასხმის ქვეშ იმყოფება. მაგრამ ეს ახლა არ დაწყებულა. წინა ხელისუფლების პირობებში ტერაქტების რაოდენობა გაორმაგდა“, - განაცხადა ნეთანიაჰუმ. ისრაელის პრემიერ-მინისტრმა ბენიამინ ნეთანიაჰუმ იოავ გალანტი თავდაცვის მინისტრის თანამდებობიდან 26 მარტს გაათავისუფლა მას შემდეგ, რაც გალანტმა მასობრივი საპროტესტო აქციების გამომწვევი სასამართლო რეფორმა გააკრიტიკა და მთავრობას მოუწოდა, შეეჩერებინა ეს რეფორმა.  

1979 წლის ირანის ისლამური რევოლუციის შედეგად ჩამოგდებული შაჰის დევნილი ვაჟი ისრაელს ეწვევა - Reuters

1979 წლის ირანის ისლამური რევოლუციის შედეგად ჩამოგდებული შაჰის დევნილი ვაჟი ისრაელს ეწვევა. Reuters-ის ცნობით, ამის შესახენ ისრაელის მთავრობამ განაცხადა. სააგენტო წერს, რომ ისრაელსა და ირანს შეერთებული შტატების მიერ მხარდაჭერილი შაჰის დროს, თბილი კავშირები ჰქონდათ, თუმცა მას შემდეგ მტრები გახდნენ.ისრაელის მთავრობამ თავის განცხადებაში განმარტა, რომ რეზა ფეჰლავის ვიზიტი მიზნად ისახავს, შექმნას "ხიდი ისრაელსა და ირანელ ხალხს შორის და გამოხატოს ერთობლივი წინააღმდეგობა აიათოლას რეჟიმის მიმართ". მისივე თანახმად, რეზა ფეჰლავი ყველაზე მაღალი სტატუსის მქონე ირანელი პირია, რომელიც ოდესმე წვევია ისრაელს საჯაროდ“. ინფორმაციისთვის, ირანის რევოლუციის შედეგად, ირანი კონსტიტუციური მონარქიიდან სახალხო თეოკრატიულ ისლამურ რესპუბლიკად იქცა; შაჰი მოჰამედ რეზა ფეჰლევი აიათოლა რუჰოლა ხომეინიმ შეცვალა. რევოლუცია ორ ეტაპად განხორციელდა: პირველ ეტაპზე ლიბერალთა, მემარცხენეთა და რელიგიურ ჯგუფთა ალიანსმა შაჰის მმართველობა დაამხო; მეორე ეტაპზე, რომელსაც ისლამურ რევოლუციასაც უწოდებენ, აიათოლა მოვიდა მართვის სათავეში. შემდგომ პერიოდში ისლამური კულტურული რევოლუცია განხორციელდა. „დემოკრატიული ირანი შეეცდება, განაახლოს თავისი კავშირები ისრაელთან და ჩვენს არაბ მეზობლებთან. ჩემი აზრით, ეს დღე უფრო ახლოსაა, ვიდრე ოდესმე“. - ამბობს ფაჰლავი ისრაელის მიერ გავრცელებულ განცხადებაში. ვიზიტის დროს ფეჰლავი მონაწილეობას მიიღებს ჰოლოკოსტთან დაკავშირებულ ცერემონიაში. დაგეგმილ ვიზიტზე, ირანის საგარეო საქმეთა სამინისტროს სპიკერსაც დაუსვეს შეკითხვა. „არც ის ადამიანი, რომელიც თქვენ ახსენეთ (რეზა ფეჰლავი) და არც ამ მოგზაურობის მიზანი, არც ადგილი, სადაც მას სურს გამგზავრება, არ არის განხილვის ღირსი“, - განაცხადა ნასერ ქანაანმა.  

ისრაელის საგარეო საქმეთა მინისტრი, ელი კოენი აზერბაიჯანშია

ისრაელის საგარეო საქმეთა მინისტრი ელი კოენი 3-დღიანი ვიზიტით აზერბაიჯანში ჩავიდა. მინისტრს თან ახლავს 20 ისრაელური კომპანიისგან შემდგარი ბიზნეს დელეგაცია. ვიზიტის ფარგლებში ელი კოენი მონაწილეობას მიიღებს აზერბაიჯან-ისრაელის მთავრობათაშორისი კომისიის მოახლოებულ სხდომაში, რომელიც 19 აპრილს ბაქოში გაიმართება, ასევე რამდენიმე შეხვედრას გამართავს აზერბაიჯანის ოფიციალურ პირებთან. კოენი 19 აპრილს დილით ბაქოში აზერბაიჯანის პრეზიდენტს ილჰამ ალიევს შეხვდება. დღის მეორე ნახევარში ის თავის კოლეგა ჯეიჰუნ ბაირამოვთან გამართავს მოლაპარაკებებს.  

ილია დარჩიაშვილი ვიზიტით ისრაელს ეწვევა

1-3 მაისს  საქართველოს საგარეო საქმეთა მინისტრი ილია დარჩიაშვილი ისრაელის სახელმწიფოს ეწვევა. საგარეო უწყების ხელმძღვანელი შეხვედრებს გამართავს ისრაელის სახელმწიფოს პრეზიდენტთან, ასევე ქვეყნის აღმასრულებელი და საკანონმდებლო ხელისუფლების უმაღლეს პირებთან. ინფორმაციას საქართველოს საგარეო საქმეთა სამინისტრო ავრცელებს. საქართველოს საგარეო საქმეთა მინისტრის ისრაელში ვიზიტის ფარგლებში, ხელი მოეწერება საქართველოსა და ისრაელის მთავრობებს შორის შეთანხმებას ტურიზმის სფეროში თანამშრომლობის შესახებ და ერთობლივ დეკლარაციას საქართველოსა და ისრაელის სახელმწიფოს შორის თავისუფალი ვაჭრობის თაობაზე მოლაპარაკებების დაწყებისთვის ტექნიკურ-ეკონომიკური კვლევის  შესახებ. ილია დარჩიაშვილი შეხვდება ისრაელში ქართული დიასპორის წარმომადგენლებს.  

უკრაინას ისრაელიდან 130 ტონაზე მეტი ჰუმანიტარული დახმარება მიეწოდა

უკრაინა-ისრაელის ასოციაციამ NEXUS-მა, რომელიც ისრაელშია დაფუძნებული, სრულმასშტაბიანი ომის დაწყებიდან, უკრაინას 130 ტონაზე მეტი ჰუმანიტარული დახმარება მიაწოდა. ამის შესახებ Ukrinform-ის ცნობით, უმაღლესი რადას თავმჯდომარის მოადგილემ, ოლენა კონდრატიუკმა Facebook-ზე დაწერა. ამ დახმარებას შორის არის 10 ტონაზე მეტი აღჭურვილობა საავადმყოფოებისა და სამაშველო სამსახურისთვის, ასევე, ორი სასწრაფო დახმარების მანქანა. ინფორმაციისთვის, უკრაინის უმაღლესი რადას თავმჯდომარის მოადგილე ოლენა კონდრატიუკი სამუშაო ვიზიტით ისრაელის სახელმწიფოში იმყოფება.  

საქართველოს საგარეო საქმეთა მინისტრი ოფიციალური ვიზიტით ისრაელის სახელმწიფოს ეწვია

საქართველოს საგარეო საქმეთა მინისტრი, ილია დარჩიაშვილი ოფიციალური ვიზიტით, ისრაელის სახელმწიფოს ეწვია. ილია დარჩიაშვილი ვიზიტით ისრაელს ეწვევა როგორც საგარეო უწყების მიერ გავრცელებულ ინფორმაციაშია აღნიშნული, ვიზიტის ფარგლებში, ხელი მოეწერა საქართველოსა და ისრაელის სახელმწიფოს შორის თავისუფალი ვაჭრობის შეთანხმების შესახებ მიზანშეწონილობის კვლევის დასრულების ერთობლივ დეკლარაციას. „ხელმოწერის ცერემონიამდე, ისრაელის ეკონომიკისა და მრეწველობის მინისტრთან შეხვედრა გაიმართა. შეხვედრის ფარგლებში განხილულ იქნა ორმხრივი და მრავალმხრივი თანამშრომლობის დღის წესრიგში არსებული აქტუალური საკითხები და ხაზი გაესვა ეკონომიკური მიმართულებით თანამშრომლობის დიდ პოტენციალს, რომელიც ორმხრივი ვაჭრობის, ინვესტიციებისა და ტურიზმის სფეროებს მოიცავს. ორდღიანი ვიზიტის ფარგლებში ილია დარჩიაშვილი ისრაელელ კოლეგას ელი ქოენს და ისრაელის სახელმწიფოს პრეზიდენტს, იცხაკ ჰერცოგს შეხვდება. ასევე დაგეგმილია შეხვედრები ქნესეთის თავმჯდომარესთან, ეკონომიკის, ტურიზმის და შინაგან საქმეთა მინისტრებთან. საგარეო საქმეთა მინისტრი „იად ვაშემის“ ჰოლოკოსტის მემორიალს ქართველი ხალხის სახელით გვირგვინით შეამკობს,“ - აღნიშნულია გავრცელებულ ინფორმაციაში.  

ისრაელის ციხეში 86-დღიანი შიმშილობის შემდეგ, პალესტინური დაჯგუფების „ისლამური ჯიჰადის“ მაღალი რანგის ფიგურა, ხადერ ადნანი გარდაიცვალა - BBC

BBC-ის თანახმად, ისრაელის ციხეში 86-დღიანი შიმშილობის შემდეგ პალესტინური დაჯგუფების „ისლამური ჯიჰადის“ მაღალი რანგის ფიგურა, ხადერ ადნანი გარდაიცვალა. ისრაელში განაცხადეს, რომ ადნანი უგონო მდგომარეობაში იპოვეს და საავადმყოფოში გადაიყვანეს, მაგრამ მისი გადარჩენა ვერ შეძლეს. ციხის სამსახურის განმარტებით, ხადერ ადნანი, ბოლო პერიოდში, სამედიცინო გამოკვლევებსა და მკურნალობაზე უარს აცხადებდა. ხადერ ადნანის გარდაცვალების შესახებ ინფორმაციის გავრცელების შემდეგ, ღაზის სექტორიდან სულ მცირე სამი რაკეტა გაუშვეს. ხადერ ადნანი, რომელსაც ტერორიზმის ხელშეწყობასა და ტერორისტულ დაჯგუფებასთან კავშირში ადანაშაულებდნენ, ე.წ ადმინისტრაციულ პატიმრობაში იმყოფებოდა. ადმინისტრაციული პატიმრობის პირობებში, ისრაელს ეჭვმიტანილების დაკავება განუსაზღვრელი ვადით, ბრალის გარეშე, განახლებადი ექვსთვიანი ვადით შეუძლია. ეს არის სადავო ზომა, რომელსაც უფლებადამცველები აკრიტიკებენ.  

ილია დარჩიაშვილმა ისრაელის პრეზიდენტ იცხაკ ჰერცოგთან შეხვედრა გამართა

ისრაელის სახელმწიფოში ოფიციალური ვიზიტის ფარგლებში, საქართველოს საგარეო საქმეთა მინისტრმა ილია დარჩიაშვილმა შეხვედრა გამართა ისრაელის პრეზიდენტთან იცხაკ ჰერცოგთან. საქართველოს საგარეო საქმეთა სამინისტროს ცნობით, შეხვედრაზე ყურადღება გამახვილდა საქართველოსა და ისრაელის ორმხრივი და მრავალმხრივი თანამშრომლობის მნიშვნელოვან საკითხებზე. აღინიშნა ქვეყნებს შორის ტრადიციულად არსებული მეგობრული ურთიერთობები.  შეხვედრის დასასრულს მხარეებმა კიდევ ერთხელ დაადასტურეს მზადყოფნა, განაგრძონ მჭიდრო თანამშრომლობა როგორც ორმხრივ, ისე მრავალმხრივ ფორმატებში. იცხაკ ჰერცოგმა კიდევ ერთხელ დაადასტურა ისრაელის სახელმწიფოს ურყევი მხარდაჭერა საქართველოს ტერიტორიული მთლიანობისა და სუვერენიტეტის მიმართ.  

საქართველოსა და ისრაელის მთავრობებს შორის ტურიზმის სფეროში თანამშრომლობის შეთანხმება გაფორმდა

საქართველოს საგარეო საქმეთა მინისტრი ილია დარჩიაშვილი, ისრაელის სახელმწიფოში ვიზიტის ფარგლებში, ტურიზმის მინისტრს, ჰაიმ კაცს შეხვდა. საგარეო უწყების ცნობით, შეხვედრაზე განსაკუთრებული ყურადღება გამახვილდა ისრაელ-საქართველოს შორის სავაჭრო-ეკონომიკური და ტურიზმის სფეროში თანამშრომლობის გაღრმავების მიმართულებაზე. შეხვედრის ფარგლებში ხელი მოეწერა „შეთანხმებას საქართველოს მთავრობასა და ისრაელის სახელმწიფოს მთავრობას შორის ტურიზმის სფეროში თანამშრომლობის შესახებ“.  

მედია: ისრაელი კიევში მოწინავე სარაკეტო განგაშის სისტემას გამოცდის

ისრაელი მაისში, კიევში უფრო მოწინავე სარაკეტო განგაშის სისტემის გამოცდას გეგმავს. ამის შესახებ უკრაინული მედია ისრაელის მედია გამოცემა Walla-ზე დაყრდნობით იტყობინება. უკრაინისა და ისრაელის დაზვერვის მაღალი თანამდებობის პირების თქმით, რომლებსაც Walla ციტირებს, სისტემა სპეციალურად უკრაინისთვის შეიქმნა. 2023 წლის თებერვლის დასაწყისში, თავდაცვის მინისტრმა ოლექსი რეზნიკოვმა კიევში გამართულ პრესკონფერენციაზე განაცხადა, რომ ისრაელი დაჰპირდა უკრაინას სარაკეტო და უპილოტო გამაფრთხილებელი სისტემის მიწოდებას.  

უკრაინამ ისრაელის კომპანიის მიერ წარმოებული სარაკეტო გამაფრთხილებელი სისტემის მიღება დაიწყო

უკრაინამ ისრაელის კომპანია RADA Electronic Industries-ის მიერ წარმოებული სარაკეტო გამაფრთხილებელი სისტემის მიღება დაიწყო. მას რუსული სარაკეტო თავდასხმების აღმოსაჩენად და თავიდან ასაცილებლად გამოიყენებენ. ისრაელის 16-დან პირველი 3 ტაქტიკური რადარი RADA ieMHR უკვე უკრაინის შეიარაღებული ძალების სამსახურშია. მედია: ისრაელი კიევში მოწინავე სარაკეტო განგაშის სისტემას გამოცდის 2023 წლის თებერვლის დასაწყისში, თავდაცვის მინისტრმა ოლექსი რეზნიკოვმა კიევში გამართულ პრესკონფერენციაზე განაცხადა, რომ ისრაელი დაჰპირდა უკრაინას სარაკეტო და უპილოტო გამაფრთხილებელი სისტემის მიწოდებას.  

რუსეთის აგრესია უკრაინაში და თანამშრომლობა ირანის მავნე გავლენის წინააღდმეგ - ბლინკენი კოენს ესაუბრა

აშშ-ის სახელმწიფო მდივანმა ენტონი ბლინკენმა სატელეფონო საუბარი გამართა ისრაელის საგარეო საქმეთა მინისტრ ელი კოენთან. ოფიციალურმა პირებმა განიხილეს უკრაინის წინააღმდეგ რუსული აგრესიის საკითხი. ამის შესახებ აშშ-ის სახელმწიფო დეპარტამენტის სპიკერმა მეთიუ მილერმა განაცხადა. „მდივანმა და საგარეო საქმეთა მინისტრმა განიხილეს ორმხრივი შეშფოთების გლობალური საკითხები, მათ შორის ბოლოდროინდელი მოვლენები სუდანში, რუსეთის აგრესია უკრაინაში და თანამშრომლობა ირანის მავნე გავლენის წინააღმდეგ საბრძოლველად“, - განაცხადა სახელმწიფო დეპარტამენტის წარმომადგენელმა. სპიკერმა ასევე აღნიშნა, რომ ამერიკულმა მხარემ კიდევ ერთხელ დაადასტურა მხარდაჭერა ისრაელის უსაფრთხოების მიმართ და მოუწოდა ისრაელის მხარეს და პალესტინის ხელისუფლებას, გადადგან მეტი ნაბიჯები რეგიონის სტაბილიზაციისთვის. გასულ კვირას, აშშ-ის კონგრესის დელეგაცია, პალატის სპიკერის კევინ მაკკარტის ხელმძღვანელობით ისრაელს ეწვია. ამ ვიზიტის დროს, სხვა საკითხებთან ერთად, დაისვა უკრაინის მხარდაჭერის საკითხი.  

ისრაელის ეროვნული პოლიციის ხელმძღვანელი საქართველოს ეწვევა

შინაგან საქმეთა მინისტრმა, ვახტანგ გომელაურმა საქართველოში ისრაელის სახელმწიფოს საგანგებო და სრულუფლებიან ელჩთან, ჰადას მეიცადთან გაცნობითი ხასიათის შეხვედრა გამართა. შეხვედრის ფარგლებში მხარეებმა ხაზგასმით აღნიშნეს ორი ქვეყნის სამართალდაცვით უწყებებს შორის ჩამოყალიბებული თანამშრომლობის ეფექტიანობა. ვახტანგ გომელაურმა ყურადღება გაამახვილა ორმხრივი თანამშრომლობის გაღრმავებაში პოლიციის ატაშეების როლზე და აღნიშნა, რომ უახლოეს მომავალში მოხდება საქართველოს პოლიციის ატაშეს წარგზავნა ისრაელში, რაც არსებულ საპოლიციო თანამშრომლობას კიდევ უფრო ნაყოფიერს და ინტენსიურს გახდის. მხარეებმა ასევე ისაუბრეს ისრაელის ეროვნული პოლიციის ხელმძღვანელის ვიზიტზე საქართველოში, რომელიც უახლოეს მომავალში შედგება. „შეხვედრის დასასრულს, მხარეებმა სამართალდაცვით სფეროში თანამშრომლობის კიდევ უფრო გაღრმავების სურვილი გამოთქვეს და სხვადასხვა მიმართულებით არსებული კავშირების გაფართოების პერსპექტივები დასახეს“, - ნათქამია საქართველოს შინაგან საქმეთა სამინისტროს მიერ გავრცელებულ ინფორმაციაში.  

ისრაელის ეროვნული პოლიციის ხელმძღვანელი საქართველოს სტუმრობდა

ისრაელის ეროვნული პოლიციის დელეგაცია, ისრაელის ეროვნული პოლიციის კომისრის, იაკოვ შაბთაის ხელმძღვანელობით, ოფიციალური სამუშაო ვიზიტით საქართველოში იმყოფებოდა. ვიზიტის დროს, დელეგაციის წევრები საქართველოს შინაგან საქმეთა მინისტრს, ვახტანგ გომელაურს შეხვდნენ. შსს-ში აცხადებენ, რომ მხარეებმა ორი ქვეყნის სამართალდამცავ უწყებებს შორის არსებულ თანამშრომლობასა და მის მნიშვნელობაზე ისაუბრეს. ვახტანგ გომელაურმა ხაზგასმით აღნიშნა, რომ ისრაელი საქართველოს სტრატეგიული პარტნიორია, შესაბამისად საქართველოსთვის განსაკუთრებით მნიშვნელოვანია ისრაელთან სამართალდაცვით სფეროში თანამშრომლობის გაფართოება და გამყარება. ვახტანგ გომელაურმა ასევე აღნიშნა, რომ უახლოეს მომავალში მოხდება საქართველოს პოლიციის ატაშეს წარგზავნა ისრაელის სახელმწიფოში და მადლიერება გამოხატა ისრაელის მხარის მიმართ ქართველი პოლიციის ატაშეს მიღებაზე გამოხატული მზაობისთვის. შეხვედრის ფარგლებში იაკოვ შაბთაიმ აღნიშნა, რომ ისრაელის მხარე მზადაა, საქართველოსთან განაგრძოს ინტენსიური თანამშრომლობა სხვადასხვა მიმართულებით და იმედი გამოთქვა, რომ საერთო ძალისხმევით ორი ქვეყნის სამართალდამცავ უწყებებს შორის თანამშრომლობა კიდევ უფრო ნაყოფიერი გახდება. ისრაელის ეროვნული პოლიციის დელეგაცია საქართველოში ვიზიტის ფარგლებში შინაგან საქმეთა სამინისტროს დანაყოფებს ეწვია და ადგილზე გაეცნო მათი მუშაობის სპეციფიკას.  

უკრაინას მორალურ მხარდაჭერას ვუცხადებთ - ისრაელი

ისრაელი უკრაინასთან მიმართებაში საკუთარი ინტერესებით ხელმძღვანელობს და მორალურ მხარდაჭერით შემოიფარგლება, ამის შესახებ მან The Jerusalem Post-თან ინტერვიუში განაცხადა. „ისრაელის მთავრობა მხარს უჭერს უკრაინას საერთაშორისო ინსტიტუტებში. ჩვენ მხარს ვუჭერთ ზელენსკის პოზიციას მშვიდობიან მოლაპარაკებებთან დაკავშირებით, პატივს ვცემთ უკრაინის ტერიტორიულ მთლიანობასა და სუვერენიტეტს“, - განაცხადა ელი კოენმა. ცნობისთვის, 2022 წლის 24 თებერვალს რუსეთის პრეზიდენტმა, ვლადიმერ პუტინმა უკრაინაში სრულმასშტაბიანი ომი დაიწყო. რუსეთი მას „სპეციალურ სამხედრო ოპერაციას“ უწოდებს. პუტინმა მიზნად უკრაინის „დემილიტარიზაცია და დენაციფიკაცია" გამოაცხადა. რუსეთის შეჭრას წინ უძღოდა პუტინის მიერ უკრაინის ორი სეპარატისტული რეგიონის, დონეცკის და ლუგანსკის ე.წ. სახალხო რესპუბლიკების "დამოუკიდებლობის" აღიარება. მანამდე რუსეთი ითხოვდა, რომ უკრაინა NATO-ს წევრი არ გამხდარიყო. დასავლეთის შეფასებით, პუტინი უკრაინაში იმ მიზნით შეიჭრა, რომ ევროპაში ნაკლები NATO ყოფილიყო, თუმცა საპირისპირო მიიღო - 2023 წლის 4 აპრილს, ფინეთი ალიანსის წევრი გახდა. 2022 წლის 12 აპრილს, აშშ-ის პრეზიდენტმა ჯო ბაიდენმა რუსეთის პრეზიდენტი ვლადიმერ პუტინი გენოციდში დაადანაშაულა.  რუსეთის ძალებმა 2022 წლის 4-დან 31 მარტამდე უკრაინის დედაქალაქ კიევიდან ჩრდილო-დასავლეთით 30 კილომეტრში მდებარე ქალაქ ბუჩის ოკუპაციის დროს ომის აშკარა დანაშაულები ჩაიდინეს, ნათქვამია Human Rights Watch-ის 21 აპრილს გამოქვეყნებულ დეტალურ ანგარიშში. ორგანიზაციამ ომის დანაშაულის და კაცობრიობის წინააღმდეგ პოტენციური დანაშულის მტკიცებულებები შეაგროვა. ომის დანაშაულში ბრალდებული პირველ რუსი ჯარისკაცს უკრაინის სასამართლომ სამუდამო პატიმრობა მიუსაჯა. 31 მაისს, კიდევ ორ რუს ჯარისკაცს უკრაინის სასამართლომ ომის დანაშაულისთვის 11 წლით თავისუფლების აღკვეთა მიუსაჯა. „რუსეთის საჰაერო თავდასხმა უკრაინის ქალაქ მარიუპოლის თეატრზე, სადაც ასობით მშვიდობიანი მოქალაქე აფარებდა თავს, ომის აშკარა დანაშაულია", - განაცხადა უფლებადამცველმა ორგანიზაცია Amnesty International-მა 30 ივნისს, როდესაც მრავალი გადარჩენილი ადამიანი გამოკითხა და ვრცელი ციფრული მტკიცებულება შეაგროვა. 23 ივლისს, Human Rights Watch-მა რუსეთის მიერ ოკუპირებულ სამხრეთ უკრაინის ტერიტორიაზე ადამიანების გატაცებისა და წამების შესახებ ანგარიში გამოაქვეყნა. Human Rights Watch-ის მიერ სექტემბრის დასაწყისში გამოქვეყნებული ანგარიშის მიხედვით, უკრაინელები იძულებით გადაჰყავთ რუსეთში ან რუსეთის მიერ უკრაინის ოკუპირებულ ტერიტორიებზე. გაეროს ექსპერტთა ჯგუფმა, 23 სექტემბერს წარმოადგინა პირველადი შედეგები გამოძიების, რომელიც კიევში, ჩერნიგოვში, ხარკოვსა და სუმის ოლქებში ჩატარდა. 14 სექტემბრის მონაცემებით, უკრაინის ხელისუფლებამ განაცხადა, რომ უკრაინის შეიარაღებულმა ძალებმა კონტრშეტევის დროს, დაახლოებით 6000 კვ. კმ. დაიბრუნეს. რუსეთის კონტროლის ქვეშ მყოფი სამხრეთ რეგიონის გასათავისუფლებლად მთავარი კონტრშეტევის მოლოდინი ივლისის დასაწყისიდან გაჩნდა, როდესაც თავდაცვის მინისტრი, ოლექსი რეზნიკოვი ამბობდა, რომ პრეზიდენტმა ვოლოდიმირ ზელენსკიმ ოკუპირებული სამხრეთის გათავისუფლების ბრძანება გასცა. უკრაინა აცხადებდა, რომ დეოკუპაციის მიზნით, კონტრშეტევებს განაგრძობს. 2022 წლის 30 სექტემბერს, რუსეთმა ანექსირებულად გამოაცხადა უკრაინის ხერსონის, ზაპოროჟიეს, დონეცკის და ლუგანსკის ოლქები, თუმცა, სრულად ვერცერთ მათგანს ვერ აკონტროლებს. AP: გაეროს ექსპერტებმა, უკრაინაში რუსეთის სამხედრო დანაშაულების შესახებ მტკიცებულებები მოიპოვეს ლიეტუვამ, ლატვიამ, ესტონეთმა, პოლონეთმა და ჩეხეთმა რუსეთის ხელისუფლება ტერორისტულ რეჟიმად გამოაცხადეს. ამასთან, ევროპის საბჭოს საპარლამენტო ასამბლეამ ერთხმად მიიღო რეზოლუცია, რომლითაც რუსეთი ტერორისტულ რეჟიმად აღიარა. 23 ნოემბერს, ევროპარლამენტმა რუსეთი ტერორიზმის სპონსორ სახელმწიფოდ გამოაცხადა. 24 ნოემბერს, ნიდერლანდების პარლამენტმა, რუსეთი ტერორიზმის სპონსორ სახელმწიფოდ აღიარა.  11 ნოემბერს, უკრაინის შეიარაღებული ძალების ქვედანაყოფები ქალაქ ხერსონში შევიდნენ. უკრაინის პრეზიდენტმა ვოლოდიმირ ზელენსკიმ უკრაინელი სამხედროების მიერ ქალაქზე კონტროლის დაბრუნებას, ისტორიული უწოდა. რუსეთი უკრაინის ქალაქებს მათ შორის კრიტიკულ ინფრასტრუქტურას ბომბავს. დასავლეთი კიევს საჰაერო თავდაცვის სისტემებს და სხვა საჭირო დახმარებას აწვდის. ამასთან, ევროპის უმსხვილესი ქალაქები უკრაინას, ელექტროენერგიის გენერატორებსა და ტრანსფორმატორებს გადასცემენ. ევროპარლამენტის პრეზიდენტმა რობერტა მეცოლამ და ფლორენციის მერმა დარიო ნარდელამ „იმედის გენერატორების“ ინიციატივა წამოიწყეს. მისი მიზანია, ელექტროენერგიით უზრუნველყოს ქვეყნის ძირითადი ობიექტები, მათ შორის საავადმყოფოები, სკოლები, წყლის სადგურები, მოვლის ცენტრები, თავშესაფრები და საკომუნიკაციო სისტემები. ომის დაწყებიდან 11 თვის თავზე, იანვარში, რუსეთის მხრიდან მოსალოდნელი ახალი შეტევის ფონზე და უკრაინის საჭიროებების საპასუხოდ, გერმანიამ დაადასტურა, რომ უკრაინაში 14 ერთეულ Leopard 2-ის ტიპის ტანკს გაგზავნის. უკრაინის შეიარაღებული ძალების აღმოსავლეთის დაჯგუფების წარმომადგენელმა სერჰი ჩერევატიმ 25 იანვარს განაცხადა, რომ უკრაინის ჯარებმა დონეცკის ოლქის ქალაქი სოლედარი დატოვეს და წინასწარ მომზადებული პოზიციებისკენ გადაიწიეს. მისი განმარტებით, ეს ნაბიჯი პირადი შემადგენლობის სიცოცხლის შესანარჩუნებლად გადაიდგა. ჩერევატის თქმით, უკრაინელმა სამხედროებმა მტერს დიდი დანაკარგები მიაყენეს, რომელიც შეიძლება, ჩეჩნეთის ორ ომში რუსეთის დანაკარგებს შეედაროს. მანვე აღნიშნა, რომ უკრაინის დამცველებმა არ მისცეს მტერს საშუალება, გაერღვია ფრონტის ხაზი დონეცკის მიმართულებით. მისივე თქმით, უკრაინელი სახედროები არც ალყაში მოქცეულან და ტყვედაც არავინ ჩავარდნილა. ცხრა ევროპულმა ქვეყანამ უკრაინის მხარდასაჭერად ერთობლივ განცხადებას მოაწერა ხელი NATO-ს გენერალური მდივნის იენს სტოლტენბერგის შეფასებით, გერმანიის გადაწყვეტილება უკრაინას გამარჯვებაში დაეხმარება. ევროპელმა ლიდერებმა და დიპლომატებმა გერმანიის გადაწყვეტილებას ისტორიული უწოდეს 2023 წლის აშშ-ის პრეზიდენტმა, ჯო ბაიდენმა 25 იანვარს დაადასტურა, რომ აშშ უკრაინას 31 ერთეულ „აბრამსის“ ტიპის ტანკებს გადასცემს. ამავე წლის 20 თებერვალს ჯო ბაიდენი კიევში ჩავიდა. 2023 წლის 17 მარტს ჰააგის სასამართლომ პუტინის დაკავების ორდერი გასცა. 2023 წლის 20 აპრილს, იენს სტოლტენბერგი კიევში ჩავიდა და განაცხადა, რომ უკრაინის კანონიერი ადგილი NATO-შია. დასავლეთი უკრაინას კონტრშეტევისთვის საჭირო იარაღს აქტიურად აწვდის.  

ისრაელის ელჩი: ისრაელსა და საქართველოს შორის კავშირი უნიკალურია, ორივეს გვესმის, რაოდენ ძვირფასია დამოუკიდებლობა

საქართველოში ისრაელის ელჩი, ჰადას მეიცადი საქართველოს დამოუკიდებლობის დღეს ულოცავს. ჩემთვის დიდი პატივია ისრაელის ხალხისა და სახელმწიფოს სახელით მოგილოცოთ საქართველოს დამოუკიდებლობის დღე. 1918 წელი საქართველოს ისტორიაში იყო გადამწყვეტი, როდესაც ერი გაერთიანდა დემოკრატიული ღირებულებების, ინკლუზიურობისა და თანასწორობის პრინციპების გარშემო. დამოუკიდებლობისკენ მიმავალ გზაზე თქვენ უდიდესი სირთულეებისა და გამოწვევების წინაშე აღმოჩნდით, მაგრამ თქვენ ყოველ ჯერზე აჩვენეთ ურყევი ნება და სწრაფვა სახელმწიფოებრიობისკენ. თქვენ განუწყვეტლივ მიისწრაფვით პროგრესისკენ, რათა შექმნათ საზოგადოება, სადაც თითოეული მოქალაქე იქნება ღირებული და დაცული. ისრაელსა და საქართველოს შორის კავშირი და მეგობრობა უნიკალურია, და ის საერთო ღირებულებებით არის განმტკიცებული. ჩვენ ორივეს გვესმის, თუ რაოდენ ძვირფასია სახელმწიფოებრიობა და დამოუკიდებლობა. გილოცავთ დამოუკიდებლობის დღეს! შეგახსენებთ, რომ 26 მაისს საქართველო დამოუკიდებლობის დღეს აღნიშნავს. 1918 წლის 26 მაისს საქართველოს ეროვნულმა საბჭომ ნოე ჟორდანიას ხელმძღვანელობით, დამოუკიდებლობის აქტი მიიღო თბილისში, გოლოვინის პროსპექტზე, ახლანდელ რუსთაველის გამზირზე მდებარე კავკასიის მეფისნაცვლის ყოფილ რეზიდენციაში, სადაც დღეს მოსწავლე-ახალგაზრდობის სასახლეა. რუსეთისგან დამოუკიდებელმა საქართველოს პირველმა რესპუბლიკამ არსებობა 1921 წლის თებერვალში შეწყვიტა, საბჭოთა რუსეთის სამხედრო აგრესიის და ოკუპაციის შედეგად. საქართველომ დამოუკიდებლობა 1991 წლის 9 აპრილს აღიდგინა.  

ისრაელი შოკირებულია კახოვკის კაშხლის მასშტაბური დაზიანებით - საგარეო უწყება

კახოვკის კაშხლის განადგურებასთან დაკავშირებით, ისრაელის საგარეო საქმეთა სამინისტრო განცხდებას ავრცელებს და აღნიშნავს, რომ კრიტიკული ინფრასტრუქტურისა და ხალხის ასეთი მიზანმიმართული მიზანში ამოღება მკაცრად უნდა დაგმოს საერთაშორისო საზოგადოებამ. აღსანიშნავია, რომ განცხადებაში რუსეთი ნახსენები არ არის. „ისრაელი შოკირებულია კახოვკის კაშხლის მასშტაბური დაზიანებით. ათასობით უდანაშაულო მშვიდობიანი მოქალაქე საფრთხეშია ამ საშინელი განადგურების გამო. კრიტიკული ინფრასტრუქტურისა და ხალხის ასეთი მიზანმიმართული მიზანში ამოღება მკაცრად უნდა დაგმოს მთელმა საერთაშორისო საზოგადოებამ. ჩვენი ფიქრები და ლოცვები უკრაინელ ხალხთანაა ამ რთულ დროს“, – აღნიშნულია განცხადებაში. უკრაინა „ომის ახალ განზომილებაში“ რას გამოიწვევს კახოვკის ჰესის კაშხლის აფეთქება  

რუსეთის კურსკის ოლქში დრონით თავდასხმას ხანძარი მოჰყვა - მედია

16 ივნისის ღამეს რუსეთის ფედერაციის კურსკის ოლქში, ერთ-ერთ საწყობში ხანძარი გაჩნდა. უკრაინული მედიის ცნობით, ხანძრის მიზეზი საკომუნიკაციო კოშკზე თვითმფრინავის თავდასხმა გახდა. თავის მხრივ, რუსეთის ფედერაციის საგანგებო სიტუაციების სამინისტროს ინფორმაციით, ხანძრის ფართობი დაახლოებით 2000 კვადრატული მეტრი იყო. ხანძრის ლიკვიდაციაში 40-ზე მეტი ადამიანი და 10 ტექნიკა იყო ჩართული. გავრცელებული ინფორმაციით, ხანძარი ინტერნეტ მაღაზია „ბელ-პოლის“ საწარმოს საწყობში გაჩნდა. რუსული ტელეგრამ არხის Baza-ს ცნობით, ღამით თვითმფრინავი თავს დაესხა საკომუნიკაციო ანძას კურსკის რაიონის სოფელ კრასნიკოვოში, რის შემდეგაც ის საწარმოს ადმინისტრაციულ შენობას შეეჯახა. შეგახსენებთ, რომ 9 ივნისს კურსკის ოლქის გუბერნატორმა, რომან სტაროვოიტმა განაცხადა, რომ კურსკის საცხოვრებელ კორპუსთან თვითმფრინავმა ასაფეთქებელი მოწყობილობა ჩამოაგდო. მისივე თქმით, აფეთქების შედეგად, შენობაში მინები ჩაიმსხვრა.  

ისტორიაში პირველად, ისრაელი Merkava-ს ტიპის ტანკებს ევროპის ქვეყანას მიჰყიდის - მედია

ისრაელი მეორადი ტანკების მიყიდვაზე ორ ქვეყანასთან, მათ შორის ევროპაში, მოლაპარაკებებს აწარმოებს, რაც ჯავშანტექნიკის პირველი ასეთი ექსპორტი იქნება, განაცხადა თავდაცვის სამინისტროს წარმომადგენელმა ისრაელის მედიის ცნობით. ოფიციალური პირის თქმით, ბევრი ევროპული ქვეყანა ცდილობდა მარაგის სწრაფად შევსებას მას შემდეგ, რაც უკრაინას მილიარდობით დოლარის ღირებულების იარაღი გადასცა, რაც დაეხმარა მას რუსეთის ძალების უკუგდებაში. „არსებობს ორი პოტენციური ქვეყანა, რომლებთანაც ჩვენ ვაწარმოებთ მოლაპარაკებებს [Merkava-ს ტიპის ტანკების გაყიდვაზე]. მე ვერ დავასახელებ ქვეყანას, მაგრამ შემიძლია, გითხრათ, რომ ერთი მათგანი ევროპის კონტინენტზეა“, - განაცხადა თავდაცვის სამინისტროს საერთაშორისო თავდაცვის თანამშრომლობის დირექტორატის ხელმძღვანელმა, იაირ კულასმა. სავარაუდოდ, პოტენციური გაყიდვები მოიცავს უფრო ძველ Merkava Mark 2-ს და Merkava Mark 3-ის ზოგიერთ ტანკს, რომლებიც 1990-იან წლებში იყო ექსპლუატაციაში. კულასმა თქვა, რომ სხვა ჭარბი სისტემები, მათ შორის სამხედრო კატარღები და ჯავშანტექნიკაც, გაიყიდება, რადგან IDF-მ შეიძინა უფრო მოწინავე სისტემები. 2021 წელს ისრაელმა შეერთებულ შტატებსა და კანადას 29 ძველი F-16 ტიპის საბრძოლო თვითმფრინავი მიჰყიდა, რათა ისინი წვრთნებისთვის გამოეყენებინათ. ისრაელი ჯერჯერობით თავს არიდებს კიევისთვის პირდაპირი სამხედრო დახმარების გაწევას მას შემდეგ, რაც რუსული ჯარები უკრაინაში შეიჭრნენ. „ევროპის ქვეყნები ეხმარებიან უკრაინას და ამარაგებენ მას სისტემებით. ამ ქვეყნებში მარაგები იცლება, ისინი აახლებენ მათ უფრო თანამედროვე და უახლესი სისტემების შეძენით და აი, აქ ხდება თვალსაჩინო ისრაელის ინდუსტრიები“, - განუცხადა კულასმა მედიას. საერთაშორისო მედიაში წერენ, რომ თეორიულად, როგორც კი ტანკები ევროპას მიაღწევენ, ისინი შეიძლება, უკრაინაში გადაიტანონ ისრაელის ნეიტრალიტეტის დარღვევის გარეშე.    

ისრაელი ევროპასა და აზიას შორის ოპტიკურ-ბოჭკოვანი კავშირის შექმნას გეგმავს

ისრაელი 254-კილომეტრიან ოპტიკურ-ბოჭკოვანი ხაზების აგებას გეგმავს ხმელთაშუა ზღვასა და წითელ ზღვას შორის, რაც თავის მხრივ, უწყვეტ კავშირს უზრუნველყოფს ევროპასა და ყურის ქვეყნებსა და აზიას შორის, განაცხადა ქვეყნის ფინანსთა სამინისტრომ. Reuters-ის თანახმად, სახელმწიფო საკუთრებაში არსებული ენერგეტიკული ჯგუფი - EAPC კაბელს ნავთობსადენის მარშრუტის გასწვრივ ააშენებს, რომელიც ისრაელის გავლით, ხმელთაშუა ზღვის პორტ აშკელონიდან ეილატამდე (ქალაქი სამხრეთ ისრაელში, წითელი ზღვის ნაპირზე), წითელი ზღვის ჩრდილოეთ ნაწილში გადის. EAPC-ის აღმასრულებელმა დირექტორმა, იციკ ლევიმ ხაზი გაუსვა, რომ პროექტის განხორციელებისას, ისრაელი პოზიციონირებს, როგორც საკომუნიკაციო სახმელეთო ხიდი, რომელიც აკავშირებს ყურის ქვეყნებსა და აზიას ევროპასთან. ვარაუდობენ, რომ არაბეთის გაერთიანებული საამიროები შეუერთდება ისრაელს გლობალური კომუნიკაციების პროექტში.  

ნეთანიაჰუმ განმარტა, რატომ იკავებს თავს ისრაელი უკრაინისათვის იარაღის მიწოდებაზე

ისრაელის პრემიერ-მინისტრი ბენიამინ ნეთანიაჰუ განმარტავს, რატომ იკავებს თავს ისრაელი უკრაინისათვის იარაღის მიწოდებაზე. ისრაელის მედიასთან - „იერუსალემ პოსტთან“ ინტერვიუში  ნეთანიაჰუ ამბობს, რომ ისრაელი განსხვავებულ სიტუაციაში იმყოფება, ვიდრე, მაგალითად, გერმანია, პოლონეთი, საფრანგეთი და დასავლეთის ნებისმიერი სხვა ქვეყანა, რომლებიც უკრაინას ეხმარებიან. ნეთანიაჰუმ ისრაელის ხელმძღვანელობის მიდგომას უკრაინაში მიმდინარე მოვლენებისადმი, დაბალანსებული და სწორი უწოდა.  ისრაელის პრემიერის თქმით, დასავლეთის ქვეყნების მთავრობის მეთაურთა უმრავლესობა მასთან საუბარში მის არგუმენტებს იზიარებდა. მან ხაზი გაუსვა, რომ ისრაელი მწუხარებას გამოთქვამს უკრაინაში მომხდარი ტრაგედიის გამო, „გლოვობს ადამიანების დაღუპვას“ და სურს, რომ ომი რაც შეიძლება, მალე დასრულდეს. ნეთანიაჰუმ ასევე აღნიშნა, რომ ისრაელი უკრაინას სამოქალაქო თავდაცვის უზრუნველყოფაში ეხმარება. ნეთანიაჰუმ ხაზი გაუსვა, რომ ისრაელს რუსეთთან მჭიდრო სამხედრო საზღვარი აქვს და ისრაელის საჰაერო ძალები სირიის თავზე რუს მფრინავებთან ახლოს დაფრინავენ. ბენიამინ ნეთანიაჰუმ მნიშვნელოვანი უწოდა ისრაელის მიერ თავისუფლად მოქმედების შენარჩუნებას ირანის წინააღმდეგ, რომელიც ცდილობს, მოიპოვოს სამხედრო შესაძლებლობები ისრაელის ჩრდილოეთში.   „ჩვენ ვშიშობთ, რომ ნებისმიერი სისტემა, რომელსაც ჩვენ გადავცემთ უკრაინას, შესაძლოა მოხვდეს ირანის ხელში და გამოყენებული იყოს ჩვენ წინააღმდეგ... ასე მოხდა, ფაქტობრივად, დასავლეთის ტანკსაწინააღმდეგო იარაღთან დაკავშირებით, რომელსაც ჩვენ საზღვრებთან ვპოულობთ. ამიტომ, ძალიან ფრთხილად უნდა ვიყოთ", - აღნიშნა ბენიამინ ნეთანიაჰუმ. ისრაელის მედიის თანახმად, ქვეყნის ხელისუფლება შიშობს, რომ უკრაინისთვის ნებისმიერი სამხედრო იარაღის მიწოდება უარყოფითად იმოქმედებს რუსეთთან ურთიერთობებზე და რომ მოსკოვი შეზღუდავს ისრაელის მოქმედების თავისუფლებას სირიაში ირანის პოზიციებზე თავდასხმისთვის.  

ისრაელი მოუწოდებს მარია ზახაროვას, „აღარ წაუკითხოს „ლექცია“ ჰოლოკოსტზე

ისრაელის საგარეო საქმეთა სამინისტრომ ოფიციალური განცხადებით უპასუხა რუსეთის საგარეო საქმეთა სამინისტროს წარმომადგენელს, მარია ზახაროვას, რომელმაც ისრაელის ელჩი „უკრაინული ფაშიზმის“ მხარდაჭერაში დაადანაშაულა. საგარეო უწყების სპიკერის თანახმად, ისრაელის პოლიტიკა უცვლელი დარჩება და არასოდეს არ დაუჭერს მხარს დამნაშავეების, ჰიტლერის რეჟიმთან მოთანამშრომლეებისა და ებრაელების ხოცვაში მონაწილეთა გამართლებას. მაგრამ არავის აქვს უფლება, რომ ისრაელსა და მის ოფიციალურ პირებს ისტორიის დსამახინჯებით ასწავლოს, თუ როგორ შეინახონ ხსოვნა ჰოლოკოსტზე ან ომზე. „არცერთმა ქვეყანამ არ უნდა წაუკითხოს ისრაელს, მის საგარეო საქმეთა სამინისტროს და მის დიპლომატებს ლექცია იმაზე, თუ როგორ უნდა ვიცავდეთ ჰოლოკოსტის ხსოვნას“, - ნათქვამია ისრაელის საგარეო საქმეთა სამინისტროს წარმომადგენლის, ლიორ ჰაიატის ოფიციალური Twitter-ით გავრცელებულ განცხადებაში. ცნობისთვის, მანამდე მარია ზახაროვამ „მკრეხელური“ უწოდა უკრაინაში ისრაელის ელჩის, მიხაელ ბროდსკის მიერ პორტალ Iton TV-ისთან ინტერვიუში ნათქვამს, რომ სტეპან ბენდერას, რომან შუხევიჩისა და ანდრეი მელნიკის მიმართ ებრაელებისა და უკრაინელების განსხვავებული დამოკიდებულების მიუხედავად, „უკრაინელებისათვის ისინი არიან გმირები, რომლებიც დამოუკიდებლობისთვის იბრძოდნენ“. მარია ზახაროვამ თავისი ტელეგრამ არხი გამოიყენა ისრაელის ელჩისთვის იმის შესახსენებლად, რომ „უკრაინელ ნაციონალისტთა ორგანიზაციის ანტისემიტური პოლიტიკის კვალდაკვალ, ასე მსჯელობდნენ 1930-იან წლებში ისინი, ვინც ჰიტლერს უწევდა სპონსორობას“. „თუ მიხაილ ბროდსკის აზრით, კიევს უფლება აქვს ასეთ გმირებსა და იდენტობაზე, მაშინ ეს უკვე ისრაელის საგარეო საქმეთა სამინისტროს პრობლემაა“, - წერს ზახაროვა.  

კიევში ისრაელის ელჩის კომენტარმა რუსეთის „უკმაყოფილება“ გამოიწვია

რუსეთის საგარეო საქმეთა სამინისტრომ მოსკოვში ისრაელის საქმეთა დროებითი რწმუნებული რონენ კრაუსი დაიბარა. რუსეთის საგარეო საქმეთა სამინისტრომ მიზეზად კიევში ისრაელის ელჩის, მიხაილ ბროდსკის განცხადებები დაასახელა. მანამდე მარია ზახაროვამ „მკრეხელური“ უწოდა უკრაინაში ისრაელის ელჩის, მიხაელ ბროდსკის მიერ პორტალ Iton TV-ისთან ინტერვიუში ნათქვამს, რომ სტეპან ბენდერას, რომან შუხევიჩისა და ანდრეი მელნიკის მიმართ ებრაელებისა და უკრაინელების განსხვავებული დამოკიდებულების მიუხედავად, „უკრაინელებისათვის ისინი არიან გმირები, რომლებიც დამოუკიდებლობისთვის იბრძოდნენ“. მარია ზახაროვამ თავისი ტელეგრამ არხი გამოიყენა ისრაელის ელჩისთვის იმის შესახსენებლად, რომ „უკრაინელ ნაციონალისტთა ორგანიზაციის ანტისემიტური პოლიტიკის კვალდაკვალ, ასე მსჯელობდნენ 1930-იან წლებში ისინი, ვინც ჰიტლერს უწევდა სპონსორობას“. „თუ მიხაილ ბროდსკის აზრით, კიევს უფლება აქვს ასეთ გმირებსა და იდენტობაზე, მაშინ ეს უკვე ისრაელის საგარეო საქმეთა სამინისტროს პრობლემაა“, - წერდა ზახაროვა. მის კომეტარს ისრაელის პასუხი მოჰყვა. კერძოდ, ისრაელის საგარეო საქმეთა სამინისტრომ ოფიციალური განცხადებით უპასუხა რუსეთის საგარეო საქმეთა სამინისტროს წარმომადგენელს. საგარეო უწყების სპიკერის თანახმად, ისრაელის პოლიტიკა უცვლელი დარჩება და არასოდეს არ დაუჭერს მხარს დამნაშავეების, ჰიტლერის რეჟიმთან მოთანამშრომლეებისა და ებრაელების ხოცვაში მონაწილეთა გამართლებას. მაგრამ არავის აქვს უფლება, რომ ისრაელსა და მის ოფიციალურ პირებს ისტორიის დსამახინჯებით ასწავლოს, თუ როგორ შეინახონ ხსოვნა ჰოლოკოსტზე ან ომზე. „არცერთმა ქვეყანამ არ უნდა წაუკითხოს ისრაელს, მის საგარეო საქმეთა სამინისტროს და მის დიპლომატებს ლექცია იმაზე, თუ როგორ უნდა ვიცავდეთ ჰოლოკოსტის ხსოვნას“, - ნათქვამია ისრაელის საგარეო საქმეთა სამინისტროს წარმომადგენლის, ლიორ ჰაიატის ოფიციალური Twitter-ით გავრცელებულ განცხადებაში.

დავითაშვილი ისრაელის ტრანსპორტის მინისტრს ანაკლიის პორტის მშენებლობაზე ესაუბრა

ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი ისრაელის ტრანსპორტისა და საგზაო უსაფრთხოების მინისტრს მირი რეგევს შეხვდა, რომელიც საქართველოში სამუშაო ვიზიტით იმყოფება. ეკონომიკის სამინისტროს ცნობით, საუბარი წარიმართა ორმხრივ ეკონომიკურ ურთიერთობებზე, მათ შორის, თანამშრომლობის გაღრმავებაზე ტრანსპორტისა და ლოგისტიკის, აგრეთვე საგზაო უსაფრთხოების მიმართულებით. აღინიშნა, რომ საქართველოს მთავრობის ერთ-ერთი პრიორიტეტული მიმართულებაა არსებული და ახალი სანავსადგურე ინფრასტრუქტურის განვითარება. აღნიშნული მიზნით, ქართული მხარე განსაკუთრებულ მნიშვნელობა ანიჭებს ანაკლიაში ღრმაწყლოვანი ნავსადგურის მშენებლობის საკითხს“, - აცხადებს ეკონომიკის სამინისტრო. მისივე თანახმად, მხარეებმა ასევე ისაუბრეს თანამშრომლობის გაღრმავებაზე საქართველოსა და ისრაელის საზღვაო სასწავლებლებს შორის. ყურადღება გამახვილდა ორი ქვეყნის თანამშრომლობაზე სამოქალაქო ავიაციის სფეროში. აღინიშნა, რომ საქართველოსა და ისრაელს შორის პირდაპირი რეგულარული რეისების შედეგად 2023 წლის იანვარ-მაისის პერიოდში გადაყვანილი მგზავრების რაოდენობა 32.7%-ით მეტია 2022 წლის ანალოგიურ მაჩვენებელზე. დავითაშვილის თქმით, ანაკლიის პორტთან დაკავშირებით ინტერესი რამდენიმე საერთაშორისო კომპანიამ გამოხატა ანაკლიის პორტის მშენებლობა დაიწყება წელს, სერიოზული ინვესტორისგან გამოითქვა ინტერესი - პრემიერი შეხვედრაზე ასევე განიხილეს ორმხრივი ვაჭრობის დინამიკა. ითქვა, რომ მიმდინარე წლის პირველ მაისს, ხელი მოეწერა ერთობლივ დეკლარაციას ისრაელთან თავისუფალი ვაჭრობის შესახებ შეთანხმების გაფორმების მიზანშეწონილობის კვლევის დასრულებასა და მოლაპარაკებების დაწყებასთან დაკავშირებით და მოლაპარაკებების პირველი რაუნდის გამართვა 2024 წელსაა დაგეგმილი. შეხვედრის დასასრულს, ლევან დავითაშვილმა ისრაელის სახელმწიფოს ტრანსპორტისა და საგზაო უსაფრთხოების მინისტრი მირი რეგევი თბილისის აბრეშუმის გზის ფორუმში მონაწილეობის მისაღებად მოიწვია. შეხვედრას დაესწრნენ მინისტრის მოადგილე გურამ გურამიშვილი და ისრაელის სახელმწიფოს ელჩი საქართველოში ჰადას მეიცადი. ცნობისთვის, საქართველოს ხელისუფლებას გაცხადებული აქვს, რომ ანაკლიის პორტის მშენებლობის დაწყება შემოდგომისთვის სურს. ბოლო განცხადება ამის შესახებ 19 აპრილს გაკეთდა. უფრო ადრე, 12 დეკემბერს, პრემიერ-მინისტრმა ირაკლი ღარიბაშვილმა განაცხადა, რომ ანაკლიის პორტის 51% სახელმწიფოს საკუთრება იქნება. ამერიკის შეერთებული შტატები მხარს უჭერს ანაკლიის ღრმაწყლოვანი პორტის განვითარებას, რომელიც ვაშინგტონის შეფასებით, უნდა განხორციელდეს ისე, რომ საქართველოს საუკეთესო ინტერესებს შეესაბამებოდეს. სახელმწიფო დეპარტამენტი: ანაკლიის პორტის პროექტი უნდა განხორციელდეს ისე, რომ საქართველოს საუკეთესო ინტერესებს შეესაბამებოდეს ვაშინგტონის შეფასებით, პორტის განვითარებას შეუძლია, მნიშვნელოვანი წვლილი შეიტანოს კურსის განსაზღვრაში შავ ზღვაზე. აშშ-ის ოფიციალური პირები Europetime-თან ამბობენ, რომ ანაკლიის პორტის პროექტი უნდა განხორციელდეს ისე, რომ საქართველოს საუკეთესო ინტერესებს შეესაბამებოდეს. ანაკლიის პორტის პროექტის მნიშვნელობაზე Europetime-თან საკუთარი პოზიცია გერმანიის ელჩმა პეტერ ფიშერმაც დაფიქსირა. „ანაკლიის პორტის პროექტი მნიშვნელოვანია, რადგან საქართველოს აქვს პოტენციალი, გახდეს დამაკავშირებელი ჰაბი ევროპასა და სამხრეთ კავკასიას შორის, ცეტრალურ აზიასა და აღმოსავლეთ აზიას შორის. ელჩის შეფასებით, რაც უფრო მეტ სტრატეგიულ განვითარებას დაინახავენ, მით უფრო მეტი გერმანული კომპანია დაინტერესდება საქართველოში ინვესტიციების განხორციელებით. „ანაკლიის პორტის პროექტი მნიშვნელოვანია იმ კუთხით, რომ საქართველოს აქვს პოტენციალი, გახდეს დამაკავშირებელი ჰაბი ევროპასა და სამხრეთ კავკასიას შორის, ცეტრალურ აზიასა და აღმოსავლეთ აზიას შორის, რომელსაც ექნება სავაჭრო და სატრანსპორტი მარშრუტები და ამასთან ერთად, ბიზნესიც...ბევრი რამ იწყება პორტებით, პორტებით შავ ზღვაში, პორტებით კასპიის ზღვაში.. ჩემთვის არ არის ცნობილი კონკრეტული გერმანული კომპანიის შესახებ, თუმცა გვყავს კარგი კომპანიები, რომლებიც ჩართულნი არიან პორტებში, ლოგისტიკაში. ზოგი ამბობს, რომ  გერმანია მსოფლიო ჩემპიონია ლოგისტიკაში. რაც უფრო მეტ სტრატეგიულ განვითარებას დაინახავენ, მით უფრო მეტი გერმანული კომპანია დაინტერესდება აქ ჩამოსვლითა და ინვესტიციების განხორციელებით. თუ საქართველო დამაკავშირებელი ჰაბი გახდება, ეს სამუშაო ადგილებს შექმნის, ინვესტიციებსა და მეტ სარგებელს მოიტანს“, - აცხადებს გერმანიის ელჩი Europetime-თან. ექსკლუზივი - ფილიპ რიკერი: ანაკლია და ყველა დიდი ინფრასტრუქტურული პროექტი, ეს არის უდიდესი შესაძლებლობა ექსკლუზივი - კონგრესმენი მუნი: აშშ-საქართველოს შორის თავისუფალი სავაჭრო ურთიერთობა კარგი პერსპექტივა და შესაძლებლობაა ექსკლუზივი - სენატორი პორტმანი: ანაკლიის პორტის პროექტი უდიდესი შესაძლებლობაა ინფრასტრუქტურაში ინვესტიციისთვის პოლ გობლი: ანაკლიის პორტის პროექტი შავი ზღვის უსაფრთხოებისთვის მნიშვნელოვანი კომპონენტია 2017 წლის 24 დეკემბერს ანაკლიაში პორტის მშენებლობის დაწყება მაშინდელმა პრემიერ-მინისტრმა გიორგი კვირიკაშვილმა და ანაკლიის განვითარების კონსორციუმის“ დამფუძნებელმა მამუკა ხაზარაძემ საზეიმო ვითარებაში გახსნეს. მაშინ კვირიკაშვილი ამბობდა, რომ ანაკლიის პორტი 21-ე საუკუნის საქართველოს ყველაზე დიდი პროექტია, საქართველოს ინდუსტრიულ ქვეყნად ქცევის გარანტი. საქართველოს მთავრობამ 2020 წლის 9 იანვარს თქვა, რომ ვალდებულებების შეუსრულებლობის გამო “ანაკლიის განვითარების კონსორციუმს”, რომელსაც ანაკლიის პორტი უნდა აეშენებინა, ხელშეკრულებას შეუწყვეტს. პრემიერ-მინისტრმა ირაკლი ღარიბაშვილმა 20 თებერვალს განაცხადა, რომ მთავრობა ანაკლიის პორტის მშენებლობასთან დაკავშირებით ოფიციალურ მოქმედებებს იწყებს.  

ისრაელი F-35 ტიპის 25 თვითმფრინავს 3 მილიარდ დოლარად შეიძენს

ისრაელმა F-35-ის მესამე ესკადრილიის შეძენა დაამტკიცა. 3 მილიარდი დოლარის ღირებულების გარიგების შესახებ თავდაცვის სამინისტრომ 2 ივლისს განაცხადა.  იტყობინება Bloomberg-ი. Lockheed Martin-ის მიერ წარმოებული დამატებითი 25 თვითმფრინავი, ისრაელის საჰაერო ძალებში F-35-ების რაოდენობას 75-მდე გაზრდის. შეთანხმება დაფინანსდება თავდაცვის დახმარების პაკეტით, რომელსაც ისრაელი შეერთებული შტატებისგან მიიღებს. ისრაელი იყო პირველი ქვეყანა შეერთებულ შტატებს მიღმა, რომელმაც F-35 შეიძინა. 2018 წლის მაისში მისმა საჰაერო ძალებმა განაცხადა, რომ ისრაელი იყო პირველი, ვინც თვითმფრინავი საბრძოლო მოქმედებებში გამოიყენა.  

პრეზიდენტმა ისრაელის ტრანსპორტის მინისტრთან ქვეყნებს შორის ტრანსპორტის სფეროში თანამშრომლობის განვითარების საკითხები განიხილა

საქართველოს პრეზიდენტმა ისრაელის ტრანსპორტის მინისტრთან  შეხვედრისას ქვეყნებს შორის ტრანსპორტის და ლოგისტიკის სფეროში თანამშრომლობის განვითარების საკითხები განიხილა. პრეზიდენტის ადმინისტრაციის თანახად, მირი რეგევმა, რომელიც საქართველოს, პრეზიდენტის მოწვევით, თბილისის მე-2 საერთაშორისო კონფერენციაზე დასასწრებად ეწვია, დღეს ორბელიანების სასახლეში პრეზიდენტთან პირისპირ შეხვედრა გამართა. „საუბარი შეეხო როგორც ტრანსპორტის და ლოგისტიკის სფეროში თანამშრომლობის განვითარების, ასევე, ისრაელის საზღვაო პორტებს და საზღვაო სასწავლებლებს შორის თანამშრომლობის გაღრმავების საკითხებს. ორმხრივი ურთიერთობების განვითარების მიმართულებით, ხაზი გაესვა პირდაპირი ფრენების მნიშვნელობას. ისრაელის ტრანსპორტის მინისტრმა საქართველოს პრეზიდენტს, წლის ბოლოს ისრაელში ვიზიტთან დაკავშირებით, ისრაელის პრეზიდენტის მიწვევა გადასცა“, - წერია ინფორმაციაში. დავითაშვილი ისრაელის ტრანსპორტის მინისტრს ანაკლიის პორტის მშენებლობაზე ესაუბრა  

ისრაელის პრეზიდენტი აშშ-ში ვიზიტით ჩავა და კონგრესს სიტყვით მიმართავს

ისრაელის პრეზიდენტი ისააკ ჰერცოგი ორშაბათს ოფიციალური ვიზიტით შეერთებულ შტატებში გაემგზავრება. ჰერცოგის ოფისის განცხადებაში ნათქვამია, რომ ისრაელის პრეზიდენტი ვიზიტის დროს აშშ-ის კონგრესს სიტყვით მიმართავს და შეხვედრებს. აშშ-ის მაღალჩინოსნებთან გამართავს. ჰერცოგი თეთრ სახლში შეხვდება აშშ-ის პრეზიდენტს, ჯო ბაიდენს და ვიცე-პრეზიდენტ კამალა ჰარისს. „ვიზიტი მიზნად ისახავს „აშშ-სა და ისრაელს შორის ურთიერთობებისა და პარტნიორობის განმტკიცებას და ორ ქვეყანას შორის ღრმა კავშირების ასახვას,“ - ნათქვამია განცხადებაში. Anadolu წერს, რომ ჰერცოგის ვიზიტი აშშ-ს ადმინისტრაციასა და ისრაელის პრემიერ-მინისტრ, ბენიამინ ნეთანიაჰუს მთავრობას შორის დაძაბულობის ფონზე იმართება. მას შემდეგ, რაც ის ისრაელში ხელისუფლებაში მოვიდა გასული წლის ბოლოს, ნეთანიაჰუ ბაიდენმა თეთრ სახლში არ მიიწვია.  

ისრაელმა აღიარა მაროკოს სუვერენიტეტი დასავლეთ საჰარის სადავო ტერიტორიაზე

ისრაელმა აღიარა მაროკოს სუვერენიტეტი დასავლეთ საჰარის სადავო ტერიტორიაზე და იქ საკონსულოს გახსნას განიხილავს, ნათქვამია ისრაელის პრემიერ-მინისტრის ოფისის მიერ გავრცელებულ განცხადებაში. ამის შესახებ Reuters-ი წერს. მაროკო დასავლეთ საჰარას საკუთარ ტერიტორიად მიიჩნევს, მაგრამ ალჟირის მიერ მხარდაჭერილ პოლისარიოს ფრონტს იქ დამოუკიდებელი სახელმწიფო სურს. 2020 წელს აშშ-ის იმჟამინდელმა პრეზიდენტმა, დონალდ ტრამპმა ამ ტერიტორიაზე მაროკოს პრეტენზია მაროკოს მიერ ისრაელთან დიპლომატიური ურთიერთობების აღდგენის სანაცვლოდ აღიარა. „ისრაელის პოზიცია „გაეროს, რეგიონულ და საერთაშორისო ორგანიზაციებს გაეგზავნება," - ნათქვამია მაროკოს სამეფო სახლის განცხადებაში. მაროკო ელის, რომ გადაწყვეტილება ამ ტერიტორიაზე ისრაელის ინვესტიციებს წაახალისებს. ისრაელის სამხედროებმა მაროკოს თავდაცვის ატაშედ პოლკოვნიკი დანიშნეს. ურთიერთობების აღდგენის შემდეგ, მაროკომ და ისრაელმა თანამშრომლობის შეთანხმებებს, მათ შორის თავდაცვის პაქტს მოაწერეს ხელი.  

რაზე გაამახვილა ყურადღება ისრაელის პრეზიდენტმა აშშ-ის კონგრესში სიტყვით გამოსვლისას

ისრაელის პრეზიდენტმა განაცხადა, რომ მისი ქვეყანა ისწრაფვის საუდის არაბეთთან ურთიერთობის ნორმალიზაციისთვის, პროცესი, რომლისკენაც მას აშშ უბიძგებს. „ისრაელი მადლობას უხდის შეერთებულ შტატებს ისრაელსა და საუდის არაბეთის სამეფოს შორის, რეგიონში და მუსლიმურ სამყაროში წამყვან ერს შორის მშვიდობიანი ურთიერთობების დამყარების ძალისხმევისთვის“, - განაცხადა ისააკ ჰერცოგმა ამერიკელ კანონმდებლების წინაშე სიტყვით გამოსვლისას. „ჩვენ ვლოცულობთ ამ მომენტისთვის,” - აღნიშნა ჰერცოგმა კონგრესის წინაშე გამოსვლისას. ისრაელის პრეზიდენტმა ისააკ ჰერცოგმა ამერიკას „ჩვენი უდიდესი პარტნიორი და მეგობარი“ უწოდა. ისრაელის ჰერცოგი ამბობს, რომ ისრაელის მიმართ კრიტიკა არ უნდა გადაიზარდოს ანტისემიტიზმში. „არ მავიწყდება მეგობრების კრიტიკა, მათ შორის ამ პალატის პატივცემული წევრების მიერ გამოთქმული კრიტიკა. მე პატივს ვცემ კრიტიკას, განსაკუთრებით მეგობრების მხრიდან, თუმცა ყოველთვის არ არის საჭირო მისი მიღება. მაგრამ ისრაელის კრიტიკამ არ უნდა გადალახოს საზღვარი ისრაელის სახელმწიფოს არსებობის უფლების უარყოფით. ებრაელი ხალხის თვითგამორკვევის უფლების ეჭვქვეშ დაყენება არ არის ლეგიტიმური დიპლომატია, ეს არის ანტისემიტიზმი,“ - ჰერცოგის ამ გამონათქვამმა ოვაციები გამოიწვია. ჰერცოგი კონგრესში მას შემდეგ გამოვიდა, რაც თეთრ სახლში აშშ-ის პრეზიდენტ ჯო ბაიდენს შეხვდა. ნეთანიაჰუს მემარჯვენე მთავრობასთან დაძაბულობის მიუხედავად, ორმა ლიდერმა ხამათი ქვეყნებს შორის მჭიდრო კავშირებს გაუსვა ხაზი.  

მედია: ისრაელმა რუსეთს დეზინფორმაციის კამპანიის შეწყვეტა მოსთხოვა

ისრაელის სპეცსამსახურებმა მოთხოვნით მიმართეს რუსეთის სპეცსამსახურებს, შეწყვიტონ ისრაელის საზოგადოებაში დეზინფორმაციის კამპანია. ამის შესახებ გამოცემა Ynet-ი იტყობინება. მისივე თანახმად, ისრაელის სეგმენტში პრორუსული პროპაგანდის შემცველი ბევრი ცნობა გაჩნდა ივრითზე. მსგავსი პუბლიკაციები, ჩვეულებრივ, უკრაინისადმი მხარდაჭერის შეწყვეტისკენ მოწოდებებს შეიცავენ. ასევე ჩნდება პროვოკაციული ცნობებიც, რომლებიც ისრაელის შიდა უთანხმოებებს ეხება პოლიტიკური კრიზისისა და მოსალოდნელი სასამართლო რეფორმის ფონზე. ცნობები ისრაელის მოქალაქეთა დეზინფორმაციის კამპანიის შესახებ სასამართლო რეფორმის წინააღმდეგ მასობრივი აქციების ფონზე გაჩნდა. ხელისუფლება ქვეყნის სასამართლო სისტემის რეორგანიზაციას ცდილობს. ბენიამინ ნეთანიაჰუ არსებულ ვითარებას ანტიდემოკრატიულად მიიჩნევს, რადგან სასამართლოს შეუძლია, ხალხის მიერ არჩეული პარლამენტის ქმედებების შეზღუდვა. რეფორმის კრიტიკოსებს მიაჩნიათ, რომ ეს რეფორმა მთლიანად გაუხსნის ხელებს ნეთანიაჰუს მთავრობას, რომელიც თავად არის დადანაშაულებული კორუფციაში სისხლის სამართლის რამდენიმე საქმეში. ცნბოისთვის, პირველად რუსეთის დაზვერვას გასული წლის ნოემბერში, ისრაელში ბოლო საპარლამენტო არჩევნებამდე ცოტა ხნით ადრე დაუკავშირდნენ. მაშინ სოციალური ქსელების ისრაელურ სეგმენტში ე.წ. ინტერნეტ ტროლების აქტივობაც შეიმჩნეოდა.  

ისრაელის პრემიერი კლინიკაში გადაიყვანეს

შაბათს ღამით ისრაელის პრემიერ-მინისტრი, ბენიამინ ნეთანიაჰუ კლინიაში გადაიყვანეს. BBC-ის ცნობით, მას კარდიოსტიმულატორის იმპლამანტციისთვის მიზნით, სასწრაფო ოპერაცია ჩაუტარდა. სამედიცინო ცენტრის Sheba-ს ექიმების თქმით, ოპერაციამ კარგად ჩაიარა.  ნეთანიაჰუს ჰოსპიტალიზაცია ხდება იმ ფონზე, როდესაც პარლამენტში სასამართლო სისტემის სადავო რეფორმას უნდა უყარონ კენჭი. რეფორმის წინააღმდეგ პროტესტებმა მთელი ისრაელი მოივცა. ოპერაციის წინ ვიდეომიმართვისას ნეთანიაჰუმ განაცხადა, რომ თავს „შესანიშნავად“ გრძნობდა, მაგრამ თავისი ექიმების რჩევებს ისმენდა. გასულ კვირას ის სავარაუდოდ, დეჰიტრაციის დიაგნოზით კლინიკაში მოხვდა. ნეთანიაჰუს ოფისის განცხადებით, პრემიერს კვირას გაწერენ, თუმცა კვიპროსსა და თურქეთში დაგეგმილი ვიზიტების დრო შეიცვალა.  

ისრაელის პარლამენტმა მასობრივი პროტესტის გამომწვევ პირველ კანონპროექტს მხარი დაუჭირა

მასობრივი პროტესტის მიუხედავად, ისრაელის დეპუტატებმა უკიდურესად საკამათო კანონპროექტს მხარი დაუჭირეს. კანონი უზენაეს სასამართლოს უფლებამოსილებას ართმევს, გააუქმოს მთავრობის ქმედებები, რომლებსაც ის არაგონივრულად მიიჩნევს. BBC-ის თანახმად, ეს კანონპროექტი პირველია სადავო რეფორმების იმ სერიაში, რომელიც სასამართლოების ძალაუფლების შეზღუდვისკენ არის მიმართული. დაგეგმილმა რეფორმებმა ისრაელის ისტორიაში ყველაზე დიდი პროტესტი გამოიწვია. ხელისუფლების ოპონენტები გამოდიან გაფრთხილებით, რომ ხსენებული კანონპროექტი საფრთხეს უქმნიან ისრაელს, როგორც დემოკრატიას. მთავრობა ამტკიცებს, რომ ზომები აუცილებელია ძალაუფლების დისბალანსის გამოსასწორებლად, რომლის დროსაც სასამართლოები უფრო ხშირად ერევიან პოლიტიკურ გადაწყვეტილებებში ბოლო ათწლეულების განმავლობაში. კენჭისყრას ქნესეთის ოპოზიციონერმა დეპუტატებმა ბოიკოტი გამოუცხადეს, მაგრამ კანონის მისაღებად, მმართველი კოალიციის 64 წევრის ხმა საკმარისი იყო. ოპოზიციის ლიდერმამ, ყოფილმა პრემიერმა და საგარეო საქმეთა მინისტრმა, იაირ ლაპიდმა ქნესეთში (პარლამენტში) გამოსვლისას ამ ნაბიჯს „ექსტრემალური უმცირესობის მიერ ისრაელის უმრავლესობის ხელში ჩაგდება“ უწოდა. მისგან განსხვავებით, ისრაელის იუსტიციის მინისტრს მიაჩია, პირველი ნაბიჯი გადაიდგა ისტორიულ პროცესში სასამართლო სისტემის გამოსწორების მიზნით.“ ამ პროცესების პარალელურად, ორშაბათს დილით მომიტინგეებს, რომლებიც ქნესეთთან მდებარე ტერიტორია დაბლოკეს, წყლის ჭავლი დაუმიზნეს. ადგილობრივი მედიის ცნობით, ერთი მომიტინგე დაშავდა, ექვსი კი, დააკავეს. სხვა მომიტინგეებმა ალყა შემოარტყეს პოლიციის ფურგონს და ყვიროდნენ - „სირცხვილი“ ოფიცრებს. ერთ-ერთმა დემონსტრანტმა BBC-ს განუცხადა, რომ ის ეწინააღმდეგებოდა „დიქტატურას.“ პრემიერ მინისტრი, ბენიამინ ნეთანიაჰუ, პარლამენტში კენჭისყრაზე გამოჩნდა, მას შემდეგ, რაც კვირას საავადმყოფოდან გაწერეს. მას შაბათს სასწრაფო ოპერაცია ჩაუტარდა.  

ისტორიაში პირველად, ისრაელი „David's Sling-ის“ ტიპის საჰაერო თავდაცვის სისტემას უცხო ქვეყანას მიჰყიდის

ამერიკის შეერთებულმა შტატებმა ისრაელს ნება დართო, საჰაერო თავდაცვის სისტემა (David's Sling) „დავითის შურდული" ფინეთს მიჰყიდოს. გარიგებას აშშ-ის თანხმობა სჭირდებოდა, რადგან ეს თავდაცვის სისტემა ისრაელთან ერთად შეიმუშავა. შეთანხმების ღირებულება დაახლოებით 316 მილიონი ევროა. პირველი შემთხვევაა, როდესაც ისრაელი „დავითის შურდულის“ საჰაერო თავდაცვის სისტემას სხვა ქვეყანას მიჰყიდის. ფინეთმა NATO-ში გაწევრიანების შემდეგ განაცხადა, რომ ხსენებული სისტემის შეძენა სურდა. David's Sling-ი - მანამდე ცნობილი როგორც ჯადოსნური ჯოხი, ისრაელის თავდაცვის ძალების სამხედრო სისტემაა, რომელიც ერთობლივად არის შემუშავებული ისრაელის თავდაცვის კონტრაქტორის - Rafael Advanced Defense Systems-ისა და ამერიკის მიერ. ფინეთის თავდაცვის სამინისტრომ ისრაელიდან David's Sling-ის შეძენა 4 ივლისს დაამტკიცა, რაც მას შორ მანძილზე მოქმედი ამ საჰაერო თავდაცვის სისტემის პირველ უცხოელ მომხმარებლად აქცევს.  

ისრაელი უკრაინას მედიკამენტებს გაუგზავნის

უკრაინაში ისრაელის ელჩმა, მაიკლ ბროდსკიმ განაცხადა, რომ უახლოეს დღეებში ისრაელი უკრაინული მხარის მოთხოვნით, კიევს რამდენიმე ტონა მედიკამენტს გაუგზავნის. „დღეს შედგა საუბარი ისრაელისა და უკრაინის ჯანდაცვის მინისტრებს. უახლოეს დღეებში, უკრაინული მხარის მოთხოვნით, ისრაელი უკრაინას რამდენიმე ტონა მედიკამენტს გაუგზავნის," - წერს ბროდსკი ტელეგრამ არხზე. ნეთანიაჰუმ განმარტა, რატომ იკავებს თავს ისრაელი უკრაინისათვის იარაღის მიწოდებაზე